Tag: پاکستان

لاہور: مسلم لیگ (ن) کا کہنا ہے کہ پاکستان میں گندم کا بدترین بحران آنے والا ہے-

باغی ٹی وی : لاہور میں سابق اسپیکر قومی اسمبلی ایاز صادق کے ہمراہ پریس کانفرنس کرتے ہوئے مسلم لیگ ن کے جنرل سیکرٹری احسن اقبال کا کہنا تھا کہ عمران خان کے دن پھرے ہیں وزیراعظم بننے کے بعد لوگ اس حکومت کو بددعائیں دے رہے ہیں، ملک میں شوگر، آٹا، کھاد، فرنس آئل، اسٹاک مارکیٹ، ڈالر سمیت ہر جگہ مافیاز بیٹھے ہیں، وزیر کہہ رہے ہیں کہ زیادہ استعمال کی وجہ سے کسان کو کھاد نہیں مل رہی، کھاد 2700 روپے میں بھی نہیں مل رہی، پاکستان میں گندم کا بدترین بحران آنے والا ہے پھر یہ وزرا کہیں گے کہ لوگوں نے روٹیاں زیادہ کھانا شروع کر دی ہیں۔

کرپٹو کرنسی اسکینڈل: فراڈ میں ملوث ایک کمپنی کو نوٹس جاری

انہوں نے کہا کہ حکومت نے ایک سے بڑھ کر ایک نالائق وزیرعوام پر مسلط کر کھا ہے، کسی وزیر کو فیل ہونے پر مزید بڑی وزارت دے دی جاتی ہے، ان کی کارکردگی کا ثبوت یہ ہے کہ کسی گھر میں گیس نہیں آرہی،اسد عمر کو بحیثیت وزیر خزانہ فیل کر دیا گیا تھا اور وہ اپوزیشن کو لیکچر دے رہے تھے، ان کی کسی بات کا جواب دینا وقت کا ضیاع ہے، یہ فیل حکومت کے فیل وزرا ہیں۔

لیگی رہنما کا کہناتھا کہ اسٹیٹ بینک اصلاحات کی بجائےملک کی قومی معاشی پالیسی کا سودا کرنا ہےخطےمیں کسی ملک کےپاس اسٹیٹ بینک جیسےاختیارات نہیں ہیں گورنر اسٹیٹ بینک وائسرائے ہوں گے اور وہ حکومت کو جوابدہ نہیں ہوں گے، انہیں سیاہ و سفید کا مالک بنا دیا گیا ہے، چلیں ہمیں اس پر کوئی اعتراض نہیں لیکن اسٹیٹ بینک کی کارکردگی جانچنے والا کون ہوگا،بورڈ آف گورنرز کیسےاپنے چیئرمین کی کارکردگی جانچ سکتا ہےعمران خان ایک سکیورٹی رسک بن گئے ہیں اس قانون میں لکھا ہے کہ گورنر سمیت تمام عہدیدار اپنی تنخواہیں خود مقرر کریں گے اور بینک کی کارکردگی سے کوئی تعلق نہیں ہوگا-

بلدیاتی انتخابات میں ناکامی کے بعد خوف کا شکار حکومت انتظامی افسران کا تبادلہ کررہی ہے،مولانا فضل…

لیگی رہنما کا مزید کہنا تھا کہ اپوزیشن اپنا کردار ادا کر رہی ہے، اس کا کام حکومتی ناکامیوں کو اجاگر کرنا ہے، اپوزیشن کے پاس توپ نہیں ہوتی، عوام نے خانیوال، لاہور، ڈسکہ سمیت ہر جگہ ن لیگ اور خیبر پختونخوا کے بلدیاتی انتخابات میں بھی ہماری اپوزیشن کو کامیابی دلائی، اس وقت ہر سیاسی جماعت کے کردار کو عوام دیکھ رہے ہیں-

خیبر پختونخوا حکومت کا مفت لیور اور کڈنی ٹرانسپلانٹ کا اعلان

انہوں نے کہا کہ پی ٹی آئی کا ساتھ دینے والوں کا عوام احتساب کرے گی،آئندہ انتخابات میں کوئی پی ٹی آئی کا ٹکٹ لینے کو تیار نہیں ہوں گے،ملکی مسائل کا حل شفاف آزادانہ انتخابات ہےاپوزیشن جھوٹے مقدمات، جیلوں کےذریعے ان کا سامنا کر رہی ہے23 مارچ کو لانگ مارچ کے ذریعے پی ڈی ایم اپنا کردار ادا کرنے جا رہی ہے، مسلم لیگ ن نے عوامی دباؤ کے ذریعے ایسا کر دیا ہے کہ ان حکومتی بینچوں سے بھی باتیں آنا شروع ہو گئی ہیں، الیکشن کے نزدیک پی ٹی آئی کے اندر توڑ پھوڑ شروع ہو جائے گی۔

مری میں سیاحوں کے داخلے کی مشروط اجازت

کراچی :شہر میں اسٹریٹ کرائم اور ڈکیتی کی بڑھتی وارداتیں:جرائم پرقابونہیں پاسکتے:کراچی پولیس چیف ہمت ہار گئے ،ادھر اطلاعات کے مطابق کراچی شہر میں اسٹریٹ کرائم اور ڈکیتی کی بڑھتی ہوئی وارداتوں نے شہریوں کا جینا حرام کردیا۔

کراچی شہریوں کو راہ زنوں سے نجات دلانے کےلیے ایڈیشنل انسپکٹر جنرل کراچی نے سربراہی میں پولیس حکام سرجوڑ کر بیٹھ گئے۔پولیس حکام کا کہنا ہے کہ پہلی بار اجلاس سہراب گوٹھ تھانے میں ہوا جس میں حالیہ اسٹریٹ کرائم کی وارداتوں کا جائزہ لیا گیا۔

کراچی پولیس چیف کا ایس ایچ اوز کو اسٹریٹ کرائم کیخلاف حکمت عملی بنانے اور ہائی وے پر ایس ایس یو پولیو موبائلز کا بھی استعمال کرنے کا حکم دیا۔

پولیس حکام نے اجلاس میں طے کیا اجلاس میں ڈی آئی جی ایسٹ اور ویسٹ، ایس ایس پی ایسٹ، ملیر اور سینٹر سمیت انویسٹی گیشن حکام سمیت دیگر بھی شریک ہوئے۔

دوسری طرف کراچی پولیس چیف عمران یعقوب منہاس نے شہر قائد میں جرائم پر قابو پانے کے حوالے سے ہاتھ کھڑے کر دیے۔

ایک نجی ٹی وی میں گفتگو کرتے ہوئے کراچی پولیس چیف عمران یعقوب منہاس نے شہر قائد میں جرائم کی بڑھتی ہوئی وارداتوں سے متعلق گفتگو کی۔عمران یعقوب منہاس کا کہنا تھا کہ کراچی میں پولیس کی نفری دُگنی بھی کر دیں تو بھی جرائم پر قابو نہیں پایا جاسکتا۔

کراچی پولیس چیف کا کہنا تھا کہ شہر کو ڈیڑھ سے دو لاکھ کیمروں کی ضرورت ہے، جب تک شہر میں ہر جگہ کیمرے نہیں لگیں گے اس وقت تک جرائم کی شرح پر قابو نہیں پایا جا سکتا