Baaghi TV

Tag: ٹیکنالوجی

  • لکھنے کی بجائے صرف سوچ کر ٹویٹ کرنے کا کامیاب تجربہ

    لکھنے کی بجائے صرف سوچ کر ٹویٹ کرنے کا کامیاب تجربہ

    سائنسدانوں نے لکھنے کی بجائے صرف سوچ کر ٹویٹ کرنے کا کامیاب تجربہ کیا ہے-

    باغی ٹی وی : غیر ملکی خبر رساں ادارے کی رپورٹ کے مطابق آسٹریلیا کی برین کمپیوٹر انٹرفیس کمپنی سنکرون نے دماغی عارضے میں مبتلا شخص کے خیالات کو براہ راست ٹویٹس میں تبدیل کرنے کا کامیاب تجربہ کیا ہے جس میں انہوں نے ۔۔ ہیلو دنیا ۔۔ کی ٹوئٹ کی، اس کے لیے 62 سالہ شہری کے دماغ میں ایک خاص چپ ڈالی گئی۔

    یہ بی سی آئی ٹیکنالوجی کا علامتی طور پر ایک اہم لمحہ ہے جو فالج کے شکار لوگوں کے لیے دنیا کے ساتھ رابطے میں رہنے کا دروازہ کھول سکتا ہے۔

    ٹک ٹاک ایپ کانیا فیچر:کھانے بھی کھائیں اور منافع بھی کمائیں

    دوسری جانب دنیا بھر میں مقبول ایپ ٹک ٹاک اب صارفین کو اپنی سائٹ پر کھانے بھی ڈیلیور کرے گی ٹک ٹاک اب صرف کھانوں کی عالمی شہرت یافتہ ایپ ورچوئل ڈائننگ کانسیپٹس اور گرب ہب کے ساتھ اشتراک کر رہی ہے جس کے بعد سائٹ پر مقبول کھانوں کی ڈیلیوری کی جائے گی۔

    ٹک ٹاک کچن کا مینیو ایپ کی مقبول ڈشز پر مبنی ہوگا اس حوالے سے کہا گیا ہے کہ مینیو میں فیٹا پاستا بھی شامل ہے جس کو گوگل نے 2021 کی سب سے زیادہ سرچ کی جانے والی ڈش قرار دیا تھا ابتدائی طور پر مینیو میں پاستا، چپس، سمیش برگرز اور کارن ربز شامل ہوں گے-

    مواد کی خلاف ورزی،روس نے گوگل پر 98 ملین ڈالر جرمانہ عائد کردیا

    ابتدائی طور پر ٹک ٹاک کچن کو 300 مقامات پر لانچ کیا جائے گا جو مارچ میں ڈشز کی ڈیلیوری کا آغاز کرے گے جبکہ آئندہ سال کے اختتام تک ٹک ٹاک کچن کے ایک ہزار سے زائد ریسٹورنٹس کھولنے کی منصوبہ بندی کی گئی ہے مینیو میں ہر تین ماہ بعد تبدیلی کی جائے گی منافع میں سے کچھ رقم ان افراد کو بھی دی جائے گی جن کے کھانوں کی ویڈیوز ٹک ٹاک پر مقبول ہوئی ہوں لیکن تاحال یہ واضح نہیں ہے کہ منافع کس شرح سے دیا جائے گا۔]

    ہمالیائی گلیشیئر غیرمعمولی تیزی سے پگھل رہے،رقبہ 8,400 مربع کلومیٹر کم ہو گیا

  • اب گھر بیٹھ کرحجر اسود کو دیکھنا، محسوس کرنا اور بوسہ دینا ممکن ،حر مین شریفین انتظامیہ

    اب گھر بیٹھ کرحجر اسود کو دیکھنا، محسوس کرنا اور بوسہ دینا ممکن ،حر مین شریفین انتظامیہ

    سعودی عرب میں حر مین شریفین انتظامیہ نےحجر اسود ورچوئل انیشیٹیو کاافتتاح کر دیا۔

    باغی ٹی وی : عر ب میڈیا کے مطابق اب گھر بیٹھ کر ورچوئل ٹیکنالوجی کی مدد سے حجر اسود کو دیکھنا، محسوس کرنا اور بوسہ دینا ممکن ہوگا وی آر ٹیکنالوجی اور ڈیجیٹل تجربات کی مدد سے اب حجر اسود کو نہ صرف ورچوئلی دیکھا جا سکے گا بلکہ بوسہ دینے اور محسوس کرنے کے لیے حقیقی منظر جیسا ماحول بھی فراہم کیا جائے گا۔


    حرمین شریفین انتظامیہ کے سربراہ اعلیٰ ڈاکٹرعبدالرحمن السدیس کا کہنا ہے کہ آنکھ، کان، ناک اوراحساس کے ساتھ ورچوئل طریقے سے حجر اسود کو دیکھنے کے لیے حقیقی ماحول فراہم کرنا چاہتے ہیں۔ تاکہ جدید ٹیکنالوجی کے ذریعے حجر اسود کو دیکھنے والے خود کو اپنے پورے وجود کے ساتھ خانہ کعبہ کے سامنے محسوس کریں ہم چاہتےہیں زیادہ سے زیادہ لوگ حجر اسود کو چھونے اور دیکھنے کا خواب پورا کر سکیں۔


