پشاور:ضرورت مند طلبا و طالبات کوانصاف تعلیم کارڈ دے رہے ہیں،اطلاعات کے مطابق صوبہ خیبرپختونخواہ کے صوبائی وزیر برائے اعلی تعلیم کامران خان بنگش نے کہا ہے کہ ہم صوبے میں‌ ضرورت مند طلبا و طالبات کے لیے جلد انصاف تعلیم کارڈ متعارف کروا رہے ہیں۔

صحت انصاف کارڈ کے نظام کی مزید بہتری کے لیے وزیراعظم کا بڑا اقدام

تفصیلات کے مطابق کامران بنگش نےخیبرپختونخوا کے 127 کالجز کے قابل اور مستحق طلبہ کے 50 ملین روپے کے چیکس متعلقہ پرنسپلز کے سپرد کیے۔اس موقع پر بات چیت کرتے ہوئے صوبائی وزیر برائے اعلی تعلیم کامران خان بنگش نے کہا کہ قابل اور ضرورت مند طلبا و طالبات کے لیے جلد انصاف تعلیم کارڈ متعارف کروا رہے ہیں۔

حکومت نےخود ہی صحت انصاف کارڈ میں بڑی تبدیلی کردی ،غیرسیاسی کرکے قومی بنادیا

کامران خان بنگش کا کہنا تھا کہ انصاف تعلیم کارڈ اپنے طرز کا پہلا منصوبہ ہوگا، جس کی بدولت کوئی بھی طلباء و طالبات پڑھائی سے محروم نہیں رہے گا۔انہوں نے کہا کہ خیبرپختونخوا کالجز اور یونیورسٹیز میں طلباء و طالبات کو مہارت کی نشوونما اور اعتماد سازی کے لیے خصوصی کورسز متعارف کروائے جا رہے ہیں۔

پنجاب میں 70 لاکھ خاندانوں میں صحت انصاف کارڈز فراہم کرنے کا اعلان

صوبائی وزیر برائے اعلی تعلیم کا کہنا تھا کہ ڈگری حاصل کرنے کے ساتھ اپنے شعبے میں مہارت حاصل کرنا بھی بہت ضروری ہے، جس کے لیے ہم نے مختلف شارٹ کورسز متعارف کرائے ہیں۔انہوں نے مزید کہا کہ تعلیم میں جدید ٹیکنالوجی کا حصول بھی بہت ضروری ہے جس کی اہمیت لوگوں کو COVID 19 کے دنوں میں آن لائن ٹیچنگ کے دوران پتہ لگی۔

پنجاب حکومت نے پاکستان تحریک انصاف کے مقرر کردہ 19 افسرانافسران کو فارغ کردیا۔

باغی ٹی وی : تفصیلات کے مطابق پنجاب حکومت کی جانب سےافسران کو فارغ کرنے کا نوٹیفکیشن جاری کردیا گیا نوٹیفکیشن کے مطابق ایڈیشنل ایڈووکیٹ جنرل انیس علی ہاشمی، عمیرخان نیازی، نادر منظوردوگل کو عہدوں سے فارغ کردیا گیا ہے۔

نوٹیفکیشن میں بتایا گیا ہے کہ اسسٹنٹ ایڈووکیٹ جنرل فیاض مہر، رائے شاہد سلیم، صفدر حیات، شکیل احمد، فیاض بسرا، مدثر وڑائچ، منظور احمد وڑائچ، ارسلان خان، مختار احمد، سکندراعظم، فرحت مجید، ملک جاویدعلی ڈوگر اور ایوب بزدار کو عہدے سے ہٹایا گیا ہے۔

نوٹیفکیشن کے مطابق عہدوں سے فارغ ہونے والوں میں اسسٹنٹ ایڈووکیٹ جنرل شاہد ریاض، حاجی دلبرخان اور ملک آصف حسین بھی شامل ہیں۔

سپریم کورٹ کے فیصلے پر تحریک انصاف کا ردعمل

قبل ازیں ایڈووکیٹ اظہر صدیق نے کہا کہ عثمان بزدار بطورایکٹنگ وزیراعلیٰ بحال ہوچکےہیں سپریم کورٹ میں آرٹیکل 63 اے کی تشریح سےمتعلق صدارتی ریفرنس پر عدالتی رائےکےبعد میڈیا سے گفتگو کرتے ہوئے ایڈووکیٹ اظہر صدیق نے کہا کہ الیکشن کمیشن کے فیصلے کے بعد پنجاب اسمبلی کے منحرف 25 اراکین کو فارغ کر دیا جائے گا۔

