پاکستان کرکٹ بورڈ کے زیراہتمام خواتین کرکٹرز کے لیے کمیونیکیشن ورکشاپ اختتام کو پہنچا۔پی سی بی ترجمان کے مطابق قذافی اسٹیڈیم لاہور میں منعقدہ اس ورکشاپ میں بائیس خواتین کرکٹرز نے شرکت کی۔پاکستان کرکٹ بورڈ کی جانب سے اس ورکشاپ کے انعقاد کا بنیادی مقصد یہ تھا کہ خواتین کرکٹرز کی کمیونیکیشن کی مہارت میں اضافہ کیا جائے تاکہ وہ ایک بہترین شخصیت کے طور پر خود کو دنیا کے سامنے پیش کرسکیں۔ ورکشاپ کے انعقاد کا ایک مقصد یہ بھی تھا کہ پاکستان کرکٹ بورڈ چاہتا ہے کہ یہ کھلاڑی دنیا بھر کے لوگوں کو کرکٹ کی سفیر کی حیثیت سے متاثر کرسکیں۔اس ورکشاپ میں کمیونیکیشن ماہرین اور پروفیشنل حضرات نے ان کھلاڑیوں کی رہنمائی کی اور رابطوں کے مختلف شعبوں سے متعلق اپنے تجربات شیئر کیے جن میں میڈیا انٹرویوز، سوشل میڈیا سے تعلق، عام لوگوں سے بات چیت اور کرائسس منیجمنٹ جیسے امور شامل تھے۔ورکشاپ کے شرکا کے لیے مختلف طرح کے سیشنز رکھے گئے تھے جن میں پریکٹیکل مشقیں بھی شامل تھیں جن کا مقصد ان کھلاڑیوں کے اعتماد میں اضافہ کرنا اور رابطوں کی مختلف صورتحال میں نمٹنے کی صلاحیت پیدا کرنا تھا۔
Tag: پاکستان
-
قومی کر کٹ ٹیم ورلڈ کپ میں شرکت کے لئے بھارت جائے گی یا نہیں؟اہم فیصلہ آگیا
قومی کرکٹ ٹیم ورلڈ کپ میں شرکت کے لیے انڈیا جائے گی یا نہیں اس حوالےسے اہم فیصلہ حکومت کی ہائی پروفائل کمیٹی نے کرلیا ہے ۔
قومی کرکٹ ٹیم کی اہم ایونٹ میں شرکت کے حوالے سے حکومت نے اجلاس میں فول پروف سکیورٹی کی شرط رکھ دی ہے۔ وزیر خارجہ بلاول بھٹو کی زیر صدارت وزیر اعظم شہباز شریف کی تشکیل کردہ خصوصی کمیٹی کا اجلاس منعقد ہوا، اجلاس میں قومی کرکٹ ٹیم کی بھارت میں شیڈول ورلڈ کپ میں شرکت کے حوالے سے تفصیلی غور کیا گیا۔
زرائع کے مطابق اجلاس میں وزیر مملکت حناء ربانی کھر، وزیر اطلاعات مریم اورنگزیب اور وزیر قانون اعظم نذیر تارڑ نے ٹیم بھارت بھیجنے کی حمایت جبکہ وفاقی وزیر احسان مزاری نے اجلاس کے دوران ٹیم بھارت بھیجنے کی مخالفت کی۔ذرائع کے مطابق قمر زمان کائرہ نے بھی ٹیم بھارت نہ بھیجنے کا مشورہ دیا جبکہ وزارت خارجہ حکام نے ٹیم بھارت بھیجنے کی بھرپور حمایت کی،ذرائع کے مطابق اجلاس میں وزارت خارجہ کے حکام نے ٹیم بھارت بھیجے کی حمایت کر دی، تاہم آئی سی سی سے فول پروف سکیورٹی مہیا کرنے کی یقین دہانی لی جائے گی۔ -
ناروے،پاکستان اسٹریٹ چائلڈ فٹبال ٹیم ناروے کپ کے راؤنڈ آف 32 میں پہنچ گئی
