Tag: پاکستان

امیر جماعت اسلامی سراج الحق نے کہا کہ سیلابی علاقوں میں ریلیف کے حکومتی اقدامات ناکافی، لوگ شکایتیں کر رہے ہیں۔ ڈھائی ماہ کے دوران مختلف علاقوں میں گیا، کوئی وزیر مشیر متاثرین کے درمیان نظر نہیں آیا۔ حکمران بیرونی امداد کے منتظر ہیں کہ کب پیسہ آئے اور وصول کریں۔ سرکاری امداد کی تقسیم میں کرپشن کسی صورت قبول نہیں کی جائے گی۔ سیلاب کے دوران وفاقی اور صوبائی حکومتوں کی لڑائیاں ختم نہیں ہوئیں، پی ڈی ایم اور پی ٹی آئی کی مفادات کے لیے جنگ عروج پر ہے، دونوں اطراف کی سیاست جھوٹ کی بنیاد پر چلتی ہے۔ پی ٹی آئی کے چیئرمین سیاست کے لیے پشاور چلے گئے، سیلاب متاثرین کا حال لینے اپنے آبائی علاقے میانوالی نہیں گئے۔ سیلاب سے ساڑھے تین کروڑ افراد متاثر، لوگوں کے گھر بار، مال مویشی پانی میں بہہ گئے، حکمرانوں کو پروا نہیں۔ حیرت ہے کہ حکومت کے پاس تاحال متاثرین کا ڈیٹا تک موجود نہیں۔ مختلف سرکاری محکموں کے دوران کوآرڈی نیشن نظر نہیں آ رہی۔ فلڈ ڈیزاسٹر مینجمنٹ کے اداروں کو ہر سال اربوں روپے کے فنڈز ملتے ہیں، جب کوئی آفت آتی ہے تو یہ بری طرح ایکسپوز ہو جاتے ہیں۔ ملک کے تمام شعبوں میں ریفارمز کی ضرورت ہے، آزمائے ہوئے لوگوں سے بہتری کی توقع نہیں، اہل اور ایمان دار لوگ آگے آئیں گے تو ملک ترقی کرے گا۔

متاثرین کی مدد کے لیے قوم کا جذبہ سنہری الفاظ میں لکھا جائے گا، عطیات دینے میں لوگوں نے جس طرح جماعت اسلامی اور الخدمت فاؤنڈیشن پر اعتماد کیا ہم ان کے شکرگزار ہیں، بحالی تک خدمات جاری رکھیں گے۔ ہمارا مقصد قوم کی خدمت اور ملک کو اسلامی فلاحی مملکت بنانا ہے۔ ان خیالات کا اظہار انھوں نے راولپنڈی میں سیلاب متاثرین کے لیے ڈونرز کانفرنس سے خطاب کرتے ہوئے کیا۔ اس موقع پر امیر جماعت اسلامی پنجاب شمالی ڈاکٹر طارق سلیم، سیکرٹری اطلاعات قیصر شریف اور دیگر قائدین بھی موجود تھے۔ امیر جماعت گلگت بلتستان کے سیلابی علاقوں کا دورہ کر کے بدھ کی رات اسلام آباد پہنچے تھے۔ قبل ازیں انھوں نے گلگت میں ملی یکجہتی کونسل کے زیر اہتمام اتحاد امت کانفرنس سے بھی خطاب کیا۔ دیگر مقررین میں امیر جماعت اسلامی آزاد کشمیر و گلگت بلتستان ڈاکٹر خالد محمود، شیخ مرزا علی صدر ملی یکجہتی کونسل گلگت بلتستان شیخ مرزا علی، صدر مجلس وحدت مسلمین علامہ نیئر عباس اور اپوزیشن لیڈر گلگت بلتستان اسمبلی امجد حسین ایڈووکیٹ بھی شامل تھے۔