سپریم کورٹ کے فیصلے پر تحریک انصاف کا ردعمل

ایڈووکیٹ اظہر صدیق نے کہا کہ اب وزیراعلیٰ پنجاب کے انتخاب کے لیے الیکشن کے ذریعے دوبارہ انتخاب ہو گا، فیصلہ صدارتی ریفرنس پر ہی نہیں 184 تین اور 186 کے تحت پڑھا جائے گا۔

ان کا کہنا تھا کہ تاریخ کا سنہرا ترین دن ہے کہ آئین کو بحال کر دیا گیا جبکہ ووٹ بیچنے والوں کا راستہ ہمیشہ لے لیے روک دیا گیا منحرف اراکین کا ووٹ نہیں گنا جائے گا،حمزہ شہباز اکثریت کھو چکے ہیں۔

وزیراعظم کی زیرصدارت اتحادی جماعتوں کے رہنماؤں کا اجلاس جاری

اسلام آباد:پاکستان تحریک انصاف کی مرکزی قیادت کی مقامی قیادت کے ساتھ رابطوں میں تیزی آگئی ہے۔ جس کا مقصد’غلامی نا منظور‘ مارچ کی تیاریوں کوتیزکرنا ہے۔

پی ٹی آئی کے مرکزی رہنماؤں ڈاکٹر بابر اعوان اور سابق رکن اسمبلی علی اعوان نے مرکزی سیکرٹریٹ کا دورہ کیا، جہاں انہوں نے مختلف علاقوں کے ذمہ دار مرد و خواتین سے بھی ملاقات کی۔

ملاقات میں لانگ مارچ کی تیاریوں کا جائزہ لیا گیا اور آزادی مارچ میں شرکت کے لیے مختلف طبقہ فکر کے حلقوں سے ملاقاتیں شروع کرنے کا بھی فیصلہ کیا گیا۔ پی ٹی آئی کے ذمہ داران انہیں مارچ میں شرکت کے لیے با ضابطہ دعوت دیں گے۔

ملاقات میں طے کیا گیا کہ ملک بھر سے آنے والے قافلوں کا استقبال اسلام آباد کی تنظیم کرے گی۔

اس موقع پر بابر اعوان کا کہنا تھا کہ عمران خان کے خلاف پروپیگنڈے کوقوم نے پہلے بھی مسترد کیا ہے اور اب بھی کرے گی۔ آزادی مارچ کو کسی صورت ڈی ریل نہیں ہونے دیا جائے گا۔ عمران خان کی کال پرلاکھوں پاکستانی ملک بھرسے اسلام باد پہنچیں گے۔

پاکستان تحریک انصاف کے رہنما علی اعوان کا اس بابت کہنا تھا کہ امپورٹڈ حکومت کے خاتمے کے دن گنے جا چکے ہیں، پاکستانی قوم نے آزاد خارجہ پالیسی کی نئی تحریک کا ساتھ دینے کا فیصلہ کیا ہے۔
پاکستان تحریک انصاف نے عمران خان کے ملک گیر جلسوں کا شیڈول جاری کردیا،اطلاعات کے مطابق پاکستان تحریک انصاف نے پارٹی چیئرمین اور سابق وزیر اعظم عمران خان کے ملک گیر جلسوں کے حوالے سے شیڈول جاری کردیا ہے۔

پی ٹی آئی ترجمان کی جانب سے جاری ہونے والے بیان کے مطابق عمران خان 6 مئی کو میانوالی سے اپنے جلسوں کا آغاز کریں گے۔ 7 مئی کو عمران خان ورچوئلی یورپی یونین اور برطانیہ ہونے والے جلسے سے خطاب کریں گے۔

تیسرا جلسہ 8 مئی کو ایبٹ آباد، چوتھا جلسہ 9 مئی کو راولپنڈی اور پانچواں جلسہ 10 مئی کو جہلم میں منعقد کیا جائے گا۔پاکستان تحریک انصاف کی طرف سے مزید بتایا گیا ہے کہ کپتان کرک، اٹک اور مردان میں بالترتیب 11، 12 اور 13 مئی کو جلسہ عام سے خطاب کریں گے۔

سیالکوٹ اور فیصل آباد میں 14 اور 15 مئی کو جلسہ عام کیا جائے گا۔ عمران خان صوابی اور کوہاٹ میں 16 اور 17 مئی کو جلسے سے خطاب کریں گے۔

پاکستان تحریک انصاف کے چیئرمین عمران خان 18 مئی کو لاہور میں وکلاء کنوینشن سے خطاب کریں گے۔ 19 مئی کو چکوال اور 20 مئی کو ملتان میں جلسہ کیا جائے گا۔

