Baaghi TV

Tag: پاکستان

  • مکی آرتھر کا قومی ٹیم کا ہیڈ کوچ مقرر ہونے کا باب بند ہوگیا

    مکی آرتھر کا قومی ٹیم کا ہیڈ کوچ مقرر ہونے کا باب بند ہوگیا

    لاہور: پاکستان کرکٹ بورڈ نے (پی سی بی) نے مکی آرتھر کی کنسلٹنٹ بننے کی پیشکش مسترد کردی ہے جس کے بعد اُنکا قومی ٹیم کا ہیڈ کوچ مقرر ہونے کا قصہ ختم ہوگیا۔کرکٹ بورڈ کی مینجمنٹ کمیٹی نے مکی آرتھر کو ہیڈکوچ بنانے کی آفر کی تھی۔ تاہم مکی آرتھر نے فل ٹائم کوچ کی ذمہ داری لینے کے بجائے کنسلٹنٹ بننے کی پیشکش کی تھی۔

    جس میں رواں برس ستمبر میں شیڈول ایشیا کپ ،اکتوبر نومبر میں بھارت میں ہونے والا ون ڈے ورلڈ کپ سمیت تین ایونٹس کی کنسلٹنسئ شامل تھی۔ مکی آرتھر کے ساتھ معاملات ختم کرنے کے بعد اب پی سی بی حکام نے کسی دوسرے غیرملکی کوچ کے ساتھ رابطہ کرنے کا فیصلہ کیا ہے۔

    قبل ازیں منگل 27 دسمبر کو پی سی بی مینجمنٹ کمیٹی کے سربراہ نجم سیٹھی نے کہا تھا کہ وہ مکی آرتھر کو پہلے بھی لائے تھے اور کھلاڑیوں کے کھیل میں نکھار پیدا کرنے کیلیے اُن سے دوبارہ رابطہ کریں گے۔چیئرمین پی سی بی مینجمنٹ کمیٹی نجم سیٹھی کہتے ہیں مکی آرتھر پارٹ ٹائم کوچنگ کے خواہاں ہیں، ہم پاکستان کیلئے فل ٹائم کوچ رکھیں گے۔ انہوں نے بتایا کہ مکی نے حتمی فیصلے کیلئے مزید وقت مانگا ہے۔

    غیرملکی میڈیا کے مطابق جنوبی افریقی نژاد آسٹریلوی مکی آرتھر نے پاکستان کرکٹ ٹیم کا ہیڈ بننے کی آفر ٹھکرادی، وہ ڈربی شائر سے کنٹریکٹ کرچکے ہیں، وہ کچھ ہفتوں کیلئے کنسلٹنٹ یا پی ایس ایل میں ہیڈ کوچ کا کام کرسکتے ہیں۔

    مکی آرتھر کی جانب سے ہیڈ کوچ بننے سے انکار کے معاملے پر چیئرمین پی سی بی مینجمنٹ کمیٹی نجم سیٹھی نے کہا ہے کہ مکی آرتھر پارٹ ٹائم کوچنگ کے خواہاں ہیں، ہم نے صاف کہہ دیا پاکستان کیلئے فل ٹائم کوچ رکھیں گے۔ان کا کہنا ہے کہ مکی آرتھر نے حتمی فیصلے کیلئے مزید وقت مانگا ہے، مکی آرتھر ایشیاء کپ کے بجائے ورلڈ کپ اور چیمپئنز ٹرافی میں کوچنگ کرنا چاہتے تھے۔

    نجم سیٹھی نے مزید کہا کہ پاکستان کرکٹ ٹیم کیلئے بہترین اور فل ٹائم کوچنگ اسٹاف رکھیں گے۔

  • نامعلوم ملزمان کی وکلاء پر فائرنگ، 1ہلاک 2 زخمی

    نامعلوم ملزمان کی وکلاء پر فائرنگ، 1ہلاک 2 زخمی

    ٹانک: تجوڑی کے قریب نامعلوم موٹر سائیکل سواروں نے وکلاء پر فائرنگ کی جس کی زد میں آکر سینئر قانون دان جاں بحق ہوگئے۔پولیس کے مطابق فائرنگ کا واقعہ خیبرپختونخوا کے ضلع ٹانک میں تجوڑی کے قریب پیش آیا جہاں موٹر سائیکل پر سوار نامعلوم ملزمان نے وکلاء کی گاڑی کو گولیوں سے چھلنی کردیا۔

    فائرنگ کے نتیجے میں سینئر قانون دان دلنواز جاں بحق ہوگئے جب کہ ساتھی وکلاء مصطفٰی اور ابرار زخمی ہیں۔فائرنگ کا واقعہ تھانہ گل امام کی حدود میں پیش آیا تھا جس کی اطلاع ملتے ہی تھانہ گل امام کی پولس نے جائے وقوعہ پر پہنچ کر لاش اور زخمیوں کو ڈی ایچ کیو اسپتال منتقل کروایا۔