ناروے کپ فٹبال کے مقابلے اوسلو میں جاری ہیں جس میں پاکستان اسٹریٹ چائلڈ فٹبال ٹیم انڈر 17 کیٹیگری کے مقابلوں میں شریک ہے، پاکستان نے ناک آؤٹ راؤنڈ کے دو میچز کھیلے اور دونوں میں ہی شاندار کامیابی حاصل کی۔پہلے راؤنڈ آف 32 میں پاکستان کا مقابلہ مولڈے فٹبال کلب کے تھا جس میں پاکستان ٹیم 0-4 سے کامیاب ہوئی، اس میچ میں طفیل شنواری نے 2گول کیے، فیصل اور وہاب نے ایک ایک گول کیا۔ اس کے بعد پری کوارٹر فائنل میں پاکستان کا مقابلہ ٹرائسل کلب سے تھا اس میچ میں بھی پاکستان کی کامیابی کا اسکور 0-4 رہا، پری کوارٹر فائنل میں پاکستان کے عبداللہ نے 2 جبکہ شاہ میر اور عبدالوہاب نے ایک ایک گول کیا۔ اس کامیابی کے ساتھ پاکستان نے کوارٹر فائنل میں جگہ بنالی ہے، پاکستان اسٹریٹ چائلڈ فٹبال ٹیم اپنا کوارٹر فائنل میچ جمعہ کو کھیلے گی۔ناروے میں پاکستانی باشندوں کی جانب سے جشن منایا جانے والا جشن کسی شاندار سے کم نہیں تھا کیونکہ انہوں نے ٹیم کو فتح سے ہمکنار کیا۔ پاکستانی شائقین جشن میں شامل ہوئے، جھنڈے لہراتے، قومی ترانے گاتے اور اپنی ٹیم کی شاندار کامیابی کو دیکھ کر دلی مسرت کا اظہار کرتے۔پاکستانی ٹیم راؤنڈ آف 32 میں پہنچ گئی ہے جہاں اس کا مقابلہ آج رات ہوگا۔ تاہم، زبردست حمایت اور فتح کے ذائقے کے باعث، نوجوان ستارے اپنی جیت کا سلسلہ جاری رکھنے اور اپنی قوم کا سر فخر سے بلند کرنے کے لیے پہلے سے زیادہ پرعزم تھے۔
-
وقار یونس نے آئندہ ورلڈ کپ میں دباؤ سے نمٹنے کے لیے پاکستان ٹیم کی صلاحیت پر اعتماد کا اظہار کیا ہے
پاکستان کے سابق کپتان وقار یونس نے پاکستان ورلڈ کپ اسکواڈ میں چار ایسے کھلاڑیوں کو بہترین قرار دیا ہے جن کے بارے میں ان کا خیال ہے کہ وہ پاکستان کر کٹ میں واضح فرق پیدا کر سکتے ہیں۔ اس فہرست میں پہلے نمبر پر کپتان بابر اعظم ہیں جو کسی بھی باؤلنگ اٹیک پر حاوی ہونے کی صلاحیت رکھتے ہیں۔ بابر کے ساتھ، شاہین شاہ آفریدی، امام الحق، اور فخر زمان نے میچ ونر کے طور پر وقار کی نظر پکڑی ہے۔
کرکٹ پاکستان کے ساتھ ایک خصوصی انٹرویو میں وقار نے آئندہ ورلڈ کپ میں دباؤ سے نمٹنے کے لیے پاکستان کی صلاحیت پر اعتماد کا اظہار کیا۔ ان کا ماننا ہے کہ ٹیم کے پاس میچ ونر ہیں جو اکیلے ہی کھیل کا رخ موڑ سکتے ہیں۔ وقار یونس نے کہا کہ پاکستانی ٹیم نے حالیہ ماضی میں بہتر طریقے سے دباؤ کو سنبھالا ہے۔ میری رائے میں، اس سے کوئی فرق نہیں پڑتا کہ آپ جہاں بھی کھیلتے ہیں، چاہے وہ ہندوستان میں ہوں یا پاکستان میں، اگر آپ کے عمل پر قابو پایا جاتا ہے اور آپ اپنی صلاحیتوں اور منصوبوں پر عمل کر رہے ہیں۔ وقار یونس نے مزید کہا مجھے نہیں لگتا کہ ہمیں کوئی مسئلہ ہے، ہمارے پاس میچ ونر ہیں، ہمارے پاس ایسے افراد ہیں جو آپ کو اکیلے ہی میچ جیت سکتے ہیں، بشمول بابر، شاہین – فخر کمال کر سکتے ہیں، پھر یقیناً ہم میں نے امام کو شاندار اننگز کھیلتے ہوئے دیکھا ہے، لہذا مجموعی طور پر، پاکستان کے پاس یقینی طور پر تمام وسائل موجود ہیں، اب صرف چیزوں کو ایک ساتھ رکھنے اور دباؤ سے نمٹنے کا معاملہ ہے، -
