Tag: پاکستان

خطے کی کشیدہ صورت حال کے باعث پاکستان سے مشرق وسطی کی آج بھی 155 پروازیں منسوخ کردی گئیں۔

کراچی کی 38، لاہور 32، اسلام آباد کی 36 پروازیں منسوخ کی گئیں پشاور کی 16، سیالکوٹ 13، فیصل آباد 8، ملتان 10، کوئٹہ کی 2 پروازیں منسوخ کی گئیں۔ پاکستان کی 4 دن میں مشرق وسطی کی منسوخ پروازیں 600 سے تجاوزکرگئیں۔

آج بھی 8 ملکوں کی فضائی حدود اور فلائٹ آپریشنز بند ہیں دبئی،ابوظبی،شارجہ، دوحہ، کویت، بحرین ائیرپورٹس زیادہ متاثر ہیں ابوظبی، دبئی ائیرپورٹس پر پھنسے مسافروں کو 34 پروازوں سے پہنچایا گیا اعلامیے کے مطابق اتحاد ائیرنے 24 پروازوں کے بعدفلائٹ آپریشن آج دوپہر 2 بجے تک بند کردیا ایمریٹس نے بھی دبئی سے 16 پروازیں روانہ کیں، کچھ کی واپسی ہوئی ایک پرواز میں 160 مسافروں کی اوسط سے 26 لاکھ مسافر متاثر ہوئے۔

شہر کے دو درباروں پر موٹر سائیکل پارکنگ کرنے والوں سے اوور چارجنگ

4 دن میں مشرق وسطیٰ کی 16 ہزار سے زائد پروازیں منسوخ ہوئیں فضا کی مسلسل بندش کے باعث ایران کے ائیرپورٹس کی 1000 پروازیں منسوخ کی گئیں مشرق وسطی کے 7 بڑے ائیرپورٹس کی 10ہزار پروازیں منسوخ ہوچکی ہیں اسرائیل کے تل ابیب ائیرپورٹ سے 4 دن میں 1600 پروازیں منسوخ ہوئیں، ار دن کی 828، بیروت اور حائفہ ائیرپورٹ کی 500 جبکہ دمشق، النجف، بصرہ اور دیگر ائیرپورٹس کی 875 پروازیں منسوخ ہوئیں۔

علاوہ ازیں قطر ائیر ویز، فلائی دبئی اور ائیر عربیہ کے 3 طیارے28فروری سے کراچی ائیرپورٹ کی پارکنگ میں موجود ہیں غیر ملکی ائیر لائنز کے طیاروں کی کراچی ائیرپورٹ آمد اور پارکنگ سے پی اے اے کو پارکنگ فیس کی مد میں ہزاروں ڈالر کا ریونیو بھی حاصل ہوا ہے۔


چین کا ایران پر امریکی و اسرائیلی حملوں کی مذمت، ایک چینی شہری ہلاک، ہزاروں افراد کا انخلا مکمل

پاکستان ائیرپورٹ اتھارٹی ذرائع کے مطابق28 فروری کے دن اچانک فضائی حدود کی بندش سے پاکستان کی فضائی حدود سے گزرنے والی 27 پروازوں کے طیاروں نے کراچی ائیرپورٹ پر لینڈنگ کی تھی اس میں طیاروں کی ٹیکنیکل لینڈنگ، ڈائیورژن اور ری روٹ شامل ہیں۔

ترجمان پی اے اے کے مطابق عالمی ہوا بازی کی تنظیم آئیکا کی ہداہت پر آپریشنل کرائسز کنٹرول (occ) تمام ائیرپورٹس پر فعال ہوتے ہیں۔ 28 فروری کو کراچی ائیرپورٹ پر 15 سے زائد طیاروں کی ڈائیورژن ہوئی تھی، مختلف ائیرلائنز کے 12 طیارے چلے گئے لیکن غیر ملکی ائیر لائنز کے 3 طیارے کراچی ائیرپورٹ کی پارکنگ پر تاحال موجود ہیں، جن میں قطر ائیر ویز، فلائی دبئی اور ائیر عربیہ شامل ہیں، ان پروازوں کے تمام مسافر 28 فروری سے کراچی کے ہوٹلوں میں مقیم ہیں، مختلف ائیر لائنز اپنے مسافروں کو متبادل کے طور پر ان کی منزل مقصود پر روانہ کر رہی ہے۔


