Tag: پاکستان

اسلام آباد:”عمران خان کو شدید خطرہ ہے، کچھ ہوا تو حکومت پر مقدمہ کریں گے“اطلاعات کے مطابق پاکستان تحریک انصاف کے رہنما اور سابق وفاقی وزیر اسد عمر کا کہنا ہے کہ چیئرمین عمران خان کی جان کو شدید خطرہ ہے، اگر کچھ ہوا تو حکومت کے خلاف مقدمہ درج کرائیں گے۔

نجی ٹی وی میں گفتگو کرتے ہوئے اسد عمر نے کہا کہ عمران خان کو فون کر کے میں نے کہا کہ جان کو خطرہ ہے، بلٹ پروف شیشہ لگالیں، عمران خان کے بعد شاہ محمود قریشی کو بھی فون کیا، حکومت کی ایک اعلیٰ شخصیت کا فون آیا تھا کہ عمران خان کی جان کو شدید خطرہ ہے، عمران خان کی سکیورٹی سے متعلق تھریٹ لیٹر بھی مل چکا ہے۔

اسد عمر نے کہا کہ حکومت کہتی ہے کہ ایک گاڑی دے دیتے ہیں باقی سکیورٹی آپ خود کریں، عمران خان کو کہا کہ جلسے میں بلٹ پروف شیشہ استعمال کریں، عمران خان نے فیصلہ کیا کہ بلٹ پروف شیشہ لگانے کی ضرورت نہیں، عمران خان کی جان کو شدید خطرہ ہے، کچھ ہوا تو حکومت پر مقدمہ درج کرائیں گے، پاکستان کی سب سے بڑی جماعت کے سربراہ کو سکیورٹی نہیں دی جا رہی، دوسری طرف ایک سزا یافتہ مجرم کو حکومت سکیورٹی دے رہی ہے۔

رہنما پی ٹی آئی نے کہا کہ کل عمران خان کو تفصیلی بریفنگ دی تھی، ہماری تیاری مکمل ہے، عمران خان شروع سے کہہ رہے ہیں کہ 20 سے 30 مئی کے درمیان مارچ ہوگا، عمران خان نے کو رکمیٹی کا اجلاس بلایا ہے، پرسوں تک مارچ کا اعلان کر دیا جائے گا، عمران خان کو بتایا ہفتے تک مارچ کے لیے ہماری تیاریاں مکمل ہو جائیں گی۔

انہوں نے کہا کہ عمران خان کو یہ بھی کہا تھا کہ 48 گھنٹے میں مارچ نکال سکتے ہیں، الیکشن کی تاریخ کا اعلان کر دیا جائے پھر بات چیت ہو سکتی ہے، سیاستدانوں کو آپس میں بات چیت کرنی چاہیے، شہباز شریف بھی سمجھ گئے ہوں گے کہ ضمیروں کی منڈی کیساتھ ملک نہیں چل سکتا، اسمبلی تحلیل کرنے کی ایڈوائس وزیراعظم نے ہی صدر کو دینی ہے۔

اسد عمر نے کہا کہ شہباز شریف کیسے وزیراعظم بن گئے اس سوال کا جواب ان کے پاس بھی نہیں، پیٹرول کی قیمت کا فیصلہ کرنے کے لیے قومی سلامتی کمیٹی اجلاس بلانا چاہتے ہیں، دوسری طرف کہتے ہیں فوج کو سیاست میں نہیں آنا چاہیے، پیٹرول کی قیمت طے کرنے کیلئے انہیں باوردی لوگ چاہییں، جو حکومت پیٹرول کی قیمت طے نہیں کر پا رہی کیا وہ الیکشن کراسکتی ہے۔

