Tag: پاکستان

لاہور:عمر سرفراز چیمہ کا ایک بار پھر آئینی اداروں کے سربراہان سے اپیل کرنے کا فیصلہ ،اطلاعات کے مطابق پنجاب کے برطرف گورنرعمرسرفراز چیمہ نے ایک بارپھربڑا فیصلہ کیا ہے اوریہ بھی معلوم ہواہے کہ انہوں نےپنجاب کے آئینی بحران پر ایک بار پھر آئینی اداروں کے سربراہان سے اپیل کرنے کا فیصلہ کیا

اس حوالے سے معلوم ہوا ہے کہ عمرسرفراز چیمہ کا کہنا ہےکہ آئینی اداروں کے سربراہ پنجاب میں غیر آئینی اقدامات کے خلاف اپنا کردار ادا کریں ، اس حوالے سے بات کرتے ہوئے عمرسرفراز چیمہ کا کہنا تھا کہ پنجاب میں آئین اور قانون کو پامال کرکے حمزہ شہباز کو لایا گیا

عمرسرفراز چیمہ کا کہنا تھا کہ پنجاب میں ایسا عمل کیا گیا جیسا2007کو معزز جج صاحبان کو غیر آئینی طور پر فارغ کیا گیا، ان کا یہ بھی کہنا تھاکہ عدلیہ کی بحالی کے لیے عوام نکلے اس تحریک میں ہم نکلے تھے ، ان کا کہنا تھا کہ اب بھی ایسا نہ ہو کہ عوام باہر نکل آئیں

عمر سرفراز چیمہ کا کہنا تھا کہ آئینی اداروں نے اپنا کردار ادا نہ کیا تو عوام سخت ردعمل دے سکتے ہیں

یاد رہےکہ وزیراعظم شہباز کی طرف سے دومرتبہ گورنرپنجاب عمرسرفراز چیمہ کو بدلنے کی سمری بھیجی گئی تھی ، دونوں مرتبہ صدر نے یہ سمری مسترد کردی جس کے بعد وفاقی حکومت نے اسٹیبلشمنٹ ڈویزن کے ذریعے گورنرپنجاب کی برطرفی کا نوٹیفکیشن جاری کرکے ان کے گورنرہاوس میں داخلے پرپابندی لگا دی ہے ، جس کے بعد یہ بحران بہت زیادہ شدت اختیار کرگیا ہے

صوابی :شکر ہے پاکستان کو جادو ٹونے کے اڈے کی طرح چلانے والوں سے جان چھوٹی. اطلاعات کے مطابق مسلم لیگ ن کی نائب صدر مریم نواز نے جلسے سے خطاب کرتے ہوئے کہا ہے کہ صوابی کے عوام نے ہمیشہ ن لیگ کا ساتھ دیا ہے، صوابی کے لوگوں نے ریاستی مشینری کا مقابلہ کیا اور ن لیگ کو کامیاب کرایا۔

انہوں نے کہا کہ آپ نے ہمیشہ خیبر پختونخوا کی ریاستی مشینری کا مقابلہ کیا ہے، عمران خان سے پاکستانی عوام کی جان چھوٹ گئی ہے، آئندہ انتخابات میں خیبرپختونخوا میں بھی ن لیگ کی حکومت ہوگی۔ مریم نواز نے کہا ہے کہ شکر ہے ان جھوٹے اور ڈرامے بازوں سے پاکستان کی جان چھوٹی۔

مسلم لیگ ن کی نائب صدر نے کہا ہے کہ چار سال حکمرانی کرنے والے چار سیکنڈ بھی اپنی کارکردگی پر بات نہیں کرسکتا، سازش تو ایک بہانہ تھا، مقصد کارکردگی چھپانا تھا۔انہوں نے کہا کہ تمہیں تمھارے اپنے ایم این ایز نے تمہیں نکالا، اس سے بڑی ذلالت کیا ہوگی کہ تمہارے ارکان مسلم لیگ سے ٹکٹ مانگ رہے ہیں، یہ چار سال سرکاری ہیلی کاپٹر پر گومتا رہا، سرکاری خرچے پر بنی گالہ کو چلاتا رہا۔

مریم نواز نے کہا ہے کہ پاکستان کھائی میں گررہا تھا اگر اس وقت پاکستان کو نہ بچایا جاتا تو پتہ نہیں کیا ہوتا، یہ پاکستان کو کھوکھلا کرگیا، معیشت کو آخری حد تک برباد کردیا۔