شاہد آفریدی کی شاہین آفریدی پر کڑی تنقید، آخری اوور مہنگا ثابت ہونے پر سوالات

افغانستان سے دہشت گردی اور بلا اشتعال جارحیت کا منہ توڑ جواب دینے کے لیے آپریشن غضب للحق کامیابی کے ساتھ جاری ہے،وفاقی وزیر اطلاعات عطا تارڑ نے آپریشن غضب للحق میں اب تک مارے جانے والے افغان طالبان اہلکاروں کی مزید تفصیلات جاری کردی ہیں-

پیر کے روز سماجی رابطے کی ویب سائٹ ایکس پر جاری بیان میں وفاقی وزیراطلاعات و نشریات عطا تارڑ نے آپریشن غضب للحق کے دوران افغان طالبان کے خلاف کی جانے والی جوابی کارروائیوں کے اعداد و شمارجاری کیے ہیں،کہ آپریشن کے دوران افغان طالبان کو شدید نقصان پہنچایا گیا ہے، اب تک آپریشن میں ہلاک ہونے والے افغان طالبان اہلکاروں کی تعداد 435 ہوگئی ہے جب کہ افغان طالبان کے 630 سے زائد اہلکار زخمی ہیں۔

وزیر اطلاعات نے مزید بتایا کہ افغان طالبان رجیم کی 188 چیک پوسٹیں تباہ کر دی گئی ہیں اور پاکستان سیکیورٹی فورسز نے 31 افغان پوسٹوں پر قبضہ حاصل کر لیا ہےب تک افغان طالبان رجیم کے 188 ٹینکس، اسلحہ بردار گاڑیاں اور آرٹلری گنز تباہ بھی اس آپریشن میں تباہ کی گئی ہیں جب کہ افغانستان بھر میں 51 مقامات فضا سے نشانہ بنایا گیا ہے۔

ایران کی جانب سے پہلے حملہ کرنے کا کوئی ثبوت نہیں تھا، پینٹاگون

دوسری جانب سیکیورٹی ذرائع کا کہنا ہے کہ خوست ایمونیشن ڈپو اور اور ڈرون اسٹوریج سائٹ تباہ کردیا گیا ہے پیر کے روز سیکیورٹی ذرائع نے بتایا کہ افغان طالبان رجیم کی جارحیت کے خلاف پاک فوج کی بھرپور اور طاقتور جوابی کارروائیاں جاری ہیں پاک افواج نے مؤثر کارروائی کرتے ہوئے فتنہ الخوارج اور افغان طالبان کا خوست میں ایمونیشن ڈپو تباہ کردیا ہے پاک افواج کی مؤثر جوابی کارروائی کے دوران فتنہ الخوارج اور افغان طالبان کے جلال آباد میں ایمونیشن ڈپو اور ڈرون اسٹوریج سائٹ کو بھی تباہ کر دیا گیا ہے۔

سیکیورٹی ذرائع کے مطابق پاک افواج فتنہ الخوارج اور افغان طالبان فوج کے ٹھکانوں اور فوجی تنصیبات کو موثر انداز میں نشانہ بنا رہی ہیں، فتنہ الخوارج اور افغان طالبان رجیم کو پاک افغان سرحد پربلا اشتعال جارحیت کے بعد ہر محاذ پر بھرپور پسپائی کا سامنا ہے۔

ایران کا سعودی عرب میں آرامکو آئل ریفائنری پر ڈرون حملہ،اسرائیل میں بھی گیس کی پیداوار بند