    ان کا کہنا تھا کہ یہ فرضی منظر جدید ٹیکنالوجی کی مدد سے کچھ اس طرح سے پیش کیا جائے گا کہ اس پر حقیقت کا گمان ہو حجر اسود اور اس کے اطراف کے مناظر ورچوئل سسٹم سے ممکن بنائے جارہے ہیں۔

    دوسری جانب عرب میڈیا کے مطابق حرمین شریفین کے امور کے اعلی نگراں شیخ ڈاکٹر عبدالرحمن بن عبدالعزیز نے مسجد حرام میں سعودی ہلال احمر کے منصوبوں کے افتتاح میں شرکت کی۔ ان میں حرکت قلب کو دوبارہ جاری کرنے کے لیے استعمال ہونے والا Cardiopulmonary resuscitation equipment شامل ہے۔

    شیخ السدیس نے مسجد حرام میں آنے والوں کے واسطے طبی خدمات سے متعلق مختلف نوعیت کے منصوبوں کو سراہا۔ انہوں نے مملکت کی دانش مند قیادت کی امنگوں کی تکمیل کے سلسلے میں جدید ترین ٹکنالوجی وسائل کے استعمال کو خوش آئند قرار دیا۔

    مذکورہ آلے کو استعمال کرنے کے لیے مسجد حرام میں متعلقہ اہل کاروں کے علاوہ معاشرے کے افراد کو بھی تربیت فراہم کی جائے گی۔ یہ آلہ صوتی ہدایات یا اسکرین پر ظاہر ہونے والی ڈیجیٹل ہدایات کے ذریعے بھی استعمال میں لایا جا سکتا ہے۔

  • چین کا مقابلہ، امریکی سینیٹ نے بل منظور کر لیا

    چین کا مقابلہ، امریکی سینیٹ نے بل منظور کر لیا

    ٹیکنالوجی کے میدان میں چین کا مقابلہ کرنے کے لئے امریکی سینٹ نے190 ارب ڈالرکے پیکج کی منظوری دے دی-

    باغی ٹی وی : خبر رساں ایجنسی کے مطابق ٹیکنالوجی کے میدان میں چین کا مقابلہ امریکی سینیٹ نے بل منظور کر لیا بل 32 کے مقابلے میں 68 ووٹوں سے منظور کیا گیا۔

    190 ارب ڈالر کی مدد سے ٹیکنالوجی اور صنعتی میدان میں چین کا مقابلہ کیا جائے گا،پیکج سے7 سے 10نئے سیمی کنڈکٹرز پلانٹ لگائے جائیں گے،امریکی پیداوار اور تحقیق بڑھانے کے لیے 54 ارب ڈالر اضافی خرچ کیے جائیں گے۔

    بل منظوری کے لیے اب ایوان میں پیش کیا جائے گا۔ امریکی حکومت اتحادیوں کی مدد سے بھی چین کا بڑھتا اثرورسوخ کم کرنے کی کوشش کرے گی۔

  • ریسکیو کیڈٹ کور ایپ لانچ، ایپ میں کونسے مواقعےفراہم

    ریسکیو کیڈٹ کور ایپ لانچ، ایپ میں کونسے مواقعےفراہم

    گورنر پنجاب چوہدری محمد سرور نے ریسکیو کیڈٹ کور ایپ کو لانچ کردیا گیا ہے۔ریسکیو کیڈٹ کورایپ پلے سٹور سے ڈاؤن لوڈ کی جاسکتی ہے،
    ڈی جی ریسکیو پنجاب کا کہنا ہے کہ آج ایک تاریخ ساز دن ہے، ایپ کے ذریعے کمیونٹی سے لوگ ان لائن تربیت کر سکیں گے، تربیت یافتہ لوگ کسی بھی سانحہ پہ ذمہ دارانہ کردار ادا کریں گے، یونیورسٹی کے طلباء کو کمیونٹی ٹریننگ پروگرام کیساتھ منسلک کیا جائے گا، مجھے یقین ہے تربیت یافتہ لوگ محفوظ معاشرے کے قیام میں بھرپور کردار ادا کریں گے، آئیے محفوظ معاشرے کے قیام کیلئے ریسکیو 1122 کا ساتھ دیں۔

