Tag: ٌاتازہ ترین

وفاقی وزیر اطلاعات و نشریات عطااللہ تارڑ نے کہا ہے کہ جتنا سچ پاکستان سے دنیا تک پہنچ رہا تھا، اتنا ہی جھوٹ بھارت کی جانب سے پھیلایا جا رہا تھا-

سی پی این ای کی تقریب سے خطاب کرتے ہوئے عطااللہ تارڑ نے کہا کہ پاکستان نے سچ کی طاقت سے مکار دشمن کو شکست دی ہے، جبکہ بھارت کی جانب سے پروپیگنڈا کیا گیا،بھارت کے خلاف تاریخی فتح سے دنیا میں پاکستان کی عزت و وقار میں اضافہ ہوا ہے یہ وقت کا تقاضا تھا کہ پوری قوم متحد ہو کر یہ جنگ لڑتی، بھارت نے بغیر کسی ثبوت کے پہلگام حملے کا الزام پاکستان پر عائد کیا لیکن ہم نے بھارت کے خلاف بیانیے کی جنگ میں بھی بھرپور کامیابی حاصل کی،بھارت نے جھوٹ اور پروپیگنڈا کے ذریعے دنیا کو گمراہ کرنے کی کوشش کی مگر الٹا دنیا بھر سے اسے لعن طعن کا سامنا کرنا پڑا۔

وزیر اطلاعات نے کہاکہ پوری قوم نے مل کر بھارت کے خلاف جنگ لڑی فیلڈ مارشل نے مضبوط حکمت عملی بنائی جبکہ ایئر چیف کے شاہینوں نے دشمن کے طیارے مار گرائےبھارت نے رات کے اندھیرے میں حملہ کیا جبکہ پاکستان نے فجر کی نماز کے بعد میزائل فائر کیے اور اللہ تعالیٰ نے ہمیں بے پناہ عزت سے نوازا۔

کالعدم بی ایل اے کے کارندے ڈاکٹر عثمان قاضی کا قریبی ساتھی گرفتار، وکالت کی ڈگری ہولڈر نکلا

وزیر اطلاعات نے کہاکہ جتنا سچ پاکستان سے دنیا تک پہنچ رہا تھا، اتنا ہی جھوٹ بھارت کی جانب سے پھیلایا جا رہا تھا، لیکن سچ ہمیشہ غالب آتا ہے، ہمارے دروازے سی پی این ای کے لیے 24 گھنٹے کھلے ہیں، ان کے ساتھ تعاون ہمیشہ جاری رہے گا معرکہ حق کے دوران بیانیے کی جنگ میں سی پی این ای کا بہت بڑا کردار ہے۔

سوات : امدادی کارروائیوں کے دوران مدارس کے طلبا کی ایمانداری کی اعلیٰ مثال

وزیراعظم شہباز شریف نے کہا ہے کہ سیلاب متاثرین کی مدد و بحالی سب کی مشترکہ ذمہ داری ہے،سیلاب متاثرین کی بحالی اور تعمیر نو کا کام مکمل ہونے تک چین سے نہیں بیٹھیں گے، بحالی کے کاموں کو پورے خلوص کے ساتھ جاری رکھنا ہوگا جب تک یہ اپنے اختتام کو نہ پہنچ جائے۔

وزیراعظم نے وفاقی کابینہ کے اجلاس سے خطاب کرتے ہوئے کہاکہ حالیہ دنوں میں طوفانی بارشوں سے دریاؤں میں طغیانی آئی ہے، سوات، صوابی،مانسہرہ،شانگلہ میں بھی بے پناہ نقصانات ہوئے، خیبرپختونخوا میں بادل پھٹنے سے فلش فلڈنگ سے بڑے پیمانے پر جانی و مالی نقصان ہوا-

وزیراعظم نے کہا کہ بارشوں سے متاثرہ علاقے بونیر کا دورہ کیا، دورے کے دوران آرمی چیف بھی ہمراہ تھے جہاں بے پناہ نقصان ہوا، آفت کی اس گھڑی میں وفاق نے صوبائی حکومت ساتھ مل کر کام کیا، وفاقی وزرا نے امدادی کاموں میں بھرپور حصہ لیا، جب تک بحالی اور تعمیر نو کا کام مکمل نہیں ہوتا چین سے نہیں بیٹھیں گے،متاثرین کی مدد و بحالی سب کی مشترکہ ذمہ داری ہے، سب مل کر کام جاری رکھیں گے۔

