Tag: پاکستان

سربراہ جمیعت علمائے اسلام مولانا فضل الرحمان کا کہنا ہے کہ گزشتہ ساڑھے 3 سال حکومت کرنے والا پلانٹڈ تھا، ہم نے اس کا جنازہ نکالا ہے، دفن بھی ہم ہی کریں گے اسلام آباد میں تقریب سے خطاب کرتے ہوئے جے یو آئی کے سربراہ مولانا فضل الرحمان کا کہنا تھا کہ کسی کے اچھے کردار کو اجاگر کرنا چاہئے، انسان کوتاہیوں کا پتلا ہے، ہر انسان میں کمزوریاں ہوتی ہیں، ہم کمزوریوں کو اچھالنے میں زیادہ دلچسپی رکھتے ہیں، اور اچھائیوں کا ذکر کرنے میں بخل سےکام لیتے ہیں۔

مولانا فضل الرحمان کا کہنا تھا کہ اس سال 1 لاکھ 80 ہزار سے زائد حجاج تھے، بھارتی حجاج نے کہا کہ پاکستانی حجاج کےانتظامات ہم سےاچھے ہیں۔ سربراہ جے یو آئی نے کہا کہ مسجد اقصی یہودیوں کے نرغے میں ہے، اقوام متحدہ ہو یا بین الاقوامی برادری بیت المقدس کی جغرافیائی حالت کو متنازع تسلیم کرتے ہیں، اقوام متحدہ نے انسانی کی تکلیف میں اضافہ کےعلاوہ کچھ نہیں کیا۔

نجی ٹی وی کے مطابق مولانا فضل الرحمان کا کہنا تھا کہ امریکا اور دیگرقوتیں انہیں اداروں کی وساطت سے غریب ممالک کو غلام بنانے کی کوشش کرتی ہیں، ان اداروں سے کوئی قانون پاس ہوجائے تو ہمارا قانون غیرموثر ہوجاتا ہے، ورلڈ بینک، ایشین بینک، پیرس گروپ ان سب کی پالیسیاں پسماندہ ممالک کوغلام بنانے کی ہیں۔
مزید یہ بھی پڑھیں؛
سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار
سرکاری ملازمین کا دوسرے روز بھی مطالبات کی منظوری کے لئے احتجاج
پیپلز پارٹی کی حکومت نے شہر میں امن و امان بحال کیا،وزیراعلیٰ سندھ
چیئرمین پی ٹی آئی جیسا ڈکٹیٹر ملکی تاریخ میں پیدا نہیں ہوا، شرجیل میمن
موسم گرما میں حاملہ خواتین کے لئے قدرتی مشروبات
سویڈن میں اسلام دشمن سرگرمی پر جنرل ہسپتال میں ہیلتھ پروفیشنلز کی احتجاجی ریلی
کویت کا سویڈش زبان میں قرآن کریم کے ایک لاکھ نسخے شائع کرنے کا اعلان

سربراہ جے یو آئی نے مزید کہا کہ اسرائیل امریکا اور مغرب کے ہاتھوں کا خنجر ہے، جو آج دنیا کے سینے میں گھونپ دیا گیا، فلسطین اور بیت المقدس پر قبضے کو عالمی قوتیں سپورٹ کررہی ہیں، ایک ناجائز ملک کو تحفظ دے رہے ہیں، مغربی دنیا دہشتگردی کے نام پر پوری دنیا کو بلیک میل کررہی ہے، افغانستان سے شکست کھانے والےامریکا سے ہم مرعوب ہیں۔ مولانا فضل الرحمان کا کہنا تھا کہ گزشتہ ساڑھے 3 سال حکومت کرنے والا پلانٹڈ تھا، یہ ملک کسی کے باپ کی جاگیر نہیں ہے، ہم نے اس کا جنازہ نکالا ہے، دفن بھی ہم ہی کریں گے۔

اسلام آباد: یوکرین کے وزیر خارجہ ڈیمٹری کولیبا رواں ہفتے پاکستان کا ہنگامی دورہ کریں گے۔

باغی ٹی وی: ذرائع کا کہنا ہے کہ یوکرینی وزیر خارجہ آئندہ 3 روز کے درمیان پاکستان پہنچیں گے اور اپنے پاکستانی ہم منصب بلاول بھٹو زرداری سے ملاقات کریں گے وزیر خارجہ بلاول بھٹو اور ڈیمٹری کولیبا میں مذاکرات ہوں گے جب کہ دونوں رہنماؤں کے درمیان ملاقات میں روس یوکرین جنگ کے خاتمے پر بات چیت بھی ہوگی۔

ذرائع کا بتانا ہے کہ پاکستان اور یوکرین کے وزرائے خارجہ ملاقات میں روس یوکرین جنگ سے غذائی بحران کے خاتمے پر بات چیت کریں گے دوسری جانب اس ضمن میں سرکاری حکام کا کہنا ہے کہ پاکستان روس یوکرین جنگ کا خاتمہ اور تنازع کا پرامن حل چاہتا ہے۔

