Baaghi TV

Tag: ٰاسحاق ڈار

  • اسحاق ڈار نے مفرو ر قرار دیئے جانے کے فیصلے کیخلاف سپریم کورٹ سے رجوع کر لیا

    اسحاق ڈار نے مفرو ر قرار دیئے جانے کے فیصلے کیخلاف سپریم کورٹ سے رجوع کر لیا

    مسلم لیگ ن کے رہنما اور سابق وفاقی وزیر خزانہ اسحاق ڈار نے مفرو ر قرار دیئے جانے کے فیصلے کیخلاف سپریم کورٹ سے رجوع کر لیا.

    سابق وفاقی وزیر خزانہ اسحاق ڈار نے عدالت سے استدعا کی ہے کہ مفرور قرار دینے کا فیصلہ کالعدم قرار دیا جائے،اسحاق ڈار نے استدعا میں مذید کہا کہ وکیل کے ذریعے نیب کورٹ میں اپنا کیس چلانے کی اجازت دی جائے، اسحاق ڈار کی جانب سے دائر کی گئی درخواست میں کہا گیا کہ مئی2022میں مجھے پاسپورٹ دیا گیا.

    سابق وفاقی وزیر خزانہ اسحاق ڈار نے درخواست میں عدالت سے استدعا کی کہ 25اگست سے شروع ہونے والے عدالتی ہفتے میں کیس سماعت کیلئے مقرر کیا جائے.

    یاد رہے کہ مسلم لیگ ن کے رہنما اور سابق وزیر خزانہ اسحاق ڈار علاج کی غرض سے بیرون ملک (لندن) گئے تھے اور وطن واپس نہیں آئے جس کے بعد عدالت نے انہیں مقدمہ میں مفرور قرار دے دیا تھا.

    اس سے قبل سابق وفاقی وزیر خزانہ اسحاق ڈار کے بارے میں اطلاعات تھیں کہ وہ کزشتہ ماہ جولائی کے اختتام تک پاکستان واپس آجائیں گے لیکن ملک کی سیاسی صورتحال کے تناظر میں اسحاق ڈار نے اپنی وطن واپسی موخئر کر دی تھی، تاہم جن دنوں میں اسحاق ڈار نے وطنن واپسی کا اعلان کیا تھا ان ہی دنوں میں پنجاب کی سیاسی صورتحال تبدیل ہوگئی تھی اور مسلم لیگ ن کی پنجاب میں حکومت کا خاتمہ ہو گیا .ذرائع کے مطابق بدلتے ہوئے سیاسی حالات کی پیش نظر اسحاق ڈار نے پاکستان واپسی کا فیصلہ تبدیل کر لیا .

  • اسحاق ڈار کی سینیٹر شپ سے نااہلی کی درخواست، فریقین کو جواب جمع کرانے کی ہدایت

    اسحاق ڈار کی سینیٹر شپ سے نااہلی کی درخواست، فریقین کو جواب جمع کرانے کی ہدایت

    لاہور ہائیکورٹ میں لیگی رہنما اور سابق وزیر خزانہ اسحاق ڈار کی سینیٹر شپ سے نااہل کروانے کے لئے دائر درخواست پر سماعت ہوئی-

    باغی ٹی وی : جسٹس شکیل احمد نے شہری منیر احمد کی درخواست پر سماعت کی درخواست گزار نے موقف اختیار کیا چیئرمین سینیٹ اور الیکشن کمیشن کو اسحاق ڈار کی نااہلی کا ریفرنس بھیجا، چیئرمین سینیٹ اور الیکشن کمیشن تاحال فیصلہ نہیں کر رہا۔

    شیریں مزاری کی خالی نشست پر آسیہ عظیم چودھری رکن اسمبلی منتخب،نوٹیفیکیشن جاری

    درخواست گزار نے کہا کہ اسحاق ڈار کو سپریم کورٹ نے عطاء الحق قاسمی کیس میں 4 کروڑ روپے قومی خزانے میں جمع کروانے کا حکم دے رکھا ہے جس پر عمل نہیں کیا جا رہا، لہذا عدالت ان کی سینیٹر شپ سے نااہل کرنے کا حکم دے۔

    دوران سماعت عدالت میں الیکشن کمیشن سمیت دیگر فریقین نے جواب جمع نہ کروایا جس پر عدالت نے آئندہ سماعت پر فریقین کو جواب جمع کرانے کی ہدایت کر دی اور سماعت عدالتی تعطیلات کے بعد ستمبر تک ملتوی کر دی۔

    گزشتہ سماعت میں لاہور ہائی کورٹ ناسحاق ڈار کی بطور سینیٹر نااہلی کے لیے شہری کی درخواست پر الیکشن کمیشن پاکستان کو نوٹس جاری کیا تھا جبکہ عدالت نے اٹارنی جنرل پاکستان کو بھی معاونت کے لیے نوٹس جاری کیا تھا –

