Baaghi TV

Tag: پاکستان

  • انگلینڈ نے تیسرے ٹی 20 میچ میں پاکستان کو 63 رنز سے شکست دے دی

    انگلینڈ نے تیسرے ٹی 20 میچ میں پاکستان کو 63 رنز سے شکست دے دی

    کراچی:تیسرے ٹی 20 میچ میں انگلینڈ نے پاکستان کو جیت کیلئے 222 رنز کا پہاڑ جیسا ہدف دے دیا تھاجو پاکستانی ٹیم حاصل نہ کرسکی اور یوں تیسرے ٹی 20 میچ میں انگلینڈ نے پاکستان کو 63 رنز سے شکست دے دی۔

    نیشنل سٹیڈیم کراچی میں کھیلے جارہے تیسرے ٹی 20 میچ میں قومی ٹیم کے کپتان بابراعظم نے ٹاس جیت کر انگلش قائد معین علی کو پہلے بیٹنگ کی دعوت دی۔

    انگلینڈ اننگز

    مہمان ٹیم کی جانب سے فل سالٹ اور ول جیکس نے اننگز کا آغاز کیا جبکہ محمد حسنین نے پہلا اوور کرایا۔شروع میں دونوں اوپنرز نے جارحانہ انداز میں بیٹنگ کی کوشش کی، تاہم تیسرے اوورز کی پہلی گیند پر حسنین نےفل سالٹ کو پویلین بھیجا، انہوں نے 6 گیندوں پر آٹھ سکور بنائے۔

    ون ڈاؤن آنے والے ڈیوڈ ملان اور ڈیبیو کرنے والے وِل جیکس نے سکور کو آگے بڑھایا اور چند خوبصورت شاٹس کھیلے، تاہم ساتویں اوورز میں لیگ سپنر عثمان قادر کی گیند پر ڈیوڈ ملان حیدر علی کو کیچ دے بیٹھے۔ لیفٹ ہینڈ بیٹر 15 گیندوں پر 14 سکور بنا سکے، 9 ویں اوورز میں ایک مرتبہ پھر وکٹ عثمان قادر کے حصے میں آئی، وِل جیکس کو 82 کے مجموعی سکور پر پویلین بھیج دیا، انہوں نے 22 گیندوں پر 40 رنز بنائے۔

    پاکستان پلیئنگ الیون

    دوسرے ٹی 20 کے لئے پاکستان کی پلیئنگ الیون میں کپتان بابر اعظم، وکٹ کیپر محمد رضوان، حیدر علی، شان مسعود، افتخار احمد، خوشدل شاہ، محمد نواز، عثمان قادر، حارث رؤف، شاہنواز دھانی اور محمد حسنین شامل ہیں۔

    انگلینڈ پلیئنگ الیون

    انگلینڈ کی ٹیم میں تین تبدیلیاں کی گئی ہیں، انگلش پلیئنگ الیون میں کپتان معین علی، فل سالٹ، ول جیکس، ڈیوڈ ملان، بین ڈکٹ، ہیری بروک، سیم کرن، ریسی ٹاپلی، مارک ووڈ، لیام ڈاسن اور عادل رشید شامل تھے۔

    بابر اعظم

    ٹاس جیتنے کے بعد قومی ٹیم کے کپتان بابر اعظم نے کہا کہ آج کی پچ بھی اچھی لگی رہی ہے، 150 سے لیکر 180 سکور ہدف حاصل کیا جا سکتا ہے، میری باڈی اچھا محسوس کر رہی ہے لیکن مسلسل میچز کھیلنا آسان نہیں ہے۔

    معین علی

    مہمان ٹیم کے کپتان معین علی نے کہا کہ ہم ٹاس جیتے تو پہلے بولنگ کرتا، حریف ٹیم کے خلاف بڑا سکور کریں گے، اس کے بعد جلد وکٹیں حاصل کرنے کی کوشش کریں گے، گزشتہ روز ہم نے اچھی کرکٹ کھیلی، آخری دس اوور زیادہ اچھے نہیں تھے لیکن شاہینوں نے غیر معمولی طور پر اچھا کھیلا۔

