کراچی :کراچی کے مختلف علاقوں میں زلزلے کے جھٹکے:لوگ اپنے گھروں سے باہر نکل آئے،اطلاعات کے مطابق کراچی کے مختلف علاقوں گلشن حدید، گڈاپ، آئی آئی چندریگر روڈ، گلستان جوہر، ملیر، کینٹ، اسکیم 33 سمیت دیگرعلاقوں میں بھی زلزلے کے جھٹکے محسوس کیے گئے۔
ابتدائی اطلاعات کے مطابق کراچی کے مختلف علاقوں میں زلزلے کے جھٹکوں کے باعث شہریوں میں خوف و ہراس پھیل گیا۔محکمہ موسمیات کا کہنا ہے کہ زلزلےکی شدت4.1 ریکارڈ کی گئی۔
گلشن اقبال، گلستان جوہر،گلشن حدید، آئی آئی چندریگر روڈ، ملیر، اسکیم33، صدر، گلزارہجری، پورٹ قاسم، قائدآباد اور اطراف کے علاقوں میں بھی زلزلے کے جھٹکے محسوس کیے گئے۔
لوگ کلمہ طیبہ کا ورد کرتے ہوئے گھروں سے نکل آئے۔ زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی ہے۔
اس سے قبل 21 اگست کو بھی شہر کے مختلف علاقوں میں زلزلے کے جھٹکے محسوس کیے گئے تھے۔ ریکٹر اسکیل پر زلزلے کی شدت 3.1 ریکارڈ کی گئی تھی زلزلہ پیمامرکز کا کہنا تھا کہ زلزلہ 15کلومیٹر گہرائی میں آیا اور مرکزکراچی سے72کلومیٹرشمال مشرق میں تھا۔
زلزلہ پیما مرکز کی جانب سے کراچی میں زلزلے کے حوالے سے کوئی تفصیل نہیں دی گئی تاہم سوش میڈیا پر صارفین کی جانب سے زلزلے کی اطلاعات سامنے آئی ہیں۔