    فیصل آباد میں لڑکی سے جوتے چٹوانے والا شیخ دانش پی ٹی آئی کا ممبر نکلا

    درخواست گزار کے وکیل نے اٹارنی جنرل پاکستان کو نوٹس جاری کرنے پر اعتراض اٹھاتے ہوئے کہا تھا کہ وفاقی حکومت کو فریق ہی نہیں بنایا گیا، الیکشن کمیشن ایک خود مختار ادارہ ہے۔

    یاد رہے گذشتہ سال دسمبر میں الیکشن کمیشن میں پاکستان مسلم لیگ نواز کے رہنما اور سابق وزیر خزانہ اسحاق ڈار کی نااہلی کیلئے ریفرنس دائر کیا گیا تھاجس میں کہا گیا عطا الحق قاسمی کیس میں عدالت اسحاق ڈارکو ڈیفالٹرقرار دے چکی ہے۔

    واضح رہے کہ سابق وزیر خزانہ پاکستان اسحاق ڈار کے خلاف نیب کورٹ میں آمدن سے زائد اثاثوں کا ریفرنس زیر سماعت ہے، اسحاق ڈار 3 مارچ کو سینیٹ انتخابات سے قبل طبیعت کی خرابی کے باعث لندن چلے گئے تھے، جس کے بعد تاحال اسحاق ڈار لندن میں ہی مقیم ہے۔

    نیب نے اثاثہ جات ریفرنس میں اشتہاری اور مفرور ملزم و سابق وفاقی وزیر خزانہ اسحاق ڈار کو بلیک لسٹ کرتے ہوئے ان کا پاسپورٹ بھی بلاک کردیا تھا جبکہ انٹرپول کے ذریعے لندن سے گرفتار کرکے وطن واپس لانے کے لیے ریڈ وارنٹ بھی جاری کیے ہوئے ہیں۔

    مکافات عمل، جیل جا کر زرداری بیمار ہو جاتے ہیں۔شہباز گل کا بیان وائرل

  • اسحاق ڈار نے وطن واپسی ملتوی کردی

    اسحاق ڈار نے وطن واپسی ملتوی کردی

    لاہور:سابق وزیر خزانہ اسحاق ڈار نے وطن واپسی ملتوی کردی ہے۔یاد رہے کہ سابق وفاقی وزیر خزانہ اسحاق ڈار نے جولائی کے آخری ہفتے میں وطن واپس آنے کا اعلان کیا تھا۔

    قانونی مشیروں نے اسحاق ڈار کو سپریم کورٹ میں پٹیشن کا فیصلہ آنے تک لندن میں قیام بڑھانے کا مشورہ دے دیا ہے۔اسحاق ڈار کی جانب سے غیر قانونی طور پر اشتہاری قرار دئیے جانے والے فیصلے کی پٹیشن سپریم کورٹ میں زیرِسماعت ہے۔

    اگلے چند دنوں میں پاکستان واپس جاؤں گا:اسحاق ڈار کی تصدیق

    اس سے قبل اسحاق ڈار نے کہا تھا کہ پاکستان جانےکےحوالےسےپروگرام منسوخ نہیں ہوا اورپاکستان روانگی کا شیڈول جولائی کے آخر میں ہے۔ذرائع کا پہلے بھی کہنا تھا کہ سابق وزیر خزانہ اسحاق ڈار کی وطن واپسی میں قانونی پیچیدگیاں ہیں۔

    سابق وزیراعظم نوازشریف نے حکومتی عہدے داروں کو قانون پیچیدگیاں اور اسحاق ڈار کے لئے حالت ساز گار بنانے کی ہدایات کی تھی۔

    ضروری تھا کہ شہباز شریف لندن آکر مشورہ کریں،اسحاق ڈار

    پچھلے ماہ اسحاق ڈار نے بتایا تھا کہ نواز شریف کی ہدایت اور رضامندی پر پاکستان واپس جارہا ہوں، ڈاکٹرز نے بھی سفر کی اجازت دیدی ہے۔

    واضح رہے کہ 2017 سے لندن میں مقیم اسحٰق ڈار نے پاکستان واپسی کی تصدیق کرتے ہوئے گزشتہ ماہ اپنے ایک بیان میں کہا تھا کہ وہ جولائی میں پاکستان واپس جائیں گے۔

    سابق وزیر خزانہ اسحاق ڈار کو پاسپورٹ جاری

    مسلم لیگ ن کے مرکزی نائب صدر شاہد خاقان عباسی نے سحاق ڈار وطن واپسی پر لاعلمی کا اظہار کرتے ہوئے کہا تھا کہ اسحاق ڈار کی وطن واپسی کا فیصلہ پارٹی سطح پر نہیں ہوا، وطن واپسی سے متعلق اسحاق ڈار کا اپنا فیصلہ ہے وہ جب بھی وطن واپسی کا فیصلہ کریں یہ ان کا فیصلہ ہوگا۔

