Tag: ٹی وی ڈرامہ

امر خان نے انسٹاگرام پر ایک وڈیو شئیر کی جس میں دیکھا جا سکتا ہےکہ امر خان جو سین کرنے جا رہی ہیں اس میں انکے بازو پر گولی لگے گی. امر خان نے گولی کیسے لگتی ہے یہ سارا کچھ وڈیو میبں دکھایا،. گولی لگنے سے پہلے اداکار کو کس طرح تیار کیا جاتا ہے یہ وڈیو میں بہت صاف دکھایا گیا ہے. امر خان نے اس وڈیو کا کیپشن بھی لکھا ” کچھ سینز کرنے میں بہت مزا آتا ہے لیکن ٹیکنکلی ان سے ڈر ہی لگ رہا ہوتا ہے. بطور آڈینز میں نے ہمیشہ یہی سوچا کہ ایکشن سینز کیسے ہوتے ہیں اور خصوصی طور پر گولی کیسے لگتی ہے کہ خون بہنا شروع ہو جائے. میں یہاں یہ گھتھی سلجھا دیتی ہوں کہ آخر گولی کیسے لگتی ہے اور خون کیسے بہتا ہے، یہ دراصل ایک الیکٹرک کریکر ہوتا ہے جو کہ پھٹتا ہے. امر خان

نے اس پوسٹ کو جب لکھا تو ساتھ میں انہوں نے یہ بھی لکھا کہ یہ کام صرف ایکسپرٹ کے زیر سرپرستی ہوسکتا ہے اور آپ بالکل بھی اسکو خود سے ٹرائی نہ کیجے گا. یاد رہے کہ فلم دم مستم کے ریلیز کے بعد امرخان ایک بار پھر چھوٹی سکرین کا رخ کررہی ہیں. امر خان ملٹی ٹیلنٹڈ ہیں بہترین اداکارہ ، بہترین رقاصہ اور اب تو مصنفہ بھی ہیں. امر خان نے ابھی تک ہر قسم کے کردار کئے ہیں چاہے نیگیٹیو ہوں یا پازیٹیو.

ورسٹائل اداکارہ بشری انصاری نے اپنے انسٹاگرام پر ایک وڈیو جاری کی ہے جس میں وہ کافی دکھی اور پریشان دکھائی دے رہی ہیں. انہوں‌ نے اس وڈیو کے زریعے سیلاب متاثرین کے ساتھ اظہار یکجہتی کرتے ہوئے مداحوں سے اپیل کی ہے کہ اس مشکل گھڑی میں ان کا ساتھ دیں او ر پیچھے نہ ہٹیں . بشری انصاری نے کہا کہ پاکستان اس وقت نوے فیصد تو ڈوب چکا ہے.ہم ایک ایسی آفت میں گھرے ہیں جس پر ہمارا زور نہیں ہے یہ صرف اللہ کی رضا ہے. بشری انصاری نے کہا کہ پنجاب کے پی کے ہر طرف پانی ہی پانی ہے ، بیماریوں سے لوگ مررہے ہیں، بچے بیمار ہیں ، گھر ڈوب چکے ہیں ، سانپ کے کاٹنے سے لوگ موت کے منہ میں جا رہے ہیں. بشری انصاری نے مزید کہا کہ سننے میں آرہا ہےکہ ڈیرہ اسماعیل خان تو

نوے فیصد ڈوب گیا ہے وہاں بہت بڑے پیمانے پر مالی اور جانی نقصان ہوا ہے. بشری انصاری نے کہا کہ ہم سب خوش قمست ہیں کہ اس وقت بہتر حالات میں ہیں ہم سب کو چاہیے کہ اپنی اپنی استعداد کے مطابق متاثرین سیلاب کی مدد کریں وہ ہماری مدد کے منتظر ہیں. ضروری نہیں ہے کہ پیسے ہی دئیے جائیں جسکی جو استعداد ہے وہ اسکے مطابق دے ، کپڑے جوتے ،دوائیاں جو بھی دے سکتے ہیں وہ بھجوائیں کیونکہ کھلے آسمان کے تلے لوگ امداد کے منتظر ہیں کئی کئی دنوں‌کے بھوکے ہیں.

