Baaghi TV

Tag: پاکستان

  • افغانستان کر کٹ ٹیم نے تین میچز کی سیریز اپنے نام کر لی

    افغانستان کر کٹ ٹیم نے تین میچز کی سیریز اپنے نام کر لی

    افغانستان نے بنگلا دیش کے خلاف دوسرے ون ڈے میں ریکارڈ اوپننگ سٹینڈ کے بعد ایک سو بیالیس رنز کی بڑی فتح حاصل کر لی، مہمان افغان ٹیم نے تین میچز کی سیریز بھی اپنے نام کر لی ۔ چٹوگرام میں کھیلے گئے دوسرے ون ڈے میں بنگال ٹائیگرز کی طرف سے ملنے والی بیٹنگ دعوت افغانی بلے بازوں نے خوب اڑائی دونوں سنچری میکر اوپنرز رحمان اللہ گرباز اور ابراہیم زردان نے دو سو چھپن رنز کی ریکارڈ شراکت لگائی میزبان ٹیم تین سو بتیس رنز کے پہاڑ جیسے ہدف تلے دبائی ، جواب میں پوری ٹیم تینتالیس اعشاریہ دو اوور میں صرف ایک سو نواسی رنز بنا پائی ، فضل فاروقی اور مجیب الرحمان نے تین تین وکٹیں اڑائیں ، راشد خان کے ہاتھ ایک وکٹ آئی ایک سو بیالیس رنز کی بڑی فتح سے افغان نے سیریز جیتنے کی عزت پائی،

  • ورلڈ کپ ، پاک بھارت میچ کیلئے احمد آباد میں ہوٹلزکی قیمتیں آسمان کو چھونے لگیں

    ورلڈ کپ ، پاک بھارت میچ کیلئے احمد آباد میں ہوٹلزکی قیمتیں آسمان کو چھونے لگیں

    گجرات: آئی سی سی ورلڈ کپ 2023 کے شیڈول کا اعلان ہوتے ہی ٹکٹس بکنگ اور میچز وینیوز کے قریب ہوٹل بکنگ میں تیزی دیکھی جا رہی ہے، اس سے ہوٹلنگ کا کاروبار بھی خاصا ہائی جا رہا ہے-

    باغی ٹی وی: بھارتی میڈیا رپورٹس کے مطابق احمد آباد میں شیڈول پاکستان اور بھارت کے مابین میچ کیلئے ابھی سے ہوٹلوں میں بکنگ شروع ہو گئی ہے اس لئے ہوٹل مالکان نے ریٹس بھی بڑھا دیئے، کرکٹ کی دنیا میں اہم ترین میچ پاکستان اور بھارت کے مابین ہوتا ہے جسے دیکھنے کیلئے نہ صرف دونوں ممالک کے لوگ شدت سے منتظر ہوتے ہیں بلکہ غیر ملکی اور دیگر کھیلوں سے وابستہ لوگ بھی اسے دیکھنے کیلئے تیار رہتے ہیں۔

    15 اکتوبر کو ہونے والے میچ کیلئے تیاریاں بھرپور انداز سے جاری ہیں، میچ دیکھنے کیلئے احمد آباد سٹیڈیم کے قریب تمام ہوٹلز کے کمرے بک ہو چکے ہیں۔ ان میں سے بعض ہوٹلز لاکھوں کرایہ لینے لگے سیاسی منظر نامے کے درمیان دونوں کے درمیان ٹھنڈے تعلقات کی وجہ سے کرکٹ کے میدان پر ہندوستان اور پاکستان کا آمنا سامنا ایک نایاب منظر بن گیا ہے۔ گجرات کے احمد آباد میں 15 اکتوبر کو شہر میں ہوٹل کی قیمتیں آسمان کو چھونے لگی ہیں-

    ہم تمام مذاہب کا احترام کرتے ہیں،دوسروں سے اسی کی درخواست کرتے ہیں،محمد رضوان

    ہوٹلوں کی بکنگ کی متعدد ویب سائٹس کےمطابقغیر معمولی مانگ 15 اکتوبر کے لیے کمروں کے ٹیرف میں زبردست اضافے کا سبب بن سکتا ہے، جب روایتی حریف احمد آباد کے نریندر مودی اسٹیڈیم میں بہت متوقع میچ کھیلیں گے۔

