Tag: ٹریفک

اسلام آباد: برفباری، سیاحوں کا شدید رش:ایک لاکھ گاڑیاں مری میں داخل: راستے بند کرنے کا فیصلہ،ااطلاعات ہیں کہ اس وقت مری میں اس قدر رش ہوچکا ہے کہ حکومت کویہ اعلان کرنا پڑا کہ اب بس کردیں ،

اطلاعات یہ بھی ہیں کہ ملک بھر میں بارش اور برفباری کے بعد سیاحوں کی بہت بڑی تعداد شمالی علاقہ جات سمیت مری ، گلیات اور دیگر جگہوں کا رخ کررہی ہے جس کے بعد ان علاقوں میں ٹریفک کی روانگی شدید متاثر ہورہی ہے ۔راولپنڈی انتظامیہ نے مری جانے والے راستوں کو بند کرنے کا فیصلہ کرلیا ہے۔

 

 

 

راولپنڈی انتظامیہ کی جانب سے کہا گیا کہ مری جانے والے راستوں کو بند کرنے کا فیصلہ شدید برفباری اور سیاحوں کے بے پناہ رش کی وجہ سے کیا گیا ہے ۔

دوسری طرف ٹریفک پولیس اور ضلعی انتظامیہ سیاحوں کو سہولیات دینے میں ناکام ہو گئی ہیں، سیاح گاڑیوں میں محصور ہیں جبکہ ، مری میں ٹریفک کا نظام درہم برہم ہو کر رہ گیا ہے۔

 

I appreciate the arrangements and efforts of Police, Administration and Rescue teams to manage huge influx of tourists in Murree areas, during snowfall.

Please cooperate with authorities and strictly follow their instructions to avoid any difficulties. pic.twitter.com/I2iJTOtjvM

— Usman Buzdar (@UsmanAKBuzdar) January 7, 2022

وزیراعلیٰ پنجاب سردار عثمان بزدار نے سماجی رابطے کی ویب سائٹ ٹوئٹر پر لکھا کہ برفباری کے بعد سیاحوں کی بڑی تعداد مری سمیت دیگر علاقوں کا رخ کررہی ہے ، اس دوران ضلعی انتظامیہ اور پولیس کے بروقت انتظامات کو سراہتا ہوں ۔

انہوں نے مزید لکھا کہ میری سیاحوں سے اپیل ہے کہ براہ کرم مقامی انتظامیہ کی طرف سے جاری کردہ ہدایات پر سختی سے عملدرآمد کریں اور کسی بھی مشکل سے بچیں ۔

 

 

ایک لاکھ سے زائد گاڑیاں مری اور گلیات ایریا میں داخل ہو چکی ہیں۔براہ مہربانی غیر ضروری سفر سے گریز کریں اور اگر سیرو تفریح کے کئے جانا ہے تو آنے والے ویک اینڈ پر ملتوی کر لیں۔ نیچے نقشے میں لال رنگ میں ٹریفک فلُو دیکھا جا سکتا ہے pic.twitter.com/gDD4HA7DIn

— Dr. Shahbaz GiLL (@SHABAZGIL) January 7, 2022

دوسری طرف وزیراعظم عمران خان کے معاون خصوصی ڈاکٹر شہباز گل نے سماجی رابطے کی ویب سائٹ ٹویٹر پر لکھا کہ ایک لاکھ سے زائد گاڑیاں مری اور گلیات ایریا میں داخل ہو چکی ہیں۔ براہ مہربانی غیر ضروری سفر سے گریز کریں اور اگر سیرو تفریح کے کئے جانا ہے تو آنے والے ویک اینڈ پر ملتوی کر لیں۔ نیچے نقشے میں لال رنگ میں ٹریفک فلُو دیکھا جا سکتا ہے

 

 

Roads leading to Murree from Islamabad are hereby closed in public interest because of traffic jams and rush of visitors. Everyone is requested to plz postpone their plans for now. Entry from Islamabad will stay closed till Sunday Night

— DC Islamabad (@dcislamabad) January 7, 2022

ڈپٹی کمشنر اسلام آباد حمزہ شفقات نے کہا ہے کہ اسلام آباد سے مری جانے والے تمام راستے بند کر دئیے گئے ہيں، فيصلہ مری ميں سياحوں کی رش اور ٹريفک جام کو مد نظر رکھتے ہوئے کيا گیا، اسلام آباد سے مری جانے والے تمام راستے اتوار کی رات تک بند رہیں گے، شہریوں سے گزارش ہے اپنے تفریح کے پلان کو ملتوی کر دیں۔

