راولپنڈی:پاکستان کے خلاف تین ٹیسٹ میچوں کی سیریز میں انگلینڈ کی جانب سے کم عمر ترین لیگ اسپنر ریحان احمد کو بھی کھلائے جانے کا امکان ہے۔
پاکستان اور انگلینڈ کے درمیان تین ٹیسٹ میچوں کی سیریز کا آغاز یکم دسمبر سے ہو رہا ہے اور دونوں ٹیموں کے درمیان پہلا میچ راولپنڈی میں کھیلا جائے گا۔
لیسٹر شائر کی جانب سے کھیلنے والے لیگ اسپنر ریحان احمد بھی انگلش اسکواڈ میں شامل ہیں اور ان کی عمر اس وقت 18 سال اور 102 دن ہے، اگر انہیں پاکستان کے خلاف ٹیسٹ ٹیم کا حصہ بنایا جاتا ہے تو وہ برین کلوز کا ریکارڈ توڑ دیں گے جنہوں نے 18 سال اور 149 دن میں 1949 میں انگلینڈ کی جانب سے نیوزی لینڈ کے خلاف میچ کھیلا تھا۔
اس حوالے سے انگلینڈ کے ہیڈ کوچ برینڈن میکلم کا کہنا ہے کہ ہمیں انداز ہے کہ ریحان اپنی مکمل طور پر کھیلنے کے لیے تیار نہیں ہے لیکن بین اسٹوکس، میں اور دیگر کوچز کو اس کی سوچ پسند ہے۔
برینڈن میکلم نے مزید کہا کہ پاکستان کے خلاف سیریز کے لیے اسکواڈ کا حصہ بننا بھی ریحان احمد کو مستقبل میں بہت فائدہ دیگا اور وہ آگے چل کر ہمارے اسکواڈ کا حصہ ہو گا۔
یاد رہے کہ انگلینڈ کی ٹیم 2005کے بعد پہلی بار پاکستان میں ٹیسٹ سیریز کھیلنے کے لیے آ رہی ہے، 2009 میں سری لنکن ٹیم پر لاہور میں ہونے والے حملے کے بعد پاکستان میں بین الاقوامی کرکٹ کے دروازے بند ہو گئے تھے۔
آرمی چیف تقرری؛ وزیر دفاع نے وزیراعظم ہاؤس کو سمری موصول ہونے کی تصدیق کردی
خبردار۔!ایوان اقتدارمیں تھرتھلی۔24گھنٹےاہم:اعظم سواتی،بیگم تہجدگزار،بیٹا شراب کا سوداگر۔ثبوت حاضر ہیں۔
جی ایچ کیو نے آرمی چیف اور چیئرمین جوائنٹ چیفس آف اسٹاف کی تعیناتی کی سمری بھجوا دی، آئی ایس پی آر
فیروز نڈیاڈوالا اکشے کمار کے بغیر ویلکم 2 اور آوارہ پاگل دیوانہ 2 بنائیں گے؟
جنوبی وزیرستان میں دہشت گردوں سے مقابلے میں پاک فوج کا جوان شہید