نیو دہلی:خوفناک آتشزدگی، 26 افراد ہلاک، ہلاکتوں میں اضافے کا خدشہ

میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

افغانستان :کابل کی ایک مسجد میں بم دھماکہ، 3 افراد زخمی

اسلام آباد:آصف زرداری کی مولانا فضل الرحمن سے ملاقات’ موجودہ سیاسی صورتحال پر غور،اطلاعات کے مطابق سابق صدر آصف علی زرداری نے جے یو آئی کے امیر مولانا فضل الرحمن سے ملاقات کر کے موجودہ سیاسی صورتحال پر تبادلہ خیال کیا۔

ملاقات کے دوران دونوں رہنماؤں کا کہنا تھا کہ تمام فیصلے قومی حکومت کے مشاورت سے کر رہے ہیں اور مستقبل میں بھی مشاورت سے کریں گے۔

رہنماؤں کا کہنا تھا کہ پاکستان پہلے ہے اور سیاست بعد میں ہے اور آئندہ بھی تمام اقدامات پاکستان کی بہتری کے لیے کریں گے نہ کہ دوسروں کی طرح دو ٹکے کی سیاست کے لیے۔ملاقات میں رہنماؤں نے مزید کہا کہ قومی حکومت ہی ملک اور اس قوم کو سابق حکومت کے بنائے ہوئے بھنور میں سے نکال سکتی ہے۔

ادھر سابق وزیراعظم نوازشریف نے کہاہے کہ ہم نے تو کب سے الیکشن کی تیاری کر رکھی ہے،ضمنی الیکشنزمیں بھی عمران خان کو ہرایا، اب بھی ہرائیں گے۔

لندن میں میڈیا سے گفتگو کرتے ہوئے مسلم لیگ ن کے قائد نے کہا کہ ن لیگ نے ہمیشہ دلیرانہ فیصلے کئے ،ہم نے تو کب سے الیکشن کی تیاری کر رکھی ہے،ضمنی الیکشنزمیں بھی عمران خان کو ہرایا، اب بھی ہرائیں گے، ہم الیکشن کیلئے تیار ہیں۔

سابق وزیراعظم نے کہاکہ عمران خان نے سیاست میں بدتہذیبی کا کلچر متعارف کرایا،اس شخص نے ملک کی معیشت کا بیڑاغرق کردیا۔

نیو دہلی:خوفناک آتشزدگی، 26 افراد ہلاک، ہلاکتوں میں اضافے کا خدشہ

میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

افغانستان :کابل کی ایک مسجد میں بم دھماکہ، 3 افراد زخمی

اسلام آباد: وفاقی وزیر داخلہ رانا ثنا اللہ نے کہا ہے کہ عمران خان زبان کو لگام دو ورنہ گندگی پھیلانے والی زبان ہمیں کھینچنا آتی ہے۔

پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کے خطاب پرشدید ردعمل دیتے ہوئے رانا ثنا اللہ کا کہنا تھا کہ تم قوم کی بیٹی مریم نواز شریف کے بارے میں جملے بازی کر کے پوری قوم کی خواتین کی توہین کر رہے ہو، عمران خان کی گندی تربیت اور کردار کا عکس ہے، یہ ہے وہ لوفر، لفنگا جو وزیراعظم اسلامی جمہوریہ پاکستان کی کرسی پر چار سال گند پھیلاتا رہا۔

وفاقی وزیر داخلہ کا مزید کہنا تھا کہ ملک کی معیشت، عوام کو تباہ کرنے والے عمران خان نے معاشرے کی اخلاقی قدروں کا بھی جنازہ نکال دیا ہے،عمران خان کا منہ گندا نالا بن چکا ہے، ہم نے اپنا جذبہ اور جنون دکھایا تو عمران نیازی سے برداشت نہیں ہوگا، عمران نیازی مریم نواز کی نہیں پورے پاکستان کی بیٹیوں کی توہین کر رہا ہے۔

 

سابق صدر آصف علی زرداری کی مریم نواز کے حوالے سے عمران خان نازیبا زبان استعمال کرنے کی شدید مزمت کرتے ہوئے کہا ہے کہ  عزت داروں کے گھروں میں مائیں بہنیں ہوں وہ اس طرح کی زبان نہیں استعمال کرتے

