Baaghi TV

Tag: پاکستان

  • جی ایس پی پلس اسٹیٹس میں توسیع؛ یورپی یونین کی ٹیم پاکستان پہنچ گئی

    جی ایس پی پلس اسٹیٹس میں توسیع؛ یورپی یونین کی ٹیم پاکستان پہنچ گئی

    اسلام آباد:جی ایس پی پلس اسٹیٹس میں توسیع، اس وقت پاکستان اور یورپ کے درمیان اس معاملے پر بڑی تیزی سے پیش رفت جاری ہے ، جی ایس پی پلس اسٹیٹس میں توسیع کے لیے یورپی یونین کا مانیٹرنگ مشن پاکستان پہنچ گیا۔

    وزارت تجارتِ کے حکام کا کہنا ہے کہ یورپی یونین کا مانیٹرنگ مشن انسانی حقوق، چائلڈ لیبر کا خاتمہ، لیبر رائٹس سمیت دیگر امور کا جائزہ لے گا جبکہ 27 کنونشنز پر عملدرآمد کا جائزہ لیا جائے گا۔

    حکومت کا کہنا ہے کہ جی ایس پی پلس اسٹیٹس میں توسیع کا قوی امکان ہے، پاکستان نے جی ایس پی کنونشنز پر بھرپور عملدرآمد کیا۔
    حکام کا کہنا ہے کہ اسٹیٹس میں توسیع کے بعد پاکستان کو مزید 5 کنونشنز پر عملدرآمد کرنا ہوگا۔

    جی ایس پی پلس کیا ہے؟

    یورپی پارلیمنٹ نے یکم مئی کو قرارداد کی بھاری اکثریت منظوری کرتے ہوئے پاکستان کو دیے گئے جی ایس پی پلس اسٹیٹس پر نظرثانی کرنے کا کہا گیا تھا، سال 1971 میں اقوام متحدہ کی کانفرنس اینڈ ٹریڈ اینڈ ڈویلپمنٹ نے قرار داد منظور کی تھی کہ یورپی ممالک ترقی پذیر ممالک کی برآمدات بڑھانے اور وہاں پر روزگار کے مواقع پیدا کرنے کے لیے ان ممالک کی مصنوعات کو یورپی منڈیوں تک رسائی دیں گے۔

    واضح رہے کہ اس سکیم کے تین مرحلے ہیں جس میں بنیادی جی ایس پی، جی ایس پی پلس، اور ایوری تھنگ بٹ آرمز یعنی اسلحے کے علاوہ تمام اشیاء تمام شامل ہیں۔

    پاکستان اس وقت جی ایس پی پلس کا حامل ملک ہے، جس کے ایسی دو تہائی مصنوعات جس پر درآمدی ڈیوٹی لگتی ہے اسے کم کر کے صفر فیصد کردیا جاتا ہے۔

  • پاکستان سمیت دنیا بھر میں آج میوزک کا عالمی دن منایا جا رہا ہے

    پاکستان سمیت دنیا بھر میں آج میوزک کا عالمی دن منایا جا رہا ہے

    1982میں میوز ک کے عالمی دن منانے کا آغاز ہوا ،تب سے آج تک پوری دنیا میں اکیس جون کو میوزک کا عالمی دن منایا جاتا ہے۔ پوری دنیا کے ساتھ ساتھ پاکستان میں بھی یہ دن جوش و خروش سے منایا جاتا ہے میوزک کے متوالے اس دن کو بھرپور انداز میں مناتے ہیں۔پاکستان کی دھرتی پر بننے والا میوزک پوری دنیا میں پسند کیا جاتا ہے یہاں کے گلوکار ہوں یا میوزیشنز سب نے پاکستان کا نام اپنے کام اپنے سروں کی بنا پر روشن کیا۔ آج کے دن ملک بھر میں موسیقی سے جڑے افراد تنظیموں کے اہتمام منعقد کئے جانے والی تقریبات کا حصہ بنیں گے ۔اس دن کو منانے کا مقصد تمام ملکوں کی ثقافت کو موسیقی کے زریعے اجاگر کرنا ہے ۔ پاکستانی موسیقی کی بات کی جائے تو یہاں عظیم گلوکار اور موسیقار گزرے ہیں جنہوں نے

    اپنے زمانے میں آگے کے سو سال کا کام کیا ان کے بنائے ہوئے گیت آج بھی مقبول ہیں۔میوزک کو روح کی غذابھی کہا جاتا ہے اچھا میوزک انسان کے موڈ کو مزید اچھا کر دیتا ہے ۔میوزک کے اس عالمی دن کے حوالے سے ہم امید کرتے ہیں کہ آج کے دن موسیقی کے فروغ اور اسکو در پیش مسائل کو نہ صرف اجاگر کیا جائے گا بلکہ اس کا حل بھی نکالا جائیگا ۔کچھ گلوکار ایسے گزرے ہیں جن کا نام ان کے کام کی وجہ سے رہتی دنیا تک رہے گا اس میں نور جہاں، مہد ی حسن ، نصرت فتح علیخان اور رفیع لتا و دیگر قابل ذکر ہیں۔

