Tag: پاکستان

اسلام آباد: الیکشن کمیشن نے وفاق سے 18 ارب 36 کروڑ 47 لاکھ روپے مانگ لیئے،اطلاعات کے مطابق الیکشن کمیشن نے پنجاب، سندھ، بلوچستان اور اسلام آباد میں بلدیاتی انتخابات کے لیے وفاقی حکومت سے 18 ارب روپے سے زائد کے فنڈز مانگ لئے۔

تفصیلات کے مطابق چیف الیکشن کمشنر کی منظوری کے بعد کابینہ ڈویژن کو بھجوائی گئی سمری میں کہا گیا ہے کہ پنجاب، سندھ، بلوچستان اور وفاقی دارالحکومت میں بلدیاتی انتخابات کے لئے فنڈز درکار ہیں جو بلدیاتی انتخابات کے انعقاد اور ووٹرز فہرستوں پر نظرثانی کے لئے استعمال کیے جائیں گے۔

سمری میں موقف اپنایا گیا کہ وزارت خزانہ نے فنڈز کی فراہمی کے لئے حامی بھری ہے، وزارت خزانہ نے فنڈز کے لئے ای سی سی اور کابینہ کی منظوری کا کہا ہے، الیکشن کمیشن کو 18 ارب 36 کروڑ 47 لاکھ روپے کے فنڈز درکار ہیں، الیکشن کمیشن کو انتخابات کی نزاکت کے تحت فوری فنڈز درکار ہیں۔

ادھر پنجاب میں بلدیاتی الیکشن کی تاریخ کا اعلان کردیا گیا، پہلے مرحلے میں 29 مئی کو 17 اضلاع میں ووٹ ڈالے جائیں گے۔

اسلام آباد میں چیف الیکشن کمشنر سکندر سلطان راجہ کی سربراہی میں اہم اجلاس ہوا، اجلاس میں فیصلہ کیا گیا کہ صوبہ پنجاب میں پہلے مرحلے کے بلدیاتی انتخابات 29 مئی 2022 کو ہوں گے۔

الیکشن کمیشن کے مطابق 17 اضلاع میں پہلے مرحلے میں بلدیاتی انتخابات ہوں گے، ان اضلاع میں ڈیرہ غازی خان، راجن پور، مظفر گڑھ، لیّہ، خانیوال، وہاڑی ، بہاولپور، ساہیوال، پاک پتن، ٹوبہ ٹیک سنگھ، خوشاب، سیالکوٹ، گجرات، حافظ آباد، منڈی بہاؤالدین، جہلم اور اٹک شامل ہیں۔

لاہور:جن لوگوں کو میری کتاب سے تکلیف ہے وہ مزید برداشت کیلیے تیار رہیں ۔ریحام خان اپنی اصلیت سے باز نہ آئیں اور ایک اور دھمکی دے کر معاملات میں پھر گرمی پیدا کردی ہے ، اطلاعات کے مطابق ریحام خان نے اپنے سابق خاوند وزیراعظم پاکستان اور ان کے ساتھیوں کے خلاف سازشوں کا بازار ایک بار پھر گرم کردیا ہے

اس حوالے سے سماجی رابطے کی ویب سائٹ ٹویٹر پر دھمکی دیتے ہوئے ریحام خان کا کہنا تھا کہ جن لوگوں کو میری کتاب سے تکلیف ہے وہ مزید برداشت کیلیے تیار رہیں ۔ریحام خان نے یہ دھمکی اس ڈویلوپمنٹ کے بعد دی ہے جس میں ایک پروگرام میں محسن بیک اور ان کے دیگر ساتھیوں نے وزیراعظم کی طرف سے بہترین کارکردگی کا ایوارڈ مراد سعید کو دینے پر کردار کشی کی تھی

https://twitter.com/TeamLucmanML/status/1494032407955189772?t=Rfjlz-JPrGksmCZQOS5QMw&s=19

سماجی رابطے کی ویب سائٹ پر وہ کہتی ہیں کہ جن لوگوں کو میری کتاب سے بہت تکلیف ہوتی ہے وہ مزید تکلیف برداشت کرنے کے لیے تیار ہو جائیں۔ آپ جتنے مرضی اوچھے ہتھکنڈے استعمال کر لیں آپ سچ کو کبھی نہیں دبا سکتے

ادھر اس کردار کُشی کے خلاف سخت ردعمل کے نتیجے میں جب ایف ائی اے نے مراد سعید کی درخواست پر محسن بیگ کے خلاف کارروائی کی تو اس دوران ہونے والی بدمزگی پر ریحام خان بھی غصے میں اگئیں اور کہا کہ وہ بہت جلد بہت کچھ سامنے لانے والی ہیں

