مری:محکمہ موسمیات نے پانچ جنوری کو طوفان کی پیشگی اطلاع دی ،تو انتظامیہ کیوں سوئی رہی؟ اطلاع کے باوجود سیاحوں کی اتنی بڑی تعداد کو مری داخل کیوں ہونے دیا گیا ؟ ہلاکتوں نے کئی سوال کھڑے کردیئے۔

محکمہ موسمیات نے شدید برفباری کا پہلا الرٹ 31 دسمبر 2021 کو جاری کیا تھا، محکمہ موسمیات نے 5جنوری کو دوسرا الرٹ جاری کیا تھا، محکمہ موسمیات نے پہلے ہی وزیراعظم آفس کو برفباری سے متعلق آگاہ کر دیا تھا۔

محکمہ موسمیات کی ایڈوائزری نے تمام متعلقہ اداروں کو محتاط رہنے کی ہدایات جاری کی تھیں، جنوری کے آغاز سے ہی مری میں شدیدبرفباری، راستوں کے بند ہونے کے خدشے سے آگاہ کیا گیا تھا، 6سے7جنوری کے درمیان مری گلیات میں شدید برفباری کا الرٹ جاری کیا گیا تھا۔

6 سے 9 جنوری کے درمیان مری کی سڑکیں برفباری کےباعث بند ہونے کی اطلاع دی گئی تھی، وزارت ہوابازی کوبھی مری میں شدید برفباری سے متعلق آگاہ کر دیا گیا تھا ، چیئرمین این ڈی ایم اے،پی ڈی ایم اے،ایس ڈی ایم اے کوبھی برفباری سےمتعلق آگاہ کیاگیاتھا۔

دوسری طرف کے مطابق وزیر اعلیٰ پنجاب کی زیر صدارت مری سے متعلق ہنگامی اجلاس کی اندرونی کہانی سامنے آ گئی ہے، ذرائع کا کہنا ہے کہ اجلاس میں عثمان بزدار نے راولپنڈی انتظامیہ اور پولیس پر اظہار برہمی کیا۔

ذرائع کے مطابق عثمان بزدار نے چیف سیکریٹری اور آئی جی پنجاب پر بھی برہمی کا اظہار کیا، اور کہا کہ محکمہ موسمیات کی وارننگ کے باوجود انتظامیہ اور پولیس نے کچھ نہ کیا، راولپنڈی انتظامیہ اور پولیس نے انتظامات کیوں نہ کیے۔

وزیر اعلیٰ آفس کے ذرائع نے بتایا کہ عثمان بزدار نے استفسار کیا کہ سیاحوں کی تعداد بڑھنے پر گاڑیاں روکی کیوں نہیں گئیں، ابتدائی رپورٹ کے مطابق سردی، طوفان، اور راستے بند ہونے سے اموات ہوئیں۔

اجلاس میں وزیر اعلیٰ عثمان بزدار نے معاملے کی انکوائری کے احکامات صادر کیے، اور غفلت برتنے والوں کے خلاف کارروائی کا حکم دے دیا۔

واضح رہے کہ ملک کے اہم ترین سیاحتی مقام مری میں جب شدید سرد موسم اور برف باری کی وجہ بڑا سانحہ پیش آیا، وہاں وزیر اعلیٰ پنجاب پارٹی کے لیے تنظیم سازی میں مصروف تھے، اس حوالے سے ان پر شدید تنقید کی جا رہی ہے۔

واضح رہے کہ مری میں شدید برفباری کے باعث 22 افراد جاں بحق ہو گئے ہیں، جو اپنی نوعیت کا ایک بڑا اور سنگین واقعہ ہے، جس میں 2 خواتین اور 8 بچے بھی شامل ہیں۔

مری :کاش یہ پیغام پہلے پہنچ چکا ہوتا تو یہ حادثہ نہ ہوتا:برفباری میں گاڑی پھنس جائے تو سب سے پہلے کیا کریں؟ضرورپڑھیے ،اطلاعات کے مطابق اس وقت پاکستان کی ایک بڑی شخصیت کا آڈیو پیغام وائرل ہورہا ہے جس میں مری میں پیش آنے والے واقعہ سے متعلق ایسے حقائق پیش کئے گئے ہیں اگریہ حقائق پہلے بیان ہوجاتے تو یقینا اس طرح حادثہ نہ ہوتا ،

