Tag: پاکستان

اسلام آباد:ملک میں آبپاشی کے نظام کی بہتری کیلئے مربوط لائحہ عمل:وزیراعظم کی زیرصدارت اہم فیصلے،اطلاعات کے مطابق وزیر اعظم عمران خان کہ زیرِ صدارت ملک میں آبپاشی کے نظام کی بہتری کیلئے مربوط لائحہ عمل پر جائزہ اجلاس منعقد ہوا ہے جس میں‌ بڑے بڑے فیصلے کیے گئے ہیں‌

ذرائع کے مطابق اس اجلاس کو صوبوں میں پانی کی منصفانہ تقسیم کیلئے پائیدار و دیر پا نظام، نہری پانی کو زرعی زمینوں تک بغیر ضیاع پہنچانے کیلئے حکمتِ عملی، پانی چوری کی روک تھام کیلئے مؤثر نظام اور آبپاشی کے نظام کو وسیع کرکے غیر آباد زمینوں کو قابلِ کاشت بنانے کیلئے منصوبوں پر بریفنگ دی گئی.

اجلاس کو بتایا گیا کہ ملکی تاریخ میں پہلی مرتبہ موجودہ حکومت دریائی پانی کو ذخیرہ کرنے کے منصوبوں پر سنجیدگی سے عملدرآمد یقینی بنا رہی ہے اور اس دہائی کو ڈیکیڈ آف ڈیمز کا نام دیا گیا ہے. اسکے علاوہ صوبہ پنجاب اور خیبر پختونخوا میں پانی چوری کی روک تھام کے اقدامات کو یقینی بنایا جا رہا ہے. مزید برآں اجلاس کو بتایا گیا کہ وزیرِ اعظم کے غذائی تحفظ کو ترجیح دینے کے ویژن کے تحت حکومت ایگریکلچرل ٹرانسفارمیشن پلان پر بھی عملدرآمد یقینی بنا رہی ہے.

وزیرِ اعظم نے تمام جاری منصوبوں کو معینہ مدت میں مکمل کرنے کی ہدایات جاری کرتے ہوئے پانی کے ذخائر کے منصوبوں کی بروقت تعمیر اور زرعی زمین کو آبپاشی سے قابلِ کاشت بنانے کو ملکی غذائی تحفظ کیلئے انتہائی اہم قرار دیا.

اجلاس میں مشیر قومی سلامتی ڈاکٹر معید یوسف، نائب چیئرمین منصوبہ بندی کمیشن اور متعلقہ اعلی افسران کی شرکت. وزیرِ اعلی خیبر پختونخوا محمود خان اور اعلی صوبائی افسران کی وڈیو لنک کے ذریعے شرکت.

لاہور:ضلع مری کےلیے ڈپٹی کمشنر اور آرمی آفیسر پر مشتمل مینجمنٹ کمیٹی کے قیام کی سفارش:زبردست فیصلے ،اطلاعات کے مطابق سانحہ مری کی تحقیقاتی کمیٹی نے راولپنڈی کی تحصیل مری میں ڈپٹی کمشنر اور آرمی آفیسر پر مشتمل مینجمنٹ کمیٹی کے قیام کی سفارش کر دی۔

پنجاب حکومت نے سانحہ مری کی تحقیقات کی رپورٹ باضابطہ طور پر جاری کردی ۔ رپورٹ ستائیس صفحات پر مشتمل ہے ۔ رپورٹ کے پہلے تحقیقاتی کمیٹی کی تحقیقات کے طریقہ کار، دوسرے حصے میں سانحہ کی ذمہ داری جبکہ تیسرے حصے میں آئندہ ایسے سانحات سے بچنے کیلئے تجاویز شامل کی گئی ہیں۔