لاہور:خدا حافظ جنگ جیو گروپ۔ امین حفیظ نے الوداع کہہ دیا،اطلاعات کے مطابق جنگ جیو گروپ کو برسوں کندھا دینے والے معرف صحافی اور ایک کامیاب اور حقیقی رپورٹر امین حفیظ نے آج جنگ جیو گروپ کو خدا حافظ کہتے ہوئے اس سے برسوں پرانے تعلقات کو خدا حافظ کہہ دیا ہے

اس حوالے سے سماجی رابطے کی ویب سائٹ ٹویٹر پر اہل پاکستان کے نام اپنے پیغام میں امین حفیط نے پاکستانیوں کو یہ خبردیتے ہوئے حیران کردیا کہ وہ اب جنگ جیو کا حصہ نہیں رہے اور انہوں نے جنگ جیو کو خدا حافظ کہہ کراپنا سفر ایک نئے پلیٹ فارم سے شروع کیا ہے جو بہت جلد مقبول ہوجائے گا

خدا حافظ جنگ اور جیو گروپ۔۔۔ pic.twitter.com/7bArh6ho3p

— Amin Hafeez (@AminHafeezMedia) February 16, 2022

اس حوالے سے ٹویٹر پراپنے پیغام میں امین حفیظ کا کہنا تھاکہ وہ پچھلے 40 سالے سے صحافت کے شعبہ سے منسلک ہیں اور ہراہم ایشو اور موقع پر اپنے فرائض ایمانداری سے ادا کرنے کی بھرپور کوشش کی ہے ، ان کا یہ بھی کہنا تھاکہ اب وہ جنگ اور جیو کے ساتھ مزید نہیں چلے سکتے

امین حفیظ کا کہنا تھا کہ ابن وہ اپنے یوٹیو ب چینل پر توجہ دیں‌گے اور اہل وطن کےلیے اچھوتے اوراہم ترین موضوعات پر تازہ ترین انفارمیشن دیا کریں گے ،ان کایہ بھی کہنا تھا کہ اب وہ اپنےیوٹیوب چینل جوکہ ان کے نام سے ہی متعارف ہوگا اب بہت جلد عوام کے سامنے ہوگا ،

یاد رہے کہ امین حفیظ کو کارکردگی کی بنیاد پر پرائیڈ آٍف پرفارمنس بھی دیا گیا ہے

تحریک انصاف کا فردوس عاشق اعوان سے جان چھڑوانے کا فیصلہ۔ تفصیلات کے مطابق وفاقی وزیر علی امین گنڈاپور کی جانب سے نجی ٹی وی چینل کو دیے گئے انٹرویو میں کہا گیا ہے کہ تحریک انصاف جلد فردوس عاشق اعوان سمیت کئی رہنماوں کی رکنیت معطل کر دے گی۔ علی امین گنڈاپور نے فردوس عاشق اعوان کو تحریک انصاف کیلئے خطرناک قرار دیتے ہوئے کہا کہ جلد پارٹی ان سے جان چھڑوا لے گی۔

وفاقی وزیر کے مطابق فردوس عاشق اعوان کو کئی مواقع دیے گئے اس کے باوجود وہ ناکام ثابت ہوئیں، اسی لیے انہیں پارٹی سے نکال دیا جائے گا۔ انہوں نے مزید کہا کہ وہ فردوس عاشق اعوان کی اس بات سے اتفاق کرتے ہیں کہ تحریک انصاف کو اندر سے ہی خطرہ ہے

دوسری طرف وزیراعظم کی سابق معاون خصوصی فردوس عاشق اعوان نے معاشی عدم استحکام کے بعد سیاسی بحران کی پیشگوئی کردی اور ساتھ ساتھ تحریک انصاف میں اندرونی لڑائیوں اور سازشوں کا پردہ بھی چاک کردیا، ان کا کہناتھاکہ میڈل اور ٹرافیاں تو میچ ختم ہونے پر ملتی ہیں،میرے سینے میں بہت سے رازدفن ہیں، میں خان صاحب کی مشکلات بڑھانا نہیں چاہتی۔

نجی ٹی وی چینل کو دیئے گئے خصوصی انٹرویو میں فردوس عاشق اعوان نے کہا کہ یہ ہماری بدقسمتی ہے کہ معاشی عدم استحکام کے بعد سیاسی عدم استحکام نظر آرہاہے۔ اچانک غائب ہونے بارے سوال کے جواب میں انہوں نے بتایا کہ کوشش کی ہے کہ بدترین حالات میں بہترین پرفارم کروں لیکن قیادت کو اس وقت شاید بہتر کی تلاش تھی ۔

