Baaghi TV

Tag: ٹرمپ

  • مجھے کیوں نکالا:ٹرمپ:آپ جمہوریت کے لیے خطرہ تھے:جوبائیڈن کا جواب

    مجھے کیوں نکالا:ٹرمپ:آپ جمہوریت کے لیے خطرہ تھے:جوبائیڈن کا جواب

    واشنگٹن:مجھے کیوں نکالا:ٹرمپ:آپ جمہوریت کے لیے خطرہ تھے:جوبائیڈن کا جواب،اطلاعات کے مطابق امریکی صدر جوبائیڈن نے کہا ہے کہ ڈونلڈ ٹرمپ جھوٹ کا پلندہ ہیں اور امریکہ میں جمہوریت کیلئے شدید خطرہ ہیں۔

    امریکی میڈیا میٹرو یو ایس کے مطابق سابق امریکی صدر ڈونلڈ ٹرمپ کو جوبائیڈن نے تنقید کا نشانہ بناتے ہوئے کہا کہ 6 جنوری 2021 کو جو واشنگٹن میں سرکاری عمارت کیپیٹل ہِل پر حملہ ہوا اس کی پوری ذمہ داری ڈونلڈ ٹرمپ پر عائد ہوتی ہے۔

    صدر کا یہ بھی کہنا تھا ٹرمپ کا یہ بیان کہ 2020 کے الیکشن کے نتائج میں دھاندلی کی گئی، یہ بیان ملک میں قانون کی بالادستی کے نظریے اور مستقبل میں آنے والے انتخابات کی بنیادوں کیلئے خطرہ ہے۔

    جوبائیڈن نے کہا کہ کیا سچ ہے اور کیا جھوٹ؟ ہمیں اس میں باریک بینی سے تفریق کرنے کی ضرورت ہے۔ سچ یہ ہے کہ سابق صدر نے 2020 کے الیکشن سے متعلق فریب کا جال بُنا اور یہ انہوں نے اس لیے کیا کیونکہ وہ اصولوں سے زیادہ طاقت کو ترجیح دیتے ہیں۔

  • ٹرمپ اور اردوان میٹھی میٹھی باتیں کرنے لگے

    ٹرمپ اور اردوان میٹھی میٹھی باتیں کرنے لگے

    واشنگٹن:شام میں کردوں کے خلاف کارروائی پر امریکہ کی طرف سے ترک صدر طیب اردوان کے خلاف امریکی صدر ٹرمپ کے سخت اور تلخ جملوں کے جواب میں ترکی کے صدر طیب اردوان کی طرف سے بھرپورجواب کے بعد دونوں ملکوں کی فضا بہت خراب ہوگئی تھی ، تاہم اب صورت حال سنھبلنے لگی ہے

    اصل سے نقل بہتر ، ایک اور حمزہ علی عباسی کا ظہور

    ذرائع کےمطابق معاملات بگڑنے کے بعد اب ٹرمپ اور اردوان میٹھی میٹھی باتیں کرنے لگے ، امریکی صدر ڈونلڈ ٹرمپ نے کہا ہے کہ شمالی شام میں معمولی مارٹر گولے اور اسنائپر کی جھڑپ تھی جو ختم ہوگئی۔

    تفصیلات کے مطابق امریکی صدر ٹرمپ نے سماجی رابطے کی ویب سائٹ ٹویٹر پر اپنے پیغام میں کہا ہے کہ اردون نے بھی جنگ بندی یا لڑائی روکنے کی خواہش کا اظہار کیا ہے، کردوں نے بھی رجب اردوان جیسی خواہش کا اظہار کیا۔https://twitter.com/realDonaldTrump/status/1185219642668867585?ref_src=twsrc%5Etfw%7Ctwcamp%5Etweetembed%7Ctwterm%5E1185219643432230913&ref_url=https%3A%2F%2Furdu.arynews.tv%2Fus-president-trump-twit-about-erdogan%2F