سانحہ مری کی تحقیقاتی کمیٹی نے مری میں ڈپٹی کمشنر اور آرمی آفیسر پر مشتمل مینجمنٹ کمیٹی کے قیام کی سفارش کر دی ہے ۔ کمیٹی نے گائیڈ مری کانام سے سیاحوں کے لئے ایپ کی بھی سفارش کر دی ہے ۔کمیٹی نے مری میں برف ہٹانے کے لئے جدید مشینری کی خریداری کی سفارش کر دی۔

وزیر اعلی نے متعلقہ محکموں کو مشینری کی خریداری کے لئے اقدامات کی ہدایت کر دی ۔ تحقیقاتی کمیٹی نے مری میں ٹریفک کی انٹری اور اخراج کے لئے آٹو میٹڈ سسٹم لگانے کی سفارش کر دی ۔کمیٹی نے مری میں وارننگ سسٹم کے لئے اقدامات کی بھی سفارش کر دی ۔سیاحوں کو خطرناک موسم اور ٹریفک کے بہاؤ سے آگاہ رکھا جائے۔

کمیٹی کی سفارش ہے کہ مری میں غیر قانونی تجاوزات کے خلاف آپریشن بھی کیا جائے ۔ مری رپورٹ کیلئے گیارہ مقامی افراد کے انٹرویوز کیے گئے ۔ رپورٹ میں تین سیاحوں کے بیانات بھی شامل کیے گئے ہیں ۔پولیس اور انتظامیہ کے چودہ افسران اور اہلکاروں کے بیانات کو بھی رپورٹ کا حصہ بنایا گیا ہے۔

سانحہ مری کی تحقیقاتی رپورٹ کے مطابق کمیٹی نے دس جنوری کو تحقیقات شروع کی، گیارہ جنوری کو کمیٹی نے محمکہ موسمیات کی وارننگ اور ٹریفک پلان کا جائزہ لیا۔ مری میں 4 جنوری کو 22 ہزار گاڑی داخل اور 15 ہزار واپس گئی، 4 دنوں میں 10 ہزار گاڑی اندر پھنسیں۔ گلیات کا راستہ بند کرنے میں پانچ گھنٹے کی تاخیر ہوئی۔

ناقص پلاننگ اور دیر سے فیصلے بھی سانحہ مری کی اہم وجہ بنے۔ برف اور گرے درخت ہٹانے کے لیے مشینری کا موقع پر نہ ہو نا بھی سانحہ کئ وجہ بنی۔ مری بھیجا ٹریفک سٹاف بھی برف باری سے آگاہ نہ تھا نہ ضروری چیزیں انکے پاس تھی ۔ ٹریفک پولیس بھی برف سے بچنے کے لئے محفوظ جگہ تلاش کرنے میں مصروف رہی۔

عمان : دیارغیرمیں پاکستانیوں کے دلوں کی دھڑکن:سیدزلفی بخاری آتے ہی چھاگئے:عمانی حکومت سے شاندارمعاہدہ ،اطلاعات کے مطابق پاکستان تحریک انصاف کی نوجوان قیادت ، دیارغیر میں پاکستانیوں کے دلوں کی دھڑکن اور کامیاب سفیروترجمان پاکستان سید زلفی بخاری کافی دنوں بعد منظرعام پرآتے ہی چھا گئے ہیں

اس حوالے سے تازہ اطلاعات میں یہ اچھی خبر پاکستانیوں کے لیے منظرعام پرآئی ہے کہ پاکستان تحریک انصاف کے رہنماء زلفی بخاری نے ویژن 2040 کیلئے سلطنت عمان کے اقدامات کو سراہتے ہوئے کہا پاکستان عمانی حکومت کے ویژن 2040 میں اہم کردار ادا کرنے کیلئے تیار ہے۔

تفصیلات کے مطابق پاکستان تحریک انصاف کے رہنماء زلفی بخاری کی عمانی حکومت کے وزراء سے ملاقاتوں کا سلسلہ جاری ہے، وزیر برائے افرادی قوت کے بعد زلفی بخاری کی وزیر صحت محمد بن عبید سے ملاقات ہوئی۔

