Tag: پاکستان

پاکستان اور بھارت کے درمیان کشیدگی کے تناظر میں نائب وزیراعظم اسحاق ڈار کی قیادت میں اہم وفد کل چین کا دورہ کرے گا۔

ذرائع کے مطابق اس دورے کا مقصد خطے کی موجودہ کشیدہ صورتحال پر چینی قیادت کے ساتھ مشاورت کرنا ہے اس وفد میں مختلف حکومتی حکام شامل ہوں گے جو علاقائی امن و استحکام کے حوالے سے بات چیت کریں گے۔

اس دورے کے دوران افغان وزیر خارجہ بھی چین میں موجود ہوں گے، جو منگل کے روز چین میں قیام کریں گے۔ اس طرح یہ ملاقات علاقائی سیاسی صورتحال اور باہمی تعاون کو مضبوط بنانے میں اہم کردار ادا کرے گی۔

رواں سال جنوری سے اب تک 141 دہشتگرد کارروائیوں کو ناکام بنایا، ایف سی بلوچستان

کشیدہ صورتحال میں پاکستانی قوم کندن بن کر نکلی ہے،محسن نقوی

پاکستان ہمیشہ زندہ باد ، تجزیہ : شہزاد قریشی

تجزیہ شہزاد احمد قریشی

دنیا کے کسی بھی ملک کو بین الاقوامی سطح پر الگ تھلگ کر دینا ایک حکمت عملی ہے، جنگ کے بعد اب پاکستان اور بھارت اسی حکمت عملی پر عمل کرتے ہوئے عالمی دنیا میں اپنا مقدمہ پیش کرنے جا رہے ہیں ،سمجھ میں نہیں آتا بھارت عالمی دنیا کو کونسے ثبوت فراہم کرے گا، جو حالیہ پہلگام میں ہونے والی دہشت گردی کے ثبوت پاکستان اور دنیا کو فراہم نہ کر سکا، وہ اب عالمی دنیا کو پاکستان کے خلاف کونسے ثبوت فراہم کرے گا؟ جبکہ پاکستان میں ہر دہشت گردی کے پیچھے بھارت کا ہاتھ ہے، جعفر ایکسپریس ٹی ٹی پی کی دہشت گردانہ کارروائیوں، بی ایل اے کی بلوچستان میں کاروائیوں، کلبھوشن کیس اور سانحہ جعفر ایکسپریس کیس کے ثبوت پاکستان کے پاس موجود ہیں، بھارت کا ماضی اور حال گواہ ہے کہ وہ پاکستان کے امن کو تباہ کرنے میں کردار ادا کرتا رہا ، اور کشمیر میں ریاست دہشت گردی کا خود ذمہ دار ہے، بھارت دہشت گردوں کی مالی پشت پناہی میں بھی ملوث ہے، پاکستان ہمیشہ اس پورے خطے میں امن کی کوشش کرتا رہا جبکہ بھارت اس خطے میں اپنی ٹھیکے داری قائم کرنے کے لیے خطے کے امن کو تباہ کرنے میں اپنا کردار ادا کرتا رہا، مودی حکومت کی یہ کوشش رہی ہے کہ پاکستان میں آنے والی تمام سرمایہ کار رک جائے، سی پیک تباہ ہو جائے ، خیبر پختونخواہ اور بلوچستان میں دہشت گردوں کا راج ہو اور پاکستانی فوج کے خلاف بغاوت ہو جائے مگر ایسا کچھ نہیں ہوا، بھارت کے تمام منصوبے دھرے کے دھرے رہ گے، نریندر مودی کو اس خطے کی چودھراہٹ کا شوق پورا نہیں ہو گا، مودی کو کون سمجھائے کہ اب صورتحال بدل چکی ہے دنیا کے سیاسی کھیل بدل چکے ہیں، دنیا اب معیشت کی طرف توجہ دے رہی ہے، پاکستان مستقبل میں معاشی طاقت بن کر ابھرے گا اور دنیا ہماری معیشت کی مثالیں دے گی، پاکستان کی ایٹمی صلاحیت پاک افواج کی پیشہ ورانہ مہارت کی بدولت پاکستان نے نریندر مودی کے ناپاک عزائم کو خاک میں ملا دیا، پاکستان کو دفاعی لحاظ سے مستحکم کرنے والے سیاسی اور فوجی حکمرانوں کے کردار کو نظرانداز نہیں کیا جا سکتا اس میں ایک کردار نواز شریف ہے، جہنوں نے بے پناہ دباو کے باوجود ایٹمی دھماکے کیے پاکستان کو دفاعی لحاظ سے مضبوط کرنے کے لیے اپنا کردار ادا کیا جو سنہری حروف میں لکھا جائے گا ، چین اور پاکستان کے مابین جے ایف تھنڈر کی پاکستان میں ہی تیاری کا کرشمہ ایٹمی دھماکوں سے لیکر پاکستان میں انفارمیشن ٹیکنالوجی اور سائبر صلاحیت کا نوجوانوں میں فروغ موٹروے کی صورت میں پاکستان فضائیہ کو لامحدود رن ویز کی دستیابی اور میزائل ٹیکنالوجی کے حصول میں نواز شریف کا کردار ہمیشہ یاد رکھا جائے گا، یاد رہے لیڈر ہمیشہ قوم اور ملک کے مستقبل بنانے پر اپنی توجہ دیتے ہیں، نواز شریف نے اپنی پاکستان قوم کا مستقبل بنانے میں اپنا کردار ادا کیا، موجودہ جنگی کامیابی میں جہاں دوسرے عوامل شامل تھے وہی سب سے بہترین کردار وزیر خارجہ اسحاق ڈار، اور وزارت خارجہ کے افسران کا رہا جہنوں نے دن رات عالمی دنیا کے سامنے پاکستان کا مقدمہ پیش کیا اب جب کہ بھارت اور پاکستان عالمی دنیا میں اپنا اپنا مقدمہ پیش کرنے جا رہے ہیں اس سلسلے میں وزارت خارجہ اور وزیر خارجہ کی قیادت میں وفود کو تشکیل دیا جائے، جنہیں بین الاقوامی بدلتی ہوئی سیاسی صورتحال کا ادراک ہو ) جس طرح جنگی ماحول کے دوران وزیر خارجہ اسحاق ڈار اور وزارت خارجہ کے افسران نے پاکستان کا مقدمہ پیش کیا ہے ایسے ہی لوگوں پر مشتمل ایک وفد تشکیل دیا جائے جو امریکہ یورپ اور دوسرے عالمی ملکوں میں جاکر اپنا مقدمہ پیش کریں، یاد رکھیے پاکستان اس وقت اپنی معیشت کو مستحکم کرنے کے لیے پاک چین راہ داری منصوبے پر تکیہ کیے بیٹھا ہے ہماری افواج داخلی، سلامتی اور امن و امان کے لیے دن رات ایک کیے ہوئے ہے، جبکہ سیاسی محاذ پر نواز شریف اپنا کردار ادا کر رہے ہیں، بھارت کا پاکستان مخالف ایک پروپیگنڈے کے سوا کچھ نہیں اور ہمیں اسکو اہمیت نہیں دینی چاہیے بلکہ اس کے جواب میں پاک فوج زندہ باد کا نعرہ لگانا چاہئے-

