Tag: پاکستان

دبئی :کراچی یونیورسٹی خودکُش حملے کی مذمت کرتے ہیں:عرب امارات نے اپنا سخت ردعمل دے دیا ، اطلاعات کے مطابق برادراسلامی ملک عرب امارات کی طرف سے پاکستان کے مرکزی شہر کراچی میں ہونے والے خودکُش حملے کے بارے میں کہاہے کہ وہ اس دہشت گردانہ بم دھماکے کی شدید مذمت کرتا ہے

عرب امارات نے کہا ہےکہ کراچی یونیورسٹی کے کنفیوشس انسٹی ٹیوٹ کو نشانہ بنایا جس کے نتیجے میں تعلیمی عملے اور طلباء کی ہلاکت اور زخمی ہوئے، عرب امارات کی طرف سے یہ بھی کہا گیا ہےکہ وہ پاکستان اور چین کے غم میں برابر کا شریک ہے

گذشتہ روز جامعہ کراچی کے اندر ایک خاتون نے خود کش دھماکے کے ذریعے چینی باشندوں کی وین کو نشانہ بنایا تھا ، جس کے نتیجے میں تین چینی اساتذہ سمیت چارافراد جان بحق اور 3 زخمی ہوگئے تھے۔

#UAE strongly condemns the terrorist bombing that targeted the Confucius Institute at University of Karachi which resulted in the killing &wounding of academic staff &students, expressing condolences &solidarity with the Islamic Republic of #Pakistan &People's Republic of #China.

— Afra Al Hameli (@AfraMalHameli) April 28, 2022

ترجمان جامعہ کراچی کے مطابق دھماکے میں کنفیوشس انسٹیٹیوٹ کے ڈائریکٹر ہوانگ گیوپنگ سمیت خواتین اساتذہ ڈنگ میوپنگ اور چن سا ہلاک ہوئی جب کہ ایک پاکستانی ڈرائیور خالد بھی مرنے والوں میں شامل ہے۔

یاد رہے کہ جامعہ کراچی حملے میں خودکش بمبار خاتون کے اصل گھر کا سراغ لگالیا گیا، گھر شاری بلوچ کے والد کا بتایا جاتا ہے۔

تفصیلات کے مطابق کراچی یونیورسٹی خودکش دھماکے کے حوالے سے اہم پیشرفت سامنے آئی ، قانون نافذ کرنے والے اداروں نے خودکش بمبار شاری بلوچ کے اصل گھر کا سراغ لگالیا۔

ذرائع سی ٹی ڈی نے بتایا کہ گلزار ہجری اسکیم 33 میں واقع گھر میں قانون نافذ کرنے والے اداروں نے رات گئے کارروائی کی ، گھر شاری بلوچ کے والد کا بتایا جاتا ہے۔

ذرائع کا کہنا تھا کہ گھرسے لیپ ٹاپ اوردیگر دستاویزات قبضے میں لی گئی ہیں جب کہ گھر میں سرکاری نمبر پلیٹ کی گاڑی میں آمدورفت ہوتی رہی ہے۔گھر میں کچھ ہفتے قبل خاتون بمبارکی بہن اسما کی شادی ہوئی تھی، خود کش بمبار شاری بلوچ کے سات بہن بھائی ہیں جب کہ بہن بھی پی ایچ ڈی ڈاکٹر ہے۔ذرائع سی ٹی ڈی نے بتایا کہ قانون نافذ کرنے والے اداروں نے اہم دستاویزات تحویل میں لینے کے بعد گھر کو سیل کردیا ہے۔

یاد رہے اس سے قبل تحقیقاتی ٹیم خودکش بمبار خاتون کے گلستان جوہر میں واقع فلیٹ پر پہنچی تھی اور فلیٹ کی تلاشی کے بعد فلیٹ کو سیل کردیا تھا۔ذرائع نے بتایا تھا کہ خاتون خودکش حملہ آور نے فلیٹ چار سال قبل کرائے پر لیا تھا، خاتون کی کسی پڑوسی سے ملنا یا بات چیت نہیں تھی۔تفتیشی حکام کا کہنا تھا کہ فلیٹ میں صرف ضرورت کا سامان ہے، کوئی فرنیچر نہیں، فلیٹ میں کئی کئی روز تک تالا لگا رہتا تھا۔

