Tag: پاکستان تحریک انصاف

پاکستان تحریک انصاف (پی ٹی آئی) کے بانی اور سابق وزیراعظم عمران خان نے پارٹی رہنماؤں کو سختی سے ہدایت کی ہے کہ پارٹی کے اندرونی اختلافات یا ذاتی تحفظات کو کسی بھی عوامی پلیٹ فارم پر نہ لایا جائے۔

اڈیالہ جیل میں اہلِ خانہ اور وکلا سے ملاقات کے دوران عمران خان نے یہ پیغام پارٹی قیادت تک پہنچایا، جسے بدھ کے روز ان کے ایکس (سابق ٹوئٹر) اکاؤنٹ پر بھی جاری کیا گیا۔بیان میں عمران خان کا کہنا تھا کہ "میڈیا کے سامنے اندرونی معاملات یا ذاتی تحفظات کو عوامی سطح پر لانا بالکل ناقابلِ قبول ہے۔” انہوں نے واضح ہدایت دی کہ کوئی بھی پارٹی عہدیدار – خواہ سینئر ہو یا جونیئر – سوشل میڈیا، الیکٹرانک یا پرنٹ میڈیا پر تنظیمی اختلافات ظاہر نہ کرے۔

یہ ہدایت ایک ایسے وقت سامنے آئی ہے جب اتوار کے روز خیبرپختونخوا کے وزیراعلیٰ علی امین گنڈا پور نے ’آر یا پار‘ کی احتجاجی تحریک کے حوالے سے اچانک 90 دن کی نئی مہلت دے کر پارٹی مؤقف میں الجھن پیدا کر دی تھی، جس پر پی ٹی آئی پنجاب کی چیف آرگنائزر عالیہ حمزہ نے تحفظات کا اظہار کیا تھا۔

عمران خان نے کہا کہ اس وقت پارٹی کو ذاتی رنجشیں بھلا کر صرف اور صرف احتجاجی تحریک پر توجہ دینی چاہیے تاکہ ملک میں بنیادی انسانی حقوق بحال ہو سکیں۔سابق وزیراعظم نے مزید کہا: "اگر کوئی پارٹی عہدیدار اس تحریک میں شامل نہ ہوا تو میں جیل کے اندر سے بھی اس کے بارے میں خود فیصلہ کروں گا۔”

پنجاب، بارشوں سے24 گھنٹوں میں 28 اموات، دریائے جہلم میں سیلاب کا خدشہ

تربیلا ڈیم کے اسپل وے دوبارہ کھلیں گے،الرٹ جاری

تحریکِ تحفظِ آئینِ پاکستان کے عہدیداران کا اعلان

خیبرپختونخوا اسمبلی اجلاس 20 جولائی کو طلب، 21 جولائی کو سینیٹ انتخابات ہوں گے

اسلام آباد:قومی اسمبلی کے رکن شیر افضل مروت کا کہنا ہے کہ پاکستان تحریک انصاف میں بدستور من پسند لوگوں کو نوازنے کے لیے فیصلے ہو رہے ہیں، پارٹی میں من پسند عہدے حاصل کرنے کی دوڑ چل رہی ہے۔

اسلام آباد میں پریس کانفرنس سے خطاب کرتے ہوئے شیر افضل مروت نے کہا کہ پاکستان تحریک انصاف میں بدستور من پسند لوگوں کو نوازنے کے لیے فیصلے ہو رہے ہیں، پارٹی میں من پسند عہدے حاصل کرنے کی دوڑ چل رہی ہے پی ٹی آئی میں ہر وہ فیصلہ کروایا جاتا ہے جس سے فائدہ اسٹیبلشمنٹ کو ہوتا ہے اور 2 سال سے پی ٹی آئی میں یہی ہو رہا ہے بانی پی ٹی آئی جیل میں ہیں اس بات پر دل دکھتا ہے لیکن پارٹی کے فیصلوں سے ہمیں عمران خان کی رہائی کی کوئی امید نظر نہیں آتی۔

