Tag: پاکستان

لاہور:سابق وزیراعظم عمران خان نے پاکستان تحریک انصاف کے لانگ مارچ کے دوران زندگی کی بازی ہارنے والے دو کارکنوں کے اہل خانہ کی مکمل مالی ذمہ داری اٹھانے کا اعلان کر دیا۔

سماجی رابطے کی ویب سائٹ ٹویٹر پر انہوں نے لکھا کہ ہمارے پرامن آزادی مارچ کے دوران پنجاب پولیس کے تشدد کے نتیجے میں ہمارے دو کارکن جاں بحق ہوئے، لاہور سے فیصل عباس چودھری اور مردان سے سیّد احمد جان کے اہل خانہ سے میں دلی تعزیت کرتا ہوں۔انہوں نے کہا کہ پاکستان تحریک انصاف ان کے اہل خانہ کی مکمل مالی ذمہ داری اٹھائے گی۔

چیئرمین تحریک انصاف عمران خان نے حکومت کو 6 روز کی ڈیڈ لائن دیتے ہوئے کہا کہ اسمبلیاں تحلیل حکومت 6 دن میں الیکشن کا اعلان کرے ورنہ ملک بھر سے کارکنوں کو لیکر دوبارہ اسلام آباد آؤں گا۔

سابق وزیراعظم عمران خان نےجناح ایونیو پرکارکنوں سے خطاب میں کہا کہ میری قوم آزادی کےلیےہرقربانی دینے کے لیے تیارہے، ہماری آزادی کی تحریک کوفیل کرنےکےلیےہرقسم کی کوشش کی گئی، پاکستان کے ہرطبقہ فکر کےلوگ متحد ہیں۔ امریکی سازش کےتحت امپورٹڈحکومت کومسلط کیاگیا قوم اس امپورٹڈحکومت کوکسی صورت قبول نہیں کرےگی۔

My heartfelt condolences go to the families of our two martyred PTI workers, Faisal Abbas Chaudhry from Lahore & Syed Ahmed Jan from Mardan as a result of Punjab police violence during our peaceful Azadi March. PTI will take full financial responsibility for their families.

— Imran Khan (@ImranKhanPTI) May 26, 2022

انہوں نے کہا کہ آدھی سے زیادہ کابینہ ضمانت پر ہے، امپورٹڈ وزیراعظم اوراس کےبیٹے کوسزا ہونی تھی، اس سے زیادہ قوم کی کیاتوہین ہوسکتی ہے کہ چوروں کواقتدارسونپ دیاگیا۔انہوں نے ازخودنوٹس لینےپرسپریم کورٹ کاشکریہ اداکیا۔عمران خان نے سوال اٹھایا کہ کیا پرامن احتجاج ہماراحق نہیں ہے؟ کیاہم نےفضل الرحمان اوربلاول بھٹو کےلانگ مارچ کوروکا؟ ہم نے کبھی ان کے جلسوں میں رکاوٹ پیدا کرنےکی کوشش کی؟ میرجعفرمیرصادق امریکی سازش کاحصہ تھے۔

عمران خان نے کہا کہ جس طرح سازش سے ہمیں ہٹایا گیا،عوام میں شدید غصہ ہے۔ ہماری آزادی کی تحریک میں خواتین اور بچے بھی شامل ہیں،قوم کی خواتین کوسلام پیش کرتاہوں، ہمارےکارکنوں پر لاٹھی چارج اور شیلنگ کی گئی، اعلیٰ عدلیہ سےاپنےپاکستانیوں سےانصاف چاہتاہوں، اگر یہ جسٹس (ر) ناصرہ اقبال کے گھر میں گھس سکتے ہیں توعام آدمی کا کیا حال ہو گا، امپورٹڈ حکومت نےچن چن کرکرپٹ افسرو ں کوتعینات کیا، اعلیٰ عدلیہ سے اپیل کرتاہوں کہ ایف آئی اےکوشریف مافیا سےبچائیں۔

چیئرمین تحریک انصاف نے کہا کہ فیصلہ توکیاتھا کہ الیکشن کی تاریخ تک یہاں بیٹھوں گا، 24گھنٹےمیں جوحالات دیکھے یہ ملک کوانتشارکی طرف لےجارہےہیں، حکومت عوام اور پولیس میں نفرت پیدا کرنےکی کوشش کررہی ہے۔