    امریکی صدر کا کہنا تھا کہ افسوس ایسی سوچ سالوں پہلے سے نہیں تھی، ماضی میں ایسی صورت حال سے مصنوعی طریقوں سے نمٹا گیا، دونوں جانب سے نیک خواہشات کا اظہار کیا گیا، کامیابی کے امکانات بہت زیادہ ہیں۔https://twitter.com/realDonaldTrump/status/1185219641972539392?ref_src=twsrc%5Etfw%7Ctwcamp%5Etweetembed%7Ctwterm%5E1185219642668867585&ref_url=https%3A%2F%2Furdu.arynews.tv%2Fus-president-trump-twit-about-erdogan%2F

    انہوں نے لکھا کہ دولت اسلامیہ کردوں اور ترک دونوں جانب سے گھیرے میں ہیں، پہلی بار یورپی ممالک دولت اسلامیہ میں شامل اپنے شہریوں کے واپسی کے لیے تیار ہیں، واپسی پہلے ہی ہوجانی چاہئے تھی جب جنگجو ہمارے قبضے میں تھے۔

    .https://twitter.com/realDonaldTrump/status/1185219641972539392?ref_src=twsrc%5Etfw%7Ctwcamp%5Etweetembed%7Ctwterm%5E1185219641972539392&ref_url=https%3A%2F%2Furdu.arynews.tv%2Fus-president-trump-twit-about-erdogan%2F

    امریکی صدر ڈونلڈ ٹرمپ نے مزید کہا کہ بہرحال اس معاملے میں اچھی پیش قدمی ہوئی ہے۔

    ترک امریکا تعلقات کی بنیاد مضبوط اور جڑیں گہری ہیں، ترک صدر اردوان نے ٹرمپ کے جواب میں خوبصورت جواب دے کر سب کو حیران کردیا

    ڈومور:فروری 2020 تک پھر تلوارلٹک گئی ایف اے ٹی ایف ناخوش

    دوسری جانب ترک صدر رجب طیب اردوان کا کہنا ہے کہ ترکی اور امریکا تعلقات کی بنیاد مضبوط اور جڑیں گہری ہیں۔

    ترک صدر کا کہنا تھا کہ باہمی تعلق کی مضبوطی کے لیے جو اقدامات کیے گئے ان سے مطمئن ہوں، باہمی کوششیں خطے میں امن، خوشحالی اور استحکام برقرار رکھیں گی۔

    سینیٹرمشاہداللہ سیاست کریں شرارت نہیں‌،فیصلے میرٹ پر ہوتے ہیں‌ ،پی سی بی

    Comments

  • ٹرمپ نے چین سے متعلق اہم اعلان کردیا،

    ٹرمپ نے چین سے متعلق اہم اعلان کردیا،

    واشنگٹن : امریکی صدر ڈونلڈ ٹرمپ نے چند دن خاموشی کےبعد اب پھر ایک نیا بیان داغ کر عالمی سیاست کا ماحول گرما دیا ہے، اطلاعات کے مطابق امریکی صدر ڈونلڈ ٹرمپ نے چین کے حوالے سے اہم اعلان کرتے ہوئے کہا ہےکہ امریکہ چین سے اپنے تجارتی معاملات حل کرنا چاہتا ہے

    باغی ٹی وی کے مطابق اس حوالے سے امریکی صدر ڈونلڈ ٹرمپ نے حسب عادت ٹویٹ کا سہارا لیتے ہوئے ایک بیان داغا ہےکہ امریکہ اپنے عظیم اور بڑے کسانوں کی خاطر چند اہم اقدامات اٹھانے جارہا ہے، یہ کسان محبت وطن ہیں اور امریکی حکومت ان کی بھلائی کے لیے تمام تو کوششیں بروئے کار لائے گی

    مقبوضہ کشمیر میں کرفیو اور ظلم ختم کیا جائے، ترک صدر اردوان

    امریکی صدر ڈونلڈ ٹرمپ نے ٹویٹ کرتے ہوئے کہا ہےکہ وہ اپنے کسانوں کو سہولیات بہم پہنچانے کے لیے چین کے ساتھ مفید معاہدے کریں گے اور ان کو بھرپورفائدہ پہنچائیں‌گے ، یاد رہےکہ امریکی صدر ڈونلڈ ٹرمپ ٹویٹس سے گاہے بگاہے عالمی ماحول گرم رکھنے کی کوشش کرتے رہتے ہیں‌

