Tag: پاکستان

اسلام آباد :گورنر اسٹیٹ بینک رضا باقر کی تنخواہ کتنی ہے؟ کون کونسی مراعات لے رہے ہیں؟بڑے حیران کن انکشافات آگئے،اطلاعات کے مطابق گورنر اسٹیٹ بینک رضا باقر کی ماہانہ تنخواہ کتنی ہےاور انہیں کون کونسی سہولیات اور مراعات ملتی ہیں؟ تفصیلات سامنے آگئی ہیں۔

مسلم لیگ (ن) کے سینٹرعرفان صدیقی نے ایوان بالا میں گورنر اسٹیٹ بینک کو ملنے والی تنخواہ کی تفصیلات پر سوال کیا تھا، اور پوچھا تھا کہ گورنر اسٹیٹ بینک رضا باقر آئی ایم ایف میں کتنے عرصہ کیلئے ملازم رہے، پاکستان میں بطور گورنر اسٹیٹ بینک ملنے والی تنخواہ اور مراعات کتنی ہیں۔

جس پر وزارت خزانہ کی جانب سے دستاویزات فراہم کی گئیں جس کے مطابق گورنر اسٹیٹ بینک رضا باقر کی تنخواہ ماہانہ 25 لاکھ روپے تنخواہ ہے جس میں سالانہ 10 فیصد اضافہ ہوتا ہے۔

تنخواہ کے علاوہ گورنر اسٹیٹ بنک کو ملنے والی مراعات کی تفصیلات بھی سامنے آگئیں جس کے مطابق حکومت پاکستان کی جانب سے گورنر اسٹیٹ بینک کو فرنشڈ گھر یا اس کے برابر کرایہ اور مینٹیننس کی سہولیات فراہم دی جاتی ہیں۔

گورنر اسٹیٹ بینک کو 25 لاکھ روپے ماہانہ تنخواہ ملتی ہے ۔ رضا باقی 18 سال آئی ایم ایف کے ملازم رہے۔ pic.twitter.com/fX1yTjZ6PP

— Nausheen Yusuf (@nausheenyusuf) February 11, 2022

وزارت خزانہ کی دستاویزات کے مطابق گورنر اسٹیٹ بنک کو دو گاڑیاں فراہم کی گئی ہیں اور انہیں 600 لیٹر پیٹرول دیا جاتا ہے جبکہ گورنر اسٹیٹ بنک کو ڈرائیور کی بھی سہولت حاصل ہے۔

علاوہ ازیں گورنر اسٹیٹ بینک کو بجلی، گیس، پانی اور جنریٹر کے اخراجات بھی حکومت بھی ذمہ داری ہے جبکہ گورنر اسٹیٹ بینک کو مفت لینڈ لائن، موبائل فونز اور انٹرنیٹ کی سہولت حاصل ہے۔

دستاویزات کے مطابق ان کے بچوں کی 75 فیصد فیس ادا کی جاتی ہے جبکہ گورنر اوراسکی فیملی کو مکمل علاج معالجے کی بھی سہولیات حاصل ہیں۔

دستاویزات کے مطابق گورنر اسٹیٹ بینک 4 ملازمین رکھ سکتے ہیں اور ہر ملازم کی تنخواہ 18 ہزار روپے ماہانہ ہے، انہیں 24 گھنٹے سکیورٹی اور سکیورٹی گارڈز کی سہولت حاصل ہے۔

وزارت خزانہ کے مطابق گورنر اسٹیٹ بنک کی گریجویٹی ایک ماہ کی تنخواہ سالانہ ہے، گورنر اسٹیٹ بینک کو ہر ماہ تین دن چھٹی کی سہولت حاصل ہے۔گورنر اسٹیٹ بینک کو کلب کی ماہانہ چارجز سمیت سہولت حاصل ہے۔

جناب عمران خان صاحب
وزیرِ اعظم
اسلامی جمہوریہ پاکستان
وزیر اعظم ہاوس اسلام آباد

عنوان۔ بزرگ پنشنرز کی درد مندانہ فریاد
۔۔۔۔۔۔۔۔۔۔

جناب محترم وزیر اعظم صاحب!