    کمروں کا کرایہ تقریباً 10 گنا بڑھ گیا ہے، کچھ ہوٹلوں کی قیمت 1 لاکھ روپے کے قریب ہے، جبکہ بہت سے اس دن کے لیے پہلے ہی فروخت ہو چکے ہیں۔ عام دنوں میں شہر میں لگژری ہوٹلوں میں کمرہ کا کرایہ 5000 سے 8000 روپے کے درمیان ہوتا ہے۔ یہ 15 اکتوبر کے لیے 40,000 روپے اور کچھ جگہوں پر 1 لاکھ روپے سے زائد ہو گیا ہے۔

    ہوٹل بکنگ پورٹل ‘booking.com’ کے مطابق، شہر میں آئی ٹی سی ہوٹلز کے ویلکم ہوٹل میں 2 جولائی کے لیے ایک ڈیلکس کمرے کا کرایہ 5,699 روپے ہے۔ لیکن، اگر کوئی 15 اکتوبر کو ایک دن ٹھہرنا چاہتا ہے تو وہی ہوٹل 71,999 روپے وصول کرے گا۔

    شاہد آفریدی کا بیٹی کی رخصتی پر جذباتی پیغام،تصاویر بھی شیئرکردیں

    ایس جی ہائی وے پر واقع احمد آباد ہوٹل، جو اب ایک دن کے لیے تقریباً 8,000 روپے لیتا ہے، اکتوبر میں میچ والے دن کمرہ کا فی دن کرایہ 90,679 روپے دکھا رہا ہے۔ اسی طرح ایس جی ہائی وے پر واقع پرائیڈ پلازہ ہوٹل کا کرایہ اس دن کے لیے 36,180 روپے ہو گیا ہے۔ سابرمتی ریور فرنٹ پر واقع کاما ہوٹل، ایک دوسری صورت میں بجٹ کے موافق ہوٹل جو آنے والے اتوار کے لیے 3,000 روپے سے تھوڑا زیادہ چارج کرے گا، نے اپنا کرایہ بڑھا کر 27,233 روپے کردیا ہے۔

    فائیو سٹار ہوٹل جو اب ایک دن کے لئے 12880 روپے وصول کر رہا ہے وہ اکتوبر 14 سے 16 تک 181440 روپے وصول کرے گا اسی طرح نرمادہ ہوٹل جو اب 18880 روپے وصول کر رہا ہے،اکتوبر کو 177000 روپے وصول کرے گا-

    پاکستان کی خاطر بھرپور توانائی کے ساتھ میدان میں اتریں گے،بابر اعظم

  • مشینی و جدید کاشتکاری اور موسمیاتی سمارٹ فارمنگ کے طریقوں پرمبنی گرین پاکستان انیشیٹیو کا منصوبہ

    مشینی و جدید کاشتکاری اور موسمیاتی سمارٹ فارمنگ کے طریقوں پرمبنی گرین پاکستان انیشیٹیو کا منصوبہ

    گرین پاکستان اقدام SIFC کے تحت سیمینارمنعقد کیا گیا-

    باغی ٹی وی:گرین پاکستان اقدام SIFC کے تحت پاکستان اور کھیت کے نام سے ایک دستاویزی فلم بنائی گئی جس میں پاکستان کی معشیت میں زراعت کی اہمیت کو اجاگر کیا گیا ہے اور کس طرح موسمیاتی تبدیلیوں سے زراعت اور جنگلات کو نقصان پہنچ رہا ہے اس کے لئے کیا اقدامات کئے جانے چاہیئے اس ڈاکیومینٹری کے ذریعے پیغام پھیلانے کی کاوش ہے-

    پاکستان کے کھیت و کھلیان آزادی کے وقت سے ہی اپنے لوگوں کا ذریعہ معاش رہے ہیں،تاہم آب و ہو ا کی تبدیلی اور بڑھتی ہوئی آبادی کے اہم چیلنجز اب خوارک کی سلامتی کو خطرے میں ڈال رہے ہیں خوشحالی کا بیج گرین پاکستان انیشی ایٹو ایس آئی ایف سی کے تحت بنائی گئی ایک ایسی دستاویزی فلم ہے جو آپ کو پاکستان کے زراعت کے ماضی کے سفر پر لے جاتی ہے اور اسے درپیش چیلنجوں سے پردہ اٹھاتی ہے اور اس شعبہ میں موجود لامحدود امکانات کا احاطہ کرتی ہے-

