Tag: پاکستان

اسلام آباد:شوکت ترین کو سینیٹر بنانے کے لیے ٹکٹ جاری دیا گیا ،اطلاعات کے مطابق وزیراعظم عمران خان کے مشیر برائے خزانہ شوکت ترین کو سینیٹر بنانے کے لیے پاکستان تحریک انصاف (پی ٹی آئی) کی طرف سے ٹکٹ جاری کر دیا گیا۔

شوکت ترین کو وزیر خزانہ بنانے کے لیے انہیں سب سے پہلے سینیٹر منتخب کروایا جائے گا جس کے لیے پاکستان تحریک انصاف (پی ٹی آئی) نے انہیں سینیٹر بنوانے کے لیے ٹکٹ جاری کر دیا ہے،

ادھر اس حوالے سے یہ بھی معلوم ہوا ہے کہ تحریک انصاف کے سیکرٹری جنرل عامر کیانی نے دستخط کے بعد ٹکٹ جاری کردیا ، وہ خیبر پختونخوا سے تحریک انصاف کے ٹکٹ پر سینیٹ الیکشن لڑیں گے۔ جس کے لیے مشیر خزانہ کل اپنے کاغذات نامزدگی جمع کرائیں گے۔

پاکستان تحریک انصاف (پی ٹی آئی) کے سینیٹر محمد ایوب نے سینیٹر کے عہدے سے استعفی دے دیا تھا جس کے بعد انہیں وزیراعظم عمران خان کا معاون خصوصی بنایا گیا تھا، ان کی اس سیٹ پر شوکت ترین سینیٹ الیکشن میں حصہ لیں گے۔

واضح رہے کہ الیکشن کمیشن خیبر پختونخوا نے سینیٹر محمد ایوب کے استعفیٰ کی وجہ سے خالی ہونیوالی نشست کے لئے انتخابی شیڈول کا اعلان کردیا، سینیٹ کی خالی نشست پر پولنگ 20 دسمبر کو ہوگی۔

الیکشن کمیشن خیبرپختونخوا کے جاری کردہ انتخابی شیڈول کے مطابق سینیٹر محمد ایوب کے استعفیٰ کی وجہ سے خالی ہونیوالی نشست پر پولنگ 20 دسمبر کو ہوگی۔

الیکشن کمیشن کاکہنا ہے کہ کاغذات نامزدگی جمع کروانے کی آخری تاریخ 2 دسمبر 2021 تک ہے، 11 دسمبر کو کاغذات جمع کرنے والے امیدواروں کی فہرست جاری ہوگی۔

یاد رہے کہ وزیراعظم عمران خان نے شوکت ترین کو اپنے خصوصی اختیارات استعمال کرتے ہوئے چھ ماہ کے وزیر خزانہ بنایا تھا اور امکان ظاہر کیا جا رہا تھا کہ سینیٹر اسحق ڈار کی سیٹ کی ڈی نوٹیفائی کر کے ان کی جگہ شوکت ترین کو وزیر خزانہ بنایا جائے گا تاہم قانونی پیچیدگیوں کے باعث انہیں وزارت خزانہ کا قلمدان نہ مل سکا جس کے باعث انہیں مشیر خزانہ کا قلمدان سونپا گیا تھا۔

اسلام آباد ،لاپتہ افراد کیلئے قائم قومی کمیشن نے نومبر 2021میں مختلف مقدمات نمٹانے سے متعلق پیشرفت رپورٹ جاری کر دی ہے ، رپورٹ کے مطابق کمیشن کو ملک بھر سے مارچ 2011سے 30نومبر 2021تک مبینہ طور پر لاپتہ افراد کے 8279کیسزموصول ہوئے ہیں ، ان کیسز میں سے کمیشن نے 6047کیسز نمٹا دیئے ہیں جن میں نومبر 2021کے دوران نمٹائے گئے 123کیسز بھی شامل ہیں ۔

چیئرمین کمیشن جسٹس(ر)جاوید اقبال کی صدارت میں لاہور میں سماعتیں کی گئیں جس کے نتیجے میں پنجاب سے متعلق 7کیسز نمٹائے گئے ، کمیشن کے ہیڈ آفس اسلام آباد اور سب آفس کراچی میں معمول کے مطابق سماعتیں کی گئیں۔ کمیشن نے لاپتہ افراد کی باضابطہ جامع فہرست کے علاوہ سینیٹر ڈاکٹر جہانزیب جمالدینی کی جانب سے صوبہ بلوچستان سے متعلق لاپتہ افراد کی ایک پرانی فہرست جمع کروائی گئی ،