    پولیس حکام کا کہنا ہے کہ وکلاء ضلع کچہری سے چھٹی کر کے اپنے گاؤں اماخیل جا رہے تھے۔پولیس نے شواہد اکٹھے کرتے ہوئے واقعے کی تحقیقات کا آغاز کردیا۔گزشتہ چند ماہ سے خیبرپختونخوا میں دہشت گردی کے واقعات میں اضافہ ہوگیا، جس میں سیکیورٹی فورسز کے اہلکاروں اور معروف شخصیات کو نشانہ بنایا جارہا ہے۔

    اوکاڑہ : ایک طرف مہنگائی, دوسری طرف ڈاکو،عوام بے حال

    دوسری طرف سندھ ہائی کورٹ نے مبینہ جعلی پولیس مقابلے میں نوجوان کی ہلاکت کے خلاف درخواست کی سماعت کرتے ہوئے آئی جی سندھ سے رپورٹ طلب کر لی۔دورانِ سماعت عدالتِ عالیہ میں پولیس حکّام کی جانب سے واقعے کی رپورٹ پیش کی گئی۔

    سندھ ہائی کورٹ نے آئی جی سندھ کو انکوائری مکمل کر کے 30 دن میں رپورٹ پیش کرنے کا حکم دے دیا۔عدالت نے حکم دیا کہ پولیس اہلکاروں پر لگائے گئے الزامات سے متعلق مکمل انکوائری کی جائے اور آئی جی سندھ معاملے کی شفاف تحقیقات کر کے 30 دن میں رپورٹ پیش کریں۔

    ڈی جی خان : وقت کی پابندی نہ کرنے پر ورکنگ جرنلسٹ کا آر پی او کی پریس کانفرنس…

    عدالت میں پیش کی گئبی پولیس کی رپورٹ میں مقتول محمد بخش کے خلاف مختلف مقدمات درج تھے۔عدالت نے پولیس رپورٹ پر ریمارکس دیتے ہوئے کہا کہ مقتول کا کرمنل ریکارڈ تھا تو وہ بھی عدالت میں پیش کرنا چاہیے تھا۔

    دوسری جانب درخواست گزار کے وکیل نے عدالت کو بتایا کہ محمد بخش کو پولیس اہلکاروں نے گھر سے اغواء کیا اور اس کی رہائی کے لیے 3 لاکھ روپے مانگے۔درخواست گزار کے وکیل کے مطابق پیسے نہ دینے پر پولیس نے محمد بخش کو جعلی مقابلے میں ہلاک کر دیا۔

  • بھارتی بیس بال ٹیم نےپاکستان آمد کی دعوت قبول کرلی

    بھارتی بیس بال ٹیم نےپاکستان آمد کی دعوت قبول کرلی

    اسلام آباد: بھارتی بیس بال ٹیم نے اسلام آباد میں ہونے والے ویسٹ ایشیا چیمپین شپ ایونٹ کے لیے پاکستان آمد کی دعوت قبول کرلی۔ذرائع کے مطابق پاکستان بیس بال فیڈریشن نے بھارت کو رواں ماہ اسلام آباد میں شیڈول ویسٹ ایشیا چیمپین شپ میں شرکت کی دعوت دی تھی جو اس نے قبول کرلی ہے۔

    پہلا ون ڈے؛ پاکستان کا نیوزی لینڈ کیخلاف ٹاس جیت کر فیلڈنگ کا فیصلہ

    ویسٹ ایشیا بیس بال کپ 25 جنوری سے یکم فروری تک اسلام آباد میں منعقد ہوگا جس میں بھارت، افغانستان، فلسطین،سری لنکا، بنگہ دیش کی ٹیمیں اپنی قسمت آزمائیں گی۔ ایونٹ میں شرکت کرنے والی ٹیموں کو فول پروف سیکیورٹی فراہم کی جائے گی۔

    کیوی بولرفرگوسن کو پاکستان سےون ڈے سیریزمیں سخت مقابلے کی توقع

    پاکستان بیس بال فیڈریشن کے صدر سید فخر شاہ نےبتایا کہ بھارتی ٹیم کی ایونٹ میں شرکت سے خطے میں اسپورٹس کو فروغ حاصل ہوگا، بھارت کی بیس بال فیڈریشن نے دلی میں پاکستانی سفارت خانے کو ویزا کی درخواست دیدی، پاکستانی سیکیورٹی اداروں کی کلیئرنس کے بعد بھارتی کھلاڑیوں کو ویزے جاری کردیئے جائیں گے۔سید فخر شاہ نے مزید بتایا کہ قومی ٹیم کی تیاری کے لیے تربیتی کیمپ پاکستان اسپورٹس کمپلیکس میں جاری ہے۔

