جنیوا: اقوام متحدہ میں پاکستان کے مستقل مندوب منیر اکرم نے عالمی برادری سے کہا ہے کہ کالعدم تحریکِ طالبان پاکستان کو غیر مسلح کرنے کے لیے اقدامات کیے جائیں۔
باغی ٹی وی :اقوامِ متحدہ میں پاکستان کے مستقل مندوب منیر اکرم نے یو این پروگرام آف ایکشن آن اسمال آرمز اینڈ لائٹ ویپنز کی چوتھی سالانہ کانفرنس میں کہا کہ کالعدم تحریکِ طالبان پاکستان جیسے تمام گروپوں کو غیر مسلح کرنے کی ضرورت ہے جو افغانستان کو محفوظ پناہ گاہ کے طور پر استعمال کرکے سرحد پار پاکستان میں حملے کرتے ہیں کالعدم تحریکِ طالبان پاکستان جیسے انتہا پسند و عسکریت پسند گروپوں کے پاس جدید ترین چھوٹے ہتھیاروں کی موجودگی پر پاکستان کو بجا طور پر تشویش لاحق ہے۔
2001 کا یو این پروگرام آف ایکشن تمام ارکان کا حمایت یافتہ ہے اس کے تحت چھوٹے ہتھیاروں کی غیر قانونی خرید و فروخت روکنے کی کوشش کی جاتی ہے اقوام متحدہ نے اس پروگرام کو قومی، علاقائی اور عالمی سطح پر نافذ کرنے کے حوالے سے مدد کی ہے۔
یہاں ایک دوسرے پرگالم گلوچ ہوتی ہے،ہم چاہتے ہیں احترام ہو،چیف جسٹس
پاکستانی مندوب نے کانفرنس کے مندوبین کو بتایا کہ جدید ترین چھوٹے ہتھیار دہشت گرد اور جرائم پیشہ افراد تیار نہیں کرتے اِنہیں یہ ہتھیار اُن ممالک سے ملتے ہیں جو کسی خاص ملک یا خطے کو نشانہ بنانے کے درپے ہوتے ہیں تاکہ وہاں شدید عدمِ استحکام پیدا کیا جاسکےیہ پتا لگانے کی اشد ضرورت ہے کہ دہشت گرد گروپوں اور جرائم پیشہ افراد کو یہ جدید ترین چھوٹے ہتھیار کس طرح ملتے ہیں۔
منیر اکرم نے یہ بھی کہا کہ دہشت گردوں کو ان ہتھیاروں کی ترسیل روکنا اقوام متحدہ اور اس کے تمام ارکان کی ذمہ داری ہے دہشت گرد اور جرائم پیشہ گروہوں سے یہ ہتھیار واپس لیے جانے چاہئیں تاکہ وہ عدم استحکام پیدا کرنے کے قابل نہ رہیں دہشت گردوں اور جرائم پیشہ افراد کے گروہوں کے ہاتھ یہ ہتھیار لگنے سے کئی خطوں میں شدید عدم استحکام پایا جاتا ہے، بڑے پیمانے پر ہلاکتیں واقع ہوتی ہیں، امن و امان کا مسئلہ برقرار رہتا ہے اور ہر سال ہزاروں جانیں ضائع ہو جاتی ہیں ہتھیاروں کے ساتھ ساتھ اب دہشت گروپ جدید ترین ڈرون بھی استعمال کر رہے ہیں۔
بھارت میں زہریلی شراب پینے سے 25 افراد ہلاک ،68 کی حالت غیر
پاکستانی مندوب نے کہا کہ اس حوالے سے قانونی ڈھانچا تیار کرنے، ہتھیاروں کی ترسیل روکنے، اُنہیں کسی اور ہاتھ لگنے سے روکنے اور متعلقہ ہتھیاروں کی فروخت کی روک تھام کے لیے غیر معمولی اقدامات کی ضرورت ہے اقوامِ متحدہ کے ارکان کو اپنی حدود میں یا خطے کے اندر مختلف تنازعات کے حل کی کوشش کرنی چاہیے تاکہ کشیدگی کا گراف نیچے آئے اور انتہا پسند یا دہشت گرد گروپوں کے پنپنے کی گنجائش کم ہو، اس صورت میں جدید ترین چھوٹے ہتھیاروں کی طلب میں کمی آئے گی اور اس معاملے کو کنٹرول کرنا آسان ہوگا۔
جرائم ختم نہیں ہوئے لیکن کرمنلز کو محدود کردیا، وزیراعلیٰ سندھ مراد علی شاہ
کانفرنس سے افتتاحی خطاب میں تخفیفِ اسلحہ سے متعلق دفتر کے سربراہ اِزومی ناکامِتسو نے اقوامِ متحدہ کے سیکریٹری جنرل انتونیو گوئتریس کی طرف سے ریمارکس پیش کیے انتونیو گوئتریس کا کہنا ہے کہ دنیا بھر میں دفاعی یا جنگی اخراجات میں تیزی سے اضافہ ہو رہا ہے جو انتہائی خطرناک ہے ہتھیار چھوٹے ہوں یا بڑے، دنیا بھر میں تباہی ہی پھیلاتے ہیں۔