لاہور:وزیراعظم کیخلاف نعروں پر سعودی عرب میں قانونی کاروائی شروع،اطلاعات کے مطابق الجزیرہ ٹی وی نے دعویٰ کیا ہے کہ سعودی عرب میں ہونے والے ایک واقعہ کی وجہ سے سعودی حکومت نے ان لوگوں کے خلاف کارروائی شروع کردی ہے جنہوں نے وزیراعظم پاکستان شہبازشریف کے خلاف چور چورآیا کے نعرے لگائے

اس حوالے سے معلوم ہوا ہے کہ کچھ سخت سزاوں کے ساتھ ساتھ بھاری جرمانے بھی کرنے کا فیصلہ کیا گیا ہے ، تاہم ابھی تک کتنے لوگ گرفتار ہوئے ہیں اس حوالے سے ابھی کوئی اطلاع نہیں ہے ، یہ بھی معلوم ہوا ہے کہ 60 ہزار ریال تک جرمانے اور پانچ سال کی قید بھی ہوسکتی ہے

یاد رہے کہ آج وزیراعظم شہباز شریف وفد کے ساتھ مسجد نبوی ﷺ پہنچے تو لوگوں نے چور چور کے نعرے لگادیے۔ذرائع کے مطابق مدینہ منورہ میں شہباز شریف وفد کے ہمراہ پہنچے تو لوگوں نے ان کا استقبال چور چور کے نعروں سے کیا۔

ذرائع کے مطابق شاہ زین بگٹی، مریم اورنگزیب کو دیکھتے ہی لوگوں نے نعرے بلند کیے جبکہ شہباز شریف کی گاڑی کو گارڈز نے گھیرے میں لیے رکھا۔

ذرائع کا بتانا ہے کہ لوگوں کی بڑی تعداد نے حکومتی وفد کا پیچھے کیا اور نعرے لگائے۔

واضح رہے کہ اس سے قبل شہباز شریف کابینہ کے ارکان کے ہمراہ مدینہ منورہ پہنچے تھے، وفد میں بلاول بھٹو، مفتاح اسماعیل، شاہ زین بگٹی مریم اورنگزیب شامل ہیں، وفد میں خواجہ آصف، چوہدری سالک حسین، خالد مقبول، محسن داوڑ بھی شامل ہیں۔

اس سے قبل گورنر مدینہ اور شہباز شریف کی ملاقات بھی ہوئی جس میں پاک سعودی تعلقات اور دو طرفہ باہمی امور پر تبادلہ خیال کیا گیا۔

یاد رہے کہ وزیر اعظم شہباز شریف سعودی قیادت سے ملاقات اورعمرہ کی سعادت حاصل کریں گے۔

مدینہ منورہ:پاک سرزمین کو سیاست کے لیے استعمال نہیں کرنا چاہئے،اطلاعات کے مطابق وزیراعظم شہباز شریف کے ہمراہ سعودی عرب کے دورہ پر موجود وفاقی وزیر اطلاعات مریم اورنگزیب نے کہا ہے کہ کچھ مخصوص لوگوں نے مسجد نبویؐ کا تقدس پامال کیا، ان کے لیڈر نے سوائے بدتمیزی کے کچھ نہیں سکھایا۔

مدینہ منورہ میں میڈیا سے گفتگو کرتے ہوئے مریم اورنگزیب نے کہا کہ یہ معاشرے کی تباہی ہے، میں اس شخص کا نام اس پاک زمین پر نہیں لینا چاہتی، اس پاک زمین کو سیاست کے لئے استعمال نہیں کرنا چاہتی، انہوں نے جو اس معاشرے میں تباہی کی وہ آج آپ کے سامنے ہے، بہت سا ایسا معاشرے کا حصہ اور طبقہ موجود ہے جو ان روایات کو برقرار رکھ رہا ہے، وقت لگے گا لیکن یہ رویے ہمارے مثبت رویوں سے تبدیل ہوں گے، ہمارے کارکن بھی یہاں ہیں لیکن انہیں ہدایت کی گئی کہ ایسا رویہ نہ اپنایا جائے۔