    خیال رہے کہ 7 میچوں کی سیریز اب تک 1،1 میچ سے برابر ہے، قومی ٹیم نے کپتان بابر اعظم اور رضوان کی دھواں دار بلے بازی کی بدولت دوسرے ٹی 20 میں مہمان ٹیم کو 10 وکٹوں سے تاریخی شکست دی تھی، پاکستان کی جانب سے بابر اعظم نے ہدف کا تعاقب کرتے ہوئے سنچری مکمل کی۔

  • پاکستان اورانگلینڈ کے درمیان تیسرا ٹی 20 میچ:کون جیتے گا؟ دونوں ٹیموں نے امیدیں لگالیں

    پاکستان اورانگلینڈ کے درمیان تیسرا ٹی 20 میچ:کون جیتے گا؟ دونوں ٹیموں نے امیدیں لگالیں

    کراچی :پاکستان اور انگلینڈ کے درمیان تیسرا ٹی 20 میچ آج کراچی کے نیشنل اسٹیڈیم میں کھیلا جائے گا۔صدرمملکت ڈاکٹر عارف علوی پاک انگلینڈ مقابلہ دیکھنے کے لیے نیشنل اسٹیڈیم آئیں گے۔

     

    پاک انگلینڈ ٹی 20 میچز کی سیریز میں مجموعی طور پر 7 میچز شیڈول ہیں۔ پہلے میچ میں پاکستان کو انگلینڈ نے شکست دی تھی جب کہ دوسرا میچ پاکستان کے نام رہا۔

    صدرمملکت ڈاکٹر عارف علوی پاک انگلینڈ مقابلہ دیکھنے کے لیے نیشنل اسٹیڈیم آئیں گے۔عارف علوی اور ان کے اہل خانہ کے لیے وی آئی پی گیلری میں جگہ مختص کر دی گئی ہے۔

    اسٹیڈیم میں صدر مملکت کی آمد کے حوالے سےسیکیورٹی انتظامات سخت کئےگئے ہیں۔پاکستان انگلینڈ کا تیسرا ٹی 20 میچ رات ساڑھے سات بجے شروع ہوگا۔

    جس کے لیے ابھی تھوڑی دیربعد ٹاس کے ذریعے بیٹنگ اور فیلڈنگ کا فیصلہ کیا جائے گا

  • لاہور:پاکستان اورانگلینڈ کےدرمیان میچ کےلیےزبردست انتظامات کیےگئے ہیں:ملک تیمورمسعود

    لاہور:پاکستان اورانگلینڈ کےدرمیان میچ کےلیےزبردست انتظامات کیےگئے ہیں:ملک تیمورمسعود

    لاہور:صوبائی وزیر کھیل و امور نوجوانان ملک تیمور مسعود نے کہا ہے کہ پاک انگلینڈ ٹی 20کرکٹ سیریز کے لاہور میں 28ستمبر سے 2اکتوبر تک ہونیوالے میچزکے لئے بہترین انتظامات کررہے ہیں، جمعۃ المبارک کوا پنے بیان میں انہوں نے کہا ہے کہ انگلینڈ کی کرکٹ ٹیم 17سال بعد پاکستان آئی ہے،

    صوبائی وزیرکھیل و امورنوجوانان ملک تیمور مسعود نے کہا ہے کہ پاک انگلینڈ ٹی 20کرکٹ سیریز میں بہت دلچسپ میچز ہورہے ہیں، لاہور میں ہونیوالے تین میچز کی بھرپور تیاریاں کی جارہی ہیں، انتظامات کو حتمی شکل دیدی گئی ہے،

    صوبائی وزیر کھیل و امور نوجوانان ملک تیمور مسعود نے مزیدکہا ہے کہ شائقین کرکٹ کو بہترین سہولیات فراہم کی جائیں گی، نشتر پارک سپورٹس کمپلیکس کے تمام سی سی ٹی وی کیمرے فعال ہیں جس سے نشترپارک سپورٹس کمپلیکس کے کونے کونے کی سی سی ٹی وی کیمروں سے نگرانی کی جائے گی،

    انہوں نے کہا ہے کہ نیشنل ہاکی سٹیڈیم میں 30بستروں کا عارضی ہسپتال بھی بنایا جائے گا جس میں تمام سہولیات میسر ہوں گی، تمام محکموں کا کوآرڈینیشن سنٹر بھی قائم کیا جائیگا جس میں ہر محکمے کے افسران میچز کے دوران موجود رہیں گے، ان کا کہنا تھا کہ پاک انگلینڈ ٹی 20کرکٹ سیریز میں شائقین کو اچھی کرکٹ دیکھنے کو ملے گی۔