آصف علی زرداری کا کہنا تھا کہ خدارا اس سیاست میں اتنے نیچے نہ گر جاؤ,مائیں بہنیں بیٹیاں سب کی سانجی ہوتی ہیںیہ ہی پیغام بی بی شہید چھوڑ کر گئیں ہیں کاش اب بھی کوئی چیف جسٹس کو پرسنل ابزرویشن کا خط لکھے اور وہ نوٹس لیں

 

‏ مریم اورنگزیب نے کہا ہے کہ مریم نواز شریف سے سیاسی میدان میں ہارنے والے کا کم ظرفی اور دشنام طرازی پر اتر آنا اعتراف شکست ہے۔چوک چوراہوں پر جملے کستے کردار آئینی مناصب پر بیٹھے، یہ ہے معاشرے کا زوال۔

 

 

وفاقی وزیر اطلاعات نے کہا ہے کہ ‏  پاکستان کی ماؤں، بہنوں اور بیٹیوں کو اسی شر سے بچانے کی جدوجہد کر رہے ہیں۔

یہ وہی ہے جو خاتون صحافیوں کو لفافے کہہ کر خاموش کرانا چاہتا ہے۔

 

خواتین کے لباس کو جرم کی وجہ قرار دینے والا اپنی خرافات سے سیاسی مد مقابل خاتون کو ڈرانے کی ناکام کوشش کر رہاہے

وفاقی وزیر ریلوے خواجہ سعد رفیق نے بھی سماجی رابطے کی ویب سائٹ ٹوئٹر پر عمران خان کے خطاب پر شدید ردعمل دیتے ہوئے لکھا کہ ملتان جلسہ میں عمران خان نے مریم نواز شریف کے خلاف جو اخلاق سے گری ہوئی گفتگو کی ہے اس نے ہر پاکستانی کا سر شرم سے جھکا دیا، ایک شخص جو خود کو مقبول لیڈر کہتا ہے اسے بات کرنے کی بھی تمیز نہیں ہے۔

خیال رہے کہ ملتان جلسے سے خطاب میں عمران خان نے کہا تھا کہ ’مجھے کسی نے سوشل میڈیا پر تقریر بھیجی، مریم تقریر کر رہی تھی کل، اس میں اتنی دفعہ اور اس جذبے سے اور اس جنون سے میرا نام لیا کہ میں کہنا چاہتا ہوں کہ مریم دیکھو تھوڑا دھیان کرو تمہارا خاوند ہی ناراض نہ ہوجائے جس طرح تم بار بار میرا نام لیتی ہو۔‘

نیو دہلی:خوفناک آتشزدگی، 26 افراد ہلاک، ہلاکتوں میں اضافے کا خدشہ

میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

افغانستان :کابل کی ایک مسجد میں بم دھماکہ، 3 افراد زخمی

ملتان :شاہ محمود قریشی نے کہا ہے کہ لوٹوں نے حلقوں کا رخ کیا تو عوام کے غضب کا سامنا کرنا پڑے گا۔پاکستان تحریک انصاف کے رہنما شاہ محمود قریشی نے ملتان میں جلسے سے خطاب کرتے ہوئے کہا ہے کہ عمران خان کا تاریخی استقبال کرنے پر شکریہ ادا کرتا ہوں، لوٹوں نے حلقوں کا رخ کیا تو عوام کے غضب کا سامنا کرنا پڑے گا۔

انہوں نے کہا کہ اس وقت عمران خان کی مقبولیت آسمان کو چھو رہی ہے، رابطے شروع ہو گئے، ٹکٹوں کے لیے لائنیں لگ گئیں، تحریک انصاف نے ملتان سے 6 نشستوں کے ساتھ کلین سوئپ کیا، ہمارے ساتھ دو لوٹے بھی شامل ہوگئے تھے۔

دوسری جانب سابق وفاقی وزیر داخلہ شیخ رشید نے ملتان میں جلسے سے خطاب کرتے ہوئے کہا ہے کہ امپورٹڈ حکومت کو لانے والوں نے سمجھا عمران گھر بیٹھ جائے گا، عمران خان تم سب لوگوں کو گھر بھیجے گا۔