  • ترکی کا شام میں آپریشن غلط فیصلہ ہے، ٹرمپ کو موڈ خراب ہوگیا

    ترکی کا شام میں آپریشن غلط فیصلہ ہے، ٹرمپ کو موڈ خراب ہوگیا

    امریکی صدر ڈونلڈ ٹرمپ کا کہنا ہے کہ ترکی کا شمالی شام پر حملہ کرنے کا فیصلہ غلط ہے۔واضح رہے کہ ڈونلڈ ٹرمپ نے امریکی فوجیوں کو شام سے واپس بلالیا تھا جس کے بعد ترکی کو امریکا کے سابقہ اتحادی کرد جنگجوؤں پر حملہ کرنے کا موقع ملا تھا۔

    اب سعودی خواتین سرحدوں کی حفاظت کریں گی ، محمد بن سلمان کا انوکھا فیصلہ

    فوجیوں کو واپس بلانے کے فیصلے پر ڈونلڈ ٹرمپ کو اپنی ہی جماعت، ریپبلکن پارٹی کے سینیئر اراکین سمیت واشنگٹن کے کئی اعلیٰ عہدیداروں کی تنقید کا سامنا کرنا پڑ رہا ہے اور ٹرمپ کے فیصلے کو کرد ملیشیاز کے ساتھ دھوکا قرار دیا گیا ہے۔

    آزادی نہیں فسادی مارچ ،توڑ پھوڑ کے منصوبے ، ریاست کے خلاف شرارت ہے ، شوکت یوسفزئی

    خیال رہے کہ کرد جنگجووں کے ساتھھ مل کر امریکی فورسز نے شام سے داعش کے خاتمے کے لیے لڑا تھا۔ڈونلڈ ٹرمپ کا کہنا تھا کہ کہ ‘واشنگٹن اس حملے کو قبول نہیں کرتا’۔ٹرمپ نے ترکی کو خبردار کرتے ہوئے کہا ہے کہ وہ فی الفوریہ حملے بند کردے لیکن دوسری طرف ترکی نے امریکہ سمیت تمام عالمی قوتوں کے الزامات کو مسترد کردیا ہے

    اقوام متحدہ بھی کنگال، پیسےمک گئے ،سیکرٹری جنرل نے پردہ چاک کردیا

  • مسلمانوں کے خلاف بھارت اور امریکہ کی ایک زبان :علی چاند

    مسلمانوں کے خلاف بھارت اور امریکہ کی ایک زبان :علی چاند

    امریکہ کے شہر ہیوسٹن میں امریکیوں اور ہندوستانیوں سے بھرے سٹیڈیم میں امریکی صدر ڈونلڈ ٹرمپ اور بھارتی وزیراعظم مودی نے ایک دوسرے کو تھپکی دیتے ہوٸے اس بات کا عزم کیا ہے کہ وہ دونوں مل کر دنیا سے اسلامی دہشت گردی کا خاتمہ کریں گے ۔ یہ بات امریکی صدر نے کہی ہے کہ
    ” ہم بےقصور شہریوں کی انتہا پسند اسلامی دہشت گردی کے خطرہ سے حفاظت کے لئے پرعزم ہیں ”