    اب جائے جہاں قافلہ دہر ترابی، رہبر نظر آتا ہے رہزن کی طرح

    پاکستان کا سرسبز مستقبل:گرین پاکستان انیشیٹیو کا منصوبہ مشینی و جدید کاشتکاری اور موسمیاتی سمارٹ فارمنگ کے طریقوں پرمبنی ہے،یہ پاکستان میں سبز پاکستان کے انقلاب کی بنیاد رکھے گا اور یہ اسٹیک ہولڈرز کو اکٹھا کرنے شراکت کرنے پائیدار اور منافع بخش مستقبل کی راہ ہموار کرنے کا ایک منفرد موقع ہےکسان کمیونٹی اور پالیسی ساز مل کر اس منصوبے کو پایہ تکمیل تک پہنچائیں گے-

    قازقستان کی ایس سی اے ٹی ائیر لائنز کی افتتاحی پرواز کی لاہور آمد …

  • قازقستان کی ایس سی اے ٹی ائیر لائنز کی افتتاحی پرواز کی لاہور آمد و روانگی

    قازقستان کی ایس سی اے ٹی ائیر لائنز کی افتتاحی پرواز کی لاہور آمد و روانگی

    قازقستان کی ایس سی اے ٹی ائیر لائنز کی افتتاحی پرواز ہفتے کی شب لاہورعلامہ اقبال انتر نیشنل ائیر پورٹ پہنچی جو مسافروں کو لے کر روانہ ہوگئی۔

    باغی ٹی وی: پاکستان سول ایوی ایشن اتھارٹی کے ترجمان کی طرف سے ہفتہ کو جاری بیان کے مطابق الماتے سے روانہ ہونے والی ایس سی اے ٹی ائیرلائنز کی افتتاحی پرواز ڈی وی 849 نے رات 8 بج کر 10 منٹ پر لاہور کے علامہ اقبال انٹرنیشنل ائیرپورٹ پر لینڈ کیا افتتاحی پرواز رات تقریباً 10 بجے 110 مسافروں اور عملےکے 7 افراد کے ساتھ واپس الماتے روانہ ہوئی۔

    ایس سی اے ٹی ائیر لائنز ہفتہ وار ہر بدھ اور ہفتہ کو پرواز چلائے گی جب کہ ائیر لائن کی جانب سے اس سیکٹر پر بوئنگ 737 میکس 8 طیارے استعمال کیے جا رہے ہیں قازقستان کے سفیر کستافن یرزہان بھی اسی افتتاحی پرواز سے الماتے سے لاہور پہنچے۔

    کراچی میں وقفے وقفے سے بارش کا سلسلہ جاری،مزید بارش کی پیشگوئی

    واضح رہے کہ قبل ازیں اس حوالے سے ٹی ڈی اے پی کے چیف ایگزیکٹو جناب محمد زبیر موتی والا نے قازقستان اور پاکستان کے در میان دو طرفہ تعلقات پر کہا تھاک ہ دونوں قوموں کے درمیان براہ راست ہوائی پرواز کا آغاز ایک اہم تبدیلی لائے گا، جس سے تجارت میں اضافہ، ثقافتی تبادلے اور باہمی مفاہمت کو فروغ ملے گا۔

    تجھ سے سب کچھ کہہ کے بھی کچھ ان کہی رہ جائے گی

    ان کا کہنا تھا کہ قازقستان اور پاکستان کے درمیان براہ راست فضائی راستہٍ تجارتی سرگرمیوں کو بڑھانے اور دوطرفہ تجارت کو فروغ دینے میں اہم کردار ادا کرنے کے لیے تیار ہے نقل و حمل کے آسان اور موثر ذرائع فراہم کرتے ہوئے یہ براہ راست پرواز بلاشبہ دونوں ممالک کے تاجروں، سیاحوں اور سرمایہ کاروں کو نئے مواقع تلاش کرنے، اپنے آپریشنز کو وسعت دینے اور مضبوط اقتصادی تعلقات استوار کرنے کی ترغیب دے گی۔