سازشوں کے پیچھے موجود عناصر بارے ان کاکہنا تھاکہ میں سمجھتی ہوں کہ بہت سارے راز ہیں، جو اس وقت میرے سینے میں دفن ہیں، میں خان صاحب کی مشکلات بڑھانا نہیں چاہتی ، جو ارد گرد لوگ موجود ہیں ، انہوں نے اپنی ناتجربہ کاری اور ذاتی مفادات کی وجہ سے کہیں نہ کہیں پارٹی مفادات کو بھینٹ چڑھا دیا ہے ، مرکز اور پنجاب میں سازشیں کرنے والاایک ہی گینگ اور مائینڈ سیٹ تھا، زیادہ بولنا مقصد نہیں ، سچ بولنا ہے ، پی ٹی آئی کی قیاد ت میں بہت سے لوگ میری پارٹی میں شمولیت کے بھی خلاف تھے ، اب چور سادھ بن کر بیٹھے ہیں۔

دیگر جماعتوں کے رابطے اور پلیٹ فارم سے سیاست کے سوال پر ان کا کہنا تھا کہ دکان میں سودا پڑا ہو تو کوئی نہ کوئی خریدار تو آتا ہی ہے، میرا پلیٹ فارم وہی ہے جہاں ہوں ، وہ عوام ہیں، پاکستان تحریک انصاف کو خطرہ باہر سے نہیں پی ٹی آئی کے اندر سے ہے، اپوزیشن کی پھرتیاں میڈیا کی توجہ حاصل کرنے کی کوششں ہیں۔

ایک اور سوال پر ان کا کہنا تھا کہ انہوں نے وزراء میں پرفارمنس ایوارڈز کی تقسیم کو قبل از وقت قرار دیتے ہوئے کہا کہ میڈل اور ٹرافیاں تو میچ ختم ہونے پر ملتی ہیں، میچ کے دوران نہیں، میں نہیں سمجھتی کہ یہ اتنا ضروری تھا

اسلام آباد: پاکستان مسلم لیگ کی پارلیمانی پارٹی کا اجلاس:سارے فیصلوں کا اختیارچوہدری پرویزالٰہی کے سپرد ،اطلاعات کے مطابق پاکستان مسلم لیگ کی پارلیمانی پارٹی کا اجلاس مرکزی سیکرٹری جنرل طارق بشیر چیمہ کی زیرصدارت منعقد ہوا

پارٹی ذرائع کے مطابق اس اہم اجلاس میں سپیکر پنجاب اسمبلی چودھری پرویزالٰہی، وفاقی وزیر برائے آبی وسائل مونس الٰہی، سینیٹر کامل علی آغا ارکان قومی اسمبلی سالک حسین، حسین الٰہی، مسز فرخ خان، صوبائی وزراء حافظ عمار یاسر، باؤ رضوان، ارکان پنجاب اسمبلی ساجد احمد خان بھٹی، عبداللہ یوسف وڑائچ، ڈاکٹر محمد افضل، احسان الحق چودھری، شجاعت نواز اجنالہ اور خدیجہ عمر اجلاس نے شرکت کی۔

چودھری پرویزالٰہی نے اپوزیشن رہنماؤں سے حالیہ ملاقاتوں پر پارٹی ارکان کو اعتماد میں لیا جس پر تمام ارکان اسمبلی نے چودھری پرویزالٰہی کو فیصلوں کا اختیار دے دیا۔ اجلاس میں موجودہ ملکی سیاسی صورتحال پر سیر حاصل گفتگوکی گئی اور تمام ارکان اسمبلی نے اپنی آراء کا کھل کر اظہار کیا۔ حافظ عمار یاسر نے سابق وزیراعظم چودھری شجاعت حسین کی جلد اور مکمل صحت یابی کیلئے دعا بھی کروائی۔

مسلم لیگی ارکان اسمبلی نے پٹرول، بجلی اور گیس کی بڑھتی ہوئی قیمتوں اور امن و امان کی ابتر صورتحال پر تشویش کا اظہار کرتے ہوئے کہا کہ پٹرول کی قیمتوں میں حالیہ اضافہ فی الفور واپس لیا جائے۔ ارکان اسمبلی نے کہا کہ عام آدمی کو ریلیف نہ دیا گیا تو حالات سنبھالنا مشکل ہوجائے گا، حکومت غریب آدمی کے حالات کو مدنظر رکھتے ہوئے ان کے مسائل کو ترجیحی بنیادوں پر حل کرے۔#

