Tag: پاکستان

سابق وفاقی وزیر شیخ رشید کا کہنا ہے کہ میں پہلے ہی کہہ چکا تھا 11 سے 20 ستمبر تک سیاست میں بڑی ہلچل ہوگی اور اُکھاڑ پچھاڑ ہوگی، جبکہ انہوں نے کہا کہ کل پیپلز پارٹی کی ورکنگ کیمٹی بھی رنگ دکھائے گی اور لیول پلیئنگ فیلڈ کا مطالبہ کرے گی۔

شیخ رشید کے مطابق پاکستان کی سیاست میں جو کچھ بھی ہونا ہے اسی سال ہوجانا ہے اور 30 دسمبرتک حقیقی فیصلے آجائیں گے، ان کا کہنا تھا کہ 15 دسمبر تک یہ فیصلہ بھی ہوجائے گا کہ سیاست کا اونٹ کس کروٹ بیٹھے گا۔

خیال رہے کہ شیخ رشید اس سے قبل بھی کئی پیشن گوئیاں اور دعوے کرچکے ہیں جن میں شائد ہی کوئی پیشن گوئی سچ ثابت ہوئی ہو لیکن اب دیکھنا یہ ہے کہ آیا ان کی یہ پیشن گوئی سچ ثابت ہوتی ہے یا ماضی کی طرح خالی ہوا میں تیر مارا گیا ہے۔

ماہرقانون اشتر اوصاف کا کہنا ہے کہ نواز شریف کو وطن واپسی پر گرفتار نہیں کیا جائے گا بلکہ انہیں عدالتوں کا سامنا کرنا پڑے گا ، مسلم لیگ (نواز) کے رہنما خرم دستگیر کہتے ہیں کہ ن لیگ کی جانب سے وزارت عظمیٰ کے امیدوار نوازشریف ہی ہیں، فواد حسن فواد کو تجربہ کی بنیاد پر کابینہ میں شامل کیا گیا جبکہ نجی ٹی وی سے گفتگو کرتے ہوئے ماہر قانون اشتر اوصاف نے کہا کہ ’نوازشریف کو مقدمات کا سامنا کرنا پڑے گا، مقدمے کی عدم پیروی پر قابل ضمانت وارنٹ جاری ہوتے ہیں، قابل ضمانت وارنٹ پر گرفتار نہیں کیا جاتا۔

انھوں نے کہا کہ نوازشریف کو عدالت میں سرینڈر کرنے کا موقع دیا جائے گا، سرینڈر کرنے والے کو گرفتار نہیں کیا جاتا، اشتر اوصاف نے مزید کہا کہ نوازشریف کے ساتھ جو ہوا وہ ریکارڈ کا حصہ ہے، سب جانتے ہیں کہ نوازشریف کو کیسے سزا سنائی گئی۔ انہوں نے کہا کہ نوازشریف نے ہائی کورٹ میں اپیل دائر کی، عدالت نے قائد ن لیگ کو علاج کیلئے باہر جانے کی اجازت دی، نوازشریف کے کیسز کو داخل دفتر کردیا گیا۔

علاوہ ازیں ان کا کہنا تھا کہ عدالت نے اعتراف کیا کہ فیصلے دباؤ میں دیئےگئے، نوازشریف کی نااہلی کی سزا ختم ہو جائے گی، سابق وفاقی وزیر خرم دستگیر نے کہا کہ وزارت عظمیٰ کے امیدوار نوازشریف ہی ہوں گے، عدالت مریم نواز کو مقدمات سے بری کرچکی ہے، انہوں نے کہا کہ ’2018 میں نوازشریف سے جو نا انصافی ہوئی وہ ریورس ہوگی‘۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
علاوہ ازیں ان کا کہنا تھا کہ شہباز شریف کہہ چکے ہیں کہ وزارت عظمیٰ کے امیدوار نوازشریف ہیں، انھوں نے پاکستان سے دہشت گردی، ٹارگٹ کلنگ اور لوڈشیڈنگ ختم کی جبکہ خرم دستگیر نے کہا کہ نوازشریف کے دور میں سی پیک کا آغاز ہوا، ان کے دور میں پاکستان تیزی سے ترقی کر رہا تھا، ترقی کی وہی رفتار رہتی تو پاکستان 2030 میں 20 ویں بڑی معیشت ہوتا تاہم انہوں نے کہا کہ فواد حسن فواد کو تجربہ کی بنیاد پر کابینہ میں شامل کیا گیا، فواد حسن فواد کو کئی سال ناحق جیل میں رکھا گیا۔