سراج الحق نے کہا کہ معیشت کی تباہی کی ذمہ دار موجودہ اور سابقہ حکومتیں ہیں۔ پاکستان وسائل سے مالا مال ملک ہے، لیکن حکمرانوں کی کرپشن اور بیڈ گورننس کی وجہ سے آج ملک کا تمام دارومدار بیرونی قرضوں پر رہ گیا ہے۔ سیلاب زدگان کی مدد کے لیے بھی وفاقی اور صوبائی حکومتیں بیرونی ممالک کی طرف دیکھ رہی ہیں۔ انھوں نے کہا کہ ہماری حتی الامکان کوشش ہے کہ مصیبت میں اپنے بہن بھائیوں کی مدد کے لیے مقامی سطح پر ہی فنڈز اکٹھے کریں۔ انھوں نے کہا کہ الخدمت فاؤنڈیشن کو بیرون ملک پاکستانیوں نے بھی دل کھول کر عطیات دیے ہیں جس کے لیے ہم سب کے شکرگزار ہیں۔ انھوں نے کہا کہ گلگت بلتستان کے دورہ کے دوران انھوں نے دیکھا کہ حکومت متاثرین کی بروقت امداد میں ناکام ہوئی، ایک گھر کے آٹھ افراد سیلاب میں بہہ گئے، ایک دوسال کی بچی کو دوکلومیٹر پانی کی لہروں میں بہنے کے بعد نکالا گیا، اس کی والدہ اور بڑا بھائی شہید ہوگئے۔ ریاست کا فرض ہے کہ تمام متاثرین کی کفالت کو یقینی بنائے۔ وفاقی وصوبائی حکومتیں سنجیدگی دکھائیں، سرکاری امداد کی تقسیم میں شفافیت ہو اور لوگوں کو گھروں کی تعمیر کے لیے فی الفور رقم دی جائے۔

گلگت میں اتحاد امت کانفرنس سے خطاب کرتے ہوئے سراج الحق نے کہا کہ تمام مکتبہ فکر کے علما کی اولین ذمہ داری ہے کہ وہ امت مسلمہ کے تصور کومدِ نظر رکھتے ہوئے آپسی بھائی چارہ اور اتحاد و اتفاق کو فروغ دیں۔ دشمن ملک کے خلاف سازشوں میں مصروف ہیں۔ بھارت مقبوضہ کشمیر میں ظلم و جبر کی داستانیں رقم کررہا ہے۔ مقبوضہ وادی میں ہماری بہنوں بیٹیوں کی عزتیں محفوظ نہیں، منبرو محراب پر حملے ہورہے ہیں۔ ہمارے حکمران خاموش تماشائی بنے بیٹھے ہیں اور ان سے سوائے بزدلی اور خاموشی کے اور کوئی توقع بھی نہیں ہے۔ ان حالات میں علمااور اکابرین امت کی ذمہ داری ہے کہ مظلوم مسلمانوں کے حق میں ہرسطح پر آواز بلند کریں۔ انھوں نے کہا کہ پوری دنیا میں مسلمانوں کو چن چن کر نشانہ بنایا جارہا ہے۔ یہودی فلسطین پر قابض، برما اور بھارت میں مسلمان دربدر، یورپ و امریکہ میں اسلاموفوبیا عام ہے۔ ہمیں متحد ہوکر ان چیلنجز اور مشکلات سے نبرد آزما ہونا ہے۔ اللہ تعالیٰ کی مدد و نصرت ہمیں اسی وقت نصیب ہوگی جب ہم اللہ کی رسی کو مضبوطی سے تھام کر دین کی سربلندی کے لیے اور ظلم و جبر کے خلاف کھڑے ہوں گے۔

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

لاہور:والدین اپنے بچوں کے مستقبل کے تباہ ہونے پراس قدر غمزدہ ہیں کہ ان کوکچھ سمجھ نہیں آرہی ہےکہ وہ کیا کریں اور کدھرجائیں ، شاید یہی وجہ ہے کہ والدین نے آخری امید کے طورپروزیرتعلیم پنجاب اوروزیراعلیٰ‌پنجاب کواپنے درد کی دکھ بھری کہانی سنانی شروع کردی ہے ،

یہ کہانی نہیں بلکہ حقیقت ہے کہ یہ نسل نو ہی قوم کا ، خاندان کا اورمعاشرے کا مستقبل ہوتے ہیں اور اگر اس مستقبل کو تاریک کردیا جائے تو پھر ملک وقوم تباہی کے دہانے پر پہنچ جاتے ہیں اورجواس وقت اس قوم کی نسل نو کے ساتھ ہورہا ہے یہ مستقبل میں ہونے والی تباہی اورپریشانی کے ابتدائی سنگلز ہیں‌ کہ جن پرنظرثانی کرکے قوم کے نونہالوں کے مستقبل کو تباہ ہونے سے بچایا جاسکتا ہے