ملاقات میں دونوں ملکوں کے درمیان صحت کے شعبے میں افرادی قوت کے تبادلے پر غور کیا گیا ، رلفی بخاری نے کہا پاکستانی نوجوان صحت کے شعبے میں بہترین خدمات سر انجام دے رہے ہیں۔

پی ٹی آئی رہنما نے ویژن 2040 کیلئے سلطنت عمان کے اقدامات کو سراہتے ہوئے کہا پاکستان عمانی حکومت کے ویژن 2040 میں اہم کردار ادا کرنے کیلئے تیار ہے۔

ان کا کہنا تھا کہ پاکستانیوں کی بڑی تعداد عمان کے مختلف شعبوں میں ذمہ داریاں سر انجام دے رہی ہیے، عوامی اور حکومتی سطح پر دو طرفہ رابطوں کا فروغ ضروری ہے۔

عمانی وزیر صحت نے دونوں ملکوں کے درمیان صحت کے شعبے میں تعاون بڑھانے پر زور دیتے ہوئے کہا پاکستان سے دیرینہ تعلقات میں مضبوطی کی نئی بنیاد رکھ رہے ہیں۔

عمانی وزیر کا کہنا تھا کہ پاک عمان تجارتی و سرمایہ کاری فریم ورک کے تحت موثر اقدامات اٹھائیں گے۔دوران ملاقات زلفی بخاری نے عمانی وزیر کو دورہ پاکستان کی دعوت بھی دی۔جو انہوں نے قبول کرلی ہے

یاد رہے کہ زلفی بخاری جو کہ اوورسیز پاکستانیوں کے لیے دنیا بھر میں بڑے خلوص دل دے کوشاں تھے اور جدھر بھی جاتےتھے،کامیابیاں سمیٹتے تھے اور پاکستانیوں کا کیس اچھے اندازسے پیش کرتے تھے

یہ بھی یاد رہے کہ زلفی بخاری پاکستانیوں کے لیے بیرون ملک روزگار کے لیے ہمیشہ کوشاں رہے اور ہزاروں کی تعداد میں پاکستانیوں کے لیے کوٹے حاصل کیئے ،پاکستانیوں کی مشکلات حل کیں اور یہ وہ خوبیاں تھیں جن کی وجہ سے 90 لاکھ سے اوورسیز پاکستانیوں کے دلوں کی وہ دھڑکن بن گئے تو پاکستان کی عزت اور معیشت دونوں کےلیے یہ طرز عمل بہتر ثابت ہوا جسے اپوزیشن آف پاکستان دیکھ کربرداشت نہ کرسکی اور ان کو اوورسیز پاکستانیوں کے دلوں سے نکالنے اور پاکستان تحریک انصاف سے وابستگی کو کم کرنے کے لیے کئی منصوبے بنائے اوربالآخر راولپنڈی بائی پاس کی تعمیر میں شامل کنٹریکٹرز میں سے کسی کے ساتھ تعلق جوڑ کران کو متنازعہ بنانے کی کوشش کی اورپھران کو اوورسیز پاکستانیوں سے دورکرنے کے لیے پراپیگنڈہ مہم شروع کی گئی

یہ مہم آج اس وقت دم توڑ گئی جب عمان کی حکومت نے زلفی بخاری کی تجاویز سے اتفاق کرتے ہوئے اھلاوسہھلا کہا ہے اورامید کی جاسکتی ہے کہ اب ایک بار پھر کامیابیوں ،ترقیوں ،محبتوں اورمضبوط رشتوں کا سلسلہ شروع ہوچکا ہے

اسلام آباد :ریکوڈک کیس میں حکومتِ پاکستان اور ٹیتھیان کمپنی کے درمیان 50فیصد شیئرز پر اتفاق ہوگیا، ڈیل فائنل ہوئی تو پاکستان پر سے 10ارب ڈالر جرمانے کا خدشہ ٹل جائے گا۔