مسلم لیگ ن کے صدر شہباز شریف کا کہنا ہےکہ نئی مردم شماری کے تحت الیکشن کرانا الیکشن کمیشن کی ذمہ داری ہے جبکہ لندن میں میڈیا سے گفتگو کرتے ہوئے شہباز شریف کا کہنا تھا کہ الیکشن کرانا الیکشن کمیشن کا کام ہے، الیکشن کمیشن اپنی آئینی ذمہ داری ادا کرے۔

اس سےقبل نواز شریف کی وطن واپسی کی تاریخ طے ہوگئی تھی جس کے مطابق وہ 21 اکتوبر کو لاہور پہنچیں گے، شہباز شریف کا کہنا تھا کہ نواز شریف نے پاکستان کو ایٹمی طاقت بنایا، نواز شریف نے ملک سے بجلی کی لوڈشیڈنگ کو ختم کیا۔

مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف

تاہم خیال رہے کہ شہباز شریف بھی ان دنوں‌لندن میں ہیں اور بتایا جارہا ہے کہ وہ بھائی کیلئے طاقت ور حلقوں سے بارگینگ کررہے ہیں کہ انہیں ملک میں واپس آنے دیا جائے اور انتخابات میں بھی حصہ لینے دیا جائے. دوسری جانب نگران وزیراعلیٰ پنجاب محسن نقوی نے سابق وزیراعظم و مسلم لیگ (نواز) کے قائد نواز شریف کی واپسی پر ردعمل کا اظہار کیا ہے، صحافی نے نگران وزیراعلیٰ پنجاب محسن نقوی سے سوال کیا کہ نوازشریف کی وطن واپسی پر کیا ان کو گرفتار کریں گے؟ نواز شریف کی وطن واپسی کی تاریخ طے، 21 اکتوبر کو لاہور پہنچیں گے، محسن نقوی نے جواب دیا کہ جو قانونی اسٹیٹس ہوگا اس کے مطابق عمل کریں گے۔

پاکستان تحریک انصاف کے چیئرمین عمران خان کے خلاف سائفرکیس کی سماعت کل اٹک جیل میں ہوگی اور وزارت قانون نے سائفرکیس کی اٹک جیل میں سماعت کا نوٹیفکیشن جاری کردیا۔ وزارت قانون کے مطابق خصوصی عدالت کے جج کی درخواست پر سماعت اٹک جیل میں کرنے پر اعتراض نہیں جبکہ نوٹیفکیشن میں کہا گیا ہے کہ جج نے سکیورٹی وجوہات کے باعث سماعت اٹک جیل میں کرنے کی درخواست کی۔

جبکہ جاری نوٹیفکیشن کے مطابق چیئرمین پی ٹی آئی عمران خان کے خلاف سائفرکیس کی سماعت کل اٹک جیل میں ہوگی، دوسری جانب چیئرمین پی ٹی آئی کی حد تک کل خصوصی عدالت تیسری بار اٹک جیل میں لگےگی، خصوصی عدالت کے جج ابوالحسنات ذوالقرنین کل اٹک جیل جائیں گے۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
تاہم ذرائع کے مطابق شاہ محمودقریشی کےخلاف سائفرکیس کی سماعت جوڈیشل کمپلیکس میں ہی ہوگی، جج ابوالحسنات ذوالقرنین پہلے اٹک جیل جائیں گے پھر جوڈیشل کمپلیکس پہنچیں گے اور ذرائع نے بتایاکہ شاہ محمودقریشی کو کل جوڈیشل کمپلیکس میں قائم خصوصی عدالت میں پیش کیا جائےگا جبکہ خیال رہے کہ سائفرکیس میں چیئرمین پی ٹی آئی اور شاہ محمودقریشی کا کل 14 روزہ جوڈیشل ریمانڈمکمل ہوگا۔