Tag: وزیراعظم محمد شہباز شریف

وزیراعظم محمد شہباز شریف اور ملائیشیا کے وزیراعظم داتو سری انور ابراہیم کے درمیان ٹیلی فونک گفتگو ہوئی، جس میں دونوں رہنماؤں نے دوطرفہ تعلقات، علاقائی صورتحال اور غزہ امن معاہدے پر تبادلہ خیال کیا۔

وزیراعظم ہاؤس کے مطابق وزیراعظم شہباز شریف کو آج شام ملائیشین ہم منصب کا ٹیلی فون موصول ہوا۔ انہوں نے حالیہ دورۂ کوالالمپور کے دوران ملائیشیا کی قیادت اور عوام کی جانب سے فراہم کی گئی گرمجوش میزبانی پر شکریہ ادا کیا۔شہباز شریف نے کہا کہ دورے کے دوران طے پانے والے معاہدے، خصوصاً حلال گوشت کی برآمدات اور باہمی تعاون کے دیگر شعبے، پاکستان اور ملائیشیا کے تعلقات کو نئی بلندیوں تک لے گئے ہیں۔اعلامیے میں بتایا گیا کہ دونوں رہنماؤں نے علاقائی صورتحال پر بھی بات چیت کی۔ وزیراعظم شہباز شریف نے اپنے ملائیشین ہم منصب کو شرم الشیخ میں ہونے والی غزہ امن معاہدے کی دستخطی تقریب میں اپنی شرکت سے آگاہ کیا۔

دونوں رہنماؤں نے اس امن معاہدے کا خیر مقدم کرتے ہوئے امید ظاہر کی کہ اس سے فلسطینی عوام کی تکالیف میں کمی، انسانی امداد کی بلا روک ٹوک فراہمی اور خطے میں پائیدار امن کے قیام میں مدد ملے گی۔وزیراعظم شہباز شریف نے گفتگو کے دوران پاک۔افغان سرحدی صورتحال پر بھی روشنی ڈالی اور واضح کیا کہ پاکستان افغانستان میں امن و استحکام چاہتا ہے، تاہم اسے افغان سرزمین سے ہونے والی سرحد پار دہشت گردی کا مسلسل سامنا ہے۔انہوں نے زور دیا کہ افغان حکام ایسے دہشت گرد نیٹ ورکس کے خلاف فوری اور مؤثر کارروائی کریں جو پاکستان میں حملوں کی منصوبہ بندی کرتے ہیں۔

وزیراعظم نے بتایا کہ پاکستان نے افغان حکام کی درخواست پر دوحہ میں مذاکرات کی سہولت کے لیے عارضی جنگ بندی پر اتفاق کیا تھا، تاہم تمام دہشت گرد گروہوں بشمول فتنۃ الخوارج، فتنۃ الہندستان، کالعدم تحریک طالبان پاکستان (ٹی ٹی پی) اور بی ایل اے کے خلاف سخت کارروائی ضروری ہے تاکہ سرحدی علاقوں میں امن بحال کیا جا سکے۔ملائیشیا کے وزیراعظم انور ابراہیم نے صورتحال پر تشویش کا اظہار کرتے ہوئے خطے میں کشیدگی میں کمی اور امن و استحکام کی بحالی کے لیے تعمیری کردار ادا کرنے کی پیشکش کی

پی سی بی نے سہ فریقی ٹی 20 سیریز کے لیے زمبابوے کو فائنل کر لیا

وزیراعظم محمد شہباز شریف سے بیلاروس کے وزیر داخلہ ایون کبراکوو نے وفد کے ہمراہ وزیراعظم ہاؤس اسلام آباد میں ملاقات کی۔