وفاقی وزیر کا مزید کہنا تھا کہ روزہ رسول ﷺ پران لوگوں کیلئے دعا کی جو ان لوگوں کو اکساتے ہیں، مسجد نبوی ﷺ کی زمین کو سیاست کیلئے استعمال نہیں کر سکتی، سعودی عرب کے ساتھ تعلقات کے نئے دور کا آغاز ہو رہا ہے، سعودی عرب کے ساتھ تمام شعبوں میں تعاون بڑھےگا، 4 سال میں قریبی دوست ممالک سے بھی تعلقات خراب ہوئے، سابق حکومت نے پوری دنیا کے تعلقات خراب کیا، انہیں بہتر کیا جائے گا۔

توشہ خانہ کے سوال پر مریم اورنگزیب نے جواب دیا کہ معیشت بھی ٹھیک ہوجائے گی اور انشااللہ روزگار بھی ملے گا، شہباز شریف اور انکے اتحادیوں کی نیت صاف ہے، ہمارے معاشرے کا بڑا حصہ ہماری روایات اور کلچر کو جانتا ہے۔

لاہور:حافظ محمد سعید کے گھر کے باہر دھماکے کا ماسٹر مائنڈ گرفتار،اطلاعات کے مطابق لاہور کے پوش علاقے جوہر ٹاؤن میں ہونے والے بم دھماکے سے متعلق سیکیورٹی اداروں کو بڑی کامیابی مل ہے۔

ڈی آئی جی سی ٹی ڈی افضال کوثر نے میڈیا کو بتایا کہ جوہرٹاؤن میں گھر کے باہر دھماکے کے ماسٹر مائند کو گرفتار کرلیا گیا ہے، جس کی شناخت سمیع الحق کے نام سے کی گئی ہے، ماسٹر مائنڈ کے ایک ساتھی کو بھی گرفتار کیا گیا ہے جس کی شناخت عزیز کے نام سے کی گئی ہے، عزیر نے دھماکے میں سہولت کاری کا کردار ادا کیا۔

افضال کوثر نے بتایا کہ ابتدائی تفتیش میں بیرونی مداخلت کے شواہد ملے ہیں اور دہشت گردوں کی گاڑی سے غیر ملکی کرنسی بھی ملی ہے،اس کے علاوہ انار کلی دھماکے میں بھی اہم پیش رفت ہوئی ہے جلد تفصیلات سے آگاہ کیا جائیگا۔ڈی آئی جی سی ٹی ڈی نے جامعہ کراچی حملے کو افسوسناک قرار دیتے ہوئے کہا کہ کراچی میں دھماکے کے تناظر میں لاہور میں سیکیورٹی مزید سخت کردی گئی ہے۔

ملزم عید گل کی ٹاسکنگ اور لاجسٹک سپورٹ سمیع الحق نے کی تھی، اس واقعے میں خاتون سمیت 5 افراد کو پہلے ہی عدالت سے سزا ہو چکی ہے۔

خیال رہے کہ لاہور کے علاقے جوہر ٹاؤن میں تئیس جون دوہزار اکیس کو دھماکا ہوا تھا، جس میں تین افراد جاں بحق اور 24 زخمی ہو گئے تھے، اسی علاقے میں جماعت الدعوۃ کے امیر حافظ محمد سعید کی رہائش گاہ بھی قائم ہے۔

ڈی آئی جی سی ٹی ڈی کا کہنا تھا کہ جامعہ کراچی میں دہشت گردی کے بعد فیلڈ یونٹس کو الرٹ کردیا گیا،تمام ڈسٹرکٹ پولیس کو بھی سکیورٹی بڑھانے کا کہہ دیا ہے۔

للہ کے پیغمبرﷺ اس کا پیغام آگے پہنچاتے تھے ویسے ہی آپ نے میرا پیغام آگے پہنچانا ہے۔عمران خان کا یہ بیان گستاخی کے زمرے میں آتا ہے عمران خان توبہ کریں اور اللہ سے معافی مانگیں عمران خان خود کو اپنے آپ پاکستانی قوم کا مسیحا اور امام انقلاب بن کر پیش کررہا ہے جوکہ بہت بڑا فتنہ اور فساد فی الارض ہے۔ مرکزی علماء کونسل پاکستان تحریک انصاف کے سربراہ عمران خان کے اس بیان کی پرزور مذمت کرتی ہے۔