بھارت اپنی عادت کے مطابق حقائق کو توڑ مروڑ کر پیش کرتا ہے،دفتر خارجہ

وزیر اعظم نے کہا کہ امیر مقام کی زیر قیادت امدادی کارروائیاں جاری ہیں، سیلاب کے باعث مجموعی طور پر 700اموات ہوئیں،چین کے وزیرخارجہ نے پاکستان کا دورہ کیا، جلد میں بھی چین کا دورہ کروں گا، ان کا کہنا تھا کہ پاک چین دوستی وقت کے ساتھ مزید مضبوط ہو رہی ہے۔

برطانیہ کا سیلاب متاثرین کیلئے 13 لاکھ پاؤنڈ امداد کا اعلان

دفتر خارجہ نے کہاہے کہ پاکستان بین الاقوامی ثالثی عدالت کے سندھ طاس معاہدے پر پاکستان کے حق میں فیصلے کو خوش آئند قرار دیتا ہے-

ترجمان دفتر خارجہ شفقت علی خان نے ہفتہ وار نیوز بریفنگ میں کہا کہ نائب وزیراعظم و وزیر خارجہ اسحاق ڈار کی دعوت پر چین کے وزیر خارجہ چھٹے اسٹریٹجک ڈائیلاگ کے لیے پاکستان آئے ہیں، اس دوران دونوں ممالک کے درمیان سی پیک ٹو اور دیگر دوطرفہ معاملات پر بات چیت ہوئی،چینی وزیر خارجہ نے صدرِ مملکت، وزیراعظم اور آرمی چیف سے بھی ملاقات کی وزیراعظم نے سی پیک ٹو سمیت مختلف شعبوں میں تعاون بڑھانے کی خواہش کا اظہار کیا، جبکہ آرمی چیف کے ساتھ ملاقات میں انسداد دہشتگردی کے امور زیر بحث آئے۔

ترجمان کے مطابق پاکستان، چین اور افغانستان کے درمیان سہ فریقی مذاکرات ہوئے، جن میں انسداد دہشتگردی، سی پیک اور معاشی تعاون بڑھانے پر اتفاق کیا گیا،ترجمان نے واضح کیا کہ افغانستان میں دہشتگردوں کی محفوظ پناہ گاہوں پر پاکستان ہمیشہ بات کرتا آیا ہے اور سہ فریقی فورم پر بھی یہ نکتہ اٹھایا گیا۔

علیمہ خان کا دوسرا بیٹا بھی گرفتار

دفتر خارجہ نے کہا کہ پاکستان بین الاقوامی ثالثی عدالت کے سندھ طاس معاہدے پر پاکستان کے حق میں فیصلے کو خوش آئند قرار دیتا ہے فیصلے میں واضح کیا گیا ہے کہ بھارت پاکستان کا پانی نہیں روک سکتا،ترجمان نے بھارتی وزارت خارجہ کے الزامات کو مسترد کرتے ہوئے کہا کہ بھارت اپنی عادت کے مطابق حقائق کو توڑ مروڑ کر پیش کرتا ہے بھارتی وزیراعظم کے ساتھ کسی ملاقات کا شیڈول نہیں، اس حوالے سے خبریں بے بنیاد ہیں۔

ترجمان نے کہا کہ بھارت کی جانب سے ہتھیاروں کی بڑھتی ہوئی خریداری تشویشناک ہے، خاص طور پر اسلاموفوبیا اور پاکستان کے بارے میں بھارت کی اعلانیہ پالیسی کے تناظر میں یہ رجحان خطرناک ہے۔ پاکستان ہر صورتحال کا مقابلہ کرنے کے لیے تیار ہے، پاکستان بھارت کے ساتھ جامع مذاکرات کے لیے تیار ہے اور اس سلسلے میں کسی بھی سنجیدہ کوشش کو خوش آمدید کہے گا۔

برطانیہ کا سیلاب متاثرین کیلئے 13 لاکھ پاؤنڈ امداد کا اعلان

دفتر خارجہ کے ترجمان نے دہلی میں پاکستانی سفارتکاروں کو ہراساں کرنے کی مذمت کرتے ہوئے کہا کہ بین الاقوامی قوانین کے تحت سفارتکاروں کو عزت اور تکریم دینا ضروری ہے کرکٹ اور سیاست کو ایک دوسرے سے الگ رہنا چاہیئے، پاکستان اور بھارت کے درمیان کھیل سے متعلق فیصلہ کرکٹ بورڈ کرے گاترجمان نے یہ بھی واضح کیا کہ نجی تھنک ٹینک کی جانب سے افغان جلاوطن قیادت کا اجلاس پاکستان کی ریاستی پالیسی نہیں، یہ ایک اعلانیہ ملاقات ہے۔

