Tag: پاکستان

ٹی ٹوئنٹی ورلڈ کپ، پاکستان اور بھارت کا میچ 9 جون کو ہو گا،پاک بھارت میچ کے دوران اضافی سیکورٹی کی تعیناتی کی تصدیق کی گئی ہے

پاک بھارت میچ کے دوران دیگر میچز کے مقابلے میں سیکورٹی زیادہ ہو گی، امریکا میں کھیلوں کی تاریخ کی سب سے بڑی سیکوٹی پاک بھارت میچ کی ہو گئی، سنائپرز بھی تعینات ہوں گے، سڑکیں بند کی جائیں گے، پولیس کے دستے تعینات ہوں گے،ڈرون سے بھی نگرانی کی جائے گی، خصوصی ہتھیاروں اور ٹریننگ کی حامل سواٹ فورس سے بھی معاونت حاصل کی جائے گی،نساؤ کاؤنٹی کے ایگزیکٹو بروس بلیکمین کا کہنا ہے کہ "پاک بھارت میچ کے لیے اضافی سیکورٹی تعینات کی جائے گی، نساؤ کاؤنٹی ہر لحاظ سے تیار ہو گی، پُراعتماد ہیں کچھ بھی نہیں ہو گا، یہ دنیا کا سب سے بڑا میچ ہے ہمارا اپنا نساؤ کاؤنٹی پولیس ڈپارٹمنٹ ہے جو بڑے ایونٹس کا انتظام کرتا ہے ہماری نیویارک، اسٹیٹ پارک پولیس ایف بی آئی، پورٹ اتھارٹی پولیس اور ایم ٹی اے پولیس ہے، رضا کار فائر فائٹرز نے ذمہ داری سنبھال لی ہے”۔

واضح رہے کہ پاک بھارت مقابلہ 9 جون کو نساؤ کاؤنٹی انٹرنیشنل اسٹیڈیم نیو یارک میں ہوگا، ایجبسٹن اسٹیڈیم میں پاکستان اور بھارت کے میچ کے لیے فین پارک بنایا جا رہا ہے،ایجبسٹن کے فین پارک میں 8 ہزار تک تماشائیوں کے آنے کی توقع ہے اور آئی سی سی نے بھی فین پارک کے لیے وینیو کی تصدیق کی ہے،پاک بھارت میچ کے موقع پر ایجبسٹن میں فیملی فیسٹیول کا ماحول ہو گا، فینز بڑی اسکرین پر میچ دیکھیں گے جس میں سابق پاک بھارت کرکٹرز بھی موجود ہوں گے،چیف ایگزیکٹو ایجبسٹن اسٹیورٹ کین کے مطابق انگلینڈ کے اس واحد وینیو کو فین زون کے لیے آئی سی سی نے چنا ، مقامی کمیونٹی کا ورلڈکپ کا حصہ بننے کا یہ موقع ہے۔

ٹی 20 ورلڈ کپ آج سے امریکہ میں شروع ہو رہا ہے، ایونٹ کے میچز امریکہ اور ویسٹ انڈیز میں ہوں گے

پاکستان میں امریکی سفیر نے سوشل میڈیا پر پیغام جاری کیا ہے جس میں امریکی سفیر نے پاکستانی عوام کو مبارک باد دی ہے،اور پاکستانی ٹیم کے لئے نیک خواہشات کا اظہار کیا ہے،امریکی سفیر ڈونلڈ بلوم کا ایک ویڈیو پیٍام میں کہنا تھا کہ "پاکستان کی قومی ٹیم کے کپتان بابر اعظم اور پاکستان کرکٹ ٹیم کے لیے میری نیک خواہشات ہیں، پاکستان میں کرکٹ کے لیے بے انتہا محبت اور جنون دیکھا ہے،موسم گرما میں ہر کھلی جگہ پر پاکستان میں کرکٹ کھیلی جاتی ہے، پاکستان اور امریکا دونوں ہی کھیلوں کے لیے محبت رکھنے والے ملک ہیں،امریکا پہلی بار ٹی ٹوئنٹی ورلڈ کپ کی میزبانی کرے گا، امید ہے میچز دلچسپ ہوں گے، حال ہی میں پاکستان کرکٹ ٹیم کے ساتھ ملاقات کی، پاکستان کرکٹ ٹیم سے چند بولنگ اور بیٹنگ کی ٹپس سیکھیں”۔

