Tag: پاکستان

اسلام آباد: ملک میں مہنگائی کی شرح کم ہوئی یا زیادہ: تفصیلات آگئیں ،کچھ چیزیں سستی ہوئیں تو کچھ مہنگی ہوگئیں ،ادھر اطلاعات کے مطابق ہفتہ وار مہنگائی کی شرح میں 0.43 فیصد اضافے کے بعد ملک میں مہنگائی کی مجموعی شرح 15.86 فیصد پر پہنچ گئی۔

ادارہ شماریات نے مہنگائی کے ہفتہ وار اعداد و شمار جاری کر دیے جن کے مطابق حالیہ ہفتے 25 اشیا ضروریہ کی قیمتوں میں اضافہ ہوا، ٹماٹر اوسط 24 روپے 17 پیسے فی کلو مہنگے ہوئے، ایک ہفتے میں پیاز 8 روپے 24 پیسے فی کلو مہنگے ہوئے۔

ادارہ شماریات کے مطابق زندہ مرغی اوسط 5 روپے 54 پیسے فی کلو مہنگی ہوئی، گھی کی اوسط قیمت میں 5 روپے 99 پیسے فی کلو کا اضافہ ہوا، گھی کی اوسط فی کلو قیمت 480 روپے 22 پیسے پر پہنچ گئی، دال مسور اوسط 3 روپے 24 پیسے فی کلو مہنگی ہوئی۔

اعداد و شمار کے مطابق انڈے 4 روپے 88 پیسے فی درجن مہنگے ہوئے، ایل پی جی کا گھریلو سلنڈر 21 روپے 33 پیسے مہنگا ہوا، لہسن، آلو، دال ماش، مٹن، بیف، دودھ، دہی، چاول بھی مہنگا ہوا۔

حالیہ ہفتے 4 اشیا کی قیمتوں میں کمی، 22 میں استحکام رہا۔ آٹے کا 20 کلو کا تھیلا 106 روپے 94 پیسے سستا ہوا، آٹے کے 20 کلو تھیلے کی اوسط قیمت 966 روپے 56 پیسے پر آگئی، ایک ہفتے میں چینی اوسط 89 پیسے فی کلو سستی ہوئی، ملک میں چینی کی اوسط فی کلو قیمت 84 روپے 80 پیسے پر آگئی، ایک ہفتے میں گڑ ایک روپے 68 پیسے فی کلو سستا ہوا۔

‏تحریک انصاف کے رہنما جہانگیر ترین اور ان کے بیٹے علی خان ترین لاہور پہنچ گئے،اطلاعات کے مطابق پاکستان کی سیاست کے مرکزی کھلاڑی جن کوعوام جہانگیرخان ترین کے نام سے یاد کرتے ہیں وہ پاکستان پہنچ چکے ہیں، ان کے ترجمان کے مطابق جہانگیر ترین اوران کے بیٹے علی ترین لاہور پہنچ گئے ہیں۔ ترجمان کا کہنا تھاکہ جہانگیرترین اورعلی ترین دبئی سے لاہورپہنچے ہیں۔

طبیعت کے حوالے سے جہانگیر ترین کا کہنا تھاکہ میری طبیعت اب بہتر ہے اور ڈاکٹروں کی اجازت کے بعد وطن واپسی ممکن ہوئی۔ان کا کہنا تھاکہ میری صحت یابی کیلئے دعا کرنے پرسب کا مشکور ہوں، جلد ساتھیوں سے مشاورت اورملاقاتوں کاسلسلہ شروع کروں گا۔

خیال رہے کہ جہانگیر ترین کئی دنوں سے لندن میں مقیم تھا جہاں ان کا علاج جاری تھا۔

اسلام آباد:مسجدنبویﷺ میں نعرے لگانے والے کون تھے؟شبلی فرازنے بتادیا،اطلاعات کے مطابق سابق وفاقی وزیر و رہنما تحریک انصاف شبلی فراز نے کہا ہے کہ مسجدنبویﷺ میں نعرے لگانے والے پی ٹی آئی کے کارکن نہیں بلکہ پاکستانی تھے۔

نجی ٹی وی میں گفتگو کرتے ہوئے شبلی فراز نے کہا کہ مسجدنبویﷺمیں جو واقعہ ہوا وہ غلط تھا جب کہ رات کوقاسم سوری پر جو حملہ کیا گیا وہ بھی انتہائی غلط تھا۔