لاہور:پیٹرولیم مصنوعات کی قیمتوں میں 12 روپے اضافے کو مسترد کرتے ہیں ،اطلاعات کے مطابق تحریک لبیک کے سربراہ سعد حسین رضوی نے کہا ہے کہ عوام موجودہ حکومت سے تنگ اور حکومت کا خاتمہ چاہتی ہے ۔ پیٹرولیم مصنوعات میں اضافہ کو مسترد کرتے ہیں ۔ حکومت عوام کو ریلیف فراہم کرنے میں ہر لحاظ سے ناکام ہوئی ،

https://twitter.com/TLPMarkaz22/status/1493982957392084994?t=2KuwVqx344ipSdTk35dFHQ&s=19

سماجی رابطے کی ویب سائٹ ٹویٹر پر اپنے پیغام میں انہوں نے کہا ہے کہ حکومت نے عوام کر بھرکس نکال دیا ہے ، اتنی زیادہ مہنگائی سے عوام تو بہت تنگ آچکے ہیں ، ان کا یہ بھی کہنا تھا کہ عوام پر پٹرولیم مصنوعات کی قیمتوں کا بوجھ ناقابل قبول ہے

پاکستان مسلم لیگ (ق) کی پارلیمانی قیادت نے سیاسی صورتحال میں فیصلوں کا اختیار چودھری پرویز الہیٰ کو دے دیا اور حکومتی اتحادی جماعت نے بھی پٹرول، بجلی اور گیس کی بڑھتی ہوئی قیمتوں اور امن و امان کی ابتر صورتحال پر تشویش کا اظہار کرتے ہوئے پٹرول کی قیمتوں میں اضافہ واپس لینے کا مطالبہ کردیا ہے۔

اسلام آباد:محسن بیگ کےگھر پرچھاپہ غیر قانونی ہے:عدالت کافیصلہ ،اطلاعات کے مطابق عدالت نے محسن بیگ کے گھر چھاپے کو غیر قانونی قرار دے دیا۔

ایڈیشنل سیشن جج ظفر اقبال نے تحریری حکم نامہ جاری کردیا جس کے مطابق ایف آئی اے کی ایف آئی آر 9 بجے درج ہوئی، ایف آئی اے اور مارگلہ پولیس کی ایف آئی آر سے واضح ہےکہ محسن بیگ کے گھر پر چھاپہ غیرقانونی تھا، ان لوگوں نے محسن بیگ کے گھر پر چھاپہ مارا جن کے پاس چھاپے کا اختیار ہی نہیں۔

عدالت کا کہنا ہے کہ ایف آئی اے نے ساڑھے 9 بجے چھاپہ مارا تھا، ایف آئی اے نے بغیر کسی ثبوت کے چھاپہ مارا، کسی محلے دار کا بیان بھی ریکارڈ نہیں کیا گیا۔ پولیس محسن بیگ کا بیان رکارڈ کرے اور قانون کے مطابق کارروائی کرے۔عدالت کا کہنا ہے کہ بغیر کسی سرچ وارنٹ کے چھاپہ مارا گیا، ایف آئی آر سے ثابت ہوتا ہے چھاپہ غیر قانونی مارا گیا۔

خیال رہےکہ آج صبح ایف آئی اے نے صحافی محسن بیگ کو ان کے گھر سے گرفتار کیا تھا۔

اس سے قبل وفاقی تحقیقاتی ادارے (ایف آئی اے) نے حکومت پر تنقید کرنے والے صحافی محسن بیگ کو گرفتار کرلیا۔ محسن بیگ اور بیٹے کی جانب سے مزاحمت اور فائرنگ سے اہلکار کے زخمی ہونے پر مقدمات درج کرلیے گئے۔

وفاقی وزیر مراد سعید کی درخواست پر ایف آئی اے نے صحافی محسن بیگ کی گرفتاری کے لئے ان کے گھر چھاپہ مارا، جس پر محسن بیگ نے گن نکال لی، مزاحمت پر فائرنگ بھی کی، ایک اہلکار زخمی ہوگیا۔

ایف آئی اے ٹیم محسن بیگ کو تھانے لیجانے میں کامیا ب ہو گئی۔ ایف آئی اے کی جانب سے وفاقی وزیر مراد سعید کی درخواست پر محسن بیگ کے خلاف لاہور میں مقدمہ درج کیا۔ مراد سعید نے صحافی محسن بیگ کے نجی چینل پر بولے گئے متنازع الفاظ کے تناظر میں مقدمہ درج کرایا ہے۔