  • سعودی سرمایہ کار پاکستان میں سرمایہ کاری کے خواہاں ہیں،فہد بن محمد الباش

    سعودی سرمایہ کار پاکستان میں سرمایہ کاری کے خواہاں ہیں،فہد بن محمد الباش

    سعودی عرب کے ایک اعلیٰ سطحی تجارتی وفد نے سعودی پاک بزنس کونسل کے چیئرمین فہد بن محمد الباش کی قیادت میں پاکستان کا دورہ کیا اور اسلام آباد چیمبر آف کامرس اینڈ انڈسٹری کے ممبران کے ساتھ ایک مقامی ہوٹل میں دلچسپی کے شعبوں میں بی ٹو بی ملاقاتیں کیں۔

    وفد میں خوردنی تیل، فوڈ پروسیسنگ، تجارت، تعمیراتی مواد، سیاحت و مہمان نوازی، مینوفیکچرنگ، طبی سامان و آلات ، فنٹیک، فارماسیوٹیکل اور انفراسٹرکچر سروسز سمیت دیگر شعبوں کے نمائندگان شامل تھے۔ وفد اسلام آباد کے بعد لاہور اور کراچی کا بھی دورہ کرے گا۔

    اس موقع پر خطاب کرتے ہوئے سعودی پاک بزنس کونسل کے چیئرمین فہد بن محمد الباش نے کہا کہ سعودی عرب کے سرمایہ کار پاکستان میں کاروبار اور سرمایہ کاری کرنے میں گہری دلچسپی رکھتے ہیں کیونکہ پاکستان میں کاروبار کے بے شمار مواقع موجود ہیں ۔ انہوں نے اس بات پر زور دیا کہ فائدہ مند نتائج حاصل کرنے کے لیے دونوں ممالک کے درمیان اعلیٰ سطحی حکومتی تعلقات کی طرز پر مضبوط تجارتی تعلقات قائم کئے جائیں۔ انہوں نے کہا کہ دونوں ممالک کے نجی شعبے آپس میں مضبوط روابط قائم کر کے ایک دوسرے کے ملک میں پائے جانے والے کاروباری مواقعوں سے بھرپور فائدہ اٹھانے کی کوشش کریں ۔

    انہوں نے کہا کہ سعودی عرب میں 20 فیصد افرادی قوت پاکستان سے ہے اور ان کا ملک پاکستان سے مزید تربیت یافتہ ورکرز درآمد کرنا چاہتا ہے،سعودی عرب کی معیشت کے کئی شعبوں بشمول کیمیکل انڈسٹری، رئیل اسٹیٹ اور سیاحت میں پاکستانی سرمایہ کاروں کیلئے بھی پرکشش مواقع موجود ہیں جن سے وہ فائدہ اٹھانے کی کوشش کریں۔ انہوں نے کہا کہ پاکستان کاروبار کیلئے ایک پرکشش مارکیٹ ہے اور وہ دونوں ممالک کے سفارتخانوں کے ساتھ مل کر کام کر رہے ہیں تاکہ دونوں ممالک میں پائے جانے والے کاروباری مواقعوں سے فائدہ اٹھایا جائے۔

    انہوں نے کہا کہ پاکستان میں سعودی مصنوعات اور سعودی عرب میں پاکستانی مصنوعات کی نمائشیں منعقد کی جائیں گی تاکہ دونوں ممالک کی مصنوعات کو ایک دوسرے کی مارکیٹ میں متعارف کرایا جا سکے۔ انہوں نے امید ظاہر کی کہ سعودی عرب کے تجارتی وفد کے دورہ پاکستان سے دونوں ممالک کے درمیان دوطرفہ تجارت کو مزید فروغ دینے میں مدد ملے گی۔وفد سے خطاب کرتے ہوئے اسلام آباد چیمبر آف کامرس اینڈ انڈسٹری کے صدر محمد شکیل منیر نے کہا کہ کانکنی و معدنیات، تیل و گیس، ہاؤسنگ و تعمیرات، انفراسٹرکچر کی ترقی، توانائی، انفارمیشن ٹیکنالوجی، فوڈ پروسیسنگ، خوردنی تیل، لاجسٹکس، کھیل، رینیوایبل انرجی، سیاحت اور مہمان نوازی سمیت پاکستان کی معیشت کے متعدد شعبوں میں سعودی عرب کے سرمایہ کاروں کیلئے پرکشش مواقع موجودہیں لہذا وہ ان سے بھرپور فائدہ اٹھائیں۔

    انہوں نے کہا کہ سعودی عرب کا وفد پاکستان میں ٹیکسٹائل، زراعت، تعمیراتی سامان، طبی آلات، فارماسوٹیکلز ، پھل و سبزیاں، خشک میوہ جات، اشیائے صرف، زرعی پروسیسنگ ٹیکنالوجی، مشینری اور آلات سمیت دیگر شعبوں کی بھی کاروبار کے مواقع تلاش کرے۔ انہوں نے اس بات پر زور دیا کہ سعودی عرب کے سرمایہ کاروں کے لیے یہی مناسب وقت ہے کہ وہ پاکستان میں جوائنٹ وینچرز و سرمایہ کاری پر توجہ دے کر منافع بخش نتائج حاصل کریں۔ فاؤنڈر گروپ کے چیئرمین خالد اقبال ملک نے سعودی وفد کو سی پیک میں پائے جانے والے سرمایہ کاری کے مواقعوں کے بارے میں تفصیلی بریفنگ دی اور اس بات پر زور دیا کہ وہ کاروبارکی ترقی کے لیے ان سے استفادہ حاصل کریں۔