شبلی فراز نے کہا کہ عمران خان نے اسلاموفوبیا اور حرمت رسول ﷺ کیلئےکام کیے ہم امربالمعروف پر عمل کرتے ہیں اور کرتے رہیں گے ان کی حکومت آئےکچھ دن ہوئےاورارشدشریف کوہراساں کیاجانےلگا ن لیگ کے تو وزیرخزانہ امریکا میں کیا کچھ نہیں کہہ کر آئے ہیں۔

انہوں نے کہا کہ سازش عمران خان کےنہیں پاکستان کےخلاف ہوئی ہے مراسلہ میں نےخود دیکھا ہےجس میں دھمکی دی گئی مراسلےمیں تھا تحریک عدم اعتماد کامیاب ہو گئی تو معاف کر دیا جائے گا۔

ان کا کہنا تھا کہ عید کے بعد عمران خان نےاسلام آبادپہنچنےکی کال دی ہے اسلام آبادمیں 20لاکھ لوگوں کو اکھٹا کریں گے عمران خان کےخلاف کچھ نہیں ملااب کردارکشی کی جارہی ہے۔

ادھر پی ٹی آئی کے رہنماء نور الحق قادری نے مسجد نبویؐ واقعے کے حوالے سے اپنے ایک بیان میں کہا کہ یہ کوئی پری پلان نہیں تھا، یہ صرف اظہار غصہ تھانور الحق قادری نے کہا کہ مسجد نبویؐ واقعے پر ہم شرمندہ ہیں، یہ نہیں ہونا چاہیے تھا۔

پی ٹی آئی کے رہنماء نور الحق قادری کا مزید کہنا تھا کہ حج اور عمرے پر جانے والوں کی تربیت پر ہمیں توجہ دینی چاہیے، سیاسی دباؤ کو نیچے لانے کیلئے سب کو مل کر بیٹھنا ہوگا۔

دوسری جانب مسجد نبویؐ میں پیش آنے والے واقعے پر سعودی عرب کا پہلا رد عمل سامنے آگیا۔ڈائریکٹر انفارمیشن سعودی سفارتخانہ فواد العثمین کاکہنا ہےکہ مسجد نبویؐ کی بے حرمتی پر کچھ افراد کو حراست میں لینے کی کارروائی کی گئی جس میں کچھ پاکستانیوں کو گرفتار کیا گیا ہے۔ڈائریکٹر انفارمیشن کے مطابق یہ گرفتاریاں قواعد توڑنے پر ہوئی ہیں۔

واضح رہے کہ گزشتہ روز مسجد نبویؐ میں وفاقی وزرا کی موجودگی کے موقع پر ناخوشگوار واقعہ پیش آیا جس میں کچھ افراد نے چور چور کےنعرے لگائے جب کہ اس نعرے بازی میں پی ٹی آئی کے رہنما اور عمران خان کے سابق مشیر صاحبزادہ جہانگیر بھی پیش پیش تھے۔

اسلام اباد:عمران خان رجیم چینج کی سازش کے کوئی ٹھوس شواہد پیش نہ کرسکے:ایشین ٹیلیگراف کی رپورٹ ،اطلاعات کے مطابق ایشین ٹیلیگراف نے دعویٰ کیا ہے کہ سابق وزیر اعظم عمران خان کی معذول حکومت کی جانب سے غیر ملکی سازش کے دعوؤں نے ملک بھر میں سیاسی طوفان برپا کر دیا۔

بین الاقوامی اخبار ایشین ٹیلی گراف کے مطابق اس دعوے کے حقائق گمراہ کن ہیں۔ کیونکہ عمران خان تاحال کوئی ٹھوس شواہد پیش نہ کر سکے۔ اخبار نے مزید لکھا ہے کہ فی الحال عمران خان کے لیے ٹھوس شواہد پیش کرنا مشکل نظرآرہا ہے ، تاہم آگے چل کرکیا ہوتا ہے یہ وقت ہی بتائے گا

اس سے قبل امریکہ میں تعینات سابق سفیر اسد مجید کے حوالے سے بھی افواہیں پھیلائیں گئیں کہ ان پر دباؤ ڈالا جارہا ہے۔ جس کی دفترِ خارجہ نے تردید کی۔
جبکہ نیشنل سیکیورٹی کمیٹی نے بھی سابق وزیر اعظم کے “حکومت کی تبدیلی کی سازش” کے بیانیے کو مسترد کیا ہے۔