  • عمران ریاض کی گرفتاری اور تصویر کا دوسرا رخ،مبشر لقمان نے کہانی کھول دی

    عمران ریاض کی گرفتاری اور تصویر کا دوسرا رخ،مبشر لقمان نے کہانی کھول دی

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ محسن بیگ کے ساتھ کیا ہوا تھا، اسکے گھر میں گھس کر اسکے بچوں، نوکروں کو مارا تھا، دہشت گردی کے پرچے کٹ گئے،تھانے میں زدو کوب کیا گیا، ویڈیو بنا بنا کر ایف آئی اے والے بھجواتے،

    مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ مفتاح اسماعیل نے بڑا کام کیا ہے اس میں کوئی شک نہیں، سب سے بڑا یہ کہ اسکو لوگوں کے سامنے برا بننا پڑ رہا ہے، مشکل فیصلہ کرنا ہی کرنا تھا ورنہ پاکستان ڈیفالٹ کر جاتا، پچھلی حکومتوں کے معاہدوں پر عمل کیا انہوں نے، مفتاح اسماعیل نے کمال معاہدہ کیا کہ تیل کی قیمتیں کم ہوں گی عالمی سطح پر تو یہاں بھی ریلیف ملے گا، یہ معاہدہ ہو چکا ہے، ن لیگ میں دو گروپ ایک دوسرے پر اٹیک کر رہے ہیں ایک مفتاح اور ایک اسحاق ڈار کا گروپ ہے، کافی لوگوں کا خیال ہے کہ مفتاح ڈے ٹو ڈے مینج کر رہے ہیں، اسحاق ڈار اگر وزیر خزانہ بننا چاہیں گے تو بن جائیں گے ،نواز شریف کو جو اعتماد اسحاق ڈار پر ہے فنانس کے حوالہ سے وہ کسی اور پر نہیں، مفتاح کو لوگ سپورٹ کرتے ہیں، وہ انکے لئے کافی ہے، وہ بھی تگڑے امیدوار ہیں، سوال یہ ہے کہ اسحاق ڈار وہ کونسا پہلو ہے جو کر سکتے ہیں جس سے پاکستان کی اکانومی سنبھلے، یہ وہی بتا سکتے ہیں، اسحاق ڈار عید کی چھٹیوں میں پاکستان آ رہے ہیں، میری ان سے ذاتی بات ہوئی ہے،انکا آخری چیک اپ کل یا پرسوں ہونا ہے، اسحاق ڈار وہ آکر نیب کی عدالت میں پیش ہوں گے، اس سے انکو گرفتار نہیں کیا جا سکتا، وہ وہاں حاضری دیں گے عدالت میں، مجھے لگتا یہ ہے کہ آنے والے دو ماہ میں پاکستان کی اکانومی بہتر ہونا شروع ہو جائے گی،

    مبشر لقمان کا مزید کہنا تھا کہ میں ابھی پرسوں بھی عدالت میں پیشی بھگت کر آیا ہوں ، کبھی کراچی کبھی لاہور، کبھی اسلام آباد، 56 کیسز میرے اوپر ایک ساتھ ہوئے تھے، 11 کیسز ابھی بھی بھگت رہا ہوں، میرے پاس پولیس کئی بار دیواریں پھلانگ کر آئی لیکن میں نے کبھی واویلا نہیں مچایا ، میرے کنٹینٹ پر لوگوں کو اعتراض تھا کہ میں نے کہا کہ نواز شریف ،اسحاق ڈار نے منی لانڈرنگ کی تو میرے کنٹینٹ پر لوگوں کو اعتراض تھا، میری زبان پر نہیں، میں نے کبھی کسی کو دھمکی نہیں دی، پچھلے کافی عرصے سے ہمارے کچھ اینکر ایکٹوسٹ ہو گئے وہ اینکر نہیں رہے، میں پی ٹی آئی کے ساتھ تھا تو اقرار کیا کہ ساتھ ہوں یہ نہیں کہا تھاکہ نیوٹرل ہوں، بڑے دعوے کئے تھے عمران ریاض نے کہ پانچ گھنٹے بعد ویڈیو اپلوڈ ہو جائے گی، 36 گھنٹے ہو گئے میں ویڈیو کا انتظار کر رہا ہوں، جمیل فاروقی یا کچھ اور انکی ٹون ایک دم سے بدلنا شروع ہو گئی ہے، پوری دنیا میں ایک بات بڑی کلیئر ہے، امریکہ نے کتنی جنگیں لڑیں، لیکن آج تک امریکی جنرل تجزیہ نہیں دے سکتا، طالبان نے امریکی فوج کے ساتھ کیا کیا لیکن انکا میڈیا کچھ نہیں بولتا، اداروں کے خلاف بات کریں ،آئین کے خلاف بات کریں اور جب یہ پتہ ہو کہ آئین میں انہیں تحفظ حاصل ہے جنکے خلاف تنقید کی جا رہی ہے، جس قانون کے تحت عمران ریاض پکڑا گیا یہ پی ٹی آئی نے بنایا، یہ قانون ہے، جو بھی اداروں پر بے جا تنقید کرے گا اسکو سزا ہو گی، اس پر عمران ریاض خان نے وی لاگ بھی کیا تھا اور کہا تھا کہ یہ بالکل بہت صحیح ہوا ہے، محسن بیگ کے ساتھ کیا ہوا تھا، اسکے گھر میں گھس کر اسکے بچوں، نوکروں کو مارا تھا، دہشت گردی کے پرچے کٹ گئے،تھانے میں زدو کوب کیا گیا، ویڈیو بنا بنا کر ایف آئی اے والے بھجواتے، اسد طور، حامد میر کے ساتھ کیا ہوا تھا؟ یہی عمران ریاض خان اسوقت کیا بول رہے تھے؟