وزیراعظم نے معزز مہمان کو پاکستان آمد پر خوش آمدید کہا اور کہا کہ پاکستان اور بیلاروس کے دوستانہ تعلقات وقت کے ساتھ مزید مضبوط ہو رہے ہیں۔وزیراعظم نے اپنے حالیہ دورہ بیلاروس کا ذکر کرتے ہوئے صدر الیگزینڈر لوکاشینکو کے لیے نیک خواہشات کا اظہار کیا۔ انہوں نے بتایا کہ اس دورے کے دوران دونوں ممالک کے درمیان متعدد معاہدوں اور مفاہمتی یادداشتوں پر دستخط ہوئے۔ وزیراعظم نے خوشی کا اظہار کیا کہ آج پاکستان اور بیلاروس کے درمیان ہنر مند افراد کی ملازمتوں سے متعلق مفاہمتی یادداشت پر بھی دستخط ہو گئے ہیں۔ انہوں نے کہا کہ پاکستان بیلاروس کے صدر کے دورہ پاکستان کا منتظر ہے۔

ایون کبراکوو نے پرتپاک استقبال پر شکریہ ادا کیا اور وزیراعظم کو صدر بیلاروس کا نیک خواہشات کا پیغام پہنچایا۔ انہوں نے کہا کہ بیلاروس پاکستان کے ساتھ زراعت اور صنعت سمیت مختلف شعبوں میں تعاون کو فروغ دینا چاہتا ہے۔ انہوں نے وفاقی وزیر داخلہ محسن نقوی اور وزیر سمندر پار پاکستانی و انسانی وسائل چوہدری سالک حسین سے ہونے والی ملاقاتوں کو تعلقات کے فروغ کے لیے انتہائی مفید قرار دیا۔

وفود کی سرگرمیاں اور معاہدے
وفاقی وزیر داخلہ محسن نقوی نے وزیراعظم کو آگاہ کیا کہ بیلاروس کے وفد نے نادرا کا دورہ بھی کیا۔ وزیر سمندر پار پاکستانی و ترقی انسانی وسائل چوہدری سالک حسین نے بتایا کہ ہنر مند پاکستانیوں کو بیلاروس بھجوانے کے حوالے سے مفاہمتی یادداشت پر دستخط ہو گئے ہیں جس کے بعد اس عمل کا باقاعدہ آغاز ہوگا۔ بیلاروس پاکستانی ہنر مند افراد کو میڈیکل اور سماجی تحفظ کی سہولیات بھی فراہم کرے گا۔

وزیراعظم سے ایشیائی ترقیاتی بینک کے صدر کی ملاقات

چیئرمین پبلک اکاؤنٹس کمیٹی جنید اکبر کا استعفیٰ

وزیراعظم محمد شہباز شریف سے ایشیائی ترقیاتی بینک (اے ڈی بی) کے صدر مساتو کانڈا نے وفد کے ہمراہ وزیراعظم ہاؤس اسلام آباد میں ملاقات کی۔

وزیراعظم نے مساتو کانڈا کو پاکستان آمد پر خوش آمدید کہا اور پاکستان کے ساتھ اے ڈی بی کی دیرینہ شراکت کو سراہا۔وزیراعظم نے کہا کہ ایشیائی ترقیاتی بینک ہمیشہ پاکستان کی ترقی و خوشحالی کے سفر میں ایک قابلِ اعتماد شراکت دار رہا ہے۔ اے ڈی بی کی بڑے منصوبوں میں شمولیت پاکستان کی معیشت میں انقلابی تبدیلی لاسکتی ہے۔ انہوں نے ریلوے، پبلک ٹرانسپورٹ اور معدنیات کے شعبوں میں شراکت داری کو آگے بڑھانے پر زور دیا۔

