وفاقی تحقیقاتی ادارے (ایف آئی اے) نے اداروں کے خلاف نازیبا الفاظ کے استعمال اور پروپیگنڈہ کرنے پر پشتو ن تحٖفظ موومنٹ(پی ٹی ایم) کےسربراہ منظور پشتین اورایم این اے علی وزیر سمیت 4 افراد کو پیش ہونے کا حکم دیا ہے۔ سائبرکرائم سرکل پشاورنے اداروں کے خلاف نازیبا الفاظ/ پروپیگنڈہ کی بنیاد پر انکوائری کا آغاز کردیا ہے جس کے تحت منظورپشتین،ایم این اے علی وزیر ،حضرت نعیم اور عبدالصمد کو 23 جون کو پیش ہونے کا حکم دیا ہے۔واضح رہے کہ گذشتہ دو ہفتوں سے پی ٹی ایم کے زیر اہتمام ضلع شمالی وزیرستان کے میرانشاہ کینٹ کے سامنے 3 ساتھیوں کی گرفتاری کے خلاف دھرنا شروع ہے۔دھرنے میں منظور پشتین،علی وزیر سمیت پی ٹی ایم کے سرکردہ رہنماؤں نے شرکت کی ہے۔سوشل میڈیا پر جاری ایک ویڈیو میں دیکھا جاسکتا ہے کہ میرانشاہ کینٹ کے باہر دھرنا کے شرکاء جس میں منظور پشتین اور علی وزیر بھی شامل ہیں سخت نعرے بازی کررہے ہیں ۔اس سے قبل گذشتہ رات ڈیر ہ اسماعیل خان پولیس نے منشیات کے الزام میں پی ٹی ایم کے مرکزی رہنما عالمزیب محسود کو منشیات رکھنے کے الزام میں گرفتار کیا ہے۔پولیس کی جانب سے درج ایف آئی آر میں عالمزیب محسود پر 1030 گرام چرس رکھنے کے الزام لگایا گیا ہے۔
Tag: پاکستان
-
بنگلہ دیش میں کھیلے جانے والے ٹیسٹ میچ میں مہمان ٹیم کو شکست
بنگلادیش نے ٹیسٹ میچ میں افغانستان کو 546 رنز سے شکست دے دی۔بنگلادیش کے شہر میرپور میں کھیلےجانے والے ٹیسٹ میچ میں میزبان بنگلادیش کے 662 رنز کے تعاقب میں افغان ٹیم 115 رنز بنا کر آؤٹ ہوگئی۔بنگلادیش کی ٹیم پہلی اننگز میں 382 بنا کر آؤٹ ہوئی تھی جس میں نجم الحسین 146 اور محمود الحسن 76 رنز بنا کر نمایاں رہے تھے،بنگلہ دیش کی جانب سے نجات مسعود نے 5 اور یامین احمدزئی نے 2 وکٹیں حاصل کی تھیں۔
-
خیبرپختونخوا حکومت کا سرکاری گاڑیاں افسران کو فروخت کرنے کا فیصلہ
خیبرپختونخوا حکومت نے سرکاری گاڑیوں کی مونیٹائزیشن اور نئی گاڑیوں کی خریداری پر پابندی لگانے کا فیصلہ کر لیا۔
ذرائع کے مطابق خیبرپختونخوا حکومت نے 40 ہزار سے زائد سرکاری گاڑیاں افسران کو فروخت کرنے کا فیصلہ کیا ہے۔سرکاری گاڑیوں کی مونیٹائزیشن سے 10 ارب روپے کی آمدن ہو گی۔ذرائع کا کہنا ہے کہ حکومت نے صرف ریسکیو، پولیس موبائل اور میونسپلٹی کی گاڑیوں کو سرکاری حیثیت میں برقرار رکھنے کا فیصلہ کیا ہے۔مونیٹائزیشن پالیسی پر محکمۂ خزانہ نے نگراں حکومت کو تجاویز پیش کی ہیں۔
ذرائع کا بتانا ہے کہ پالیسی کے تحت ایک افسر ایک ہی گاڑی خرید سکے گا، سرکاری افسر تصرف میں موجود گاڑی دو سے تین اقساط میں خرید سکے گا، افسران کو باقاعدہ سبز نمبر پلیٹ دی جائے گی۔ -
