Tag: وزیراعظم

نئے چیئرمین ارسا کی تعیناتی کا عمل روک دیا گیا،وزیراعظم شہباز شریف نے چیئرمین ارسا کی تقرری کی سمری کے احکامات واپس لے لیے

وزیراعظم نےگزشتہ روز گریڈ 22 کے ریٹائرڈ افسر ظفر محمود کو چیئرمین ارسا تعینات کیا تھا،وزیراعلیٰ سندھ مراد علی شاہ نے چیئرمین ارسا کی تعیناتی پر تحفظات کا اظہار کیا تھا،وزیراعظم آفس نے چیئرمین ارسا کی تقرری کی سمری واپس لینے کا حکم نامہ جاری کردیا

قبل وزیر آبپاشی سندھ جام خان شورو نے کہا تھا کہ وزیراعظم شہباز شریف اور وزیر اعلیٰ سندھ مراد علی شاہ کے درمیان رابطہ ہوا ہے،وزیر آبپاشی نے بتایا کہ وزیراعظم شہباز شریف نے چیئرمین ارسا کی تعیناتی کا نوٹی فکیشن واپسی لینے کی یقین دہانی کرائی اور کہاکہ ظفر محمود کی بطور چیئرمین ارسا کی تعیناتی کا نوٹیفکیشن واپس لیا جائے گا،

وزیراعلیٰ سندھ سید مراد علی شاہ کا مؤقف تھا کہ سی سی آئی میں طے ہو چکا کہ چیئرمین کی تعیناتی روٹیشن بنیاد پر صوبوں کے ممبر سے ہوگی جس پر وزیر اعظم نے وزیر اعلیٰ سندھ اور محکمہ آبپاشی سندھ کے مؤقف کو مان لیا ہے۔

سندھ حکومت نے انڈس ریور سسٹم اتھارٹی (ارسا) کے چیئرمین کی تعیناتی مسترد کرتے ہوئے نوٹیفکیشن واپس لینے کا مطالبہ کیا تھامراد علی شاہ کا کہنا تھا کہ نہ صرف تعیناتی بلکہ جس شخص کو تعینات کیا گیا اس پر بھی اعتراض ہے، ارسا کا مقصد ہی یہ تھا کہ اس میں وفاق کا کوئی اثر انداز نہ ہو، نگران حکومت نے آرڈیننس سے ترمیم کردی کہ وفاق کا ایک نمائندہ ارسا کا ممبر ہوگا

وزیراعلٰی سندھ سید مراد علی شاہ کا کہنا تھا کہ اتحاد نہیں ہے سپورٹ ہے، پاکستان پیپلز پارٹی کی پاکستان مسلم لیگ ن کو سپورٹ ہے ، اتحاد نہیں اور سپورٹ بلکل ان کیساتھ رہے گی لیکن کچھ باتوں پر ہمارا مؤقف بہت واضح ہے

میرے قتل کی سپاری دی گئی ،شواہد موجود ہیں،شیر افضل مروت کا مریم نواز پر سنگین الزام

مجھے اپنی جماعت میں جگہ بنانے کیلئے بارہ برس بہت زیادہ محنت کرنا پڑی،مریم نواز

پاکستانیوں کو خادم مل گیا،وزیر اعلیٰ پنجاب مریم نواز شریف

پیس پلازہ میں آتشزدگی،وزیراعلیٰ پنجاب مریم نواز کا نوٹس

وزیراعظم شہباز شریف کی عوامی نیشنل پارٹی کے سربراہ اسفندیار ولی خان کی اہلیہ کے انتقال پر تعزیت کے لئے ان کی رہائش گاہ آمد ہوئی ہے،

