Tag: پاکستان

اسلام آباد: پاکستان زندہ باد :سی پیک سے متعلق دستاویزی فلم کا ٹیزر جاری:کامیابیوں کا سفر جاری ،اطلاعات کے مطابق سی پیک کی کامیابیوں کے کامیاب سفر کی خوشخبری سناتے ہوئے وفاقی وزیر برائے مواصلات مراد سعید نے قراقرم ہائی وے پر بنی دستاویزی فلم کا ٹیزر شیئر کردیا ہے، دستاویزی فلم یکم جنوری کو سرکاری ٹی وی پر نشر کی جائے گی۔

ذرائع کے مطابق سی پیک کے حوالے سے سماجی رابطے کی ویب سائٹ ٹوئٹر پر مراد سعید نے قراقرم ہائی وے پر بنی دستاویزی فلم کا ٹیزر شیئر کرتے ہوئے لکھا کہ جہاں پہاڑ اور انسان ملتے ہیں، یہ پاکستانی قوم کے عزم کی ایک کہانی ہے۔

وفاقی وزیر نے لکھا کہ فلم قراقرم کے عجوبے کو عملی جامہ پہنانے والوں کو خراج تحسین پیش کرتی ہے، انہوں نے سی پیک کو اقتصادی گیم چینجر قراردیا، دستاویزی فلم یکم جنوری کو سرکاری ٹی وی پر نشر کی جائے گی۔

Where Men & Mountains meets is a story of resolve of Pakistani Nation and tribute to those who turned this wonder into reality in achieving actualisation of CPEC, which is an economic game changer. The documentary will be aired on PTV on 1 Jan, 22#KKH #CPEC pic.twitter.com/xO4llFIQXf

— Murad Saeed (@MuradSaeedPTI) December 30, 2021

یہ دستاویزی فلم فرنٹیئر ورکس آرگنائزیشن (ایف ڈبلیو او) کے اشتراک سے تیار کی گئی ہے، فلم قراقرم ہائی وے کی تعمیر کے دوران دی گئی قربانیوں کو اجاگر کرتی ہے، جوکہ 1300 کلومیٹر کا ایک بہت بڑا منصوبہ ہے اور اسے اکثر دنیا کا آٹھواں عجوبہ سمجھا جاتا ہے۔

گوادر پرو کے مطابق ایک گھنٹہ طویل دستاویزی فلم قراقرم ہائی وے کی اہمیت کو اجاگر کرتی ہے، جو دو برادر ملکوں چین اور پاکستان کو ملانے والا ایک زمینی راستہ ہے، منصوبے کی تعمیر کے دوران تقریباً 692 پاکستانی اور 108 چینی جان کی بازی ہار گئے۔

اسلام آباد: پاکستان کی طرف سے افغانستان کو انسانی امداد کے طور پر گندم کی پہلی کھیپ آج پہنچائی جا رہی ہے۔

باغی ٹی وی : ترجمان دفتر خارجہ نے اپنے ایک بیان میں کہا کہ 22 نومبر کو وزیر اعظم عمران خان نے افغانستان میں 5 ارب روپے مالیت کی انسانی امداد کا اعلان کیا تھا، امدادی سامان میں 50 ہزار، میٹرک ٹن گندم، طبی سامان، موسم سرما میں پناہ گاہیں اور دیگر سامان بھی شامل ہے۔

1450 افغان بچے جو والدین کے بغیر تنہا امریکا پہنچے

ترجمان نے کہا کہ پاکستان کی طرف سے افغانستان کو انسانی امداد کے طور پر 1800 میٹرک ٹن گندم کی پہلی کھیپ آج پہنچائی جا رہی ہے، گندم کی پہلی کھیپ 1800 میٹرک ٹن آج طورخم میں افغانستان کے حوالے کی جا رہی ہے-

یورپی یونین کے 15 ممالک کا 40 ہزار افغان طالبان مخالف افغانوں کو پناہ دینے کا…

واضح رہے کہ گزشتہ ماہ وزیر اعظم عمران خان نے پاکستان کی طرف سے افغانستان کے لیے انسانی ہمدردی کی بنیاد پر پانچ ارب روپے کے امدادی پیکیج کی منظوری دی تھی وزیراعظم ہاؤس سے جاری ہونے والے بیان میں کہا گیا تھا کہ وزیر اعظم عمران خان نے پیر کو افغانستان کے لیے خصوصی طور پر قائم کیے جانے والے بین الوزارتی رابطہ سیل کا دورہ کیا اور بعد میں ایپیکس کمیٹی کی صدارت کی۔