    انہوں نے کہا کہ سعودی عرب نے گوادر میں اربوں ڈالر کی لاگت سے ریفائنری کمپلیکس کے قیام پر اصولی طور پر اتفاق کیا تھا لہذا اس کو عملی شکل دینے کی کوشش کی جائے۔ آئی سی سی آئی کے نائب صدر محمد فہیم خان نے سعودی تجارتی وفد کا پاکستان کا دورہ کرنے پر شکریہ ادا کیا اور امید ظاہر کی کہ ان کے دورے سے دونوں ممالک کے درمیان تجارتی تعلقات کو مزید تقویت ملے گی۔ دونوں فریقوں نے اس موقع پر باہمی دلچسپی کے شعبوں میں ایک دوسرے کے ساتھ بی ٹو بی ملاقاتیں بھی کیں اور ایک دوسرے کے ساتھ کاروباری رابطوں کا تبادلہ کیا۔

  • پاکستان اسپورٹس بورڈ کے ڈائریکٹر کو عہدے سے ہٹا دیا گیا

    پاکستان اسپورٹس بورڈ کے ڈائریکٹر کو عہدے سے ہٹا دیا گیا

    لاہور:حکومت کے اقتدار سنبھالنے کے ساتھ ہی دیگراداروں میں معاملات کی بہتری کے لیے تقرروتبادلوں کا سلسلہ جاری و ساری ہے اور اس سلسلے میں آج پاکستان اسپورٹس بورڈ کے ڈائریکٹر کو اے سی چوری میں ملوث تحقیقاتی کمیٹی قائم کر کے عہدے سے ہٹا دیا گیا۔ تفصیلات کے مطابق ڈائریکٹر ایڈمن رانا نصراللہ نے ائیرکنڈیشن اپنے ذاتی فارم ہاؤس پرمنتقل کیئے تھے، ڈی جی پاکستان اسپورٹس بورڈ نے تین رکنی انکوائری کمیٹی تشکیل دے کر عہدے سے ہٹا دیا ۔

    یاد رہے کہ ڈائریکٹر ایڈمن رانا نصر اللہ جو کہ حال ہی میں پی ایس بی کوچنگ سینٹر لاہور سے اسلام آباد میں بطور ڈائریکٹر ایڈمن تعینات کیا گیا۔

    یہ بھی معلوم ہوا ہے کہ اس سلسلے مین پی ایس بی کی جانب سے جاری اعلامیے کے مطابق رانا نصراللہ ڈائریکٹر ایڈمن نے اپنی سیٹ کا ناجائز فائدہ اٹھاتے ہوئے سیکورٹی آفیسر کی مدد سے پاکستان اسپورٹس بورڈ سے تین عدد ائیر کنڈیشن جن کی مالیت لاکھوں روپے میں ہے اپنے ذاتی فارم ہاؤس خانپور ڈیم منتقل کیئے۔اس سلسلے میں یہ بھی معلوم ہوا ہے کہ ان کے خلاف اور بھی مختلف پہلووں سے تحقیقات جاری ہیں

    اعلامیے میں بتایا گیا کہ اس بات کی اطلاع ڈرائیور رمضان نیازی نے متعلقہ حکام کو فراہم کی جس پر ایکشن لیتے ہوئے ادارہ کے ڈائریکٹر جنرل کرنل آصف زمان نے پاکستان اسپورٹس بورڈ کے آفیسران پر مشتمل تین رکنی کمیٹی تشکیل دے کر ڈائریکٹر کو عہدے سے ہٹا دیا ۔

    ادھر سابق کپتان سرفراز احمد اپنے کمسن بیٹے کی گیند پر کلین بولڈ ہوگئے ہیں جس کی ویڈٰیو سوشل میڈیا پر بھی وائرل ہورہی ہے۔پاکستان کرکٹ ٹیم کے سابق کپتان اور وکٹ کیپر سرفراز احمد کی اپنے بیٹے کی گیند پر کلین بولڈ ہونے کی ویڈیو سوشل میڈیا پر وائرل ہورہی ہے۔

  • ڈالر پاکستان کیلئے چیلینج بن گیا،قیمت 215 روپے سے تجاوز کر گئی

    ڈالر پاکستان کیلئے چیلینج بن گیا،قیمت 215 روپے سے تجاوز کر گئی

    ملکی تاریخ میں پہلی مرتبہ ڈالر انٹر بینک مارکیٹ میں نئی بلند ترین سطح پر پہنچ گیا۔

    ڈالر کی اونچی اُڑان اور روپے کی بے قدری کا سلسلہ مسلسل جاری ہے، منگل کو کاروبار کے آغاز پر بڑھتی ہوئی ڈیمانڈ کی وجہ سے امریکی ڈالر 3.24روپے اضافے سے 213.20روپے کا ہوگیا۔

