Tag: وزیراعظم

اسلام آباد: وزیراعظم شہباز شریف کا کہنا ہے کہ اسٹیٹ بینک کے ریویو میں شرح سود مزید کم ہونے کی توقع ہے-

باغی ٹی وی : آزاد کشمیر میں تقریب سے خطاب کرتے ہوئے وزیر اعظم شہباز شریف نے کہا کہ معاشی چیلنجز کم ہورہے ہیں، معیشت میں بہتری آرہی ہے، ایکسپورٹس اور ترسیلات زر میں اضافہ اور قرضہ کم ہو رہا ہے بھارتی فوج مقبوضہ کشمیر میں ظلم کے پہاڑ توڑ رہی ہے، جب تک کشمیریوں کو حق خود ارادیت نہیں ملتا پاکستان وفا نبھائے گا سپہ سالار جنرل عاصم منیر کی کشمیر کاز سے وابستگی غیر متزلزل ہے۔

وزیراعظم نے کہا کہ آزاد کشمیر میں دانش سکول کا قیام عمل میں لایا جا رہا ہے، دانش اسکول کی بنیاد پنجاب میں نواز شریف نے رکھی، نواز شریف کی قیادت میں ہزاروں بچے اور بچیاں دانش اسکول کے ذریعے انجینئر بن گئے ہیں آزاد کشمیر کے دانش اسکولوں کے 100 فیصد اخراجات وفاقی حکومت اٹھائے گی-

190 ملین پاؤ نڈ پر ناقابل تردید ثبوت موجود تھے،عطاءاللہ تارڑ

شہباز شریف نے کہا کہ پنجاب میں دانش اسکولوں کے بیشتر طلباء اے گریڈ لاتے ہیں،مقبوضہ کشمیر میں جو آزادی کی جنگ لڑ رہے ہیں وہ بھی آج خوش ہوں گے، دانش اسکول میں یتیم اور غریب بچے اعلیٰ تعلیم حاصل کر رہے ہیں۔

حکومت سوشل میڈیا اور فیک نیوز سے متعلق اہم قانون سازی کر رہی ہے،وزیر قانون

اسلام آباد: وزیرِ اعظم پاکستان، محمد شہباز شریف نے حج 2025 کی تیاریوں کے حوالے سے ایک اہم جائزہ اجلاس کی صدارت کی جس میں وفاقی وزراء احد خان چیمہ، چوہدری سالک حسین اور دیگر متعلقہ اعلی حکام نے شرکت کی۔ اجلاس میں حج فنڈ پر ہونے والی پیش رفت سے بھی آگاہ کیا گیا اور بتایا گیا کہ اس پر کام حتمی مراحل میں پہنچ چکا ہے۔

اجلاس میں وزیرِ اعظم کو حج 2025 کی تیاریوں کے بارے میں تفصیلی بریفنگ دی گئی۔ وزیرِ اعظم شہباز شریف نے اس موقع پر کہا کہ "حج 2025 کی تیاری میں کسی قسم کی لاپرواہی قبول نہیں کی جائے گی اور ہم اپنے حجاج کرام کو بہترین سہولتیں اور معاونت فراہم کرنے میں کوئی کسر نہیں چھوڑیں گے۔”اجلاس میں بتایا گیا کہ گزشتہ برس کی طرح اس سال بھی حجاج کرام کو سمز کی فراہمی پاکستان سے کی جائے گی۔ اس کے علاوہ حجاج کی معاونت کے لیے حج موبائل ایپلیکیشن بھی فعال کی گئی ہے تاکہ حج کے دوران انہیں آسانی اور سہولت فراہم کی جا سکے۔