کوئٹہ :چیف آف دی نیول اسٹاف ایڈمرل محمد امجد خان نیازی نے کمانڈ اینڈ اسٹاف کالج کوئٹہ کا دورہ کیا اور طلباء افسران سے خطاب کیا۔ نیول چیف کی آمد پر کمانڈنٹ کمانڈ اینڈ اسٹاف کالج کوئٹہ نے استقبال کیا۔

اطلاعات کے مطابق سٹاف کورس کے شرکاء سے خطاب کرتے ہوئے ایڈمرل محمد امجد خان نیازی نے ملک کے دفاع میں پاک فوج کی قربانیوں کو زبردست خراج تحسین پیش کیا۔ چیف آف دی نیول اسٹاف نے تازہ ترین رجحانات سے باخبر رہنے اور ابھرتے ہوئے پیچیدہ اور متحرک سیکیورٹی ماحول سے نمٹنے کے لیے مزید کوششیں کرنے پر زور دیا۔

ایڈمرل نے اس بات کا اعادہ کیا کہ ملٹری آپریشنز کے جدید تصور میں جوڑنا مرکزی حیثیت رکھتا ہے کیونکہ جوڑنا آج کی جنگ میں کامیابی کو یقینی بناتا ہے۔ نیول چیف نے اس بات پر روشنی ڈالی کہ موجودہ جیو اسٹریٹجک ماحول میں پاکستان نیوی ہائبرڈ وارفیئر کے دائرہ کار میں تیار ہونے والے میری ٹائم سیکیورٹی چیلنجز سے پوری طرح آگاہ ہے۔

نیول چیف ایڈمرل امجد خان نیازی نے مزید زور دیا کہ پاک بحریہ سسٹر سروسز کے فعال تعاون سے ملک کو درپیش میری ٹائم سیکیورٹی چیلنجز سے نمٹنے کے لیے ہمہ وقت تیار ہے۔نیول چیف ایڈمرل امجد خان نیازی نے کہا ہے کہ موجودہ دور کی جنگوں میں تینوں فورسز کا اشتراک کامیابی یقینی بناتا ہے۔

آئی ایس پی آر کا کہنا ہے کہ نیول چیف نے مادرِ وطن کے دفاع کے لیے مسلح افواج کی قربانیوں کو زبردست خراجِ تحسین پیش کیا، انہوں نے اسٹاف کورس کے شرکا سے خطاب کرتے ہوئے کہا کہ جدید فوجی آپریشنز میں اشتراک کو مرکزیت حاصل ہے۔

انہوں نے کہا کہ موجودہ دور کی جنگوں میں تینوں فورسز کا اشتراک کامیابی یقینی بناتا ہے، پاک بحریہ ہائبرڈ وارفیئر کے دور میں میری ٹائم سیکیورٹی چیلنجز سے پوری طرح آگاہ ہے۔

نیول چیف ایڈمرل امجد خان نیازی کا مزید کہنا تھا کہ پاک بحریہ ملک کو درپیش میری ٹائم سیکیورٹی چیلنجز سے نمٹنے کے لیے ہمہ وقت تیار ہے۔

لاہور:اسلام آباد میں جلاؤ گھیراؤ عمران خان اور شیخ رشید کی تعلیمات پر کیا گیا:اطلاعات کےمطابق مریم نواز اس وقت ان پولیس والوں کے گھر میں جارہی ہیں جو کل کے احتجاج میں جان سے ہاتھ دھو بیٹھے ہیں ، اس پر مریم نواز نے کہا کہ وزیراعظم شہبازشریف نے اس بیوہ سے فون پر بات کی

مریم نواز نے اس موقع پر کہا ہے کہ پیٹرول اور بجلی کی قیمتیں نہ بڑھائی گئیں تو ملک دیوالیہ ہو سکتا ہے،مریم نواز نے کہا ہے کہ پنجاب کے عوام نے ان کو مکمل مسترد کر دیا ہے، مریم نوازنے کہا تھا کہ اسلام آباد میں جلاؤ گھیراؤ عمران خان اور شیخ رشید کی تعلیمات پر کیا گیا،

مریم نواز نے کہا کہ جن کے گھروں سے اسلحہ نکلا ان کے خلاف بھی پرچے ہونے چاہئیں،کانسٹیبل پر گولی چلانے والوں پر مقدمہ درج ہونا چاہیے،مریم نواز نے کہا کہ ریاست مدینہ کا دعویدار جلسوں میں خواتین پر جملے کستا ہے،ڈی چوک میں جو ہوا سب کے کیمرے وہاں موجود تھے ،مریم نواز کہا ہے کہ ان کوپتہ تھا عدالت نے انہیں ایف نائن تک مختص کیا،