    ہ قانون جو بھی توڑے گا وہ تیار رہے ریڈ لائن عبور نہیں کرنی چاہئے،

    ایف بی آر نوٹس کی مہلت ختم،عمران ریاض خان پیش نہ ہوئے

    آپ اتنا مت گھبرائیں،فارن فنڈنگ کیس میں عدالت کا پی ٹی آئی وکیل سے مکالمہ

    فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

    فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

  • اگلے چند دنوں میں پاکستان واپس جاؤں گا:اسحاق ڈار کی تصدیق

    اگلے چند دنوں میں پاکستان واپس جاؤں گا:اسحاق ڈار کی تصدیق

    لاہور:پاکستان کی سیاست میں ایک اہم شخصیت کی انٹری ہونے جارہی ہے اوریہ سیاسی شخصیت کسی تعارف کی محتاج نہیںَ اطلاعات ہیں‌کہ پاکستان مسلم لیگ ن کے سینئر رہنما اور سابق وفاقی وزیر خزانہ اسحاق ڈار نے تصدیق کرتے ہوئے کہا ہے کہ وہ اگلے چند دنون یعنی جولائی میں پاکستان واپس جاؤں گا، اسحاق ڈار کا کہنا ہے کہ اس سلسلے میں فی الحال وہ رخت سفرباندھ رہے ہیں‌

    برطانوی خبر رساں ادارے کو دیئے گئے ایک انٹرویو میں انہوں نے کہا کہ اگلے ماہ (میرا) پاکستان واپسی کا ارادہ تقریباً کنفرم ہے۔ میری کی صحت کو درپیش چند مسائل کا علاج اگلے 12 روز میں مکمل ہونے کی توقع ہے، ڈاکٹرز اگلے چند روز میں اُن کے علاج کے مکمل ہونے کے بارے میں پُرامید ہیں۔

    پاکستان میں کیسوں اور ضمانت کے بارے میں پوچھے گئے سوال کے جواب میں لیگی سینیٹر نے کہا کہ اُن پر پاکستان میں ایک ہی کیس ہے جو عمران نیازی کی جانب سے دائر کیا جانے والا جعلی مقدمہ ہے۔مجھ پر جعلی کیس بنایا گیا اس کی کوئی بنیاد نہیں۔ یہ میرے ٹیکس ریٹرن پر بنایا گیا۔ ایسا شخص ہوں جو ٹیکس ریٹرن جمع کرانے میں کبھی تاخیر نہیں کرتا۔

    اسحاق ڈار نے مزید کہا کہ یہی وجہ ہے کہ عمران خان کی حکومت کی جانب سے جب پاکستان لانے کے لیے انٹر پول سے رابطہ کیا گیا تو جو دستاویزات انٹرپول کو دی گئیں ان میں کوئی جان ہی نہیں تھی، اس لیے انٹر پول نے مجھے کلین چٹ دی۔

    حکومت کی معاشی پالیسیوں میں ان کے ممکنہ کردار اور وزیر خزانہ کا قلمدان سنبھالنے کے حوالے سے پوچھے گئے سوال کے جواب میں انہوں نے کہا کہ پاکستان واپسی پر بطور سینیٹر حلف اٹھائیں گے۔ وزیر خزانہ کا قلمدان سنبھالنے کا فیصلہ اُن کا نہیں ہو گا بلکہ یہ اُن کی پارٹی اور قیادت کا فیصلہ ہو گا کہ کس شخص کو کیا ذمہ داری دینی ہے۔

  • ن لیگی رہنما کا لندن سے پاکستان واپسی کا فیصلہ

    ن لیگی رہنما کا لندن سے پاکستان واپسی کا فیصلہ

    ن لیگ کے رہنما سینیٹر اسحاق ڈار کی پاکستان واپسی کا فیصلہ ہو گیا ہے

    اسحاق ڈار جولائی کے دوسرے ہفتے میں پاکستان آ سکتے ہیں ،نجی ٹی وی جیو کے مطابق ذرائع کا کہنا ہے کہ پاکستان واپس آ کرن لیگی رہنما اسحاق ڈار پہلے بطورسینیٹر اپنا حلف لیں گے جس کے بعد وہ وفاقی وزیرخزانہ کا قلمدان سنبھالیں گے