مقدمہ پیکا ایکٹ کی دفعات 20’ 21/D،500 اور 505 پی پی سی کے تحت درج کیا گیا، چھاپے کے دوران فائرنگ اور مزاحمت پر ایف آئی اے نے متعلقہ تھانے میں انسداد دہشت گردی کی دفعات کے تحت ایک اور مقدمہ بھی درج کروا دیا۔

ایف آئی اے کے مطابق چھاپے کے لیے مجاز عدالت سے وارنٹ حاصل کیے گئے۔ چھاپے کے دوران محسن بیگ، اس کے بیٹے و ملازمین نے ایف آئی اے کی ٹیم پر سیدھی فائرنگ کی۔ ایف آئی اے کے دو افسران کو یر غمال بنا کر زودوکوب کیا۔

اسلام آباد:مریم نوازمحسن بیگ کی حمایت میں بول پڑیں ،اطلاعات کے مطابق پاکستان مسلم لیگ ن کی نائب صدر مریم نواز نے کہا ہے کہ وزیراعظم عمران خان کی کی گستاخی پرشہریوں کے گھروں پر دھاوابولا جاتا ہے۔

ٹویٹر پر جاری کردہ بیان کے مطابق ن لیگ کی نائب صدر کی سوچ کی عکاس سٹیٹمنٹ بھی سامنے آگئی ہے ، جس میں مریم نواز نے جارحانہ انداز اختیار کرتے ہوئے کہا کہ  وزیراعظم عمران خان کو مخاطب کرتے ہوئے کہا کہ آپ کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انہیں سلاخوں کے پیچھے پھینکا جائے گا۔ آپ کی اہلیہ کا جو احترام ہے وہی میری آئی سی یو میں بیہوش پڑی والدہ کا ہونا چاہیے تھا، مخالفین کی بہنوں اور بیٹیوں کا ہونا چاہیے تھا۔

آپ @ImranKhanPTI کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انکو سلاخوں کے پیچھے پھینکا جائے گا۔آپ کی اہلیہ کا جو احترام ہے وہی میری ICU میں بیہوش پڑی والدہ کا ہونا چاہیے تھا،مخالفین کی بہنوں اور بیٹیوں کا ہونا چاہیے تھا

— Maryam Nawaz Sharif (@MaryamNSharif) February 16, 2022

انہوں نے مزید کہا کہ ماضی میں آپ نہ صرف خود اس کھیل میں شامل تھے بلکہ جاہل وزرا کا حوصلہ بڑھاتے تھے، اقتدار جب ہاتھ سے نکلنے لگتا ہے تو آپ جیسے انسانوں کا خوف اسی طرح سامنے آتا ہے، آپ کی حرکتیں دیکھ کر مشرف کے آخری ایام یاد آ جاتے ہیں۔

ن لیگی نائب صدر نے کہا کہ وقت کا پہیہ گھوم چکا ہے، عمران خان! آپ جتنی بھی ریاستی طاقت استعمال کرلیں،آپ خود کونہیں بچا سکتے، آپ کے جرائم کی فہرست میں مخالفین سےانتقام لینا شامل ہے، آپ ایف آئی اے جیسے اداروں کو ذاتی اسکور سیٹل کرنے کے لیےاستعمال کرتے ہیں، آپ کوحساب تودینا ہوگا۔

یاد رہے کہ مریم نوازمخالفین کی کردارکُشی سے بازنہیں آتیں: عالیہ حمزہ نے خاتون اول کی تضحیک کرنے پر مریم نواز کیخلاف ایف آئی اے میں درخواست دے دی ۔

ذرائع کے مطابق خاتون اول کی تضحیک پر عالیہ حمزہ نے مریم نواز کے خلاف ایف آئی اے میں درخواست دے دی،درخواست گزار کا کہنا ہے کہ خاتون اول کا سیاست سے کوئی تعلق نہیں ، ایف آئی اے مریم نواز کو گرفتار کرے۔

خاتون اول کی کردار کشی کرنے والے صابر ہاشمی کی وکالت کرکے مریم نواز نے اقبال جرم کیا،شہید بےنظیر بھٹو سے آج تک کرادار کشی میں ن لیگ کی نسل در نسل شمولیت شامل ہے۔

یاد رہے کہ اس سے قبل بھی مریم نواز کی طرف سے مخالفین خصوصا عمران خان کی بہنوں ، عمران خان کی زوجہ محترمہ اور دیگر مخالفین کے مردوخواتین کی کردار کُشی کی مہمات چلائی گئیں‌ جس میں ن لیگ کے سوشل میڈیا کا بھی مرکزی کردار ہے جس کی مانیٹرنگ مریم نواز کرتی ہیں