نائب وزیر اعظم و وزیر خارجہ اسحاق ڈار نے کہا ہے کہ ایران ہمارا ہمسایہ اور برادر اسلامی ملک ہے اور پاکستان نے بیک ڈور سفارتکاری کے ذریعے معاملہ سلجھانے کی بھرپور کوشش کی ہے۔
سینیٹ کے اجلاس میں خطے کی بگڑتی صورتحال پر اظہار خیال کرتے ہوئےانہوں نے بتایا کہ آیت اللہ علی خامنہ ای کی شہادت پر وزیر اعظم شہباز شریف نے مذمت کرتے ہوئے بیان جاری کیا انہوں نے کہا کہ ایران ہمارا ہمسایہ اور برادر اسلامی ملک ہے اور پاکستان نے بیک ڈور سفارتکاری کے ذریعے معاملہ سلجھانے کی بھرپور کوشش کی ہے، آیت اللہ علی خامنہ ای کا قتل عالمی قوانین کی کھلی خلاف ورزی ہے-
انہوں نے کہا کہ مذاکرات میں پیشرفت کے باوجود ایران پر حملہ کیا گیا جس کی پاکستان نے شدید مذمت کی پاکستان نے جوہری توانائی کے پرامن استعمال سے متعلق ایران کے مؤقف کی حمایت کی ہے اور ایرانی قیادت پاکستان کی کاوشوں سے بخوبی آگاہ ہے ڈپلومیسی ہی مسئلے کا حل ہے اور اس ضمن میں وہ یورپی یونین سمیت 13 ممالک کی قیادت سے رابطہ کر چکے ہیں۔
مائیکل ہیسن کی غیر معمولی مداخلت، علیم ڈارقومی سلیکشن کمیٹی سے مستعفی
اسحاق ڈار نے کہا کہ اس وقت پورا خلیجی خطہ صورتحال کی زد میں ہے تاہم سعودی عرب اور عمان پر حملے نہیں ہو رہے اور ان دونوں ممالک کو پاکستان کی جانب سے یقین دہانی کروائی گئی ہے انہوں نے واضح کیا کہ پاکستان کی کوششیں وقتی نہیں بلکہ مسلسل جاری ہیں، ایران پر حملے کی خبر سامنے آتے ہی انہو ں نے فوری طور پر دفتر خارجہ سے رابطہ کیا اور 28 فروری کو پاکستان نے اس صورتحال پر پہلا باضابطہ ردعمل دیا۔
وزیر خارجہ نے کہا کہ جون میں بھی ایران پر حملہ ہوا تھا جس پر پاکستان نے کشیدگی کم کرانے کی کوشش کی تھی، جبکہ گزشتہ 3 روز کے دوران متعدد ممالک سے رابطے کیے جا چکے ہیں تاکہ سفارتکاروں کو دوبارہ مذاکرات کی میز پر لایا جا سکےڈائیلاگ کے ذریعے افہام و تفہیم کا راستہ نکالا جا سکتا ہے۔
برطانوی عدالت سے جمائما گولڈ اسمتھ کو ایک ہزار پاؤنڈ جرمانے کی سزا
اسحاق ڈار نے بتایا کہ ان کی عمان کے وزیر خارجہ سے رات گئے بات ہوئی جبکہ ایران کے وزیر خارجہ عباس عراقچی سے براہ راست اور غیر رسمی رابطہ ہے اور وہ واٹس ایپ کے ذریعے بھی مسلسل مشاورت میں ہیں، دونوں ایوانوں کے قائد حزب اختلاف اور پارلیمانی لیڈرز کو بھی بریفنگ دی جائے گی جبکہ افغا نستان کے حوالے سے بھی اعتماد میں لینے کی کوشش کی جائے گی تاکہ خطے میں پائیدار امن کے لیے مشترکہ حکمت عملی اپنائی جا سکے۔
آپریشن غضب للحق:پاک فوج کی کارروائی میں ننگرہار خوگانی بیس تباہ