واضح رہے کہ جمعرات 26 فروری کی رات پاک افغان سرحد پر افغان طالبان کی جانب سے بلا اشتعال جارحیت کے جواب میں پاکستان کی مسلح افواج کا آپریشن غضب للحق جاری ہے پاک فوج نے افغانستان کی حدود کے اندر مختلف مقامات پر جوابی کارروائیاں کیں اورکابل، قندھار اور پکتیا سمیت دیگر مقامات پر موجود عسکری تنصیبات کو نشانہ بنایا اور کئی چیک پوسٹیں تباہ کیں۔

نائب وزیراعظم و وزیر خارجہ سینیٹر محمد اسحاق ڈار نے بحرین کے وزیر خارجہ ڈاکٹر عبداللطیف بن راشد الزیانی سے اہم ملاقات میں خطے کی تیزی سے بدلتی ہوئی صورتحال پر تفصیلی تبادلہ خیال کیا گیا۔

دفترِ خارجہ کے ترجمان کے مطابق ملاقات کے دوران دونوں رہنماؤں نے موجودہ علاقائی پیش رفت اور اس کے ممکنہ اثرات کا جائزہ لیا،نائب وزیراعظم و وزیر خارجہ نے خطے میں کشیدگی کم کرنے کی ضرورت پر زور دیتے ہوئے امن و استحکام کے فروغ کے لیے مشترکہ کاوشوں کی اہمیت اجاگر کی۔

پنجاب: تمام سرکاری ہسپتالوں میں ہنگامی صورتحال کے پیش نظر ہائی الرٹ جاری

انہوں نے کہا کہ بدلتے ہوئے حالات میں سفارتی رابطوں اور باہمی مشاورت کو جاری رکھنا ناگزیر ہے تاکہ خطے میں پائیدار امن کو یقینی بنایا جا سکے،دونوں وزرائے خارجہ نے اس بات پر اتفاق کیا کہ باہمی رابطے برقرار رکھے جائیں گے اور علاقائی صورتحال پر قریبی مشاورت جاری رکھی جائے گی۔

اختلاف رائے جمہوریت کاحسن،قومی سلامتی پر اتحاد ناگزیر،تجزیہ :شہزاد قریشی

چیئرمین پاکستان علما کونسل علامہ طاہر اشرفی نےملکت سعودی عرب کے خلاف سوشل میڈیا پر جاری مہم کے حوالے سے کہا ہے کہ سعودی عرب نے ابتدا ہی سے ایران پر حملہ روکنے کی کوشش کی-

علامہ طاہر اشرفی ن نے کہا ہے کہ بعض ناعاقبت اندیش اور لاعلم یوٹیوبرز اور نام نہاد صحافیوں کی جانب سے چلائی جانے والی مہم کا مقصد مسلم اُمہ کے اتحاد کو نقصان پہنچانا ہےجبکہ سعودی عرب نے ابتدا ہی سے ایران پر حملہ روکنے کی کوشش کی،سعودی ولی عہد محمد بن سلمان اور وزیر دفاع خالد بن سلمان نے متعدد امریکی حکام اور عالمِ اسلام کے قائدین سے مسلسل رابطے کیے اور سفارتی سطح پر کشیدگی کم کرنے کی کوشش کی، تاہم بعد ازاں امریکا اور اسرائیل کی جانب سے ایران پر حملہ کر دیا گیا گزشتہ برس ایران پر حملے کے بعد سب سے پہلے جس ملک نے اس کی مذمت کی، وہ سعودی عرب تھا۔