وزیراعظم نے وفد کو حکومت کی اصلاحات سے بھی آگاہ کیا جن میں ٹیکس محصولات میں اضافہ، توانائی کے شعبے کی بہتری، مالی استحکام، موسمیاتی تبدیلی سے نمٹنے کے اقدامات، غیر ہدف شدہ سبسڈی میں کمی اور سماجی تحفظ میں اضافہ شامل ہیں۔صدر مساتو کانڈا نے پاکستان کے ساتھ بینک کی طویل وابستگی کو سراہا اور جامع اصلاحات کرنے پر حکومت پاکستان کی تعریف کی۔ انہوں نے پاکستان میں انفراسٹرکچر کی ترقی، ماحولیاتی تبدیلی کے شعبے اور ادارہ جاتی اصلاحات میں تعاون بڑھانے کے عزم کا اعادہ کیا۔

ملاقات میں وفاقی وزیر اقتصادی امور احد خان چیمہ، وزیر خزانہ محمد اورنگزیب، وزیر پاور ڈویژن سردار اویس احمد لغاری، وزیر ریلوے حنیف عباسی، وزیر مملکت برائے خزانہ و ریلوے بلال اظہر کیانی اور اعلیٰ سرکاری افسران شریک تھے۔

سیالکوٹ: صوبائی وزیر بلدیات میاں ذیشان رفیق کا نشیبی علاقوں کا دورہ، عوام کے نقصان کے ازالے کا اعلان

پنجاب میں سیلابی صورتحال، ریلوے نے ٹرینوں کے شیڈول میں تبدیلی کر دی

وزیراعظم محمد شہباز شریف سے جاپان کے بین الاقوامی تعاون بینک کے شعبہ مائننگ اور میٹل فائنانس کے ڈائریکٹر جنرل تارو کاٹو نے ملاقات کی-

وزیراعظم نے کہا کہ پاکستان جاپان کے ساتھ سفارتی اور معاشی تعاون کو قدر کی نگاہ سے دیکھتا ہے اور دونوں ممالک کے درمیان صنعت و تجارت میں ماضی کا اشتراک انتہائی مثبت رہا ہے، پاکستان اور جاپان معاشی تعاون کی تجدید نو کے لیے پرعزم ہیں اور حکومت جاپانی سرمایہ کاروں اور بینکوں کو ملک میں سرمایہ کاری کے لیے ہر ممکن سہولتیں فراہم کرے گی۔

وزیراعظم نے کہا کہ زراعت، آئی ٹی، ٹیکسٹائل اور دیگر شعبوں میں جاپانی ٹیکنالوجی اور پیشہ ورانہ مہارت سے پاکستان خاطر خواہ فائدہ حاصل کر سکتا ہے انہوں نے بتایا کہ عالمی مالیاتی ادارے اور بین الاقوامی سرمایہ کار پہلے ہی پاکستان کے بڑے معاشی اور ترقیاتی منصوبوں میں بھرپور دلچسپی کا اظہار کر رہے ہیں، پاکستان کی کم لاگت والی افرادی قوت سرمایہ کاروں کو مسابقتی ماحول فراہم کرتی ہے اور حکومت ملک کو سرمایہ کاروں کے لیے محفوظ اور پرکشش بنانے کے لیے پرعزم ہے۔

ایمن خان اور منیب بٹ کے ہاں تیسری بچی کی پیدائش

اس موقع پر جاپان کے بین الاقوامی تعاون بینک کے ڈائریکٹر جنرل تارو کاٹو نے حکومت پاکستان اور عوام کی مہمان نوازی پر شکریہ ادا کیا انہوں نے کہا کہ جاپانی سرمایہ کاروں اور بینکوں کی پاکستان میں معاشی منصوبوں میں دلچسپی بڑھ رہی ہے اور جاپان تعاون کو مزید وسعت دینے کا خواہاں ہے۔

آبی گزرگاہوں پر قبضہ کرنے والوں کو پھانسی دینے کی تجویز

وفاقی کابینہ نے یوٹیلٹی اسٹورز کو تحلیل کرنے اور خصوصی اقتصادی زونز قانون 2012 میں ترمیم کی منظوری دے دی،جس کے تحت کارپوریشن کے تمام ملازمین بھی فارغ ہوں گے۔