بین الاقوامی اخبار ایشین ٹیلی گراف کے مطابق سفارتی زبان میں مداخلت کا مطلب سازش نہیں ہوتا ہے۔ اس سے قبل بھی پاکستان نے اس قسم کی مداخلت پر سفارتی احتجاج کئی بار ریکارڈ کرایا ہے۔

لاہور:(نومنتخب وزیراعلیٰ پنجاب حمزہ شہباز سے حلف نہ لینے کے معاملے پر لاہور ہائیکورٹ نے محفوظ کیا گیا فیصلہ سنا دیا ہے جس کے مطابق سپیکر قومی اسمبلی کل حلف لیں گے۔

اس حوالے سے سنیئر صحافی مبشرلقمان نے بھی ہائی کورٹ کے فیصلے کے حوالےسے ٹویٹ کرتے ہوئے کہا ہے کہ عدالت نے سپیکر قومی اسمبلی کو ہدایت کی ہے کہ وہ کل صبح 11.30 بجے منتخب وزیراعلیٰ حمزہ شہباز سے حلف لیں۔

The Court has directed Speaker National Assembly of Pakistan to take oath from CM Elect Hamza Shahbaz at 11.30 am tomorrow.

— Mubasher Lucman (@mubasherlucman) April 29, 2022

قبل ازیں لاہور ہائیکورٹ میں حمزہ شہباز کی حلف لینے سے متعلق تیسری درخواست پر سماعت ہوئی۔ وکیل حمزہ شہباز نے موقف اپنایا کہ قانون کہتا ہے کہ گورنر خود حلف لیں یا نمائندہ مقرر کرے۔

[wp-embedder-pack width=”100%” height=”400px” download=”all” download-text=”” attachment_id=”489202″ /]

جسٹس جواد حسن نے استفسار کیا آپ کے مطابق ہائیکورٹ کے دو آرڈرز پر عملدرآمد نہیں ہوا، ہائیکورٹ میں دوبارہ حکم پر عملدرآمد کروانے کی درخواست دائر کی ہے، آپ نے درخواست میں گورنر پنجاب اور صدر پاکستان کو فریق بنانا تھا۔ وکیل حمزہ شہباز نے کہا کہ صدر اور گورنر پنجاب کو فریق بنانے کی ضرورت نہیں تھی۔ جس کے بعد درخواست پر فیصلہ محفوظ کیا گیا تھا۔

لاہور ہائیکورٹ کے جسٹس جواد حسن نے فیصلہ سناتے ہوئے حکم دیا کہ سپیکر قومی اسمبلی راجہ پرویز اشرف کل صبح ساڑھے گیارہ بجے حمزہ شہباز شریف سے بطور وزیراعلیٰ پنجاب کا حلف لیں۔

کوئٹہ : کچھ ناراض بلوچ ملک کے دشمن بنے ہوئے:اطلاعات کے مطابق ضیاء لانگو نے کہا ہے کہ ناراض بلوچوں سے مزکرات کی ہے کچھ ایسے لوگ ہے جو ملک کے دشمن بنے ہوئے۔

صوبائی مشیر داخلہ میر ضیاء لانگو نے بلوچستان اسمبلی میں اظہار خیال کرتے ہوئے کہا کہ کل جو مسجد نبوی میں واقعہ پیش آیا اس کی شدید الفاظ میں مذمت کرتے ہے، سعودی حکومت سے مطالبہ کرتے ہے کے پاکستان کے شہریوں کو تحفظ دے جب وہ وہاں آتے ہے۔

ضیاء لانگو نے کہا کہ ناراض بلوچوں سے مزکرات کی ہے کچھ ایسے لوگ ہے جو ملک کے دشمن بنے ہوئے، حکومت کی جانب سے ان سے مزکرات کرنے کے لئے کمیٹی بھی بنائی گئی تھی۔

انہوں نے یہ بھی کہا کہ اس وقت دہشت گردی کے واقعات میں اضافہ ہو رہا ہے، جس خاتون نے دھماکہ کیا تھا اس کو ہم دہشت گرد سمجھتے ہے۔

صوبائی مشیر داخلہ ضیاء لانگو کا مزید کہنا تھا کہ دہشت گرد عناصر کی جانب سے خواتین کو برائن واش کرنا افسوس کی بات ہے، اس طرح کے واقعات کے شدید الفاظ میں مذمت کرتے ہے۔