لاہور:تمام کھلاڑیوں کو یکساں مواقع فراہم کرنے کے لئے پی سی بی نے سٹی کرکٹ ایسوسی ایشن انڈ 19 پچاس اوورز ٹورنامنٹ میں شریک 2976 کھلاڑیوں کے جدید سائنسی تقاضوں کے مطابق لیے جانے والے ایج ویریفیکیشن ٹیسٹ مکمل کرلیے ہیں۔

اس ضمن میں ملک کے معروف ریڈیولوجسٹ کی مشاورت کے ساتھ ساتھ عمر کا اندازہ لگانے کے لیے سائنسی طور پر توثیق شدہ طریقہ کارکا استعمال کیا گیا ہے۔مجموعی طور پر ایک کروڑ روپے مالیت سے مکمل کیے جانے والے ان ٹیسٹ کےدوران ہر کھلاڑی کے جسم کے مختلف حصوں کے ایکسریز کروائے گئے ہیں، جن کا جائزہ ممتاز ریڈیالوجسٹ نے خود لیاہے۔اس سے قبل کھلاڑیوں کی درست عمر جاننے کے لیے صرف کلائی کے ایکسرے کروائے جاتے تھے۔

گزشتہ سال چند کھلاڑیوں کی جانب سے ایج گروپ کرکٹ میں غیرمنصفانہ فوائد حاصل کرنے کے لیے اپنی عمر میں ردوبدل کیے جانے کا انکشاف ہوا تھا، جس سے متعدد باصلاحیت کھلاڑیوں اور کھیل کی ساکھ کو نقصان ہوا تھا۔

ا س اقدام کا مقصد ایچ گروپ کرکٹ میں شریک نو عمر کھلاڑیوں کو ٹورنامنٹس میں شرکت کرتے وقت درست عمر بتانے کی ترغیب دینا ہے۔

پی سی بی اس سے قبل جنوری میں ایسوسی ایشنز کے انڈر 13 اور انڈر 16 ٹورنامنٹس میں شریک کھلاڑیوں کی بھی درست عمر جاننے کے لیے ایک بھرپورکاروائی کرچکا ہے۔

ندیم خان، ڈائریکٹر ہائی پرفارمنس:

ڈائریکٹر ہائی پرفارمنس پی سی بی ندیم خان کاکہنا ہے کہ زائدالعمر کھلاڑیوں کی شرکت خود ایج گروپ کرکٹ کے لیے ایک خطرہ ہے جو اس سطح کی کرکٹ کے فروغ اور ترقی کی راہ میں رکاوٹ ہے۔

انہوں نے کہاکہ نئے سیزن میں شفافیت لانے کے لیے اٹھایا گیا یہ اقدام بہت اہم ہے۔ پی سی بی نے اس عمل کو مکمل کرنے کے لیے خطیر اخراجات اسی لیے برداشت کیے ہیں تاکہ پاکستان کرکٹ کے مستقبل کے ستاروں کی ساکھ کو بلند کیا جاسکے۔

پی سی بی نے پہلی مرتبہ کم عمر کی حد بھی متعارف کروادی ہے تاکہ کھلاڑیوں کی جانب سے سرکاری دستاویزات پر عمر کم کرنے کی حوصلہ شکنی کی جاسکے۔ یکم ستمبر 2003 کو یا اس کے بعد یا یکم ستمبر 2007 سے پہلے پیدا ہونے والے کھلاڑی ہی آئندہ سی سی اے انڈر 19 ٹورنامنٹ میں شرکت کے اہل ہوں گے۔ یہ ٹورنامنٹ21 مئی سے 4 جون تک جاری رہے گا۔

سیالکوٹ:پی ٹی آئی نے جلسوں میں طلبا کولانےکےلیے کالجوں اور یونیورسٹیز کا رُخ کرلیا،اطلاعات ہیں کہ پی ٹی آئی نے اپنے جلسوں میں‌ طلبا کو آنے کی دعوت دینا شروع کردی ہے اور یہ بھی معلوم ہو اہے کہ اس سلسلے میں پی ٹی آئی نے کالجز اور یونیورسٹیز کا بھی رُخ کرلیا ہے ،

