افواج پاکستان سے اظہار یکجہتی کیلئے مختلف شہروں میں ریلیاں نکالی گئیں۔

باغی ٹی وی : 9 مئی کو عمران خان کی گرفتاری کے بعد ملک میں جلاؤ گھیراؤ اور پُرتشدد احتجاج کے بعد فوجی تنصیبات کو بھی نقصان پہنچایا گیا9 مئی کے قابل مذمت واقعات کے بعد سے افواج پاکستان کے حق میں ریلیاں نکالے جانے کا سلسلہ جاری ہے۔ وفاقی دارالحکومت اسلام آباد سمیت مختلف شہروں میں آج بھی فوج کے حق میں مظاہرے کیے گئے۔

باجوڑ میں بھی پاک فوج کے ساتھ اظہار یکجہتی کیلئے ریلی کا انعقاد

پاکستان مسلم لیگ ق سمیت مختلف چھوٹی بڑی جماعتوں اور انجمنوں کی جانب سے افواج پاکستان کے حق میں منعقدہ ریلیوں میں پاک فوج زندہ باد کےنعرے لگانے کے ساتھ سیکیورٹی فورسز کے شہدا کو خراج عقیدت اور غازیوں کو خراج تحسین پیش کیا گیا۔

بہاولنگر میں بھی پاک فوج کے ساتھ اظہار یکجہتی کے لئے سماجی رہنماء رانا بختاور کی قیادت میں ریلی کا انعقاد کیا گیا۔ ریلی میں سول سوسائٹی کی بڑی تعداد نے شرکت کی۔ شرکاء نے پاک فوج زندہ باد کے فلک شگاف نعرے لگائے۔

ادھر پشاور میں پاک فوج اور سیکیورٹی اداروں کے ساتھ اظہار یکجہتی کے لئے عوام نے ہشت نگری سے ریلی شروع کی ریلی کے شرکاء نے پولیس کو ہار پہنائےاور پھول کی پتیاں نچھاورکیں ریلی کے شرکاء نے پاکستانی پرچم تھام کر فوج اور پولیس کے حق میں نعرے لگائے۔

کراچی: پاک فوج سے اظہارِ یکجہتی کیلئے ایک ہزار افراد پر مشتمل کار ریلی

دوسری طرف آزاد کشمیر کے ضلع حویلی میں کہوٹہ کے مقام پر انتظامیہ ، پولیس اور سرکاری ملازمین نے پاک فوج سے اظہار یکجہتی ریلی نکالی پاک فوج زندہ باد ریلی میں سرکاری ملازمین، ریٹائرڈ فوجیوں، بلدیاتی نمائندوں، تاجروں، طلباء اور سول سوسائٹی کے نمائندوں کی بڑی تعداد نے شرکت کی ریلی میں شریک افراد نے فوج کے حق میں نعرے بازی کی۔ شرکاء نے مختلف بینرز اٹھا رکھے تھے جن پر پاک فوج زندہ باد کے نعرے درج تھے۔

مقررین نے خطاب کرتے ہوئے کہا کہ ہم پاک فوج کے شانہ بشانہ کھڑے ہیں، حالیہ واقعات کی وجہ سے دشمن کو پروپیگنڈے کا موقع مل رہا ہےعوام پاک فوج کے شانہ بشانہ کھڑے ہیں، شہداء اور غازیوں کی قربانیاں رائیگاں نہیں جائیں گی۔ عوام پاک فوج کے ہر حکم پر لبیک کریں گے اور خون کا آخری قطرہ دینے کیلئے تیار ہیں۔