بغداد، پاکستانی سفارتخانے میں مشین ریڈ ایبل پاسپورٹ سسٹم کا افتتاح
بغداد: وزیر داخلہ رانا ثنااللہ خان نے پاکستانی سفارتخانے میں مشین ریڈ ایبل پاسپورٹ سسٹم کا افتتاح کر دیا
تقریب میں عراق کے ڈائریکٹر جنرل پاسپورٹ میجر جنرل نشاط اور ڈائریکٹر جنرل پاسپورٹ اینڈ امیگریشن پاکستان یاور حسین نے بھی شرکت کی ،عراق میں مقیم 25000 پاکستانی اس سہولت سے فائدہ اٹھا سکیں گے ،وزیر داخلہ رانا ثنااللہ خان کا کہنا تھا کہ پاکستانیوں کی بڑی تعداد ہر سال زیارات کے ساتھ ساتھ سرمایہ کاری اور روزگار کیلئے عراق کا رخ کرتی ہے،بیرون ملک مقیم پاکستانی ہمارا قیمتی اثاثہ ہیں، بیرون ملک مقیم پاکستانیوں کو ہر ممکن سہولت فراہم کرنا حکومت کی ترجیحات میں شامل ہے،
عراق میں مقیم پاکستانی شہری اور زائرین اب پانچ اور دس سال کی مدت کے مشین ریڈ ایبل پاسپورٹ حاصل کر سکیں گے اس سے قبل عراق میں مقیم پاکستانیوں کو صرف ایک سال کیلئے مینول پاسپورٹ جاری کئے جاتے تھے، جسکی وجہ سے پاکستانی کمیونٹی کو کئی مسائل کا سامنا کرنا پڑتا تھا اس سہولت سے پاکستانی کمیونٹی کو اقامہ، ویزہ اور روزگار حاصل کرنے میں آسانی پیدا ہو گی ،مزید برآں، اس سسٹم کے ذریعے پاکستانی سفارتخانہ پاکستانی شہریوں کے ڈیٹا کی آن لائن تصدیق بھی کر سکے گا .اس سہولت کے تحت پہلی دفعہ گجرات کے محنت کش زید اظہر کے مشین ریڈ ایبل پاسپورٹ کے حصول کیلئے ڈیٹا کا پرسیس مکمل کیا گیا
قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش
نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی،
وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے
بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات
10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں
-
چاہتے ہیں کہ ہماری سرحد پرامن و سلامتی کی صورت حال قائم رہے،بلاول
وزیر خارجہ بلاول بھٹو نے ایرانی ہم منصب کے ہمراہ نیوز کانفرنس کی ہے
وزیرخارجہ بلاول بھٹوزرداری کا کہنا تھا کہ میں اپنے برادر ایرانی وزیرخارجہ کو وفد کےہمراہ خوش آمدید کہتا ہوں میں نے بطوروزیرخارجہ عہدہ سنبھالنے کےبعد پہلادورہ ایران کا کیا ،اب جب ہماری حکومت ختم ہورہی توہم ایرانی وزیر خارجہ کی میزبانی کررہے ہیں اس دورے کامقصد 18 مئی کومندپشین سرحدی علاقے پرمارکیٹ کے افتتاح پرپیش رفت کرنا ہے ،یہ اقدامات دونوں ممالک کی ایک دوسرے کیساھ کمٹمنٹ کانتیجہ ہیں گوادر سمیت بلوچستان کےبیشترعلاقوں میں سکول اسپتال اور دیگرترقیاتی منصوبے شروع کیے جائیں گے توانائی,تجارت اور دوطرفہ مشترکہ مفادات کےاقدامات پرکام کیا جائے گا ،ہم نے کچھ ایسے معاہدوں پر کام کیا ہے جس کے تحت ہم معاشی اور اقتصادی شعبوں میں پیشرفت کرینگے ،دوطرفہ تعلقات پرمیں نے