وزیرِ اعظم شہباز شریف نے مزید کہا کہ "حج 2025 کے حوالے سے ایک جامع بریفنگ تیار کی جائے جس میں معاونینِ حج کے انتخاب کے طریقہ کار، ان کی ذمہ داریوں اور دیگر انتظامات پر تفصیلی گفتگو کی جائے ۔” وزیرِ اعظم نے اس بات پر بھی زور دیا کہ حجاج کرام کو تربیت کی بہترین سہولتیں فراہم کی جائیں تاکہ انہیں حج کے دوران کوئی مشکل پیش نہ آئے۔وزیرِ اعظم نے حج ڈیوٹی پر تعینات افسران کی اچھی شہرت کو یقینی بنانے کی ہدایت بھی کی اور کہا کہ "حجاج کرام اللہ کے مہمان ہیں، حکومت کی جانب سے ان کی خدمت و معاونت میں کسی قسم کی لاپرواہی قبول نہیں کی جائے گی۔” وزیرِ اعظم نے کہا کہ "حجاج کرام کی رہائش، سفری اور دیگر سہولتوں کا خاص خیال رکھا جائے گا اور معاونین کے انتخاب میں شفافیت اور میرٹ کو ملحوظِ خاطر رکھا جائے گا۔”

وزیرِ اعظم نے اجلاس کے دوران اس بات پر زور دیا کہ حج 2025 کی تیاریوں کے ہر پہلو کو بھرپور توجہ سے مکمل کیا جائے تاکہ پاکستانی حجاج کرام کو بہترین تجربہ فراہم کیا جا سکے۔

نواز شریف کا عوام کو ریلیف کی فراہمی کیلئے حکومتی اقدامات پر اطمینان کا اظہار

سپریم کورٹ،انتخابات میں مبینہ دھاندلی کیس، پی ٹی آئی وکیل کو تیاری کیلئے وقت مل گیا

وزیرِ اعظم پاکستان، شہباز شریف نے کہا ہے کہ ورلڈ بینک کی جانب سے پاکستان کو 10 سال کے کنٹری پارٹنر شپ فریم ورک (سی پی ایف) کے تحت 20 ارب ڈالرز کے وعدے کا خیرمقدم کرتے ہیں۔

وزیراعظم شہباز شریف نے اپنے ایک بیان میں کہا کہ اس شراکت داری کے تحت ورلڈ بینک کی مدد پاکستان کی معاشی ترقی کے لیے ایک اہم سنگ میل ثابت ہو گی۔وزیرِ اعظم نے مزید کہا کہ سی پی ایف کے تحت پاکستان کی قومی ترجیحات کے مطابق چھ اہم شعبوں پر توجہ مرکوز کی جائے گی۔ ان شعبوں میں بچوں کی غذائیت، معیاری تعلیم، صاف توانائی، ماحولیاتی استحکام، جامع ترقی اور نجی سرمایہ کاری شامل ہیں۔شہباز شریف نے کہا کہ ان شعبوں پر مرکوز کام پاکستان کے معاشی استحکام اور ترقی کی راہ میں اہم کردار ادا کرے گا۔ انہوں نے اس بات پر زور دیا کہ ورلڈ بینک کا یہ اقدام پاکستان کی ترقی کے لیے ایک سنگین اور مؤثر مدد فراہم کرے گا۔

وزیرِ اعظم نے مزید کہا کہ اس شراکت داری کے ذریعے ملک میں اقتصادی ترقی کے لیے نئے مواقع پیدا ہوں گے۔ انہوں نے اس بات کا اعادہ کیا کہ پاکستان اپنے عوام کے لیے بہتر مستقبل کی تعمیر کے لیے اپنی کوششوں کو مزید مستحکم کرے گا۔وزیرِ اعظم نے اس موقع پر آرمی چیف اور دیگر متعلقہ حکام کی محنت اور کاوشوں کو بھی سراہا، اور کہا کہ سی پی ایف پاکستان کے معاشی استحکام اور صلاحیت پر ورلڈ بینک کے اعتماد کی ایک بڑی علامت ہے۔انہوں نے آخر میں کہا کہ پاکستان اپنے شراکت داروں کے ساتھ مل کر ان شعبوں میں ترقی کو تیز کرے گا اور ملک کی ترقی کے لیے کوششوں کو مزید ہم آہنگ کرے گا تاکہ لوگوں کے لیے نئے مواقع پیدا کیے جا سکیں۔

بھارتی بحریہ کا اسرائیلی تعاون سے تیار’درشٹی 10 ‘ ڈرون ٹیسٹنگ کے دوران حادثے کا شکار