یاد رہے کہ قوم اس وقت ایک سانحے سے گزررہی ہے جس میں مری میں شدید برفباری اور سیاحوں کے رش کے باعث برفانی طوفان میں پھنسے کئی شہری اپنی گاڑیوں میں موت کے منہ میں چلے گئے۔

 

گاڑی برف میں پھنس جائے تو کیا کرنا چاہیے؟ اس حوالے سے انسپکٹر جنرل (آئی جی) نیشنل ہائی ویز اینڈ موٹروے پولیس انعام غنی کا بیان سامنے آیا ہے۔ان کا کہنا تھاکہ کاربن مونوآکسائیڈمیں بونہیں ہوتی، اس کا پتہ لگانا بہت مشکل ہے، کاربن مونو آکسائیڈ جلد موت کا سبب بن سکتی ہے۔

مری میں برفباری اور سیاحوں کے رش کے حوالے سے انہوں نے بتایا کہ اگر گاڑی برف میں پھنس گئی ہے اور انجن چل رہاہے تو کھڑکی ہلکی سی کھولیں، گاڑی کے ایگزاسٹ سائلنسرپائپ سے برف صاف کریں۔

 

ان کا کہنا تھا کہ ہیٹرچلانے سے پہلےچیک کر لیں کہ سائلنسر برف کی وجہ سےبند تو نہیں ہو چکا،ان کا مزید کہنا تھا کہ اگر سائلنسر بند ہوا تو "کاربن مونو آکسائیڈ” گیس گاڑی میں جمع ہو سکتی ہے، انہوں نے مزید انکشاف کیا کہ اس گیس کا کوئی رنگ یا بُو نہیں ہوتی، ان کا یہ بھی کہنا تھا کہ یہ گیس چند منٹ میں انسان کی جان لےلیتی ہے

خیال رہے کہ مری میں شدید برفباری اور سیاحوں کے رش کی وجہ سے صورتحال انتہائی خراب ہوگئی اور 20 سے زائد افراد کی گاڑیوں میں اموات کے بعد سیاحتی مقام کو آفت زدہ قرار دے دیا گیا ہے۔

لاہور:موسم کی سختی نے زندگی کے معاملات ہی بدل دیئے:پاکستان آنا اورپاکستان سے جانا ہی مشکل ہوگیا ،اطلاعات کے مطابق ائیرپورٹ پر موسم کی صورتحال کے باعث بیشتر بین الاقوامی ائیرلائنز کے اوقات کارتبدیل کردیئے گئے اور پروازیں کئی کئی گھنٹے تاخیر کا شکار ہے۔

تفصیلات کے مطابق لاہور ائیرپورٹ پر موسم کی صورتحال کے باعث متعدد پروازیں متاثر ہوئی اور دھند کے خدشات کے پیش نظر بیشتر بین الاقوامی ائیرلائنز کے اوقات کارتبدیل کردیئے گئے۔

دوحہ سےآنے والی پرواز کیوآر620بارہ گھنٹے ، استنبول سےآنےوالی پروازٹی کے714نوگھنٹے اور استنبول جانےوالی پروازٹی کے715بھی نوگھنٹے تاخیر کا شکار ہے۔

انتظامیہ نے بتایا کہ لندن جانےوالی پرواز بی اے258 چار گھنٹے ، لندن سےآنےوالی برٹش ائیرکی پرواز4گھنٹے50منٹ ، مشہدسےآنےوالی ایرانی ائیرلائن کی پرواز2گھنٹے اور مشہد جانے والی پروازآئی آر817 دو گھنٹے تاخیر کا شکار ہے۔

اسی طرح کراچی سے آنے والی پرواز پی اے 402 چارگھنٹے ، جدہ جانے والی پرواز پی کے 9759 چار گھنٹے ، جدہ سےآنےوالی پرواز پی کے9760 تین گھنٹے ، جدہ سے آنےوالی پروازایس وی734پانچ گھنٹے اور ریاض سے آنے والی پرواز ایس وی 736 تین گھنٹے 15منٹ تاخیر کا شکار ہے۔دھند کے خدشات کے پیش نظر کراچی سے آنےوالی پروازای آر524منسوخ کردی گئی ہے۔

یاد رہے کہ کل بھی لاہورآنے والی پروازوں کواسلام آبادایئرپورٹ پراترنے کا حکم دے دیا گیا تھا کیونکہ موسم کی خرابی کی وجہ سے طیاروں کا لاہورایئرپورٹ پراترنا مشکل اورخطرناک تھا