    شاہین آفریدی کی ون ڈے اسکواڈ کیساتھ ٹریننگ،بولنگ بھی کرائی،فیلڈنگ بھی کی

  • پاکستان تحریک انصاف ملک دشمن جماعت:ریٹائرڈ بھارتی میجرکا بیان

    پاکستان تحریک انصاف ملک دشمن جماعت:ریٹائرڈ بھارتی میجرکا بیان

    نئی دہلی:پاکستان دشمن بھارتی ریٹائرڈ میجرنےپی ٹی آئی کوملک دشمن قراردیا،اطلاعات کے مطابق سوشل میڈیا پلیٹ فارم پرپاکستان کےخلاف سرگرم بھارتی ریٹآئرڈ میجرگورو آریا نے کہا ہے کہ پاکستان کو بھارت ، اسرائیل اورامریکہ اتنا نقصان نہیں پہنچا سکتے جتنا پاکستان کے اپنے لوگ نقصان پہنچاتے ہیں

    بھارتی ریٹائرڈ میجر گورو آریا نے اس‌حوالے سے اپنے تازہ بیان میں کہا ہے کہ وہ دیکھ رہے ہیں کہ پاکستانی خود ہی پاکستان کو نقصان پہنچا رہے ہیں ، ان کا کہنا تھاکہ جنیوا میں پاکستان اور اقوام متحدہ کے باہمی تعاون سے جو کانفرنس منعقد ہوئی ہے اس میں دنیا کے اکثرممالک کی عدم شرکت اور عدم تعاون کو پاکستان تحریک انصاف کی رہنما شیریں مزاری نے ر پورٹ کیا وہ بہت ہی غلط تاثردے رہی ہیں،

     

     

    بھارتی ریٹائرڈ میجر نے مزید کہا ہے کہ جس طرح‌شیریں مزاریں نے جنیوا میں ہونے والی کانفرنس کو رپورٹ کیا ہے اس سے منفی تاثر جاتا ہے اوریہ منفی تاثرپاکستان کےلیےاچھا نہیں ہے، بھارتی میجر کا یہ بھی کہنا تھاکہ اس بات میں کوئی شک نہیں کہ جتنا نقصان خود پاکستانی اپنے ملک کوپہنچا رہے ہیں‌اس قدر نقصان تو بھارت، امریکہ اوراسرائیل بھی نہیں دے پارہے

     

     

     

    یاد رہے کہ شریں مزاری نے جنیوا میں پاکستان اور اقوام متحدہ کے تعاون سے ہونے والی کانفرنس کو پاکستان کی سفارتی ناکامی قراردیتے ہوئے کہا ہے کہ: قابل رحم حاضری اور یہ جنیوا میں اقوام متحدہ کے چھوٹے ایم ٹی جی رومز میں سے ایک میں ہے کیونکہ یہ وہ جگہ ہے جہاں عام طور پر سائیڈ ایم ٹی جیز کا انعقاد کیا جاتا ہے نہ کہ اہم کانفرنسوں کے اہم اجلاس۔ اس چھوٹے سے پنڈال میں بھی حاضری صرف پاکستانی اہلکاروں کی ہی لگتی ہے

    بھارتی ریٹائرڈ میجر نے شیریں مزاری کے ان ریمارکس کو ملک دشمنی قراردیتے ہوئے کہا ہےکہ پی ٹی آئی یہ رویہ انتہائی قابل شرم ہے اورمجھ جیسا شخص بھی اسے پاکستان کےخلاف سازش سمجھتا ہے

  • ڈالرکی قلت سےدالوں کے 6ہزارکنٹینرز بندرگاہوں پر پھنس گئے

    ڈالرکی قلت سےدالوں کے 6ہزارکنٹینرز بندرگاہوں پر پھنس گئے

    کراچی: ملک میں ڈالرکی قلت سےدالوں کے 6ہزارکنٹینرز بندرگاہوں پر پھنس گئے ہیں،اس حوالے سے پاکستان میں آئیندہ چند مہینوں میں دالوں کے بحران کو اہم لیا جارہا ہے ، اس حوالے سے تاجرون نے بھی کچھ خدشات ظاہر کیے ہیں ، ان پھنسے ہوئے کنٹینرزپرشپنگ کمپنیاں 48 ملین ڈالر ڈیٹینشن چارجز امپورٹرز سے وصول کرچکی ہیں۔تاجروں کا یہ کہنا ہے کہ اگر ان کنٹینرز کو ریلیز نہ کیا گیا تو ماہ رمضان المبارک میں دالوں کی رسد و قیمتوں کا نیا بحران پیدا ہو جائے گا۔اس حوالے سے یہ بھی معلوم ہوا ہے کہ تاجروں نے حکومت سے اس معاملے جو جلد حل کرنے کی اپیل بھی کی ہے

    پاکستان کی مدد کرنے پرسیکرٹری یو این بین الاقوامی برادری کے مشکور

    کراچی پورٹ پر رکے ہوئے دال کے ان کنٹینروں کے بارے میں کراچی ہول سیل گروسز ایسوسی ایشن کے چیئرمین عبدالرؤف ابراہیم نے کراچی چیمبر کے نائب صدر حارث اگر، پلس امپورٹرز ایسوسی ایشن کے فراز احمد و دیگر ہمراہ کے پریس کانفرنس کرتے ہوئے کہا کہ بندر گاہ پر طویل دورانیے تک کنٹینر رکنےسےدالیں خراب ہونے کا اندیشہ ہے جبکہ ڈیمریج چارجز کا بوجھ بھی بڑھتا جا رہا ہے۔