شمالی وزیرستان،سیکورٹی فورسز کا آپریشن،4 خوارج جہنم واصل

ملزم ملٹری ٹرائل میں جرم کی نیت نہ ہونے کا دفاع لے سکتا ہے،جسٹس امین الدین

اسلام آباد: وزیراعظم محمد شہباز شریف کی زیر صدارت پرائم منسٹر یوتھ پروگرام کے حوالے سے ایک اہم اجلاس منعقد ہوا، جس میں نوجوانوں کے لئے روزگار کے مواقع فراہم کرنے اور پیشہ ورانہ صلاحیتوں کو فروغ دینے کے حوالے سے متعدد اہم فیصلے کیے گئے۔

اجلاس کے دوران وزیراعظم شہباز شریف نے کہا کہ "اڑان پاکستان” منصوبہ ملک بھر میں روزگار کے نئے مواقع پیدا کرے گا اور اس کے ذریعے نوجوانوں کو مختلف شعبوں میں تربیت فراہم کی جائے گی تاکہ وہ مارکیٹ کی ضروریات کے مطابق خود کو تیار کر سکیں۔ انہوں نے اس بات پر زور دیا کہ نوجوانوں کو پیشہ ورانہ صلاحیتوں سے آراستہ کرنا بے روزگاری کے مسئلے کو حل کرنے کی کلید ہے۔وزیراعظم نے کہا کہ "تکنیکی اور پیشہ ورانہ صلاحیتوں کے فروغ کے لیے نیووٹیک اور پرائم منسٹر یوتھ سکل ڈویلپمنٹ پروگرام اہم کردار ادا کر رہے ہیں، اور حکومت کی پالیسی ہے کہ نجی شعبے کو فروغ دے کر ملک میں بے روزگاری کا خاتمہ کیا جائے۔”

اس کے علاوہ، وزیراعظم نے آئی ٹی شعبے کی ترقی کو پاکستان کے مستقبل کے لیے ضروری قرار دیتے ہوئے کہا کہ ملک کی ترقی اس شعبے کے فروغ سے جڑی ہوئی ہے۔وزیراعظم نے نوجوانوں کے لیے بیرون ملک ملازمت فراہم کرنے کے لیے دوست ممالک کی مارکیٹس کے تقاضوں کے مطابق لائحہ عمل تشکیل دینے کی ہدایت بھی دی۔ انہوں نے مزید کہا کہ بیرون ملک ملازمت فراہم کرنے والی جعلی کمپنیوں کے خلاف سخت اقدامات کیے جائیں گے جو بغیر لائسنس کے کام کر رہی ہیں۔وزیراعظم کو اجلاس میں بتایا گیا کہ عنقریب نوجوانوں کے لیے "وزیراعظم ڈیجیٹل یوتھ ہب” کے نام سے ایک پلیٹ فارم قائم کیا جا رہا ہے، جس سے نوجوانوں کو ملازمتوں اور دیگر خدمات کی معلومات فراہم کی جائیں گی۔ وزیراعظم نے اس پلیٹ فارم کو عوام کے لیے آسان بنانے کے لیے انگریزی کے ساتھ ساتھ تمام مقامی زبانوں میں بھی متعارف کرانے کی ہدایت دی۔اجلاس میں وزیراعظم کو پرائم منسٹر یوتھ ایمپلائمنٹ پلان، افرادی قوت کو بین الاقوامی مارکیٹ میں درکار صلاحیتوں سے آراستہ کرنے کے اقدامات اور دیگر منصوبوں کی پیشرفت کے حوالے سے بھی آگاہ کیا گیا۔

اجلاس میں وفاقی وزیر برائے اقتصادی امور احد خان چیمہ، چیئرمین پرائم منسٹر یوتھ پروگرام رانا مشہود احمد خان، وزیر مملکت برائے آئی ٹی شزا فاطمہ خواجہ اور متعلقہ اداروں کے اعلیٰ افسران نے شرکت کی۔