    اسحاق ڈار علاج کے لئے لندن گئے تھے تا ہم واپس نہیں آئے تھے، اب ان کی واپسی کا پروگرام بن رہا ہے، اسحاق ڈار کو مفتاح اسماعیل کی جگہ وزیر خزانہ بنایا جائے گا، اسحاق ڈار ن لیگ کے سینیٹر ہیں تا ہم انہوں نے ابھی تک حلف نہیں اٹھایا، اسحاق ڈار نے ویڈیو لنک کے ذریعے حلف اٹھانے کی چیئرمین سینیٹ سے استدعا کی تھی جسے مسترد کر گیا تھا،

    موجودہ اتحادی حکومت آئی تو مفتاح اسماعیل کو وزیر خزانہ مقرر کیا گیا ہے ،رواں برس کا بجٹ بھی مفتاح اسماعیل نے پیش کیا ہے، آئی ایم ایف کے ساتھ مذاکرات بھی مفتاح اسماعیل کر رہے ہیں،مفتاح اسماعیل رکن پارلیمنٹ نہیں ہیں اس لیے وہ چھ ماہ تک وزارت کے عہدے پر نہیں رہ سکتے اسی لئے اسحاق ڈار واپس آ کر وزیر خزانہ بنیں گے،

    یاد رہے کہ سابق وزیر خزانہ اسحاق ڈار پر آمدن سے زائد اثاثے بنانےکا کیس ہے اور وہ نومبر 2017 میں علاج کی غرض سے لندن گئے تھے اور اس کے بعد سے وطن واپس نہیں آئے۔

    ڈبل شاہ کیس، نیب کی جانب سے متاثرین میں کتنے کروڑ کے چیک تقسیم ہوئے؟

    نیب ایگزیکٹو بورڈ کا اجلاس ،23 ماہ میں کتنے مقدمات دائر ہوئے؟ چیئرمین نیب نے بتا دیا

    خورشید شاہ نے اپنا گھر کس کے پلاٹ پر بنایا؟ نیب کا عدالت میں حیران کن انکشاف

    قبل ازیں ن لیگ کی حکومت آئی تو حکومت پاکستان نے سابق وزیر خزانہ اسحاق ڈار کو پاسپورٹ جاری کردیا گیا تھا،اسوقت اسحاق ڈار کا کہنا تھا کہ سیاسی انتقام کیلئے مجھ پر بےبنیاد مقدمات قائم کیے گئے تھے، حلفا کہتا ہوں کہ کبھی ٹیکس چھپایا اور نہ ریٹرن تاخیر سے فائل کی،

    سابق وزیر خزانہ اسحاق ڈار نے پاسپورٹ کیلئے لندن سفارتخانے میں اپنے دستاویزت جمع کروائی تھیں اس سے قبل پاکستان مسلم لیگ ن کے قائد اور سابق وزیراعظم نوازشریف کو پاسپورٹ جاری کیا گیا، نواز شریف کو جاری کئے گئے پاسپورٹ کی مدت 10سال ہے، نواز شریف کو ڈپلومیٹک پاسپورٹ جاری نہیں کیا گیا، نواز شریف کو عام پاسپورٹ جاری کیا گیا

  • ن لیگی رہنما اسحاق ڈار کے وارنٹ گرفتاری جاری

    ن لیگی رہنما اسحاق ڈار کے وارنٹ گرفتاری جاری

    ن لیگی رہنما اسحاق ڈار کے وارنٹ گرفتاری جاری
    احتساب عدالت اسلام آباد میں سابق وزیر خزانہ اسحاق ڈار کیخلاف آمدن سے زائد اثاثوں کے ریفرنس کی سماعت ہوئی

    نیب پراسیکیوٹر افضل قریشی، شریک ملزمان کے وکلا عدالت کے روبرو پیش ہوئے، احتساب عدالت نے سابق وزیر خزانہ اسحق ڈار کے دوبارہ دائمی وارنٹس گرفتاری جاری کر دئیے ،احتساب عدالت نے اسحق ڈار کی گرفتاری سے فیصلہ مشروط کر دیا عدالت نے حکم دیا کہ جب تک اسحاق ڈار کو گرفتار کرکے عدالت پیش نہیں کیا جاتا ریفرنس کی کارووائی آگے نہیں بڑھے گی،احتساب عدالت نے ریفرنس کی سماعت اسحق ڈار کی گرفتاری تک ملتوی کر دی احتساب عدالت کے جج محمد بشیر نے ریفرنس پر سماعت کی ،شریک ملزمان نے نیب ترمیمی آرڈیننس کے تحت ریفرنس کو دوبارہ چیلنج کر رکھا تھا