وزیراعظم محمد شہباز شریف کی زیر صدارت وفاقی کابینہ کا اجلاس منعقد ہوا، وزیراعظم و وفاقی کابینہ نے ملک بھر میں بارشوں و سیلابی صورتحال میں جاں بحق ہونے والوں کیلئے خصوصی دعا کی،وہ کابینہ ارکان جنہوں نے سیلاب سے متاثرہ علاقوں کا دورہ کیا اور ریسکیو و ریلیف کے اقدامات کی نگرانی کی وزیراعظم نے ان کا خصوصی شکریہ ادا کیا،اجلاس کے دوران وزرات قومی غذائی تحفظ و تحقیق کی سفارش پر کابینہ میں یوریا کی قیمتوں میں توازن کے حوالے سے سفارشات پیش کی گئیں۔

وزیرِاعظم نے کہا کہ کسانوں کی پیداوار میں اضافے کیلئے ان کی پیداواری لاگت کو کم کرنا ہوگا، وزیرِ اعظم نے اس حوالے سے وزیرِ ماحولیاتی تبدیلی، ڈاکٹر مصدق ملک، وزیرِ پیٹرولیم علی پرویز ملک، وزیرِ قومی غذائی تحفظ رانا تنویر حسین، مشیر وزیرِ اعظم محمد علی اور معاون خصوصی صنعت ہارون اختر پر مشتمل کمیٹی تشکیل دے دی،وفاقی کابینہ کو وزرات صنعت و پیداوار کی جانب سے یوٹیلٹی اسٹورز کارپوریشن کی تحلیل کی سمری منظوری کیلئے پیش کی گئی جسے کابینہ نے متفقہ طور پر منظور کرلیا۔

اجلاس کو بتایا گیا کہ 31 جولائی سے ملک بھر میں یوٹیلٹی اسٹورز کا آپریشن ختم کر دیا گیا ہے، تحلیل کے دوران وزیراعظم کی ہدایت پر ملازمین کے حقوق کا مکمل خیال رکھا جائے گا، وزیرِ اعظم کی اس عمل کو شفاف طریقے سے حتمی شکل دینے اور ملازمین کے حقوق کے حوالے سے تمام تر قانونی و دیگر ضابطوں کو مد نظر رکھنے کی ہدایت کی گئی ہے۔

وفاقی کابینہ نے ملکی صنعتی ترقی اور نئی صنعتوں کے قیام کی حوصلہ افزائی کیلئے خصوصی اقتصادی زونز قانون 2012ء میں ترمیم کی اصولی منظوری دے دی، نئی ترامیم کے تحت خصوصی اقتصادی زونز کو مزید کاروبار و سرمایہ کار دوست ماحول فراہم کیا جائے گا جس سے صنعتوں کی تعمیر کی رفتار میں اضافہ ہوگا۔

وزیراعظم نے کہا کہ ملکی صنعتی ترقی کے لیے کاروبار اور سرمایہ کار دوست ماحول فراہم کرنا انتہائی ضروری ہے، اللہ کے فضل و کرم سے ملکی معیشت مستحکم اور ترقی کی راہ پر گامزن ہے، صنعتوں کی تعمیر سے ملکی برآمدات اور روزگار میں اضافہ ہوگا،وزیراعظم نے ادویات کی قیمتوں میں اضافے پر سخت برہمی کا اظہار کرتے ہوئے ادویات کی قیمتوں کے تعین کی سمری واپس کردی۔

وفاقی کابینہ نے کابینہ ڈویژن کی سفارش پر قومی اقتصادی کونسل کی مالی سال 2023-24 کی سالانہ رپورٹ کو پارلیمنٹ کے سامنے پیش کرنے کی منظوری دے دی،وفاقی کابینہ نے اقتصادی رابطہ کمیٹی (ECC) کے 19 اگست 2025 کو منعقدہ اجلاس اور کابینہ کمیٹی برائے قانون سازی کیسز (CCLC) کے 18 اگست 2025 کو منعقدہ اجلاس میں کئے گئے فیصلوں کی بھی توثیق کر دی۔