لاہور: پاکستان تحریک انصاف کے لاہور میں ہونے والے جلسے کی تاریخ ایک بار پھر تبدیل کر دی گئی ہے-

باغی ٹی وی : پی ٹی آئی کے مرکزی سیکرٹری اطلاعات فرخ حبیب نے اپنی ٹوئٹ میں کہا تھا کہ 23 اپریل کوحضرت علیؓ کے یوم شہادت کے باعث مینارِ پاکستان پر ہونے والے عمران خان کے جلسے کی تاریخ کو تبدیل کر دیا گیا ہے۔

فرخ حبیب نے جلسے کی تبدیل شدہ تاریخ بتاتے ہوئے لکھا تھا کہ اب یہ جلسہ 24 اپریل بروز اتوار کو ہو گا۔

سیاسی عدم استحکام کے باعث ملکی معیشت متاثر ہوسکتی ہے،بین الاقوامی کریڈٹ ریٹنگ…

اب تحریک انصاف کے مرکزی رہنما شفقت محمود نے اپنے بیان میں تحریک انصاف کے مینار پاکستان پر ہونے والے جلسے کے حوالے سے ایک نئی تاریخ دی ہے۔

شفقت محمود کا کہنا ہے کہ لاہور میں پی ٹی آئی کا جلسہ اب 21 اپریل کو ہو گا، چیئرمین پاکستان تحریک انصاف عمران خان جلسے سے خطاب کریں گے۔

دوسری جانب سابق وزیراعظم عمران خان نے وزارت عظمیٰ سے فارغ ہونے کے بعد اعلان کیا تھا کہ وہ اپنا پہلا جلسہ پشاور میں کریں گے-

ایک آزاد اور خودمختارریاست کے طور پر معرضِ وجود میں لایا گیا۔ ہم فوری انتخابات کا مطالبہ کررہے ہیں کیونکہ آگے بڑھنے کا واحد راستہ یہی ہے کہ آزادانہ اور منصفانہ انتخابات کے ذریعے عوام کو فیصلے کا موقع دیا جائے کہ وہ کسے اپنا وزیراعظم منتخب کرنا چاہتے ہیں۔

— Imran Khan (@ImranKhanPTI) April 11, 2022

سابق وزریر اعظم عمران خان نے ٹوئٹر پر بیان جاری کرتے ہوئے اعلان کیا تھا کہ بدھ کو نمازِ عشاء کے بعد میں پشاور میں ایک اجتماعِ عام سےخطاب کروں گا جو بیرونی اشاروں پر حکومت کی تبدیلی کے نتیجے میں ہٹائے جانے کے بعد میرا پہلا جلسہ ہوگا میں چاہتا ہوں کہ ہمارے سب لوگ بھرپور طریقے سے اس اجتماع میں شریک ہوں کیونکہ پاکستان غیرملکی طاقتوں کی ایک کٹھ پتلی کےطور پر نہیں بلکہ ایک آزاد اور خود مختار ریاست کے طور پر معرضِ وجود میں لایا گیا’۔

عمران خان نے مزید کہا تھا کہ ہم فوری انتخابات کا مطالبہ کررہے ہیں کیونکہ آگے بڑھنے کا واحد راستہ یہی ہے کہ آزادانہ اور منصفانہ انتخابات کے ذریعے عوام کو فیصلے کا موقع دیا جائے کہ وہ کسے اپنا وزیراعظم منتخب کرنا چاہتے ہیں ۔

علاوہ ازیں سابق وزیراعظم عمران خان نے پشاور جلسے کے حوالے سے اپنے کارکنوں کیلئے ویڈیو پیغام بھی جاری کیا تھا-

عامر لیاقت کا سوشل میڈیا پر مریم نواز کے لیے خصوصی پیغام

عمران خان کا پشاور جلسہ کے لیے ویڈیو پیغام#امپورٹڈ_حکومت_نامنظور pic.twitter.com/XOU2P53i4Y

— PTI (@PTIofficial) April 12, 2022

ویڈیو بیان میں عمران خان نے کہا تھا کہ بڑی سازش کے تحت نئی حکومت قوم پر مسلط کی گئی ہے عمران خان کا کہنا تھا کہ وہ پشاور کے جلسے میں اپنے کارکنوں سے اہم بات کریں گے اس سازش کے متعلق بھی اور پشاور سے جو قوم کو سب سے بڑا پیغام دوں گا وہ یہ کہ اپنی آزادی اور جمہوریت کی حفاظت قوم خود کرتی ہے، کوئی فوج حفاظت نہیں کرسکتی کوئی باہر سے آکر اس کی حفاظت نہیں کر سکتا ’ہم سب نے مل کر پوری تحریک چلانی ہے کہ فوری طور پر پاکستان میں الیکشن کرائے جائیں۔