    ڈبل شاہ کیس، نیب کی جانب سے متاثرین میں کتنے کروڑ کے چیک تقسیم ہوئے؟

    نیب ایگزیکٹو بورڈ کا اجلاس ،23 ماہ میں کتنے مقدمات دائر ہوئے؟ چیئرمین نیب نے بتا دیا

    خورشید شاہ نے اپنا گھر کس کے پلاٹ پر بنایا؟ نیب کا عدالت میں حیران کن انکشاف

    قبل ازیں عمران خان کی حکومت کے خاتمے کے بعد ن لیگ کی حکومت آئی تو حکومت پاکستان نے سابق وزیر خزانہ اسحاق ڈار کو پاسپورٹ جاری کردیا اسحاق ڈار کا کہنا تھا کہ پاسپورٹ ملنے کے بعد پاکستان واپسی کے حوالے سے فیصلہ کروں گا پاکستان حکام نے پاسپورٹ کے جاری ہونے سے متعلق آگاہ کردیا ،سیاسی انتقام کیلئے مجھ پر بےبنیاد مقدمات قائم کیے گئے تھے، حلفا کہتا ہوں کہ کبھی ٹیکس چھپایا اور نہ ریٹرن تاخیر سے فائل کی،

    سابق وزیر خزانہ اسحاق ڈار نے پاسپورٹ کیلئے لندن سفارتخانے میں اپنے دستاویزت جمع کروائی تھیں اس سے قبل پاکستان مسلم لیگ ن کے قائد اور سابق وزیراعظم نوازشریف کو پاسپورٹ جاری کیا گیا، نواز شریف کو جاری کئے گئے پاسپورٹ کی مدت 10سال ہے، نواز شریف کو ڈپلومیٹک پاسپورٹ جاری نہیں کیا گیا، نواز شریف کو عام پاسپورٹ جاری کیا گیا

  • ضروری تھا کہ شہباز شریف لندن آکر مشورہ کریں،اسحاق ڈار

    ضروری تھا کہ شہباز شریف لندن آکر مشورہ کریں،اسحاق ڈار

    مسلم لیگ ن کے رہنما، سابق وزیر خزانہ اسحاق ڈار کا کہنا ہے کہ عوام پر بوجھ ڈالیں گے تو ہر چیز کی قیمت آسمان پر جائے گی-

    باغی ٹی وی : لندن میں میڈیا سے گفتگو کرتے ہوئے اسحاق ڈار نے کہا کہ مخلوط حکومت کی میٹنگ میں نواز شریف اور میں شریک تھے، یہ ضروری تھا کہ شہباز شریف لندن آکر مشورہ کریں –

    عمران خان کے پاس وفا نہیں ہے، مصطفیٰ کمال

    پی ٹی آئی حکومت نے تاثر دیا کہ سبسیڈیز فنڈڈ ہیں جو کہ نہیں تھیں، یہ مجموعی طور پر 300 ارب کا مسئلہ ہے، عوام پر بوجھ ڈالیں گے تو ہر چیز کی قیمت آسمان پر جائے گی،اس پر کل اتحادی قائدین سے مشاورت ہوئی تھی پاکستانی عوام چند برس میں مہنگائی کا طوفان برداشت کرچکی، اب مزید برداشت کے قابل نہیں، اتحادیوں سے مل کر فیصلہ کریں گے، کوشش ہوگی عوام پر کم سے کم بوجھ ڈالا جائے۔

    انہوں نے الیکشن کے حوالے سے بات کرتے ہوئے کہا کہ الیکشن کمشنر کے مطابق اکتوبر سے پہلے الیکشن کرا ہی نہیں سکتے، الیکشن کرانے کا دوسرا آپشن اگست 2023 ہے، الیکشن کا فیصلہ اتحادی جماعتیں مل کر کریں گی۔

    پاکستان

    عمران خان نے پنجاب کےسیاسی معاملات کیلئے پارلیمانی ایڈوائزری کونسل قائم کردی

    اسحاق ڈار نے کہا کہ صدر پاکستان عارف علوی کا عمل نہایت غیرموزوں ہے، وزیراعظم شہباز شریف کی ایڈوائس کو واپس کرنے کی وجہ بھی بتانی پڑتی ہے اس قسم کی گھٹیا سیاست سے بچنے کی کوشش کرنی چاہیےصدر پاکستان کی پارٹی وابستگی ختم ہوجانی چاہیے، پاکستان میں انارکی پھیلانے کی کوشش کرنا اچھی بات نہیں۔

    قبل ازیں نجی خبررساں ادارے سے بات کرتے ہوئے سابق وزیر خزانہ اسحاق ڈار کا کہنا تھا کہ پچھلی حکومت نے انتہائی سخت شرائط پر معاہدہ کیا ہمیں ملک چلانا ہےڈکٹیشن لے کر ملک کا بیڑا غرق نہیں کرنا آئی ایم ایف کہہ رہا ہےکہ پٹرول اورڈیزل کی قیمت بڑھائیں حکومت پیٹرول اور ڈیزل کی قیمتیں بڑھا کر ایک دم عوام پر بوجھ نہیں ڈال سکتی میری رائے میں آئی ایم ایف سے دوبارہ مذاکرات کرنے چاہئیں۔