تفصیلات کے مطابق ریکوڈک کیس میں حکومتِ پاکستان اور ٹیتھیان کمپنی کے مذاکرات میں بڑا بریک تھرو سامنے آیا ، ذرائع کا کہنا ہے کہ حکومت اورٹھیتھان کمپنی کے درمیان 50فیصد شیئرز پر اتفاق ہوگیا، سابقہ معاہدے میں پاکستان کا شیئر صرف 25 فیصد تھا۔

اس حوالے سے پاکستان اورٹیتھیان کمپنی کےدرمیان معاہدہ فروری میں طےہونے کا امکان ہے ، اگر ڈیل فائنل ہوگئی تو پاکستان پر سے 10ارب ڈالر جرمانے کا خدشہ ٹل جائے گا۔

ذرائع کا کہنا تھا کہ ٹیتھان کمپنی نے حکومت سے سرمایہ کاری پر قانونی تحفظ مانگ لیا، کمپنی نے مؤقف میں کہا ہے کہ ماضی کی قانونی چارہ جوئی میں جوکچھ ہوا ویسا حادثہ دوبارہ نہیں چاہتے۔یہ بھی معلوم ہوا ہے کہ پاکستان اورٹیتھان کمپنی میں مذاکرات عدالت کے باہر تصفیے کے لیے ہورہے ہیں۔
.
واضح رہے کہ اکسڈ نے 12 جولائی 2019 کو 5.6ارب ڈالر جرمانہ ادا کرنے کا حکم دیا تھا پاکستان نے5.6 ارب ڈالر جرمانے کے خلاف اکسڈ سے مشروط حکم امتناع لیا تھا ، مشروط حکم امتناع کے تحت پاکستان کو ڈیڑھ ارب ڈالرغیر ملکی بینک میں جمع کرانا تھے، حکم امتناع مدت ختم ہونے پر ٹیتھیان نے برٹش ورجن آئی لینڈ ہائی کورٹ میں درخواست دی۔

یاد رہے کہ عالمی بینک کے ایک ٹربیونل نے جولائی 2019 میں پاکستان کی طرف سے ٹیتھیان کاپر کمپنی (ٹی سی سی) کے ساتھ کان کنی کا معاہدہ ختم کرنے پر تقریباً چھ ارب ڈالر کا ہرجانہ ادا کرنے کا حکم دیا تھا۔ پاکستان نے فیصلے کے خلاف اپیل کی تھی جس پر ٹربیونل نے عارضی حکم امتناع دے رکھا تھا۔

لاہور:پاکستان : کہیں اسکول بیگ ختم تو کہیں نصاب آدھا کرنے کا فیصلہ،اطلاعات کے مطابق صوبہ پنجاب میں اگلے تعلیمی سال کے نصاب میں 20 فیصد کمی کا فیصلہ کرلیا گیا ، سال 2023ء میں میٹرک اور انٹر امتحانات اسمارٹ نظام کے تحت ہوں گے ۔

اس حوالے سے کہا گیا ہے کہ محکمہ اسکول ایجوکیشن کے جاری کردہ نوٹی فکیشن میں کہا گیا ہے کہ اگلے تعلیمی سال میں نصاب کو مختصر کیا جائے گا جس کے لیے اسکولوں کے نصاب کو 20 فیصد تک کم کرنے کا فیصلہ کیا گیا ہے ،

اس حوالے سے مزید تفصیلات سامنے آئی ہیں‌ کہ نصاب میں کمی اگلا تعلیم سال مختصر ہونے کی وجہ سے کی جارہی ہے کیوں کہ اگلا تعلیمی سال ستمبر 2022 سے شروع ہو کر 2023 مارچ میں ختم ہو گا ، نصاب مختصر کرنے کے لیے محکمہ اسکول ایجوکیشن کی جانب سے ٹیکسٹ بک بورڈ کو ہدایات جاری کی جائے گی ۔

