Tag: پاکستان

اسلام آباد :وزیراعظم کی زیر صدارت پاکستان میں گیس کی صورتحال کا جائزہ لینے کے لیے اعلیٰ سطح کا اجلاس ،اطلاعات کے مطابق وزیراعظم عمران خان کی زیر صدارت پاکستان میں گیس کی صورتحال کا جائزہ لینے کے لیے اعلیٰ سطح کا اجلاس ہوا۔اجلاس کو ملکی ذخائر سے طلب، رسد، شارٹ فال اور ایل این جی کی درآمد کے بارے میں بریفنگ دی گئی۔

اس اہم اجلاس میں وزیراعظم کو بتایا گیا کہ ملک میں گیس کی موجودہ طلب 4700 ایم ایم سی ایف ڈی ہے جو سردیوں کے موسم میں بڑھ کر 6000 سے 6500 ایم ایم سی ایف ڈی تک پہنچ جاتی ہے۔ موجودہ ملکی سپلائی 3300 MMCFD ہے جو ہر سال کم ہو رہی ہے۔ نتیجے میں ہونے والی کمی کو ایل این جی درآمد کرکے پورا کرنا ہوگا۔ موجودہ انفراسٹرکچر کے ساتھ سردیوں میں تقریباً 1000 MMCFD کی کمی پیدا ہوتی ہے جس کے لیے متعدد آپشنز اپنائے جا رہے ہیں۔ مختصر مدت کے لیے، گھریلو ٹرمینلز کی موجودہ صلاحیت کو بہتر بنایا جا رہا ہے اور ورچوئل پائپ لائن لائسنس کے اجراء کے عمل کو تیز کیا جا رہا ہے۔ اس کے علاوہ دو نئے ایل این جی ٹرمینلز کی تنصیب کا کام جاری ہے اور تمام رکاوٹوں کو ترجیحی بنیادوں پر دور کیا جا رہا ہے۔

وزیراعظم نے ہدایت کی کہ گھریلو تلاش کے لائسنس کے اجراء کو تیز کیا جائے کیونکہ یہ قدرتی گیس کا سب سے سستا ذریعہ ہے۔ انہوں نے متعلقہ محکموں کو نئے ایل این جی ٹرمینلز اور ورچوئل پائپ لائن منصوبوں کی تنصیب کے عمل میں حائل رکاوٹوں کو دور کرنے کی بھی ہدایت کی۔ اس سلسلے میں وزارت بحری امور، وزارت پٹرولیم اور اوگرا کو ہدایت کی گئی کہ وہ ہم آہنگی پیدا کریں اور سرمایہ کاروں سمیت دیگر تمام اسٹیک ہولڈرز کو بھی آن بورڈ لیں۔

علاوہ ازیں وزیراعظم نے نارتھ ساؤتھ گیس پائپ لائن کی اہمیت پر زور دیتے ہوئے ہدایت کی کہ طے شدہ ٹائم لائنز میں مزید تاخیر کیے بغیر اس پر عملدرآمد کو یقینی بنایا جائے۔ اجلاس میں وفاقی وزیر شوکت فیاض ترین، حماد اظہر، اسد عمر، علی حیدر زیدی، ایس اے پی ایم محمود مولوی اور متعلقہ محکموں کے حکام نے شرکت کی۔

کراچی :جے ڈی سی کے وفد کی صدر مملکت عارف علوی سے ملاقات:کام اورخدمات کی تعریف ،اطلاعات کے مطابق صدر اسلامی جمہوریہ پاکستان ڈاکٹر عارف علوی سے جے ڈی سی کے وفد
نے تفصیلی ملاقات کی۔ وفد میں میں چئیرمین شیخ حسن جنرل سیکریٹری ظفر عباس ایڈیشنل سیکریٹری سجاد حیدر فنانس سکریٹری مصطفی علی اور عرفان علی شامل تھے

جنرل سیکریٹری ظفر عباس نے جناب ڈاکٹر عارف علوی صاحب کو جے ڈی سی کی جانب سے کراچی میں 50 فری ڈالیسز سینٹرز کی تیزی سے تیاری اور مفت علاج سمیت دسترخوانوں و دیگر خدمات انسانی کے شعبوں کے بارے میں آگاہ کیا۔

صدر پاکستان ڈاکٹر عارف علوی نے جے ڈی فاونڈیشن کے تمام فلاحی کاموں کو سراہا اور پسند کیا۔ صدر پاکستان کی جانب سے جدید ڈالیسز مشینوں کی پاکستان آمد کے لئیے کچھ رابطوں کی یقین دھانی بھی کرائی گئی۔

