جرمنی میں آج سے 17جون کے دوران ایکشن ٹاسک فورس (ایف اے ٹی ایف) کا اجلاس ہوگا –

باغی ٹی وی :اجلاس میں پاکستان کو دیئے گئے دو ایکشن پلان کے 34 نکات پر عملدرآ مد کی رپورٹ کا جائزہ لیا جائے گا اور ان نکات پر عملدرآمد کا جائزہ لینے کےلیے پاکستان کے آن سائٹ وزٹ کا فیصلہ کیا جائے گا۔

بڑی امید ہے پاکستان ایف اے ٹی ایف کی گرے لسٹ سے نکل جائے گا:جرمن سفیر

رپورٹس کے مطابق اس کے بعد فرانس کے دارالحکومت پیرس میں ایف اے ٹی ایف کے رواں برس اکتوبر میں ہونے والے پلینری اجلاس میں پاکستان کو گرے لسٹ سے نکالنے کا فیصلہ ہوگا ایف اے ٹی ایف کا جوائنٹ اسسمنٹ گروپ جولائی یا اگست میں پاکستان کا دورہ کرے گا اور ایکشن پلان کے نکات پر عملدرآمد کا جائزہ لے گا۔

ذرائع کے مطابق پاکستان نے ایف اے ٹی ایف کے 34 نکات پر مکمل عملدرآمد کرلیا ہے اور پاکستان نے کامیابی کیلئے سفارتی کوششیں تیز کردی ہیں۔

قبل ازیں پاکستان میں جرمنی کے سفیر برن ہارڈ شلاگیک نے اتوار کے روز کہا تھا کہ پاکستان کے اس سال ایف اے ٹی ایف کی گرے لسٹ سے باہر ہونے کی توقع ہے اور جی ایس پی پلس معاعدہ کی تجدید کا امکان ہے ہمارا ملک بھارت میں انسانی حقوق کی صورتحال پر بھی فکر مند ہے۔

ایف اے ٹی ایف کا اہم اجلاس:پاکستان کی کوششوں کوکامیابی ملنےکا امکان

انہوں نے کہا تھا کہ یورپ اور جرمنی بھی انسانی حقوق کی خلاف ورزیوں پر بلاامتیاز موقف رکھتے ہیں ، جرمنی بھارت کو بھی انسانی حقوق پر عملدرآمد کی یاددھانی کراتا رہتا ہے جرمنی کی سابق چانسلر انجیلا میکرل نے ہندوستانی وزیر اعظم مودی کو بتایا تھا کہ کشمیر کی صورتحال پائیدار اور انسانی نہیں ہے۔ کسی امتیاز کے بغیر انسانی حقوق کا احترام کیا جانا چاہیےجرمن سفیر اسلام آباد کی تیسری پبلک سٹریٹ لائبریری کے افتتاح کے موقع پر میڈیا سے گفتگو کر رہے تھے۔

جرمن سفیر نے پاکستان کی جانب سے ایف اے ٹی ایف کی شرائط کو پورا کرنے میں پیش رفت کو سراہتے ہوئے اس اعتماد کا اظہار کیا تھا کہ ملک اس سال گرے لسٹ سے نکل جائے گا۔

ایف اے ٹی ایف کے آئندہ اجلاس میں گرے لسٹ سے نکل جائیں گے،وزیر خزانہ

وزیر خزانہ مفتاح اسماعیل نے پیٹرولیم مصنوعات کی قیمتوں میں ایک بار پھر اضافے کا عندیہ دے دیا۔

باغی ٹی وی : ایک تقریب سے خطاب کرتے ہوئے مفتاح اسماعیل نے کہا کہ اس وقت ہمیں ڈیزل پر 53 روپے اور پیٹرول پر 23 روپے نقصان ہو رہا ہے، اگر قیمتیں نہیں بڑھاتے تو ایک بڑے بحران کا سامنا کرنا پڑ سکتا ہے۔

وزر خزانہ نے کہا کہ اگر پیٹرول کی قیمتیں نہ بڑھیں تو آئی ایم ایف بھی معاہدہ نہیں کرے گا،دو بار ہم نے 30 ،30 روپے پیٹرول بڑھایا ہے،اگر ہم یہ چیزیں مہنگی نہیں کریں گے تو بہت نقصان کا سامنا کرنا پڑے گا میں نے معیشت کو پڑھا ہوا ہے، آج پاکستان کی معیشت پر بات کروں گا، جب حکومت ہمیں ملی تو معاشی مسائل تھے، میں نے پاکستان کے یہ حال اس سے پہلے کبھی نہیں دیکھے۔