    اوکاڑہ : ایک طرف مہنگائی, دوسری طرف ڈاکو،عوام بے حال

    کراچی ہول سیل گروسز ایسوسی ایشن کے چیئرمین عبدالرؤف ابراہیم نے بتایا کہ ملک میں پہنچنے والی دالوں کی مالیت 1.5ارب ڈالر ہے۔ رؤف ابراہیم نے حکومت کو تجویز دی کہ وہ ملک میں پہنچنے والی دالوں کی کنسائمنٹس کو ریلیز کرنے کے بعد قومی مفاد میں دالوں سمیت ہر قسم کی درآمدات پر پابندی عائد کر دے اور دالوں کے امپورٹ پرمٹس معطل کر دے۔کراچی چیمبر کے نائب صدر حارث اگر نے کہا کہ ڈالر نہ ملنے سے گھی و تیل کے جہاز بھی پورٹس پر پھنس گئے ہیں۔

    ولی عہد محمد بن سلمان کا پاکستان میں سرمایہ کاری میں اضافے کا جائزہ لینے کی ہدایت

    کراچی ہول سیل گروسز ایسوسی ایشن کے چیئرمین عبدالرؤف ابراہیم نے کہا کہ اسٹیٹ بینک نے دالوں کو ترجیحی فہرست میں نہیں ڈالا، پورٹس پر پھنسا مال کلیئر نہ ہوا تو سندھ میں دالوں، گھی اور تیل کا بحران پیدا ہوگا جبکہ قیمتوں میں ہوشربا اضافہ بھی ہو جائے گا۔کراچی چیمبر کے نائب صدر نے بتایا کہ ملک میں مسور، لوبیا، کالا چنا سمیت 80فیصد دالیں درآمد ہوتی ہیں۔

  • نیب نے شجاعت عظیم کیخلاف جاری کارروائی ختم کر دی

    نیب نے شجاعت عظیم کیخلاف جاری کارروائی ختم کر دی

    نیب نے شجاعت عظیم کیخلاف جاری کارروائی ختم کر دی

    سپریم کورٹ میں قومی ایئرلائن میں بھرتیوں کی اجازت دینے کی درخواست پر سماعت جسکے بعد سابق مشیر ہوابازی شجاعت عظیم کو نیب اور سپریم کورٹ سے بڑا ریلیف مل گیا ہے. نیب نے شجاعت عظیم کیخلاف جاری کارروائی ختم کر دی ہے اور اس حوالے سے نیب نے سابق مشیر ہوا بازی شجاعت عظیم کے خلاف کارروائی ختم کرکے رپورٹ سپریم کورٹ میں پیش کردی ہے۔

    سپریم کورٹ میں جسٹس اعجازالاحسن کی سربراہی میں 3 رکنی بینچ نے قومی ایئرلائن میں بھرتیوں کی اجازت دینے کی درخواست پرسماعت کی۔ نیب نے کارروائی ختم کرنے کا تحریری فیصلہ سپریم کورٹ میں پیش کر دیا۔ نیب کی رپورٹ پر سپریم کورٹ نے شجاعت عظیم کا نام پی آئی اے نجکاری کیس سے نکال دیا۔