اس سلسلے میں پی ٹی آئی کی طرف سے بغیر اجازت کے تعلیمی اداروں کو جلسوں اور کارنرمیٹنگ کے لیے استعمال میں لانے کا انکشاف ہوا ہے ، سیالکوٹ سے ذرائع کا کہنا ہے کہ پی ٹی آئی سیالکوٹ نے سٹی پبلک ہائی سکول میں ہیڈ آف دی انسٹی ٹیوشن کی اجازت کے بغیر کارنر میٹنگ کا اہتمام کیا ہے ،

اس سلسلے میں یہ بھی معلوم ہوا ہے کہ سکول انتظامیہ نے ڈی سی سیالکوٹ کو درخواست دی ہے کہ پی ٹی آئی نے بغیر اجازت کے ان کے سکول کول کو اپنے سیاسی جلسے کے لیے استعمال کرنے کی کوشش کی ہے ،

اس کے ساتھ ساتھ کے پی میں بھی پی ٹی آئی نے جلسوں کے ساتھ ساتھ سکولوں اور یونیورسٹیوں کے طلباء و طالبات کو سڑکوں پر لانے اور کا پلان تیار کر لیا.جس کی ابتدا پی تی آئی کے رکن مراد سعید نے خبیر میڈیکل یونیورسٹی آمد سے کر دی. مراد سعید نے طلباء کو عمران خان کا پیغام پہنچایا. مراد سعید کا کہنا تھا کہ ہمارے پاس ہمیشہ دو راستے ہوتے ہیں بدی کا اورنیکی کا راستہ حق کا راستہ کٹھن ہے لیکن اصل کامیابی اسی میں ہے. اللہ نے بھی ہمیں حق کا ساتھ دینے اور برائے کو روکنے کا حکم دیا ہے. حق کے رستے کی سب سے بڑی ڈیمانڈ ہے لا الہ اللہ اور یہ مشکل رستے کے manual کا سب سے basic step ہے. لا الہ الا للّٰہ کا مطلب اللہ کے سوا کسی کے سامنے سر نہ جھکانا

عمران خان نے خودی کی ملکی خود مختاری کی بات کر کے امریکہ کو ابسولٹلی ناٹ کہا. عمران خان کے خلاف بیرونی سازشوں کا جال بچھایا گیا. سندھ ہاوس میں منڈی لگائی گئی. عمران خان نے پاکستان کی حقیقی آزادی اور خودداری کی بات کی. عمران خان کے دور میں ایک بھی ڈرون حملہ نہیں ہوا زرداری اور نواز کے دور میں ۴۰۰ ڈرون حملے ہوئے، عمران خان نے عالم اسلام کا مقدمہ لڑا اقوام متحدہ میں اسلاموفوبیا کے خلاف قرارداد منظور کروائی، دنیا میں خوددار قوموں کی عزت ہوتی ہے غلامی تسلیم کرنے والے انکے مہرے بننے والو کو ڈو مور کے حکم ملتے ہیں

امپورٹڈ حکومت کو آتے ہی ڈو مور کا حکم ملا پوری قوم پاکستان کی خودداری اور حقیقی آزادی کے کے لئے اسلام آباد حقیقی آزادی مارچ کے لئے تیار ہے میں آج آپکو مارچ میں شرکت کرنے کی دعوت دینے آیا ہوا، یہ کسی پارٹی نہیں پاکستان کی حقیقی آزادی کی جنگ ہےمراد سعید کے ساتھ تیمور جھگڑا اور کامران بنگش نے بھی خطاب کیا

اسلام آباد:اسکول فوڈ پروگرام پاکستان کی آنے والی نسلوں کیلئے انقلاب ہے ،اطلاعات کے مطابق وفاقی وزیر و چیئر پرسن بینظیر انکم سپورٹ پروگرام شازیہ مری نے کہا ہے کہ اسکول فوڈ پروگرام پاکستان کی آنے والی نسلوں کیلئے بہت اہم اقدام ہے۔

تفصیلات کے مطابق وفاقی وزیر شازیہ مری نے اسلام آباد میں منعقدہ ورلڈ فوڈ پروگرام کے مشاورتی اجلاس سے خطاب کرتے ہوئے کہا کہ اسکول فوڈ پروگرام پاکستان کی آنے والی نسلوں کیلئے بہت اہم اقدام ہے۔انہوں نے کہا کہ حکومت ایسے اقدامات کیلئے پبلک پرائیویٹ پارٹنر شپ کی بھرپور پزیرائی کرے گی، پاکستان بھر میں سرکاری اسکولوں میں فوڈ پروگرام کے اجراء پر مشاورت ہوئی۔