    اوپن مارکیٹ میں ڈالر کی قیمت ایک روپیہ 50 پیسے اضافے سے 215 روپے 50 پیسے تک پہنچ گئی، ملک بھر میں روپے کے مقابلے میں امریکی ڈالر کی قیمت میں تیزی سے اضافہ ہو رہا ہے، سابق وزیراعظم عمران خان کے خلاف مارچ میں تحریک عدم اعتماد آنے کے بعد سے لیکر اب تک ملکی کرنسی مسلسل گراوٹ کی طرف جا رہی ہے، اپریل میں امریکی ڈالر 172 روپے کے قریب تھا۔

    تحریک عدم اعتماد کامیاب ہونے کے بعد مسلم لیگ ن کی مخلوط حکومت نے عالمی مالیاتی ادارے (آئی ایم ایف) کے ساتھ فوری طور پر رجوع کیا، عالمی ادارے کی طرف سے کہا گیا کہ فوری طور گیس، پٹرول اور بجلی کی قیمتیں بڑھائی جائیں بصورت دیگر کوئی رقم جاری نہیں کی جائے۔

    اسی دوران آئی ایم ایف کے دباؤ پر 26 مئی سے لیکر 15 جون تک حکومت کی جانب سے مسلسل تین بار پٹرولیم مصنوعات کی قیمتیں بڑھائے جانے کے باوجود ملکی کرنسی بدترین گراوٹ کی طرف جا رہی ہے، زرِمبادلہ کے ذخائر بھی تیزی سے گر رہے ہیں جبکہ حکومت اور آئی ایم ایف کے ساتھ معاہدہ تاحال نہ ہو سکا۔عالمی ادارے کا تاحال کہنا ہے کہ گیس، بجلی کی قیمتیں بڑھائی جائیں اور ہماری شرائط پر فوری عمل کیا جائے جس کے بعد قرض پروگرام کو بحال کیا جائے گا۔

    دوسری طرف ڈالر کی بڑھتی ہوئی قیمت کے پیش نذر ،ملک کی اقتصادی صورتحال خطرناک ہوتی جارہی ہے ، صورتحال کو بروقت کنٹرول نہ کیا گیا تو آنے والا طوفان سب بہا لے جائے گا.ڈالر کی آسمان کو چھوتی ہوئی قیمت سے مہنگائی مزید بڑھے گی، تاہم حکومت کی جانب سے اس اہم مسلئے پر کوئی خاطر خواہ اقدامات نہیں اٹھائے گئے. ڈالر کی بڑگتی قیمت پر ارباب اختیار کی خاموش نشویشناک ہے.

  • کورونا وبا ختم نہیں ہوئی ہجوم والی جگہوں پر شہری احتیاط کریں ،قومی ادارہ صحت

    کورونا وبا ختم نہیں ہوئی ہجوم والی جگہوں پر شہری احتیاط کریں ،قومی ادارہ صحت

    قومی ادارہ صحت (این آئی ایچ ) کا کہنا ہے کہ کورونا سے نمٹنے کے لیے کوشش جاری ہے ، وبا ختم نہیں ہوئی ہجوم والی جگہوں پر شہری احتیاط کریں-

    باغی ٹی وی : کراچی اور حیدرآباد میں کورونا کے پھیلاؤ میں پھر خطرناک حد تک اضافہ ہوگیا ہے حیدر آباد میں کورونا ٹیسٹ مثبت آنے کی شرح 16 اور کراچی میں 10 فیصد تک جا پہنچی قومی ادارہ صحت کےمطابق گزشتہ 24 گھنٹوں کےدوران ملک بھر میں کورونا کے مثبت کیسز کی شرح 1.20 فیصد رہی۔

    قومی ادارہ صحت کے مطابق گزشتہ 24گھنٹوں کے دوران کورونا کے 9406 ٹیسٹ کیے گئے جن میں سے 113 افراد میں کورونا وائرس کی تصدیق ہوئی جبکہ گزشتہ 24 گھنٹوں میں کورونا سے ایک ہلاکت ہوئی اور 58 مریضوں کی حالت تشویشناک ہے۔

    این آئی ایچ کے مطابق پاکستان میں اہل 85 فیصد آبادی کی انسداد کورونا ویکسی نیشن مکمل ہو چکی کورونا سے نمٹنے کے لیے کوشش جاری ہے ، وبا ختم نہیں ہوئی ہجوم والی جگہوں پر شہری احتیاط کریں ،ماسک پہنیں ، ہجوم والی جگہوں پر شہری سماجی فاصلے رکھیں-

    محکمہ صحت کے مطابق سندھ میں بی اے فور اور بی اے فائیو ویرینٹ کے 8 مزید کیسز سامنے آ گئے ہیں اور کورونا کی نئی لہر کے پھیلاؤ کے خطرے کے پیش نظر ماہرین نے شہریوں کو محتاط رہنے کی ہدایت کر دی ہے۔

    ماہرین نے کہا ہے کہ بی اے فور اور بی اے فائیو ویرینٹ تیزی سے پھیلتے ہیں جس سے بچاؤ کے لیے شہریوں پر احتیاط لازم ہے۔ شہری ماسک کا استعمال کریں اور بوسٹر ڈوز لازمی لگوائیں۔