اسفند یار ولی خان کی رہائش گاہ پر وزیراعظم شہباز شریف نے ان کے بیٹے اور اے این پی کے رہنما ایمل ولی خان سے ملاقات کی، وزیراعظم شہباز شریف نے مرحومہ کے لئے فاتحہ اور بلندیء درجات کی دعا کی ،وزیراعظم نے مرحومہ کے خاندان سے اظہار تعزیت اور صبر جمیل کی دعا کی، اس موقع پر وفاقی وزیر خارجہ اسحاق ڈار ، وفاقی وزیر دفاع خواجہ آصف ، وفاقی وزیر اسٹیٹ اینڈ فرنٹیئر ریجنز امیر مقام اور سابق رکن قومی اسمبلی اور اے این پی کے رہنما غلام احمد بلور ، سابق رکن صوبائی اسمبلی خیبر پختونخوا اختیار ولی بھی موقع پر موجود تھے۔

اخراجات کم کرنے کے لیےکمیٹی تشکیل
وزیراعظم شہباز شریف نے وفاقی حکومت کے اخراجات کم کرنے کے لیےکمیٹی تشکیل دے دی ہے,وزیراعظم شہباز شریف کی جانب سے تشکیل دی جانے والی کمیٹی کے چیئرمین، ڈپٹی چیئرمین پلاننگ کمیشن ہوں گے،کمیٹی 7 ممبران پر مشتمل ہوگی جس میں سیکرٹری کابینہ ڈویژن، سیکرٹری فنانس ڈویژن، سیکرٹری آئی اینڈ پی، ڈاکٹر قیصر بنگالی، ڈاکٹر فرخ سلیم اور ڈاکٹر محمد نوید افتخار شامل ہیں،کابینہ ڈویژن نے کمیٹی کی تشکیل نوٹیفکیشن جاری کردیا ہے، وزیراعظم کی جانب سے بنائی جانے والی کمیٹی کا مقصد ادارہ جاتی اصلاحات اور وفاقی حکومت کا سائز کم کرنا ہوگا، کمیٹی اخراجات میں کمی لانے کے لیے ٹی آر اوز طے کرے گی اور اخراجات میں کمی لانے کے لیے عملی منصوبہ پیش کرے گی جب کہ کمیٹی فنانس ڈویژن کی قومی کفایت شعاری رپورٹ کا جائزہ بھی لے گی،کمیٹی اخراجات کو کم کرنے کے لیے پنشن اسکیم، پی ایس ڈی پی یا دوسری تجاویز دے گی جب کہ کمیٹی ضروری سمجھنے پر سرکاری یا نجی شعبے سے کسی بھی شخص کی مدد لے سکے گی، کمیٹی اپنی رپورٹ ایک ہفتے کے اندر وزیراعظم کے سامنے پیش کرے گی

وزیر اعظم شہباز شریف کا یوٹیلیٹی سٹور اسلام آباد کا اچانک دورہ، اس موقع پر میڈیا سے بات کرتے ہوئے وزیراعظم شہباز شریف کاکہنا تھا کہ رمضان پیکیج کے حصول کیلئے آئے مستحقین کو کسی قسم کی مشکل کا سامنا نہ کرنا پڑے،بے نظیر انکم سپورٹ کی ماہانہ رقم میں اضافہ کیا ہے،چاول، دالیں اور دیگر اشیا کی قیمتوں میں 30 فیصد کمی کی گئی ہے،گھی کی قیمت میں 100 روپے فی کلو کمی کی گئی ہے،شہریوں کو سستا آٹا فراہم کر رہے ہیں،یوٹیلیٹی اسٹورز پر تمام اشیا وافرمقدار میں موجود ہیں،12 ارب روپےکا رمضان پیکیج تقسیم کیا جائےگا،بی آئی ایس پی میں رجسٹرڈ افراد کو 10 ہزار روپے فی کس دیا جائےگا ،یوٹیلیٹی اسٹورز پر اچھے انتظامات کیے گئے ہیں،پورے پروگرام سے 4 کروڑ افراد مستفید ہوں گے،کفالت پروگرام کےتحت لاکھوں افرادکو رقم دی جا رہی ہے،