چیئرمین مرکزی علماء کونسل پاکستان صاحبزادہ زاہد محمود قاسمی نے مرکزی علماء کونسل پاکستان کے مرکزی عہدیداران اور چاروں صوبوں سمیت آزاد کشمیر گلگت بلتستان کے صوبائی امراء کو ہدایات جاری کی ہیں کہ وہ عمران خان کے اس بیان کی گرفت کریں اور تحریک انصاف کے لوگوں کو پابند کریں کہ وہ ایسے توہین آمیز اعلانات اور بیانات مت دیں جس سے عوام کے جذبات مجروح ہوتے ہوں دستورپاکستان1973ء اسلامی اور جمہوری ہے افواج پاکستان اس دستور کی محافظ ہے دستورپاکستان تمام اکائیوں کے درمیان ایسا عمرانی معاہدہ ہے جس کو تمام مکاتب فکر کے علماء و مشائخ کی حمایت حاصل ہے اس دستور کی موجودگی میں کسی فرد گروہ یا جماعت کو ریاست پاکستان اور اس کے اداروں کے خلاف کسی قسم کی تنقید منفی پروپیگنڈا اور مسلح جدوجہد کا کوئی حق حاصل نہیں ہے۔

گذشتہ رات چیئرمین تحریک انصاف عمران خان نے ورکرز کنونشن سے خطاب کرتے ہوئے دین اور اسلام کا مذاق اڑایا ہے اس سے پہلے بھی ایسے بیانات دیتے رہتے ہیں جس سے اُمت مسلمہ کے جذبات مجروح ہوتے ہیں پی ٹی آئی کے سربراہ کبھی امر بالمعروف کا نام استعمال کرتے ہیں اور کبھی ریاست مدینہ کا چار سالہ اپنے دور حکومت میں ریاست مدینہ کے قوانین پاکستان میں نافذ کیوں نہیں کئے گئے انہوں نے کہا کہ مذہب کا سیاسی استعمال بند کیا جائے دین اسلام صرف زبانی نعرے بازی کیلئے نہیں آیا بلکہ یہ دنیا کو بدلنے کیلئے آیا ہے مسلم معاشرے میں قوم کو حقیقی معنوں میں قوم بنانے کیلئے قرآن و سنت پر عمل پیرا ہونا ضروری ہے

آج کل پی ٹی آئی کے سیاسی جلسوں میں مذہب کارڈ کے استعمال پر ہمیں سخت تشویش ہے اور اس میں جو گفتگو ہو رہی ہے وہ بھی خطرناک ہے سیاست کیلئے مذہب کے استعمال نے ہمیشہ معاشرے کو نقصان پہنچایا ہے عمران خان کی اس قسم کی گفتگو ہمیں مزید تقسیم کی طرف لے جائے گی لہٰذا سیاسی مقاصد کیلئے مذہب کے استعمال کی ہرطرح سے حوصلہ شکنی کی جائے سیاسی مقاصد کیلئے مذہب کے استعمال نے معاشرے میں انتہاء پسندی کو فروغ دیاہے عمران خان اور ان کی جماعت ریاست مدینہ کے اصطلاح جو استعمال کررہی ہے یہ ایک مذاق اور مذہب کی توہین ہے تین چار سالوں میں ریاست مدینہ کے لفظ کو سیاسی مقاصد کیلئے استعمال کیا گیا ہے

اسلام آباد:وزیراعظم سعودی عرب پہنچ گئے گورنرمدینہ نے استقبال کیا،اطلاعات کے مطابق وزیر اعظم شہباز شریف کی 3 روزہ دورے پر سعودی عرب پہنچ گئے ہیں جہاں مدینہ کے گورنرفیصل بن سلمان بن عبدالعزیز نے ان کا استقبال کیا

