Tag: پاکستان

اسلام آباد: وزیرِ اعظم عمران خان سےایم این اے صداقت علی عباسی نے ملاقات کی-

باغی ٹی وی : صداقت علی عباسی نے وزیرِ اعظم کو کوہسار یونیورسٹی اور کوہسار ٹورازم ہائی وے کے سیاحوں اور مقامی آبادی پر مثبت اثرات اور عوامی پزیرائی سے بھی آگاہ کیا اور حلقہ کے دیگر میگا پروجیکٹس کے حوالے سے بھی تفصیلی طور پر آگاہ کیا۔

ملاقات میں مری، کوٹلی ستیاں، کہوٹہ اور کلرسیدں میں سیاحت کے فروغ، سیاحوں کو بروقت مدد و سہولیات کی یقینی فراہمی اور کوہسار ڈویلپمنٹ اتھارٹی کے حوالے سے بھی تفصیلی گفتگو کی گئی-

اس دوران وزیراعظم کا کہنا تھا کہ ملک میں سیاحت کا فروغ حکومت کی اولین ترجیحات میں شامل ہے.حکومت تمام سیاحتی علاقوں کی ایک جامع لائحہ عمل کے ذریعے ترقی پر توجہ مرکوز کئے ہوئے ہےسیاحت کے فروغ سے ان علاقوں کی ترقی اور روزگار کے مواقع پیدا ہو رہے ہیں.

وزیراعظم عمران خان نے ایم این اے صداقت علی عباسی کو کوہسار یونیورسٹی کے قیام اور سیاحت کے فروغ کے حوالے سے بہترین کاوشوں کو سراہتے ہوئے انہیں شاباش دی۔

منشیات کی اسمگلنگ کی روک تھام کیلئے مشترکہ جامع حکمت عملی کی تشکیل پر اتفاق

وزیراعلی بلوچستان میر عبدالقدوس بزنجو کی زیر صدارت نیشنل ایکشن پلان پر عملدرآمد اور امن و امان کی مجموعی صورتحال کا جائزہ لیا گیا-

باغی ٹی وی : اجلاس میں شریک چیف سیکریٹری،ایڈیشنل چیف سیکریٹری داخلہ اور آئی جی پولیس نے بریفنگ دی اور امن و امان برقرار رکھنے کے لیۓ اجلاس میں کئی ایک اہم فیصلے کئے گئے-

اجلاس میں نیشنل ایکشن پلان میں شامل صوبے سے متعلق نکات پر ان کی روح کے مطابق عملدرآمد یقینی بنانے کا فیصلہ کیا گیا اجلاس میں آئی ڈی پیز کی رجسٹریشن اور تصدیق کے لیۓ محکمہ داخلہ میں خصوصی سیل کے قیام بھی فیصلہ کیا گیا-

وزیراعلی بلوچستان نے ہدایت کی کہ قانون کے نفاذ کے زمہ دار اداروں کے درمیان مربوط کوآرڈینیشن اور معلومات کے تبادلہ کے نظام کو صوبے اور ضلع کی سطح پر مستحکم بنایا جائےعوام کی جان مال کا تحفظ حکومت کی زمہ داری کوئی کسر اٹھا نہیں رکھی جاۓ گی ۔

انہوں نے کہا کہ کوئیٹہ سمیت تمام شہروں میں پیٹرولنگ میں اضافہ اور قانون نافذ کرنے والے اداروں کو متحرک اور فعال رکھا جائے حکومت صوبے میں بہتر ماحول کے قیام کے لیۓ سب سے بات چیت کرنے کے لیۓ تیار ہےملک سے باہر بیٹھے لوگوں سے بھی بات چیت کے لیۓ رابطے جاری ہیں-

وزیر اعلی بلوچستان نے کہا کہ نوجوانوں کی سوچ صیح سمت میں رکھنا حکومت اور معاشرے کی زمہ داری ہے نوجوانوں کو تخریبی اور غیر صحمتندانہ سرگرمیوں سے دور رکھنے کے لیۓ معیاری تعلیم ،فنی تربیت اور روزگار کے مواقع فراہم کریں گے-

کراچی:مزید 2 چینی شہروں کے لیے پی آئی اے کو پروازیں چلانے کا لائسنس مل گیا ،اطلاعات کے مطابق چین نے پاکستان کی قومی ایئر لائن کو بیجنگ کے علاوہ گوانگ زو اور ژیان کے لیے مزید دو آپریٹنگ لائسنس دے دیے ہیں۔