سائفر کیس،یہ کہتے تھے ضمانت کا حق نہیں ، سپریم کورٹ نے ضمانت بھی دی،سلمان صفدر

عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

 بنی گالہ میں سارے سودے ہوتے تھے کہا گیا میرا تحفہ میری مرضی

عمران خان جیل میں شاہانہ زندگی گزار رہے ہیں، وفاقی وزیر اطلاعات

عمران خان سے ملاقات نہ کرانے پر توہین عدالت کی درخواست، نوٹس جاری

اب بتا رہا ہوں پاکستان میں سری لنکا والا کام ہونے جا رہا ، کوئی ڈیل کی بات نہیں ہو رہی، عمران خان

وفاقی وزیر اطلاعات و نشریات عطا تارڑ نے کہا ہے کہ بطور وزیر اطلاعات پوری کوشش ہوگی کہ میڈیا ورکرز اور صحافیوں کی فلاح و بہبود کے لئے اقدامات اٹھاﺅں،وزارت اطلاعات کے دروازے صحافیوں کے لئے کھلے ہیں، میری کوشش ہوگی کہ حکومت اور میڈیا کے درمیان پل کا کردار ادا کروں

عطا تارڑ کا کہنا تھا کہ وزیر اعظم شہباز شریف نے منصب سنبھالتے ہی معیشت کو درپیش چیلنجز سے نمٹنے کی حکمت عملی پر کام شروع کیا،گزشتہ روز بلومبرگ نے پاکستان کی معیشت کو صلاحیت رکھنے کے حوالے سے وزیر اعظم کا ذکر ہوا،بلومبرگ نے محمد اورنگزیب کے وزیر خزانہ انتخاب کو بہترین انتخاب قرار دیا،بلوم برگ نے وزیر اعظم کی معاشی پالیسیوں کا ذکر کیا،
وزیر خزانہ محمد اورنگزیب عالمی سطح پر تجربہ کار معیشت دان ہیں، کچھ سیاستدان اپنی سیاست کی خاطر ریاست کا نقصان کر رہے ہیں،کسی کو معیشت کو نقصان پہنچانے کی اجازت نہیں دیں گے، یہ وہی لوگ ہیں جنہوں نے 9 مئی کو حملے کر کے شہداءکی یادگاروں کو مسمار کیا، پی ٹی آئی نے سائفر کی سازش کی اور عالمی سطح پر پاکستان کے تعلقات کو خراب کرنے کی کوشش کی،جھوٹ پر مبنی مہم کے ذریعے ملکی معیشت داﺅ پر لگانے کی کوششیں کی جا رہی ہیں،

عطا تارڑ کا مزید کہنا تھا کہ اڈیالہ جیل کے قریب تخریب کاری کی اطلاعات پر ملاقاتوں پر پابندی عائد کی گئی، یہ بے بنیاد بات ہے کہ عمران خان کو جیل میں سہولیات نہیں دی جا رہیں،عمران خان جیل میں شاہانہ زندگی گزار رہے ہیں اُن کے زیراستعمال 3 کمرے ہیں، ہفتے میں 4 ملاقاتوں کی اجازت ہےایکسرسائز کے لئے سائیکل دی گئی ہے، سیکیورٹی خدشات کے باعث اڈیالہ میانوالی اور ڈی جی خان کی جیلوں کا سیکیورٹی آڈٹ کیا جا رہا ہے،چند جیلوں کے اندر تخریب کاری کے خدشہ کے پیش نظر پنجاب حکومت کی طرف سے لیٹر جاری کیا گیا،سیکورٹی آڈٹ کنڈکٹ کرنا پنجاب حکومت کی ذمہ داری تھی، بانی پی ٹی آئی سمیت تمام قیدیوں کی سیکورٹی یقینی بنانا جیل حکام اور متعلقہ حکومت کی ذمہ داری ہوتی ہے،اڈیالہ جیل پنجاب کے محکمہ داخلہ کا ایک اٹیچڈ ڈیپارٹمنٹ ہے،جیل مینوئل کے اندر تمام قواعد و ضوابط درج ہیں،