"شاہ جی”کچھ توخیال کریں:مہمانوں کے سامنے ایسے نہیں بیٹھتے:شاہ محمود قریشی کا اندازتکلّم باعث تکلیف،اطلاعات کے مطابق سوشل میڈیا پرپاکستان کے وزیرخارجہ شاہ محمود قریشی کا اپنے عرب مہمان کے سامنے بیٹھے کا منظربہت سے لوگوں کے لیے تکلیف کا باعث بنا ہے

جہاں سوشل میڈیا پراس اندازتکلم اورمجلس کے اداب کے حوالے سے شاہ جی پرتنقید کی جارہی ہےوہاں کچھ دیگراہم شخصیات نے بھی وزیرخارجہ سے شکوہ کیا ہے کہ آپ جیسی شخصیت کا یہ اندازکچھ اچھا نہیں تھا

ااسی بات کو آگے بڑھاتے ہوئے سنیئر تجزیہ نگار،معروف صحافی مبشرلقمان بھی اس اندازمیزبانی کو کسی مہمان کے سامنے کچھ بہتر محسوس نہیں کرتے

How can SMQ sit like this in front of a Diplomat! This is disgraceful specially when we are asking them for money all the time ?? pic.twitter.com/xDGSGWYDdk

— Mubasher Lucman (@mubasherlucman) December 29, 2021

مبشرلقمان کا کہنا تھا کہ ایک بڑے شخص کے سامنے ایک بڑے آدمی کا اس طرح بیٹھنا تکبرکی علامت ہے اس لیے آئندہ ایسے انازمجلس سے پرہیز ہی کریں‌تو بہتر ہے، ان کا کہنا تھا کہ ایسے مہمان سے کہ جس س ہمیں کچھ مطلب بھی ہو اورپھرہم اگراس انداز سے پیش آئیں تو شاید وہ بھی برا مان جائے

سعودی سفیر کیساتھ یہ متکبرانہ غیر سفارتی انداز دوستوں کو دور کرنیکا اقدام ھے
پاکستان کو اور کتنا تنہا کرنا ھے ؟ pic.twitter.com/55xd1hj6V1

— Khawaja Saad Rafique (@KhSaad_Rafique) December 29, 2021

اسی بات کو خواجہ سعد رفیق نے بھی اچھا نہیں سمجھا وہ کہتے ہیں کہ شاہ جی کویہ اناز زیب نہیں دیتا وہ عاجزانہ اندازسے بیٹھتے ہوان کی شخسیت اور بھی بلند ہوتی ، ان کا یہ بھی کہنا تھا کہ سفارتی آداب کےبھی یہ منافی ہے ، ان کا کہنا تھا کہ مجھے امید ہے کہ شاہ جی آئندہ ایسا رویہ اختیارنہیں کریں گے

گوادر:اعلیٰ اور معیاری تعلیم میرے بلوچ بچوں کا حق:تمام وسائل مہیا کروں گا :اطلاعات کے مطابق ڈپٹی کمشنر گوادر کپٹن ریٹائرڈ جمیل احمد بلوچ نے کہا ھے کہ طلبا و طالبات کے تعلیمی تحفظ کو ہر حال میں یقینی بنایا جائے گا کسی بھی طلبا و طالبات کے ساتھ ناانصافی نہیں ہوگی اور تمام تصدیقی عمل میرٹ کی بنیاد پر ھونگے

ان خیالات کا اظہار انہوں نے ضلع گوادر سے میڈیکل کالجز کے لیے نامزد امیدوارں کا لوکل سرٹیفکیٹ کی تصدیقی اجلاس کے دوران خطاب کرتے ہوئے کیا ھے اجلاس میں لوکل سرٹیفکیٹ کمیٹی کے ممبران میں اسسٹنٹ کمشنر گوادر کپٹن ریٹائرڈ راجہ طہر عباس،ضلعی افسر صحت ڈاکٹر موسیٰ بلوچ اے ڈی ایچ ڈاکٹر شاہنواز بلوچ اور ایم ایس سول اسپتال ڈاکٹر عبدالیظف دشتی نے شرکت کی