عالمی بینک نے افغانستان کو بڑی خوشخبری سُنا دی

وزیر خارجہ شاہ محمود قریشی، مشیر خزانہ شوکت ترین، آرمی چیف جنرل قمر جاوید باجوہ، قومی سلامتی کے مشیر ڈاکٹر معید یوسف اور اعلی حکام نے شرکت کی تھی اجلاس میں انسانی ہمدردی کی بنیاد پر اور ہنگامی صورتحال سے نمٹننے کے لیے افغانستان کے لیے 5 ارب روپے کی امدادی پیکج کی منظوری دی گئی تھی

یو این جنرل اسمبلی میں افغان نشست نہ ملنے پر طالبان کا ردعمل

اجلاس میں فیصلہ کیا گیا تھا کہ پاکستان کی سرحدوں سے داخل ہونے والے تمام افغانی باشندوں کے لیے کووڈ 19 کی مفت ویکسینیشن جاری رہے گی اور انسانی ہمدردی کی بنیاد پر افغانستان کے لیے ہندوستان کی طرف سے 50 ہزار میٹرک ٹن امدادی گندم کو جو کہ پاکستان سے گزر کر جائے گی راہداری کی اجازت دی جائے گی۔

طالبان کے ساتھ سرحدی جھڑپ غلط فہمی کا نتیجہ تھی ایران

اسلام آباد:پی ٹی آئی پاکستان کی مقبول اور منظم ترین سیاسی قوت ہے:اطلاعات کے مطابق وزیراعظم عمران خان نے کہا ہے کہ تحریک انصاف پاکستان کی مقبول اور منظم ترین سیاسی قوت ہے۔

پاکستان تحریک انصاف کی سنٹرل ایگزیکٹو کمیٹی کا اہم اجلاس ہوا، چیئرمین پاکستان تحریک انصاف عمران خان نے اجلاس کی صدارت کی، وائس چیئرمین شاہ محمود قریشی اور مرکزی سیکرٹری جنرل اسد عمر سمیت سنٹرل ایگزیکٹو کمیٹی اراکین نے شرکت کی۔

اجلاس میں تحریک انصاف کے آئین پر نظرِثانی کیلئے قائم کردہ خصوصی کمیٹی کی پیش کردہ سفارشات پر غور کیا گیا اورچیئرمین پاکستان تحریک انصاف نے نظرِثانی کمیٹی کی سفارشات کی روشنی میں نئی آئینی سکیم کی منظوری دے دی۔

وزیراعظم نے سیکرٹری جنرل کی قیادت میں نئے نامزد کردہ ذمہ داران کو نچلی ترین سطح تک تنظیم سازی کا عمل جلد از جلد مکمل کرنے کی فوری ہدایت کر دی۔

عمران خان کا کہنا تھا کہ تحریک انصاف پاکستان کی مقبول اور منظم ترین سیاسی قوت ہے، سیاسی و انتظامی طور پر نچلی ترین سطح تک عوام کو بااختیار بنانے کے ہدف کی جانب بڑھ رہے ہیں، قومی تعمیر و ترقی کے عمل میں سماج کے غریب طبقے کی بہبود پر خصوصی توجہ دے رہے ہیں، صحت کارڈ سے سستے راشن کی اسکیموں تک حکومت فلاحی ریاست کی طرز پر عوامی بہبود پر غیر معمولی وسائل صرف کررہی ہے، کارکنان تحریک انصاف کی حکومت کے فلاحی منصوبوں کے ثمرات عوام تک پہنچانے کے عمل میں شرکت کریں، تحریک انصاف کے تنظیمی ذمہ داران ہر سطح پر خود کو منظم اور آئندہ کے سیاسی چیلنجز سے نبرد آزما ہونے کی تیاری کریں۔

اسلام آباد:ہائیرایجوکیشن کمیشن کا ایم فل اور پی ایچ ڈی ڈگریز کے حوالے سے اہم اقدامات ،اطلاعات کے مطابق ہائر ایجوکیشن کمیشن (HEC) کی کوالٹی ایشورنس ایجنسی (QAA) نے ماسٹر ریویورز کے وسائل کو تیار کرنے کے مقصد کے ساتھ پوسٹ گریجویٹ پروگرام کے جائزہ لینے والوں اور مضامین کے ماہرین کے لیے ایک روزہ صلاحیت سازی ورکشاپ کا انعقاد کیا۔