اپنے ہم منصب کیساتھ تفصیلی تبادلہ خیال کیا ،علاقائی صورت حال اور دوطرفہ امورپربات چیت کی ،پاکستان اور ایران کے درمیان دہرینہ دوستانہ تعلقات ہیں پاکستان علاقی ترقی اور باہمی رابطہ کاری کا خواہاں ہے ،ایرانی صدر رئیسی نے بھی پڑوسی ممالک کے ساتھ ترقی پرمبنی اقدامات کی بات کی ہم نے اس بات پرزور دیا کہ ای سی او کے پلیٹ فارم سے وسط ایشیائی ممالک کیساتھ ملکرکام کیا جائے ،ملاقات میں دونوں ممالک کی جیلوں میں قید قیدیوں کی رہائی پربھی بات کی گئی ،یہ طے کیا گیا کہ تمام مچھیروں کورہا کیا جائے دونوں ممالک نے یہ طے کیا کہ ایک دوسرے کیساتھ قیدیوں کی فہرستوں کا تبادلہ کیا جائے ہم چاہتے ہیں کہ ہماری سرحد پرامن و سلامتی کی صورت حال قائم رہے میں نے اپنے ایرانی ہم منصب کیساتھ ملاقات میںمقبوضہ کشمیر کی صورت حال بھی سامنے لائی اسلاموفوبیا کے حوالے سے درپش چیلنجزپربات چت بھی کی
وزیر خارجہ بلاول بھٹو زرداری اور ان کے ایرانی ہم منصب امیر عبد اللہیان نے جمعرات کو اسلام آباد میں دفتر خارجہ کے لان میں دوستی کی یادگار کے طور پر صنوبر کا پودا لگایا ،قبل ازیں وزیر خارجہ بلاول نے وزارت خارجہ آمد پر ایرانی وزیر خارجہ کا پرتپاک استقبال کیا اس موقع پر وزارت خارجہ کے دیگر سینئر حکام بھی موجود تھے وزیر خارجہ بلاول بھٹو زرداری اور ایران کے وزیر خارجہ حسین امیر عبداللہیان کے درمیان ون آن ون اور وفود کی سطح پر ملاقات ہوئی
اسلامی جمہوریہ ایران کے وزیر خارجہ حسین امیر عبد اللہیان پاکستان کے سرکاری دورہ پر اسلام آباد آئے ہیں،ترجمان وزارت خارجہ کے مطابق وزیر خارجہ بلاول بھٹو زرداری کی دعوت پر اسلامی جمہوریہ ایران کے وزیر خارجہ حسین امیر عبد اللہیان 2 سے 4 اگست تک پاکستان کا پہلا دو طرفہ دورہ کر رہے ہیں
ترجمان وزارت خارجہ کے مطابق ایرانی وزیر خارجہ، سپیکر قومی اسمبلی اور چیئرمین سینیٹ سے بھی ملاقات کریں گے جن میں دونوں اطراف کے رہنمادونوں برادر ممالک کے درمیان پارلیمانی رابطوں پر تبادلہ خیال کریں گے۔ایرانی وزیر خارجہ عبد اللہیان کا یہ دورہ دونوں فریقین کے لئے دوطرفہ تعلقات کے تمام شعبوں پر تبادلہ خیال کرنے کا موقع ہوگا جس میں علاقائی رابطوں، توانائی اور پاکستان اور ایران کے درمیان اقتصادی اور سرمایہ کاری کے تعلقات پر خصوصی توجہ مرکوز کی جائے گی۔
بجٹ کا پیسہ عوام کے مسائل حل کرنے کے بجائے اشرافیہ کی نذر ہوجاتا ہے. کیماڑی جلسہ عام سے خطاب
سابقہ حکومت کی نااہلی کا بول کر عوام پر بوجھ ڈالا گیا،ناصر خان موسیٰ زئی
باغی ٹی وی کی ویڈیو دیکھنے کے لئے یہاں کلک کریں
اسمبلیوں کی تحلیل۔۔۔ آئین کیا کہتا ہے؟
-
کیا شعیب اور ثانیہ واقعی ایک دوسرے سے جدا ہو گئے؟