    وزیراعظم شہباز شریف وفد کےہمراہ لندن پہنچ گئے

    اسحاق ڈار نے کہا تھا کہ تحریک انصاف کی حکومت نے ریونیو نہیں بڑھایا، پی ٹی آئی کو پتا تھا کہ وہ حکومت سے جارہے ہیں، اس لیے انہوں نے پٹرولیم قیمتوں میں کمی کی پچھلی حکومت نے روپے کو کھلا چھوڑ کر بیڑا غرق کردیا۔ مانیٹری پالیسی کو ایک فیصد کنٹرول کرنے سے اربوں روپے پاکستان کے بچتے ہیں۔

    سابق وزیر خزانہ نے کہا تھا کہ مسلم لیگ ن کی حکومت نے کیش فلو کو مینج کیا، روپے کو کھلا چھوڑنے سے 4 ہزار ارب کا ملک کو نقصان ہوا اسٹیٹ بینک سےمتعلق قانون میں چیزوں کوٹھیک کرنا پڑےگا۔

    عمران خان سےآئندہ الیکشن میں مکمل جان چھوٹ جائے گی: نواز شریف

  • سابق وزیر خزانہ اسحاق ڈار کو پاسپورٹ جاری

    سابق وزیر خزانہ اسحاق ڈار کو پاسپورٹ جاری

    حکومت پاکستان نے سابق وزیر خزانہ اسحاق ڈار کو پاسپورٹ جاری کردیا

    اسحاق ڈار کا کہنا تھا کہ پاسپورٹ ملنے کے بعد پاکستان واپسی کے حوالے سے فیصلہ کروں گا پاکستان حکام نے پاسپورٹ کے جاری ہونے سے متعلق آگاہ کردیا ،سیاسی انتقام کیلئے مجھ پر بےبنیاد مقدمات قائم کیے گئے تھے، حلفا کہتا ہوں کہ کبھی ٹیکس چھپایا اور نہ ریٹرن تاخیر سے فائل کی،

    سابق وزیر خزانہ اسحاق ڈار نے پاسپورٹ کیلئے لندن سفارتخانے میں اپنے دستاویزت جمع کروائی تھیں اس سے قبل پاکستان مسلم لیگ ن کے قائد اور سابق وزیراعظم نوازشریف کو پاسپورٹ جاری کیا گیا، نواز شریف کو جاری کئے گئے پاسپورٹ کی مدت 10سال ہے، نواز شریف کو ڈپلومیٹک پاسپورٹ جاری نہیں کیا گیا، نواز شریف کو عام پاسپورٹ جاری کیا گیا

    ڈبل شاہ کیس، نیب کی جانب سے متاثرین میں کتنے کروڑ کے چیک تقسیم ہوئے؟

    نیب ایگزیکٹو بورڈ کا اجلاس ،23 ماہ میں کتنے مقدمات دائر ہوئے؟ چیئرمین نیب نے بتا دیا

    خورشید شاہ نے اپنا گھر کس کے پلاٹ پر بنایا؟ نیب کا عدالت میں حیران کن انکشاف

    خورشید شاہ پیشی.عدالت نے ایسا کیا کہا کہ نیب حکام کی دوڑیں لگ گئیں

    اسحاق ڈار کا بیٹا غصے میں آ گیا، حکومت کے خلاف بڑا اعلان کر دیا

    سال کی سب سے اچھی خبر وفاقی وزیر علی زیدی نے بتا دی

    اسحاق ڈار کی اہلیہ کو بڑا جھٹکا، گھر نیلامی کیخلاف درخواست مسترد

    واضح رہے کہ سپریم کورٹ آف پاکستان نے سابق وزیر خزانہ اسحٰق ڈار کی سینیٹ کی رکنیت عبوری طور پر معطل کردی تھی اسحٰق ڈار 3 مارچ 2018 کو ہونے والے سینیٹ الیکشن میں پاکستان مسلم لیگ (ن) کے حمایت یافتہ آزاد امیدوار کی حیثیت سے کامیاب ہوئے تھے، تاہم انہوں نے حلف نہیں اٹھایا تھا ان کی اہلیت سے متعلق کیس میں  موقف ہے کہ ایک مفرور شخص انتخابات میں حصہ نہیں لے سکتا۔ بعد ازاں لیکشن کمیشن آف پاکستان (ای سی پی) نے پاکستان مسلم لیگ ن کے رہنما اور سابق وزیر خزانہ اسحاق ڈار کی سینیٹ کی رکنیت بحال کردی تھی