اسلام آباد:خدمت ،فرض اورذمہ داری :سی ڈی اے کا عملہ بارش میں دن رات سڑکوں اور نالوں کو کلیئر کرنے میں مصروف،اطلاعات ہیں کہ اسلام آباد کی انتظآمیہ شدید بارش کے دوران بھی خدمت انسانیت میں مصروف ہے، اس حوالے سے چیئرمین سی ڈی اے کی ہدایت پر شعبہ ایم اینڈ آر ایم نے بارشوں کے دوران تین شفٹوں میں کام کرنا شروع کر دیا

باغی ٹی وی ذرائع کے مطابق چیئرمین سی ڈی اے عامر علی احمد کی ہدایت پر شعبہ ایم اینڈ آر ایم نے وفاقی دارالحکومت اسلام آباد میں بارشوں کے دوران تین شفٹوں میں کام کرنا شروع کر دیا ، شعبہ ایم اینڈ آر ایم کا عملہ شدید بارش کے دوران دن رات سڑکوں اور نالوں کو کلیئر کرنے میں مصروف ہیں ،

بارشوں کے دوران تمام روڈ ز اور نالوں کو کلیئر کر دیا گیا،ای الیون، جی سیون ، ایف سیون، جی ایٹ ، ایف سکس ، ایف ایٹ ،آئی ٹین، آئی نائن و دیگر علاقوں میں تمام نالوں میں کہیں بھی طغیانی نہیں ہے ۔تفصیلات کے مطابق وفاقی دارالحکومت اسلام آباد میں مسلسل پانچ روز سے موسلادھار بارش کے دوران سی ڈی اے شعبہ ایم اینڈ آر ایم کا عملہ روڈز اور نالوں کو کلیئر کرنے میں دن رات مصروف ہے ،

چیئرمین سی ڈی اے عامر علی احمد کی ہدایت پر شعبہ ایم اینڈ آر ایم نے وفاقی دارالحکومت اسلام آباد میں بارشوں کے دوران تین شفٹوں میں کام کرنا شروع کر دیا ہے ۔بارشوں کے دوران تمام روڈ ز اور نالوں کو کلیئر کر دیا گیا،ای الیون، جی سیون ، ایف سیون، جی ایٹ ، ایف سکس ، ایف ایٹ ،آئی ٹین، آئی نائن و دیگر علاقوں میں تمام نالوں میں کہیں بھی طغیانی نہیں ہے اور صورتحال کنٹرول میں ہے، کہیں سے بھی فلڈ کی اطلاع آنے پر ورکرز فوری رسپانس کیلئے تیار ہیں ۔

اسلام آباد: برفباری، سیاحوں کا شدید رش:ایک لاکھ گاڑیاں مری میں داخل: راستے بند کرنے کا فیصلہ،ااطلاعات ہیں کہ اس وقت مری میں اس قدر رش ہوچکا ہے کہ حکومت کویہ اعلان کرنا پڑا کہ اب بس کردیں ،

اطلاعات یہ بھی ہیں کہ ملک بھر میں بارش اور برفباری کے بعد سیاحوں کی بہت بڑی تعداد شمالی علاقہ جات سمیت مری ، گلیات اور دیگر جگہوں کا رخ کررہی ہے جس کے بعد ان علاقوں میں ٹریفک کی روانگی شدید متاثر ہورہی ہے ۔راولپنڈی انتظامیہ نے مری جانے والے راستوں کو بند کرنے کا فیصلہ کرلیا ہے۔

 

 

 

راولپنڈی انتظامیہ کی جانب سے کہا گیا کہ مری جانے والے راستوں کو بند کرنے کا فیصلہ شدید برفباری اور سیاحوں کے بے پناہ رش کی وجہ سے کیا گیا ہے ۔

دوسری طرف ٹریفک پولیس اور ضلعی انتظامیہ سیاحوں کو سہولیات دینے میں ناکام ہو گئی ہیں، سیاح گاڑیوں میں محصور ہیں جبکہ ، مری میں ٹریفک کا نظام درہم برہم ہو کر رہ گیا ہے۔

 

I appreciate the arrangements and efforts of Police, Administration and Rescue teams to manage huge influx of tourists in Murree areas, during snowfall.