خیبر پختونخوا میں سی این جی سٹیشنز کھول دئے گئے،
خیبر پختونخوا میں سی این جی سٹیشن ہفتہ کی رات12بجے سے کھولنے کا فیصلہ کر لیا گیا ہے ،کراچی میں سمندری طوفان کے پیش نظر سی این جی سٹیشنوں کو تین دن کیلئے بند کر دیا گیاتھا اور جمعہ کے روز دن بارہ بجے کے بعد سی این جی سٹیشنوں کو گیس فلنگ کیلئے کھولنے کا اعلان کیا گیاتھا تاہم دن بارہ بجے کی بجائے گزشتہ رات بارہ بجے سی این جی اسٹیشنوں کو کھولنے کی منظوری دی گئی ہے۔
ذرائع نے بتایا کہ سی این جی سٹیشنوں کو ہفتہ کی بجائے پیر کے دن کھولنے کا فیصلہ کیا گیاتھا تاہم بعض حکومتی اقدامات کے باعث انہیں ہفتے کے دن کھولنے کی منظوری دی گئی ہے۔ دوسری جانب صوبے کے مختلف اضلاع بشمول پشاورمیں تیسرے دن بھی سی این جی سٹیشنوں کی بند ش کے باعث ٹرانسپورٹرز کی جانب سے اضافی کرایہ وصول کیا جاتا رہا ہے جس کی عوام کا مشکلات کا سامنا ہے، -
چھ گیندوں پر لگا تار 6 شکار،12 سالہ انگلش بالر کا بڑا کارنامہ
چھوٹی عمر میں بڑا کارنامہ بارہ سالہ انگلش بولر اولیور وائٹ ہاؤس نے ایک اوور میں ڈبل ہیٹ ٹرک کر دی ، چھ گیندوں پر لگاتار چھ شکار کر کے کمسن نے بڑے بڑے بلے بازوں کے لیے خطرے کی گھنٹی بجا دی
انگلینڈ کے سر زمین یہ منفرد ریکارڈ بنا کلب ٹورنامنٹ میں برومس گروو کی نمائندگی کرتے ہوئے بارہ سالہ اولیور وائٹ ہاؤس نے ایک اوور میں حریف ٹیم کے چھ کھلاڑیوں کو آؤٹ کر کے سب کو حیران کر دیا کمسن نے مجموعی طور پر دو اوور میں بغیر کوئی اسکور دیئے آٹھ شکار کیے ، میچ کے بعد ریکارڈ ہولڈر بولر نے خوشی کا اظہار کیا کسی بھی بولر کے لیے ایک اوور میں ایک ہیٹ ٹرک کرنا مشکل ہوتا ہے لیکن ڈبل ہیٹ ٹرک کا کارنامہ میڈیا کی بھی توجہ کا مرکز بن گیا، -
پشاور شہر میں گیس کی لوڈشیدنگ کے خلاف احتجاج کی دھمکی
پشاور کے مختلف علاقوں کے عوام نے سوئی گیس کی فراہمی کیلئے ایک ہفتے کی ڈیڈ لائن دیتے ہوئے واضح کیا ہے کہ اگر ایک ہفتے کے اندر اندر گیس کی غیر اعلانیہ لوڈشیڈنگ ختم نہ کی، تو پورا پشاور شہر بند کر دیا جائیگا سابق ڈسٹرکٹ اسمبلی پشاور کے اپوزیشن لیڈر محمد سعید ظاہر نے کہا ہے کہ اگر پشاور شہر کے علاقوں نوتھیہ، گلبرگ ، افغان کالونی، کوٹلہ محسن خان، ڈیری باغوانان ،لنڈی ارباب میں ایک ہفتے کے اندر سوئی گیس کا مسئلہ حل نہ ہوا تو عوام پورے پشاور کو کو بند کر دیں گے اور حالات کی تمام تر ذمہ داری محکمہ سوئی گیس کے اعلی حکام پر عائد ہوگی ۔اپنے ایک بیان میں انہوں نے کہا کہ محکمہ گیس والوں نے گیس نہ ہونے کی وجہ سے عوام کو ذہنی مریض بنا دیا پشاور کے غریب عوام سلینڈر بھر کے برباد ہو گئے ہیں محکمہ سوئی گیس ہزاروں روپے بلز وصول کرتے ہے،