ہم بزرگ پنشنرز کس کو اپنی درد بھری فریاد سنائیں۔ اب تو ہم روٹی کپڑے اور ادویات سے بھی محروم ہو چکے ہیں۔ آپ کے دورِ حکومت میں ہی حاضر سروس ملازمین نے دو مرتبہ احتجاج کر کے یکم مارچ 2021 سے 25 فیصد ڈسپرائٹی الاؤنس پھر بجٹ میں 10 فیصد اضافہ اب یکم مارچ 2022 سے پھر 15 فیصد تنخواہوں میں اضافہ حاصل کیا۔ جبکہ پنشنرز کو بجٹ میں صرف 10 فیصد کا پنشن میں اضافہ دیا گیا ۔جناب وزیر اعظم صاحب کیا بزرگ پنشنرز اِس ُملک کے شہری نہیں؟ کیا بزرگ پنشنرز نے اپنی زندگی اور جوانی کا قیمتی حصہ ُملک کی خدمات میں صرف نہیں کیا؟ اب جب اِن میں دم خم نہیں رہا۔ گھروں میں بیٹیاں رخصت کی امید لگائے بیٹھی ہیں۔بچوں کی تعلیم آخری مراحل اور مہنگے ترین حصے میں ہیں بال بچوں کی روزی روٹی کے کوئ ذرائع آمدن نہیں اور ادویات اِن کی پہنچ سے دور ہو گئی ہیں۔ مہنگائ آسمان سے باتیں کر رہی ہے۔ ایسے وقت میں صرف پنشنرز کو ہی پنشن میں اضافہ سے محروم رکھنا کیا زندہ درگور کرنے کے مترادف نہیں۔

بزرگ پنشنرز تو ویسے بھی چلتی پھرتی لاشیں ہیں۔ جن کا پنشن کے علاوہ کوئ ذریعہ آمدن نہیں۔ کیا ہم بیٹیوں کو زندہ دفن کر دیں ؟ کیا ہم بیٹے بیٹیوں کو تعلیم حاصل کرنے سے روک دیں؟ اگر کسی کا بیٹا جوان ہے بھی تو اُسے نوکری نہیں ملتی تو ہم کیا کریں۔ کیا ہم اجتماعی خود کشی کے لیے اسلام آباد ڈی چوک آ جائیں؟ ہم بزرگ پنشنرز حاضر سروس ملازمین کی طرح نہ احتجاج کر سکتے ہیں نہ ڈنڈے کھا سکتے ہیں۔ اب اس عمر میں تو صرف کفن پہن کر ڈی چوک آ کر اجتماعی خود کشی کر سکتے ہیں یا آپ سے اللہ اور رسول ؐ کا واسطہ دیکر فریاد کر سکتے ہیں۔ آپ کا نعرہ ہے ریاستِ مدینہ کا اور دو نہیں ایک پاکستان کا ۔ تو پھرریاستِ مدینہ میں اور ایک ہی پاکستان میں بزرگ پنشنرز کے ساتھ یہ ظلم زیادتی اور ناانصافی کیوں؟ پاکستان کی تاریخ میں کبھی ایسا نہیں کہ حاضر سروس ملازمین کی تنخواہ میں اضافہ ہوا ہو اور پنشنرز کو وہ نہ ملا ہو۔ آپ سے اللہ اور رسولؐ کا واسطہ دیکر اپیل ہے کہ ہماری پنشن میں مہنگائ کے تناسب سے ممکن نہیں تو ملک بھر کے پنشنرز کی پنشن میں کم از کم 50 فیصد پنشن میں اضافہ کرکے بزرگ پنشنرز کی دعائیں لیں۔ ورنہ بزرگ پنشنرز بچوں کی شادیاں نہ کر سکنے روزی روٹی نہ ملنے اور ادویات خرید نہ سکنے کی وجہ مر جائیں گے اور بروز محشر اللہ کی بارگاہ میں جواب دہ حکومت وقت بلکہ آپ اور صرف آپ ہونگے۔ یہ بزرگ پنشنرز اب آپ کے رحم و کرم پر ہیں ان کی حالتِ ناگفتہ پر رحم کھائیں۔ داد رسی کی اپیل ہے۔ یہی وقت ان بزرگ پنشنرز کی دعائیں لینے کا۔ آپ کا بہت بہت شکریہ