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • پاکستان اسٹاک ایکسچینج دباؤ سےنہ نکل سکی

    پاکستان اسٹاک ایکسچینج دباؤ سےنہ نکل سکی

    کراچی :پاکستان اسٹاک ایکسچینج کاروباری ہفتے کے آخری روز بھی دباؤ سے نہ نکل سکی۔پاکستان اسٹاک ایکسچینج میں جمعرات کو 500 پوائنٹس کی ریکوری بھی آج مارکیٹ کو نہ سنبھال سکی۔جمعہ کو 100 انڈیکس 307 پوائنٹس کم ہوکر 40620 پوائنٹس پر بند ہوا۔

    سرمایہ کاروں کا کہنا ہے کہ سیاسی صورتحال میں بہتری سے اسٹاک مارکیٹ ری باؤنڈ ہوسکتی ہے۔سیلاب کے باعث عالمی اداروں کا مثبت تعاون اسٹاک مارکیٹ کیلئے اہم ہوگا۔یہ بھی کہا گیا کہ شیئرز کی قیمتیں بہت نیچے ہیں،اس لئے لانگ ٹرم سرمایہ کاری فائدہ دے گی۔

    پاکستان میں سونے کی فی تولہ قیمت میں 850 روپے کی کمی ہوئی ہے۔جمعہ کو سونے کی فی تولہ قیمت 1 لاکھ 53 ہزار 850 روپے ہوگئی۔10گرام سونے کی قیمت 728 روپے کی کمی سے 1لاکھ 32 ہزار 630 روپے پر آگئی۔عالمی مارکیٹ میں 24 ڈالر کی کمی سے فی اونس سونا 1645 ڈالر پر آگیا ہے۔

    ادھر دوسری طرف انٹر بینک میں 15 روز سے مسلسل مہنگے ہوتے ڈالر کی قدر میں پہلی بار کمی آگئی۔جمعہ کو انٹر بینک میں ڈالر 6 پیسے سستا ہوکر 239 روپے 65 پیسے پر بند ہوا۔ اوپن کرنسی مارکیٹ میں بھی ڈالر کی قیمت فروخت 244 روپے پر آگئی۔

    اس سے قبل جمعرات کوانٹر بینک میں دن کے اختتام پر ڈالر239.71 روپے پر بند ہوا تھا جب کہ اوپن مارکیٹ میں ڈالر 244 روپے پر بند ہوا تھا۔

    کرنسی ڈیلرز کا کہنا تھا کہ پاکستان کے قرضے موخر ہونے اور آئی ایم ایف شرائط نرم ہونے کی توقع پر روپے کو سہارا ملا۔انھوں نے کہا کہ پاکستان کے کرنٹ اکاؤنٹ خسارے میں قابلِ ذکر کمی کا بھی روپے پر مثبت اثر پڑا۔

    ڈیلرز کا یہ بھی کہنا تھا کہ امپورٹرز کو بینکوں سے ڈالرز دستیاب نہیں،قیمت بڑھتی دیکھ کر ایکسپورٹرز نے اپنے ڈالرز روک لئے تھے۔کرنسی ڈیلرز کا کہنا تھا کہ سیلاب کے بعد درآمدی ضروریات کے لئے ڈالر کی طلب میں اضافہ ہوا اور آئی ایم ایف کی ایکسچینج ریٹ کو فری فلوٹ رکھنے کی شرط نے بھی صورتحال دشوار کردی۔

  • بلوچستان میں80 فیصدگیس چوری:سالانہ 14ارب روپےکانقصان

    بلوچستان میں80 فیصدگیس چوری:سالانہ 14ارب روپےکانقصان

    کوئٹہ :بلوچستان میں 80 فیصد گیس چوری:سالانہ 14 ارب روپے کا نقصان ،اطلاعات کے مطابق سوئی سدرن گیس کمپنی کے حکام نے انکشاف کیا ہے کہ بلوچستان میں گیس چوری کی شرح 80 فیصد اور اس کے نقصانات 51 فیصد ہیں۔