ذرائع کے مطبق تفصیلی جانچ پڑتال کے بعد یہ معلوم ہوا کہ اکثر کیسز میں لاپتہ افراد سے متعلق معلومات /دستاویزات ناکافی ہیں جو کہ لاپتہ فرد کی تلاش کے لئے بہت ضروری ہیں تاہم کمیشن نے ان مقدمات کے تناظر میں متعلقہ فریقوں سے رپورٹس طلب کر لی ہیں جس میں ان کا نام، والدین، لاپتہ ہونے والے علاقے ،تحصیل سے متعلق معلومات طلب کی گئیں ۔اس تناظر میں ڈپٹی کمشنر ضلع کیچ ، آواران اور پنجگور نے اپنا جواب بھیجا اور بعض لاپتہ افراد کی اپنے گھروں کو واپسی کی تصدیق سے متعلق کمیشن کو سرٹیفکیٹ بھیجے ۔

ادھر ذرائع کے مطابق 748لاپتہ افراد کے اپنے گھروں کو واپس آنے کی اطلاعات ہیں ۔ بلوچستان کے دیگر اضلاع سے تعلق رکھنے والے لاپتہ افراد کا معاملہ بھی کمیشن نے وزارت داخلہ بلوچستان اور دیگر متعلقہ فریقوں کے ساتھ ا ٹھایا ہے ۔ابتدائی نوٹس کے بعد یہ دیکھا گیا ہے کہ لاپتہ افراد کی تلاش میں تیزی کے لئے کمیشن کے ایک رکن کی ریجنل آفس کوئٹہ میں موجودگی ضروری ہے، اس تناظر میں کوئٹہ میں کمیشن کا ریجنل آفس قائم کر دیا گیا ہے جس نے 15نومبر 2021سے کمیشن کے سینئر ممبر اور ریجنل آفس کے انجارچ جسٹس فضل الرحمن کی سر براہی میں کام شروع کر دیا ہے حالانکہ ہیڈ کوارٹر اسلام آباد میں بھی ان کی خدمات کی اشد ضرورت ہے ۔بیان میں یہ بھی بتایا گیا ہے کہ نومبر 2021کے 15دنوں کے دوران 60سے زائد لاپتہ افراد کو تلاش کیا گیا ہے ۔

کمیشن کی طرف سے جاری حقائق کے مطابق بلوچستان کے بی ایریا سے تعلق رکھنے والے 808لاپتہ افراد کو تلاش کیا گیا ہے جو کہ اپنے گھر وں میں واپس پہنچ گئے ہیں باقی رہ جانے والے لاپتہ افراد کی تلاش کے لئے کوششیں جاری ہیں ۔ کمیشن کے چیئرمین جسٹس(ر)جاوید اقبال کی انتھک کوششوں اور شاندار قیادت میں 6047کیسز کو نمٹانا ممکن ہوا ہے ۔گھروں کو واپس لوٹنے والے لاپتہ افراد کے اہل خانہ نے چیئرمین کمیشن جسٹس جاوید اقبال کا دلی شکریہ ادا کیا ہے ،

اسی طرح لاپتہ افراد کمیشن اقوام متحدہ کے لاپتہ افراد سے متعلق ورکنگ گروپ کے ہر اجلاس کے بعد اس کی رپورٹس پر جواب دیتا ہے ، کمیشن کو وزارت خارجہ کے ذریعے اس ورکنگ گروپ کے 20سے 29ستمبر 2021کو ہونے والے 125ویں اجلاس کی رپورٹ موصول ہو گئی ہے ۔ ورکنگ گروپ کی جانب سے بتایا گیا ہے کہ لاپتہ افراد قومی کمیشن کی جانب سے بھیجی گئی رپورٹس کی بنیاد پر پاکستان کے خلاف 13کیسز کو فہرست سے خارج کر دیا گیا ہے جبکہ 15لاپتہ افراد جو کہ افغانی ہیں اور 1985سے 1990کے دوران لاپتہ ہوئے تھے یہ کیسز لاپتہ افراد قومی کمیشن ، وزارت داخلہ کی جانب سے جمع کرائی گئی رپورٹس اور وزارت خارجہ اور جنیوا میں پاکستان کے مستقل مشن کی کوششوں سے افغانستان کی جانب منتقل کر دیئے گئے ہیں۔