پاکستان کو 6 سے 8 ارب ڈالر کا ریلیف پیکج ملنے کا امکان ہے، ادھار تیل بھی ملے گا، کورونا کے دوران ملازمتوں سے فارغ ہونے والے پاکستانیوں کی بحالی بھی متوقع ہے۔

دورہ سعودی عرب پر وفاقی وزراء، بلاول بھٹو زرداری، مفتاح اسماعیل، نوابزادہ شاہ زین بگٹی، مریم اورنگزیب، خواجہ آصف، چودھری سالک حسین، ڈاکٹر خالد مقبول صدیقی اور محسن داوڑ بھی ہمراہ ہیں۔

سعودی عرب روانگی سے قبل بات کرتے ہوئے شہباز شریف سے اپنے پیغام میں کہا کہ خوشی ہے وزیراعظم کا منصب سنبھالنے کے بعد اپنا پہلا دورہ سعودی عرب کا کر رہا ہوں، دونوں ملکوں کے تعلقات کی بنیادیں باہمی تعاون اور اعتماد پر مبنی ہیں، پاکستان سعودی عرب کے ساتھ تعلقات کو خصوصی اہمیت دیتا ہے، دورے سے دوطرفہ تذویراتی تعاون کو مزید فروغ ملے گا۔

شہباز شریف نے مسلسل تعاون پر سعودی حکومت کا شکریہ ادا کرتے ہوئے کہا کہ سعودی عرب نے پاکستان کی اقتصادی ترقی میں ہمیشہ اہم کردار ادا کیا، سعود ی عرب کے ساتھ تعلقات انتہائی اہمیت کے حامل ہیں، برادر ملک نے پاکستان کی ترقی میں اہم کردار اد اکیا، حالیہ دورے سے دونوں ملکوں کے درمیان دوستی کے مثالی دور کا آغاز ہوگا۔

ادھر وزارت خزانہ کے ذرائع کا کہنا ہے کہ وزیر اعظم شہباز شریف کے دورہ میں پاکستان کو 6 سے 8 ارب ڈالر کا ریلیف پیکج آسان شرائط پر مل سکتا ہے، پیکج کے تحت زرمبادلہ کے ذخائر بہتر بنانے کے لیے انتہائی شرح سود پر 3 ارب ڈالرمل سکتے ہیں۔ ادھار تیل، ایل این جی اور یوریا کھاد کی سہولت بھی میسر ہوسکتی سعودی عرب کی گارنٹی پر سعودی بینکوں سے سستے قرضوں کی فراہمی ممکن ہو سکے گی۔

ذرائع کا کہنا ہے کہ پاکستانیوں کے لیے روزگار کے مواقع بڑھانے کے ساتھ ساتھ کورونا کے دوران بے روزگار ہونے والے پاکستانیوں کی نوکری بحالی کے امور پر بھی بات ہوسکتی ہے، پاکستان میں سعودی سرمایہ کاری بڑھانے، پاکستانی مصنوعات کی برآمدات بڑھانے پر بھی تبادلہ خیال ہوگا۔

کراچی :جب میں مر جاؤں تو لوگ یہ نہ کہیں کہ عامر لیاقت کا جنازہ جا رہا ہے:عامرلیاقت نے یہ کیوں اورکب کہا،اطلاعات کے مطابق پاکستان تحریک انصاف (پی ٹی آئی) کے سابق رکن قومی اسمبلی اور ملک کی متنازع شخصیات میں سے ایک عامر لیاقت حسین نے ایک پوسٹ شئیر کی ہے، جس میں انہوں نے اپنے بیٹے پر فخر کا اظہار کیا ہے۔

عامر لیاقت نے انسٹا اسٹوری پر اپنی اور بیٹے احمد کی ایک ساتھ تصویر شئیر کرتے ہوئے لکھا، جیسا باپ ویسا بیٹا۔بظاہر ان کی پوسٹ سے ایسا لگتا ہے کہ انہوں نے اپنے بیٹے پر فخر کا اظہار کیا ہے۔

خیال رہے کہ ان کے بیٹے احمد عامر نے یونی ورسٹی کالج لندن سے گریجویشن مکمل کی تھی۔