ادھر وزیر تعلیم پنجاب مراد راس نے کہا ہے کہ رواں تعلیمی سال کے دوارن لاہور میں نجی و سرکاری تعلیمی اداروں میں 31 جنوری تک نصف حاضری ہو گی ، لاہور کے اسکولوں میں چھٹی جماعت تک 50 فیصد حاضری کی پابندی ہو گی ، ساتویں سے 12ویں جماعت تک کلاسیں شیڈول کے مطابق ہوں گی ، اس دوران تعلیمی ادارے کورونا ایس او پیز پر عمل کریں ۔

قبل ازیں این سی او سی نے کورونا کی 10 فیصد سے زائد شرح والے شہروں میں تعلیمی سرگرمیاں محدود کرنے کا فیصلہ کیا ہے ، جس کے لیے وزیر منصوبہ بندی اسد عمر کی زیر صدارت این سی او سی کا اجلاس ہوا ، جس میں ملک بھر میں کورونا کی موجودہ صورتحال اور احتیاطی تدابیر پر عمل درآمد کا جائزہ لیا گیا۔

اجلاس میں تعلیمی سرگرمیوں کے حوالے سے بھی اہم فیصلہ کیا گیا ، 12 سال سے کم عمر 3 دن 50 فیصد آئیں گے اور 12 سال سے زائد عمر کے اسٹوڈنٹس کی مکمل حاضری ہو گی تاہم 12 سال کے زائد عمر کی طلبا کے لیے ویکسی نیشن لازمی قرار دی گئی ۔

ادھر وزارت تعلیم نے بڑا اقدام اٹھاتے ہوئے وفاقی سرکاری اسکولز میں بستے ختم کردیے گئے۔اس حوالے سے پارلیمانی سکریٹری وجیہہ قمر نے تقریب سے خطاب کرتے ہوئے کہا کہ بچوں کی کردار سازی میں اساتذہ کا کردار اہم ہے، معیاری تعلیم کی طرف توجہ دینے کی ضرورت ہے جسکے لیے کام جاری ہے، بکس فری بیگز پروگرام صرف اسلام آباد تک محدود نہیں رہے گا۔

ایڈیشنل سیکریٹری وزارت تعلیم محی الدین وانی نے کہا کہ اساتذہ کو بچوں کیساتھ محنت کرنا ہوگی، بیگ کا وزن کم کرنے کے علاوہ پہلی سے پانچویں جماعت کے بچوں کی اخلاقیات پر زور دینے کی ضرورت ہے، ٹیکنالوجی ٹریننگ پروگرام لایا جائیگا جسکے تحت اساتذہ کو ٹریننگ دی جائیگی۔

اکرام علی ملک ڈائریکٹر جنرل وفاقی نظامت تعلیمات نے کہا کہ بچوں کی ذہنی اور جسمانی مسائل کو ختم کرنے کے پیش نظر بکس فری بیگز پروگرام متعارف کروایا گیا ہے، کتابوں کا ایک سیٹ گھر اور ایک اسکول رکھا جائیگا، نئی تعلیمی سال میں اسلام آباد کے تعلیمی اداروں میں یہ سسٹم لائیں گے۔

اسلام آباد:وفاقی سرکاری اسکولز میں بستے ختم:صوبوں میں بھی پالیسی سراہی جانے لگی،اطلاعات کے مطابق وزارت تعلیم نے بڑا اقدام اٹھاتے ہوئے وفاقی سرکاری اسکولز میں بستے ختم کردیے گئے۔

پارلیمانی سکریٹری وجیہہ قمر نے تقریب سے خطاب کرتے ہوئے کہا کہ بچوں کی کردار سازی میں اساتذہ کا کردار اہم ہے، معیاری تعلیم کی طرف توجہ دینے کی ضرورت ہے جسکے لیے کام جاری ہے، بکس فری بیگز پروگرام صرف اسلام آباد تک محدود نہیں رہے گا۔