    دوسری جانب سندھ کووڈ 19 ویکسین کی اہل آبادی کی 100 فیصد ویکسی نیشن کا ہدف عبور کرنے والا پاکستان کا پہلا صوبہ بن گیا حکمہ صحت سندھ سے جاری ہونے والے اعلامیے میں کہا گیا تھا کہ صوبے میں 12 سال اور اس سے زائد عمر کے 100 فیصد یعنی 3 کروڑ 42 لاکھ 90 ہزار افراد کو مکمل ویکسین لگائی جاچکی ہے، تمام افراد کورونا وائرس کے خلاف ویکسین کی دو خوراکیں حاصل کرچکے ہیں۔

    دنیا میں کوروناپھرسراٹھانےلگا:بھارت میں 24 گھنٹوں میں‌ 12ہزارسےزائدکورونا کیسز

    اعلامیے میں کہا گیا تھا کہ سندھ کے مقابلے پنجاب میں نسبتاً کم یعنی 86 فیصد جبکہ خیبر پختونخوا میں 64 فیصد افراد کو مکمل ویکسین لگائی گئی ہے سندھ میں ویکسی نیشن کی اعداد و شمار ظاہر کرتے ہوئے صوبائی حکومت کا کہنا تھا کہ صوبے بھر میں 75 لاکھ 50 ہزار افراد بوسٹر شاٹ بھی لگوا چکے ہیں-

    محکمہ سندھ نے کہا تھا کہ یہ کامیابی صحت کے عملے، ایکسپینڈڈ پروگرام آن امیونائزیشن (ای پی آئی)، محکمہ صحت سندھ، این سی او سی، وزارت صحت، ڈبلیو ایچ او، یونیسیف اور دیگر شراکت دار تنظیموں کے جذبے اور لگن سے حاصل ہوئی کورونا وائرس اب بھی ختم نہیں ہوا اور اس کے نئے ویرینٹ مسلسل سامنے آرہے ہیں، شہری ایس او پیز پر عمل درآمد کرتے ہوئے ہر پانچ ماہ میں کورونا وائرس کے خلاف بوسٹر شاٹ لگوائیں۔

    انہوں نے کہا تھا کہ کورونا وائرس کے خطرناک مرض سے بچاؤ کے لیے ویکسین ایک محفوظ ذریعہ ہے اور سرکاری ادارے شہریوں کی صحت کے پیشِ نظر مفت ویکسین لگا رہے ہیں۔

    موڈرنا ویکسین کے استعمال سے دل کے ورم کا خطرہ رہتا ہے:ماہرین صحت

  • ملک کے مختلف شہروں میں بارشوں کا سلسلہ مزید جاری رہے گا

    ملک کے مختلف شہروں میں بارشوں کا سلسلہ مزید جاری رہے گا

    محکمہ موسمیات کے مطابق ملک کے مختلف شہروں میں بارشوں کا سلسلہ مزید جاری رہے گا-

    باغی ٹی وی : محکمہ موسمیات کے مطابق خیبرپختونخوا، پنجاب، گلگت بلتستان ،آزادکشمیر، سندھ اور بلوچستان میں بارش کا امکان ہے اسلام آباد میں آندھی ، تیزہواؤں اورگرج چمک کے ساتھ موسلادھار بارش متوقع ہے اسلام آباد میں چند مقا مات پر ژالہ باری کا بھی امکان ہے –

    محکمہ موسمیات کے مطابق سبی ،کوہلو،زیارت،کوئٹہ،چمن،ہرنائی ،لورالائی، شیرانی اور موسیٰ خیل میں بارش متوقع ہے بارکھان ،ژوب ، قلات، خضدار اور لسبیلہ میں گرج چمک کے ساتھ بارش کاامکان ہے راولپنڈی، مری،گلیات، اٹک، چکوال، جہلم، میانوالی اور سرگودھا میں بارش متوقع ہے-

    محکمہ موسمیات کے مطابق خوشاب، بھکر، لیہ، ڈی جی خان، حافظ آباد، فیصل آباد اور منڈی بہاؤالدین میں بارش کاامکان ہے ننکانہ صا حب، ٹوبہ ٹیک سنگھ، مظفر گڑھ،راجن پور، خا نیوال اورچنیوٹ میں بارش متوقع ہے جھنگ، سیالکوٹ، نارووال، لاہور، شیخوپورہ، اوکاڑہ، قصور اورساہیوال میں بارش کاامکان ہے-

    محکمہ موسمیات کے مطابق پاکپتن، بہاولنگر، ملتان ، رحیم یار خان ، بہا ولپور ، وہا ڑی اور لو د ھراں میں بارش کا امکان ہے سکھر، لاڑکانہ ، گھو ٹکی ، کشمور ، جیکب آباد ، میر پور خاص اور سانگھڑ میں بارش متوقع ہے ٹھٹھہ ، بدین ،حیدر آباد، جامشورو، بینظیر آباد، دادو میں گرج چمک کے ساتھ بارش کا امکان ہے-