مگر جان بوجھ کر گیس نہیں چھوڑتے ، خواتین کو کھانا پکانے میں شدید مشکلات کا سامنا کرنا پڑ رہا ہے ، بچے بغیر ناشتے کے اسکول جاتے ہیں وزیراعظم پاکستان سے فوری طور پر اور چیف جسٹس آف پاکستان سے مداخلت کی اپیل کی جاتی ہے محمد سعید ظاہر نے کہا اگر ایک ہفتے کے اندر اندر گیس کا مسئلہ پورے پشاور میں حل نہ کیا گیا تو بھرپور احتجاج ریکارڈ کرینگے جس میں عوام کثیر تعداد میں شرکت کرینگے اور خواتین بھی شریک ہونگی ۔ -
بیوی کی اجازت کے بغیر دوسری شادی کرنا مہنگا پڑ گیا
بیوی کی اجازت کے بغیر دوسری شادی کرنا مہنگا پڑ گیا، دولہا کو عدالت نے سزا سنا دی
واقعہ پنجاب کے شہر بہاولپور کا ہے جہاں عدالت نے کیس کا فیصلہ سناتے ہوئے پہلی بیوی کی اجازت کے بغیر شادی کرنے والے کو سزا سنا دی، عدالت نے خاوند کو پہلی بیوی کی درخواست پر چھ ماہ قید کی سزا سنائی، ساتھ ہی عدالت نے ملزم پر پانچ لاکھ روپے جرمانہ بھی عائد کر دیا، جرمانہ اگر ادا نہ کیا تو ملزم کو مزید دو برس قید کی سزا کاٹنا ہو گی
سزا فیملی کورٹ نے سنائی جہاں ایک خاتون نے درخواست دی کہ اسکے شوہر نے میری اجازت کے بغیر دوسری شادی کر لی، عدالت نے دونوں فریقین کے دلائل سننے کے بعد فیصلہ سنایا اور ملزم کو گرفتار کر لیا گیا،
قبل ازیں رواں برس ماہ جون میں پہلی بیوی سے اجازت کے بغیر دوسری شادی کرنے والے کی عدالت نے سزا اور جرمانے کی سزا برقرار رکھی، لاہور ہائیکورٹ نے پہلی بیوی کی اجازت کے بغیر دوسری شادی کرنے والے کو عدالت کی جانب سے سنائی گئی سزا چھ ماہ قید اور پانچ لاکھ روپے جرمانے کو درست قرار دے دیا ہے، پنجاب کے شہر میانوالی کے غلام حسین نے پہلی بیوی کو بتائے بغیر دوسری شادی کی تھی جس کے بعد اسکی پہلی بیوی نے اپنے شوہر پر مقدمہ درج کروا دیا تھا اور مقامی عدالت میں کیس کی سماعت ہوئی تھی، عدالت نے ملزم غلام حسین کو قصور وار ثابت ہونے پر چھ ماہ قید اور 5 لاکھ روپے جرمانے کی سزا سنائی تھی،
سزا کے خلاف ملزم غلام حسین نے لاہور ہائیکورٹ میں اپیل دائر کی، لاہور ہائیکورٹ میں ملزم کے وکیل پیش ہوتے رہے، عدالت نے فریقین کے وکلاء کی بحث کے بعد سزا کو برقرار رکھا اور جرمانے کو بھی برقرار رکھا ،لاہور ہائیکورٹ کی جسٹس عالیہ نیلم نے ملزم کی درخواست پر فیصلہ سنایا اور ملزم کی اپیل خارج کر دی،
دوسری شادی کے خواہش مند شوہر نے پہلی بیوی کے ساتھ کیا گھناؤنا کام
خواجہ سرا کا یہ کام دوسروں کیلئے مشعل راہ ہے،لاہور ہائیکورٹ
سگی بیٹی کو فحش ویڈیو دکھا کر سفاک باپ سمیت 28 افراد نے کیا ریپ