وزیراعظم شہباز شریف کا بل گیٹس سے ٹیلیفونک رابطہ

دوسری جانب وائٹ ہاؤس کے قومی سلامتی کے مشیر جیک سلیوان نے کہا ہے کہ نیٹو یوکرین کے لیے اصلاحات کا ایک راستہ نکالے گا تاکہ وہ بالآخر اتحاد میں شامل ہو سکے لیکن اس حوالے سے کوئی ٹائم ٹیبل نہیں دے گا۔

سلیوان نے آج منگل کو ولنیئس میں نیٹو سربراہی اجلاس کے موقع پر صحافیوں کو بتایا کہ صدر جو بائیڈن بدھ کو یوکرین کے صدر ولادیمیر زیلنسکی سے ملاقات کریں گے جیک سلیوان نے روسی حملے کے خلاف جاری جنگ کے دوران مغربی حمایت یافتہ یوکرین کے لیے فوری طور پر داخلے کو مسترد کردیا اور کہا کہ ایسا کوئی اقدام نیٹو کو روس کے ساتھ جنگ میں لے جائے گا۔

اسرائیل پاکستان کو انسانی حقوق پر نصیحت نہیں کر سکتا،ترجمان دفتر خارجہ

ولنیئس میں ہونے والے سربراہی اجلاس میں یوکرین کے عزائم کے لیے رضامندی کا کا حوالہ دیتے ہوئے جیک سلیوان نے کہا کہ "سوال یہ ہے کہ راستہ کیا ہے؟ مجھے لگتا ہے کہ ہم ایک اچھی تفہیم پر پہنچ سکتے ہیں۔

یوکرین کی رکنیت کے معاملے سے الگ نیٹو ممالک یوکرین کی پیش کش کے لیے ٹھوس عبوری حفاظتی اقدامات پر تبادلہ خیال کر رہے ہیں۔ یہ حفاظتی اقدامات کیف کی فوج کو روسیوں کو پیچھے دھکیلنے میں مدد فراہم کرنے کے لیے موجودہ امداد کے علاوہ ہے۔ سلیوان نے کہا کہ بائیڈن اور زیلنسکی کے درمیان بدھ کو ہونے والی ملاقات کے دوران اس پر تبادلہ خیال کیا جائے گا۔

شیریں مزاری ای سی ایل سے نام نکالنے کے لئے اسلام آباد ہائیکورٹ پہنچ گئیں

آج دنیا بھر میں آبادی کا عالمی دن منایا جا رہا ہے-

باغی ٹی وی : آبادی کا عالمی دن آج دنیا بھر میں منایا جا رہا ہے وزیراعظم محمد شہباز شریف نے بھی عالمی یوم آبادی پرپیغام جاری کیا ہے انہوں نے کہا کہ آج کادن بڑھتی آبادی اور وسائل کی دستیابی سےمتعلق اقدامات پرتوجہ مبذول کراتاہے ترقی پذیر ممالک کے لیے آبادی میں اضافے کا انتظام سماجی و اقتصادی ترقی کی کلید ہے-

آبادی کا عالمی دن آج دنیا بھر میں منایا جا رہا ہے
وزیراعظم محمد شہباز شریف کا عالمی یوم آبادی پرپیغام
آج کادن بڑھتی آبادی اور وسائل کی دستیابی سےمتعلق اقدامات پرتوجہ مبذول کراتاہے
ترقی پذیر ممالک کے لیے آبادی میں اضافے کا انتظام سماجی و اقتصادی ترقی کی کلید ہے
کوئی بھی ملک… pic.twitter.com/Q9WkJ7PJqn

— PTV News (@PTVNewsOfficial) July 11, 2023

انہوں نے کہا کہ کوئی بھی ملک کتنے بھی وسائل رکھتا ہو آبادی کے دھماکے سے نمٹ نہیں سکتا آبادی اوروسائل میں توازن کسی بھی معاشرے یاملک کیلئےانتہائی ضروری ہے-

ایک سروے کے مطابق اس وقت پاکستان کی آبادی کا تخمینہ 240.5 ملین (24 کروڑ سے زائد) ہے اور 2050 تک اس کے 403 ملین (40 کروڑ 30 لاکھ) تک پہنچنے کا امکان ہے پاکستان میں ہر سال تقریباً 56 لاکھ بچے پیدا ہوتے ہیں، پاکستان میں کی کل زرخیزی کی شرح جنوبی ایشیا میں سب سے زیادہ ہے بچے کی پیدائش کے دوران کئی مائیں مرجاتی ہیں۔ پاکستان میں ہونے والی اموات کی یہ تعداد ہر سال تقریباً 12,000 ہے اگر مانع حمل ادویات کا استعمال 34 فیصد سے بڑھ کر 52 فیصد ہو جائے تو تقریباً 6500 جانیں سالانہ بچائی جا سکتی ہیں۔