    محکمہ موسمیات کے مطابق کراچی میں آندھی اورگرج چمک کے ساتھ بارش کا امکان ہے مالا کنڈ ، چترال، دیر، سوات، بونیر، شانگلہ، کوہستان، مانسہرہ، ایبٹ آباد اور ہری پورمیں بارش متوقع ہے صوابی، پشاور، نوشہرہ، مردان، لو ئر دیر، چارسدہ، باجوڑاور مہمند میں بارش متوقع ہے خیبر، کرم، کوہاٹ، لکی مروت، بنوں، ڈیرہ اسماعیل خان میں موسلادھار بارش متوقع ہے کرک، ہنگو، وزیرستان میں تیز ہوا ؤں اورگرج چمک کے ساتھ بارش کا امکان ہے-

    دوسری جانب محکمہ تحفظ ماحولیات پنجاب نے آج کا ائیر کوالٹی انڈیکس جاری کردیا-

    محکمہ تحفظ ماحولیات پنجاب کے مطابق ٹاون ہال لاہور میں ائیر کوالٹی انڈیکس ریکارڈ کیا گیا،ٹاؤن شپ سیکٹرٹو میں ائیر کوالٹی انڈیکس91 ریکارڈ کیا گیا ،داروغہ والا انڈسٹریل ایریالاہور میں ائیر کوالٹی انڈیکس 155 ریکارڈ کیا گیا،نیشنل ہاکی اسٹیڈیم میں ائیر کوالٹی انڈیکس 122 ریکارڈ کیا گیا،تمام ڈیٹا 24 گھنٹے کی بنیادپر مرتب کیا گیا-

  • بے نظیر بھٹو کی 69 ویں سالگرہ: ان کا جرات مندانہ کردار ہمیشہ یاد رکھا جائے گا

    بے نظیر بھٹو کی 69 ویں سالگرہ: ان کا جرات مندانہ کردار ہمیشہ یاد رکھا جائے گا

    شہید بے نظیر بھٹو بانی پیپلزپارٹی اور نامورشخصیت ذولفقار علی بھٹو اور ایران کے بااثر اصفہانی خاندان سے تعلق رکھنے والی خاتون بیگم نصرت بھٹو کے گھر 21 جون 1953 کو پیدا ہوئی۔ بے نظیر نے سیاست میں قدم رکھا تو بے پناہ کامیابیاں سمیٹیں جس میں ان کی سب سے بڑی کامیابی مسلم دنیا کی پہلی خاتون وزیرعظم بننا تھا۔ آج 21 جون2022 کو انکی 69 ویں سالگرہ منائی جارہی ہے۔

    اسلام آباد میں مقیم سینئر صحافی محمد نواز رضا نے باغی ٹی وی کو بتایا: بےنظیر ایک بہادر خاتون تھی جن کا کردار پاکستانی سیاست کی تاریخ میں ہمیشہ یاد رکھا جائے گا۔ آپ ان کی جرات کا اندازہ اس بات سے لگا سکتے ہیں کہ کارساز میں ان پر دھماکہ ہوا جس میں بیسیوں کارکنان شہید ہوگئے لیکن بی بی شہید واپس نہیں گئیں بلکہ یہ جانتے ہوئےبھی کہ انہیں قتل کردیا جائے گا مگر وہ پاکستان میں رہیں۔
    نواز رضا مزید بتاتے ہیں: کارساز کے بعد وہ لیاقت باغ آئیں جہاں وہ زندگی کی بازی ئیں لیکن انہوں نے سیاست میں تاریخ رقم کردی کہ ہمیشہ سیاست میں بہادر زندہ رہتے ہیں ناکہ وہ بزدل جو گھروں سے باہر ہی نہیں نکلتے ہیں اور ایسے لوگوں کا سیاست میں کوئی مقام نہیں ہوتا۔

    محمدنواز کے مطابق: بے نظیر بھٹو بہادری کا ایک استعارہ تھیں اور انہوں نےہمت کے ساتھ ناصرف اپنے سیاسی مخالفین بلکہ ان قوتوں کا بھی مقابلہ کیا جو انہیںپاکستانی سیاست اور ملک دونوں سے باہر کرنا چاہتے تھے۔ اگر بے نظیر زندہ رہتی تو تیسری بار بھی وزیراعظم پاکستان رہتی لیکن یہ ہماری بدقسمتی ہے کہ آج وہ ہمارے درمیان نہیں ہیں۔

    نوجوان بلاگر : رجب علی فیصل نے باغی ٹی کو بتایاکہ: اس میں کوئی شک نہیں کہ بینظیر بھٹو ایک بہادر خاتون تھی لیکن افسوس اس بات کا ہے کہ بی بی کے قتل کے بعد پیپلزپارٹی کی حکومت رہی مگر افسوس صد افسوس انکے اصل قاتل آج بھی آزاد ہیں۔