کراچی: سی این جی استعمال کرنے والے گاڑی مالکان کیلیے اہم خبر آگئی ،اطلاعات کے مطابق سی این جی استعمال کرنے والے گاڑی مالکان کے لیے اچھی خبر آگئی۔

ذرائع کے مطابق آر ایل این جی والے سی این جی اسٹیشنز 14 فروری سے دوبارہ کھل جائیں گے، تمام سی این جی اسٹیشنوں کو گیس کی فراہمی دوبارہ شروع کرنے کا فیصلہ کرلیا گیا۔ ترجمان سوئی سدرن گیس کمپنی کا کہنا ہے کہ ان اسٹیشنز کو گیس کی فراہمی 14 فروری کو صبح 8 بجے دوبارہ شروع ہوجائے گی۔

گزشتہ ماہ سی این جی پر سیلز ٹیکس کیلئے نئی قیمتوں کا نوٹیفیکیشن جاری کیا گیا تھا جس میں ریجن ون کے لیے قیمت 134 روپے 57 پیسے اور ریجن ٹو کیلیے قیمت128 روپے گیارہ 11 پیسے مقرر کی گئی تھی۔

فیڈرل بورڈ آف ریوینو (ایف بی آر ) نے سی این جی پر سیلز ٹیکس کیلیے نئی قیمتوں کا نوٹیفیکیشن جاری کیا تھا، نئی قیمتوں کا اطلاق یکم جنوری 2022 سے ہوا تھا۔

نوٹیفکیشن میں کہا گیا تھا کہ ریجن ون کے لیے سی این جی کی صارف قیمت 134 روپے 57 پیسے اور ریجن ٹو کیلیے سی این جی کےصارف نئی قیمت128 روپے گیارہ 11 پیسے مقرر کی گئی تھی۔ایف بی آر کا کہنا تھا کہ ریجن ون میں خیبر پختونخواہ، بلوچستان اور پوٹھوہار جبکہ ریجن ٹو میں سندھ اور پنجاب کے دیگرعلاقے شامل ہیں۔

یاد رہے گذشتہ سال فیڈرل بیورو آف ریونیو نے سی این بی پر سیلز ٹیکس کی قیمت میں اضافہ کردیا جس کے بعد سی این جی کی قیمتوں میں بڑے اضافے کا خدشہ پیدا ہوگیا تھا۔

لاہور:چیف جسٹس لاہور ہائی کورٹ نے ججوں کو تتربترکردیا:4 سیشن ججز کے بھی تبادلے ،اطلاعات کے مطابق چیف جسٹس لاہور ہائی کورٹ محمد امیر بھٹی نے 10 ایڈیشنل رجسٹرارز کے تبادلوں کے احکامات جاری کر دیئے ہیں اور اس حکم نامے کی لپیٹ میں 4 سیشن ججز بھی آگئے

[wp-embedder-pack width=”100%” height=”400px” download=”all” download-text=”” attachment_id=”463614″ /]

ادھر اس حوالے سے یہ بھی سُننے میں آیا ہے کہ ایڈیشنل رجسٹرار کے عہدے پر ترقی پانے والے 7 افسران بھی شامل ہیں ، یہ بھی معلوم ہوا ہے کہ رجسٹرار لاہور ہائی کورٹ عرفان احمد سعید کی جانب سے نوٹیفکیشن جاری کردیا گیا.

نوٹیفکیشن کے مطابق ترقی پانے والے سینئر ایڈیشنل رجسٹرار محمد شاہد حسین کو سینیئر ایڈیشنل رجسٹرار بہاولپور بنچ تعینات کر دیا گیا.ایڈیشنل رجسٹرار جانسن برنارڈ کو ڈائریکٹر اوورسیز پاکستانی سیل تعینات کردیا گیا.

[wp-embedder-pack width=”100%” height=”400px” download=”all” download-text=”” attachment_id=”463615″ /]

لاہور ہائی کورٹ کے چیف جسٹس کی طرف سے جاری حکم نامے کے مطابق ایڈیشنل رجسٹرار عابد حسین بخاری کو ایڈیشنل رجسٹرار لیجسلیشن تعیناتی کی منظوری دے دی ہے ،ادھر ترقی پانے والے ایڈیشنل رجسٹرار نصراللہ خان نیازی کو ایڈیشنل رجسٹرار ایچ آر تعینات کردیا گیا.