15 سالہ بچی سے زیادتی و قتل کا ملزم پولیس مقابلے میں ہلاک

موجودہ صورتحال پر افسوس کا اظہار کرتے ہوئے کہا گیا کہ اس مرتبہ پہلا میزائل سعودی دارالحکومت ریاض اور منطقۂ شرقیہ کی جانب داغا گیا، جس سے ظاہر ہوتا ہے کہ کچھ قوتیں مسلم ممالک کے درمیان اختلافات کو ہوا دینا چاہتی ہیں یرانی صدر بھی اس سے قبل ولی عہد محمد بن سلمان کو مسلم اُمہ کا اہم رہنما قرار دے چکے ہیں جو اتحاد اور یکجہتی کے خواہاں ہیں، پاکستان، ترکیہ سمیت دیگر اسلامی ممالک کو موجودہ حالات میں اتحاد و یکجہتی کے لیے فعال کردار ادا کرنا چاہیے اور اُن عناصر کی سازشوں کو ناکام بنانا چاہیے جو اُمہ کو تقسیم کرنا چاہتے ہیں۔

عمران خان کا آنکھ کے علاج کیلئے اسلام آباد ہائی کورٹ سے رجوع

اسلام آباد میں امریکی سفارت خانے اور پاکستان بھر میں امریکی قونصل خانوں کی سروسز عارضی طور پر معطل کر دی گئی ہیں-

تفصیلات کے مطابق اسلام آباد میں امریکی سفارت خانے اور کراچی، لاہور، پشاور میں امریکی قونصل خانوں میں ویزا اپائنٹمنٹس اور امریکی شہری خدمات جیسے پاسپورٹ وغیرہ کی تمام معمول کی سروسز موقوف کردی گئی ہیں یہ بندش 2 مارچ 2026 کے لیے نافذ ہے جبکہ نئے شیڈیول کے بارے میں بعد میں اطلاع دی جائے گی۔ یہ فیصلہ سیکورٹی صورتحال کے حوالے سے کیا گیا ہے۔

سروسز کی معطلی کا مقصد سفارتی عملے اور زائرین کی حفاظت ہے کیونکہ گزشتہ روز ایرانی سپریم لیڈر خامنہ ای کی شہادت کے بعد ملک بھر میں امریکی سرکار ی دفاتر کے باہر مظاہرے اور جھڑپیں دیکھنے میں آئیں جس میں متعدد ہلاکتیں بھی ہوئیں تاہم اہم سروسز ایمرجنسی کیسز یعنی ضروری حالات میں محدود طور پر دی جاسکتی ہیں-

کراچی : امریکن قونصلیٹ جانے والے تمام راستے بند،اسلام آباد میں ریڈ زون بھی مکمل سیل

بیروت اور جنوبی لبنان پر شدید اسرائیلی بمباری، 31 جاں بحق، درجنوں زخمی

ایران کے کویت ،بحرین، قطر اور دبئی پر حملے، امریکی تنصیبات نشانے پر

تجزیہ شہزادقریشی: خون سے رنگی دنیا اور خاموش قیادت
دنیا اس وقت ایک نازک دوراہے پر کھڑی ہے۔ ایک طرف طاقت کے ایوانوں میں سفارت کاری اور مفادات کی باتیں ہو رہی ہیں، دوسری طرف گلیوں اور شہروں میں بے گناہوں کا خون بہہ رہا ہے۔ چاہے منظر مشرقِ وسطیٰ کا ہو یا یورپ و افریقہ کے کسی خطے کا — انسانیت ہر جگہ زخمی ہے۔

عالمی طاقتیں اپنے دفاع، اپنی سلامتی اور اپنی معیشتوں کے نام پر جنگی حکمتِ عملی بناتی ہیں، مگر ان حکمتِ عملیوں کی قیمت عام لوگ ادا کرتے ہیں۔ نوجوان جو مستقبل کی امید تھے، آج محاذوں پر مٹی میں مل رہے ہیں۔ مائیں بیٹے کھو رہی ہیں، بچے باپ کے سائے سے محروم ہو رہے ہیں۔ سوال یہ ہے کہ یہ جنگیں آخر کس کے لیے اور کب تک؟