    ایڈیشنل اٹارنی جنرل کا کہنا تھا کہ شجاعت عظیم پہلے 2013 پھر 2014 سے 2017 تک مشیر ہوابازی رہے۔بطور مشیر ہوابازی شجاعت عظیم کوئی تنخواہ یا مراعات نہیں لیتے تھے۔ سپریم کورٹ نے استفسار کیا کہ پی آئی اے میں پہلے ہی ضرورت سے زائد ملازمین ہیں تو مزید بھرتیاں کیوں ضروری ہیں؟ ایڈیشنل اٹارنی جنرل نے کہا کہ تفصیلی رپورٹ جمع کرائیں گے کہ کیوں مزید بھرتیاں درکار ہیں۔ پی آئی اے کے بیرون ملک بھی ملازمین ہیں۔ پی آئی اے حکومت سے سالانہ 40 ملین ڈالر مانگ رہی ہے۔ عدالت نے کیس کی سماعت آئندہ 19 جنوری تک ملتوی کردی۔
    مزید یہ بھی پڑھیں؛
    سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی. خواجہ سعد رفیق
    کائنات کی ابتدا میں موجود ہماری کہکشاں سے مشابہ کہکشائیں دریافت
    سندھ حکومت کا ہیریٹیج اور آثار قدیمہ کی حفاظت کیلئے فنڈ قائم کرنے کا فیصلہ
    چھٹیوں کے دوران ملازمین کو تنگ کرنے پر ہوگا ڈھائی لاکھ روپے جرمانہ
    خیال رہے کہ جولائی 2013 میں وزیر اعظم کے مشیر ہوا بازی شجاعت عظیم نے اپنا استعفیٰ وزیر اعظم کو بھجوایا تھا۔ شجاعت عظیم دہری شہریت کے باعث اپنے عہدے سے مستعفی ہوئے تھے۔ سپریم کورٹ میں شجاعت عظیم کی دہری شہریت کے بارے میں کیس زیرسماعت تھا ۔ اٹارنی جنرل نے عدالت کو یقین دہانی کرائی تھی کہ شجاعت عظیم استعفیٰ دے دیں گے ۔ جبکہ اس روز سے قبل اٹارنی جنرل آف پاکستان منیر اے ملک نے سپریم کورٹ میں پی آئی اے میں مالی بے ضابطگیوں کے کیس کی سماعت کے دوران عدالت کو آگاہ کیا تھا کہ وزیر اعظم کے مشیر برائے ہوا بازی شجاعت عظیم نے اپنے عہدے سے استعفیٰ دے دیا ہے، منیر اے ملک کا کہنا تھا کہ شجاعت عظیم دہری شہریت کے حامل تھے، ان کے پاس کینیڈا کی شہریت تھی ان کا کورٹ مارشل بھی ہوا تھا۔ اس پر چیف جسٹس نے منیر ملک کے بیان کو قبول کر تے ہوئے انہیں ہدایت کی تھی کہ وہ شجاعت عظیم کے استعفے کی منظوری کا نوٹیفیکیشن عدالت میں پیش کریں۔ چیف جسٹس افتخار محمد چوہدری کی سربراہی میں بنچ نے کیس کی مزید سماعت آئندہ پیر تک کیلئے ملتوی کر دی تھی۔

  • کبریٰ خان کیخلاف سوشل میڈیا مہم بارے ایف آئی اے نے عدالت میں رپورٹ پیش کردی

    کبریٰ خان کیخلاف سوشل میڈیا مہم بارے ایف آئی اے نے عدالت میں رپورٹ پیش کردی

    کبریٰ خان کیخلاف سوشل میڈیا مہم: ایف آئی اے نے عدالت میں رپورٹ پیش کردی

    وفاقی تحقیقاتی ادارے (ایف آئی اے) نے اداکارہ کبریٰ خان کی درخواست پر سندھ ہائیکورٹ میں جواب جمع کرادیا۔ سندھ ہائیکورٹ میں اداکارہ کبریٰ خان کی میجر (ر) عادل فاروق راجہ کے خلاف درخواست پر سماعت ہوئی جس دوران عدالت میں ایف آئی اے نے کبری خان کے خلاف مہم چلانے والے سوشل میڈیا اکاؤنٹس سے متعلق رپورٹ پیش کی۔

    ایف آئی اے کی رپورٹ میں بتایا گیا کہ کبریٰ خان کی درخواست پر کارروائی شروع کردی ہے، کبریٰ خان کے خلاف مہم چلانے والے تمام اکاؤنٹس بلاک کرنے کیلئے پی ٹی اے کو معاملہ بھیج دیا گیا ہے، ساتھ ہی پی ٹی اے کو یوٹیوب ، ٹوئٹر ، انسٹا گرام سمیت دیگر اکاؤنٹس بلاک کرنے کیلئے کہہ دیا گیا ہے۔ عدالت نے درخواست گزار کو ایف آئی اے کی انکوائری میں تعاون کی ہدایت کردی اور سماعت 23 جنوری تک ملتوی کردی۔
    مزید یہ بھی پڑھیں؛
    سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی. خواجہ سعد رفیق
    کائنات کی ابتدا میں موجود ہماری کہکشاں سے مشابہ کہکشائیں دریافت
    سندھ حکومت کا ہیریٹیج اور آثار قدیمہ کی حفاظت کیلئے فنڈ قائم کرنے کا فیصلہ
    چھٹیوں کے دوران ملازمین کو تنگ کرنے پر ہوگا ڈھائی لاکھ روپے جرمانہ
     واضح رہے کہ اداکارہ کبریٰ خان نے یوٹیوبر کے خلاف عدالت سے رجوع کیا تھا، اداکارہ کی جانب سے دائر درخواست میں کہا گیا تھاکہ یو ٹیوبر اور سابق فوجی افسر نے میڈیا انڈسٹری کی چار اداکاراؤں کے خلاف جھوٹے الزامات لگا کر ان کی تذلیل کی، جھوٹے اور من گھڑت الزامات سے میری اور دیگر اداکاراؤں کی عزت ووقار کو مجروح کیا گیا۔