پاکستان کی سیکریٹری خارجہ آمنہ بلوچ نے بھارت کے ’’نیو نارمل‘‘ جیسے بیانات کو بے بنیاد قرار دیا –

اسلام آباد میں تعینات سفارتکاروں کو پاک بھارت تعلقات پر بریفنگ دیتے ہوئے سیکریٹری خارجہ کا کہنا تھا کہ پاکستان پرامن بقائے باہمی، مکالمے، سفارتکاری کو تنازع، کشیدگی پر ترجیح دیتا ہے،دونوں ممالک کے تعلقات میں صرف ایک نارمل ہے اور وہ خودمختاری کا احترام ہے۔

ترجمان دفتر خارجہ کا کہنا ہے کہ سفارتی نمائندوں کو 10 مئی کو ہونے والی جنگ بندی کے اطلاق اور پیشرفت سے آگاہ کیا گیا، خیر سگالی کے طور پر دونوں ممالک نے زیر حراست سیکیورٹی اہلکاروں کا تبادلہ کیا پاکستان رینجرز، بھارتی بارڈر سیکیورٹی فورس کے اہلکار ایک دوسرے کے حوالے کیےسیکریٹری خارجہ نےجنگ بندی میں کردار ادا کرنے والے دوست ممالک کا شکریہ ادا کیا۔

بھارت کا خود ساختہ امیج بے نقاب ہو چکا ہے،مشاہد حسین

گزشتہ ہفتے کے دوران زرمبادلہ کے سرکاری ذخائر میں بڑا اضافہ

عوام کل اللہ تعالیٰ کی بارگاہ میں سجدہ شکر بجا لائیں گے،عطااللہ تارڑ

مظفر آباد: وزیراعظم آزاد کشمیرانوارالحق نے بھارتی گولہ باری سےشہید اور زخمی ہونے والے افراد کےگھروں کا دورہ کیا۔

وزیراعظم آزاد کشمیرنے زخمی ہونے والوں میں چیک تقسیم کیے انہوں نے کہا کہ پاکستان کی مسلح افواج نے مودی کی جارحیت کا جوا ب بھرپورانداز میں دیا، شہری دفاع کی ضرورت جتنی بڑے شہروں میں ہے اتنی ہی ایل اوسی پربھی ہے،مستقبل کے چیلنجز سے نمٹنے کے لیے کارکردگی بہتر بنارہے ہیں۔