نصراللہ خان نیازی بطور سٹاف آفیسر ٹو رجسٹرار فرائض بھی جاری رکھی‍ں گےترقی پانے والے ایڈیشنل رجسٹرار شہباز اشرف کو ایڈیشنل رجسٹرار سروسز تعینات کیا گیا ہے.ترقی پانے والے محمد شہباز کو ایڈیشنل رجسٹرار پروکیورمنٹ تعینات کردیا گیا.

بارسلونا :بارسلونا میں انٹرنیشنل کشمیرکانفرنس:تحریک آزادی کشمیرکی حمایت ،اطلاعات کے مطابق ای یو پاک فرینڈ شپ فیڈریشن اسپین کے زیر اہتمام بارسلونا کےنواحی شہر بادالونا میں انٹرنیشنل کشمیرکانفرنس کا انعقاد کیا گیا جس میں مہمان خصوصی قونصل جنرل مرزا سلیمان بابر بیگ اور خصوصی شرکت چیئرمین ای یو پاک فرینڈ شپ فیڈریشن یورپ چوہدری پرویز اقبال لوسر نے برسلز سے خصوصی شرکت کی۔

کانفرنس کا آغاز تلاوت قرآن مجید اور نعت رسول مقبول ﷺ سے ہوا۔نظامت کے فرائض کامران خان نے سر انجام دئیے۔کانفرنس سے مقررین نے خطاب کرتے ہوئے کہا کہ ہمیں مقامی آبادی کو مسئلہ کشمیر کی جانب متوجہ کرنے کی ضرورت ہے اور اس طرح کی کانفرنسز جس میں اسپانش مقامی حکومتی اور اپوزیشن کے لوگ موجود ہوں فائدہ مند ہوتی ہیں۔ مقامی اسپانش حکومتی اور اپوزیشن کے نمائندوں نے اپنی گفتگو میں مقبوضہ کشمیر کے مظلوموں پر ہونے والی زیادتی کی مذمت کی اور کہا کہ ہماری جماعتیں بھی اس مسئلہ پران کے ساتھ ہیں۔

قونصل جنرل مرزا سلیمان بابر بیگ نے اپنے خطاب میں مقامی اسپانش حکومتی اور اپوزیشن کے نمائندوں سے مخاطب ہو کر کہا کہ مقبوضہ کشمیر میں گزشتہ کم وبیش تین سال سے لاک ڈاون لگا ہوا ہے، بنیادی ضروریات زندگی کی فراہمی بھی ممکن نہیں ہے۔ آپ لوگاگر مقبوضہ کشمیر جانا چاہیں اور وہاں کے حالات کو دنیا کے سامنے لانا چاہیں تو وہ آپ کو اجازت نہیں دیتے لیکن میں آپ لوگوں کو آزاد کشمیر کا فری ویزہ دیتا ہوں آپ جائیں اور وہاں کے حالات کو دیکھیں آپ خود جان جائیں گے کہ بھارت کس طرح نہتے کشمیریوں پر ظلم کے پہاڑ توڑ رہا ہے

انہوں نے کہا کہ اب جنگ میزائل کی نہیں بلکہ اب سوشل میڈیا کی جنگ ہے جس میں آپ کو آگے بڑھنا چاہئیے جس طرح آپ لوگ مقامی زبان بولتے ہیں اس ہیتھار کو استعمال کریں اور یورپی عوام کو بتائیں کہ ہمارا ہمسائیہ کس قدر مظالم ڈھا رہا ہے

چئیرمین ای یو پاک فرینڈ شپ فیڈریشن یورپ چوہدری پرویز اقبال لوسر نے کہا کہ ہماری اولین کوشش ہے کہ ہم مقامی افراد تک کسی بھی وسیلہ سے اس مسئلہ کو نمایاں کریں ہم یہاں کی پارلیمنٹ میں بھی گئے ہیں بھارتی قونصل خانہ کے سامنے بھی احتجاج کیا ہے میں اپنے پاکستانیوں کو کہتا ہوں کہ پاکستانی سیاسی جماعتوں کو ادھر چھوڑ دیں اور صرف ایک سبز ہلالی پرچم کے ہوجائیں دنیا عزت کرے گی،اپنے بچوں کو یہاں کی سیاسی جماعتوں اور اعلی تعلیم کے لئے آگے لے کر جائیں تو ہماری آواز ان کے ایوانوں تک پہنچے گی