یاد رہے کہ وزارت صنعت و پیداوار نے 31 جولائی کو ملک بھر کے یوٹیلیٹی اسٹورز کو بند کرنے کا باقاعدہ نوٹیفکیشن جاری کیا تھا۔ یوٹیلیٹی اسٹورز وزیراعظم شہباز شریف اور بورڈ آف ڈائریکٹرز کی منظوری کے بعد بند کیے گئے تھےوزارت صنعت وپیداوار کی جانب سے جاری نوٹیفکیشن میں کہا گیا تھا کہ 31 جولائی 2025 سے یوٹیلٹی اسٹورز پر تمام خرید و فروخت ختم کردی جائے جبکہ کرائے پر حاصل کیے گئے اسٹورز کو یکم اگست سے خالی کرنے کے نوٹسز بھی جاری کیے گئے تھےوزیراعظم شہباز شریف نے ملازمین کے لیے رضاکارانہ علیحدگی (وی ایس ایس) پیکج کی فراہمی کی ہدایت بھی کی تھی۔

وزیراعظم محمد شہباز شریف اور امیر جماعت اسلامی حافظ نعیم الرحمان کے درمیان ٹیلیفونک رابطہ ہوا، جس میں دونوں رہنماؤں نے غزہ میں اسرائیلی بربریت پر گہری تشویش کا اظہار کیا۔

وزیراعظم نے اسرائیل کی جانب سے غزہ میں امدادی اشیاء کی ترسیل کی بندش اور اس کے نتیجے میں پیدا ہونے والی شدید غذائی قلت کی شدید الفاظ میں مذمت کی۔ وزیراعظم کا کہنا تھا کہ غزہ میں صہیونی مظالم روز بروز بڑھتے جا رہے ہیں، جنہیں عالمی برادری کی طرف سے روکنے کی اشد ضرورت ہے۔ پاکستان، فلسطینی عوام کی ہر سطح پر سفارتی اور اخلاقی حمایت جاری رکھے گا اور اقوامِ عالم کے ہر فورم پر فلسطینیوں کی آواز بن کر صہیونی ظلم و ستم کے خلاف مؤثر انداز میں آواز بلند کرتا رہے گا۔

وزیراعظم نے مزید کہا کہ حکومت پاکستان غزہ میں امداد کی بحالی اور بھوک سے سسکتے بچوں اور خواتین تک ضروری اشیاء کی فراہمی یقینی بنانے کے لیے سفارتی کوششیں جاری رکھے ہوئے ہے۔انہوں نے الخدمت فاؤنڈیشن کی جانب سے ملک گیر مہم کے ذریعے غزہ میں امدادی سامان کی فراہمی کو سراہتے ہوئے جماعت اسلامی کے اس اقدام کی تعریف کی۔

ٹیلیفونک گفتگو کے دوران امیر جماعت اسلامی حافظ نعیم الرحمان نے کہا کہ فلسطینی قیادت نے ان سے رابطہ کر کے وزیراعظم پاکستان سے اپیل کی ہے کہ وہ جنگ بندی اور امدادی راہداری کی بحالی کے لیے قائدانہ کردار ادا کریں۔انہوں نے کہا کہ فلسطینی عوام اور پوری مسلم اُمہ پاکستان سے بڑی امیدیں وابستہ کیے ہوئے ہیں، اس لیے وزیراعظم اسلامی ممالک اور عالمی برادری سے خصوصی روابط قائم کریں اور فعال لیڈنگ رول ادا کریں۔