  • یمن پر چوبیس گھنٹے میں سعودی اتحاد کی 70مرتبہ سیزفائر کی خلاف ورزی

    یمن پر چوبیس گھنٹے میں سعودی اتحاد کی 70مرتبہ سیزفائر کی خلاف ورزی

    صنعا:یمنی ذرائع ابلاغ کے مطابق سعودی اتحاد نے گزشتہ چوبیس گھنٹوں میں یمن کے صوبے الحدیدہ میں ہوائی حملے، میزائل اورتوپخانے سے حملے جاری رکھے ہوئے ہیں اور 70 مرتبہ سعودی اتحاد اوریمنی انصاراللہ کے درمیان سیزفائر معاہدے کی خلاف ورزی کی ہے۔اطلاعات کے مطابق یمنی المسیرہ کے مطابق سعودی اتحاد نے یمن کے صوبے الحدیدہ میں جاسوس ڈرون طیاروں کے ذریعے یمنی ہوائی فضائی حدود کی خلاف ورزی کی اور تین مرتبہ حیس کے علاقے میں بمباری کی۔

    ولی عہد محمد بن سلمان کا پاکستان میں سرمایہ کاری میں اضافے کا جائزہ لینے کی ہدایت

    رپورٹ کے مطابق الحدیدہ صوبے کے مختلف علاقوں میں سعودی اتحاد کے راکٹ اور توپخانے کے حملے بھی جاری ہیں جن میں حیس اور الجبلیہ کے علاقوں کو نشانہ بنایا جارہا ہے۔اقوام متحدہ کی مدد سے یمنی انصاراللہ اور سعودی اتحاد کے درمیان سیزفائر کا اعلان کیا گیا تھا جس کی مدت ختم ہونے کے بعد اس میں کئی مرتبہ اضافہ کیا گیا ہے۔

    پاکستان کا پرانا حج کوٹہ بحال،عمر کی حد بھی ختم

    یمنی وزیراعظم کے دفاع اورسیکورٹی کے مشیر جنرل جلال الرویشان نے کہا تھا کہ نہ جنگ اورنہ صلح کی حالت ایک خطرہ ہے اور ہمارا یمنی قوم اور اپنے ذمہ داروں پر پورا اعتماد ہے۔اس سے پہلے یمنی کی سیاسی شوری کے صدر مہدی المشاط نے کہا تھا کہ سعودی اتحاد کی جانب سے بار بار کی خلاف ورزی سے سیزفائرتقریبا ختم ہو کر رہ گیا ہے۔

    110 سال قبل ڈوبنے والے ٹائی ٹینک جہاز سے ملنی والی گھڑی 98 ہزار پاؤنڈز میں نیلام

    یاد رہے کہ سعودی عرب نے26مارچ 2015 کو خطے کے سب سے یمن پر اپنے اتحاد کی مدد سے حملہ کر دیا تھا ۔ یمن میں جاری آٹھ سالہ جنگ میں یمنی انفراسٹرکچر کی نابودی، ہزاروں افراد کی شہادت اورزخمیوں کے باوجود سعودی اتحاد یمن میں اپنے اہداف حاصل کرنے میں بری طرح ناکام رہا ہے۔

  • پی ایس ایل 2023 میں دنیا کے صف اول کے کھلاڑی لیگ کا حصہ ہونگے

    پی ایس ایل 2023 میں دنیا کے صف اول کے کھلاڑی لیگ کا حصہ ہونگے

    پی ایس ایل 2023 میں دنیا کے صف اول کے کھلاڑی لیگ کا حصہ ہونگے

    آپ سب کو معلوم ہوگا کہ پی ایس ایل کی آمد آمد ہے اور پی ایس ایل کی افتتاحی تقریب ملتان میں منعقد ہوگی جس کا پہلا میچ دفاعی چیمپئن لاہور قلندرز اور ملتان سلطانز کے درمیان کھیلا جائے گا۔ پی ایس ایل کا فائنل قذافی اسٹیڈیم لاہور میں کروانے کی تجویز دی گئی ہے۔ پی ایس ایل کے میچز لاہور، کراچی، ملتان اور راولپنڈی اسٹیڈیم میں کھیلے جائیں گے۔ پی ایس ایل کے لیے تمام ٹیمیں 9 فروری تک اکٹھی ہوجائیں گی جبکہ ٹورنامنٹ کا آغاز 13 فروری کو ہوگا اور فائنل 19 مارچ کو کھیلا جائے گا۔


    پاکستان سپر لیگ (پی ایس ایل) کے آٹھویں ایڈیشن کے لیے ڈرافٹ ہوا، جہاں دنیا کے صف اول کھلاڑیوں کو فرنچائز نے پک کیا۔  وہی پلاٹیننم کیٹیگری کے پہلے رؤانڈ میں لاہور قلندرز نے فخر زمان کو پک کیا جبکہ کوئٹہ گلیڈی ایٹرز نے سری لنکا کے ونندو ہسارانگا کو اپنی ٹیم میں شامل کروایا۔ اس پک کے دوران ملتان سلطانز نے نسیم شاہ کو پک کیا لیکن کوئٹہ نے آر ٹی ایم کا استعمال کرتے ہوئے اسے نسیم کو پک کرنے سے روک دیا جس کے بعد ملتان سلطانز کو دوبارہ پک دی گئی اور اس مرتبہ انہوں نے جنوبی افریقہ سے تعلق رکھنے والے ڈیوڈ ملر کو اپنی ٹیم کے لیے پک کیا۔  راؤنڈ ون کے دوران کراچی کنگز نے آسٹریلیا کے میتھیو ویڈ، اسلام آباد یونائیٹڈ نے انگلینڈ کے ایلکس ہیلز اور پشاور زلمی نے سری لنکا کے بھانوکا راجپکسے کو منتخب کیا۔