ہال میں موجود لوگ کشمیر بنے گا پاکستان کے نعرے بلند کرتے رہے

اسلام آباد: شہبازشریف کی جیل نہ جانے کی کوششیں دم توڑنے لگیں ،اطلاعات کے مطابق عدم اعتماد کے لیے حکومتی اتحادیوں کی حمایت حاصل کرنا اپوزیشن کے لیے ایک چیلنج بن گیا ہے۔اور شہبازشریف کی جعلی اکاونٹس اور مقصود چپڑاسی سمیت دیگرلوگوں کے ذریعے غیرقانونی رقوم کی غیرقانونی منتقلی کیس میں سزا سے بچاو کی کوششیں ناکام نظرآتی ہیں اور اب شہبازشریف کو بڑا غمگین ہوتے دیکھا جارہا ہے ،

ذرائع کے مطابق وزیر اعظم عمران خان کے خلاف اپوزیشن کی جانب سے ممکنہ تحریک عدم اعتماد لایا جانا خود ایک چیلنج بن گیا ہے کیوں کہ حکومتی اتحادیوں کے بغیر تحریک لانے کے امکانات معدوم نظر آتے ہیں۔

ذرائع ق لیگ نے بتایا ہے کہ پارٹی حلقوں میں اپوزیشن کا ساتھ دینے سے متعلق سوالات اٹھ چکے ہیں، اراکین کہہ رہے ہیں کہ اسپیکر شپ اور وزارتیں تو پہلے ہی سے پارٹی کو حاصل ہیں، ایسے میں اپوزیشن اس سے بڑھ کر کیا دے گی۔

ذرائع ق لیگ کے مطابق اراکین نے اہم سوال اٹھایا ہے کہ اربوں روپے کے فنڈز اور حکومت کو چھوڑ کر اپوزیشن کا ساتھ کیوں دیا جائے؟ ذرائع کا یہ بھی کہنا ہے کہ حکومتی اتحادی قبل از وقت انتخابات کے بھی مخالف ہیں۔

واضح رہے کہ ن لیگ کے سینئر نائب صدر شاہد خاقان عباسی خود تسلیم کر چکے ہیں کہ اتحادی ریاست کے ساتھ ہیں، تاہم جنرل سیکریٹری احسن اقبال کابینہ کے پانچ وزرا کو ساتھ ملانے کا دعویٰ کر چکے ہیں۔

ادھر حکومت کی جانب سے بھی تحریک عدم اعتماد کے خلاف تیاریاں کی جا رہی ہیں، اپوزیشن کی جانب سے رواں ماہ اسپیکر قومی اسمبلی کے خلاف عدم اعتماد کی تحریک لانے کے اعلان پر اتحادیوں سے بیک ڈور رابطے شروع کر دیے ہیں۔

اپوزیشن کی جانب سے 3 مراحل پر مشتمل تحریک عدم اعتماد کا منصوبہ سامنے آ چکا ہے، اسپیکر اسد قیصر کے بعد وزیر اعلیٰ پنجاب عثمان بزدار کے خلاف عدم اعتماد کی تحریک پیش کی جائے گی، اور وزیر اعظم عمران خان کے خلاف تحریک عدم اعتماد آخری مرحلے میں لائی جائے گی۔لیکن آج کی اطلاعات کے مطابق اپوزیشن اب سیاسی بیان بازی کے ذریعے سیاسی ماحول رکھنے کی کوشش کریں گے

یاد رہے کہ شہبازشریف اورحمزہ شہباز کی منی لانڈرنگ کیس میں‌ گرفتاری یقینی ہے اور اس گرفتاری سے بچنے کے لیے شہبازشریف حکومت پر دباو بڑھانا چاہتے ہیں اور ان کی یہ خواہش ہے کہ عمران خان وزیراعظم نہ رہے ورنہ کپتان نہیں چھوڑے گا

دوسری طرف اپوزیشن کو عمران خان کے خلاف عدم اعتماد کے لیے مطلوبہ تعداد نہیں مل رہی جس کی وجہ سے شہبازشریف بہت مایوس دکھائی دے رہے ہیں‌