مریم نواز نے کہا ہے کہ ہید کانسٹیبل کے بیوہ نے کہا ان کے پاس گھر نہیں،سپریم کورٹ سے اپیل ہے کہ وہ اپنے فیصلہ پر نظر ثانی کریں،ان ریمارکس سے افسوس ہوا کہ شاید عمران خان تک درست پیغام نہیں پہنچا، انہوں نے دارالحکومت کو آگ لگائی،نائب صدر مسلم لیگ ن مریم نواز نے کہا ہے کہ ان کے انتشار کا ایجنڈا ایکسپوز ہوا،

مریم نواز نے کہا کہ سپریم کورٹ کا فیصلہ آنے کے بعد انہیں کھلی آزادی ملی،کل رات تک ہر چیز کنٹرول میں تھی،

مریم نواز نے کہا کہ عمران خان کو حقیقی آزادی کا سفر گھر سے شروع ہوتا ہے چھوٹے بچوں کے والد کو شہید کر دیا،اپنے بچوں کو برطانیہ میں رکھا ہے پہلے اپنے بچوں کو سامنے لائیں، عمران خان کا چھ دن شرمندگی مٹانے کے اور کچھ بھی نہیں ہے، حکومت پورے اختیار سے ملی لوگ چار سالہ دور کا پوچھتے ہیں، آج بھی کارکردگی کا جواب نہیں جعلی خط جعلی سازش جعلی انقلاب کو لوگ پہچان گئے ہیں،

مریم نواز نے کہا کہ لوگوں نے بربادی مارچ سے پشاور واپس بھیج دیا،قوم کے بچوں سے شرپسندی بند کرو قوم کو تقسیم کرنے کے بجائے ذاتی اقتدار کے بجائے بنی گالہ جاکر اپنے زندگی وہاں اللہ کرکے گزارو، کل رات تک ہر چیز کنٹرول میں تھی سپریم کورٹ کے فیصلے کے بعد انہیں آزادی ملی۔ فتنہ فساد کا کھیل سامنے آ گیا سپریم کورٹ فیصلے سے دارالخلافہ کو نذر آتش کیا،

مریم نواز نے کہا ہے کہ کئی گھنٹے تک اسلام آباد جلتا رہا،سارا دن ٹوئٹس کرتا رہا سپریم کورٹ کے فیصلے پر کیا انہیں معلوم نہیں تھا،انہیں معلوم تھا ڈی چوک تک نہیں آ سکتے تو انتشار برپا کیا، جس نے اسلام آباد کو جلایا سپریم کورٹ کو یاد دہانی کروانا چاہتی ہو شیخ رشید سے لےکر تمام وزراء کے بیانات ہیں خونی لانگ مارچ ہوگا، لیڈر لیس انقلاب نہیں تھا لیڈر موجود تھے سامنے گھیرائو جلائو کرواتا رہا،

مریم نوازنے کہاکہ شہبازشریف نے قومی اسمبلی میں تقریر کی تو بات کئی جتنے لوگ شہید ہویے ان سب کو حکومت خیال رکھے گی، بیوہ کے پاس گھر نہیں ہے حکومت نہ صرف گھر لے کر دے سکول میں داخل کروائے گی، منافقت اس سے بڑی کوئی نہیں ہوسکتی دہشت گردی اتنا نقصان مذہب کو نہیں پہنچاتے جتنے سیاسی لبادہ اوڑھ کر بناتے ہیں، نام ریاست مدینہ کا لیتے ہیں وہ دعویدار خواتین پر جملے کستا ہے،

لاہور پی ٹی آئی اہلکار جس نے شہید کیا کنٹینر اٹھاتے ہوئے شہید ہوگی شاہد تبھی عمران خان کے خلاف ہونا چاہیے. ہلاکتوں زخمیوں اور املاک کو نقصان پہنچاتو ذمہ دار کو کیفر کردار تک پہنچانا چاہئے،قوم نے عمران خان کو مسترد کرکے ایبسلوٹلی ناٹ کہہ دیا جب عوام نکلتی ہے تو انقلاب کے سامنے کوئی چیز نہیں رک سکتی،کوئی شخص کے پی سے نہ نکال سکے آفس ہولڈرز نے سرکاری اخراجات کیے ،کے پی حکومت نے پیسے خرچ کرنے کے باوجود عوام نے کوئی رسپانس نہیں کیا اس پر ڈوب کر مر جانا چاہئیے، پاکستان میں قابل ذکر ہر منصوبہ میٹرو بس معیشت کی ترقی، جی ڈی پی کو سیون پلس، آئی ایم ایف کو خدا حافظ نوازشریف حکومت کے کارنامے ہیں،