    سینیٹرعبدالقادر کی زیر صدارت سینیٹ کی قائمہ کمیٹی برائے پٹرولیم کا اجلاس ہوا، جس میں سوئی سدرن گیس کمپنی کے حکام نے سردیوں میں بلوچستان میں گیس لوڈشیڈنگ پر بریفنگ دیتے ہوئے بتایا کہ مقامی گیس سپلائی میں 400ایم ایم سی ایف ڈی کمی آئی، اور بلوچستان میں گیس کا 14ارب کا نقصان ہو رہا ہے۔

    حکام سوئی سدرن نے انکشاف کیا کہ سب سے زیادہ بلوچستان میں 80 فیصد گیس چوری ہو رہی ہے، سندھ میں گیس چوری کے نقصانات 10 فیصد ہیں، جب کہ بلوچستان میں گیس چوری اور نقصانات51 فیصد ہیں۔

    ممبر کمیٹی سرفراز بگٹی کا کہنا تھا کہ سردیوں میں بلوچستان میں مائنس ٹمپریچر والے علاقوں میں لوڈشیڈنگ نہیں ہونی چاہیئے، گارنٹی دیں کہ ان علاقوں میں گیس لوڈشیڈنگ نہیں ہوگی۔کمیٹی نے وزارت پیٹرولیم سے سردیوں میں گیس لوڈشیڈنگ کا پلان مانگ لیا۔

    چیئرمین اوگرا مسرور خان نے پٹرولیم مصنوعات کی ڈی ریگولیشن پر بریفنگ دیتے ہوئے بتایا کہ فرنس آئل اور ایچ او بی سی کو پہلے ڈی ریگولیٹ کیا جاچکا، ہرملک میں صارفین کو دیکھتے ہوئے ڈی ریگولیشن کی گئی، ہماری کوشش ہے کہ پٹرول اور ڈیزل کی جلد ازجلد ڈی ریگولیشن کی طرف جائیں۔

    سینیٹر دنیش کمار نے اعتراض اٹھاتے ہوئے کہا کہ وزیر مملکت برائے پٹرولیم اجلاس کیوں نہیں آئےَ، کمیٹیوں کی کوئی افادیت اور اوقات نہیں۔سینیٹر محسن عزیز نے کہا کہ ملک بحران سے گزر رہا ہے، اور ہم اس میں مگن ہیں کہ وزیراعظم کون بنے گا، ملک اس وقت ڈوب رہا ہے۔

    محسن عزیز نے مزید کہا کہ ہمارا مسابقتی کمیشن سویا ہوا ادارہ ہے،مختلف سیکٹرز پرجرمانوں کے باوجود صورتحال بہتر نہیں ہوئی، ہمیں اس وقت ڈی ریگولیشن کا سوچنا بھی نہیں چاہیئے۔چیئرمین قائمہ کمیٹی نے کہا کہ کمپنیوں کے درمیان مقابلے سے عوام کو ریلیف ملے گا۔سینیٹر فدا محمد نے اعتراض کیا کہ ڈی ریگولیشن کے بعد اوگرا کی کیا ضرورت رہ جائے گیَ۔ جس پر چئیرمین اوگرا نے جواب دیا کہ ڈی ریگولیشن کا مطلب یہ نہیں کہ ہمارے ادارے کا کنٹرول نہیں رہے گا۔

    محسن عزیز نے کہا کہ ایس ای سی پی نے سیمنٹ، اسٹیل، کاریں، فارماسیوٹیکل اور یوریا سیکٹر سمیت کس شعبے میں ایکشن لیا، ہم اس اسٹیج پر پٹرولیم مصنوعات کی ڈی ریگولیشن کیوں کرنے جارہے ہیں۔سیکرٹری پٹرولیم علی رضا بھٹہ نے کہا کہ پاکستان میں آئل مارکیٹ کا 55 فیصد شئیر پی ایس او کا ہے، کم شیئر کے باعث دیگر کمپنیاں کارٹلائزیشن نہیں کرسکیں گی۔

    سینیٹر محسن عزیز نے پیٹرولیم مصنوعات ڈی ریگولیٹ کرنے کی مخالفت کرتے ہوئے کہا کہ کمپنیاں گٹھ جوڑ کر کے نرخ بڑھا دیں گی، مارکیٹ میں ہر دوسرے پیٹرول پمپ پر قیمت مختلف ہے، ناجائز منافع خوری بڑھے گی، ایک اور مافیا کا اضافہ ہوگا۔