اسلام آباد :اوورسیز پاکستانیوں کے لیے جامع پالیسی:بہت جلد خوشخبری سنا دی جائے گی ،اطلاعات کے مطابق وزیر اعظم کےمعاون خصوصی برائے سمندر پار پاکستانی مخدوم طارق الحسن کا کہنا ہے کہ اوورسیز پاکستانیوں کے لیے جامع پالیسی آئندہ 30 دن میں بن جائے گی۔

تفصیلات کے مطابق وزیر اعظم کےمعاون خصوصی برائے سمندر پار پاکستانی مخدوم طارق الحسن نے اپنے بیان میں کہا ہے کہ اوورسیز پالیسی آئندہ 30 دن میں بن جائے گی۔

طارق محمود الحسن کا کہنا تھا کہ اپوزیشن کی مخالفت کےباوجودسمندرپارپاکستانیوں کوووٹ کاحق دلوایا اور عثمان بزدارکامشکور ہوں کہ میری رہنمائی فرمائی ، ہم نے 1500سے زائد اوورسیز پاکستانیوں کے کیسزحل کیے۔

معاون خصوصی برائے سمندر پار پاکستانی نے مزید کہا کہ اسلام آباد میں اوورسیزپاکستانیوں کے لیے ون ونڈو سروسز کا آغاز کیا جائے گا، اوورسیز پاکستانیوں کے لیے جامع پالیسی بنا رہے ہیں۔

یاد رہے پاکستان تحریک انصاف نے پہلی باراسلام آباد میں سمندر پار پاکستانیوں کےعظیم الشان اجتماع کی منظوری دی تھی ، 3روزہ اجتماع 13 تا16مارچ اسلام آباد میں منعقد ہوگا۔

جس میں دنیا بھر میں پی ٹی آئی کے منتخب ذمہ داران،کارکنان بڑی تعدادمیں شرکت کریں گے جبکہ اجتماع میں یورپ، امریکا،وسط ایشیاسمیت دنیا کے دیگر حصوں سےمندوبین مدعوکئےجائیں گے اور ملکی،غیرملکی میڈیاکوبھی سمندرپارپاکستانیوں کےاجتماع کے لئے دعوت دی جائے گی۔

لاہور : لاہور کے اسکولوں میں جعلی بھرتیوں کا انکشاف:کارروائی کا حکم آگیا ،اطلاعات کے مطابق پنجاب کے دارلحکومت لاہور کے اسکولوں میں جعلی بھرتیوں کے انکشاف کے بعد مذکورہ اساتذہ و ملازمین کی انکوائری کا حکم دے دیا گیا۔

تفصیلات کے مطابق پنجاب کے دارلحکومت لاہور کے اسکولوں میں جعلی بھرتیوں کا انکشاف سامنے آیا ، جس کے بعد جعلی بھرتی ہونے والے اساتذہ اور ملازمین کی انکوائری کے احکامات جاری کردیئے گئے۔انکوائری رپورٹ میں بتایا گیا کہ 88اساتذہ ، 101 درجہ چہارم اور 22جونیئرکلرک کی جعلی بھرتیاں کی گئیں ، ٹیچنگ ونان ٹیچنگ اسٹاف کی بھرتیاں گزشتہ 5 سال کےدوران کی گئیں۔

محکمہ اسکول نے مذکورہ اساتذہ و ملازمین کی تنخواہیں روک کر انکوائری کا حکم دیتے ہوئے کہا کہ بھرتیوں میں ملوث تمام افسران کیخلاف کارروائی کی جائے گی۔دوسری جانب پنجاب کے اسکولوں میں پرنسپلزاورسینئرسبجیکٹ اسپشلسٹ کی 1ہزار 325 سیٹیں خالی ہے اور گریڈ 19 کی اسامیاں خالی ہونے سے انتظامی معاملات ٹھپ ہوکر رہ گئے۔

لاہور:اسکول ایجوکیشن ڈیپارٹمنٹ نے گریڈ 18 کے افسران کو ترقی دینے کا فیصلہ کرلیا اور اس سلسلے میں تمام اتھارٹیز کو پرنسپلز کی اسامیوں پر اساتذہ کو ترقیاں دینے کیلئے دستاویزات مانگ لی ہے۔