تفصیلات کے مطابق پی آئی اے کو مزید 2 چینی شہروں کے لیے پروازیں چلانے کا لائسنس مل گیا ہے، اب گوانگ زو اور ژیان کے لیے بھی قومی پرچم بردار کمپنی مسافروں کی پروازوں کا شیڈول بنانا شروع کرے گی۔

پی آئی اے کے کنٹری منیجر قادر بخش سانگی نے اتوار کو کہا اس سے قبل پی آئی اے کے پاس صرف بیجنگ کے لیے آپریٹنگ لائسنس تھا، اب چین کی سول ایوی ایشن ایڈمنسٹریشن (سی اے اے سی) نے ایئر لائن کو پاکستان اور چین کے مزید دو شہروں کے درمیان فلائٹ آپریشنز چلانے کے لیے لائسنس دے دیے۔

چینی سی اے اے کے موجودہ معیاری آپریٹنگ طریقہ کار کے مطابق بین الاقوامی کیریئر چین کے لیے ہفتہ وار ایک پرواز چلا سکتے ہیں۔

کنٹری منیجر کے مطابق پی آئی اے نے چینگڈو اسٹیشن کے آپریٹنگ لائسنس کے حصول کے لیے بھی درخواست دی ہے، جو زیر غور ہے، امید ہے اگلے ماہ اس کی منظوری بھی مل جائے گی۔

پی آئی اے کو چینی حکام کی جانب سے کنمنگ اور شینزن کے لیے چارٹرڈ کارگو پروازیں چلانے کی منظوری بھی حاصل ہے، جب کہ کاشغر (سنکیانگ) کے لیے منظوری کا عمل جاری ہے۔

کنٹری منیجر نے کہا کہ چین کے مختلف شہروں کے لیے چارٹرڈ کارگو پروازیں پاکستان اور چین کے درمیان تجارتی اور اقتصادی سرگرمیوں کو مزید بڑھانے میں معاون ثابت ہوں گی۔

اسلام آباد:آصف علی زرداری سب پر بھاری شاید یہ ایک کہاوت ہی نہیں بلکہ حقیقت بھی ہے، اطلاعات ہیں کہ اسلام اباد میں زرداری ہاوس میں پی ٹی آئی بلوچستان کے سابق صدر سردار یار محمد رندکی اہم ملاقات سابق صدر آصف علی زرداری سے ہوئی ہے

یہ بھی اطلاعات ہیں کہ اس ملاقات کا اہتمام بلوچستان سے پی پی میں شامل ہونے والی اہم شخصیت نے کیا ہے جن کو بلوچستان میں پی پی میں ارکان کو توڑ توڑ کرلانے کے حوالے سے ذمہ داری سونپی گئی ہے

دوسری طرف یہ بھی اطلاعات ہیں کہ بلوچستان سے ن لیگ کی بڑی تعداد بھی پی پی میں شامل ہونے جارہی ہے جس سے یہ خدشہ ظاہر کیا جارہا ہے کہ ن لیگ کے جو چند ورکرز رہ گئے ہیں ان کے پی پی میں جانے سے ن لیگ کا بلوچستان سے مکمل صفایا ہوسکتا ہے

یاد رہے کہ چند دن پہلے وزیراعظم عمران خان کے معاون خصوصی اور بلوچستان اسمبلی میں تحریک انصاف کے پارلیمانی لیڈر یار محمد رند نے اپنے عہدے سے مستعفی ہونے کا اعلان کیا تھا

کابینہ ڈویژن کی ویب سائٹ کے مطابق یار محمد رند بلوچستان میں وزارت آبی وسائل، پاور اور پیٹرولیم سے متعلق امور کیلئے وزیراعظم عمران خان کے معاون خصوصی ہیں۔

سردار یار محمد رند نے بتایا کہ وفاقی وزراء نے بلوچستان کے معاملے پر کبھی مجھ سے کوئی رابطہ نہیں کیا، مجھے بلوچستان کے معاملے پر ہونے والے کسی اجلاس میں بلانے کی زحمت تک نہیں کی گئی۔سردار یار محمد رند نے کہا کہ پہلے میں نے وزیر اعظم کی یقین دہانی پر استعفیٰ واپس لیا تھا، مگر اب کی بار استعفے کافیصلہ حتمی ہے۔

خیال رہے کہ یار محمد رند بلوچستان اسمبلی کے رکن اور پاکستان تحریک انصاف بلوچستان چیپٹر کے صدر بھی ہیں۔