قبل ازیں، عامر لیاقت نے اپنے دونوں بچوں احمد اور دُعا کو والدہ سیدہ بشریٰ اقبال کا احترام کرنے کا مشورہ دیا تھا۔ بشریٰ اقبال ، عامر لیاقت کی پہلی بیوی ہیں۔
عامر لیاقت نے انسٹاگرام پر بیٹے احمد اور بیٹی دُعا کے بچپن کی تصاویر کے ساتھ ایک طویل کیپشن بھی شئیر کیا۔

 

View this post on Instagram

 

A post shared by Aamir Liaquat Husain (@iamaamirliaquat)

سابق پی ٹی آئی رہنما نے اپنے دونوں بچوں کو مخاطب کرتے ہوئے لکھا کہ ہمیشہ چاند کی طرح چمکتے رہو اور آپ کے چہرے پر مسکراہٹ کے سوا کچھ نہ ہو، میں نے آپ کو پالنے میں بہت مشکلیں برداشت کیں اور ایک وقت ایسا بھی آیا جب میرے پاس پچاس روپے نہیں تھے لیکن میں نے کام کیا اور آپ کو کسی پریشانی میں نہیں آنے دیا۔

انہپوں نے مزید لکھا کہ ہمارے رب نے بھی فرمایا ہے کہ اولاد کے لیے اپنے ماں اور باپ دونوں کا ہی درجہ بُلند ہے۔

 

View this post on Instagram

 

A post shared by Aamir Liaquat Husain (@iamaamirliaquat)

عامر لیاقت حسین نے اپنی دلی خواہش کا اظہار کرتے ہوئے کہا کہ میں آپ کو اتنا اونچا دیکھنا چاہتا ہوں کہ جب میں مر جاؤں تو لوگ یہ نہ کہیں کہ عامر لیاقت کا جنازہ جا رہا ہے بلکہ یہ کہیں کہ یہ احمد جو بہت بڑا انجینئر ہے اور دعا جو کہ سب سے بڑی گرافک ڈیزائنر ہے، اُن کے والد کا جنازہ ہے۔

ان کا مزید کہنا تھا کہ میرا آپ کو مشورہ ہے اپنی ماں کا ہمیشہ احترام کریں، وہ آپ کی ماں ہیں اور رہیں گی۔

لاہور:نیب انکوائری :فرح خان نےتوسب کوحیران کردیا،اطلاعات کے مطابق سابق خاتون اول بشریٰ بی بی کی قریبی دوست فرح خان نے اپنے خلاف نیب انکوائری شروع کرنے سے متعلق اہم بیان دے دیا۔

قومی احتساب بیورو (نیب) کی جانب سے فرح خان کیخلاف انکوائری شروع کرنے کا فیصلہ کرلیا گیا ہے اور اس حوالے سے انکوائری کی منظوری بھی دے دی گئی ہے۔

تفصیلات کے مطابق فرح خان کے کیس کے متعلق ڈی جی نیب لاہور کو قانون کے مطابق انکوائری کرنے کی ہدایات جاری کی گئیں ہیں۔ نیب سابق خاتون اول بشریٰ بی بی کی دوست فرح گوگی کیخلاف آمدن سے زاہد اثاثہ جات کی انکوائری کرے گا۔

@ NAB inquiry
We will neither hide nor avoid investigations. We will appear before NAB’s inquiry team both in person & through our legal team.

— iam Farah Khan (@farahkhan_92) April 28, 2022

اس حوالے سے فرح خان نے سماجی رابطے کی ویب سائٹ پر ٹوئٹ کرتے ہوئے لکھا ’’ نہ ہی ہم نیب انکوائری سے چھپیں گے اور نہ ہی تحقیقات سے بچنے کی کوشش کریں گے بلکہ میں خود ذاتی طور پر نیب کے سامنے پیش ہوں گے اور میری قانونی ٹیم بھی نیب انکوائری کا سامنا کرے گی۔

قومی احتساب بیورو(نیب) نے عمران خان کی اہلیہ بشریٰ بی بی کی دوست فرح خان عرف فرح گوگی سے متعلق انکوائری کا آغاز کردیا۔