وفاقی وزیر اطلاعات عطا تارڑ کا مزید کہنا تھا کہ پی ٹی آئی یورپی یونین کو غلط بیانی پر مبنی بیانیہ دے کر پاکستان کے خلاف سازش کر رہی ہے،پی ٹی آئی نے بانی چیئرمین کو سہولیات کا بہانہ بنا کر پاکستان کے جی ایس پی پلس اسٹیٹس پر حملہ کیا ہے، تحریک انصاف نے یورپی یونین سے رابطہ کر کے کہا ہے کہ پاکستان کا جی ایس پی پلس اسٹیٹس واپس لیا جائے، خط میں یہ بھی کہا گیا ہے کہ عمران خان کو جیل میں سہولت نہیں دی جا رہی ،انشاءاللہ پاکستان کا جی ایس پی اسٹیٹس قائم و دائم رہے گا،،پی ٹی آئی کے ترجمانوں کو جیل سے پاکستان کو نقصان پہنچانے کی ہدایات مل رہی ہیں،

سماعت سے محروم بچوں کے لئے بڑی خوشخبری

سماعت سے محروم بچوں کے والدین گھبرائیں مت،آپ کا بچہ یقینا سنے گا

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

وزیرِ اعظم شہباز شریف کی زیرِ صدارت آئی ٹی شعبے کے حوالے سے اعلی سطحی جائزہ اجلاس ہوا

وزیرِ اعظم نے ملکی آئی ٹی برآمدات بڑھانے کیلئے جامع روڈ میپ بنا کر پیش کرنے کی ہدایت کر دی،اجلاس کو ملک میں آئی ٹی شعبے کے حوالے سے تفصیلی بریفنگ دی گئی،جون 2023 میں وزیرِ اعظم کی جانب سے دیئے گئے 5 ارب کے آئی ٹی پیکیج پر پیش رفت پر بریفنگ دی گئی،آئی ٹی شعبے کی برآمدات میں گزشتہ برس کے مقابلے رواں برس کے پہلے 7 ماہ میں 13 فیصد اضافہ ہوا ہے، اسکلز پروگرام کے تحت اس وقت 17 بیچز میں تقریباً 40 لاکھ طلباء و طالبات کو آئی ٹی کی ٹریننگ دی جا چکی ہے، ٹریننگ حاصل کرنے والوں میں 28 فیصد تعداد خواتین کی ہے، فری لانسزر کی تعداد کے حوالے سے پاکستان دنیا کا دوسرا بڑا ملک ہے،پاکستان اپنی آئی ٹی مصنوعات 170 ممالک کو برآمد کرتا ہے،

وزیراعظم شہباز شریف کا کہنا تھا کہ گزشتہ برس، پاکستانی اسٹارٹ اپس میں 400 ملین ڈالر کی سرمایہ کاری ہوئی، پاکستان کے آئی ٹی شعبے میں سرمایہ کاری اور برآمدات میں اضافے کیلئے تمام ضروری قانونی و پالیسی اقدامات اٹھائے جائیں، ملک میں اربوں ڈالر کی آئی ٹی برآمدات کی استعداد سے بھرپور فائدہ اٹھانے کیلئے اقدامات اٹھائیں گے.نوجوانوں کو آئی ٹی کے شعبے میں تعلیم و ہنر اور اسٹارٹ اپس کو درکار سہولیات فراہم کریں گے.گزشتہ دور حکومت میں آئی ٹی کی صنعت کیلئے جن منصوبوں کا آغاز کیا ان کے مثبت نتائج آرہے ہیں. اسٹارٹ اپس، فری لانسرز اور آئی ٹی کمپنیوں کے بنکاری سے متعلق تمام مسائل کو حل کیا،رواں برس آئی ٹی برآمدات کا متوقع حجم 3 ارب ڈالر سے ذیادہ ہے، اسپیشل ٹیکنالوجی زونز کے حوالے سے بھی ایک جامع رپورٹ مرتب کرکے پیش کی جائے، پاکستان کے آئی ٹی کے شعبے کو بین الاقوامی معیار پر لانے کیلئے خوب محنت کرنا ہوگی،

اجلاس میں وفاقی وزیر خزانہ محمد اورنگزیب، وفاقی وزیرِ اقتصادی امور و اسٹیبلشمنٹ احد خان چیمہ اور متعلقہ اعلی حکام نے شرکت کی.