  • اب پنجاب میں بھی کورونا وائرس کی قسموں کی تشخیصی کی جا سکے گی۔

    اب پنجاب میں بھی کورونا وائرس کی قسموں کی تشخیصی کی جا سکے گی۔

    لاہور: (حمزہ رحمن ) پنجاب جین سیکونسنگ مشین خریدنے والا پہلا صوبہ بن گیا۔
    وزیر اعلیٰ کی خصوصی کاوش،کابینہ کمیٹی برائے انسداد کورونا نے 5 کروڑ کے فنڈز منظور کیے
    محکمہ پرائمری اینڈ سیکنڈری ہیلتھ کیئر نے جین سیکونسنگ مشین کی خریداری کا عمل شروع کر دیا۔
    سیکرٹری پرائمری اینڈ سیکنڈری ہیلتھ کیئر کا کہنا ہے کہ جین سیکونسنگ مشین آئندہ ہفتے کے اختتام تک کام شروع کر دے گی۔مشین کی مدد سے پنجاب میں کورونا وائرس کی قسموں کی تشخیصی کی جا سکے گی.
    پنجاب کورونا وائرس کی جین سیکونسنگ کی سہولت والا پہلا صوبہ ہو گا. اس سے پہلے جین سیکونسنگ کی مشین صرف وفاقی ادارہ صحت کے پاس تھی۔
    اس ٹیکنالوجی سے تحقیق وتشخیص کی جاسکے گی کہ کورونا کی دوسری لہر میں اموات وائرس کی کس قسم سے ہو رہی ہیں، تحقیق ہو سکے گی۔
    وائرس کس حد تک مہلک ہے اس کی بھی تحقیق ہوسکے گی.

  • امریکی پابندیوں کے باوجود ہواوے کی آمدن میں بڑا اضافہ…

    امریکی پابندیوں کے باوجود ہواوے کی آمدن میں بڑا اضافہ…

    شنگھائی: چینی کمپنی ہواوے نے کہا ہے کہ امریکہ کی پابندیوں کے بوجود ہواوے ٹیکنالوجی کمپنی کی آمدن میں 23.2 فیصد اضافہ ہوا ہے اور پچھلے سال کی نسبت اس سال کے پہلی سہ ماہی میں خاطر خواہ اضافہ دیکھنے کو ملا ہے، اور یہ اضافہ اس لیے اہمیت کا حامل ہے کہ امریکہ نے ہواوے پر شدید قسم کی پابندیاں عائد کی اور پوری دنیا میں اس مہم کو پھیلایا گیا کہ ہواوے کا گوگل اور گوگل پراڈکٹس کیساتھ معاہدہ حتم ہوگیا ہے اور ہواوے کے صارف اب ان کے استعمال اور فوائد حاصل نہیں کرسکیں گے، اگلی اثناء میں امریکہ اور چائنہ کے درمیان پھر نیا تجارتی معاہدہ طے پاگیا ، اورسارا معاملہ رفع دفع ہوگیا
    لیکن ایسا تصور کیا جا رہا تھا کہ ہواوے ٹیکنالوجی کی جگہ عالمی مکارکیٹ میں حتم ہو جائے گی لیکن ہواوے نے یہ ثابت کیا ہے وہ ایک گلوبل ٹیک جائنٹ بن چکا ہے اور اس کی مارکیٹ حتم کرنا تقریبا ناممکن ہے

  • ٹک ٹاک کمپنی کے مالک کا بڑا فیصلہ …

    ٹک ٹاک کمپنی کے مالک کا بڑا فیصلہ …

    سوشل میڈیا پر تھوڑے عرصے میں بہت زیادہ مقبولیت حاصل کرنے والی ایپ ٹک ٹاک بنانے والی کمپنی بائٹ ڈانس کے مالک زینگ ایمنگ نے اعلان کیا ہے کہ بائٹ ڈانس اب ٹک ٹاک کے نام سے سمارٹ فون بنانے جا رہی ہے جو کہ پہلے سے موجود تمام سمارٹ فون کمپنیوں کے ریکارڈ توڑ دے گا اور مارکیٹ میں اپنا نام پیدا کرے گا،
    ٹک ٹاک کے موجودہ مستقل صارف 500 ملین سے زیادہ ہیں اور یہ سماجی رابطوں کی سائٹ ایپ سٹور سے ایک بلین سے زیادہ بار ڈاؤن لوڈ ہو چکی ہے، ٹک ٹاک کی موجد کمپنی بائٹ ڈانس ٹک ٹاک علاوہ بھی کئی ایپلیکیشن بنا چکی ہے جن میں فلپ چیٹ، ٹوٹیو، نیوز ایگریگییٹر شامل ہیں، لیکن ٹک ٹاک اس کی سب سے مشہور پروڈکٹ ہے،
    اس سوشل ایپ نے مقبولیت کے ریکارڈ قائم کرنے کے ساتھ ساتھ پیسہ کمانے میں بھی ریکارڈ قائم کر دئیے ہیں ٹک ٹاک کی ابھی تک کی کمائی 75 ارب ڈالر ہے جو کہ مشہور ٹرانسپورٹ اوبر کو بھی پیچھے چھوڑ گئی ہے، یہی وجہ ہے کہ ٹک ٹاک اب اپنا سمارٹ فون متارف کروانےجا رہی ہے،