سپر اسٹار اسپورٹس جوڑی شعیب اور ثانیہ کی خبریں ایک بار پھر میڈیا میں ان، سابق کپتان کی طرف سے سوشل میڈیا پروفائل سے بھارتی اہلیہ کا نام ہٹانے پر دونوں میں علیحدگی کی خبریں پھر زور پکڑنے لگیں ۔پاکستان اور بھارت کے اسپورٹس اسٹار شعیب ملک اور ثانیہ مرزا کی جوڑی میں اختلافات کچھ عرصہ سے میڈیا میں اِن ہیں ، دونوں کی طرف سے ان خبروں کی تردید یا تصدیق نہ کرنے پر خاموشی چھائی ہوئی تھی،،، سابق کپتان شعیب ملک کے اپنی سوشل میڈیا پروفائل سے ثانیہ مرزا کا نام ہٹانے پر پھر انگلیاں اٹھنے لگی ہیں ،کہ اس کا مطلب میاں بیوی میں علیحدگی کو یقینی سمجھا جائے،شعیب اور ثانیہ کی شادی دوہزار دس میں ہوئی تھی اور ایک بیٹا اذہان ہے،
-
دہشتگردی کو واپس لانے والے قوم سے معافی مانگیں، اسحاق ڈار
سینیٹ اجلاس سے وزیر خزانہ اسحاق ڈار نے اظہار خیال کرتے ہوئے کہا کہ ضرب عضب کیلئے ہم نے تمام وسائل فراہم کئے ، ضرب عضب کے بعد ردالفساد آپریشن شروع کیا گیا ، وزارت داخلہ پچھلے 10 سال کا پورا ریکارڈ دے تاکہ پتہ چلے کب کیا ہوا؟
وزیر خزانہ اسحاق ڈار کا کہنا تھا کہ بد قستمی سے دہشتگردی کے واقعات پھر سے سراٹھا نے لگے ہیں، کیا ہم اندھے ہیں کیوں ہم نے ہجرت کرنیوالے دہشتگردوں سے مذاکرات کئے ،کیوں دہشت گردوں کو واپس لایا گیا کیوں جیلوں سے رہا کرایا گیا ،ہمارے لوگوں کو شہید کیا گیا کیوں ان کو واپس لایا گیا ؟انسداد دہشتگردی کے لئے جو فنڈز خیبرپختونخواہ کو دیے گئے وہ اس مقصد پر خرچ نہیں کیے گئے،باجوڑ میں دلخراش واقعہ کی مذمت کرتے ہیں، دہشتگردی کو واپس لانے والے قوم سے معافی مانگیں،نیشنل ایکشن پلان کے کچھ حصوں پر عملدر آمد نہیں کیا گیا،
اسحاق ڈارکا کہنا تھا کہ پاکستان ڈیفالٹ کے خطرے سے نکل چکا ہے، ہمارے ملک میں کھربوں روپے کے اثاثے ہیں پاکستان کے پاس دنیا کا سب سے بڑا پائپ لائن نیٹ ورک ہے دنیا کی لمبی گیس کی پائپ لائن پاکستان میں ہے اور 3000 ملین کے ذخائرموجود ہیں، ہمیں دنیا کو دکھانا ہے کہ ہمارے پاس اثاثے ہیں ۔عالمی سطح پر ملکی تشخص بہتر کرنے کیلئے اقدامات کر رہے ہیں
سینیٹ اجلاس میں پی پی رہنما رضا ربانی اپنی ہی پارٹی پر برس پڑے، بل کی کاپیاں پھاڑتے ہوئے کہا، مجھے پیپلز پارٹی نے سینیٹ میں بھیجا لیکن ایسا لگتا ہے مجھے کسی راجواڑے میں بھیج دیا، میں شہید ذوالفقار علی بھٹو کا وارث ہوں، ذولفقار علی بھٹو نے یواین میں کہا میرا وقت ضائع مت کرو میں اپنا وقت یہاں ضائع نہیں کرسکتا
عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج
اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے
شہبا ز شریف نے جب تک حکومت چلانی اب مولانا نے نخرے ہی دکھانے ہیں
بشریٰ بی بی پھنس گئی،بلاوا آ گیا، معافی مشکل
ہوشیار۔! آدھی رات 3 بڑی خبریں آگئی
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان
لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
-
دوبارہ موقع ملا تو 2017 سے بھی بہتر پاکستان بنائیں گے،نواز شریف
لندن: مسلم لیگ (ن) کے قائد نواز شریف نے کہا کہ دوبارہ موقع ملا تو 2017 سے بھی بہتر پاکستان بنائیں گے-
باغی ٹی وی: قائد (ن) لیگ نواز شریف نے ٹوئٹر پر بیان میں کہا کہ طلال چوہدری کو توہین عدالت میں ناحق 5 سالہ نااہلی کی سزا ثابت قدمی سے کاٹنے پر مبارک باد دیتا ہوں۔ جھوٹے مقدمات، سزاؤں، نااہلیوں اور ہر طرح کے ظلم کو میں نے اور میرے ساتھیوں نے تو صبر و استقامت سے برداشت کر لیا مگر ناانصافی پر مبنی ان فیصلوں کی سزا پاکستان نے بھگتی۔
طلال چوہدری کو توہین عدالت میں ناحق 5 سالہ نااہلی کی سزا ثابت قدمی سے کاٹنے پر مبارک باد دیتا ہوں۔ جھوٹے مقدمات، سزاؤں، نااہلیوں اور ہر طرح کے ظلم کو میں نے اور میرے ساتھیوں نے تو صبر و استقامت سے برداشت کر لیا مگر ناانصافی پر مبنی ان فیصلوں کی سزا پاکستان نے بھگتی۔
2017 کے…
— Nawaz Sharif (@NawazSharifMNS) August 2, 2023
نوازشریف نے مزید کہا کہ 2017 کے پھلتے پھولتے پاکستان کو جبر اور ناانصافی کے فیصلوں نے 2022 تک اس نہج تک پہنچا دیا کہ غریب عوام دو وقت کی روٹی کو ترس گئے۔ دوبارہ موقع ملا تو 2017 سے بھی بہتر پاکستان بنائیں گے۔طلال چوہدری کی پانچ سالہ نااہلی کی مدت ختم ہو گئی
واضح رہے کہ پاکستان مسلم لیگ (ن) کے رہنما اور سابق وزیر مملکت طلال چوہدری کی پانچ سالہ نااہلی کی مدت آج ختم ہوگئی ہے،سابق چیف جسٹس ثاقب نثار نے طلال چوہدری کی ایک عوامی جلسے سے تقریر پر نوٹس لیا تھا، جس کے بعد سپریم کورٹ آف پاکستان نے 02 اگست 2018 کو توہینِ عدالت کے ایک مقدمے میں طلال چوہدری کو 5 سال کے لیے نا اہلی کی سزا سنائی تھی۔
عمر فاروق ظہور نامی شخص سے کبھی ملا اور نہ ہی فون پر بات کی،شہزاد …
طلال چوہدری نے کہا تھا کہ پاکستان کی اعلیٰ عدلیہ میں فوجی آمر کے عبوری آئینی حکم نامے پر حلف لینے والے بت بیٹھے ہیں عدلیہ کو ان سے پاک نہ کیا تو ناانصافیوں کا سلسلہ جاری رہے گا۔طلال چوہدری کے اس بیان پر سپریم کورٹ کے 3 رکنی بینچ نے 63 ون جی کے تحت انہیں توہینِ عدالت کا مرتکب قرار دیا تھا طلال چوہدری نے 2018ء کے عام انتخابات میں این اے 102 فیصل آباد سے پاکستان تحریک انصاف کے امیدوار کو واضح برتری سے شکست دی تھی۔
پاکستان میں یوٹیوب میوزک اور یوٹیوب پریمیم کے آغاز کا اعلان
-
لیبیا میں 385 پاکستانی تارکین وطن مغویوں کو بازیاب کروالیا گیا
طرابلس: لیبیا میں چند گوداموں پر چھاپہ مار کارروائیوں کے دوران 385 پاکستانی تارکین وطن مغویوں کو بازیاب کروالیا گیا-
