Tag: ٌاتازہ ترین

نئی دہلی، پارلیمنٹ نے آن لائن گیمنگ کے فروغ اور ضابطہ بندی کا بل 2025 منظور کرلیا، یہ بل آن لائن منی گیمز کے خطرات سے شہریوں کو بچانے کے ساتھ ساتھ ای۔اسپورٹس اور تعلیمی و سماجی کھیلوں کو فروغ دینے کے لیے ایک تاریخی قدم قرار دیا جا رہا ہے۔

اس قانون کا مقصد ایسے پلیٹ فارمز پر روک لگانا ہے جو نوجوانوں اور متوسط طبقے کو آسان دولت کے جھانسے میں پھنسا کر نشہ، مالی تباہی اور سماجی مسائل پیدا کر رہے تھے حکومت نے کہا کہ یہ بل خاندانوں کی حفاظت اور ڈیجیٹل معیشت کو محفوظ و تعمیری سمت دینے کے لیے نہایت ضروری تھا۔

عالمی ادارۂ صحت (WHO) نے بھی گیمنگ ڈس آرڈر کو ایک بیماری قرار دیا ہے جس میں کھلاڑی کھیل پر قابو کھو دیتا ہے اور اس کے نقصان دہ اثرات کے باوجود مسلسل کھیلتا رہتا ہے۔ بھارت میں اس کے تباہ کن نتائج سامنے آئے ہیں، یہاں تک کہ کچھ افراد بھاری مالی نقصان کے بعد خودکشی تک کر بیٹھے۔

بل کی اہم خصوصیات

ای۔اسپورٹس کا فروغ: ای۔اسپورٹس کو باضابطہ کھیل کا درجہ دیا گیا ہے۔ نوجوانوں کو تربیت دینے کے لیے اکیڈمیاں، تحقیقاتی مراکز اور ٹیکنالوجی پلیٹ فارمز قائم کیے جائیں گے،حکومت ایسے محفوظ اور عمر کے لحاظ سے موزوں کھیلوں کو رجسٹر اور فروغ دے گی جو تعلیم، مہارت اور ثقافتی اقدار کو مضبوط کریں، ہر قسم کے پیسے والے کھیل، چاہے وہ قسمت یا مہارت پر مبنی ہوں، مکمل طور پر ممنوع ہوں گے ان کے اشتہارات اور مالی لین دین بھی غیر قانونی قرار دیے گئے ہیں۔

آن لائن گیمنگ اتھارٹی: قومی سطح پر ایک ریگولیٹری اتھارٹی قائم کی جائے گی جو کھیلوں کی درجہ بندی، رجسٹریشن اور عوامی شکایات پر کارروائی کرے گی-منی گیمز چلانے یا فروغ دینے پر تین سال تک قید اور ایک کروڑ روپے تک جرمانہ ہوسکتا ہے۔ بار بار خلاف ورزی پر پانچ سال قید اور دو کروڑ روپے تک جرمانے کی سزا رکھی گئی ہے۔

الیکٹرانکس و آئی ٹی کے وزیر اشونی ویشنو نے راجیہ سبھا میں بتایا کہ تقریباً 45 کروڑ افراد آن لائن منی گیمز سے متاثر ہوئے اور 20,000 کروڑ روپے سے زیادہ کا نقصان برداشت کیا۔ کئی پلیٹ فارمز منی لانڈرنگ اور غیر قانونی سرگرمیوں میں ملوث پائے گئے۔ یہاں تک کہ قومی سلامتی کو خطرہ لاحق ہونے کے شواہد بھی ملے۔

نوجوانوں کو محفوظ اور صحت مند ڈیجیٹل مشاغل ملیں گے،روزگار، اختراع اور عالمی سطح پر بھارت کی مسابقت میں اضافہ ہوگا،خاندان مالی تباہی اور دھوکے باز اشتہارات سے محفوظ رہیں گے،بھارت ذمہ دار ڈیجیٹل پالیسی میں عالمی رہنما کے طور پر ابھرے گا۔

اس سے قبل حکومت نے آئی ٹی ایکٹ 2000، بھارتيہ نیاۓ سنہِتا 2023، جی ایس ٹی قوانین اور کنزیومر پروٹیکشن ایکٹ 2019 کے تحت بھی متعدد اقدامات کیے تھے۔ 2022 سے جون 2025 کے دوران 1,524 غیر قانونی بیٹنگ اور جوا کھیلنے والی ویب سائٹس اور ایپس بلاک کی جا چکی ہیں۔

ماہرین کے مطابق یہ بل بھارت کے ڈیجیٹل مستقبل کے لیے ایک سنگ میل ہے۔ یہ جہاں ایک طرف منی گیمز کی لعنت پر روک لگاتا ہے، وہیں نوجوانوں کے لیے ای۔اسپورٹس اور تعلیمی کھیلوں میں نئے مواقع پیدا کرتا ہے۔ حکومت کا کہنا ہے کہ اس قانون سے بھارت ایک محفوظ، صحت مند اور تخلیقی ڈیجیٹل معاشرہ تشکیل دے سکے گا-

انڈین کرکٹ نئے مرکزی سپانسر کی تلاش میں ہے کیونکہ ایک فینٹسی سپورٹس گیمنگ پلیٹ فارم آن لائن جوئے پر سرکاری پابندی کے بعد 43.6 ملین ڈالر کے معاہدے سے دست بردار ہو گیا ہے۔

پیر کو رپورٹس میں کہا گیا کہ ملک کا سب سے بڑا آن لائن گیمنگ پلیٹ فارم ڈریم 11 جولائی، 2023 میں تین سالہ معاہدے پر دستخط کے بعد مرد اور خواتین کی قومی ٹیموں کا مرکزی سپانسر بنا تھاڈریم 11 کا لوگو انڈین کھلاڑیوں کی جرسیوں پر چھپا ہوا ہے اور یہ کمپنی چند انڈین پریمیئر لیگ فرنچائزز کی بھی سپانسر ہےتاہم گدشتہ ہفتے انڈین پارلیمان نے آن لائن گیمنگ کے فروغ اور ضابطہ کاری بل کو منظور کیا تھا، جس نے ایسے کھیلوں کی پیشکش اور مالی معاونت کو مجرمانہ قرار دے دیا اور مجرموں کو پانچ سال تک قید کی سزا ہوسکتی ہے۔

انڈین ایکسپریس اخبار نے پیر کو کہا کہ ڈریم 11 کے نمائندوں نے بورڈ آف کنٹرول فار کرکٹ ان انڈیا (بی سی سی آئی) کے دفتر کا دورہ کیا اور اس کے چیف ایگزیکٹیو ہیمنگ امین کو بتایا کہ وہ یہ معاہدہ جاری نہیں رکھ سکیں گے۔

اخبار نے ایک بی سی سی آئی عہدے دار کے حوالے سے کہا ’اس کے نتیجے میں وہ ایشیا کپ کے لیے ٹیم کے سپانسر نہیں رہیں گے بی سی سی آئی جلد ایک نیا ٹینڈر جاری کرے گاٹی 20 ایشیا کپ نو ستمبر سے متحدہ عرب امارات میں شروع ہو رہا ہے۔

سپورٹسٹر ویب سائٹ نے ایک بورڈ عہدے دار کے حوالے سے کہا کہ ’ایشیا کپ کے لیے زیادہ وقت باقی نہیں، مگر ہم متبادل تلاش کر رہے ہیںڈریم 11 کیریبیئن پریمیئر لیگ کی بھی سرکاری پارٹنر ہے اور آسٹریلیا کے بگ بش لیگ کو سپانسر کرتی ہےگیمنگ پر پابندی کارڈ گیمز، پوکر اور فینٹسی سپورٹس پلیٹ فارمز کو متاثر کرتی ہے، بشمول انڈیا کی مقبول گھریلو فینٹسی کرکٹ ایپس کے۔

حکومت نے کہا ہے کہ جوئے بازی کے پلیٹ فارمز کے تیزی سے پھیلاؤ نے نوجوانوں میں مالی مشکلات بڑھا دی ہیں اور یہ لت خودکشیوں کا باعث بن رہی ہےیہ فراڈ، منی لانڈرنگ اور دہشت گردی کی مالی معاونت سے جڑا ہے۔