رہنما مسلم لیگ ن کا کہنا تھا کہ 2013 میں ہماری حکومت آئی پانچ سو 3 ارب روپے کا سرکلر ڈیڈ تھا، پاور کا محکمہ 15 سو ارب روپے کا نقصان دے رہا ہے، کوئلے سے بجلی کا یونٹ سب سے سستا تھا مہنگائی کا کوئی توڑ نہیں ہے، عالمی سطح پر تیل کی قیمتوں میں اضافہ ہو رہا ہے جب کہ کوئلے کی بھی قیمت بڑھ رہی ہے۔

قبل ازیں وفاقی وزیر خزانہ مفتاح اسماعیل نے پوسٹ بجٹ پریس کانفرنس کرتے ہوئے کہا تھا کہ مشکل وقت میں بجٹ پیش کیا گیا کیونکہ ماضی میں اتنا معاشی مشکل نہیں دیکھا جتنا آج دیکھ رہا ہوں۔ ایک ہزار 100 ارب روپے بجلی کی مد سبسڈی دی گئی اور 500 ارب روپے کا سرکلر ڈیٹ دیا۔ 16 روپے فی یونٹ حکومت دے رہی ہے لیکن یہ بھی عوام کے ہی پیسے ہیں۔

آصف زرداری کی لاہور میں شجاعت حسین سے اہم مشاورت

انہوں ںے کہا تھا کہ رواں مالی سال شعبہ گیس میں 400 ارب روپے کی سبسڈی دی گئی اور 30، 35 روپے بجلی کا یونٹ بنا رہے ہیں لیکن اگر باقی ممالک میں سستی گیس مل رہی ہے تو ہم مہنگی نہیں دے سکتے۔ ملک میں 200 ملین ڈالر کی گیس کا پتہ ہی نہیں کہاں گئی۔

وزیر خزانہ نے کہا تھا کہ ملکی انتظامی امور ٹھیک کرنا ضروری ہے ورنہ یہ ملک چلانا مشکل ہے۔ 2 اعشاریہ 4 ارب کی گیس ہم ہوا میں اڑا دیتے ہیں۔ پاکستان باوقار اور نیوکلیئر پاور ملک ہے، اس لیے ہمیں معیشت سنبھالنا ہو گی۔ فروری میں آئل اور پیٹرول پر سبسڈی معاہدے کی خلاف ورزی کی گئی۔

انہوں نے کہا تھا کہ وزیر اعظم شہباز شریف نے بہت مشکل فیصلے لیے ہیں اور اگر مزید مشکل فیصلے لینے ہوئے تو وہ بھی لیں گے کیونکہ اس وقت کوئی دوسرا راستہ نہیں ہے۔ عمران خان کے دور میں تاریخی معاشی خسارہ ہوا اور انہوں ںے پورے ملک کے ساتھ ٹوپی گھمائی ہے اگر سری لنکا جیسی حالت ہوئی تو لوگ معاف نہیں کریں گےہمیں بجٹ میں 459 ارب روپے خسارے کاسامنا ہےہم 90 میں بنگلہ دیش سے آگے تھے اور کیا وجہ ہے کہ ہم اس نہج پر آگئے ہیں۔ عوام کاساتھ چاہتا ہوں اور پیٹرول مہنگا کر کے پیسے گھر نہیں لے جا رہے۔ اخراجات صرف 3 فیصد بڑھ رہے ہیں۔

کسانوں کےحالات پرخاص توجہ دینےکی ضرورت ہے،عمران خان

آئی سی سی نے ون ڈے کی نئی رینکنگ جاری کر دی،پاکستان نے ایک درجہ بہتری سے چوتھی پوزیشن حاصل کر لی۔

باغی ٹی وی : آئی سی سی ون ڈے رینکنگ میں پاکستان نے ایک درجہ ترقی کر کے بھارت سے چوتھی پوزیشن چھین لی بھارت ایک درجہ تنزلی کے بعد پانچویں نمبر پرچلا گیا جبکہ نیوزی لینڈ ٹیم کی ون ڈے انٹرنیشنل میں پہلی پوزیشن برقرار ہے۔