    کاش مسلمان حکمرانوں میں اتنا عقل و شعور اور سمجھ ہوتی کہ کافر ، عیساٸی اور یہودی کبھی بھی مسلمانوں کے دوست نہیں ہوسکتے ۔ کاش مسلمان حکمرانوں میں اتنی غیرت ہوتی کہ وہ اپنے مظلوم مسلمان بہن بھاٸیوں کی جہاد کے ساتھ مدد کرتے ہمارے حکمرانوں کا یہ المیہ ہے کہ وہ صرف معیشیت کا ہی رونا روتے رہتے ہیں ۔ یہ نہیں سوچتے کہ جنگیں ہار جیت اور معشیت کے لیے نہیں بلکہ اپنے وقار کے لیے لڑی جاتی ہیں ۔ مسلمان حکمرانوں نے اپنی معیشیت بہتر بنانے کے چکروں اپنا وقار مٹی میں ملا دیا ہے ۔ مسلمان حکمرانوں نے اپنی معیشیت کی خاطر ان ہندوٶں کو اپنے اپنے ملکوں میں نہ صرف مندر تعمیر کر کے دٸیے ہیں بلکہ ان مندروں کا افتتاح بھی اپنے ہاتھوں سے کر رہے ہیں ۔ یہی مسلمان حکمران ان یہود و ہنود کو نہ صرف مندر تعمیر کر کے دے رہے ہیں بلکہ انہیں اپنے اعلی سول اعزازات سے بھی نواز رہے ہیں ۔ کسی کو پچاس لاکھ ڈالر مالیت کا سونے کا ہار پہنایا جارہا ہے اور کسی کو سول اعزاز دیا جارہا ہے ۔ اور بدلے میں کیا مل رہا ہے ان مسلمان حکمرانوں کو ۔ خود ہم پاکستانی حکمران اپنی نمک جیسی نعمت کو انہی یہود و ہنود کو کوڑیوں کے دام دے رہے ہیں ۔ بدلے میں مسلمانوں کو کیا مل رہا ہے سود در سود قرض تلے ساری قوم جھکڑی جارہی ہے ۔

    کشمیر ، فلسطین ، عراق ، برما ، وہ کون سا علاقہ ہے جہاں مسلمان محفوظ ہیں ۔ ؟ امریکہ ہو یا بھارت جیسا ملک مسلمانوں کو کہاں سکون لینے دے رہے ہیں ۔ اور مسلمان شہید ہورہے ہیں ، بچے یتیم ہورہے ہیں ، بہنوں بیٹیوں کے ساتھ جو ہو رہا اس پر تو اب تک شاید آسمان بھی پھٹ جاتا لیکن ان مسلمان بزدل حکمرانوں نے غیرت مند مسلمانوں کی بھی غیرت ڈالر اور معیشیت کے بدلے گروی رکھ دی ۔ ہر جگہ مسلمان اپنی عزتیں لٹا رہے ہیں ، جانیں دے رہے ہیں پھر بھی ملا کیا اسلامی دہشت گردی کا طعنہ ؟ بزدل حکمرانوں نے جتنا امن امن کا راگ الاپا اتنا ہی ہم دہشت گرد ٹھہرے ۔ وجہ صرف اور صرف ہمارے حکمرانوں کی بزدلی اور پھر اس بزدلی کو امن کا نام دینا ۔ محمد بن قاسم صرف ایک مسلمان بچی کی فریاد پر پورا سندھ ہلا گے ۔ نا معیشیت کا سوچا نہ امن کا سوچا ۔ ہے کسی کی جرأت کے محمد بن قاسم کو دہشت گرد لکھے ؟ محمود غزنوی جس نے ہندوستان پر سترہ حملے کیے سو منات کا مندر توڑا ، سترہ حملے کرتے وقت محمود غزنوی نے معیشیت کا سوچا ؟ سو منات کا مندر توڑتے وقت محمود غزنوی نے سوچا کہ دنیا مجھے دہشت گردکہے گی ، کیونکہ وہ جانتے تھے کہ مسلمان بزدلی کو امن کا نام نہیں دیتے بلکہ غیرت مند ہوتے ہیں ۔ہے کسی کی جرأت کے محمود غزنوی کو دہشت گرد لکھے ؟ ٹیپو سلطان نے جنگ کی جنگ ہار گے لیکن کسی بزدل یہود وہنود کے آگے گھٹنے نہ ٹیکے ۔ ہے کسی کی جرأت کہ ٹیپو سلطان کو ہارا ہوا لکھے ۔ تاریخ ہارا ہوا اور دہشت گرد صرف اسی کو لکھتی ہے جو بزدلی کو امن کا نام دے کر گھٹنے ٹیک لے ۔

    غیرت مندوں کو ہارا ہوا اور دہشت گرد لکھنے کی جرأت کسی میں نہیں ہوتی ۔ طارق بن زیاد ، صلاح الدین ایوبی ، محمد بن قاسم ، محمود غزنوی ، ٹیپو سلطان ان سب کو کیا اسلام امن کا درس نہیں دیتا تھا ؟ کیا اسلام امن کا درس صرف آج کے ڈرپوک بزدل اور ڈالر کے غلام مسلمان حکمرانوں کو دیتا ہے ؟ مسلمان دہشت گرد نہیں ۔ نہ ہی بزدل ہوتا ہے ۔ مسلمان صرف اور صرف غیرت مند ہوتا ہے ۔