    رجب علی فیصل کہتے ہیں کہ: بے نظیر بھٹو کا مقدمہ لاوارثوں کی طرح لڑا گیا جس میں کوئی گواہ بھی پیش نہیں کئے گئے مثال کے طور پر امین فہیم اور ناہیدخان اس وقت بی بی کے ساتھ موجود تھے جب انہیں قتل کیا گیا لیکن بے نظیر کے خاندان کی طرف سے نہ کوئی صحیح پیروی کی گئی اور نہ ہی ان گواہوں کو پیش کیا گیا۔
    علی فیصل کے مطابق: بے نظیر کے قتل میں ٹھیک ویسا ہوا جیسا ذولفقار علی بھٹو کے قتل میں ہوا تھا۔ بھٹو کے قتل کے بعد بے نظیر نے نعرہ لگایا "جمہوریت بہترین انتقام ہے” لیکن ایسی جمہوریت کا اچار ڈالیں گے جس میں مجرمان کو بجائے پھانسی پر لٹکانے کےانہیں اقتدار کی خاطر معاف کردیا جائے۔

    رجب فیصل نے بنگلہ دیش کی مثال دیتے ہوئے کہا کہ: بھلے ہمیں بنگلہ دیش سے سو اختلافات ہوں مگر یہ بات ماننی پڑے گی کہ شیخ حسینہ واجد نے اقتدار میں آنے کے فورا بعد اپنے باپ شیخ مجیب الرحمان کے قاتلوں کے خلاف مقدمات چلا کر انہیں پھانسیاں دلوئیں اور اگر دیکھیں تو ہم سے علیحدگی اختیار کرنے والا ملک آج ہم سے کتنا آگے ہے۔ نہ وہاں مذہبی شدت پسندی ہے اور ناہی دہشتگردی ہے۔ اور نہ کبھی کسی غیرسویلین کی یہ جرات ہوئی کہ وہ غیرآئینی طریقے سے وہاں کی حکومت خلاف کوئی ذرا برابر بھی حرکت کرسکے۔

    رجب علی فیصل کا خیال ہے کہ: جیسے بے نظیر نے اپنے والد کے قتل پر سمجھوتہ کیا اسی طرح انکے خاندان اور بالخصوص آصف علی زرداری نے بھی دانستہ نادانستہ بے نظیر کے قتل پرسمجھوتہ کیا اور اقتدار کو ترجیح دی۔ اور یہی وجہ ہے کہ آج تک پاکستان میں غیرجمہوری قوتیں ملکی حکومتوں پر حاوی رہتی ہیں۔ تو جہاں بے نظیر کی بہت ساری خوبیاں ہیں وہی یہ بڑی بڑی خامیاں بھی ہیں لیکن ہمارے ہاں چونکہ غلطیوں کی نشاندہی ہی نہیں کی جاتی جسکے سبب آج تک پوری قوم کی آنکھوں پر پٹی پڑی ہوئی ہے لیکن تاریخ کبھی بھی چھپ نہیں سکتی اور ایک نہ ایک دن تاریخ اپنے آپ کو ضرور دہراتی ہے پھرسچ چاہے کتنا ہی کڑوا ہو سامنے آ ہی جاتا ہے۔

    آج نیوز کے گروپ چیف شہاب زبیری نے مرحومہ بے نظیر بھٹو کی سالگرہ پر انکی ایک تصویر شیئر کرتے ہوئے لکھا کہ: وہ قوم کا فخر اور آئیکون تھیں۔ جنہیں ہمیشہ یاد رکھا جائے گا۔


    ‏پیپلزپارٹی کے سوشل میڈیا سیل سے جاری ایک پیغام میں بینظیر بھٹو کی ایک ویڈیو شیئر کرتے ہوئے لکھا گیا: "بینظیر بھٹو نے عوام کے حقوق کی بحالی، معاشی و اقتصادی ترقی، پاکستان میں جمہوریت کے قیام، جمہوری اداروں کی بحالی، عدلیہ کے استحکام، خواتین کی خودمختاری اور عوام کو بنیادی حقوق کی رسائی کیلئے انتھک جدوجہد کی۔‎”
    https://twitter.com/MediaCellPPP/status/1539095766240833538
    پیپلزپارٹی کی رہنماء سینیٹرسحر کامران نے اپنے ایک پیغام میں کہا: "بینظیر بھٹو ایک شخصیت کا نام نہیں، ایک نظریہ کا نام ہے، ایک نقطہ نظر کا نام ہے، ایک فکری سوچ کا نام ہے۔ شدت پسندی اور انتہا پسندی کے خلاف آواز بلند کرنے والی بینظیر، کھیت میں کپاس چنتی عورت کی ترقی کی بات کرنے والی بینظیر اپنی سوچ اور فکر میں بھی بینظیر تھی‎۔”


    بینظیر بھٹوکے صاحبزادے اور وزیرجہ خارجہ بلاول بھٹو زداری نے اپنی والدہ کی سالگرہ پر ایک پیغام میں کہا کہ: بینظیر شہید نے تیس سال سے زائد جمہوریت کی بقاء، اور معیشت و غریبوں کی بہتری سمیت اسلام کے امن کے پیغام کیلئے جدوجہد کی جسے ہمیشہ یاد رکھا جائے گا۔

  • بھارت میں کرونا وائرس کے 12 ہزارسے زائد نئے کیس ریکارڈ، اموات کی تعداد 18 ہوگئی