کچھ لوگ9 مئی کے واقعات پر مذمتی بیان دےکر پارٹی سے لاتعلقی کا اعلان کریں …

اسلام آباد ہائیکورٹ، رہنما تحریک انصاف ملیکہ بخاری کے شوہر اسد خان نے میڈیا سے گفتگو کرتے ہوئے کہا کہ ہم بیرون ملک سے 4 سال پہلے پاکستان آئے، ہم پاکستان اچھے کام کرنے کیلئے آئے تھے،ہم ریاست اور ریاستی اداروں کیخلاف پرتشدد واقعات کی مذمت کرتے ہیں،ملیکہ بخاری سے ملاقات ہوئی، انہوں نے بھی پرتشدد واقعات کی مذمت کی، پرتشدد مظاہروں میں شامل افراد کیخلاف قانون کے مطابق کارروائی ہونی چاہیے، ہمیں ملک کی سرحدوں کی حفاظت کیلئے مضبوط فوج کی ضرورت ہے، ملیکہ بخاری پر دوران حراست کسی قسم کا تشدد نہیں ہوا، ملیکہ بخاری کے حوصلے بلند تھے،جیل انتظامیہ بھی کافی مددگار رہی،

دوسری جانب اسلام آباد ہائیکورٹ نے ملیکہ بخاری کی نظر بندی کالعدم قرار دیتے ہوئے انہیں فوری رہا کرنے کا حکم دیا ہے، اسلام آباد ہائیکورٹ کے جسٹس میاں گل حسن اورنگزیب نے ملیکہ بخاری اور تحریک انصاف کے رہنما علی محمد خان کی نظربندی کے خلاف دائر درخواست پر سماعت کی عدالت نے دونوں رہنماؤں کی نظربندی کالعدم قرار دیتے ہوئے ان کی فوری رہائی کا حکم جاری کیا ہے،

عمران خان کی گرفتاری کے بعد پولیس نے تحریک انصاف کے متعدد رہنماؤں کو نقص امن کے خدشے کے پیش نظر گرفتار کیا، گرفتار رہنماؤں کو مختلف جیلوں میں رکھا گیا ہے،

پاکستان میں توقع سے بڑھ کر پیار ملا، بھارتی برج ٹیم کے کپتان کی پریس کانفرنس

برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں کا شاہی قلعہ کا دورہ

برج گیم میں جوا اور پیسے نہیں لگتے:برج پلیئرغیاث ملک ، جہانگیر اور سعید اختر

برج فیڈریشن آف ایشیا اینڈ مڈل ایسٹ چیمپئن شپ، بھارتی ٹیم لاہور پہنچ گئی

دوسری جانب سٹرکٹ اینڈ سیشن کورٹس اسلام آباد ،پی ٹی آئی رہنما شیرین مزاری اور فلک ناز کو جوڈیشل مجسٹریٹ کی عدالت پیش کر دیا گیا شیریں مزاری اور فلک ناز کو تھانہ ترنول میں درج مقدمہ میں گرفتار کیا گیا جوڈیشل مجسٹریٹ شبیر بھٹی نے شیریں مزاری اور فلک ناز کو کیس سے ڈسچارج کر دیا

شیریں مزاری اور فلک ناز کے خلاف اقدام قتل اور اسلحہ لہرانے کی درفعات کے تحت درج مقدمہ میں گرفتار کیا گیا تھا ،شیریں مزاری کا کہنا تھا کہ ہائیکورٹ کی جانب سے رہائی کا حکم دیا گیا اور اڈیالہ جیل کے دوسرے گیٹ سے دوبارہ گرفتار کیا گیا،ڈپلومیٹک انکلیو اور تھانہ سکرٹریٹ میں رکھا گیا ،جوڈیشل مجسٹریٹ شبیر بھٹی نے تحریری فیصلہ جاری کر دیا پولیس کی جانب سے شیریں مزاری اور فلک ناز کا 3,3 روزہ جسمانی ریمانڈ کی استدعا کی گئی

باغی ٹی وی کی رپورٹ کے مطابق قومی اسمبلی کا اجلاس جاری ہے، اجلاس کی صدارت سپیکر راجہ پرویز اشرف کر رہے ہیں

اجلاس میں اظہار خیال کرتے ہوئے اپوزیشن لیڈر راجہ ریاض کا کہنا تھا کہ عمران خان نے افواج پاکستان کے خلاف سازش کی،ان کیخلاف آرمی ایکٹ کے تحت مقدمہ درج ہونا چاہئے انہوں نے وہ کچھ کردیا جو آج تک بھارت نہیں کر سکا اس شخص کو دیکھ کر ویلکم کہا جاتا ہے،عمرانی فتنے نے وہ کام کر دکھا جو دشمن نہیں کر سکا ، راجہ ریاض کا مزید کہنا تھا کہ شرپسندوں نے کور کمانڈر کے گھر کو جلایا،ہمارے جہازوں کوبھارت آج تک گرا نہیں سکا،آج ملک دشمنوں اورغداروں نے طیاروں کو آگ لگا دی انہوں نے ریڈیو سٹیشن پشاور کو آگ لگا دی، عمران خان کے خلاف کاروائی ہونی چاہئے ورنہ یہ نہیں رکیں گے ، ملک کا نقصان ہو رہا ہے

وزیر دفاع خواجہ آصف کا کہنا تھا کہ عدلیہ کی جو حدود طے ہیں انکی وائلیشن ہو رہی ہے، فیصلے سیاسی ہو رہے ہیں، چار تین کا فیصلہ آیا ہوا ہے، اس فیصلے کی خلاف ورزی کی گئی،یہ فیصلہ نہیں، اسکی کوئی آئینی وقعت نہیں، فرد واحد امپوز کر رہا ہے، اسکے زریعے عمران خان کو ریلیف اور ایک فتنے کو ہوا دی جا رہی ہے، وقت آ گیا ہے کہ پارلیمنٹ اپنی آئینی اختیارات کا استعمال کرے، میں نے جو بتایا ہے یہ ہمارے جج صاحبان تین دو والے مس کنڈکٹ کے زمرے میں آتے ہیں،پارلیمنٹ کو سپریم جو ڈیشل کونسل کو ریفرنس بھیجنا چاہئے،آئین میں جو درج ہے اس پر عمل ہونا چاہئے، آئین اور قانون ہمیں جو اختیارات دیتا ہے ان کا استعمال کیا جائے، وقت ہے ورنہ پچھتائیں گے، وزیر قانون میرے ساتھ بیٹھے ہیں،اب پرچے نہیں فیصلے لیک ہو رہے ہیں، پرچہ لیک ہو تو نیا پرچہ ہوتا، فیصلہ لیک ہوا، طارق رحیم نے جو بتایا وہی فیصلہ ہوا، اس فیصلے کو بدلنا چاہئے، میں نام لینا معیوب سمجھتا ہوں ججوں کا لیکن انہوں نے مجبور کر دیا ہے، پی ٹی آئی کا صدر ابھی تک یقین نہیں آتا کہ اسکو بنا دیا گیا ہے،ججز انصاف کرنے بیٹھے ہیں لوگوں کو خوش کرنے یا تعویز دھاگہ دینے کے لئے نہیں، پاکستان کی 75 سالہ تاریخ میں انصاف اتنا رسوا نہیں ہوا تھا جتنا اب ہوا ہے،کرسی کو کوئی داماد، کوئی ساس کے لئے استعمال کر رہا ہے ، کرسی آپکو آئین نے سسٹم نے دی ہوئی ہے، اس سسٹم، آئین کا پاس کریں، اس کو امانت کے طور پر لے کر چلیں، آپ نے انصاف کرنا ہے اور انصاف بہت بڑی خوبی ہے،آپ عدل کا مزاق اڑا رہے ہیں، کس طرح روند رہے ہیں،

عمران خان کی گرفتاری کے بعد کور کمانڈر ہاؤس لاہور میں ہونیوالے ہنگامہ آرائی میں پی ٹی آئی ملوث نکلی

 بشریٰ بی بی کی گرفتاری کے بھی امکانات

نواز شریف کو سزا سنانے والے جج محمد بشیر کی عدالت میں عمران خان کی پیشی 

 مراد سعید کے گھر پر پولیس نے چھاپہ

اوریا مقبول جان کو رات گئے گرفتار 

وزیراعظم شہباز شریف کور کمانڈر ہاؤس لاہور پہنچ گئے