    مودی اور ٹرمپ کے بیان کے بعد ضرورت اس امر کی ہے کہ مسلمان حکمران غیرت کی گولی کھاٸیں اور ایسے غیرت اور جرأت مندانہ خطاب کریں کہ ان نمک حرام یہود و ہنود کی نیندیں حرام ہو جاٸیں ۔ اور انہیں نہ صرف مسلم مقبوضہ علاقے خالی کرنے پڑیں بلکہ اپنی معیشیت کی بھی فکر لاحق ہوجاٸے ۔ لیکن ایسا صرف تبھی ممکن ہوگا جب مسلمان حکمران غیرت مندی دیکھاٸیں گے ۔ ابھی ساری دنیا کی نظریں وزیر اعظم عمران خاں اور ترکی کے صدر رجب طیب اردگان پر لگی ہوٸی ہیں ۔ عرب حکمران تو ان یہود و ہنود کے ہاتھوں کٹھ پتلیاں بن کر انہیں اعلی اعزازات سے نواز رہے ہیں وہ کیا جواب دیں گے اور کیا غیرت مندی دیکھاٸیں گے ۔ یہ ہی وقت ہے جب عمران خان پوری امت کا دل جیت بھی سکتے ہیں اور پوری امت کے دل سے اتر بھی سکتے ہیں ۔ یہی وہ وقت ہے جب عمران خاں یا تو ہیرو بن جاٸے گا یا پھر زیرو ۔

    اللہ پاک مسلمان حکمرانوں کے دل سے یہود و ہنود اور ڈالر کی محبت نکال کر انہیں جرأت مندی اور غیرت کا مظاہرہ کرنے کی توفیق عطا فرماٸے ۔ آمین

  • ٹرمپ جھوٹا شخص ہے اور ہماری جانوں کے لیے خطرہ بنا ہوا ہے، مسلمان رکن کانگریس ٹرمپ پر برس پڑیں‌

    ٹرمپ جھوٹا شخص ہے اور ہماری جانوں کے لیے خطرہ بنا ہوا ہے، مسلمان رکن کانگریس ٹرمپ پر برس پڑیں‌

    واشنگٹن : ٹرمپ ہماری جانوں کے لیے خطرہ بنا ہوا ہے، اطلاعات کے مطابق امریکی کانگریس میں مسلمان خاتون رکن ایلہان عمر نے کہا ہے امریکی صدر ٹرمپ کے جھوٹ نے ہماری جان کو خطرے میں ڈال دیا ہے

    ذرائع کےمطابق امریکی صدر ٹرمپ نے ایک ٹویٹ کو ری ٹویٹ کرتے ہوئے دعوی کیا تھا کہ امریکی ایوان نمائندگان میں ڈیموکریٹک پارٹی کی مسلمان خاتون رکن ایلہان عمر نے گیارہ ستمبر کے واقعات کی برسی کے موقع پر ہونے والے جشن میں شرکت کی تھی –

    دوسری طرف مسلمان رکن کانگریس ایلہان عمر نے بھی ٹرمپ کے اس دعوے کے جواب میں کہا کہ یہ ویڈیو سیاہ فام خواتین کے اعزاز میں ہونے والے ایک پروگرام کی ہے جس کا اہتمام کانگریس کے سیاہ فام اراکین نے کیا تھا- ایلہان عمر نے کہا کہ ٹرمپ ایسے ایسے جھوٹ بول رہے ہیں جس کی وجہ سے ہماری جان اور سلامتی کو خطرہ لاحق ہوگیا ہے –

  • ٹرمپ کے خلاف بالٹی مور کی سڑکوں پر نکل آئے ، ٹرمپ "چوہا ” کے نعرے

    ٹرمپ کے خلاف بالٹی مور کی سڑکوں پر نکل آئے ، ٹرمپ "چوہا ” کے نعرے

    واشنگٹن : بالٹی مور کے عوام نے امریکی صدر کے دورے کے موقع پر ان کے خلاف شدید نعرے بازی کی اور دھرنا دیا۔ امریکی صدر نے جولائی کے مہینے میں اپنے ایک ٹوئیٹ میں بالٹی مور کو ایک گندہ علاقہ کہا تھا جو بقول ان کے بدبودار چوہوں سے بھرا ہوا ہے۔