عوامی نیشنل پارٹی کے متعدد ٹوئٹر اکاؤنٹس ہیک ہو گئے

واضح رہے کہ حکومت نے بھی تحریک انصاف کے مقابلے میں جلسے کرنے کا اعلان کیا ہےمسلم لیگ کے سینیئر رہنما رانا ثناء اللہ نے کہا کہ یہ الیکشن کا سال ہے عمران جس شہر میں جلسہ کریں گے ، ان کی جماعت وہاں اس سے بڑا جلسہ کرے گی جبکہ انہوں نے کابینہ کی تشکیل ایک دو روز میں ہونے کا عندیہ بھی دیا-

رانا ثناءاللہ کا کہنا تھا کہ نوازشریف کی پاسپورٹ منسوخی پچھلے وزیرداخلہ کا ظلم تھا اور اسے فو اً بحال ہونا چاہیے نوازشریف کو پاسپورٹ ملنا اور شہباز شریف کا شیروانی پہننا ہی عمران خان کے لیے سب سے بڑی سزا ہے میں نے خود ظلم برداشت کیا ہے اس لیے سوال ہی نہیں پیدا ہوتا کہ ہم کسی کے ساتھ جھوٹے مقدمے بناکر ظلم کریں پی ٹی آئی کی حکومت میں پہلے بندہ پکڑتے تھے پھر جرم تلاش کرتے تھے لیکن ہم کوئی شہزاد اکبر نہیں بٹھائیں گے جو لوگوں کو بے توقیر کرے ملک میں جمہوریت، آئین اور انصاف کی بالادستی کیلئے فارمیشن کمانڈرز کی کانفرنس کے بعد آنے والا اعلامیہ انتہائی اہمیت کا حامل ہے۔

ڈپٹی اسپیکر پر اعتماد نہیں ہے وہ صاف الیکشن نہیں کروا سکتے،وکیل ق لیگ

اسلام آباد: سفیرکشمیروفلسطین،ترجمان امت مسلمہ:وزیراعظم پاکستان آج آپ سے مخاطب ہوں گے یہ کہنا ہے وزیراعظم کے ساتھی سینیٹر فیصل جاوید خان کا ، ادھریہ بھی دعویٰ کردیاہے کہ جلسے میں 15 لاکھ سے زیادہ لوگ شریک ہوں گے:ان شااللہ تعالیٰ یہ عزم ظاہر کیا ہے پی ٹی آئی فیصل جاوید نے اوریہ بھی کہا ہے کہ پاکستان ہی نہیں‌بلکہ دنیا بھرسے پاکستانی اسلام آباد پہنچ رہے ہین‌

تحریکِ انصاف کے رہنما و سینیٹر فیصل جاوید خان نے سماجی رابطے کی ویب سائٹ ٹوئٹر پر اپنے ایک پیغام میں کہا کہ آج رات ہی لوگوں کا جوش و خروش قابلِ ستائش ہے۔

جاگتے رہنا پاکستان جاگتے رہنا-آج تاریخ رقم کرنی ہے-یہ حق اور باطل کا معرکہ ہے-سب دیکھیں گے آج کہ قوم کس کے ساتھ کھڑی- جو عوام فیصلہ کریں گے وہ ہی ہوگا-ایسا جزبہ اور جوش پہلے نہیں دیکھا-آج سہ پہر 3 بجے ملاقات ہوگی – وزیراعظم عمران خان تاریخی خطاب کریں گے اور آگے کا لحہ عمل دیں گے pic.twitter.com/lBJ4UnDP0e

— Faisal Javed Khan (@FaisalJavedKhan) March 26, 2022

فیصل جاوید نے کہا کہ یہ وہ جزبہ ہے جو پاکستان بنانے کی تحریک میں قائد اعظم کے ساتھ تھا اور آج پاکستان بچانے کی تحریک میں عمران خان کے ساتھ ہے۔ان کا کہنا تھا کہ جلسے کا آغاز کل سہ پہر 3 بجے ہو گا اور اس جلسے میں عمران خان تاریخی خطاب کریں گے۔

ادھر پی ٹی آئی آزاد کشمیر کے صدر سردار تنویر الیاس اپنی قیادت میں ایک بڑا قافلہ لے کر پریڈ گراؤند پہنچیں گے۔