    بھارت میں کرونا وائرس کے 12 ہزارسے زائد نئے کیس ریکارڈ، اموات کی تعداد 18 ہوگئی

    بھارت میں گزشتہ 24 گھنٹوں کے دوران تقریبا 12 ہزار سے زائد نئے کیس ریکارڈ کئے گئے جبکہ اموات کی تعداد 18 سے بڑھ گئی ہے۔

    بھارت کے ادارہ مرکزی وزارت صحت کے مطابق: گزشتہ روز کے مقابلہ میں کرونا کیسزمیں معمولی کمی آئی ہے تاہم اتوار کو 12,899 نئے کیس ریکارڈ کئے گئے تھے ۔ جبکہ مثبت کیسز کی تعداد 4226 بڑھ کر 76,700 ہوگئی اور یوں یومیہ شرح 4.32 فیصد رہی ۔

    بھارتی چینل نیوز18 کے مطابق: ملک میں متحرک کیسزکی تعداد کل زیرو اشاریہ اٹھارہ فیصد ہے۔ تاہم پچھلے 24 گھنٹوں میں سب سے زیادہ متحرک معاملات 1161 کیرالہ میں بڑھے ہیں ۔ اس کے بعد مہاراشٹر میں 918، تمل ناڈو میں 449، دہلی میں 423 ایکٹیو کیس درج کئے گئے ہیں۔ میزورم واحد ریاست رہی جہاں ایکٹیو کیسز کم ہوئے ہیں ۔

    اگر یوں ریاستوں کے حساب سے دیکھیں تو اتوار کو دارالحکومت دہلی میں کورونا سے متاثرہ 1530 نئے مریض پائے گئے تھے اور تین اموات کی تصدیق ہوئی تھی ۔ انفیکشن کی شرح بڑھ کر 8.41 فیصد ہوگئی تھی ۔ یہ انفیکشن کی شرح 28 جنوری کے بعد سب سے زیادہ ہے۔”

    واضح رہے پاکستان میں تاحال کوئی بڑی سطح پر کرونا کیسز سامنے نہیں آئے البتہ راولپندی میں چند ایک کیس سامنے آئے تھے جو اب خطرے سے باہر ہیں.

  • کیا حامد میر ملک چھوڑ کر باہر جانے والے ہیں؟

    کیا حامد میر ملک چھوڑ کر باہر جانے والے ہیں؟

    سوشل میڈیا پر آئے روز آپ کو کچھ نہ کچھ ایسا دیکھنے کو ملتا ہے کہ جس کا حقیقت سے دور دور تک کوئی واسطہ نہیں ہوتا ماسوائے فیک نیوز پھیلانے کے اسی طرح آج کل سینئر صحافی حامد میر سے متعلق جھوٹی خبر پھیلائی جارہی ہے کہ وہ ملک چھوڑ کر کہیں باہر جارہے ہیں۔
    اسی فیک خبر کا سہارا لیتے ہوئے ایک خودساختہ ٹی وی اینکر حفصہ فیاض نے دعوی کیا کہ: اینکرپرسن سلیم صافی کا استعفی دینے کی اطلاعات ہیں جبکہ صحافی حامد میر کا ایک ماہ چھٹی لیکر باہر جانے کی بھی اطلاع ہے۔

    اس خاتون نے مزید دعوی کیا کہ: ایک معروف چینلز کے تین سینئر اینکرز بھی استعفی دے چکے اور کسی بیرون ملک چلے گئے۔

    اس خاتون کے دعوی کی تردید کرتے ہوئے حامد میر نے کہا کہ: "عمران خان کے دور حکومت میں مجھ پر نو ماہ پابندی رہی لیکن میں پاکستان سے نہیں بھاگا تو اس دور میں کیوں بھاگوں گا؟ ہر دور میں مشکلات کا سامنا رہا ہے، آج کل بھی کچھ مشکلات ہیں لیکن میں چھٹی لیکر کہیں نہیں جا رہا ہوں۔”
    حامد میر نے مزید کہا کہ: عمران خان کے دور میں بھی کچھ سیاستدانوں کے انٹرویو سنسر کرائے جاتے تھے اس دور میں بھی کچھ شخصیات کے انٹرویو کرنا مشکل ہے مثال کے طور پر منظور پشتین کا انٹرویو نشر کرنا بہت مشکل ہے منظور پشتین پر وہی مقدمات ہیں جو عمران خان پر بھی ہیں لیکن ایک ٹی وی پر آ سکتا ہے دوسرا نہیں۔


    حامد میر کی تردید کے بعد شبیر جان نے انہیں لکھا کہ: عمران خان کے دور میں آپ پر پابندی جیو نے لگائی تھی ناکہ عمران خان نے اور اگر جیو نے نہیں لگائی تو پھر جنرل رانی نے لگائی ہوگی جس کا آپ نے اپنے بیان میں ذکر کیا تھا۔

    اسلام آباد کے صحافی سید عون شیرازی کہتے ہیں کہ: جس حامد میر کو میں جانتا ہوں اُسکا جینا مرنا اسی ملک میں ہے کیونکہ حامد میر جی دار آدمی ہیں۔ انہوں نے مزید کہا: حامد میر پر ہر دور میں الزامات لگائے جاتے ہیں اور انہیں سرخرو ہونےکی عادت ہے۔