باغی ٹی وی : غیر ملکی خبر رساں ادارے کے مطابق لیبیا کے سیکیورٹی فورسز نے تبروک سے 8 کلومیٹر دور الخیر کے علاقے میں غیر قانونی طور پر سرحدی پار کروانے والےانسانی اسمگلروں کےگوداموں کی موجودگی کی اطلاع پر چھاپہ مار کارروائی کی تھی ان گوداموں میں انسانی اسمگلروں نے پاکستانی تارکین وطن کو یرغمال بنایا ہوا تھا اور رہائی کے عوض ان کے اہل خانہ سے تاوان طلب کر رہے تھے۔
تازہ اطلاعات کےمطابق تارکین وطن اور انسانی اسمگلز کے درمیان رقم کی ادائیگی پر جھگڑا ہوا تھا۔ لیبیا پہنچنے کے بعد انسانی اسمگلروں نے تارکین وطن سے مزید رقم طلب کی، وہ رقم پہلے ہی دے چکے ہیں جب کہ باقی ماندہ رقم منزل مقصود پر پہنچنے کے بعد ادا کرنی تھی لیکن انسانی اسمگلرز نہ مانے اور سب کو یرغمال بنالیا۔
Security authorities in eastern Libya freed at least 385 Pakistani migrants who were held in trafficking warehouses in an overnight raid, a migrant rights group said Monday @AP reported pic.twitter.com/VgPNjKPOhF
— Faisal Ali Shah (@FaisalzUpdates) August 1, 2023
جولائی 2023 انسانی تاریخ کا گرم ترین مہینہ
انسانی اسمگلروں نے تارکین وطن کو تشدد کا نشانہ بھی بنایا اور اذیتیں دیں تاکہ ان کے اہل خانہ سے رہائی کے عوض زیادہ سے زیادہ رقم بٹور سکیں پاکستانی تارکین وطن کی شناخت کا عمل جاری ہے اور اس حوالے سے دونوں ممالک کے حکام کے درمیان رابطے کی بھی اطلاعات ہیں انٹیلی جنس معلومات کی بنیاد پر کی جانے والی چھاپہ مار کارروائیوں کے دوران 385 پاکستانی تارکین وطن مغویوں کو بازیاب کروالیا گیا جن میں 11 بچے بھی شامل ہیں۔
تارکین وطن کے حقوق کے لیے سرگرم گروپ ’الابرین‘ نے اپنے فیس بک پیج پر بتایا کہ بازیاب کرائے گئے تارکین وطن میں سے کچھ متعدی جلدی اور دیگر بیماریوں میں مبتلا ہیں اور تین دن سے بھوکے تھے بازیاب ہونے والوں میں سے زیادہ تر کو بن غازی شہر میں ایک محفوظ عمارت میں منتقل کیا گیا اور 45 افراد فوج کی تحویل میں ہیں۔
امریکا کا باجوڑ حملےکی شدید مذمت
ادھر لیبیا کے سیکیورٹی حکام کے مطابق پاکستانی مغویوں کو قریبی تھانے منقتل کردیا گیا۔ پاکستانی تارکین وطن کو ان کے ملک بھیجنے کی تیاریاں شروع کردی ہیں لیکن اس میں کچھ وقت لگ سکتا ہے۔
خیال رہے کہ سیکیورٹی فورسز کی کارروائی میں پاکستانی تارکین وطن کی بازیابی کے حوالے سے تاحال پاکستان اور لیبیا کی حکومت کا کوئی ردعمل سامنے نہیں آیا۔
یاد رہے کہ انسانی اسمگلروں کے ہاتھوں یرغمال بننے والے پاکستانی تارکین وطن یورپ جارہے تھے لیکن لیبیا میں انسانی اسمگلروں نے یرغمال بنالیا تھا یورپ جانے کی کوشش کے دوران ہی اٹلی میں تارکین وطن کی کشتی الٹ گئی تھی جس میں 80 سے زائد افراد ہلاک اور سیکڑوں لاپتا ہوگئے تھے جن میں پاکستانیوں کی بھی بڑی تعداد شامل ہے۔
ڈونلڈ ٹرمپ پر ایک اور فرد جرم عائد