پاکستان کرکٹ ٹیم آئی سی سی ٹی ٹوئنٹی ورلڈ کپ میں اپنا پہلا میچ 6 جون کو میزبان ٹیم امریکہ کے خلاف ڈلاس میں کھیلے گی، پاکستان ٹی 20 ورلڈ کپ کے گروپ اے میں بھارت، امریکہ، کینیڈا اور آئرلینڈ کے ساتھ ہے۔پاکستان کی قومی کرکٹ ٹیم انٹرنیشنل کرکٹ کونسل (آئی سی سی) ٹی 20 ورلڈ کپ میں شرکت کے لیے لندن سے امریکہ پہنچ گئی ہے،قومی کرکٹ ٹیم کے کپتان بابر اعظم کی قیادت اور مینجمنٹ کمیٹی اراکین کے ہمراہ برطانوی دارالحکومت لندن سے امریکہ کے شہر ڈلاس پہنچی ہے

ٹی 20 کا پہلا میچ امریکہ اور کینیڈا کے درمیان کھیلا جائے گا جو ڈیلاس میں ہو گا، ٹورنامنٹ میں کل 55 میچز کھیلے جائیں گے جو 29 دنوں میں مکمل ہوں گے۔ بھارت کا پہلا میچ 5 جون کو ہو گا

ٹی 20 ورلڈکپ 2024ء ،پاکستانی 15 رکنی اسکواڈ
حال ہی میں ٹی 20 ورلڈکپ 2024ء کے لیے قومی ٹیم کے 15 رکنی اسکواڈ کا اعلان کیا گیا جس کے مطابق قومی ٹیم کے 15 رکنی ورلڈکپ اسکواڈ کی قیادت بابراعظم کررہے ہیں جبکہ دیگر کھلاڑیوں میں صائم ایوب، محمد رضوان، فخرزمان، اعظم خان، عثمان خان، افتخار احمد، عماد وسیم، شاہین شاہ آفریدی، شاداب خان، محمد عامر، عباس آفریدی، نسیم شاہ، حارث رؤف اور ابرار احمد شامل ہیں۔

ٹی 20 ورلڈکپ 2024ء کے لیے قومی ٹیم کے آفیشلز کا بھی اعلان کر دیا گیا ہے،پاکستان ورلڈ‌کپ کے لیے کوچ اور معاونین کو لے کر جا رہا ہے ان میں سینئیر ٹیم منیجر وہاب ریاض،ٹیم مینجر منصور رانا،ہیڈ کوچ گیری کرسٹن،اسسٹنٹ کوچ اظہر محمود شامل ہیں ، فیلڈنگ کوچ سیمون ہیلمٹ،مینٹل پرفارمنس کوچ ڈیوڈ ریڈ .ہائی پرفارمنس کوچ آفتاب خان،فزیو تھراپسٹ کلف ڈیکون بھی ساتھ جائیں گے،جبکہ ٹیم میں چیف سیکیورٹی آفیسر ارتضیٰ کمیل، محمد عمران ،ٹیم ڈاکٹر محمد خرم سرور، اینالسٹ طلحہٰ اعجاز ،میڈیا اور ڈیجیٹل مینیجر رضا کیچلیو ،اسٹرینتھ اور کنڈیشنگ کوچ ڈریکوس سائمن شامل ہیں-

ٹی ٹوئنٹی ورلڈ کپ امریکا میں ہو رہا، پاکستان اور امریکا کے وقت میں تقریبا نو گھنٹے کا فرق ہے،ٹی 20 ورلڈ کپ کا فائنل 29 جون کو بارباڈوس کے ، برج ٹاؤن کے کینسنگٹن اوول میں کھیلا جائے گا۔ 20 ٹیموں کو 4 گروپس میں تقسیم کیا گیا ہے۔ چاروں گروپس سے ٹاپ دو ٹیمیں سپر ایٹ کے لیے کوالیفائی کریں گی۔ اس کے بعد پوائنٹس ٹیبل میں ٹاپ پر آنے والی ٹیم سیمی فائنل میں چوتھے نمبر پر آنے والی ٹیم سے ٹکرائے گی۔ دوسرے نمبر پر آنے والی ٹیم تیسرے نمبر پر آنے والی ٹیم سے ٹکرائے گی۔ سیمی فائنل کی فاتح ٹیمیں 29 جون کو فائنل میں مدمقابل ہوں گی۔