ایڈیشنل سیکریٹری وزارت تعلیم محی الدین وانی نے کہا کہ اساتذہ کو بچوں کیساتھ محنت کرنا ہوگی، بیگ کا وزن کم کرنے کے علاوہ پہلی سے پانچویں جماعت کے بچوں کی اخلاقیات پر زور دینے کی ضرورت ہے، ٹیکنالوجی ٹریننگ پروگرام لایا جائیگا جسکے تحت اساتذہ کو ٹریننگ دی جائیگی۔

اکرام علی ملک ڈائریکٹر جنرل وفاقی نظامت تعلیمات نے کہا کہ بچوں کی ذہنی اور جسمانی مسائل کو ختم کرنے کے پیش نظر بکس فری بیگز پروگرام متعارف کروایا گیا ہے، کتابوں کا ایک سیٹ گھر اور ایک اسکول رکھا جائیگا، نئی تعلیمی سال میں اسلام آباد کے تعلیمی اداروں میں یہ سسٹم لائیں گے۔

ادھر اس حوالے سے یہ بھی معلوم ہوا ہے کہ وفاقی حکومت کے اس منصوبے کو پورے ملک میں‌ بڑی پزیرائی ہورہی ہے،بچوں کے والدین کا بھی کہنا ہےکہ اس طرز عمل سے بچوں کی تعلیم بہت بہترہوجائے گی اور بچے پر بوجھ کم ہوگا

سوشل میڈیا پر عوام الناس نے حکومت کی اس پالیسی کو پسند کیا ہے اوراپیل کی ہےکہ یہ اندازصوبوں میں بھی نافذ کیا جائے تاکہ بچوں کے لیے تعلیم کا حصول آسان سے آسان ترہوجائے

سوات:زلزلوں پرزلزلے:سوات میں ایک بار پھر زمین لرز اٹھی:عوام خوف زدہ ،اطلاعات کے مطابق صوبہ خیبر پختونخواہ کے ضلع سوات اور گردونواح میں 24 گھنٹوں کے دوران دوسری بار زلزلے کے جھٹکے محسوس کئے گئے ہیں، مسلسل زلزلوں کے باعث مقامی افراد سخت خوف کا شکار ہیں۔

زلزلہ پیما مرکز کے مطابق مینگورہ شہر اور گردونواح میں ایک بار پھر زلزلے کے جھٹکے محسوس کئے گئے ہیں، ریکٹر اسکیل پر زلزلے کی شدت 4.5 ریکارڈ کی گئی ہے، زلزلے کی گہرائی 120 کلومیٹر جبکہ اس کا مرکز ہندوکش کا پہاڑی سلسلہ تھا۔

زلزلے کے باعث مقامی افراد کلمہ طیبہ اور استغفار کا ورد کرتے ہوئے سخت سردی میں اپنے دفاتر اور گھروں سے باہر نکل آئے، مسلسل دوسرے روز آنے والے زلزلے پر عوام میں سخت خوف وہراس پایا جاتا ہے۔

گذشتہ روز بھی انہیں علاقوں میں زلزلے کے جھٹکے محسوس کئے گئے تھے، حیرت انگیز بات یہ ہے کہ زلزلے کی شدت اور مقام بھی یکساں تھے۔

یاد رہے کہ گذشتہ سال دسمبر میں کراچی میں بھی زلزلہ آیا تھا، جس کی شدت 4.1 ریکارڈ کی گئی تھی، ماہرین ارضیات نے اس خطرناک قرار دیا تھا۔

ادھرڈائریکٹر محکمہ موسمیات زاہد رفیع نے بتایا تھا کہ کراچی میں اتنی شدت کا زلزلہ نہیں آتا جتنا آیا ہے، زلزلے کی گہرائی 15 سے 20 کلو میٹر تھی، زلزلے کی 15 کلو میٹر گہرائی کم سمجھی جاتی ہے۔