ابھرتی ہوئی اداکارہ رابعہ کلثوم جن کی والدہ بھی مشہور اداکارہ ہیں ، رابعہ کلثوم سینئر اداکارہ پروین اکبر کی صاحبزادی ہیں. رابعہ نے حال ہی میں ایک انٹرویو دیا ہے اس میں انہوں نے بتایا ہے کہ ان کی والدہ ان کے شوبز میں‌آنے کے شدید خلاف تھیں .شوبز میں آنے کی مخالفت کرنے کی بڑی وجہ یہ تھی کہ انہوں نے جس دور میں کام شروع کیا اس دور میں لڑکیوں کا شوبز میں آنا معیوب سمجھا جاتا تھا اس لئے ان کو کافی مشکلات کا سامنا رہا ، لہذا وہ نہیں‌ چاہتی تھیں کہ جن مشکلات کا سامنا ان کو کرنا پڑا انہی مشکلات سے میں بھی گزروں اس لئے ان کی یہ کبھی بھی خواہش نہیں‌ رہی کہ میں شوبز کا حصہ رہوں‌، میری والدہ کے میں اس فیصلے کا بھی احترام کرتی تھی

صرف اسلئے کہ ان کے اپنے تجربات ہیں اور وہ اپنے تجربات کی روشنی میں‌ ہی کسی بات سے مجھے منع کرتی تھیں. رابعہ کلثوم نے ایک سوال کے جواب میں کہا کہ جب میری شادی ہو گئی تو میں نے اپنے شوہر سے کہا کہ میں شوبز میں آنا چاہتی ہوں وہ مجھ سے کافی محبت کرتے ہیں اور میری خواہشات کا احترام کرتے ہیں‌ لہذا انہوں نے مجھے شوبز میں‌ آنے کی اجازت دیدی یوں میں شوبز میں‌آگئی. یاد رہے کہ رابعہ کلثوم اور اداکارصرحا اصغر کا ایک معروف یوٹیوب چینل بھی ہے جہاں یہ دونوں اپنی ڈانس وڈیوز پوسٹ کرتی رہتی ہیں. رابعہ اپنے گانے خود کوریوگراف کرتی ہیں.

اداکار ارسلان نصیر جو اپنی بہترین اداکاری کی وجہ سے جانے جاتے ہیں، ان کو ان کے مداح کامیڈی کردارں میں بہت سراہتے ہیں . انہوں نے حال ہی میں ایک سنجیدہ وڈیو پیغام جاری کیا ہے اس میں وہ برس پڑے ہیں عوام پر. انہوں نے سیدھے سیدھے الفاظ میں سنا دی ہیں عوام کو. ارسلان نصیر نے کہا ہے کہ ہم ہر بار کہتے ہیں کہ ہم پر برا وقت کیوں آیا ہے بھئی میں ہزار بار کہہ چکا ہوں ہوں کہ ہم چور ہیں زخیرہ اندوز ہیں. ہم یہ نہیں‌کہہ سکتے ہیں کہ حکمران چوری کررہے ہیں ، ہمارے ملک میں بہت پوٹینشل تھی حکمران اچھے نہیں ملے ، بھئی حکمرانوں کو چھوڑیں اس ملک کو ہم لوگ اچھے نہیں ملے. ہم ہر بار ہر لیول پر جا کر زخیرہ اندوزی کرتے ہیں. ہمارا تو یہ حال ہے کہ ہمیں اگر پتہ چل جائے کہ کل قیامت ہے تو

ہم جائے نماز اور تسبیح بھی مہنگی کر دیں گے اور سوچیں گے کہ کل کی کل دیکھی جائے گی آج تو پیسہ بنائو، ہم لوگ پیسہ بنا کر قیامت کا انتظار کررہے ہیں.ارسلان نصیبر کے اس وڈیو پیغام کو بہت زیادہ سراہا جا رہا ہے انہوں نے اس وڈیو پیغام میں جو بھی کہا ہے اس سے کافی لوگ متفق بھی ہیں.اور غالبا ارسلان نصیر نے اس قسم کی باتیں دکانداروں کی جانب سے اشیائے ضروریہ کی قیمتوں میں اضافہ کرنے کی وجہ سے کی ہیں.

اداکارہ حرامانی جو اپنے بولڈ انداز گفتگو سے جانی جاتی ہیں ان کی سوشل میڈیا پر ایک ٹک ٹاک وڈیو وائرل ہو رہی ہے جس میں ان سے سوال ہوتا ہے کہ تمہارا کسی نے دل توڑا تو حرامانی کہتی ہیں کہ کسی لڑکے نے؟ اگر کوئی لڑکا میرا دل توڑے گا تو میں اس کا منہ نہیں توڑ دوں گی،. وڈیو میں حرامانی شرارت کے موڈ میں نظر آرہی ہیں اور نہایت ہی دلکش بھی لگ رہی ہیں. حرا مانی کے بارے میں مشہور ہے کہ وہ سوچ سمجھ کر نہیں بولتیں.یاد رہے کہ حرامانی بہترین اداکارہ ہونے کے ساتھ ساتھ اچھی گلوکارہ بھی ہیں انہیں گانے کا بھی شوق ہے انہوں نے ”فراری ” گانا بہت اچھے

انداز میں گایا ان کے گانے کو بہت مقبولیت ملی.انہوں نے حال ہی میں لندن میں دس ہزار لوگوں کے سامنے گایا ، انہوں‌ نے پرانی پاکستنانی فلموں کے گانے گا کر داد وصول کی. حرامانی کہتی ہیں‌کہ انہیں بچپن سے گلوکاری کا ہی شوق تھا لیکن قسمت نے انہیں اداکارہ بنا دیا. حرا حال ہی میں‌ اداکار و گلوکار جنید خان کے گانے میں ماڈلنگ کرتی ہوئی بھی دکھائی دی ہیں. حرامانی کو ڈرامہ سریل ” میرے پاس تم ہو ” میں ایک ٹیچر کے کردار سے خاصی شہرت ملی. حرا کی آن سکرین جوڑی افان وحید اور جنید خان کے ساتھ خاصی پسند کی جاتی ہے.

چھوٹی سکرین کے اداکار علی انصاری اور صبور علی کی کچھ عرصہ قبل شادی ہوئی ہے دونوں ایک دوسرے کے ساتھ کافی خوش ہیں۔ علی انصاری کی شکل بالی وڈ اداکار عمران ہاشمی سے ملائی جاتی ہے اور کہا جا تا ہے کہ علی انصاری عمرا ن ہاشمی کی طرح نظر آتے ہیں۔ تاہم علی انصاری نے کبھی یہ خود نہیں کہا کہ ان کی شکل عمران ہاشمی سے ملتی ہے۔ حال ہی میں صبور علی اور علی انصاری نے تاہش ہاشمی کے شو میں شرکت کی دونوں سے وہاں دلچسپ سوالات ہوئے ، علی انصاری سے جب تابش نے پوچھا کہ آپ کو کیا لگتا ہے کہ آپ کی شکل لوگ عمران ہاشمی سے کیوں ملاتے ہیں؟ کام کی وجہ سے شکل کی وجہ سے انہوں نے کہا کہ میرا چہرہ ہی ان کے ساتھ

ملاتے ہیں ان جیسے کام نہ مجھے آفر ہوئے ہیں نہ میں آفر ہونے پر ویسے کام کروں گا۔ صبور علی نے بھی اس شو میں کہا کہ وہ کرداروں کے انتخاب سوچ سمجھ کر کرتی ہیں ان کی پہلی ترجیح سکرپٹ ہوتا ہے اور سکرپٹ اچھا لکھا ہو تو وہ فورا حامی بھر لیتی ہیں۔ یاد رہے کہ ہنسنا منع ہے ایسا کامیڈی شو ہے جو بھارتی کامیڈی شو کپل شرما شو کی کاپی ہے اس شو کو جہاں بہت پسند کیا جا رہا ہے وہیں تنقید بھی ہورہی ہے ناقدین کا کہنا ہےکہ تابش ہاشمی کپل شرما کی بھونڈی نقل اتار رہے ہیں.

سینئر اداکار بہروز سبزواری جن کے بیٹے شہروز کی شادی سائرہ یوسف سے ہوئی تھی دونوں کی ایک بیٹی بھی ہے، دونوں کے درمیان تلخیوں کی وجہ سے ان کا رشتہ ختم ہو گیا. شہروز نے شادی کر لی اب وہ ایک اور بیٹی کے باپ بھی ہیں لیکن سائرہ وہیں کی وہیں ہیں انہوں نے شادی نہیں کی وہ اپنی بیٹی پال رہی ہیں اور کام کررہی ہیں. بہروز سبزواری کا حال ہی میں ایک کلپ سوشل میڈیا پر وائرل ہو رہا ہےاس میں وہ کہہ رہے ہیں کہ سائرہ یوسف میری کل بھی بیٹی تھی آج بھی بیٹی ہے میں کل بھی اس کے ساتھ کھڑا تھا آج بھی اسکے ساتھ کھڑ ا ہوں. جب میرے بیٹے

شہروز اور سائرہ کے درمیان معاملات خراب ہو رہے تھے تو اس وقت ہم دونوں کی فیملیوں پر بہت مشکل وقت تھا، ہم بے حد پریشان تھے لیکن سوشل میڈیا پر ایک الگ ہی تماشا لگا ہوا تھا ہر کوئی سائرہ اور شہروز کے متعلق عجیب و غریب باتیں کررہا تھا. حالانکہ یہ ہمارا بہت پہ پرسنل معاملہ تھا لیکن سوشل میڈیا سمیت ہر جگہ اس پر بات ہو رہی تھی. اس سوشل میڈیا نے تو تباہ و برباد کرکے رکھ دی ہیں ہماری اخلاقیات . بہروز سبزواری نے یہ بھی کہا کہ میں‌نے سائرہ کو کئی بار یہ مشورہ دیا ہے کہ تم اپنی زندگی میں سیٹل ہوجائو ان کا اشارہ دوبارہ شادی کی طرف تھا.بہروز نے یہ بھی کہا کہ سائرہ اور شہروز کی بیٹی میں ہماری جان ہے.

چھوٹی سکرین کی بہتری اداکارہ سائرہ یوسف کا سوشل میڈیا پر آج کل ایک کلپ بہت زیادہ وائرل ہو رہا ہے اس میں ان سے پوچھا گیا ہے کہ خوبصورتی کے لئے کوئی نصیحت جو آپ کو کسی نے دی ہو تو سائرہ نے کہا کہ یقینا مجھے خوبصورتی کو برقرار رکھنےکے لئے ایک ٹپ دی گئی تھی اور وہ ٹپ مجھے میری دادی نے دی تھی انہوں نے مجھے کہا تھا کہ چائے بہت زیادہ نہ پینا رنگت خراب ہوجائیگی سانولی ہو جائوگی. سائرہ نے کہا کہ میرا اس چیز پر بالکل بھی یقین نہیں ہے کہ چائے پینے سے رنگت خراب ہوتی ہے. میں یہ بھی جانتی ہوں کہ بہت سارے لوگوں کا اس بات پر یقین ہے کہ چائے پینے سے رنگ روپ خراب ہوتا ہے لیکن اصل میں ایسا کچھ بھی نہیں ہے. یاد رہے کہ سائرہ یوسف اپنی زاتی زندگی کو لیکر

کچھ عرصہ پہلے کافی زیادہ خبروں میں رہیں لیکن انہوں نے اپنی ذاتی زندگی پر ایک لفظ نہ کہا یہاں تک کہ ان کی شہروز سے علیحدگی بھی ہو گئی لوگوں نے کئی موقعوں پر ان سے بہت کچھ پوچھنے کی کوشش کی لیکن انہوں نے کبھی بھی کسی بات کا جواب نہیں دیا اور اسے ذاتی مسئلہ کہہ کر اس پر خاموشی اخیتار کئے رکھی.سائرہ کے اپنے نجی معاملے پر خاموشی کو ان کے مداحوں نے سراہا. سائرہ کی ایک بیٹی ہے جو ان کے ساتھ ہی رہتی ہے.

ادکاارہ اشنا شاہ جنہوں نے وقت کے ساتھ ثابت کیا کہ وہ ایک بہترین اداکارہ ہیں ڈرامہ سیریل لشکارہ میںان کی اداکاری نے ناقدین کے منہ بند کر دئیے تھے. اشنا شاہ نے فلموں میں آئٹم سانگ بھی کئے. اداکارہ منفی اور مثبت ہر طرح کے کردار کرتی ہیں اپنے حالیہ انٹرویو میں انہوں نے کہا کہ میرا تعلق ایک ایسی فیملی سے ہے جن کے لوگ پہلے سے ہی اس فیلڈ میں موجود ہیں لیکن میں نے ان کے ناموں کا، ان کے مقام و مرتبے کا سہارا نہیں لیا. مجھے فخر ہے کہ میں نے ان کے نام کو کیش نہیں‌کروایا. میں نے جب اس فیلڈ میں آنے کا فیصلہ کیا تو یہ مکمل طور پر میری چوائس تھے اور میں نے اس حوالے سے جدوجہد کی. میرے آڈیشنز ہوئے فیل بھی ہوئی پاس بھی ہوئی لیکن آخر کار مجھے آڈیشنز کی بنیاد پر ہی کام ملا.میں نے کام حاصل کرنے کے لئے کسی سے بھی سفارش

نہیں‌کروائی. اشنا شاہ نے کہا کہ شوبز ہو یا کوئی بھی فیلڈ اس میں لاکھ آپکے جاننے والے ہوں یا قریبی رشتہ دار ہوں لیکن آپ کو کا م آٔپ کی قابلیت پر ہی ملتا ہے.سفارش ویسے بھی ایک بار کام آتی ہے شاید پہلا موقع مل جاتا ہے لیکن اس موقع کے بعد آپ کی اپنی صلاحیتوں کی بنا پر ہی کوئی آپکو کام دیتا ہے کوئی بھی ایسے انسان پر رسک نہیں لے سکتا جسکو کام نہیں آتا چاہے وہ کتنی ہی بڑی شخصیت کا قریبی رشتہ دار کیوں نہ ہو. یادرہے کہ اشنا شاہ سینئر اداکارہ ارسہ غزل کی سوتیلی بہن ہیں.

سینئر اداکار شبیر جان نے حال ہی میں ایک انٹرویو دیا ہے اس میں انہوں نے کہا کہ مجھے ہنستے مسکراتے چہرے اچھے لگتے ہیں کیونکہ میں خود بھی خوش رہتا ہوں اور دوسروں کو بھی خوش رکھنے کی کوشش کرتا ہوں ، اسلئے مجھے ایسے چہرے اچھے لگتے ہیں جو ہمیشہ خوش رہتے ہیں ہنستے مسکراتے رہتے ہیں۔ اداکار نے ایک سوال کے جواب میں کہا کہ میں نے اس فیلڈ میں آکر ہی سب کچھ سیکھا ہے اس سے پہلے مجھے اس کام کے بارے میں ٓآگاہی نہیں تھی۔ انہوں نے یہ بھی کہا کہ جو سبق آپ کو آپ کا تجربہ اور عملی زندگی سکھاتی ہے اسکا کوئی جوڑ نہیں ہے۔ حالات اور وقت سے سیکھا ہوا سبق زندگی میں بہت کام آتا ہے۔ شبیر جان نے اس بات پر زور دیا کہ سیکھنے کا عمل ساری زندگی جاری رہتا ہے، مجھے کافی برس ہو گئے

ہیں شوبز انڈسٹری میں لیکن میں آج بھی یہ نہیں کہتا کہ مجھے سب کچھ آگیا ہے یا میں سب جانتا ہوں بلکہ میں تو یہ سمجھتا ہوں کہ میں آج بھی سیکھ رہا ہوں۔جوانسان سیکھنے کا عمل چھوڑ دیتے ہیں وہ ترقی کی دوڑ میں بہت پیچھے رہ جاتے ہیں۔انہوں نے مزید کہا کہ میں خوش ہوں کہ ہمارے ہاں بہت اچھا کام ہو رہا ہے ہر طرح کا ڈرامہ بن رہا ہے ہمارے نوجوان نسل کے آرٹسٹ کافی سمجھدار اور باصلاحیت ہیں۔یاد رہے کہ شبیر جان نے پی ٹی وی کے ڈراموں سے کیرئیر کا آغاز کیا تھا ان کے کریڈیٹ پر لازوال کردار اور ڈرامے ہیں.ان کے پرستار ان کو ہر کردار میں سراہتے ہیں.ان کے ڈائیلاگز بولنے کا نداز نہایت ہی شائستہ ہے.