سڈنی :آسٹریلیا میں سب سےزیادہ کمانے والا کھلاڑی کون؟نام سُن کرسب حیران رہ گئے،اطلاعات کے مطابق آسٹریلیوی کپتان پیٹ کمنز مسلسل تیسرے سال سب سے زیادہ کمانے والے آسٹریلوی کھلاڑی بن گئے ہیں۔

خبر رساں ادارے کے مطابق کرکٹ آسٹریلیا نے رواں سال سب سے زیادہ معاضہ حاصل کرنے والوں کی فہرست جاری کی ہے جس کے مطابق آسٹریلوی کپتان پیٹ کمنز مسلسل تیسرے سال سب سے زیادہ معاوضہ حاصل کرنے والے کھلاڑی ہیں۔

آسٹریلیوی میڈیا کے مطابق رواں سال کپتان پیٹ کمنز نے 20 لاکھ آسٹریلوی ڈالر کمائے ہیں جبکہ اس فہرست میں دوسرا نمبر جوش ہیزل ووڈ کا ہے، جنہوں نے رواں سال 16 لاکھ آسٹریلوی ڈالر کمائے ہیں جبکہ اس سے قبل جوش ہیزل کا پانچواں نمبر تھا۔

علاوہ ازیں اس فہرست میں تیسرا نمبر ڈیوڈ وارنر کا ہے، جنہوں نے رواں سال 16 لاکھ آسٹریلوی ڈالر کمائی کی ہے جبکہ چوتھے نمبر پر 14 لاکھ آسٹریلوی کماکر مچل اسٹارک رہے ہیں۔اسٹیو اسمتھ کا 13 لاکھ آسٹریلوی ڈالر کماکر پانچواں جبکہ مارنس لبوشن کا 12 لاکھ آسٹریلوی ڈالر کماکر چھٹا نمبر رہا ہے۔

دوسری طرف آسٹریلوی کھلاڑیوں نے سری لنکا میں جاری بحران کے دوران دورے پر تشویش کا اظہار کردیا ہے۔خبر رساں ادارے کے مطابق آسٹریلین کرکٹرز ایسوسی ایشن کے سربراہ ٹوڈ گرین برگ کا کہنا ہے کہ آسٹریلیا کے اسکواڈ میں شامل کھلاڑیوں نے سری لنکا کے آئندہ دورے کے حوالے سے خدشات کا اظہار کیا ہے۔ان کا کہنا تھا وہ دورے کو آگے بڑھانے کے فیصلے کی حمایت کرتے ہیں تاہم کھلاڑی سری لنکا کی صورتحال سے بہت واقف ہیں۔

انہوں نے کہا کہ یہ کہنا مناسب ہے کہ سری لنکا میں جاری بحران کے دوران دورہ مشکل ہے جبکہ خاص کر ایسے حالات میں جب سری لنکن عوام کو خوراک کی بڑھتی ہوئی قیمتیں، بجلی کی بندش، ایندھن اور راشن کی کمی جیسے حالات کا سامنا ہو۔ان کا مزید کہنا تھا کہ ہمارے کھلاڑی کرکٹ کو جاری رکھنا چاہتے ہیں جبکہ دورے کے انتظامات اور منصوبہ بندی کے حوالے سے وہ کرکٹ ایسوسی ایشن سے رہنمائی اور مشورہ لیں گے۔

واضح رہے کہ آسٹریلیا نے جون تا جولائی میں سری لنکا کے دورے کا اعلان کیا ہے جس دوران وہ سات ہفتے وہاں قیام کریں گے جبکہ آسٹریلیا نے اپنے دورہ سری لنکا کے لیے تینوں فارمیٹ کی ٹیموں کا بھی اعلان کردیا ہے۔

آسٹریلیا کے دورہ سری لنکا کے دوران 3 ٹی ٹوئنٹی اور 5 ون ڈے میچز پر مشتمل سیریز کھیلی جائیں گی۔ علاوہ ازیں 2 ٹیسٹ میچز کی سیریز بھی شیڈولڈ ہے۔خیال رہے کہ سری لنکا 1948 میں آزادی کے بعد سے اپنے بدترین معاشی بحران سے دوچار ہے جبکہ غیر ملکی زرمبادلہ کی شدید قلت نے درآمدات میں شدید کمی کردی ہے