اے این ایف کی کارروائیاں،تعلیمی اداروں میں منشیات فروخت کرنے والے ملزمان گرفتار

کب تک گھر بیٹھی رہو گی؟ یہ حل نہیں، تحریر: حناسرور

اسلام آباد:وزیرِ اعظم محمد شہباز شریف نے وفاقی حکومت کے کم لاگت گھروں کے جاری منصوبوں کو جلد مکمل کرنے کی ہدایت کی ہے-

باغی ٹی وی:وزیرِ اعظم شہباز شریف کی زیرِ صدارت وزارت ہاؤسنگ کے جاری منصوبوں پر جائزہ اجلاس آج اسلام آباد میں منعقد ہوا، وزیرِ اعظم نے ہاؤسنگ کے منصوبوں میں سرمایہ کاری بڑھانے کیلئے نجی شعبے سے اشتراک کی بھی ہدایت کی،وزیرِ اعظم نے وفاقی حکومت کے ہاؤسنگ کے منصوبوں کی تعمیر کی تھرڈ پارٹی ویلیڈیشن یقینی بنانے کی بھی ہدایت کر دی-

وزیرِ اعظم نے کہا کہ سرکاری ملازمین اور عوام کیلئے تعمیر کئے جانے والے منصوبوں کیلئے بین الاقوامی شہرت یافتہ تعمیراتی کمپنیاں منتخب کی جائیں،وزیرِاعظم نے ہدایت کی کہ تعمیراتی منصوبوں کیلئے کمپنیوں کا انتخاب شفاف طریقہ کار اور میرٹ پر کیا جائے تعمیراتی منصوبوں کو معینہ مدت میں مکمل کیا جائے.

فیصلہ فیصلہ کا راگ الاپنے والوں کا پورا ٹبر عدالت سے غائب رہا،عظمیٰ بخاری

اجلاس کو پی ڈبلیو ڈی اور دیگر غیر فعال اداروں کی تحلیل سے بھی آگاہ کیا گیاوزیرِ اعظم نے پی ڈبلیو ڈی اور دیگر غیر فعال اداروں کی تحلیل سے کرپشن میں کمی پر اطمینان کا اظہار کیا، کہا کہ ملازمین کو موجودہ سرکاری گھروں کی الاٹمنٹ کے نظام کی ڈیجیٹائیزیشن خوش آئند ہے پاکستان کے ہر شہری کو کم لاگت رہائش کی فراہمی کیلئے ہر ممکن اقدام کریں گے.

وزیرِاعظم نے کہا کہ شہریوں کو کم لاگت گھروں کی فراہمی کے منصوبوں میں کرپشن کی کمی کیلئے اصلاحات کا عمل جاری ہےحکومت کی کوششوں سے پاکستان کا عالمی منظر نامے پر تشخص بحال ہوا ہےملک میں بین الاقوامی کرکٹ، دیگر کھیل اور عالمی کانفرنسز کا انعقاد ہو رہا ہےبیرون ملک سے آئے مہمانوں کیلئے ملک میں بین الاقوامی معیار کے ہوٹلز، اسپتال اور دیگر سہولیات قائم کی جائیں گی.

کرپشن کو اسلامی ٹچ دینا پی ٹی آئی کا طریقہ واردات ہے،طلال چوہدری

وزیرِ اعظم نے وزارت ہاؤسنگ سے بین الاقوامی معیار کی سہولیات کیلئے جامع پلان طلب کر لیاوزیرِ اعظم نے قومی ہاؤسنگ پالیسی کی مارچ تک تشکیل مکمل کرکے منظور کروانے کی ہدایت کر دی،کہا کہ وزارت کے تحت جاری عوامی رہائشی منصوبوں کو جلد مکمل کیا جائے تاکہ ورکنگ کلاس کو جلد کم لاگت رہائش میسر ہو.

وزیرِ اعظم نے وزارت ہاوسنگ و دیگر وزارتوں میں غیر فعال اداروں کی تحلیل و دیگر اصلاحات کیلئے ایک کمیٹی بنانے کی ہدایت کی، کمیٹی نہ صرف وزارت ہاوسنگ بلکہ دیگر وزارتوں کو بھی اصلاحات میں ضروری معاونت فراہم کرے.