لاہور بورڈ نے 9 ویں‌کلاس کے نتائج کا اعلان کیا تو ایسے بھیانک نتائج سامنے آگئے کہ والدین سمیت معاشرے کے دیگرطبقات کے پیروں تلے زمین نکل گئی

بڑی بڑی شہرت والے سکولوں کے مایوس کن نتائج نے والدین اور فیل ہونے والے بچوں کو بھی مایوس کردیا ہے،بالکل مایوس کُن نتائج ، والدین نے اپنی جمع پونجی اپنی اولاد کی تعلیم وتربیت پرخرچ کردی لیکن جو نتائج سامنے آئے ہیں اس سے ثابت ہوگیا کہ تعلیمی اداروں میں تربیت نام کی چیز پہلے موجود نہیں تھی اب تعلیم کا بھی جنازہ نکل گیا ہے

ایسا ہی کچھ حال پنجاب کے بڑے بڑے ہائی سکولوں کا ہے کہ جن میں زیرتعلیم بچوں کو 9 ویں کلاس کے نتائج نے ان سرکاری تعلیمی اداروں کی قلعی کھول کررکھ دی ہےکہ جہاں بڑی بڑی بھاری تنخواہیں لینے والے اساتذہ سکولوں میں اپنی حاضری لگوانے جاتےہیں کہ ان کی سیلری پر کوئی رکاوٹ نہ بنے ، وہ پڑھانےکے لیے نہیں جاتے

ان سرکاری سکولوں میں قصورضلع کے ایک مشہورقصبے موکل کا بھی حال ایسا ہی ہے ، یہ وہ اسکول ہے کہ جس کے فارغ التحصیل طالب علم دنیا بھر میں اپنا اور اپنے قصبے اوراپنے ملک کا نام روشن کرچکے ہیں

اس گاوں کے دونوں ہائی سکولز جن میں گورنمنٹ بوائے ہائی سکول اور گورنمنٹ گرلز ہائی سکول شامل ہیں ، ان دنوں‌ ان دونوں اداروں میں زیرتعلیم 9ویں کلاس کے بچوں کے تباہ کُن نتائج نے اساتذہ کی کریڈبلٹی پرسوالیہ نشان لگا دیا ہے کہ اتنی بھاری تنخواہیں لینے کے باوجود بھی اگرطالب علم پاس نہ ہوسکیں توپھروالدین ، معاشرے کے دیگرافراد کا حق تو بنتا ہے کہ وہ اس سانحہ پراعلیٰ حکام سے پوچھ سکیں کہ آخر ان کا قصور کیا کہ وہ مہنگائی کے اس دور میں اپنے بچوں کی تعلیم وتربیت کی خاطرسب کچھ قربان کررہے ہیں لیکن اس کے باوجود نتائج مایوس کن ہیں،الٹا ان کی امیدوں پرپانی پھیردیا گیا ہے

گورنمنٹ بوائزہائی اسکول (11036)میں 84 میں سے صرف 22 طالب علم پاس ہوئے ہیں جبکہ گورنمنٹ گرلز ہائی سکول(12036) کی 158 طالبات میں سے صرف 58 طالبات ہی پاس ہوسکیں

جو پاس ہوئے ان کے نمبراس قدرکم اورمایوس کن ہیں کہ ان کا مستقبل تاریک ہوگیا ہے ، اب وہ کسی دوڑ میں شامل نہیں ہوسکتے ہیں ، نمبرز اتنے کم ہیں‌کہ وہ کبھی میرٹ پر نہیں‌آسکتے ، ان کے راستے بند ہوچکے ہیں، والدین بھی پریشان حال ہیں اور انکو بھی کچھ دکھائی نہیں دے رہا کہ وہ اب کیا کریں‌ اور کدھر جائیں

قوم خود آزمائش میں رہ کر اپنے پیٹ کاٹ کرسرکاری اساتذہ کی بھاری بھرکم تنخواہوں کا بندوبست کرنے کے لیے ٹیکس کی صورت میں ادا کررہےہیں ، اساتذہ کو تو عین الیقین ہے کہ ان کو کچھ نہیں ہوگا ، ان کے اپنے بچے پرائیویٹ تعلیمی اداروں میں پڑھتے ہیں اور ان کا اندراج سرکاری سکولوں میں ہوتا ہے تاکہ اعلیٰ حکام کو بے وقوف بنایا جاسکے لیکن اس میں غریب عوام کا کیا قصور ہے