    نواز شریف کی واپسی کیلئے قانونی مشاورت جاری ہے،عطا تارڑ

    انہوں نے اقتصادی اہمیت کے علاوہ، قازقستان اور پاکستان کے درمیان ثقافتی تبادلے کی اہمیت پر زور دیا۔ براہ راست ہوائی پرواز دونوں ممالک کے لوگوں کے درمیان زیادہ سے زیادہ تعامل میں سہولت فراہم کرے گی، جس سے وہ ایک دوسرے کے متحرک ثقافتی ورثے میں اپنے آپ کومتعارف کرا سکیں گے۔ یہ تبادلہ بلاشبہ دونوں ممالک کے درمیان گہری افہام و تفہیم، تعریف اور دوستی کو فروغ دے گا۔

    9 مئی واقعات میں ملوث ایک اور شرپسند گرفتار

  • نواز شریف کی واپسی کیلئے قانونی مشاورت جاری ہے،عطا تارڑ

    نواز شریف کی واپسی کیلئے قانونی مشاورت جاری ہے،عطا تارڑ

    وزیراعظم شہباز شریف کے معاون خصوصی برائے داخلہ و قانونی امورعطا تارڑ نے کہا ہے کہ جلد ہی نواز شریف کی واپسی کا اعلان کر دیا جائے گا-

    باغی ٹی وی: نجی خبررساں ادارے سے گفتگو میں وزیراعظم شہباز شریف کے معاون خصوصی برائے داخلہ و قانونی امور عطا تارڑ نے کہا کہ چیئرمین پی ٹی آئی کے قول وفعل میں ہمیشہ تضاد رہا ہے، ہم نے اپنی سیاست داو پر لگا کر ریاست بچائی ہے، پی ٹی آئی نے ملک دشمن اقدامات کئے ہیں،ان کی طرف سےآئی ایم ایف پروگرام کو سبوتاژ کرنے کی پوری کوشش کی گئی ہےاگست میں حکومت کی مدت ختم ہونے کے بعد ہم گھر چلے جائیں گے الیکشن وقت پر ہوں گےاور الیکشن کے حوالےسےجو بھی فیصلہ ہوگا اتحادیوں کی مشاورت سے ہوگا۔

    پی ٹی آئی چئیرمین اقتدارمیں رہنے کیلئےکوئی بھی سمجھوتا کرسکتے ہیں،خرم دستگیر

    انہوں نے کہا ہے کہ نواز شریف کی واپسی کیلئے قانونی مشاورت جاری ہے، قانونی تیاری مکمل ہوتے ہی نواز شریف جلد واپس آئیں گے نواز شریف اگلے ایک دو مہینوں میں واپس آ جائیں گے،جلد ہی نواز شریف کی واپسی کا اعلان کر دیا جائے گا-

    قبل ازین وزیر اعظم شہباز شریف نے پاکستان مسلم لیگ ن کے قائد اور سابق وزیر اعظم نواز شریف کی وطن واپسی کے معاملے پر قانونی ٹیم تشکیل دے دی نواز شریف کی پاکستان واپسی کی امیدیں اس وقت بڑھ گئیں جب اتوار کے روز قومی اسمبلی نے قانون میں ترمیم کر کے کسی رکن پارلیمنٹ کی نااہلی کو زیادہ سے زیادہ پانچ سال تک محدود کر دیا، جس سے تاحیات پابندی والے افراد کے لیے عوامی عہدے کے لیے انتخاب لڑنے کی راہ ہموار ہو گئی۔

    ماسکو سےتجارتی سامان لے کر مال بردار گاڑیاں طورخم کے راستے پاکستان میں داخل

    لیگی قائد کی واپسی کے معاملے پر قانونی ٹیم تشکیل کی سربراہی وزیر قانون سینیٹر اعظم نذیر تارڑ کریں گے، معاون خصوصی عطاء اللہ تارڑ، عرفان قادر اور قانونی مشیر کمیٹی میں شامل ہوں گے، نواز شریف کے کیسز کی پیروی کرنے والے امجد پرویز اور دیگر وکلا کو بھی کمیٹی میں شامل کیا گیا ہے۔

    ذرائع کے مطابق قانونی ٹیم میاں نواز شریف کے عدالتوں میں جاری کیسز کی پیروی کو تیز کرے گی، سابق وزیر اعظم کی نااہلی اور دیگر کیسز کے خاتمے کیلئے کام میں تیزی لائی جائے گی، قانونی ٹیم نواز شریف کی واپسی میں قانونی رکاوٹوں کے خاتمے کیلئے اپنا بھرپور کردار ادا کرے گی۔

    اسمبلی ختم کر دیتے تو آئی ایم ایف اور دیگر امداد کا سلسلہ رک جاتا،خواجہ …

  • ماسکو سےتجارتی سامان لے کر مال بردار گاڑیاں طورخم کے راستے پاکستان میں داخل

    ماسکو سےتجارتی سامان لے کر مال بردار گاڑیاں طورخم کے راستے پاکستان میں داخل

    پاکستان اور روس کے درمیان زمینی راستے سے تجارتی سرگرمیاں شروع ہو گئیں۔

    باغی ٹی وی: روس کے دارالحکومت ماسکو سے تجارتی سامان لے کر مال بردار گاڑیاں طورخم کے راستے پاکستان میں داخل ہو گئیں، ماسکو سے دھاگہ اور چنا لے کر دو مال بردار گاڑیاں طورخم سرحد سے پاکستان میں داخل ہوئیں،پاک روس تجارتی معاہدہ مارچ 2023 میں ماسکو میں طے پایا تھا معاہدے کے تحت پاکستان روس کو چاول، دوائیں، پھل اور کھیلوں کے سامان سمیت 26 اشیا برآمد کرے گا جب کہ روس سے پیٹرولیم مصنوعات، ایل این جی، گندم اور دھاگے سمیت 11 اشیا درآمد کی جائیں گی۔

    میکڈونلڈز نےبھارت میں اپنےکھانے کی تیاری میں ٹماٹرکا استعمال بند کردیا

    واضح ہے کہ پاکستان ،ایران، روس اور افغانستان سے اب بارٹر ٹریڈ کرے گا، وزارتِ تجارت نے تینوں ممالک سے بزنس کا طریقۂ کار جاری کیا تھا نجی اداروں کیلئے فیڈرل بورڈ آف ریونیو (ایف بی آر) کی ایکٹیو ٹیکس پیئرز لسٹ میں ہونا ضروری قرار دیا گیا ہے۔

    ایف بی آر کے آن لائن پورٹل کے ذریعے تجارت کیلئے درخواست دینا ہوگی۔ وزارت تجارت کے مطابق پاکستان سے دودھ، کریم، انڈے، سیریل، گوشت، پھل، سبزیاں، پرفیوم، کاسمیٹکس، ہوم اپلائنسز، موٹرسائیکلیں، سرجیکل آلات اور کھیلوں کا سامان برآمد کیا جائے گا،روس سے گندم، دالیں، پیٹرولیم مصنوعات، کھاد اور ٹیکسٹائل مشینری جبکہ افغانستان اور ایران سے پھل، سبزیاں، مسالے اور خشک میوہ جات درآمد کیے جاسکیں گے ۔

    جاپان کے دریا کا رنگ بدل گیا

  • وزیراعظم شہبازشریف کی غیرملکی مہمانوں سے جرمن زبان میں گفتگو

    وزیراعظم شہبازشریف کی غیرملکی مہمانوں سے جرمن زبان میں گفتگو

    وزیراعظم شہبازشریف کی نتھیا گلی میں سوئٹزرلینڈ کے ساتھ قدرتی آفات سے متعلق مفاہمت کی یادداشت پر دستخط کی تقریب کے موقع پر جرمن زبان میں گفتگو کی جس پر غیرملکی مہمانوں نے داد دی-

    باغی ٹی وی: وزیراعظم شہباز شریف نے غیر ملکی مہمانوں سےجرمن زبان میں خیریت دریافت کی اور اُنہیں علاقے کی تاریخ اور حکومت پاکستان کی طرف سے کیے جانے والے بہتری کے اقدامات کے بارے میں آگاہ کیا،وزیراعظم نے مہمانوں کو الوداع کرتے ہوئے بھی جرمن زبان میں کلمات ادا کیے۔