کراچی :امریکی این جی او کی ڈونیشن کے پاکستان میں چرچے،اطلاعات کے مطابق امریکہ کی ایک بڑی این جی او جو کہ پاکستان میں خدمت خلق کےحوالے سے کام کرنا چاہتی تھی اور اس سلسلے میں اس این جی او کا یہ پروگرام تھاکہ وہ پاکستان کے کسی پسماندہ علاقے میں عوام الناس کی خدمت کرے لیکن یہ این جی اور چڑھ گئی کسی اور کے ہتھے،

اطلاعات ہیں کہ امریکہ کی ایک بڑی این جی او پاکستان میں چھ کروڑ ڈالر کی ڈونیشن دینا چاہتی تھی , صدر عارف علوی نے اس ڈونیشن کو پہلے دانتوں کے شعبے کے لئے مخصوص کروایا اور پھر اس ڈونیشن کو کھینچ تان کر اپنے بیٹے اواب علوی کی سربراہی میں چلنے والے اپنے ذاتی ڈینٹل کلینک کے سپرد کرا دیا ,

اس حوالے سے مزید معلوم ہوا ہے کہ اس سارے پروسیجر کو مکمل کرنے کےلیے حکومتی ذرائع استعمال کیے گئے جس کے بعد اتنی خطیر رقم کے عوض پاکستان میں کچھ کرنے کا عہد کیا گیالیکن بدقسمی ہے کہ امریکی این جی او کی یہ بڑی امداد کسی ایسی شخصیت کے ہتھے چڑھ گئی جس کا باپ اس وقت ملک کا صدر ہے

اسلام آباد÷کابل ÷ دہلی:افغانستان کی امداد کیلیے پاکستانی پیشکش پر بھارت عجیب کشمکش میں‌ گرفتار،اطلاعات کے مطابق افغانستان کیلئے پاکستان کے راستے بھارت سے گندم اور ادویات لے جانے کی منظوری دے دی گئی۔

پاکستان کی طرف سے بھارت کو افغانستان کے ساتھ معاشی روابط کی پیش کش کے جہاں کچھ مثبت اثرات سامنے ائے ہیں‌ وہاں کچھ اس کے بھارت پر بھی بظاہر اچھے نہیں ہیں‌، یہ وجہ ہے شاید کہ پاکستانی جذبہ خیرسگالی پر بھی سیاست کرتے ہوئے بھارت نےواویلا شروع کر دیا ہے۔ افغانستان کےلئےراہداری ‏دینے کے پاکستانی فیصلے پر بھارت کا پروپیگنڈا جاری ہے۔

ادھر اس حوالے سے پاکستانی حکام کا کہنا ہے کہ بھارت افغانستان کو گندم بھارتی ٹرکوں میں اپنےعملےکےساتھ بھجوانےپر بضد ہے اس حوالے سے نئی دہلی ‏حکومت کا کہنا ہے کہ گندم بھارتی ٹرکوں کےذریعے بھارتی ڈرائیور کےساتھ جائےگی، ساتھ ہی بھارت نے دھمکی دے دی ہے کہ اگر ان ٹرکوں کو یا ٹرک ڈرائیورز کو کچھ نقصان پہنچا تو اس کا ذمہ دارپاکستان اور صرف پاکستان ہی ہوگا

بھارت کے الزامات پر پاکستان نے بھارت کو ایک بڑی پیش کش کی ہے ،پاکستان نے گندم کیلئےعالمی ادارہ خوراک کے تعاون کی پیشکش کرتے ہوئے کہا ہے کہ عالمی ادارہ خوراک ‏نے گندم کی ترسیل وتقسیم پرآمادگی ظاہر کی ہے ، پاکستان کا کہنا ہےکہ پاکستان کے راستے بھارت ڈبلیوایف پی کے ٹرکوں سےگندم افغانستان لے جا سکتا ‏ہے بھارت 30 روز میں گندم افغانستان بھجوائے پاکستان تیارہے۔

پاکستان کے وزارت خارجہ کے ذرائع کا کہنا ہے کہ پاکستانی پیشکش پر بھارت نےعالمی ادارہ خوراک سے ابھی تک رابطہ نہیں کیا پاکستان بھارتی ٹرکوں کواپنی سرزمین پر ‏داخلے کی اجازت نہیں دےسکتا، پاکستان نےافغان ٹرکوں کےاستعمال کابھارتی مطالبہ بھی مستردکر دیا ہے۔ایف ‏بی آر اور کسٹمز نے افغان ٹرانسپورٹیشن کی استعداد کو ناکافی قرار دیا ہے۔