نیب کی جانب سے جاری اعلامیےکے مطابق انکوائری نامعلوم ذرائع آمدن اور منی لانڈرنگ کے الزامات پر کی جائےگی، ڈی جی نیب لاہور کو قانون کے مطابق کارروائی کا حکم دے دیا گیا ہے۔

اعلامیےکے مطابق فرح خان پر مختلف کاروبار کے نام پر بہت سے بینک اکاؤنٹس رکھنے کا الزام بھی ہے، فرح خان کے اکاؤنٹ میں گزشتہ 3 سال میں 847 ملین روپے ملے ہیں۔

نیب کا کہنا ہےکہ اتنی رقم فرح خان کے پروفائل کے مطابق نہیں ہے، یہ رقوم فرح خان کے ذاتی اکاؤنٹ میں ڈالی گئیں اور فوری نکال لی گئیں، میڈیا رپورٹس میں فرح خان پر غیر قانونی ذرائع سے اثاثے بنانے کے الزامات لگائے گئے تھے۔

نیب اعلامیے میں کہا گیا ہےکہ فرح خان کے انکم ٹیکس ریٹرنز میں ان کے اثاثے 2018 سے غیر معمولی طور پر بڑھے،

کراچی :سرکاری اخراجات پرعمرہ ادائیگی، درخواست قابل سماعت ہونے سے متعلق فیصلہ محفوظ،اطلاعات کے مطابق سرکاری اخراجات پرعمرہ ادائیگی کا معاملہ بھی سندھ ہائیکورٹ پہنچ گیا، درخواست قابل سماعت ہونے سے متعلق فیصلہ محفوظ کرلیا گیا۔

تفصیلات کے مطابق سندھ ہائی کورٹ میں وزیراعظم اور دیگر کی سرکاری اخراجات پرعمرہ ادائیگی کے خلاف درخواست دائر کی گئی۔چیف جسٹس سندھ ہائیکورٹ نے کہا کہ درخواست کا جائزہ لینے کے بعد آج ہی فیصلہ جاری کریں گے۔ کیا وزیراعظم کابینہ کو عمرہ ادا کرنے لے گئے یا لے جارہے ہیں؟

درخواست گزار محمود اختر نقوی نے کہا کہ وزیراعظم سرکاری خرچ پر کابینہ کا عمرہ ادائیگی کے لیے لے جارہے ہیں۔ سرکاری خرچے پرعمرہ کرنے والوں کو بڑے بڑے مولانا بھی شامل ہیں۔وکیل درخواست گزار نے موؤقف پیش کیا کہ غریبوں کے ٹیکس کے پیسوں سے کیسے عمرہ ادا کرسکتے ہیں۔ ایسا تو کسی بادشاہت والے ملک میں نہیں ہوتا۔

محمود اختر نقوی نے درخواست میں مؤقف اپنایا ہے کہ سرکاری خرچ پرعمرہ کرنے جانے والے سارے صاحب حیثیت ہیں۔ وزیر اعظم شہبازشریف سمیت سارے کے سارے سیاسی عمرہ کرنے جارہے ہیں۔درخواست گزار نے عدالت سے استدعا کی کہ سرکاری خرچ پرعمرہ ادا کرنے والوں کو روکا جائے۔

درخواست گزار کے مؤقف کے بعد چیف جسٹس سندھ ہائی کورٹ نے درخواست قابل سماعت ہونے سے متعلق فیصلہ محفوظ کرلیا۔

یاد رہے کہ وزیر اعظم شہباز شریف کی 3 روزہ دورے پر سعودی عرب روانگی، پاکستان کو 6 سے 8 ارب ڈالر کا ریلیف پیکج ملنے کا امکان ہے، ادھار تیل بھی ملے گا، کورونا کے دوران ملازمتوں سے فارغ ہونے والے پاکستانیوں کی بحالی بھی متوقع ہے۔

دورہ سعودی عرب پر وفاقی وزراء، بلاول بھٹو زرداری، مفتاح اسماعیل، نوابزادہ شاہ زین بگٹی، مریم اورنگزیب، خواجہ آصف، چودھری سالک حسین، ڈاکٹر خالد مقبول صدیقی اور محسن داوڑ بھی ہمراہ ہیں۔