    امریکی میڈا نے ٹرمپ کے خلاف ہونے والے اس مظاہرے کے بارے میں انکشاف کیا ہے کہ بالٹی مور کے عوام امریکی صدر کے خلاف اپنے نعروں میں انھیں چوہا کہہ کر مخاطب کر رہے تھے۔ مظاہرین نعرے لگا رہے تھے کہ ٹرمپ جس دلدل سے آئے ہو اسی میں واپس چلے جاؤ۔ ٹرمپ نے حال میں امریکی ایوان نمائندگان میں بالٹی مور کے نمائندگی کرنے والے الیجا کامنگز کو بدمعاش قرار دیا تھا اور کہا تھا کہ وہ میکسیکو میں امیگریشن حکام پر تنقید کے بجائے اپنے گندے اور چوہوں سے بھرے ہوئے علاقے پر توجہ دیں۔

  • افغان طالبان باتوں باتوں میں‌ بہت مارتے ہیں‌، ٹرمپ نے افغان طالبان کے ساتھ امن مذاکرات معطل کرنے کا اعلان ، باغی ٹی وی کا دعویٰ سچ نکلا

    افغان طالبان باتوں باتوں میں‌ بہت مارتے ہیں‌، ٹرمپ نے افغان طالبان کے ساتھ امن مذاکرات معطل کرنے کا اعلان ، باغی ٹی وی کا دعویٰ سچ نکلا

    واشنگٹن: ان حالات میں امن مذاکرات کیسے ہوسکتے ہیں کہ جب ایک طرف مذاکرت ہورہے ہوں تو دوسری طرف افغان طالبان امریکی فوجیوں کو بری طرح ماربھی رہے ہیں ، امریکی صدر ڈونلڈ ٹرمپ نے افغان طالبان کے ساتھ امن مذاکرات معطل کرنے کا اعلان کردیا۔

    صدر ڈونلڈ ٹرمپ نے سماجی رابطوں کی ویب سائٹ ٹویٹر پر اپنے پیغام میں کابل میں حملے کے بعد افغان طالبان کے ساتھ امن مذاکرات معطل کرنے کا اعلان کردیا۔ امریکہ اور افغان طالبان کے حوالے سے چند ہفتے  قبل ہی باغی ٹی وی نے مذاکرات ناکام ہونے کی پشین گوئی کردی تھی اور بالآخر پھر وہی ہوا

    دوحہ مذاکرات ناکام ، افغان طالبان کے ساتھ اتفاق رائے نہیں ہوسکا- امریکی صدر سچ بول گئے

    امریکی ذرائع ابلاغ کے مطابق امریکی صدر نے اپنے پیغام میں لکھا کہ آج رات طالبان رہنماؤں اورافغان صدر کیساتھ الگ الگ ملاقاتیں ہونی تھیں، جب کہ کیمپ ڈیوڈ میں افغان طالبان رہنماؤں کیساتھ خفیہ ملاقات بھی طے تھی جس کو منسوخ کرتا ہوں، انہوں نے کہا کہ بدقسمتی سے غلط بیعانہ بنانے کیلیے افغان طالبان نے کابل حملے کا اعتراف کیا جس میں ہمارے ایک عظیم سپاہی سمیت 11 افراد کو ہلاک کردیا۔

     

    افغان طالبان نے67 سے زائد افغان کٹھ پتلی ،امریکی اور اتحادی مارڈالے ، قندوز کا کافی علاقہ فتح کرلیا


    وائٹ ہاوس کی جانب سے کہا گیا ہے کہ ڈونلڈ ٹرمپ نے لکھا کہ میں فوری طور پر طالبان کے ساتھ ہونے والی ملاقات اور مذاکرات کو منسوخ کرتا ہوں۔ انہوں نے کہا کہ کیا طالبان اپنی مذاکرات کی پوزیشن کو مستحکم کرنے کیلیے اتنے سارے لوگوں کو مار ڈالیں گے؟ انہوں نے بہت برا کیا۔