اجلاس میں ضلع گوادر کے مقررہ کردہ کوٹہ میڈیکل کالجز کی نشستوں پر مختلف میڈیکل کالجز کے تمام نامزد امیدوارں نے ڈپٹی کمشنر اور بنائی گئی کمیٹی کے سامنے پیش ہوئے اور اپنے لوکل سرٹیفکیٹس کی تصدیق کرائی اجلاس میں ضلع گوادر کے 18 نامزد امیدوارں کے لوکل سرٹیفکیٹ کی جانچ پڑتال اور تصدیقی عمل کا صاف شفاف طریقے سے جائرہ لیا گیا اس سلسلے میں ضلع گوادر کے میڈیکل کالجز کے نامزد 18امیدوارشامل تھے جن میں چار فیمل امیدوار تھے ان 18 امیدوارں میں سے 15 امیدوار جن میں چار فیمل امیدوار شامل تھے

ڈپٹی کمشنر گوادر کے سامنے پیش ہوئے اور لوکل سرٹیفکیٹ سمیت اپنے تعلیمی کوائف صدیق کے لیے پیش کیے جبکہ تین امیدوار غیر حاضر رہے جن میں مدید خالد ولد محمد خالد،ماریہ بنت عبدالقادر اور باسط علی ولد شیر محمد کے نام شامل ہیں اجلاس میں بتایا گیا کہ میڈیکل کالجز کے تمام نامزد امیدوارں کے تصدیق عمل انتہائی صاف وشفاف طریقے سے انجام دی جائے گی کس بھی امیدوار کی حق تلفی ہرگز نہیں کی جائے گی جن میداورں پر اعتراضات اور خدشات ظاہر کیے گئے ہیں ان امیدوارں کے کوائف چیک کیے جائیں گے اگر کوئی بھی لوکل سرٹیفکیٹ جعلی نکلا تو اس امیدوار کا لوکل سرٹیفکیٹ منسوخ کرکے اس کے خلاف قانون کاروائی عمل لائی جائے گی

پاکستان کیوں افغانستان کے بارے میں فکرمند ہے؟ڈی آئی جی سی ٹی ڈی نے خطرناک وجہ بتا دی،اطلاعات کے مطابق محکمہ انسداد دہشتگردی (سی ٹی ڈی) کے ڈپٹی انسپکٹر جنرل (ڈی آئی جی) نے انکشاف کیا ہے کہ پاکستان میں 90 فیصد دہشت گردی افغانستان سے ہوتی ہے، بڈھ بیر حملے میں ملوث افغان دہشت گرد کا نادرا سے شناختی کارڈ بنا ہوا تھا، اس واقعے کے بعد نادرا ہمارے ساتھ تعاون نہیں کررہا۔

پشاور میں ڈی آئی جی سی ٹی ڈی جاوید اقبال نے پریس کانفرنس کرتے ہوئے کہا کہ پاکستان میں 90 فیصد دہشتگردی افغانستان سے ہوتی ہے، افغانستان کے دہشتگردوں نے پاکستان میں بھی دہشتگردی کی کوشش کی۔

جاوید اقبال نے کہا کہ پولیس نے کوشش کر کے دہشتگرد کارروائیوں کو روکا ہے، اس سال داسو میں خودکش حملہ ہوا تھا جس میں چینی باشندے ہلاک ہوئے، حملے میں ملوث ملزمان کو سی ٹی ڈی نے گرفتار کیا۔

انہوں نے کہا کہ داعش کے لوکل چیپٹر نے پاکستان میں دہشتگردی کی کارروائیوں کی بھرپور کوشش کی، داعش نے یہاں پولیو ٹیموں پر حملے کیے، اس گروپ نے ستنام سنگھ کو بھی مارا تھا۔

جاوید اقبال نے کہا کہ سی ٹی ڈی نے تین بڑے داعش کے پی چیپٹر کے دہشتگرد مارے ہیں، اس سال 44 بھتے کی ایف آئی آرز درج کی ہیں جن میں 31 افراد کو مختلف کارروائیوں میں گرفتار کیا گیا ہے۔

جاوید اقبال نے کہا کہ اس سال 40 کے قریب پولیس اہلکارشہید ہوئے، 599 ہائی پروفائل دہشتگردوں کو پکڑا جن میں 110 دہشتگرد اس سال مختلف کارروائیوں میں مارے گئے۔

ڈی آئی جی سی ٹی ڈی نے کہا کہ داعش کا بنوں میں ابوبکر نامی دہشتگرد پولیو ٹیموں پر حملے کرتا تھا جو پکڑا گیا۔انہوں نے کہا کہ پچھلے چار پانچ مہینوں میں پولیو مہم میں 44 ٹارگٹ کلنگ کے واقعات ہوئے،اس سال تین خودکش حملے ہوئے۔