پی ایس ایل 2025:ڈرافٹ کی تقریب،تینوں کیٹیگریز میں کھلاڑیوں کا انتخاب

اجلاس میں وزارت ہاؤسنگ نے وزیرِ اعظم کو وزارت کے مختلف اداروں میں جاری اصلاحات پر پیش رفت اور پالیسی اقدامات سے آگاہ کیا. اجلاس کو بتایا گیا کہ قومی ہاؤسنگ پالیسی 2001 میں ترامیم کیلئے تمام اسٹیک ہولڈرز سے مشارت مکمل کرلی گئی اور وزیرِ اعظم کی ہدایات کی روشنی میں مارچ 2025 تک اسکی حتمی منظوری کا عمل مکمل ہو جائے گا.

اجلاس کو آگاہ کیا گیا کہ سرکاری ملازمین کو گھروں کی الاٹمنٹ اور کرایوں کے حصول کیلئے نظام کو ڈیجیٹل کر لیا گیا ہے جس سے کرپشن کا خاتمہ ممکن ہوگا اور نظام میں شفافیت آئے گی.

پی ایس ایل 2025:ڈرافٹ کی تقریب،تینوں کیٹیگریز میں کھلاڑیوں کا انتخاب

وزیرِ اعظم کو پاکستان ہاؤسنگ اتھارٹی کے تحت جاری اور مستقبل کے منصوبوں کے حوالے سے بھی آگاہ کیا گیا اجلاس کو بتایا گیا کہ اس وقت کچلاک کوئٹہ میں 630 کم لاگت رہائشی یونٹس جبکہ اسلام آباد میں 4112 رہائشی یونٹس پر کام تیزی سے جاری ہے وزیرِ اعظم نے ان منصوبوں کی جلد تکمیل اور تھرڈ پارتی ویلیڈیشن کی ہدایت کی.

اجلاس کو مزید بتایا گیا کہ پشاور میں 5728 کم لاگت رہائشی یونٹس پر جلد کام شروع کیا جائے گا جبکہ مستقبل قریب میں راولپنڈی اور اسلام آباد میں 5600 رہائشی یونٹس پر کام شروع کیا جائے گاوزیرِ اعظم نے تمام رہائشی منصوبوں میں اچھی شہرت کی تعمیراتی کمپنیوں کی خدمات لینے کی ہدایت کر دی.

احتجاج کا حق ہم سے کسی نے نہیں چھینا،شوکت یوسفزئی

وزیرِ اعظم کو فیڈرل گورنمنٹ ایمپلائیز ہاوسنگ اتھارٹی کے امور پر تفصیلی بریفنگ دی گئی. اجلاس کو فیڈرل گورنمنٹ ایپپلائیز ہاؤسنگ اتھارٹی کی ڈیجیٹائیزیشن اور اصلاحات پر بھی بریفنگ دی گئی. اجلاس کو بتایا گیا کہ آن لائن ادائیگی، شکائیتوں کے اذالے کیلئے ڈیجیٹل نظام، ون ونڈو آپریشن، ریئیل ٹائم مانیٹرنگ، جیو ٹیگنگ و دیگر اصلاحات سے نظام میں شفافیت اور تیزی لانے کیلئے اقدامات کئے جارہے ہیں.

اجلاس کو اتھارٹی کی جانب سے اسلام آباد میں بین الاقوامی معیار کی سہولیات بشمول فائیو اسٹار ہوٹل، اسپتال، آئی ٹی پارک، اپارٹمنٹ کمپلیکسز اور بین الاقوامی معیار کے اسکول کی تعمیر کے منصوبوں سے بھی آگاہ کیا گیا. وزیرِ اعظم کی اس حوالے سے جلد تعمیراتی لاگت اور درکار وقت کے ساتھ ایک جامع لائحہ پیش کرنے کی ہدایت کی.

وزیر اعلیٰ پنجاب کا مستحق افراد کو تین مرلے کا مفت پلاٹ دینے کا اعلان

اجلاس میں وفاقی وزراء ریاض حسین پیرزادہ، احد خان چیمہ، عطاء اللہ تارڑ اور متعلقہ اعلی حکام نے شرکت کی.