Please cooperate with authorities and strictly follow their instructions to avoid any difficulties. pic.twitter.com/I2iJTOtjvM

— Usman Buzdar (@UsmanAKBuzdar) January 7, 2022

وزیراعلیٰ پنجاب سردار عثمان بزدار نے سماجی رابطے کی ویب سائٹ ٹوئٹر پر لکھا کہ برفباری کے بعد سیاحوں کی بڑی تعداد مری سمیت دیگر علاقوں کا رخ کررہی ہے ، اس دوران ضلعی انتظامیہ اور پولیس کے بروقت انتظامات کو سراہتا ہوں ۔

انہوں نے مزید لکھا کہ میری سیاحوں سے اپیل ہے کہ براہ کرم مقامی انتظامیہ کی طرف سے جاری کردہ ہدایات پر سختی سے عملدرآمد کریں اور کسی بھی مشکل سے بچیں ۔

 

 

ایک لاکھ سے زائد گاڑیاں مری اور گلیات ایریا میں داخل ہو چکی ہیں۔براہ مہربانی غیر ضروری سفر سے گریز کریں اور اگر سیرو تفریح کے کئے جانا ہے تو آنے والے ویک اینڈ پر ملتوی کر لیں۔ نیچے نقشے میں لال رنگ میں ٹریفک فلُو دیکھا جا سکتا ہے pic.twitter.com/gDD4HA7DIn

— Dr. Shahbaz GiLL (@SHABAZGIL) January 7, 2022

دوسری طرف وزیراعظم عمران خان کے معاون خصوصی ڈاکٹر شہباز گل نے سماجی رابطے کی ویب سائٹ ٹویٹر پر لکھا کہ ایک لاکھ سے زائد گاڑیاں مری اور گلیات ایریا میں داخل ہو چکی ہیں۔ براہ مہربانی غیر ضروری سفر سے گریز کریں اور اگر سیرو تفریح کے کئے جانا ہے تو آنے والے ویک اینڈ پر ملتوی کر لیں۔ نیچے نقشے میں لال رنگ میں ٹریفک فلُو دیکھا جا سکتا ہے

 

 

Roads leading to Murree from Islamabad are hereby closed in public interest because of traffic jams and rush of visitors. Everyone is requested to plz postpone their plans for now. Entry from Islamabad will stay closed till Sunday Night

— DC Islamabad (@dcislamabad) January 7, 2022

ڈپٹی کمشنر اسلام آباد حمزہ شفقات نے کہا ہے کہ اسلام آباد سے مری جانے والے تمام راستے بند کر دئیے گئے ہيں، فيصلہ مری ميں سياحوں کی رش اور ٹريفک جام کو مد نظر رکھتے ہوئے کيا گیا، اسلام آباد سے مری جانے والے تمام راستے اتوار کی رات تک بند رہیں گے، شہریوں سے گزارش ہے اپنے تفریح کے پلان کو ملتوی کر دیں۔

یاد رہے کہ گزشتہ روز وفاقی وزیر اطلاعات ونشریات فواد چودھری نے ٹوئٹر پر لکھا کہ مری میں 1 لاکھ کے قریب گاڑیاں داخل ہوچکی ہیں ، ہوٹلوں اور اقامت گاہوں کے کرائے کئی گنا بڑھ چکے ہیں ، سیاحت میں اضافہ عام آدمی کی خوشحالی اور آمدنی میں اضافے کو ظاہر کرتا ہے۔

وفاقی وزیر داخلہ شیخ رشید نے اپیل کی ہے کہ برفباری کی وجہ سے اسوقت مری اور گلیات میں سیاحوں کا بے پناہ رش ہے ، تقریباً ایک لاکھ سے زائد گاڑیاں اسلام آباد کے راستے مری اور گلیات کی طرف جا چکی ہیں ،

شیخ رشد کا کہنا تھا کہ اسلام آباد اور مری انتظامیہ عوامی سہولت کے لئے 24 کھنٹے سرگرم عمل ہے ، بڑھتے ہوئے عوامی رش کی وجہ سے مری کی جانب ٹریفک کی روانی انتہائی سست ہے ، سیاحوں بالخصوص فیملیز سے اپیل ہے کہ وہ مری اور گلیات کی طرف سفر کرنے سے فی الحال گریز کریں ۔

ادھر مری میں سیاحوں کے رش کی شہہ سرخیاں دنیا بھر کے میڈیا کے فرنٹ پیجز پرلگ چکی ہیں اوردنیا بھی پاکستان کے ان علاقوں میں سیاحت سے لطف اندوز ہونے والوں سے لطف اندوز ہورہی ہے