یاد رہے کہ دو دن قبل کراچی یونیورسٹی میں اساتذہ کو لے جانے والی گاڑی کے قریب مبینہ خود کش دھماکے میں تین چینی اساتذہ سمیت چار افراد ہلاک اور چار زخمی ہو گئے ہیں۔

پولیس کے مطابق دھماکہ اس وقت ہوا جب ایک گاڑی اساتذہ کو لے کر کراچی یونیورسٹی کے کنفیوشس انسٹی ٹیوٹ آ رہی تھی۔ کراچی پولیس کے سربراہ غلام نبی میمن نے دھماکے میں چار افراد کی ہلاکت کی تصدیق کی گئی تھی ۔

کنفیوشس انسٹی ٹیوٹ کراچی یونیورسٹی میں چین کے شہر چنگڈو میں قائم سیچوان نارمل یونیورسٹی کےا شتراک سے 2013 میں قائم کیا گیا تھا۔ اس انسٹی ٹیوٹ میں چینی زبان کے مختلف کورسز کرائے جاتے ہیں۔عینی شاہدین کا کہنا تھا کہ دھماکے کے فوری بعد گاڑی میں آگ لگ گئی تھی۔

مقامی میڈیا کے مطابق اساتذہ کی گاڑی کے قریب سے گزرنے والا ایک موٹر سائیکل سوار بھی دھماکے کی زد میں آیا۔

کالعدم بلوچ لبریشن آرمی (بی ایل اے) نے دھماکے کی ذمے داری قبول کی ہے۔ تنظیم نے ایک بیان میں کہا ہے کہ خود کش دھماکہ تنظیم کی شیری بلوچ نامی خاتون حملہ آور نے کیا ہے۔

بعد ازاں دھماکے کی سی سی ٹی وی کیمرے کی ایک ویڈیو بھی سامنے آئی جس میں نظر آ رہا ہے کہ اساتذہ کی گاڑی کے قریب دھماکے کے وقت ایک خاتون موجود ہیں۔ البتہ ابھی پولیس نے اس کی تصدیق نہیں کی۔

کنفیوشس انسٹی ٹیوٹ کے قریب دھماکے کے مقام کا دورہ کرنے کے بعد ذرائع ابلاغ کے نمائندوں سے گفتگو میں کراچی پولیس کے سربراہ غلام نبی میمن نے بتایا کہ کراچی یونیورسٹی کے اساتذہ کی گاڑی کے قریب دھماکہ ہوا ہے۔

لاہور:گورنر پنجاب عمر سرفراز چیمہ نے یونیورسٹی ملازمین کا دیرینہ مطالبہ منظور کر لیا ہے۔تفصیلات کے مطابق گورنر پنجاب عمر سرفراز چیمہ نے پنجاب کی 15 یونیورسٹیوں کو اسپیشل الاؤنس 2021 کی منظوری دے دی، اسپیشل الائونس سے گریڈ 1 سے لے کر 19 تک کے یونیورسٹی ملازمین مستفید ہوں گے۔

یونیورسٹیوں میں لاہور کالج فار ویمن یونیورسٹی ، لاہور ، یونیورسٹی آف دی پنجاب ، لاہور، گورنمنٹ کالج یونیورسٹی، فیصل آباد، گورنمنٹ کالج ویمن یونیورسٹی فیصل آباد شامل ہیں۔

گورنمنٹ کالج ویمن یونیورسٹی سیالکوٹ ، یونیورسٹی آف چکوال ، یونیورسٹی آف ہوم اکنامکس ، لاہور ، اسلامیہ یونیورسٹی آف بہاولپور ، ایمرسن یونیورسٹی ، ملتان ، انفارمیشن ٹیکنالوجی یونیورسٹی آف دی پنجاب ، لاہور ، یونیورسٹی آف ، گجرات ، یونیورسٹی آف ایجوکیشن ، لاہور ، فاطمہ جناح ویمن یونیورسٹی ، راولپنڈی ، گورنمنٹ صادق کالج ویمن یونیورسٹی ، بہاولپور اور یونیورسٹی آف انجینئرنگ اینڈ ٹیکنالوجی ، ٹیکسلا بھی شامل ہیں۔

پشاور:خیبر پختونخوا کے بیشتر اضلاع میں تیز ہواؤں کے ساتھ بارشوں کا سلسلہ شروع ہونے کا امکان،اطلاعات کے مطابق محکمہ موسمیات نے کہا ہے کہ خیبر پختونخوا کے بیشتر اضلاع میں اتوار سے تیز ہواؤں کے ساتھ بارشوں کا نیا سلسلہ شروع ہونے کا امکان ہے۔