واضح رہے کہ پاکستان نے ویسٹ انڈیز کے خلاف تین میچوں کی ون ڈے ہوم سیریز میں کلین سوئپ کیا ہے جبکہ قبل ازیں آئی سی سی نے نئی ٹیسٹ اور ٹی ٹوئٹی فارمیٹ کی نئی رینکنگ جاری کی تھی –

جس میں کپتان قومی کرکٹ ٹیم بابر اعظم کی ٹیسٹ رینکنگ میں ایک درجہ ترقی سے بابر اعظم پانچویں سے چوتھے نمبر پر پہنچ گئے،انگلش بلے باز جوئے روٹ دو درجہ ترقی کے بعد دوسرے نمبر پر پہنچے تھے ،ٹیسٹ بیٹنگ رینکنگ میں آسٹریلوی کھلاڑی مارنس لبوشین کی پہلی پوزیشن برقرار ہے-

آسٹریلوی بلے باز اسٹیو سمتھ اور نیوزی لینڈ کپتان کین ویلیم سن کی ایک ایک درجہ تنزلی ہوئی ہے۔ اسٹیو سمتھ دوسرے سے تیسرے اور کین ویلیم سن چوتھے سے پانچویں نمبر پر آگئے ہیں-

ٹیسٹ باؤلرز رینکنگ میں قومی فاسٹ باولر شاہین آفریدی کی ایک درجہ تنزلی ہوئی ہے شاہین شاہ آفریدی ٹیسٹ باولنگ رینکنگ میں چوتھے سے پانچویں نمبر پر پہنچ گئے ٹیسٹ باولنگ رینکنگ میں آسٹریلوی کپتان پیٹ کمنز کی پہلی پوزیشن برقرار ہے-

اسلام آباد:سپریم کورٹ کا موسم گرما کی تعطیلات میں بھی کام جاری رکھنے کا فیصلہ،اطلاعات کے مطابق ترجمان سپریم کورٹ کا کہنا ہے کہ عوام کو بڑے پیمانے پر انصاف کی فراہمی کے لیے موسم گرما کی تعطیلات میں بھی بھرپور کام ہوگا۔

ترجمان کا پریس ریلیز میں کہنا تھا کہ تعطیلات کے پہلے ہفتے میں 3 بینچز سمیت پرنسپل سیٹ پر کام کریں گے جبکہ ایک بینچ کراچی رجسٹری کے لیے تشکیل دیا گیا ہے۔ترجمان عدالت عظمیٰ کے مطابق 13 اور 14 جون کے لیے 2 لارجر بینچ بھی تشکیل دیے گئے ہیں۔ان کا کہنا تھا کہ رواں سال موسم گرما کی تعطیلات میں اسی روٹین پر عمل کیا جائے گا۔

ترجمان کے مطابق سپریم کورٹ میں زیر التوا مقدمات میں کمی ہوئی ہے، گزشتہ چار ماہ کے دوران زیر التوا مقدمات میں ایک ہزار 182 کی کمی آئی ہے۔

مزید بتایا گیا کہ 10 جون کو ختم ہونے والے ہفتے میں 183 نئے مقدمات کا اندراج ہوا جبکہ 568 مقدمات نمٹائے گئے، اس طرح زیر التوا مقدمات مزید کم ہو کر 385 رہ گئے۔

یاد رہے کہ یہ پہلا موقع نہیں بلکہ عدلیہ کی تاریخ بھری پڑی ہے جس میں ہر دور میں پاکستان کی سپریم کورٹ نے رواں سال موسمِ گرما میں بھی ‘انصاف کی فراہمی یقینی بنانے کے لیے’ کام جاری رکھا

2019 میں بھی سپریم کورٹ کی جانب سے جاری کردہ اعلامیے میں کہا گیا کہ ‘سپریم کورٹ کو زیرِ التوا مقدمات کا ادراک ہے اس لیے پرنسیپل سیٹ سمیت تمام برانچ رجسٹریوں میں گرمیوں کے دوران کام جاری رہے گا تاکہ عوام کو انصاف کی فراہمی یقینی بنائی جا سکے۔’