انہوں نے کہا کہ اس وقت ملک میں 2 وزیراعظم، 2 وزیرخارجہ اور 2 وزیرخزانہ ہیں، عمران خان آج جو بھی فیصلہ کرے گا شیخ رشید حاضر ہے، صرف ایک ووٹ کا فرق ہےعمران خان حکم کرے تو دوبارہ وزیراعظم بنادوں۔شیخ رشید نے کہا ہے کہ عمران خان اس اسمبلی سے دوبارہ وزیراعظم منتخب ہوسکتے ہیں۔

کراچی:سربراہ سیلانی ویلفیئر ٹرسٹ حضرت مولانا بشیر فاروقی صاحب کا پیغام اس وقت بڑی تیزی سے وائرل ہورہا ہے جس میں انہوں نے ملک وقوم سے ایک دردمندانہ اپیل کی ہے اور کہا ہے کہ خدارا پاکستان پرمشکل وقت ہے اوراس مشکل وقت میں ہمیں‌ صبروتحمل سے کام لینا ہوگا اور ایسے اخراجات روکنے ہوں گے جس سے ملک کی معیشت پرمنفی اثرات مرتب ہورہے ہیں

سیلانی ویلفیئرٹرسٹ کے سربراہ مولانا بشیر فاروقی نے قوم کے نام اپنے ویڈیو پیغام میں کہا ہے کہ اس وقت پاکستان معاشی تباہی کے دہانے پر پہنچ چکا ہے اورڈالرنے ہماری معیشت کوبہت زیادہ نقصان پہنچایا ہے اوریہ بھی کہا ہےکہ ڈالردو سوسے اوپرپرواز کررہا ہے ،

 

ان کا کہنا تھا کہ پاکستان سالانہ اربوں ڈالرز صرف کوکنگ آئل باہر کے ملکوں سے منگواتا ہے، اگرہم اپنے کھانے کا مینوئل تبدیل کرلیں‌تو پاکستان کو اس مشکل صورت حال سے نکال سکتے ہیں‌، ان کا کہنا تھاکہ ہم اگرپراٹھے کا استعمال ترک کردیں تو نہ صرف ہمارا زرمبادلہ بچے گا بلکہ صحت بھی بہتر ہوگی مملک وقوم کا بھی فائدہ ہوگا

سربراہ سیلانی ویلفیئر ٹرسٹ حضرت مولانا بشیر فاروقی کا کہنا ہے کہ اگرہم اس طریقے پر عمل کرلیں تو پاکستانی معیشت کو سہارا مل سکتا ہے ، ان کا کہنا ہےکہ یہ اسلام کا مزاج ہے کہ جب مشکل آئے توصبربہترحکمت عملی سے بحرانوں سے نکلا جاتا ہے ، عزیزمصر نے بھی قحط کے دوران کچھ ایسی ہی حکتمت اپنائی تھی ، حضرت عمرفاروق نے بھی اپنے دور میں ایسے ہی احکامات دیئے تھے ، ہمیں بھی ملک وقوم کوبچانے کے لیے اپنے پراٹھے قربان کرنے پڑیں‌ گے تو حالات بہتر ہوجائیں گے

اسلام آباد:الیکشن کمیشن نے اسلام آباد میں بلدیاتی انتخابات کا شیڈول جاری کردیا،اطلاعات کے مطابق تفصیلات کے مطابق اسلام آباد میں بلدیاتی انتخابات کیلئے پولنگ 17 جولائی کو ہوگی، اسلام آباد میں ترقیاتی کاموں، تقرریوں اور تبادلوں پر پابندی عائد کردی گئی۔

الیکشن کمیشن کے مطابق کاغذات نامزدگی حاصل کرنے کیلئے پبلک نوٹس 28 مئی کو جاری کیا جائے گا، کاغذات نامزدگی 30 مئی سے 3 جون تک جمع کرائے جاسکیں گے، کاغذات نامزدگی کی سکروٹنی 6 جون سے 8 جون تک کی جائے گی۔