شازیہ مری نے پاکستان میں ورلڈ فوڈ پروگرام کے اقدامات کو سراہا، کنٹری ڈائریکٹر ورلڈ فوڈ پروگرام نے اسکول فوڈ پروگرام میں مکمل تعاون کی یقین دہانی کرائی۔

اس سے قبل وفاقی وزیر شازیہ مری نے اپنے جاری کردہ بیان میں کہا تھا کہ پاکستان پیپلز پارٹی اداروں کو ٹارگٹ کرنے کی پالیسی کی نہ اپوزیشن میں حامی تھی اور نہ اب حکومت میں ہے۔انہوں نے کہا کہ عمران خان اداروں کی حمایت حاصل کرنے کے لئے ان کی مخالفت کو ہتھیار بنا رہے ہیں۔

پیپلز پارٹی پارلیمنٹرینز کی مرکزی سیکریٹری اطلاعات کا کہنا تھا کہ عمران خان سندھ میں کھل کر سیاست کریں، ہم سیاسی انتقام لینے والوں میں سے نہیں ہیں۔شازیہ مری نے مزید کہا تھا کہ اشتعال، نفرت اور تعصب کو بڑھاوا دے کر عمران خان کوئی کامیابی حاصل نہیں کرسکیں گے۔

کراچی:دریائےسندھ میں پانی کی60 فیصد کمی خطرناک حد تک پہنچ گئی،اطلاعات کے مطابق وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ دریائے سندھ میں پانی کی 60 فیصد کمی انتہائی خطرناک ہے۔

سینیٹر شیری رحمان نے سندھ میں پانی کے بحران پر تشویش کا اظہار کرتے ہوئے کہا کہ سندھ کے بیراجوں اور نہروں میں پانی کی 52 سے 62 فیصد کمی کی وجہ سے آبادی، زراعت اور مویشیوں کو شدید نقصان کا سامنا ہے۔

انہوں نے کہا کہ دریائے سندھ میں پانی کی قلت کی وجہ سے سندھ کے کئی شہروں کو پانی نہیں مل رہا، اس وقت کوٹری ڈاؤن اسٹریم 15 ہزار کیوسک پانی ہونا چاہیے تھا لیکن 2 ہزار کیوسک سے بھی کم چھوڑا جا رہا ہے۔

وفاقی وزیر کا کہنا ہے کہ پانی کی اس شدید قلت کی وجہ سے سندھ میں کپاس، چاول اور دیگر فصلیں تباہ ہو رہی ہیں، ہیٹ ویو اور شدید گرمی کی اس موسم میں سندھ اور جنوبی پنجاب کے علاقوں میں پانی کی قلت تشویشناک ہے۔

شیری رحمان نے مزید کہا کہ اقوام متحدہ کے مطابق 2025 تک پاکستان خشک سالی کا شکار ہو جائے گا، پانی کی 1991 کے پانی معاہدے کے مطابق منصفانہ تقسیم ضروری ہے، ہمیں واٹر کنزرویشن اور صوبوں کے بیچ منصفانہ تقسیم کو یقینی بنانا ہوگا۔

ادھرسندھ حکومت نے سندھ کے تقریباً تمام پانی کے کینالوں پر پانی کی منصفانہ تقسیم کے لئے رینجرز کی خدمات حاصل کرنے کا فیصلہ کیا ہے۔سندھ حکومت کی ہدایات پر سندھ کے محکمہ داخلہ نے ڈی جی رینجرز سندھ سے سندھ کے مختلف پانی کینالز پر رینجرز کی تعیناتی کے لئے خط لکھ دیا۔

خط میں بتایا گیا ہے کہ صوبے اور ملک بھر میں پانی کی شدید کمی کے سبب صوبے بھر میں پانی کی منصفانہ تقسیم کے لئے اریگیشن ایکٹ 1979 کی شق 27 سی کے تحت بندوبست کیا گیا۔روٹیشن پالیسی پر عمل درآمد کی کوشش کے دوران صوبے کے مختلف کینالز پر محکمہ آبپاشی کے عملے، ضلعی انتظامیہ اور پولیس پر پانی چوروں کی جانب سے حملے کئے گئے ہیں۔

صورتحال سے نمٹنے کے لئے ضلعی انتظامیہ اور متعلقہ آبپاشی حکام نے رینجرز کی تعیناتی کی گزارش کی ہے، تاکہ پانی کی منصفانہ تقسیم میں رکاوٹ نہ آ سکے۔