ٹی 20 ورلڈ کپ،پاک بھارت میچ 9 جون کی شام ساڑھے سات بجے
پاکستان کے اسٹینڈرڈ وقت کے مطابق 6 جون کو پاکستان اورامریکا کا میچ رات 8.30 بجے کھیلا جائے گا،ٹی 20 ورلڈ کپ میں شائقین کی نظریں پاک بھارت کے میچ پر ہیں، پاکستان اور بھارت کے مابین میچ نو جون کو شام ساڑھے سات بجے کھیلا جائے گا،پاکستان اور کینیڈا کے مابین میچ 11 جون کو رات 7.30 بجے شروع ہوگا۔

ٹی20 ورلڈکپ،پی سی بی نے ترانہ جاری کردیا
پاکستان کرکٹ بورڈ نے ٹی20 ورلڈکپ کیلئے خصوصی ترانہ ریلیز کردیا ہے، پی سی بی نے قومی ٹیم کا ترانہ ´ساڈی واری اوئے ´ جاری کردیا ،ترانہ علی عظمت، عارف لوہار اور نہال نسیم نے گایا ہے،پی سی بی کے مطابق ٹی 20 ورلڈ کپ کے لئے یہ ترانہ پاکستانی شائقین کے جذبے کو خراج تحسین ہے جو ہر وقت پاکستان ٹیم کے ساتھ کھڑے ہیں اور اپنی ٹیم کو کامیابی سے ہمکنار ہوتا دیکھنا چاہتے ہیں تاکہ وہ بھی اس جیت کا جشن منائیں

Sadi Vari Oye | Pakistan Cricket Team Official Anthem 2024

This anthem is a tribute to our fans who cheer for the Pakistan team through every triumph and challenge. Let's unite, celebrate, and fuel our team's journey to conquer the world. Pakistan Zindabad!

#SadiVariOye pic.twitter.com/4T3KxNm3ML

— Pakistan Cricket (@TheRealPCB) June 1, 2024

وفاقی وزیر داخلہ محسن نقوی نے کہا ہے کہ قومی کرکٹ ٹیم کو اس وقت قوم کی سپورٹ کی ضرورت ہے، قومی ٹیم کے کھلاڑی پُراعتماد ہیں اور یقینا اچھا پرفارم کریں گے۔

ان خیالات کا اظہار انہوں نے پاکستان ہاؤس برطانیہ میں پاکستانی ہائی کمشنر ڈاکٹر محمد فیصل کی جانب سے قومی کرکٹ ٹیم کے اعزاز میں منعقدہ تقریب میں بطور مہمان خصوصی خطاب کرتے ہوئے کیا۔وفاقی وزیر داخلہ، چیئرمین پی سی بی محسن نقوی کا کہنا تھا کہ ہر پاکستانی کو یہ بتانا ہے کہ ہار جیت سے قطع نظر وہ ٹیم کے ساتھ ہیں، اس اپروچ کے ساتھ کھلاڑی یقینا امریکہ سے ورلڈ کپ جیت کر وطن لوٹیں گے۔ انہوں نے کہا کہ اپنے کھلاڑیوں پر بھروسہ رکھیں، وہ اچھا پرفارم کرینگے اور پر امید رہیں کہ وہ ورلڈ کپ جیتں گے۔

مئیر لندن صادق خان، پاکستان میں برطانیہ کی ہائی کمشنر جین میریٹ، سابق وزیراعظم سینیٹر انوارالحق کاکڑ، وزیر اعلی بلوچستان سرفراز بگٹی اور برطانیہ میں مقیم پاکستانیوں کی بڑی تعداد نے بھی تقریب میں شرکت کی۔ بعد ازاں تقریب سے میئر لندن صادق خان اور برطانیہ میں پاکستانی ہائی کمشنر نے بھی خطاب کیا۔ تقریب کے اختتام پر وفاقی وزیر داخلہ محسن نقوی نےتقریب میں شرکت پر میئر لندن صادق خان اور برطانوی ہائی کمشنر جین میریٹ کا شکریہ ادا کیا۔شرکاء تقریب نے کھلاڑیوں سے آٹوگراف لئے اور تصویریں و سیلفیاں بنوائیں۔