تاریخ نے بارہا ثابت کیا کہ طاقت کے بل پر قائم کیا گیا امن عارضی ہوتا ہے۔ اصل امن انصاف، مکالمے اور برداشت سے جنم لیتا ہے۔ لیکن بدقسمتی سے دنیا کی قیادت نے ہتھیاروں کو ترجیح دی ہے اور انسان کو پسِ پشت ڈال دیا ہے۔ عالمی ادارے بیانات جاری کرتے ہیں، مگر زمین پر بارود کی بو کم نہیں ہوتی۔

یہ وقت صرف سیاسی تجزیے کا نہیں، اخلاقی بیداری کا ہے۔ اگر عالمی قیادت نے مفادات سے اوپر اٹھ کر انسانیت کو مرکز نہ بنایا تو آنے والی نسلیں ہمیں معاف نہیں کریں گی۔ دنیا کو اس وقت میزائلوں سے زیادہ ضمیر کی آواز کی ضرورت ہے امید ابھی باقی ہے — کیونکہ ہر تاریک رات کے بعد صبح آتی ہے۔ مگر وہ صبح تب آئے گی جب طاقتور ہاتھ ہتھیار نہیں، امن کا پرچم اٹھائیں گے۔

وزیراعظم شہباز شریف نے وزارت خارجہ کو ہدایت کی کہ ایران کی صورت حال کے پیش نظر وہاں موجود پاکستانیوں کوبخیریت وطن واپس لانے کے لیے تمام تر اقدامات کیے جائیں۔

وزیراعظم شہباز شریف کی زیر صدارت ملک میں مجموعی سیکیورٹی صورت حال پر اعلیٰ سطح کا جائزہ اجلاس ہوا جس میں وزیراعظم نے سیکیورٹی کے حوالے سے وفاقی اور صوبائی سطح پر متعلقہ تمام اداروں کو ہدایت کی کہ موجودہ صورت حال کے پیش نظر جامع اور مؤثر حفاظتی اقدامات فوری طور پر یقینی بنائے جائیں انہوں نے تاکید کی کہ تمام ادارے باہمی رابطہ اور مکمل ہم آہنگی کے ساتھ اپنی ذمہ داریاں ادا کریں۔

پاک فوج کے ساتھ ملکر افغان جارحیت کا منہ توڑ جواب دیں گے،عوام خیبر پختونخوا

وزیراعظم کو بتایا گیا کہ تمام سیکیورٹی ادارے موجودہ حالات کے پیش نظر الرٹ ہیں اور ملکی سلامتی کے تحفظ کے لیے تمام ضروری اقدامات بروئے کار لائے جا رہے ہیں اس موقع پر وزیراعظم نے وزارت خارجہ کو ہدایت کی کہ ایران کی صورت حال کے پیش نظر وہاں موجود پاکستانیوں کوبخیریت وطن واپس لانے کے لیے تمام تر اقدامات کیے جائیں۔

انہوں نے ہدایت کی کہ پاکستانیوں کو آذربائیجان کے ذریعے بحفاظت پاکستان لایا جائے اور اس سلسلے میں وزارت خارجہ کو آذربائیجان کی حکومت سے فوری رابطہ کرنے کی ہدایت کی وزیراعظم نے کہا کہ پاکستان کے عوام اور مسلح افواج ملک کی سلامتی، خودمختاری اور علاقائی سالمیت کے تحفظ کے لیے ہر دم تیار ہیں۔

کویت انٹرنیشنل ایئرپورٹ پر ڈرون حملہ، متعدد ملازمین زخمی

انہوں نے مزید کہا کہ چیف آف ڈیفنس فورسز فیلڈ مارشل عاصم منیر کی زیر قیادت افواج پاکستان قومی جذبے کے ساتھ اپنے بہترین انداز میں اپنے فرائض سر انجام دے رہی ہیں، دہشت گردی کے خلاف جنگ میں سیکیورٹی فورسز جو قربانیاں دی رہی ہیں، اس پر پوری قوم ان کو سلام پیش کرتی ہے۔