     

    قندوز کے بعد افغان طالبان کی پل خمری پر قبضے کی خبریں

     

    ذرائع کے مطابق امریکی صدر نے مزید لکھا کہ اگر طالبان ان اہم امن مذاکرات کے دوران جنگ بندی پر راضی نہیں ہوسکتے ہیں اور یہاں تک کہ 12 بے گناہ لوگوں کو بھی ہلاک کردیں گے تو پھر شاید ان میں اتنی طاقت نہیں ہوگی کہ وہ معنی خیز معاہدے پر بات چیت کرسکیں۔ انہوں نے کہا کہ افغان طالبان کتنی دہائیوں تک جنگ لڑنا چاہتے ہیں۔

  • دوحہ مذاکرات ناکام ، افغان طالبان کے ساتھ اتفاق رائے نہیں ہوسکا- امریکی صدر سچ بول گئے

    دوحہ مذاکرات ناکام ، افغان طالبان کے ساتھ اتفاق رائے نہیں ہوسکا- امریکی صدر سچ بول گئے

    واشنگٹن : امریکی صدر ڈونلڈ ٹرمپ نے اعلان کیا ہے کہ واشنگٹن اور افغان طالبان کے درمیان اب تک کوئی سمجھوتہ نہیں ہوسکا ہے۔امریکی صدر ڈونالڈ ٹرمپ نے اعلان کیا کہ قطر میں امریکہ اور طالبان کے نمائندوں کے درمیان اتفاق رائے حاصل نہیں ہو سکا ہے

    دوسری طرف امریکی صدر نے دعوی کیا کہ افغان طالبان اور امریکی نمائندوں کے درمیان اب تک کی بات چیت اچھی رہی ہے۔ اس سے قبل افغان طالبان کے ترجمان ذبیح اللہ مجاہد نے اعلان کیا تھا کہ قطر میں افغان طالبان اور امریکہ کے درمیان ہونے والے مذاکرات میں کوئی پیشرفت نہیں ہوسکی ہے۔

    یاد رہے کہ امریکہ اور افغان طالبان کے درمیان مذاکرات کا نواں دور ایسے عالم میں جاری ہے کہ ان مذاکرات میں اب تک کوئی کامیابی حاصل نہیں ہوئی ہے۔

  • ٹرمپ کی پرسنل اسسٹنٹ کو عہدے سے کیوں ہٹایا گیا ، خطر ناک وجہ سامنے آگئی

    ٹرمپ کی پرسنل اسسٹنٹ کو عہدے سے کیوں ہٹایا گیا ، خطر ناک وجہ سامنے آگئی

    واشنگٹن: صدر ٹرمپ کی فیملی میٹنگ کی تفصیلات لیک کرنے پر ان کی پرسنل اسسٹنٹ کو عہدے سے ہٹادیا گیا۔ امریکی صدر کے عہدہ سنبھالنے کے بعد سے میڈلین ان کے ساتھ کام کررہی تھیں تاہم امریکی صدر کی آف دی ریکارڈ فیملی میٹنگ کی تفصیلات میڈیا نمائندوں کو بتانے پر ان سے استعفیٰ طلب کرلیا گیا۔

    امریکی میڈیا کے مطابق میڈیا نمائندوں ںے وائٹ ہاؤس کے عملے سے ٹرمپ کے فیملی کے ساتھ عشائیے کی تفصیلات پر بات چیت کی جس کے بعد صدر کی پی اے کو عہدے سے ہٹایا گیا۔

    وائٹ ہاؤس کے ایک سابق عہدیدار کا کہنا تھا کہ امریکی صدر اپنی پرسنل اسٹنٹ کے کافی قریب سمجھے جاتے تھے جبکہ ان کا دفتر بھی اوول آفس کے بالکل سامنے تھا۔ٹرمپ انتظامیہ میں شامل ہونے سے قبل میڈلین نے چیف آف اسٹاف ری پبلکن نیشنل کمیٹی کے اسسٹنٹ کے طور پر خدمات انجام دیں۔