الیکشن کمیشن کا کہنا ہے کہ کاغذات نامزدگی کے خلاف اپیلیں 9 جون سے 11 جون تک فائل کی جائیں گی، اپیلیٹ ٹریبونل اپیلوں پر 13 جون سے 15 جون تک فیصلہ کیا جائے گا، امیدواروں کی نظرثانی شدہ فہرست 17 جون کی جاری کی جائے گی۔

الیکشن کمیشن کے مطابق امیدواروں کو انتخابی نشان 20 جون کو جاری کیے جائیں گے، بلدیاتی انتخابات کے نتائج کا اعلان 20 جولائی کو کیا جائے گا۔

ادھر یاد رہے کہ آج الیکشن کمیشن کی جانب سے پاکستان تحریک انصاف کے 25 منحرف اراکین پنجاب اسمبلی کو ڈی سیٹ کردیا گیا۔معاملے پر محفوظ فیصلہ چیف الیکشن کمیشنر سکند سلطان راجہ کی جانب سے سنایا گیا۔

جن 25 منحرف اراکین کو ڈی سیٹ کیا گیا ان کے نام ملک غلام رسول، سعید اکبر خان، محمد اجمل، عبدالعلیم خان، نذیر احمد چوہان، محمد امین ذوالقرنین، ملک نعمان لنگڑیال، محمد سلمان اور زوار حسین وڑائچ شامل ہیں۔ دیگر ڈی سیٹ ہونے والے اراکین میں محمد طاہر، عائشہ نواز، ساجدہ یوسف، ہارون عمران گل، عظمیٰ کاردار، ملک اسد علی، اعجاز مسیح، محمد سبطین رضا، محسن عطا خان کھوسہ، میاں خالد محمود، مہر محمد اسلم اور فیصل حیات شامل ہیں۔ ان منحرف ارکان نے حمزہ شہباز کو وزارت اعلیٰ کیلئے ووٹ دیا تھا۔

ڈی سیٹ اراکین کے حلقے

راجہ صغیر، پی پی 7 راولپنڈی

ملک غلام رسول سانگھا، پی پی 83 خوشاب

سعید اکبر نوانی، پی پی 90 بھکر

محمد اجمل چیمہ، پی پی 97 فیصل آباد

عبد العلیم خان، پی پی 158 لاہور

نذیر چوہان، پی پی 167 لاہور

امین ذوالقرنین، پی پی 170 لاہور

ملک نعمان لنگڑیال، پی پی 202 ساہیوال

سلمان نعیم، پی پی 217 ملتان

زوار حسین وڑائچ، پی پی 224 لودھراں

نذیر احمد خان، پی پی 228 لودھراں

فدا حسین، پی پی 237 بہاولنگر

زہرا بتول، پی پی 272 مظفر گڑھ

لالہ طاہر، پی پی 282 لیہ

اسد کھوکھر، پی پی 168 لاہور

محمد سبطین رضا، پی پی 273 مظفر گڑھ

محسن عطا خان کھوسہ، پی پی 288 ڈی جی خان

میاں خالد محمود، پی پی 140 شیخوپورہ

مہر محمد اسلم، پی پی 127 جھنگ

فیصل حیات جبوانہ، پی پی 125 جھنگ

عائشہ نواز، ڈبلیو 322 مخصوص نشست

ساجدہ یوسف ڈبلیو 327 مخصوص نشست

عظمیٰ کاردار ڈبلیو 311 مخصوص نشست

ہارون عمران گل، این ایم 364 اقلیتی نشست

اعجاز مسیح، این ایم 365 اقلیتی نشست

نیو دہلی:خوفناک آتشزدگی، 26 افراد ہلاک، ہلاکتوں میں اضافے کا خدشہ

میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

افغانستان :کابل کی ایک مسجد میں بم دھماکہ، 3 افراد زخمی