    اسی کیٹیگری کے دوسرے راؤنڈ میں کوئٹہ گلیڈی ایٹرز نے نسیم شاہ کو پک کیا، پشاور زلمی نے ویسٹ انڈیز کے رومین پاول کو اپنی ٹیم میں شامل کیا۔  افغانستان کے جارح مزاج بلے باز رحمان اللّٰہ گرباز کو اسلام آباد یونائیٹڈ نے پک کیا، جنوبی افریقی کرکٹر عمران طاہر کو کراچی کنگز نے پک کیا جبکہ ملتان سلطانز نے آئرلینڈ کے جوش لٹل کو اپنی ٹیم کا حصہ بنایا۔ ڈائمنڈ کیٹیگری کے پہلے راؤنڈ میں اسلام آباد یونائیٹڈ نے افغانستان کے فضل حق فاروقی کو منتخب کیا۔ اس کیٹیگری میں افغانستان کے مجیب الرحمان کو پشاور زلمی نے اپنی ٹیم کے لیے پک کیا۔ لاہور قلندرز نے حسین طلعت کو پک کیا، کوئٹہ گلیڈی ایٹرز نے ویسٹ انڈیز کے اوڈین اسمتھ، کراچی کنگز نے جیمز وینس اور جیمز فلر کو اپنی ٹیم کے لیے پک کیا۔


    گولڈ کیٹیگری ون میں پشاور زلمی نے دانش عزیز، کوئٹہ گلیڈی ایٹرز نے احسان علی کو پک کیا۔  زمبابوین کرکٹر سکندر رضا کو لاہور قلندرز نے پک کیا، ویسٹ انڈیز کے عقیل حسین کو ملتان سلطانز نے پک کیا۔  آسٹریلیا کے اینڈریو ٹائے کو کراچی کنگز، انگلینڈ کے لیام ڈاؤسن کو لاہور قلندرز اور ارشد اقبال کو پشاور زلمی نے پک کیا۔ جبکہ سلور کیٹیگری راؤنڈ ون میں نوجوان لیگ اسپنر ابرار احمد کو اسلام آباد یونائیٹڈ نے پک کیا، عمید آصف کو کوئٹہ گلیڈی ایٹرز نے، طیب طاہر کو کراچی کنگز نے، اسامہ میر کو پشاور زلمی نے، صائم ایوب کو پشاور زلمی نے جبکہ دلبر حسین کو لاہور قلندرز نے پک کیا۔ 

    سلور کیٹیگری راؤنڈ 2 میں پشاور زلمی نے عثمان قادر کو، صہیب مقصود کو اسلام آباد یونائیٹڈ نے، عثمان خان کو ملتان سلطانز نے، محمد اخلاق کو کراچی کنگز نے پک کیا۔  لاہور قلندرز نے مرزا طاہر بیگ جبکہ کوئٹہ گلیڈی ایٹرز نے محمد زاہد کو پک کیا۔ سلور کیٹیگری کے تیسرے راؤنڈ میں لاہور قلندرز نے احمد دانیال اور ملتان سلطانز نے ثمین گل کو پک کیا۔ جبکہ اسلام آباد یونائیٹڈ نے رومان رئیس جبکہ انور علی اور محمد سرور آفریدی کو ملتان سلطانز نے پک کیا۔


    ایمرجنگ کیٹیگری کے پہلے راؤنڈ میں کراچی کنگنز نے عرفان خان نیازی، پشاور زلمی نے صفیان مقیم، اسلام آباد یونائیٹڈ نے ذیشان ضمیر، کوئٹہ گلیڈی ایٹرز نے عبدالواحد بنگلزئی اور لاہور قلندرز نے شاہویز عرفان کو منتخب کیا. جبکہ ایمرجنگ کیٹیگری کے دوسرے راؤنڈ میں اسلام آباد یونائیٹڈ، پشاور زلمی اور کوئٹہ گلیڈی ایٹرز نے اپنی اپنی پکس میں بالترتیب حسان نواز، نصیب اللّٰہ خان اور ایمل خان کو منتخب کیا۔ اسی طرح سپلیمنٹری کیٹیگری کے راؤنڈ میں پشاور زلمی نے نیوزی لینڈ کے جمی نیشم، ملتان سلطانز نے انگلینڈ کے عادل رشید، کوئٹہ گلیڈی ایٹرز نے نیوزی لینڈ کے مارٹن گپٹل، لاہور قلندرز نے جورڈن کوز اور اسلام آباد یونائیٹڈ نے معین علی کا انتخاب کیا۔