برطانیہ کا اردن کے ساتھ مل کر غزہ میں فضائی امداد پہنچانے کا منصوبہ

اسحاق ڈار فلسطین عالمی کانفرنس میں شرکت کے لیے نیویارک پہنچ گئے

ٹرمپ کی بجٹ کٹوتی،ناسا 3,870 ملازمین سے محروم

وزیراعظم محمد شہباز شریف نے پاکستان کے پہلے اسکلز ایمپیکٹ بانڈ کی منظوری دیتے ہوئے کہا ہے کہ یہ جدید ماڈل نوجوانوں کو ہنر مند اور روزگار کے قابل بنانے کے لیے نجی سرمایہ کاری کو راغب کرے گا، جو ملک کی اقتصادی ترقی میں اہم کردار ادا کرے گا۔

سرکاری خبر رساں ادارے کے مطابق، وزیراعظم کی زیر صدارت نوجوانوں کو روزگار فراہم کرنے سے متعلق روڈمیپ پر جائزہ اجلاس اسلام آباد میں منعقد ہوا، جس میں مختلف سرکاری اداروں کی اب تک کی کارکردگی پر بریفنگ دی گئی۔وزیراعظم نے اجلاس سے خطاب کرتے ہوئے کہا کہ پاکستان کے نوجوان قوم کا سب سے قیمتی اثاثہ ہیں، جنہیں جدید تقاضوں سے ہم آہنگ تعلیم اور ہنر فراہم کر کے ملک کی تقدیر بدلی جا سکتی ہے۔ انہوں نے کہا کہ پاکستانی نوجوان دنیا بھر میں ملک کا نام روشن کر رہے ہیں۔

شہباز شریف نے ہدایت دی کہ پاکستان اور بیرون ملک موجود روزگار کے مواقع پر مبنی جامع روڈمیپ تیار کیا جائے اور ہر دو ماہ بعد اس پر پیش رفت کا جائزہ لیا جائے گا۔انہوں نے اس بات پر زور دیا کہ نوجوانوں کو ایسی تربیت دی جائے جو ان کے لیے عملی زندگی میں مددگار ہو اور جس سے وہ نہ صرف ملک میں بلکہ بیرون ملک بھی بہتر روزگار حاصل کر سکیں۔

وزیراعظم نے بیرون ملک روزگار حاصل کرنے کے لیے مقامی زبانوں کی تربیت کے مواقع فراہم کرنے، ڈیجیٹل یوتھ حب پر روزگار کی آگاہی مہم چلانے اور ہنر مند افراد کی تیاری کو ترجیح دینے کی ہدایات بھی جاری کیں۔اجلاس کو بتایا گیا کہ حکومت کی جانب سے نوجوانوں کے لیے روزگار اور ہنر کی فراہمی سے متعلق اقدامات کیے جا رہے ہیں۔ ڈیجیٹل یوتھ حب کے تحت اب تک 5 لاکھ سے زائد نوجوان رجسٹر ہو چکے ہیں، 17 لاکھ سے زائد ایپ ڈاؤن لوڈز ہو چکی ہیں، جب کہ 500 سے زائد کمپنیاں اور 500 سے زائد سرکاری و نجی ادارے، بشمول اقوام متحدہ، پورٹل سے منسلک ہو چکے ہیں۔

اس وقت ڈیجیٹل یوتھ حب پر پاکستان میں 47 ہزار اور بیرون ملک ایک لاکھ سے زائد ملازمتوں کے مواقع موجود ہیں، جب کہ 2 ہزار سے زائد اسکالرشپ پروگرامز بھی دستیاب ہیں۔ وزیراعظم نے ان اقدامات پر اطمینان کا اظہار کیا اور مزید بہتری کی ہدایت کی۔

نیو میکسیکو کی یونیورسٹی میں فائرنگ، ایک شخص ہلاک، کیمپس بند

چلاس میں آلودہ پانی سے پیٹ کے امراض میں اضافہ

لیاری عمارت حادثہ: سعید غنی نے ذمہ داری قبول کر لی