یاد رہے کہ گزشتہ روز وفاقی وزیر اطلاعات ونشریات فواد چودھری نے ٹوئٹر پر لکھا کہ مری میں 1 لاکھ کے قریب گاڑیاں داخل ہوچکی ہیں ، ہوٹلوں اور اقامت گاہوں کے کرائے کئی گنا بڑھ چکے ہیں ، سیاحت میں اضافہ عام آدمی کی خوشحالی اور آمدنی میں اضافے کو ظاہر کرتا ہے۔

وفاقی وزیر داخلہ شیخ رشید نے اپیل کی ہے کہ برفباری کی وجہ سے اسوقت مری اور گلیات میں سیاحوں کا بے پناہ رش ہے ، تقریباً ایک لاکھ سے زائد گاڑیاں اسلام آباد کے راستے مری اور گلیات کی طرف جا چکی ہیں ،

شیخ رشد کا کہنا تھا کہ اسلام آباد اور مری انتظامیہ عوامی سہولت کے لئے 24 کھنٹے سرگرم عمل ہے ، بڑھتے ہوئے عوامی رش کی وجہ سے مری کی جانب ٹریفک کی روانی انتہائی سست ہے ، سیاحوں بالخصوص فیملیز سے اپیل ہے کہ وہ مری اور گلیات کی طرف سفر کرنے سے فی الحال گریز کریں ۔

ادھر مری میں سیاحوں کے رش کی شہہ سرخیاں دنیا بھر کے میڈیا کے فرنٹ پیجز پرلگ چکی ہیں اوردنیا بھی پاکستان کے ان علاقوں میں سیاحت سے لطف اندوز ہونے والوں سے لطف اندوز ہورہی ہے

لاہور:نیو ائیر نائٹ پر ون ویلنگ، تیز رفتاری :جوپکڑا گیا،سمجھیں وہ لمبےعرصے کے لیے جیل گیا ،اطلاعات کے مطابق لاہور میں نئے سال کا جشن مناتے ہوئے ون ویلنگ، تیز رفتاری اور موٹرسائیکل پر کرتب دکھانے والوں کے خلاف کارروائی کرنے کا فیصلہ کر لیا گیا ہے۔ تفصیلات کے مطابق نیو ائیر نائٹ پر ون ویلنگ، تیز رفتاری اور موٹرسائیکل پر کرتب دکھانے والوں کے خلاف چالان کے بجائے حوالات میں بند کرنے کا حکم دے دیا گیا ہے۔

اس کے علاوہ بغیر سائلنسر موٹرسائیکلوں اور رکشوں کو بھی بند کرنے کی ہدایت کر دی گئی ہے۔ اس ضمن میں سی ٹی او لاہور کی جانب سے بھی ہدایات جاری کی گئیں، سی ٹی او لاہور کے مطابق بغیر نمبر پلیٹ، اپلائیڈ فار وہیکلز کو بھی بند کر دیا جائے گا۔ مال روڈ، جیل روڈ، فیروز پور روڈ، کینال روڈ، جی ٹی روڈ پر موٹر سائیکلسٹ دستے تعینات ہوں گے۔

سی ٹی او منتظر مہدی نے کہا کہ کم عمر ڈرائیورز کی موٹرسائیکل بند کر دی جائے گی۔ والدین کی طرف سے ضمانتی مچلکے وصول کرنے کے بعد موٹر سائیکل، رکشہ، گاڑی کو چھوڑا جائے گا۔ واضح رہے کہ گذشتہ برس بھی نیو ائیرنائٹ پر ون ویلرز اور ہلڑ بازوں کے خلاف شکنجہ تیار کیا گیا تھا، سی ٹی او کی ہدایت پر ٹریفک پولیس نے تیاریاں پکڑیں اور ون ویلر کی نشاندہی پر موٹر مکینک نے بھی جیل کی ہوا کھائی۔

واضح رہے کہ سال 2021ء ختم ہونے میں چند ہی روز باقی رہ گئے ہیں۔ نئےسال کی آمد پر پاکستان سمیت دنیا بھر میں تقریبات اور آتش بازی کا مظاہرہ کیا جاتا ہے، جبکہ صوبائی دارالحکومت لاہور میں رات 12 بجتے ہی سال نو کے موقع پرمنچلے موٹر سائیکلوں اور گاڑیوں میں ٹولیوں کی شکل میں ہلڑ بازی کرتے ہوئے سڑکوں، بازاروں اور اہم شاہراہوں پر نکل آتے ہیں تاہم ہر سال کی طرح اس سال بھی ان کے خلاف کارروائی کرنے کی ہدایات جاری کی جا چکی ہیں۔