    واضح رہے کہ پاکستان اور سوئٹزرلینڈ کے درمیان قدرتی آفات سے نمٹنے کیلئے تعاون کی مفاہمتی یادداشت پردستخط کی تقریب نتھیا گلی میں ہوئی۔ تقریب سے خطاب میں وزیر اعظم کا کہنا تھا کہ پاکستان خطے میں تناؤ نہیں خوشحالی اورامن کا فروغ چاہتا ہے معاہدے سے پاکستان اور سوئٹزرلینڈ کے درمیان قدرتی آفات اور ان کے ممکنہ نقصانات کی پیش گوئی، فوری امدادی کارروائیوں اور بحالی کے اقدامات میں تعاون کو فروغ ملے گا –

    پاکستان خطے میں تناؤ نہیں،ترقی چاہتا ہے،وزیراعظم


    آئی ٹی اورخواتین کی تعلیم کے فروغ کیلئے پاکستان کرداراداکرتارہے گا پاکستان ترقی چاہتا ہےماضی کی طرح وسائل ضائع نہیں کرنا چاہتے،ہم سوئٹزرلینڈ کے ساتھ سیاحت کا فروغ بھی چاہتے ہیں، ہم تعلیم کے میدان اور دیگر شعبوں میں بھی سوئس حکومت کے ساتھ کام ملکر کام کرنے کے خواہاں ہیں۔

    مسلم لیگ ضیا کے سربراہ اعجاز الحق کے خلاف منی لانڈرنگ کا مقدمہ درج

  • پاکستان کی خاطر بھرپور توانائی کے ساتھ میدان میں اتریں گے،بابر اعظم

    پاکستان کی خاطر بھرپور توانائی کے ساتھ میدان میں اتریں گے،بابر اعظم

    پاکستان ٹیم کی سری لنکا روانگی سے قبل کرکٹ بورڈ کی مینجمنٹ کمیٹی کے چیئرمین ذکا اشرف نے کپتان بابر اعظم کو ٹیلیفون کیا ہے۔

    باغی ٹی وی: ذکا اشرف نے قومی ٹیم کے لیے نیک خواہشات کا اظہار کرتے ہوئے بابر اعظم سے کہا کہ پوری ٹیم کو میری طرف سے نیک خواہشات کا پیغام دیں، توقع ہے کہ ٹیم دورہ سری لنکا اور ایشیا کپ میں پاکستان کے لیے کامیابیاں سمیٹے گی۔

    اس موقع پر بابر اعظم نے ذکا اشرف کو چیئرمین مینجمنٹ کمیٹی کا عہدہ سنبھالنے پر مبارکباد دی اور کہا کہ آپ کے پچھلے دور میں بھی پاکستان نے ایشیا کپ جیتا تھا، انشاءاللّٰہ اس بار بھی ایشیا کپ جیت کر پاکستان لائیں گے، پاکستان ٹیم کو مزید اوپر لے جانے کے لیے کوئی کسر نہیں چھوڑیں گے، پاکستان کی خاطر بھرپور توانائی کے ساتھ میدان میں اتریں گے بابراعظم نے ذکاء اشرف کو چئیرمین مینجمنٹ کمیٹی کا عہدہ سنبھالنے پر مبارکباد پیش کی۔

    دوسری جانب پاکستان کرکٹ ٹیم ورلڈ کپ میں شرکت کے لئے بھارت جائے گی یا نہیں اس حوالہ سے فیصلہ کرنے کے لئے ایک ہائی پروفائل کمیٹی تشکیل دی گئی ہےوزیر خارجہ بلاول زرداری کمیٹی کے سربراہ ہوں گے، کمیٹی میں وفاقی وزرا رانا ثنا اللہ، اعظم نذیر تارڑ، احسان مزاری، مریم اورنگزیب، اسعد محمود، امین الحق، قمر زمان کائرہ اور طارق فاطمی شامل ہیں ،قومی سلامتی کے اداروں کے سربراہ اور سیکرٹری خارجہ بھی ہائی پروفائل کمیٹی میں شامل ہیں-

    میڈیا رپورٹس کے مطابق کمیٹی بھارت میں ہونیوالے ورلڈ کپ میچز میں پاکستانی ٹیم کی شرکت کے حوالہ سے سفارشات مرتب کرے گی، حتمی سفارشات وزیراعظم کو بھجوائی جائیں گی، جس کے بعد حتمی فیصلہ ہو گا، پی سی بی نے ورلڈ کپ میں شرکت حکومت کی اجازت کے ساتھ مشروط کی ہے-