موبائل میں فحش مواد ڈال کر دینے والا دکاندار گرفتار
فحش ویڈیوز کا دھندہ کرنیوالے 20 ملزمان گرفتار
لاہور سے چار بہنیں اغوا،ماں کی مدعیت میں مقدمہ درج
مدرسہ کے تدریسی کمرہ میں 11 سالہ بچی سے فحش حرکات کرنے والا قاری گرفتار
نکاح کا جھانسہ دیکربیوہ خاتون کے ساتھ گھناؤنا کام کرنیوالا گرفتار
قبل ازیں رواں برس ماہ فروری میں بھی ایسا ہی ایک فیصلہ عدالت نے سنایا تھا، عدالت نے پہلی بیوی سے اجازت نہ لینے پر دولہا کو سزا سنا دی عدالت نے سزا سنائی تو پولیس نے گرفتار کرنے سے دیر نہیں کی، فوری ہتھکڑیاں لگائیں اور حوالات منتقل کر دیا،ملزم غلام رسول کی پہلی بیوی نے اپنے شوہر کے خلاف کیس کیا تھا جس میں کہا گیا تھا کہ میرے شوہر نے دوسری شادی کی ہے اور مجھ سے اجازت نہیں لی، لاہور کی ٹرائل کورٹ نے ملزم کو 6 ماہ قید کی سزا سنائی تھی جب کہ 5 لاکھ 60 ہزار روپے جرمانہ بھی کیا تھا
-
بی آر ٹی پشاور کے کرایوں میں یکم جولائی سے اضافہ کا امکان
شدید ترین مالی خسارے کے باعث آئندہ نئے مالی سال کے بجٹ میں بی آر ٹی کے سبسڈی اڑھائی ارب روپے سے کم کر کے ڈیڑھ ارب روپے کرنے کی تجویز سامنے آگئی ہے جس کے باعث بی آر ٹی کیلئے آئندہ برس سروس جاری رکھنا شدید مشکل ہو جائے گا۔ سبسڈی کم کرنے کے بعد اضافی ملازمین کو فارغ کرنے یا کرایوں میں اضافہ کرنے کی تجاویز پر عمل درآمد کیا جائے گا
رواں مالی سال کے بجٹ میں سابق حکومت کی جانب سے بی آر ٹی پر سبسڈی اڑھائی ارب روپے مختص کئے گئے تھے شدیدترین مالی خسارے کے باعث صوبائی حکومت نے کمپنی کو آدھی رقم جاری کی ہے ۔ محکمہ خزانہ کے ذرائع کے مطابق سبسڈی کے حجم میں کمی کے باعث خدشہ ظاہر کیا جارہا ہے کہ بی آر ٹی کے کرایوں میں یکم جولائی سے اضافہ کیا جائے گا۔ یا پہلے سے موجودہ اضافی ملازمین کو فارغ کیا جائے گا۔55نان آپریشنل بی آر ٹی کی گاڑیوں کے بارے میں بھی رپورٹ طلب کی گئی ہے۔ -
ٹور ڈی سوئس سائیکل ریس میں سائیکلیسٹ خطرناک حادثے کا شکار
ٹور ڈی سوئس سائیکل ریس کے دوران ایک سائیکلسٹ کھائی میں گر کر ہلاک ہوگیا جس کے بعد ریس ملتوی کردی گئی۔سوئٹزرلینڈ سے تعلق رکھنے والے 29 سالہ سائیکلسٹ جینو میدر ریس کے دوران ایک خطرناک حادثے کا شکار ہوئے جنہیں زخمی حالت میں اسپتال منتقل کیا گیا۔سوئس سائیکلسٹ اسپتال میں زخموں کی تاب نہ لاتےہوئے دم توڑ گئے۔ منتظمین نے ٹور ڈی سوئس سائیکل ریس حادثے کے باعث ملتوی کردی ہے جینو میدر ٹور ڈی سوئس میں اپنی ٹیم بحرین وکٹوریس کی نمائندگی کر رہے تھے اور ریس کے پانچویں مرحلے میں حادثے کا شکار ہوگئے۔