Tag: پاکستان

سابق وزیراعظم و مسلم لیگ (ن) کے سینیئر رہنما شاہد خاقان عباسی نے پاکستان ڈیموکریٹک موومنٹ (پی ڈی ایم) کی سابقہ حکومت پر تنقید کرتے ہوئے کہا ہے کہ اگر جنرل (ر) قمر جاوید باجوہ آپ کی حکومت میں رکاوٹ تھے تو حکومت چھوڑ دیتے، اس کے بعد بھی آپ کو 8 سے 9 مہینے ملے، کام کرلیتے۔
نجی ٹی وی پر گفتگو کرتے ہوئے شاہد خاقان عباسی کا کہنا تھاکہ مسلم لیگ ن کی سیاست سے مطمئن نہیں ہوں، راستے کا تعین کریں پھر الیکشن میں جائیں ورنہ الیکشن انتشار کے علاوہ کچھ نہیں دے گا، پارٹی کا عہدیدار نہیں ہوں کسی مشاورت میں شامل نہیں ہوں ، نواز شریف وزیراعظم بنے تو میں خود کو وزیر نہیں دیکھتا۔

انہوں نے کہا کہ آج کی سیاست گالی گلوچ کی ہے، 2013 سے 2018 تک خرابیوں کی طویل داستان ہے، کوئی شبہ نہیں کہ 2018کا الیکشن چوری ہوا، اب ہمیں اس سے سبق حاصل کرنا ہے آگے کی طرف دیکھنا ہے، لوگ آج اسے مسئلہ نہیں سمجھتے حالانکہ خرابی کی جڑ یہی چیزیں ہیں، خرابیاں درست نہیں کریں گے تو مسئلہ آگے نہیں چلے گا۔
ان کا کہنا تھاکہ اگر جنرل (ر) قمر جاوید باجوہ آپ کی حکومت میں رکاوٹ تھے تو حکومت چھوڑ دیتے، اس کے بعد بھی آپ کو 8 سے 9 مہینے ملے، کام کرلیتے، آپ اتنے وقت میں بہت فیصلے کرسکتے تھے،کارکردگی بہتر ہوسکتی تھی۔

شاہد خاقان کا کہنا تھاکہ چیئرمین پی ٹی آئی نے 3 سال 8 مہینے میں ایک پیسے کا کام نہیں کیا، ہم نے کیا کام کیے، ذرا اس کی فہرست بھی چیک کرلیں لیکن مجھے وہ فیصلے ہوتے نظر نہیں آئے جو ہونے چاہیے تھے۔
سابق وزیراعظم نے کہا کہ شہباز حکومت میں فیصلہ کرنے کی صلاحیت اور اسپیڈ نظر نہیں آئی جو ہونی چاہیے تھی، پچھلی حکومت نے بھی ساڑھے تین سال فیصلےنہیں کیے آپ کرلیتے آپ نےبھی نہیں کیے، قصور وار صرف شہباز شریف نہیں ہم سب ہیں۔

ان کا کہنا تھاکہ عمر عطا بندیال نے جاتے جاتے تحفہ دے دیا، نیب کو پرانی شکل میں بحال کردیا، آپ کو روز بیٹھ کر معاملات کو دیکھنا ہوتا ہے، آج جمود اور خوف ہے حکومت کے اندر لوگ فیصلے نہیں کرتے۔
انہوں نے مزید کہا کہ آج نئی جماعت کی ضرورت بھی ہے اور جگہ بھی۔

نگران وزیر توانائی محمد علی کا کہنا ہےکہ گیس کی قیمتوں میں اضافے پرکام جاری ہے،کم آمدنی والے افراد کے لیے ماہانہ 500 روپے سےکم کا بوجھ ڈالا جائےگا۔
اسلام آباد میں میڈیا سے گفتگو کرتے ہوئے نگران وزیر توانائی محمد علی کا کہنا تھا کہ ڈالرکی قیمت ضرور کم ہورہی ہے لیکن پیٹرولیم مصنوعات کی قیمتوں کا 30 ستمبرکو ہی معلوم ہوگا۔
نگران وزیر توانائی محمد علی کا کہنا تھا کہ ڈسکوز سمیت پاور ڈویژن کے 14 اداروں کی نجکاری چاہتے ہیں، ورلڈ بینک سے بھی اس بارے میں بات ہوئی ہے۔

ان کا کہنا تھا کہ انٹرنیشنل آئی پی پیز کے ساتھ ماضی کے معاہدوں کو نہیں چھیڑسکتے، نجی شعبہ آئے ،کمائے، مگر ٹیکس پورا دے۔ جبکہ دوسری جانب آئل اینڈ ریگولیٹری اتھارٹی (اوگرا) کے ترجمان نے پیٹرولیم مصنوعات کی قیمتوں پر چلنے والی خبروں پر بیان جاری کردیا۔
ترجمان اوگرا کی جانب سے جاری بیان میں کہا گیا ہےکہ اوگرا پیٹرولیم مصنوعات کی قیمتوں پرقیاس آرائیوں سے بچنےکی اہمیت پر زور دیتا ہے، پیٹرولیم مصنوعات کی قیمتیں عالمی قیمتوں اور ڈالر کی شرح تبادلہ پرمنحصر ہیں اور حالیہ دنوں میں بین الاقوامی سطح پرپیٹرولیم مصنوعات کی قیمتوں میں اضافہ دیکھا گیا۔

ترجمان نے کہا کہ ملک میں ڈالر سے روپے کی شرح تبادلہ میں بہتری آئی ہے اور پیٹرول کی نئی قیمتوں کے اعلان میں ابھی ایک ہفتہ باقی ہے اس لیے اس مدت میں قیمتوں پرقیاس آرائیاں تیل کی سپلائی چین میں خلل ڈال سکتی ہیں۔

اسلام آباد میں سعودی عرب کے قومی دن کے موقع پر پروقارتقریب کا انعقاد کیا گیا ہے چئیرمین سینیٹ محمد صادق سنجرانی کی تقریب میں بطور مہمان خصوصی شرکت کی اور چئیرمین سینیٹ محمد صادق سنجرانی کا تقریب سے خطاب میں کہا کہ سعودی عرب کے قومی دن کی تقریبات کا حصہ بننا میرے لئے باعث مسرت ہے

جبکہ انہوں نے کہا کہ سینیٹ اور پاکستانی عوام کی طرف سے، میں شاہ سلمان بن عبدالعزیز آل سعود، شاہی خاندان کے تمام افراد اور سعودی قوم کو قومی دن کی بہت بہت مبارکباد پیش کرتا ہوں، میں محترم جناب نواف بن سعید المالکی کا اس پروقار تقریب کیلئے دعوت پر شکر گزار ہوں جبکہ دونوں برادر ممالک کے درمیان نہ صرف خوشگوار تعلقات ہیں بلکہ ایک ایسا بندھن ہے جو سیاسی اور سفارتی دائرہ کار سے بالاتر ہے

ان کا کہنا تھا کہ ہماری شراکت داری علاقائی امن اور استحکام کے لیے ہمارے غیر متزلزل عزم پر مبنی ہے، ہر مشکل وقت میں پاکستان کی مدد کرنے پر ہم سعودی عرب کے شکرگزار ہیں، ہمیں اپنے حقوق اور اپنی خودمختاری کے تحفظ کے لیے مل کر کام کرنا چاہیے

جبکہ اس سلسلے میں، ترقی تب ہی ممکن ہے جب قومیں تعاون کی فضا کو فروغ دینے کیلئے مخلصانہ اور پرعزم اقدامات کریں، سعودی عرب کی جانب سے خطے کے ممالک کے درمیان ہم آہنگی پیدا کرنے کیلئے جو اقدامات اٹھائے جا رہے ہیں وہ قابل تحسین ہیں، سفارت کاری، بات چیت اور باہمی احترام وہ بنیادیں ہیں جن پر پائیدار امن قائم ہوتا ہے

انہوں نے مزید کہا خطے کی ترقی کیلئے سعودی عرب کی کوششیں تجارت، ثقافتی تبادلے، مشترکہ اقدامات اور باہمی تعاون کو فروغ دینے میں رائیگاہ نہیں جائیں اور انہی کوششوں سے نہ صرف خطہ بلکہ پوری دنیا ترقی کرے گی، سعودی عرب اور خطے میں ترقی کیلئے اٹھائے جانے والے اقدامات کے پیچھے شہزادہ محمد بن سلمان کی وژنری لیڈر شپ ہے، محمد بن سلمان کے قیادت میں سعودی عرب مزید ترقی کررہا ہے اور مستقبل میں مزید ترقی کرے گا، نیوم سٹی کا عظیم الشان وژن، ٹیکنالوجی اور پائیدار زندگی کا حصول، اس نمایا سوچ کی بہترین علامت ہے

چیئرمین سینیٹ نے کہا کہ چاہے مسک فاؤنڈیشن ہو، جدید ترین ای-اسپورٹس حکمت عملی ہو، یا موسمیاتی تبدیلیوں سے نمٹنے کے لیے گہری ماحولیاتی کوششیں، ولی عہد کا وژن جامع ہے،جدید معاشرے کے تمام پہلوؤں کا احاطہ کرتا ہے