  • افغا نستان کر کٹ ٹیم کے فاسٹ بالر انجری کا شکار

    افغا نستان کر کٹ ٹیم کے فاسٹ بالر انجری کا شکار

    افغانستان کرکٹ ٹیم کے فاسٹ بولر نوین الحق گھٹنے کی انجری کا شکار ہو کر بنگلادیش کے خلاف ٹی ٹوئنٹی سیریز سے باہر ہو گئے ۔دائیں ہاتھ کے تیئس سالہ فاسٹ بولر نوین الحق گھٹنے میں انجری کا شکار ہو گئے ، ڈاکٹرز نے انہیں سرجری کا مشورہ دیا ہے جس کے لیے انہیں انگلینڈ جانا پڑے گا ، نوجوان فاسٹ بولر انجری کے باعث بنگلایش کے خلاف شیڈول دو ٹی ٹوئنٹی میچز کی سیریز میں نمائندگی سے محروم ہو گئے ہیں ان کی جگہ نوجوان کھلاڑی نجات مسعود کو ٹیم میں شامل کر لیا گیاہے ،

  • مولانا فضل الرحمان کی اسپیکر قومی اسمبلی سے ملاقات

    مولانا فضل الرحمان کی اسپیکر قومی اسمبلی سے ملاقات

    اسپیکر قومی اسمبلی راجا پرویز اشرف کا کہنا تھا کہ موجودہ اتحادی حکومت نے مشکلات کے باوجود عوام دوست بجٹ پیش کیا ہے، جب کہ مولانا فضل الرحمان کا کہنا ہے کہ ملک کو بحرانوں سے نکالنے کے لیے پارلیمان کا کردار کلیدی اہمیت کا حامل ہے۔ نجی ٹی وی کے مطابق جمعیت علمائے اسلام ف کے سربراہ مولانا فضل الرحمان نے اسپیکر قومی اسمبلی راجہ پرویز اشرف کے گھر جاکر ملاقات کی جبکہ ملاقات میں وفاقی وزیر برائے مواصلات مولانا اسعد محمود، خرم پرویز راجہ اور شاہ رخ راجہ بھی موجود تھے۔

    واضح رہے کہ اس ملاقات میں اہم سیاسی اور معاشی امور پر تبادلہ خیال کیا گیا، جب کہ مولانا فضل الرحمان نے اسپیکر قومی اسمبلی سے گزشتہ دنوں پیش آنے والے حادثے سے متعلق خیریت دریافت کی۔ اسپیکر قومی اسمبلی راجا پرویز اشرف کا کہنا تھا کہ موجودہ اتحادی حکومت نے مشکلات کے باوجود عوام دوست بجٹ پیش کیا ہے، سابق حکومت نے ملک کو بحرانوں سے دو چار کیا۔
    مزید یہ بھی پڑھیں؛
    بہکی بہکی باتیں،عمران کی ذہنی حالت تشویشناک، مبشر لقمان کا اہم ویلاگ
    آئی سی سی ورلڈ کپ سے پہلے دوسرا بڑا اپ سیٹ ہو گیا
    عمران خان کیخلاف مقدمات کی تفصیلات فراہمی تک کاروائی روکی جائے، وکیل
    یونان کشتی حادثہ کے بعد کاروائیاں،35 انسانی سمگلرز گرفتار
    نومئی واقعات،خواتین کا فوجی عدالتوں میں ٹرائل نہیں ہو گا
    سویڈن واقع پر سپریم کورٹ بار ایسوسی ایشن آف پاکستان نے فارن آفس میں مذمتی قرارداد جمع کرا دی
    مولانا فضل الرحمان نے ایوان کی کارروائی خوش اسلوبی سے چلانے پر اسپیکر قومی اسمبلی کے کردار کو سراہتے ہوئے کہا کہ ملک کو بحرانوں سے نکالنے کے لیے پارلیمان کا کردار کلیدی اہمیت کا حامل ہے، موجودہ حکومت نے ملک میں معاشی استحکام لانے کے لیے اہم کردار ادا کیا ہے۔