سروے کے مطابق ہر سال ہزار میں سے 62 شیر خوار بچے ایک سال کی عمر تک پہنچنے سے پہلے ہی مر جاتے ہیں اگر مانع حمل ادویات کا استعمال 34 فیصد سے 52 فیصد بڑھ جائے تو سالانہ 140000 سے زیادہ شیر خوار بچوں کو بچایا جاسکتا ہےخاندانی منصوبہ بندی کے فقدان کی وجہ سے 17.3 فیصد شیر خوار بچے غیر ارادی طور پر پیدا ہوتے ہیں اور پاکستان میں اوسطاً ایک جوڑا ایک غیر ارادی بچہ پیدا کرتا ہے۔ اس سے نوزائیدہ بچوں میں غذائیت کی کمی بھی ہوتی ہے اگر پاکستان کی آبادی میں سالانہ دو فیصد کے حساب سے اضافہ ہوتا رہا تو 2040 تک 101 ملین ملازمتیں درکار ہوں گی، جبکہ اس وقت پاکستان میں 12.2 فیصد نوجوان بے روزگار ہیں۔

اسی طرح 2040 تک مزید ایک کروڑ 90 لاکھ گھروں کی ضرورت ہوگیِ 85000 مزید پرائمری اسکولوں کی ضرورت ہوگی اس وقت، پانچ سے سولہ سال تک کی عمر کا ہر تین میں سے ایک بچہ اسکول سے باہر ہے، جس میں 27 فیصد لڑکے اور 37 فیصد لڑکیاں شامل ہیں سالانہ دو فیصد اضافے کی موجودہ شرح سے آبادی میں اضافے نے بھی پاکستان کے وسائل پر بوجھ ڈالا ہے۔

سروے میں یہ بھی بتایا گیا ہے کہ پاکستان کی 36.9 فیصد آبادی کو غذائی عدم تحفظ کا سامنا ہے اور پاکستان میں پانی کی فی کس دستیابی 1951 میں 5650 کیوبک میٹر سے کم ہو کر 908 کیوبک میٹر سالانہ کی خطرناک حد تک پہنچ گئی ہے، جس سے پاکستان بھی پانی کی قلت کے دہانے پر پہنچ گیا ہے۔

2023 کے عالمی یوم آبادی کے حوالے سے سروے کے مطابق جب خواتین اور لڑکیوں کو اپنی زندگی اور جسم کے بارے میں فیصلے کرنے کا اختیار دیا جاتا ہے، تو وہ اور ان کے خاندان ترقی کرتے ہیں۔ خواتین اور لڑکیوں کو تمام کوششوں کا مرکز ہونا چاہیے ملک کو خوشحالی کی راہ پر گامزن کرنے کے لیے ان کی تولیدی صحت اور حقوق، تعلیم، ہنر کی ترقی اور روزگار کو ترجیح دینا ہوگی خاندانی منصوبہ بندی اور معیاری زچگی کی صحت کی دیکھ بھال کی خدمات اور مناسب معلومات ہر کسی تک پہنچنی چاہئیں-

برطانوی حکومت نے اپنے شہریوں کے لیے پاکستان میں سفر کے بارے میں نئی ہدایات جاری کر دیں۔

باغی ٹی وی : برطانوی حکومت کیجانب سے اپنے شہریوں کو ہدایت کرتے ہوئے کہا گیا ہےکہ پاکستان میں دہشت گردحملوں کاخطرہ ہےصوبہ خیبرپختونخوا میں باجوڑ، مہمند، خیبر،اورکزئی، کرم، شمالی وزیرستان اورجنوبی وزیرستان کے اضلاع کا سفر نہ کریں۔

ہدایات کے مطابق چارسدہ، کوہاٹ، ٹانک، بنوں، لکی، ڈیرا اسماعیل خان، سوات، بونیر اور لوئر دیر کے اضلاع کے سفر سے بھی گریز کا کہا گیا ہے، جب کہ پشاور شہر اور ضلع مردان رنگ روڈ کے شمال سے ضلع چترال کے کنارے تک N45 روڈ پر سفر سے احتیاط برتنے کا مشورہ دیا ہے۔

ترکیہ نےسویڈن کی نیٹو رکنیت کیلئےحمایت کر دی

حکومتِ برطانیہ کا کہنا ہے کہ شہری پاکستان کے صوبہ بلوچستان کے جنوبی ساحل کے علاوہ کسی علاقے میں نہ جائیں پاکستان میں دہشت گرد حملوں کا خطرہ ہے، اس حوالے سے برطانوی حکومت نے اپنے شہریوں کو سیاسی مظاہروں سے دور رہنے کی ہدایت کرتے ہوئے کہا ہےکہ ہےکچھ سیاسی مظاہروں میں مغرب مخالف جذبات موجود ہیں اسلام آباد، لاہور، کراچی میں دہشت گردی، اغواء، فرقہ وارانہ تشدد کا خطرہ ہے، علاوہ ازیں برطانوی حکومت نے اپنے شہریوں کو شدید گرمی سے بھی خبردار رہنے کا مشورہ دیا ہے۔

دبئی میں ہونےوالی مشاورت میں پی ڈی ایم کےسربراہ کو کیوں دوررکھا گیا؟ حافظ حمداللہ