  • جہانگیر ترین نے حمزہ شہباز کی حمایت کا اعلان کر دیا،ن لیگی رہنما کا دعویٰ

    جہانگیر ترین نے حمزہ شہباز کی حمایت کا اعلان کر دیا،ن لیگی رہنما کا دعویٰ

    مسلم لیگ ن کے سینئیر رہنما اور سابق وزیر خزانہ اسحاق ڈار نے دعویٰ کیا ہے کہ جہانگیر ترین گروپ وزیراعلیٰ پنجاب کے لیے حمزہ شہباز کی حمایت کرے گا۔

    باغی ٹی وی : گزشتہ روز عثمان بزدار کا استعفیٰ منظور کرنے کے بعد گورنر پنجاب چوہدری محمد سرور نے نئے وزیراعلیٰ کی تقرری کے لیے آج 11 بجے پنجاب اسمبلی کا اجلاس طلب کر رکھا ہے۔

    پاکستان میں امریکی مداخلت نامنظور:امریکہ سازشوں کے ذریعےحکومتیں گرانا بندکردے:سراج الحق

    دوسری جانب (ن) لیگ کے رہنما خواجہ سعد رفیق نے وزیراعلیٰ پنجاب عثمان بزدار کا استعفی غیرآئینی قرار دیتے ہوئے کہا ہے کہ وزیراعلیٰ پنجاب کو اپنا استعفا وزیراعظم کو نہیں گورنر پنجاب کے نام بھیجنا ہوتا ہے (ن) لیگ کی جانب سے استعفے کا نوٹیفکیشن واپس لینے کا مطالبہ بھی کیا گیا ہے۔

    پاکستان تحریک انصاف نے وزیراعلیٰ کے لیے اپنی اتحادی جماعت مسلم لیگ ق کے رہنما چوہدری پرویز الٰہی کو امیدوار نامزد کیا ہے جبکہ مسلم لیگ ن نے حمزہ شہباز کو امیدوار نامزد کیا ہے جس کی منظوری پارٹی قائد نواز شریف نے بھی دے دی ہے۔

    گزشتہ روز جہانگیر ترین اور اسحاق ڈار کے درمیان لندن کے ایک ہوٹل میں تقریباً دو گھنٹے طویل ملاقات ہوئی جس میں پنجاب کے وزیراعلیٰ سمیت ملکی سیاسی صورت حال پر تبادلہ خیال کیا گیا۔

    اسلام آباد سے خیر کی خبریں نہیں آرہیں:جونہیں ہونا چاہیے تھا وہ کچھ ہونے جارہا ہے:مبشرلقمان

    ملاقات میں اسحاق ڈار، جہانگیر ترین اور اُن کے صاحبزادے علی ترین موجود تھے، دونوں رہنماؤں میں سیاسی امور پر تفصیلی بات چیت ہوئی اور دونوں رہنماؤں نے ملاقات میں مستقبل میں مل کر کام کرنے کے آپشنز پر غور کیا اور اس حوالے سے آمادگی ظاہر کی۔

    اس ملاقات کے حوالے سے اسحاق ڈار نے سوشل میڈیا ویب سائٹ ٹوئٹر پر اپنے ایک ٹوئٹ میں بتایا کہ جہانگیر ترین کے ساتھ بامعنی مذاکرات ہوئے جس میں فیصلہ کیا گیا کہ ترین گروپ وزیراعلیٰ پنجاب کے لیے متحدہ اپوزیشن کے امیدوار حمزہ شہباز کی حمایت کرے گا۔


    دو روز قبل اسحاق ڈار اور جہانگیر ترین کے درمیان ٹیلیفونک گفتگو ہوئی تھی، جس میں ملک میں جاری سیاسی صورتحال سمیت دیگر معاملات پر تبادلہ خیال کیا گیا۔

    آرمی چیف سے امریکا کے سابق مندوب برائے افغانستان زلمے خلیل زاد کی ملاقات

    دوسری جانب مونس الہٰی کی بھی ترین گروپ سے چار گھنٹے طویل ملاقات ہوئی جس کے بعد ان کا کہنا تھا کہ وزارت اعلیٰ سے متعلق حتمی فیصلہ ہفتے کو کر لیا جائے گا مونس الٰہی نے دعویٰ کیا کہ ان شاء اللہ پرویز الہٰی ہی وزیراعلی پنجاب بنیں گے، ترین صاحب سے جب بھی ملا ہمیشہ اچھا پیغام ملا۔

    ترین گروپ کے نعمان لنگڑیال کا کہنا تھا کہ ملاقات کے دوران مسلسل جہانگیر ترین سے رابطہ رہا، دن بارہ بجے ایک اور میٹنگ ہو گی نعمان لنگڑیال کے مطابق جبکہ ترجمان ترین گروپ عون چوہدری کا کہنا تھا کہ جو بھی فیصلہ ہو گا اچھا ہی ہو گا 12 بجے تک انتظار کر لیں، حتمی فیصلہ ہو جائے گا۔

    شریف فمیلی کی چوہدریوں کے خلاف سازشیں دم توڑنے لگیں:چیھنہ گروپ کی حمایت:پرویزالٰہی کی جیت یقینی