سردار تنویر الیاس کی زیر قیادت 3 ڈویژنوں سے ہزاروں گاڑیوں کے قافلے آج جلسہ کیلئےنکل چکے ہیں‌؛ میر پور، پونچھ، مظفر آباد ڈویژن سے قافلے امر بالمعروف جلسہ میں آئیں گے۔

آج رات ہی لوگوں کا جوش و خروش قابلِ ستائش ہے- یہ وہ جزبہ ہے جو پاکستان بنانے کی تحریک میں قائد اعظم کے ساتھ تھا اورآج پاکستان بچانے کی تحریک میں عمران خان کے ساتھ ہے-15 لاکھ سے زیادہ لوگ جلسے میں شریک ہونگے انشاء اللہ-جلسےکا آغاز کل سہ پہر 3 بجے ہوگا-عمران خان تاریخی خطاب کریں گے

— Faisal Javed Khan (@FaisalJavedKhan) March 26, 2022

مظفرآباد کا جلوس صبح ساڑھے دس بجے کوہالہ سے اسلام آباد کے لیے روانہ ہو گا جبکہ جڑواں شہروں میں مقیم آزاد کشمیر کے لوگ 3 بجے سوہان اسلام آباد آفس سے نکلیں گے۔

آزاد کشمیر سمیت راولپنڈی اور ملک بھر میں موجود مہاجرین مقیم جموں کشمیر کی کثیر تعداد جلسہ میں شرکت کرے گی۔

پی ٹی آئی ویمن ونگ بھی پورے آزاد کشمیر میں جلسہ میں غیر معمولی شرکت یقینی بنانے کے لیے متحرک ہیں۔

مظفرآباد سے راجہ منصور خان کی قیادت میں کھاوڑہ سے تحریک انصاف کے کارکنان اور عوام الناس کا قافلہ جلسہ میں شرکت کرے گا۔

تحریک انصاف نے تحریک عدم اعتماد سے پہلے ناراض اراکین کو منانے کے لیے کوششیں تیز کر دیں-

باغی ٹی وی : اطلاعات کے مطابق وزیردفاع پرویز خٹک نے ترین گروپ کے عون چودھری سے رابطہ کیا ہےوزیر دفاع پرویز خٹک نے ترین گروپ کے عون چودھری سے رابطہ کر کے کوئی بھی انتہائی قدم نہ اٹھانے کی درخواست کی ہے۔

حکومت نے سندھ میں گورنر راج لگانے کے امکان کو مسترد کردیا

ذرائع کے مطابق ٹیلی فونک رابطے میں ترین گروپ اراکین کی ناراضی سے متعلق بات چیت ہوئی پرویز خٹک نے ترین گروپ کے تحفظات کے بارے میں آگاہی لی۔

عون چودھری نے بھی وزیردفاع پرویز خٹک کی جانب سے رابطے کی تصدیق کر دی ہے۔

یاد رہے کہ وزیراعظم عمران خان نے ناراض اراکین قومی اسمبلی کو منانے کا ٹاسک وزیر دفاع پرویز خٹک اور وزیر خارجہ شاہ محمود قریشی کو دیا ہے۔

واضح رہے کہ ترین گروپ کے اہم رہنما راجہ ریاض نے ایک روز قبل نجی ٹی وی کے سینئر صحافی حامد میر کو انٹرویو دیا جس میں انہوں نے انکشاف کیا کہ سندھ ہاﺅس میں اس وقت پی ٹی آئی کے دو درجن سے زائد اراکین اسمبلی موجود ہیں مذکورہ انٹرویو نشر ہونے کے بعد خبریں آئی کہ اپوزیشن نے سندھ ہاؤس میں موجود پی ٹی آئی اراکین اسمبلی کو راتوں رات صوبہ سندھ منتقل کر دیا ہے راجہ ریاض اور دیگر رہنماﺅں کی جانب سے پی ٹی آئی کے پیسے لینے کے الزامات کی تردید کی گئی۔

ترین گروپ بھی تقسیم کچھ حکومت تو کچھ اپوزیشن کا ساتھ دینے کے خواہاں

خیال رہے کہ وزیراعظم عمران خان کے خلاف پیش کی جانے والی تحریک عدم اعتماد کے بعد ملکی سیاسی صورتحال میں ہلچل مچی ہوئی ہے اور دونوں جانب سے سیاسی جوڑ توڑ کا سلسلہ جاری ہے، اسی تناظر میں ترین گروپ میں بھی تقسیم دکھائی دیتی ہے اور یہ بھی اطلاعات ہیں کہ کچھ حکومت تو کچھ اپوزیشن کے ساتھ رہنا چاہتے ہیں-