خیال رہے کہ پاکستان میں لگ بھگ ڈھائی ماہ تک چھوٹی بڑی تمام عدالتیں گرمیوں کی چھٹیوں کے باعث بند پڑی رہتی تھیں۔ عدالتوں سے منسلک سرکاری ملازمین کو حاصل یہ ‘سہولت’ ملک میں کسی دوسرے سرکاری ادارے کو حاصل نہیں ہے۔عموماً اس دوران اگر عدالتوں میں انتہائی ضروری نوعیت کے کیسز آئیں تو چھٹیوں میں مقدمات ڈیوٹی ججز سنتے تھے۔

پاکستان جیسے ملک میں جہاں پہلے ہی اعلیٰ عدالتوں میں لاکھوں کیسز سالہا سال سے فیصلے کے منتظر ہیں وہاں ججوں کے تعطیلات پر ہونے کی وجہ سے ہزاروں سائلین کو مزید پریشانی اٹھانا پڑتی تھی اور اس حوالے سے کئی حلقوں کی جانب سے عدلیہ کو تنقید کا نشانہ بھی بنایا جا چکا ہے۔

چھٹیوں کی ابتدا کیسے ہوئی؟
عدالتی چھٹیوں کی روایت کے بارے میں ماہرین کا کہنا ہے کہ پاکستان کے قیام سے قبل یہاں موجود برطانوی حکام نے اس خطے میں گرم ترین مہینوں میں موسم کی سختی سے بچنے اور اپنی سہولت کے لیے گرمیوں کی چھٹیوں کا شیڈول بنایا تھا۔

عمومی طور پر انگریز جج موسمِ گرما میں برصغیر سے واپس برطانیہ چلے جاتے تھے یا پھر کسی پرفضا پہاڑی مقام پر اپنا ڈیرہ لگاتے۔

گورے جج تو چلے گئے مگر اپنی یہ روایت پاکستانی عدلیہ کے لیے ترکے میں چھوڑ گئے۔ ان کے جانے کے تقریباً 70 سال بعد بھی برصغیر کے دونوں بڑے ممالک انڈیا اور پاکستان آج بھی اس روایت پر عمل پیرا ہیں۔

لاہور:پنجاب میں ضمنی الیکشن کی تیاری کے لئے انتخابی مہم کی ذمہ داری مریم نواز کے سپرد کردی گئی۔پاکستان مسلم لیگ ن کا اہم مشاورتی اجلاس ماڈل ٹاؤن میں ہوا، پنجاب کی 20 نشستوں پر ضمنی انتخاب میں کامیابی کے حوالے سے حکمت عملی پر مشاورت کی گئی۔

اجلاس میں وزیر اعلیٰ پنجاب حمزہ شہباز، پاکستان مسلم لیگ (ن) کی نائب صدر مریم نواز اور وفاقی وزیر داخلہ رانا ثناءاللہ، خواجہ سعد رفیق، عبدالرحمٰن کانجو سمیت دیگر رہنماؤں نے شرکت کی۔اجلاس میں اتفاق کیا گیا کہ مریم نواز تمام ضمنی حلقوں میں الیکشن مہم چلائیں گی۔

اس موقع پر مریم نواز نے کہا کہ عوام ضمنی انتخاب میں عمران بیانیے کو مسترد کریں گی جبکہ حمزہ شہباز کا کہنا تھا کہ کارکردگی کی بنیاد پر عوام مسلم لیگ کے امیدوار کو کامیاب کروائے گی۔

ادھرپنجاب حکومت نے لوکل گورنمنٹ ایکٹ 2019 بحال کردیا، ڈویژنل سطح پر کمشنرز مقامی حکومتوں کے ایڈمنسٹریٹر ہونگے، اضلاع کے ایڈمنسٹریٹر بھی مقرر کرنے کا نوٹی فیکشن جاری کردیا گیا۔

نوٹیفکیشن کے مطابق تمام اضلاع میں مقامی حکومتوں کے ایڈمنسٹریٹرز بھی مقرر کر دئیے گئے، مقامی حکومتوں کا انتظامی نظام 2013 کے مطابق چلے گا، آٹھ جون 2021 کو لوکل گورنمنٹ آرڈیننس ختم ہو گیا تھا ۔

اس حوالے سے جاری کردہ نوٹیفکشن میں مزید بتایا گیا کہ میٹروپولیٹن کارپوریشن لاہور کا ایڈمنسٹریٹر کمشنر لاہور ہوں گے۔