    سپلیمنٹری کیٹیگری کے دوسرے راؤنڈ میں کوئٹہ گلیڈی ایٹرز نے عمیر بن یوسف، کراچی کنگز نے محمد عمر اور جنوبی افریقہ کے تبریز شمسی، لاہور قلندرز نے افغانستان کے جالات خان، ملتان سلطانز نے عرفات منہاس اور اسلام آباد یونائیٹڈ نے مبصر خان کو پک کیا۔


    دوسری جانب اگر پی ایس ایل فائیو کی بات کریں تو اس بارے میں سابقہ حکومت کے دور میں 90 کروڑ 80 لاکھ روپے سے زائدکی مبینہ بےضابطگیوں کاانکشاف ہوا ہے، عمران خان کے دور حکومت میں پاکستان کرکٹ بورڈ میں یہ مبینہ بے ضابطگیاں ہوئیں۔ آڈیٹر جنرل نے قواعد کےخلاف مختلف کمپنیوں کو پیشگی ادائیگیوں پر اعتراضات لگا دیے۔ دستاویز کے مطابق پی ایس ایل فائیو کی افتتاحی تقریب پر بھاری اخراجات کیے گئے، افتتاحی تقریب میں24 کروڑ 10 لاکھ روپے اڑائے گئے۔ یہ انکشاف بھی ہوا ہے کہ وینڈرز سے بینک گارنٹی حاصل کیے بغیر پیشگی ادائیگیاں کی گئیں، پی ایس ایل فائیو کیلئے خلاف ضابطہ رابطہ اور پروٹوکول آفیسر کی تقرری کی گئی، میرٹ کے خلاف 6 کروڑ 10 لاکھ روپے گرافک اور ٹرک برینڈنگ رائٹس دیے گئے۔ خیال رہے کہ پی ایس ایل 5 پہلی بار مکمل طور پر پاکستان میں منعقد ہوا تھا۔ افتتاحی تقریب کراچی میں ہوئی تھی۔

  • برطانیہ کایوکرین کو چیلنجر2مین بیٹل ٹینک فراہم کرنےکاپروگرام

    برطانیہ کایوکرین کو چیلنجر2مین بیٹل ٹینک فراہم کرنےکاپروگرام

    روس یوکرین جنگ میں برطانیہ یوکرین کو اپنے سب سے اہم جنگی ٹینک چیلنجر 2فراہم کرنے کا جائزہ لے رہا ہے جس سے روس اوریوکرین کے درمیان کشیدگی مزید بڑھنے کا اندیشہ ہے ،سکائی نیوز کے مطابق برطانوی حکومت نے پہلی مرتبہ یوکرین کو اپنے چیلنجر2 مین بیٹل ٹینک فراہم کرنے کا امکان کا جائزہ لینا شروع کر دیا ہے جو یوکرین کو 10 کی تعداد میں فراہم کئے جائیں گے۔

    افغانستان کے ٹنل میں آئل ٹینکردھماکے سے پھٹ گیا؛ 19 جاں بحق اور 32 زخمی

    رپورٹ کے مطابق گزشتہ چند ہفتوں سے برطانوی حکام اور یوکرین کے درمیان چیلنجر2 ٹینکوں کی فراہمی کےلئے مذاکرات جاری ہیں لیکن ابھی تک اس حوالے سے رشی سونک کی حکومت نے کوئی حتمی فیصلہ نہیں کیا جاسکا ہے۔ اگر برطانیہ نے یوکرین کو یہ ٹینک فراہم کئے تو وہ پہلا ملک ہوگا جو روس یوکرین جنگ کے دوران جدید ترین ٹینک فراہم کرے گا۔

    جی 77:پاکستانی مذاکرات کاروں نے کوپ27 میں اہم معاہدہ کیا،ڈائریکٹر امریکی تھنک ٹینک…

    رپورٹ میں بتایاگیا ہے کہ چیلنجر 2مین بیٹل ٹینک میدان جنگ میں بہت زیادہ تیزرفتاری اور پھرتی سے حرکت اورحملہ کرنے کی صلاحیت رکھتا ہے۔اس ٹینک کا اصلی ہدف دشمن کے زرہ پوش ٹینکوں، توپوں، فوجی گاڑیوں کی تباہی بتایا جاتا ہے۔

    110 سال قبل ڈوبنے والے ٹائی ٹینک جہاز سے ملنی والی گھڑی 98 ہزار پاؤنڈز میں نیلام

    روس یوکرین جنگ میں برطانیہ کی جانب سے ان جدید ہتھیاروں کی فراہمی کی صورت میں روس اور یورپ کے درمیان کشیدگی بڑھنے کا امکان شدت اختیار کر رہا ہے جو نہ صرف یورپ بلکہ ساری دنیا کو متاثر کرسکتا ہے۔