ہے کوئی جو غم کی اس گھڑی میں والدین کو کوئی امید دلا سکے ، والدین کو ان کے بچوں کے تاریخ مستقبل کوروشنی کی کرن دے سکے ، اب آخری امید صوبے کے وزیرتعلیم مراد راس صاحب ہیں یا پھرصوبے کے وزیراعلیٰ چوہدری پرویز الٰہی صاحب، اب ان کے دل میں‌والدین کے اس دکھ کا کتنا درد ہے یہ تو پتا چلے گا ان کے فیصلوں سے ، اور اگراب بھی کچھ نہ ہوسکا توپھروالدین اپنے بچوں کوان سرکاری تعلیمی اداروں میں نہیں بھیجیں گے جس سے ایک خطرناک بحران جنم لے سکتا ہے ، حکومتوں‌ کو پہلے شرح خواندگی کے مسائل کا سامنا ہے ، ان حالات میں اگروالدین مایوسی کی صورت میں سرکاری تعلیمی اداروں کا بائیکاٹ کرتے ہیں تو پھرایک اور بحران جنم لے سکتاہے جس کے اصلا ذمہ دار تو اساتذہ ہیں مگراس کا خمیازہ حکمرانوں کو عوام کی ناراضگی کی صورت میں بھگتنا پڑسکتا ہے

لاہور:سابقہ گلوکارہ رابی پیرزادہ نے والدین کو بچوں کی تربیت کے حوالے سے ایک مشورہ دیا ہے۔ٹوئٹر پر جاری پیغام میں رابی پیر زادہ کا کہنا تھا کہ ہم خود اپنا مستقبل اپنی نسلیں تباہ کر رہے ہیں، جو اصل خواجہ سرا ہیں وہ عزت دار اور شرم والے لوگ ہوتے ہیں لیکن اکثر لوگ مشہور ہونے کے لیے خود خواجہ سرا بن رہے ہیں۔

رابی پیرزادہ نے والدین سے درخواست کی کہ اللہ کا واسطہ اپنی اولاد کو اس فتنے سے محفوظ رکھیں، یہ ہماری قوم کو تباہ کرنے کی سازش ہے، اپنے بچوں کو کہیں ٹرانس جینڈرز کی عزت کریں لیکن انہیں فولو نہ کریں۔

حکومت کی طرف سے اس بل کی منظوری کے بعد جو صورت حال مستقبل میں دکھائی دے رہی ہے اس کے حوالے سے ان کا کہنا تھا کہ انھوں نے مزید لکھا کہ ہمارے معاشرے میں ایک ٹرینڈ بن گیا ہے کہ ٹرانس جینڈرز (خواجہ سراؤں)کو پروموٹ کرنا ہے وہ بھی تعلیم اور نوکری پر نہیں بلکہ الٹی سیدھی حرکتوں اور باتوں پر، نئی نسلُ بھی ان کی طرف راغب ہو رہی ہے۔

سابقہ گلوکارہ نے اپنے پیغام میں مزید لکھا کہ اسکول کے بچے بھی ان کو فولو کرتے ہیں، سوشل میڈیا پیجز ان کو پروموٹ کرتے ہیں، قومِ لوط بھول گئے؟

یاد رہے کہ ٹرانس جینڈر افراد کے حقوق کے تحفظ کیلئے قومی اسمبلی سے ٹرانس جینڈر ایکٹ 2018 منظور کیا گیا جس کےبارے میں ماہرین قانون اورعلمائے کرام کا کہنا ہے کہ اتحادی جماعتوں پر مشتمل حکومت نے ہم جنس پرستی کی حمایت کرنے والا بل منظور کیا ہے۔

یہ بل ن لیگ نے جمیعت علمائے اسلام (ف)، پیپلز پارٹی، ایم کیو ایم، اے این پی، بی این پی مینگل، بی اے پی، جمہوری وطن پارٹی اور دیگر تمام اتحادیوں کے ہمرا ہم جنس پرستی کا بل منظور کر لیا۔ ہم جنس پرستی والا ٹرانس جینڈر ایکٹ مئی 2018 میں جمعیت العلما کے اتحادی شاہد خاقان عباسی کے دور میں پاس ہوا

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس