Tag: پاکستان

بھارتی میڈیا میں جعلی او ر گمراہ کن خبر یں چلائی گئیں کہ پاکستان نے 7 مئی کی رات بھارت کے متعدد فوجی اہداف کو نشانہ بنانے کی کوشش کی ہندوستان کی جانب سے آپریشن سندورکو انجام دینے کے بعد پاکستان کی جانب سے ڈرون حملوں کی کوشش کی گئی

بھارتی فوج کی جارحیت میں ناکامی اور لڑاکا طیاروں کی پاک فضائیہ کے ہاتھوں تباہی سے بھارتی میڈیا بدحواس ہے بھارتی میڈیا نے اپنی فوج اور حکومت کی ہزیمت کو چھپانے کیلئے نیا ڈرامہ شروع کردیا ہے،بھارتی میڈیا پر مقبوضہ کشمیر پر حملے کی خبریں فیک اور جھوٹ ہیں، ان فیک خبروں کو پھیلانے کا مقصد یہ ناکام اور جھوٹا تاثر پیدا کرنا ہے کے پاکستان بھی بھارت پر حملہ کر رہا ہے.ان جھوٹی خبروں کو پھیلا کر بھارت پاکستان پر اپنی ننگی جارحیت جاری رکھنے کا مسلسل جھوٹا جواز پیدا کرنا چاہتا ہے،ان جھوٹی اور من گھڑت خبروں میں کوئی صداقت نہیں،

بھارتی میڈیا پر دکھایا جا رہا ہے کہ پاکستان کی جانب سے شمالی اور مغربی ہندوستان کے اونتی پورہ، سری نگر، جموں، پٹھانکوٹ، امرتسر، کپورتھلا، جالندھر، لدھیانہ، آدم پور، بھٹنڈا، چندی گڑھ، نال، پھلود ی ، اترلائی اور بھوج میں فوجی اہداف کو نشانہ بنانے کی کوشش کی گئی۔ اس میں ڈرون اور میزائلوں کا استعمال کیا گیا پاکستانی ڈرون اور میزائلوں کو انٹیگریٹڈ کاؤنٹر یو اے ایس گرڈ اور ایئر ڈیفنس سسٹم کے ذریعے بے اثر کیا گیا۔ ان حملوں کا ملبہ اب متعدد مقامات سے برآمد کیا جا رہا ہے جو پاکستانی حملوں کو ثابت کرتے ہیں۔یہ سب فیک نیوز ہیں جو بھارتی میڈیا دے رہا،

علاوہ ازیں پاکستان کے بھارت کو منہ توڑ جواب پر مقبوضہ کشمیر کی کل جماعتی حریت کانفرنس کا ردعمل آیا کل جماعتی حریت کانفرنس کی جانب سے جاری بیان میں کہا گیا ہے کہ پاکستان کے بھارت کو منہ توڑ جواب سے کشمیریوں کے حوصلے بلند ہوئے ہیں۔

بیان میں بھارت کے بزدلانہ حملوں کی مذمت کرتے ہوئے کہا گیا کہ کشمیری پاک فوج کو اپنا محافظ تصور کرتے ہیں، پاکستان پربھارتی میزائل حملے مودی حکومت کے ہندو توا ایجنڈے کا تسلسل ہیں، رات کی تاریکی میں پاکستانی شہریوں پر میزائل حملوں نے بھارت کا دہشتگرد چہرہ بے نقاب کردیابھارت کشمیریوں کی تحریک آزادی،پاکستان کوبدنام کرنے کے لئے فالس فلیگ آپریشن رچاتاہے، اقوام متحدہ بھارت کو دہشتگرد ریاست قرار دے ،بھارت عالمی امن کےلئے خطرہ ہے۔

پاک بھارت جنگ/ بھارتی میڈیا کی فیک نیوز فیکٹری متحرک، پاکستان کی جانب سےبھارت پر میزائل حملے کا جھوٹ بے نقاب

ذرائع کا کہنا ہے کہ بھارتی فوج کی جارحیت میں ناکامی اور لڑاکا طیاروں کی پاک فضائیہ کے ہاتھوں تباہی سے بھارتی میڈیا بدحواس ہے
بھارتی میڈیا نے اپنی فوج اور حکومت کی ہزیمت کو چھپانے کیلئے نیا ڈرامہ شروع کردیابھارتی میڈیا پر دکھایا جا رہا ہے کہ پاکستان کی جا نب سے بھارتی پنجاب میں میزائیل فائر کیا گیا ہے-

ذرائع کا کہنا ہے کہ حقیقت یہ ہے کہ میزائل حملے کا ڈرامہ بھی پہلگام فالس فلیگ کی طرح ہے،میزائل پروجیکٹائل زمین پر موجود گھاس پر پڑاہے اور اس کے گرنے سے گھاس خراب نہیں ہوئی ہے،پہلے ہی یہ خبریں گردش میں ہیں کہ مودی بھارتی پنجاب میں فالس فلیگ کرکے الزام پاکستان پر لگا سکتا ہے-

دفاعی ماہرین کا کہنا ہے کہ بھارتی میڈیا اس طرح کا پروپیگنڈا کرکے دنیا کو گمراہ کرنے کی کوشش کر رہا ہے، بھارتی میڈیا مودی کے بھارتی سکھوں کو پاکستان کیخلاف ورغلانے کے منصوبے کا اہم کردار ہے، بھارتی میڈیا بغیر کسی ثبوت کے پاکستان پر الزام تراشی کو قومی فخر سمجھتا ہے-

پاک بھارت جنگ/ عالمی برادری کا پاکستان پر بھارتی جارحیت پر اظہارِ تشویش

عالمی برادری نے بھارت کی پاکستان میں جاری اشتعال انگیزیوں پر شدید تحفظات کا اظہار کیا،بین الاقوامی سطح پر پاکستان کے دفاعی اقدامات کو سراہا گیا،بین الاقوامی تجزیہ کاروں نے بھارت کی خطے کو غیر مستحکم کرنے کی کوششوں پر سخت تنقید کی-

ایسوسی ایٹ پروفیسر یونیورسٹی ایٹ آلبانی کرسٹوفر کلیری نے پاکستان کے ذمہ دار کردار کی حمایت کی،کہا کہ بھارت کے ممکنہ فضائی نقصانات کو مدنظر رکھتے ہوئے، پاکستان کا جوابی اقدام مکمل اور مؤثر ہے-

سابق امریکی سفارتکار الزبتھ تھریلکیڈ نے پاکستان کے ذمہ دارانہ کردار کو سراہا،کہا کہ پاکستان نے بھارتی جنگی طیارے مار گرا کر اپنی عسکری صلاحیتیوں کو ثابت کیا، عالمی برادری پاکستان کی کشیدگی کم کرنے کے اقدامات کی حوصلہ افزائی کرے-

چین کے سیاسی تجزیہ کار ژانگ ہی چینگ نے پاکستان کی بھرپور حمایت کی،کہا کہ پاکستان ہمیشہ سے امن کا خواہاں رہا ہے اور وہ اپنی قومی خودمختاری اور مفادات کا بھرپور دفاع کرے گا، اب وقت آ گیا ہے کہ پاکستان کی قوت کو تسلیم کیا جائے اور بے بنیاد دعوؤں سے گریز کیا جائے-

امریکی ادارے سی این این نے کہا کہ پاکستان کی مضبوط اور پُرعزم قیادت نے دور اندیش فیصلے کیے ہیں، پاکستان نے بروقت دفاعی اقدامات اٹھا کر دنیا بھر میں اپنی عسکری طاقت کا لوہا منوایا ہے،بھارتی فوج کو پیچھے چھوڑتے ہوئے پاکستانی فوج دنیا کی سب سے طاقتور افواج میں شامل ہو گئی ہے-

سکھ رہنما ہرجیت سنگھ نے کہا کہ بھارت سے ہوشیار رہیں، یہ سکھوں کے شہر پنجاب پر حملہ آور ہو کر الزام پاکستان پر لگا سکتا ہے-

دفاعی ماہرین کا کہنا ہے کہ پاکستان کے دفاعی اقدامات کو ذمہ دارانہ اور مؤثر قرار دیا گیا،پاکستان کا بھارتی طیارے مار گرانا اس کی عسکری برتری کا ثبوت سمجھا جا رہا ہے، عالمی برادری نے پاکستان کو امن کے لیے سنجیدہ فریق تسلیم کرنے کی بھی تجویز دی ،بھارت کی فضائی ناکامیوں نے اس کی فوجی صلاحیتوں پر سوالات اٹھا دیے-