وزیر اطلاعات آزاد کشمیر مولانا مظہر سعید نے میڈیا بریفنگ میں بتایا تھا کہ لائن آف کنٹرول (ایل او سی) پر بھارتی فوج کی گولہ باری کے نتیجے میں اب تک 11 افراد شہید جبکہ 56 افراد زخمی ہو چکے ہیں شہدا میں 3 بچے اور 4 خواتین بھی شامل ہیں۔

مولانا مظہر سعید کا کہنا تھا کہ بھارتی حملوں کے بعد مجموعی شہادتوں کی تعداد 28 تک پہنچ چکی ہے، وادی نیلم کے دو دیہات سے 572 افراد کو محفوظ مقامات پر منتقل کر دیا گیا ہے، جب کہ 29 مکانات مکمل طور پر تباہ ہو گئے اور 206 کو جزوی نقصان پہنچا یا ایل او سی کے علاقوں میں خوراک اور ادویات کا مناسب ذخیرہ موجود ہے تاکہ متاثرین کو فوری امداد فراہم کی جا سکے۔

اسلام آباد:پاکستان میں تعینات آذربائیجان کے سفیر خضر فرہادوف نے وزیراعظم شہباز شریف سے ملاقات میں بھارت کی جارحیت کے خلاف آپریشن بنیان المرصوص کی کامیابی پر انہیں اور پوری پاکستانی قوم کو مبارکباد دی۔

وزیراعظم آفس سے جاری اعلامیے کے مطابق وزیراعظم شہباز شریف سے پاکستان میں تعینات آذر بائیجان کے سفیر خضر فرہادوف نے وزیراعظم ہاؤس اسلام آباد میں ملاقات کی، ملاقات کے دوران وزیراعظم نے جنوبی ایشیا میں حالیہ کشیدگی کے دوران پاکستان کے ساتھ غیر متزلزل یک جہتی اور حمایت پر صدر الہام علییوف کے ساتھ ساتھ آذربائیجان کے برادرعوام کا تہہ دل سے شکریہ ادا کیا اور کہا کہ یہ دونوں ممالک کے درمیان پائیدار دوستی کا عکاس ہے۔

آپریشن بنیان المرصوص کی کامیابی پر پاکستان کی بہادر مسلح افواج کو دل کی گہرائیوں سے سراہتے ہوئے وزیراعظم نے کہا کہ پاکستانی عوام اس تاریخی فتح پر اللہ تعالیٰ کے شکر گزار ہیں پاکستان ایک امن پسند ملک ہے اور اسی جذبے کے تحت بھارت کے ساتھ جنگ بندی پر آمادگی ظاہر کی ہے تاہم پاکستان مستقبل میں کسی بھی جارحیت کا سامنا کرنے کے لیے اپنی خودمختاری اور علاقائی سالمیت کے دفا ع کے لیے تیار ہے۔

قطر اور امریکا کے درمیان بوئنگ طیاروں کا سب سے بڑا تاریخی معاہدہ

پاکستان آذربائیجان تعلقات کے حوالے سے وزیراعظم نے دوطرفہ تعاون کے مثبت پیش رفت پر اطمینان کا اظہار کیا اور کہا کہ صدر علییوف کا گزشتہ جولائی میں پاکستان کا تاریخی دورہ، معیشت، تجارت اور سرمایہ کاری کے شعبوں میں تعاون کا ایک اہم سنگ میل ہے، وزیراعظم نے فروری 2025 میں اپنے دورہ باکو کا ذکر کرتے ہوئے برادرانہ تعلقات کو باہمی طور پر فائدہ مند اقتصادی شراکت دار ی میں تبدیل کرنے کی پاکستان کی مضبوط خواہش کا اعادہ کیا۔

آذربائیجان کے سفیر خضر فرہادوف نے وزیر اعظم اور پوری پاکستانی قوم کو تہہ دل سے مبارکباد دی،انہوں نے جنوبی ایشیا میں امن کے لیے پاکستان کی کوششوں کو سراہا اور کہا کہ صدر علییوف دونوں ممالک کے درمیان برادرانہ تعلقات کو بہت اہمیت دیتے ہیں۔

وزیراعظم اور انتونیو گوتریسں کا ٹیلیفونک رابطہ، امن کے وسیع تر مفاد میں جنگ بندی پر اتفاق

دونوں ممالک کی قیادت کے درمیان دستخط شدہ مفاہمت پر عمل درآمد میں پیشرفت کے بارے میں بات کرتے ہوئے خضرفرہادوف نےوزیراعظم کو دونوں دوست ممالک کے درمیان مشترکہ مفاد کے تمام شعبوں میں تعاون بڑھانے کے لیے اپنے مکمل عزم کا یقین دلایا۔