میلبورن:آہ : بھارتی ٹینس اسٹار شعیب ملک کی اہلیہ ثانیہ مرزا داغ فراق دے گئیں،اطلاعات کے مطابق بھارت کی ٹینس اسٹار اور سابق ڈبلز عالمی نمبر ایک ثانیہ مرزا نے کہا ہے کہ وہ انجریز کے باعث وہ رواں سیزن کے آخر میں ٹینس سے ریٹائر ہوجائیں گی۔

ذرائع کے مطابق آسٹریلیا کے شہر میلبورن میں پریس کانفرنس کے دوران ثانیہ مرزا نے کہا کہ ‘میں فیصلہ کرچکی ہوں کہ یہ میرا آخری سیزن ہوگا، میں اس پر ہر ہفتے دیکھ رہی ہوں، مجھے یقین نہیں کہ یہ سیزن آخری ہوسکتا ہے لیکن میری خواہش ہے’۔

ثانیہ مرزا کے والد نے بھی ان کی ریٹائرمنٹ کی منصوبہ بندی کی تصدیق کردی۔ٹینس اسٹار نے کہا کہ ‘میں تاحال محسوس کررہی ہوں کہ میں کھیل سکتی ہوں لیکن اس سیزن کے بعد میں نہیں سمجھتی کہ میں ایسا کرپاؤں’۔

اس سے قبل 35 سالہ ثانیہ مرزا کو بھارت کی عظیم خاتون ٹینس کھلاڑی قرار دیا گیا تھا جبکہ آسٹریلین اوپن کے ڈبلز کے پہلے مرحلے میں یوکرین کی نادیا کیچونوک کے ہمراہ شکست کھا گئیں۔

ٹینس کے ڈبلز مقابلوں میں 6 گرینڈ سلیم جیتنے والی ثانیہ مرزا آسٹریلین اوپن میں امریکا کے راجیو رام کے ساتھ مکسڈ ڈبلز میں حصہ لے رہی ہیں اور جمعرات کو پہلے مرحلے کا مقابلہ ہوگا۔ثانیہ مرزا نے آخری مرتبہ گزشتہ برس ستمبر میں اوسٹراوا اوپن میں چین کی ژینگ شوائی کے ساتھ ڈبلز کا ٹائٹل حاصل کرلیا تھا۔

بھارتی ٹینس اسٹار نے کہا کہ انجریز اور اہل خانہ کی وجہ سے کیریئر مختصر ہو رہا ہے۔انہوں نے کہا کہ ‘مجھے احساس ہے کہ ریکوری میں بڑا وقت لگ رہا ہے، اپنے تین سالہ بیٹے کے ساتھ بہت زیادہ سفر کر کے میں ان کو خطرے میں ڈال رہی ہوں، اس حوالے سے مجھے سوچنا ہے’۔

ان کا کہنا تھا کہ ‘آج گھٹنے میں واقعی تکلیف ہورہی تھی، اس کا مطلب یہ نہیں کہ ہم اس کی وجہ سے ہارے بلکہ میں سمجھتی ہوں کہ ریکور ہونے میں وقت لگ رہا ہے اور میری عمر بڑھ رہی ہے’۔

یاد رہے کہ ثانیہ مرزا 2005 میں اپنے آبائی شہر حیدرآباد میں ڈبلیو ٹی اے ٹائٹل جیتنے والی پہلی بھارتی کھلاڑی بن گئی تھیں اور اسی دوران یوایس اوپن کے چوتھے مرحلے تک رسائی کی تھی۔ٹینس اسٹار 2007 میں خواتین کی سرفہرست 30 خواتین کھلاڑیوں میں شامل ہو گئی تھیں۔

ثانیہ مرزا کو کلائی کی انجریز کے باعث ڈبلز پر توجہ دینا پڑی اور سوئٹزرلینڈ کی عظیم کھلاڑی مارٹینا ہنگیز کے ساتھ جوڑی میں تین گرینڈ سلیم حاصل کیا۔