  • پاکستان اورچین مخالف ہزاروں ٹوئٹراکاؤنٹس کوبھارت کی طرف سےآپریشنل کرنےکا انکشاف

    پاکستان اورچین مخالف ہزاروں ٹوئٹراکاؤنٹس کوبھارت کی طرف سےآپریشنل کرنےکا انکشاف

    اسلام آباد: بھارتی شرپسندی کا پردہ فاش؛ پاکستان اور چین مخالف ہزاروں ٹوئٹر اکاؤنٹس کا انکشاف،اطلاعات کے مطابق بھارت کے اوچھے ہتھکنڈے ایک بار پھر بے نقاب ہوگئے۔ پاکستان اور چین کو نشانہ بنانے والے ہزاروں بھارتی اکاؤنٹ پکڑے گئے۔

    بھارت کی پاکستان اور چین خلاف مکروہ کارروائیاں ایک بار پھر پکڑی گئیں۔ ٹوئٹر نے پاکستان اورچین پر حملہ کرنے والے ہزاروں بھارتی ٹوئٹر اکاؤنٹس کا پتا لگا کر انہیں بند کردیا۔

    خود کو کشمیری ظاہر کرنے والے ہزاروں ٹوئٹر اکاؤنٹس اصل میں بھارتی دارالحکومت نئی دہلی سے چلائے جارہے تھے اور ان اکاؤنٹس کے ذریعے پاکستان اور چین کو نشانہ بنایا جا رہا تھا۔ ٹوئٹر نے 24 اگست کو ان اکاؤنٹس کو پکڑا اور بند کردیا۔

    اس سے قبل آسٹریلیا کی ایک یونیورسٹی نے بھی بھارت سے چلائے جانے والے جعلی اکاؤنٹس کی نشاندہی کی تھی اور اب امریکا کی اسٹینفورڈ یونیورسٹی نے بھی بھارت کا بھانڈہ پھوڑ دیا۔ گزشتہ برس یورپی یونین نے بھی بھارت کو رنگے ہاتھوں پکڑا تھا۔ سائبر جنگ میں بھارت پہلے بھی خفت اٹھا چکا ہے۔ سوشل میڈیا پر بھارت سے باضابطہ معافی مانگنے کا مطالبہ کیا جا رہا ہے۔

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • ایران: مظاہروں میں 17 افراد جاں بحق، امریکی پابندیاں لگ گئیں

    ایران: مظاہروں میں 17 افراد جاں بحق، امریکی پابندیاں لگ گئیں

    تہران :ایران میں مظاہروں کے دوران 17 افراد جاں بحق ہوگئے، امریکا نے ایران کی اخلاقی پولیس پر پابندی کا اعلان کردیا۔امریکا نے مہسا امینی کے مبینہ قتل اور پرامن مظاہرین کے خلاف طاقت کے استعمال پر ایران کی اخلاقی پولیس اور سات اعلیٰ سیکیورٹی عہدیداروں پر پابندیوں کا اعلان کیا ہے۔

    امریکی سیکریٹری آف اسٹیٹ انٹونی بلنکن کی جانب سے جاری بیان میں کہا گیا ہے کہ مہسا امینی کی موت المناک اور سفاکانہ ہے جس کی امریکا پر زور مذمت کرتا ہے۔

    انٹونی بلنکن نے کہا کہ پرامن مظاہرین کے خلاف طاقت کے استعمال پر امریکا ایران کی اخلاقی پولیس اور اعلیٰ سیکیورٹی اہلکاروں پر پابندیاں عائد کررہا ہے جو انسانی حقوق کی سنگین خلاف ورزیوں میں ملوث ہیں۔

    امریکی اسٹیٹ سیکریٹری انٹونی بلنکن نے کہا ایرانی حکومت خواتین پر مظالم کو ختم اور پرامن احتجاج کا حق دے، امریکا ایران میں انسانی حقوق کی حمایت جاری رکھے گا اور اسکی خلاف ورزی کرنے والوں کا محاسبہ کرے گا۔

    22 سالہ مہسا امینی کو تہران میں اخلاقی پولیس نے 13 ستمبر کو ٹھیک سے اسکارف نہ پہننے پر گرفتار کیا تھا، اخلاقی پولیس کی حراست کے دوران مہسا امینی مبینہ تشدد سے کوما میں چلی گئی تھیں اور تین دن بعد ہسپتال میں دم توڑ گئی تھیں۔