لاہور:بانی پی ٹی آئی عمران خان کی بہن علیمہ خان کے دوسرے بیٹے شیر شاہ خان کو بھی گرفتار کر لیا گیا۔

خاندانی ذرائع کے مطابق پولیس کی گاڑیاں ساتھ تھیں لیکن سادہ کپڑوں میں اہلکاروں نے علیمہ خان کے بیٹے کی گاڑی روکی اور زبردستی اُٹھا کر لے گئےبیٹے کی گرفتاری کے وقت گاڑی علیمہ خان کے شوہر چلا رہے تھے۔

واضح رہے کہ گزشتہ روز 9 مئی کے پرتشدد واقعات میں ملوث علیمہ خان کے بیٹے شاہ ریز عظیم کو بھی گرفتار کیا گیا تھا،لاہور کی انسداد دہشتگری عدالت نے 9 مئی 2023 کو جناح ہاؤس پر حملے کے کیس میں تحریک انصاف کے بانی عمران خان کی ہمشیرہ علیمہ خان کے بیٹے شاہ ریز کا 8 دن کا جسمانی ریمانڈ منظور کرلیا،اے ٹی سی جج منظر علی گل نےکیس کی سماعت کی،دوران سماعت تفتیشی افسر نے عدالت میں کہاکہ شاہ ریزخان جناح ہاؤس حملہ کیس میں نامزد ہے،عدالت نے استفسار کیا کہ ملزم کو کب نامزد کیاگیا؟تفتیشی افسر نے کہاکہ 23ستمبر 2023سے شاہ ریز خان مقدمے میں نامزد ہے-

پاکستان اور بنگلہ دیش نے سفارتی و سرکاری پاسپورٹ ہولڈرز کیلئے ویزا فری انٹری کی منظوری دے دی

عمران خان کی ضمانت،جشن منانے والے 7 افراد گرفتار، مقدمہ درج

راولپنڈی میں کارروائی،ویڈیو بنا کر دھمکیاں دینے والے فتنہ الخوارج کے 4 دہشتگرد گرفتار

پاکستان اور بنگلہ دیش نے سفارتی و سرکاری پاسپورٹ ہولڈرز کیلئے ویزا فری انٹری کی منظوری دے دی ہے۔

بنگلہ دیش اور پاکستان کے سفارتی و سرکاری پاسپورٹ رکھنے والوں کو اب ویزا کے بغیر سفر کی اجازت ہوگی،معاہد ے کے تحت سرکاری اور سفارتی پاسپورٹ رکھنے والے اب بغیر ویزے کے پاکستان جا سکتے ہیں،اسی طرح پاکستان میں سرکاری یا سفارتی پاسپورٹ رکھنے والے بھی بنگلہ دیش کا دورہ کر سکتے ہیں، دونوں ممالک کے درمیان ویزافری انٹری سے متعلق معاہدہ 5 سال کیلئے نافذ العمل ہوگا۔

سفارتی ذرائع کے مطابق پاکستان کے نائب وزیراعظم اسحاق ڈار کل دو روزہ دورے پر ڈھاکہ پہنچیں گے،نائب وزیراعظم کی 24 اگست کو بنگلہ دیشی مشیر خارجہ توحید حسین سے ملاقات ہو گی،دورے میں سفارتی تعلقات کو مضبوط بنانے اور تعمیری ڈائیلاگ پر فوکس کیا جائے گا، نائب وزیراعظم اسحاق ڈار نے اپریل میں بنگلہ دیش کا دورہ کرنا تھا لیکن پاک بھارت کشیدگی کی وجہ سے دورہ ملتوی کر دیا گیا تھا۔

پاکستان اور بنگلہ دیش نے سفارتی و سرکاری پاسپورٹ ہولڈرز کیلئے ویزا فری انٹری کی منظوری دے دی

راولپنڈی میں کارروائی،ویڈیو بنا کر دھمکیاں دینے والے فتنہ الخوارج کے 4 دہشتگرد گرفتار

ملکی اصل مسائل توجہ کے مستحق، تجزیہ:شہزاد قریشی