ریس کے منتظمین کی جانب سے بیان کے مطابق ریس کے پانچویں مرحلے میں جبکہ 200 کلو میٹرز کا فاصلہ طے کیا جاچکا تھا اور ریسرز اختتامی لائن کی جانب بڑھ رہے تھے، سوئس سائیکلسٹ کی تیز رفتار سائیکل امریکن سائیکلسٹ میگنس شیفلڈ سے ٹکراگئی جس کے بعد جینو میدر کھائی میں جا گرے۔منتظمین کے مطابق جینو میدر کھائی کے نیچے پانی میں بے سدھ پائے گئے جنہیں فوری طور پر اسپتال منتقل کیا گیا لیکن وہ جانبر نہ ہوسکے۔امریکی سائیکلسٹ جن سے جینو میدر کی ٹکر ہوئی تھی انہیں بھی شدید چوٹیں آئیں تاہم ان کی حالت خطرے سے باہر ہے۔
-
ہائیبرڈ ماڈل ایک حل ہے،بلیک میلنگ نہیں پی سی بی چئیر مین نجم سیٹھی
چئیر مین پی سی بی نجم سیٹھی کی میڈیا سے گفتگو،ہائیبرڈ ماڈل ایک حل ہے بلیک میلنگ نہیں،جس کے لئے ہم نے بہت محنت کی،نجم سیٹھی کا کہنا ہے کہ انڈین میڈیا نے اس حوالے سے غلط خبریں چلائی،جس سے صاف واضح تھا کہ ہائیبرڈ ماڈل کا نام کسی طرح ورلڈ کپ سے جوڑا جائے،اے سی سی کی پریس ریلیز میں ہائبر ڈ ماڈل کا لفظ استعمال کیا گیا ،بھارت کی تجویز تھی کہ کہ پورا ایشیاء کپ ایک ہی نیوٹرل وینیو پر کیا جائے،نجم سیٹھی نے آگے بتایا کہ انڈیا کا آئی سی سی بڑا اثر و رسوخ ہے تو اپ سوچھے کہ اے سی سی میں کتنا ہوگا، ہمیں ایگزیکٹو کمیٹی میں بھی نہیں بٹھایا جاتا تھا وہاں سے سارے خود ساختہ فیصلے کئے جاتے تھے،اور ہمیں پوچھا بھی نہیں جاتا تھا،اس قسم کے حالات کو بدلنے کے لئے ہمیں بہت محنت کرنی پڑی جس کے لئے دبئی اور بحرین میں کافی خفیہ اور کھلے میٹنگز کئے گئے،تب جا کہ ہم یہاں پہنچے کہ ایشیاءکپ میں ہمیں راستہ ملا،اے سی سی میں ہائبرڈ ماڈل کا نام آنا ہماری کامیابی ہے کیونکہ ایک وقت ایسا آئے کا کہ اس ماڈل کو مکمل طور پر تسلیم کیا جائے گا،، ایک سوال کے جواب میں نجم سیٹھی نے کہا کہ پاکستان، بھارت کے درمیان جہاں بھی میچ ہوگا وہ ’فل ہاؤس‘ ہوگا، ایشین کرکٹ کونسل چاہتا ہے کہ دونوں ممالک کے درمیان دو میچز ہوں اور اگر دونوں کے درمیان فائنل ہوجائے تو پھر مزید بہترہے۔
انہوں نے کہا کہ اگر پاکستان میں کرکٹ کو لانا ہے تو کچھ اقدامات اٹھانے ہوں گے۔
ایک اور سوال پر انہوں نے کہا کہ ایک دوسرے کے پاس جانے کے حوالے سے نہ ہم کوئی فیصلہ کر سکتے ہیں نہ ہی بھارتی کرکٹ بورڈ، بلکہ یہ فیصلہ حکومتیں کر سکتی ہیں، ایشین کرکٹ کونسل کے شیڈول میں بھارت کے مختلف شہروں میں کرکٹ میچز کھیلنے کا کہا گیا مگر حکومت سے منظوری کے بغیر ہم کیسے مںظوری دے سکتے ہیں۔
انہوں نے کہا کہ ہم نےآئی سی سی کو بھی کہا کہ اگر ہماری حکومت سیکیورٹی کے پیش نظر ہمیں اجازت دے گی تو ہم آئیں گے اگر اجازت نہ دی گئی تو نہیں آئیں گے۔