اسلام آباد میں منعقد ہونے والی اس تقریب میں ملک بھر سے تیس مبصرین نے شرکت کی۔ QAA ملک میں اعلیٰ تعلیمی اداروں کی کارکردگی کا جائزہ لیتا ہے اور یونیورسٹیوں کے MS/MPhil اور PhD پروگراموں کا جائزہ لیتا ہے تاکہ ان پروگراموں کے معیار کے ساتھ ساتھ کم از کم معیارات اور رہنما خطوط کی تکمیل کو یقینی بنایا جا سکے۔

ڈاکٹر شائستہ سہیل، ایگزیکٹو ڈائریکٹر ایچ ای سی نے افتتاحی سیشن میں بطور مہمان خصوصی شرکت کی۔ انہوں نے کہا کہ ایچ ای سی یونیورسٹیوں اور اس کے جائزہ لینے والوں کو سہولت فراہم کرنے کے لیے پرعزم ہے۔ انہوں نے امید ظاہر کی کہ یہ ورکشاپ جائزہ لینے والوں کو بیرونی تشخیص کی مجموعی حرکیات کو سمجھنے، پوسٹ گریجویٹ پروگرام کے موثر جائزے کے لیے درکار فریم ورک کو سمجھنے، اور ایک بامعنی پوسٹ گریجویٹ پروگرام کی جائزہ رپورٹ تیار کرنے کے قابل بنائے گی۔

ناصر شاہ، ڈائریکٹر اور انچارج QAA نے کہا، "یہ تربیت پروگرام کے جائزہ کے عمل کی تاثیر کے ساتھ ساتھ معیار کو بہتر بنانے میں مدد کرے گی”۔شرکاء نے ورکشاپ کے انعقاد پر ایچ ای سی کا شکریہ ادا کیا اور امید ظاہر کی کہ یہ انہیں پوسٹ گریجویٹ پروگرام کے موثر جائزہ کے لیے درکار فریم ورک کو سمجھنے کے قابل بنائے گا۔

سکھر :سابق وزیر داخلہ رحمان ملک کا کہنا ہے کہ سابق وزیر اعظم نواز شریف فروری سے پہلے پاکستان واپس نہیں آئیںگے، حالات دیکھ کر لگتا ہے کہ کچھ لوگ پرانی تنخواہ پر ہی کام کریں گے، سٹیٹ بینک آف پاکستان کی خود مختاری کا فیصلہ ریجیکٹ کرتے ہیں۔

سکھر ایئرپورٹ پر میڈیا سے گفتگو کرتے ہوئے رحمان ملک نے کہا سچ بات یہ ہے کہ پارلیمان کمزور ہوگئی ہے، ملک کے حالات بدترین ہوتے جا رہے ہیں،اگر عمران خان صدارتی نظام چاہتے ہیں تو انہیں ماضی کی تاریخ کی طرح یاد کیا جائے گا، مہنگائی کا طوفان برپا ہے،ڈالر مزید بڑھے گا، ملک کے معاشی حالات خراب ہیں، منی بجٹ لانے کی کوشش ہورہی ہے۔

انہوں نے کہا کہ آئندہ سال کے ابتدائی کچھ ماہ مشکلات کے ہیں، طاقتور ممالک اگر غلامی کا طوق پہنانے میں کامیاب ہوگئےتو ملک اور ایٹمی اثاثے خطرے میں پڑ جائیں گے، امید ہے کہ حکمران ایسا نہیں کریں گے،ادھار حاصل کرنے کے لیے ملک کی آزادی کو داؤ پر لگانا عقلمندی نہیں۔رحمان ملک کا کہنا تھا کہ محترمہ بینظیر بھٹو کو شہید کرنے کے لیے پورا نیٹ ورک حرکت میں رہا،

رحمن ملک نے کہا کہ بیت اللہ محسود بھی محترمہ کے قتل میں ملوث تھا، ان کے قاتلوں کو سزا ہوئی،کچھ ملزمان کو ہائی کورٹ سے ضمانت ملی، اکرام اللہ افغانستان میں ہے جس کے حوالے سے وزارت داخلہ کو لکھا ہے۔سابق وزیر داخلہ کا مزید کہنا تھا کہ ہماری قیادت کو نشانہ بنایا گیا،

ان کا کہنا تھا کہ آصف علی زرداری کو جیل میں رکھا گیا، حالات دیکھ کر کہا جاسکتا ہے کہ لوگ پرانی تنخواہ پر کام کریں گے، نواز شریف پاکستانی ہیں وہ کسی وقت آسکتے ہیں، دیکھنا ہوگا کہ وہ ضمانت لے کر آتے ہیں، میرا ذاتی خیال ہے کہ وہ فروری سے پہلے نہیں آئیں گے۔