تفصیلات کے مطابق پی ڈی ایم اے خیبر پختونخوا کی جانب سے ضلعی انتظامیہ اور متعلقہ اداروں کو مراسلہ ارسال کردیا گیا، پی ڈی ایم اے شریف حسین نے تیز آندھی، بارشوں اور ژالہ باری کے پیشِ نظر ضلعی انتظامیہ اور متعلقہ اداروں کو پیشگی اقدامات اٹھانے اور الرٹ رہنے کی ہدایات جاری کیں۔

محکمہ موسمیات کے مطابق بارشوں اور ہواؤں کا یہ سلسلہ جمعرات کے روز تک وقفے وقفے سے جاری رہنے کا امکان ہے، بارشوں اور تیز ہواؤں سے گرمی کی شدت میں کمی کا بھی امکان ہے جبکہ بالائی علاقوں میں لینڈ سلائیڈنگ کا خدشہ ہے۔

ترجمان پی ڈی ایم اے کا کہنا ہے کہ جہاں لینڈ سلائیڈنگ کا خطرہ ہو وہاں پر چھوٹی بھاری مشینری کی دستیابی یقینی بنائی جائے، سیاح دوران سفر خصوصی احتیاطی تدابیر اختیار کریں اور موسمی صورت حال سے باخبر رہے۔

ترجمان پی ڈی ایم اے نے کہا کہ پی ڈی ایم اے کا ایمر جنسی آپریشن سینٹر مکمل فعال ہے، عوام کسی بھی ناخوشگوار واقعے کی اطلاع ہیلپ لائن 1700 پر دیں۔

ملتان :میرےخلاف منصوبہ سازی ہوچکی:عید کےبعد میرے ساتھ کیا ہوگا:عمران خان نے بتادیا،اطلاعات کے مطابق پاکستان تحریک انصاف کے سربراہ اور سابق وزیراعظم عمران خان نے کہا ہے کہ یہ لوگ عید کے بعد میری کردار کشی کریں گے۔

پی ٹی آئی چیئرمین اور سابق وزیراعظم عمران خان نے ملتان میں ورکرز کنونشن سے خطاب کرتے ہوئے کہا کہ 35 سال سے یہ مافیا دو طریقے سے چلتا ہے۔ ایک یہ لوٹوں کو پیسہ دے کر خریدتے ہیں دوسرا طریقہ کردارکشی کرنا ہے، یہ لوگوں کو ڈراتے دھمکاتے ہیں،2017 میں پیسے دے کر میرے خلاف کتاب لکھوائی گئی، اب یہ لوگ عید کے بعد میری کردار کشی کرینگے۔

عمران خان نے کہا کہ شریف مافیا نے بینظیر اور نصرت بھٹو کی جعلی تصاویر پھینکیں، اسی مافیا نے اس خاتون کے خلاف جو مسلمان ہوکر پاکستان آئی اس کیخلاف یہودی ہونے کی مہم چلائی، شہبازشریف نے سب سے زیادہ پولیس مقابلے میں مخالفین کو مروایا ہے۔

انہوں نے کہا کہ میر جعفر اور میر صادق کیساتھ ملکر چوروں کا ٹولہ مسلط کیا گیا، شہباز شریف کو اس لئے مسلط کیا گیا کیونکہ یہ کبھی باہر کی قوتوں کے مفاد کیخلاف نہیں جاتا، 400ڈرون حملےہوئے،شہبازشریف کے بھائی اور زرداری نے ایک لفظ نہیں کہا، ہم نے اس سازش کو ناکام بنانا ہے اور ملک میں الیکشن کروانے ہیں، عوام جس کا فیصلہ کریں اسی کو ملک میں حکومت کرنی چاہیے، اب جو بھی آئے گا وہ عوام کی طاقت سے آئے گا۔

پی ٹی آئی سربراہ کا کہنا تھا کہ شہبازشریف وہ آدمی ہے جس پر 40ارب کی کرپشن کے کیسز ہیں، چور مافیا کو مسلط کرنا ہمارے 22 کروڑ لوگوں کی توہین ہے، اگلے دو سے تین روز میں شریفوں کی کرپشن کا وائٹ پیپر جاری کروں گا، شریفوں کے کتنے کیسز ہیں انہوں کتنا پیسہ چوری کیا یہ سب قوم کو بتاؤں گا۔