    مہسا امینی کی موت کی خبر آتے ہی ایران میں ہنگامے پھوٹ پڑے تھے اور اب تک پرتشدد مظاہروں میں 3 سیکیورٹی اہلکاروں سمیت 17 افراد جاں بحق ہوچکے ہیں۔

    جن ایرانی سیکیورٹی افسران پر امریکا نے پابندی عائد کی ہے ان میں اخلاقی پولیس کے سربراہ محمد رستمی، اخلاقی پولیس تہران کے سربراہ احمد مرزائی، ایران کے وزیر برائے انٹیلی جنس اسماعیل خاطب، غیر مسلح مظاہرین کو کنٹرول کرنے والی باسج فورس کے ڈپٹی کمانڈر سالار ابنوش، لاء انفورسمنٹ فورس کے ڈپٹی کمانڈر قاسم رضائی، ایل ای ایف کے چہار محل اور بختیاری صوبوں کے کمانڈر منوچہر امان االلہ اور ایرانی فوج کی گراؤنڈ فورسز کے کمانڈر کیومرس حیدری شامل ہیں۔

    واضح رہے کہ ایران کی اخلاقی پولیس اسلامی اخلاقیات کے احترام کو یقینی بنانے اور غیر مناسب لباس پہنے ہوئے افراد کو حراست میں لینے کا کام کرتی ہے، ایرانی قانون کے تحت خواتین کا حجاب پہننا لازمی اور چست لباس پہننے پر پابندی ہے۔

  • ‏سابق چیئرمین کشمیر کمیٹی شہریار خان آفریدی کے کوہاٹ میں آبائی گھر پر گرینیڈ حملہ

    ‏سابق چیئرمین کشمیر کمیٹی شہریار خان آفریدی کے کوہاٹ میں آبائی گھر پر گرینیڈ حملہ

    کوہاٹ:‏سابق چیئرمین کشمیر کمیٹی شہریار خان آفریدی کے کوہاٹ میں آبائی گھر پر گرینیڈ حملے کی اطلاعات ہیں ، یہ بھی معلوم ہواہے کہ اس حملے کی سی سی ٹی وی فوتیجزبھی سوشل میڈیا پروائرل ہوگئی ہیں ،

    تفصیلات کے مطابق نامعلوم افراد نے گرینیڈ شہریار آفریدی کے گھر پر پھینکا تاہم وہ گھر کے گیٹ کے قریب گر کر پھٹ گیا
    گرینیڈ حملہ کی سی سی ٹی وی فوٹیج میں گرینیڈ کو پھٹتے دیکھا جا سکتا ہے

     

    اس حوالے سے یہ بھی معلوم ہوا ہے کہ شہریارآفریدی اس وقت گھر پر موجود نہیں تھے ،

     

    پاکستان تحریک انصاف کے رہنما سینیٹر اعجاز چوہدری نے شہریار آفریدی کے گھر پر ہونے والے حملے سے متعلق ٹوئٹ کرتے ہوئے کہا کہ تحریک انصاف کے مرکزی رہنما شہریار آفریدی کے گھر میں کریکر بم سے حملہ ہوا ہے۔

    انہوں نے کہا کہ اللّٰہ کریم ان کی حفاظت فرمائے اور پاکستان کے دُشمنوں کو نیست و نابود فرمائے۔

     

     

     

  • پاکستان کرکٹ ٹیم کی شاندارجیت پرقومی رہنماوں کا کھلاڑیوں کوخراج تحسین

    پاکستان کرکٹ ٹیم کی شاندارجیت پرقومی رہنماوں کا کھلاڑیوں کوخراج تحسین

    لاہور:پاکستان کرکٹ ٹیم کی شاندارجیت پرقومی رہنماوں کا کھلاڑیوں کوخراج تحسین کا سلسلہ جاری ہے ، یاد رہے کہ 7 میچز پر مشتمل ٹی ٹوئنٹی سیریز کے دوسرے میچ میں پاکستان نے شاندار بیٹنگ کرتے ہوئے انگلینڈ کا 200 رنز کا پہاڑ جیسا ہدف حاصل کرلیا۔