شیر افضل نے کہا کہ مساوات بگوا نامی خاتون کی جانب سے شوکاز نوٹس جاری کرنے والی پانچ رکنی کمیٹی کو پیغام دیا گیا کہ زین قریشی صاحب کو اس میں سے نکالا جائے، پانچ رکنی کمیٹی ڈٹ گئی اور کہا کسی ایک یا دو کے ساتھ تفریق نہیں کی جائے گی ریاض فتیانہ اور برگیڈیئر گھمن کو کیوں نہیں نکال سکتے؟ بانی پی ٹی آئی بھی اس میں تفریق نہیں کر سکتے۔

دھمکیوں سے مشرق وسطیٰ میں امن قائم نہیں ہوسکتا،چین کا ٹرمپ کے حالیہ بیانات پر ر دعمل

رکن قومی اسمبلی نے کہا کہ آئی ایل ایف کے مرکزی صدر شاداب جعفری صاحب کو ہٹا کر کسی اور کو نوازا گیا، خواتین کے شعبے کا صدر کنول شوزب کو بنایا گیا 76چ آئی ایل ایف کی خواتین اور وہ خواتین جنہوں نے مصیبتیں سہیں ان کو ہٹا دیا گیا عدالتوں کا حشر نشر ہوگیا، کسی ادارے سے انصاف کی امید نہیں، یہ لوگ عوام کو بھی نہیں نکال سکتے کیونکہ ان تلوں میں تیل نہیں ہے ہمارے ایم این اے چترالی صاحب کو غلط سزا دی گئی اور انہوں ے پشاور سے جاکر بیل کروائی۔

تہران خالی کرنے کی تجویز پر ایرانی نژاد امریکی رکن کانگریس کی ٹرمپ پر تنقید

پاکستان تحریک انصاف (پی ٹی آئی) کے بانی عمران خان نے پارٹی کے صوبائی صدر جنید اکبر کو پبلک اکاؤنٹس کمیٹی (پی اے سی) کی چیئرمین شپ سے ہٹانے کا فیصلہ واپس لے لیا ہے۔

باغی ٹی وی کے مطابق یہ فیصلہ عمران خان اور پی ٹی آئی کے قائم مقام چیئرمین بیرسٹر گوہر علی خان کے درمیان آخری ملاقات میں زیر بحث آیا۔ ذرائع کے مطابق، عمران خان نے مؤقف اپنایا کہ چیئرمین پی اے سی کی حیثیت سے جنید اکبر کی سیاسی سرگرمیاں محدود ہو رہی ہیں، اس لیے انہیں یہ ذمہ داری چھوڑ دینی چاہیے۔

تاہم بیرسٹر گوہر نے خبردار کیا کہ اگر جنید اکبر نے استعفیٰ دیا تو قومی اسمبلی کا اسپیکر یہ عہدہ کسی اور جماعت کو دے سکتا ہے، جس سے پارلیمان میں پی ٹی آئی کی پوزیشن کمزور پڑ جائے گی۔پارٹی ذرائع کے مطابق، اس صورتحال کے پیش نظر عمران خان نے بیرسٹر گوہر کا مؤقف تسلیم کرتے ہوئے فیصلہ واپس لے لیا۔

ادھر اسلام آباد میں صحافیوں سے گفتگو کرتے ہوئے جنید اکبر نے کہا کہ انہیں معلوم نہیں کہ ان کے استعفے کی تجویز کہاں سے آئی، تاہم اگر بانی نے استعفیٰ دینے کو کہا تو وہ بلا جھجھک دے دیں گے۔ انہوں نے شکوہ کیا کہ پارٹی کے اندر کچھ عناصر ان کے استعفے کے خواہاں تھے، اور لگتا ہے کہ ان کی خواہش پوری ہوگئی۔

بھارتی ڈرون گرانے والے عام پاکستانی سپرہیرو کا مبشر لقمان کو خصوصی انٹرویو

"پاک بھارت جنگ بندی ایک سازش” تحریر : عائشہ اسحاق

سیکریٹری خارجہ نے بھارت کے نیو نارمل جیسے بیانات کو بے بنیاد قرار دیا