اسلام آباد: سابق وزیر خزانہ سرتاج عزیز کی اہلیہ کی وفات پا گئیں‌،اطلاعات کے مطابق سابق وزیرخزانہ سرتاج عزیز کی اہلیہ محترمہ آج شام قضائے الٰہی سے وفات پا گئی ہیں‌، بیگم سرتاج عزیز کی وفات کی خبر پرملک بھر کی سیاسی و سماجی شخصیات نے گہرے دکھ اور رنج کا اظہارکیا ہے ،

دیگررہنماوں کی طرف نواز لیگ کے صدر پاکستان کے اپوزیشن لیڈرشہبازشریف نے بیگم سرتاج عزیز کی وفات پرافسوس کرتے ہوئے اسے سرتاج فیملی کےلیے ایک بہت بڑا صدمہ قرار دیا ہے

پارٹی کے سینئر راہنما، سابق وزیر خزانہ محترم سرتاج عزیز کی اہلیہ کی وفات پر تمام اہل خانہ سے تعزیت اور افسوس کرتا ہوں۔ غم کی اس گھڑی میں ہم سب ان کے ساتھ شریک ہیں۔ اللہ تعالی مرحومہ کو اپنے جوار رحمت میں بلند مقام اور پسماندگان کو صبرجمیل عطا فرمائے۔ آمین

— Shehbaz Sharif (@CMShehbaz) December 29, 2021

شہبازشریف نے اس حوالے سے اظہارافسوس کرتے ہوئے سماجی رابطے کی ویب سائٹ پر کہا ہے کہ "پارٹی کے سینئر راہنما، سابق وزیر خزانہ محترم سرتاج عزیز کی اہلیہ کی وفات پر تمام اہل خانہ سے تعزیت اور افسوس کرتا ہوں۔ غم کی اس گھڑی میں ہم سب ان کے ساتھ شریک ہیں۔ اللہ تعالی مرحومہ کو اپنے جوار رحمت میں بلند مقام اور پسماندگان کو صبرجمیل عطا فرمائے۔ آمین

دوسری طرف خاندان کی طرف سے ان کی نمازجنازہ کی ادائیگی کے حوالے سے بتا دیا گیا ہےکہ آج شام 4 بجے ان کی نمازجنازہ ادا کردی گئی ہے اور بیگم سرتاج عزیز کو ایچ 8 قبرستان میں دفن کردگیا ہے

لواحقین کی طرف سے یہ بھی پیغآم جاری جاری دیا گیا ہے کہ  کل  30 دسمبر سہ پہر 3 بجے چک شہزاد فارم اسلام آباد میں رسم سوئم ادا کی جائے گی

پشاور:پاکستان زندہ باد :داسو واقعے میں ملوث تمام دہشت گرد اور سہولت کار گرفتار،اطلاعات کے مطابق صوبہ خیبر پختونخواہ کے محکمہ انسداد دہشت گردی (سی ٹی ڈی) کے ڈپٹی انسپکٹر جنرل (ڈی آئی جی) جاوید اقبال وزیر کا کہنا ہے کہ داسو واقعے میں ملوث تمام دہشت گرد اور سہولت کار گرفتار کیے جاچکے ہیں۔

انہوں نے سالانہ کارکردگی کی بریفنگ میں بتایا کہ داسو واقعے میں انٹیلی جنس تعاون سے تمام دہشت گرد گرفتار ہوئے۔ ڈی آئی جی کا کہنا تھا کہ داسو واقعے میں ملوث سہولت کار بھی گرفتار ہیں، واقعے کے خودکش بمبار کی مکمل شناخت ہوچکی تھی۔ پاکستان میں موجود مذکورہ پورا نیٹ ورک گرفتار ہے۔

انہوں نے بتایا کہ پشاور سی ٹی ڈی نے آئی ایس کے 3 بڑے گروپ مقابلوں میں ختم کیے، جنوبی اضلاع میں دہشت گردی کرنے والے 9 دہشت گرد مارے گئے۔ جاوید اقبال وزیر کا کہنا تھا کہ صوبے میں قبائلی جھگڑوں سمیت 237 دہشت گردی کے واقعات ہوئے، سنہ 2021 میں 561 ایف آئی آرز درج ہوئیں جو گزشتہ سال سے زیادہ ہیں۔

ڈی آئی جی نے مزید بتایا کہ 599 ہائی پروفائل دہشت گرد گرفتار ہوئے، گرفتاردہشت گردوں کے سر کی قیمت 20 کروڑ روپے تھی۔ منی لانڈرنگ کے خلاف سب سے زیادہ کارروائیاں پختونخواہ کے محکمہ انسداد دہشت گردی نے کیں۔