سابق وزیراعظم نے مزید کہا کہ اسلام آباد کےمارچ کا کامیاب ہونا ضروری ہے، اسلام آباد کیلئے میری کال ملک کے مستقبل کا فیصلہ کرےگی کہ آزاد رہنا ہے یا غلام بن کر، 75سالہ دورمیں یہ سب سے اہم حقیقی آزادی کی تحریک ہوگی، پی ٹی آئی عہدیداران، کارکنان نے جنوبی پنجاب کو اسلام آباد کیلئے تیار کرنا ہے، چیلنج کرتاہوں میری کال پر 30لاکھ لوگوں کا سمندر اسلام آباد آئےگا۔

عمران خان نے کہا کہ یہ تحریک انصاف کی نہیں بلکہ آزاد پاکستان کی جنگ ہے، اگر ہم آزاد ملک بننا چاہتے ہیں تو جدوجہد کیلئے تیار ہونا پڑے گا کیونکہ اگر ہم آزاد ملک کیلئے جدوجہد نہیں کرینگے تو اللہ ایسے ہی رکھے گا اور یہ باہر کے پتلے ہم پر مسلط رہیں گے، آپ نے حقیقی آزادی کی تحریک کیلئے بچے بچے کو تیار کرنا ہے۔

سابق وزیراعظم کا کہنا تھا کہ ایک جنگ ہتھیار اور دوسری زبان سے ہوتی ہے، ہم اپنی زبان سے اس مافیا کیخلاف جنگ لڑیں گے اور لوگوں کو تیار کرینگے، خاص طور پر وکلا برادری بھی تیار رہے کیونکہ تحریک آزادی کی جنگ میں انہوں نے سڑکوں پر آنا ہے۔

ان کا کہنا تھا کہ کسانوں کو جتنا فائدہ ہمارے دور میں ہوا اتنا تاریخ میں کبھی نہیں ہوا، امپورٹڈ حکومت آتے ہی کسانوں کو ڈیزل نہیں مل رہا، ابھی یہ پیٹرول اور فضل الرحمان کو مہنگا کرینگے، چوروں کے ٹولےسے ملک سنبھالا نہیں جائیگا، ہماری حکومت نے جنوبی پنجاب صوبہ بنانے کیلئے پورا زور لگایا، جنوبی پنجاب صوبےکا بل اسمبلی میں ٹیبل کردیا ہے، آپ مجھے دوتہائی اکثریت دینگے تو میں جنوبی پنجاب صوبہ بناکر دکھاؤں گا۔

کراچی :کراچی، حیدرآباد میں بلدیاتی انتخابات کب ہونگے؟ شیڈول جاری کردیا گیا ہے ، اطلاعات کے مطابق الیکشن کمیشن نے سندھ میں بلدیاتی انتخابات کے دوسرے مرحلے کا شیڈول جاری کردیا ہے جس کے مطابق دوسرے مرحلے میں 24 جولائی کو پولنگ ہوگی۔

ذرائع کے مطابق الیکشن کمیشن نے سندھ میں بلدیاتی انتخابات کے دوسرے مرحلے کے شیڈول کا اعلان کردیا ہے جس کے مطابق دوسرے مرحلے کیلیے 24 جولائی کو پولنگ ہوگی۔شیڈول کے مطابق دوسرے مرحلے میں کراچی، حیدرآباد اور ٹھٹھہ ڈویژن میں بلدیاتی انتخابات ہونگے۔

دوسرے مرحلے کیلیے کاغذات نامزدگی 8 سے11 جون تک جمع کروائے جاسکیں گے، جب کہ تمام مراحل مکمل ہونے کے بعد امیدواروں کی حتمی فہرست 28 جون کو آویزاں کی جائے گی۔

واضح رہے کہ سندھ میں بلدیاتی انتخابات کے پہلے مرحلے میں سکھر، لاڑکانہ، شہید بینظیر آباد، میرپورخاص ڈویژن میں 26 جون کو انتخابات ہونگے۔دوسری جانب پی ٹی آئی نے سندھ میں بلدیاتی انتخابات کے پہلے مرحلے کے شیڈول کو چلینج کر رکھا ہے۔

درخواست گزار کا موقف ہے کہ الیکشن کمیشن کا اقدام سپریم کورٹ کے فیصلے کی خلاف ورزی ہے، سپریم کورٹ کے فیصلے کے تحت بلدیاتی قانون میں ترمیم کا حکم دیا جائے۔