دفترخارجہ کا کہنا ہے کہ افغانستان کی درخواست پر پاکستان نے راہداری کی اجازت دی، بھارت جلدافغانستان ‏کیلئے گندم پاکستانی راستےسےبھیجنےکابندوبست کرے بھارت پاکستان کی مخلصانہ پیشکش کوسیاست کی نذر ‏نہ کرے۔دوسری طرف افغان حکومت نے پاکستان کے ذریعے بھارتی گندم اور ادویات پر پاکستانی اقدامات پر اطمنان کا اظہارکیا ہے اور کہا کہ امید ہے کہ یہ تجارت کامیاب رہے گی

دبئی :متحدہ عرب امارات کے قومی دن کے موقع پر دبئی ایکسپو 2020 میں داخلہ مفت:سُن کردوڑیں لگ گئیں‌،اطلاعات کے مطابق دبئی میں عالمی نمائش ‘ایکسپو 2020’ جاری ہے،کل 2 دسمبر کو متحدہ عرب امارات (یو اے ای)کے قومی دن پر نمائش میں داخلہ مفت کردیا گیا ہے۔

یاد رہے کہ اس سال یکم اکتوبر سے شروع ہونے والی دبئی ایکسپو 31 مارچ 2022 تک جاری رہےگی، ایکسپو میں پاکستانی پویلین کو بھی خوب پذیرائی مل رہی ہے۔دنیا کے سب سے بڑے تجارتی اور تفریحی شوکہے جانے والی ایکسپو میں سیاحوں کی گرم جوشی دیدنی ہے، ہر طرف منفرد اور اعلیٰ معیار کے پویلین ہیں جہاں سیاحوں کا تانتا بندھ چکا ہے۔

کل 2 دسمبر کو یو اے ای کے قومی دن کے موقع پر منتظمین نے تمام افراد کے لیے ایکسپو میں فری داخلےکا اعلان کیا ہے۔

خیال رہےکہ دبئی ایکسپو 2020 کا ٹکٹ 95 درہم (تقریباًساڑھے4 ہزار پاکستانی روپے) رکھا گیا ہے جو کہ ایک مہینےکے لیےکارآمد ہے۔ایکسپو انتظامیہ کے مطابق 18 سال اور اس سے زائد افراد کو داخلےکے لیے کورونا ویکسینیشن کا ثبوت اور 72 گھنٹے کے اندر لیا گیا کورونا پی سی آر ٹیسٹ کا منفی نتیجہ دکھانا ہوگا۔

خیال رہے کہ دبئی ایکسپو 2020 میں 192 ممالک سمیت دنیا بھر کی بڑی کمپنیاں شرکت کررہی ہیں، اس بار تمام ممالک کو اپنے اپنے پویلین لگانے کی اجازت دی گئی ہے۔ ایکسپو میں پاکستانی پویلین ‘پاکستان کے پوشیدہ خزانے’ کی تھیم کے ساتھ موجود ہے جس کو خوب پسند کیا جارہا ہے اور اسے پاکستانیوں سمیت دنیا بھر سے آئے سیاح اور کاروباری افراد سراہ رہے ہیں۔

پاکستانی پویلین ایکسپو کے سب سے زیادہ دیکھے جانے والے پویلین میں سے ایک بن چکا ہے۔ پاکستانی پویلین کو 8 حصوں میں تقسیم کیا گیا ہے، جہاں پاکستانی ثقافت، سیاحت، تجارت اور ذائقے دار پکوان ملک کی نمائندگی کررہے ہیں۔

پاکستانی پویلین میں آنے والوں کو پاکستان کو درپیش ماحولیاتی چیلنجز سمیت بلین ٹری سونامی منصوبے سے متعلق معلومات بھی فراہم کی جارہی ہیں۔

واضح رہے کہ 2 دسمبر ء 1971 کو یو اے ای حکام نے متحدہ عرب امارات بنانے کے لیے ایک اتحاد کے معاہدے پر دستخط کیے جس کے ذریعے الگ الگ ریاستوں کو ایک ترقی پسند قوم میں تبدیل کیا۔

اس قومی دن کو شہر بھر میں بہت شاندار طریقے سے منایا جاتا ہے۔ جشن منانے کے لئے ملک کے ہر کونے کو متحدہ عرب امارات کے جھنڈے سے سجاتے ہیں شاپنگ مال ، فلک بوس عمارتں ، ساحلوں اور پارکیں سرخ ، سفید ، سبز اور سیاہ رنگ سے مزین اور شاندار انداز میں سجے ہوئے دیکھیں ثقافتی سرگرمیوں ، بیرونی تفریح اور براہ راست تقریبات سے لطف اندوز ہونے کے ساتھ ساتھ حیرت انگیز خریداری، خصوصی رعایتیں ، ریفل انعامات اور بہت سے فائدے اٹھائیں۔