    پاکستان نے بابر اور رضوان کی شاندار اننگز کی بدولت 200 رنز کا ہدف آخری اوور میں پورا کرکے انگلینڈ کے خلاف 10 وکٹوں سے کامیابی حاصل کی اور سیریز ایک ایک سے برابر کردی۔

     

    پاکستان کی شاندار کارکردگی پر وزیراعظم شہباز شریف نے بھی ٹوئٹ کرکے تعریف کی ہے۔
    شہباز شریف نے لکھا کہ ’150 پر صفر اور اب 203 پر صفر، رضوان اور بابر۔‘ اس کے ساتھ انہوں نے پاکستانی پرچم اور تالیوں کا ایموجی استعمال کیا۔

     

    وزیراعلیٰ پنجاب چوہدری پرویز الیہی نے بھی پاکستان کی شاندارجیت پر خوشی کا اظہارکیا ہے اور پاکستان کرکٹ ٹیم کو مبارکباد دی ہے،

    وزیراعلی پنجاب چودھری پرویزالٰہی نے خراج تحسین پیش کرتے ہوئے کہا ہے کہ شاباش بابر، شاباش رضوان۔۔۔

     

     

    چوہدری پرویزالٰہی کا کہنا تھا کہ بابر اعظم نے سنچری کرکے کیپٹن اننگز کھیلی ۔رضوان نے ہمیشہ کی طرح آج بھی اپنی کلاس ثابت کی ۔دونوں بلے بازوں نے پاور فل ہٹنگ سے انگلینڈ کا حساب برابر کر دیا۔

     

    چودھری پرویزالٰہی کاکہنا تھا کہ پاکستانی اوپنرز نے 199 رنز کا بڑا ہدف آسانی سے پورا کیا۔بابر اور رضوان کی شاندار بلے بازی کے سامنے انگلش باولرز بے بسی کی تصویر بنے رہےقومی کرکٹ ٹیم کو جیت پر مبارکباد دیتا ہوں۔یقین ہے کہ قومی کھلاڑی آئندہ میچوں میں بھی اسی جذبے سے جیت کا تسلسل برقرار رکھیں گے۔

     

    سنیئرصحافی مبشرلقمان نےبھی قومی کرکٹ ٹیم کو مبارکباد دیتے ہوئے ٹیم کی کارکردگی پر خراج تحسین پیش کیاہے، انہوں نے سماجی رابطے کی ویب سائٹ ٹویٹر اپنے جزبات کا اظہار کچھ یون کیا”بابر اور رضوان کی انتہائی دل کو گرما دینے والی پرفارمنس۔ اللہ کا شکر ہے کہ میں نے اپنی ٹیم کے ساتھیوں کو بتایا تھا کہ پاکستان یہ ہدف حاصل کرے گا”

  • صدیوں پرانا روٹ بحال، چین نے انقلاب برپا کردیا:چین کی کارگو ٹرین افغانستان پہنچ گئی

    صدیوں پرانا روٹ بحال، چین نے انقلاب برپا کردیا:چین کی کارگو ٹرین افغانستان پہنچ گئی

    افغانستان اور چین کے مابین تجارت کا اہم سنگ میل اور افغان معیشت کیلئے بڑی خبر ہے کہ چین سے تجارتی کارگو ٹرین افغانستان پہنچ گئی۔

    چین سے روانہ ہونے والی تجارتی کارگو ٹرین کرغیزستان اور ترکمانستان سے ہوتے ہوئے صدیوں پرانے سلک روٹ استعمال کرتے ہوئے جمعرات کو تجارتی سامان لے کر چین سے افغان دارالحکومت کابل پہنچی۔

    یہ دونوں ملکوں کے درمیان تجارت میں ایک اہم سنگ میل ہے۔افغانستان میں چین کے سفیر، امارات اسلامیہ کے اعلیٰ حکام اور وزراء نے چین سے آنے والی تجارتی ٹرین کا استقبال کیا۔

    کرغیزستان اور ازبکستان سے سلک روٹ کو استعمال کرتی ہوئی یہ ٹرین 10 روز میں افغانستان پہنچی ہے، دونوں ملکوں کے درمیان تجارت کے اس صدیوں پرانے روٹ کی بحالی سے معیشت میں بہتری کی قومی امید ہے۔

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس