Tag: پشاور

پشاور: کے پی کے محکمہ ٹرانسپورٹ نے ڈرائیونگ لائسنس ہولڈر کے لیےکے پی ٹرانسپورٹ(KP Transport) کے نام سے ایپ متعارف کرادی۔

باغی ٹی وی: ایپ میں رجسٹریشن کرنے والا لائسنس ہولڈر اپنے لائسنس کی تصدیق کرسکےگا، محکمہ ٹرانسپورٹ کی ڈرائیونگ لائسنس ہولڈر کے لیےکے پی ٹرانسپورٹ کے نام سے متعارف کرائی گئی ایپ کو گوگل پلے اسٹور سے باآسانی ڈاؤن لوڈ کیا جاسکتا ہے۔

ایپ میں رجسٹریشن کرنے کے بعد لائسنس ہولڈر اپنا شناختی کارڈ نمبر درج کرکے اپنے لائسنس کی تصدیق کرسکتا ہے جب کہ لائسنس ہولڈر کی تصویر کے ساتھ ساتھ لائسنس کی پوری معلومات بھی اسکرین پر آجائی گی، ایپ میں فیس ٹریکنگ، ڈرائیونگ ٹیسٹ، تھیوری ٹیسٹ، لرنر ایپلیکیشن، ایپلیکیشن انکوائری اور لائسنس سینٹر سمیت دیگر اہم معلومات بھی شامل ہیں۔

وفاقی وزیر داخلہ کی اووربلنگ کیخلاف کریک ڈاؤن کرنے کی ہدایت

وزیراعظم کی زیر صدارت وفاقی وزرا کا اجلاس،آئی ایم ایف معاہدے کا جائزہ لیا …

غلام نبی میمن دوسری مرتبہ آئی جی سندھ تعینات

پشاور: خیبرپختونخوا حکومت نے مقبوضہ فلسطین کے علاقے غزہ کے شہریوں کیلئے مالی امداد کا اعلان کردیا۔

باغی ٹی وی :مشیراطلاعات خیبرپختونخوا بیرسٹرمحمد علی سیف نے کہا کہ وزیراعلیٰ علی امین گنڈاپور نے فلسطینیوں کیلئے 10 کروڑ روپے امداد کا اعلان کیا ہے،امدادی رقم سے غزہ کے فلسطینی عوام کیلئے اشیائے ضروریہ فراہم کی جائے گی، جلد فلسطینی سفیر کو دعوت دے کر امداد ی رقم حوالے کی جائے گی، خیبرپختونخوا حکومت غزہ کے مظلوم فلسطینیوں کےساتھ کھڑی ہے۔

واضح رہے کہ غزہ کے الشفاء ہسپتال پر اسرائیلی فوج کا دوسرا بڑا حملہ پچھلے پیر کے روز سے شروع ہو کر ہفتے کے روز بھی جاری رہا ہے ہفتہ کے روز اسرائیلی فوج نے اعلان کیا کہ ہسپتال پر اس کے ایک طویل اور بڑے حملے کے دوران اب تک اس نے 170 فلسطینیوں کو ہلاک کیا ہے، اسرائیلی فوج نے ان فلسطینیوں کو بندوق بردار قرار دیا ہے۔

اسرائیلی فوج غزہ کے ہسپتالوں، مسجدوں، سکولوں سے لے کر اقوام متحدہ کے ذیلی مراکز کو اب تک کئی بار اپنے حملوں کا نشانہ بنا چکی ہے۔ الشفاء ہسپتال جو کہ غزہ کا سب سے بڑا ہسپتال قرار دیا جاتا ہے۔ اس میں جزوی طور پر علاج معالجے کی سہولت جاری تھی جس کا اب امکان اور بھی معدوم ہو گیا ہے اسرائیلی فوج نے اس کے اندر اور باہر ہر جگہ گولہ باری کی اور ہر چیز کو تہس نہس کرنے کے لیے جارحانہ انداز اختیار کیا۔

اسرائیلی فوج کا کہنا ہے کہ اس کے اندر حماس کے جنگجوؤں نے پناہ لے رکھی ہے اور اپنے ایک مرکز کے طور پر استعمال کر رہے ہیں۔ ہفتہ کے روز فوج کے جاری کردہ بیان کے مطابق پیر کے روز سے لے کر اب تک 800 افراد سے ہسپتال کے اندر پوچھ گچھ کی گئی ہے کہ آیا ان کا حماس یا کسی اور فلسطینی گروپ سے تعلق تو نہیں ہے۔

فوجی بیان کے مطابق 350 جنگجوؤں اور مشتبہ افراد کو گرفتار کر لیا گیا ہے۔ ہسپتال کے اندر اور باہر اسرائیلی فوج کی بھاری نفری بروئے کار ہے جبکہ اسرائیلی فوج کے ٹینک بھی پورے علاقے کو گھیرے میں لے کر جگہ جگہ کارروائیاں کر رہے ہیں فوج کا کہنا ہے کہ اس حملے کے دوران اب تک اس کے دو فوجی ہلاک ہوئے ہیں جبکہ اس نے حماس اور دوسرے جنگجوؤں کا اسلحہ اور انفراسٹرکچر تباہ کر دیا ہے۔

پشاور: خیبر پختونخوا اسمبلی کا اجلاس بلانے پر اسپیکر بابر سلیم سواتی نے محکمہ قانون سے رائے مانگ لی۔

باغی ٹی وی: اسپیکر خیبرپختونخوا اسمبلی نے محکمہ قانون سے پوچھا ہے کہ کیا گورنر کا اجلاس بلانا قانون کے مطابق ہے؟انہوں نے محکمہ قانون کو بھیجے گئے مراسلے میں لکھا کہ اسمبلی اجلاس بلانے کا گورنر کا آرڈر اپوزشن لیڈر عباداللہ ذاتی طور پر سیکرٹری کے دفتر میں پہنچایا، جو گورنر ہاوس سے خط و کتابت کا درست طریقہ کار نہیں، گورنر غلام علی نے خیبرپختونخوا اسمبلی کا اجلاس کل طلب کر رکھا ہے، جس میں مخصوص نشستوں پر منتخب خواتین اور اقلیتی نمائندوں نے حلف اٹھانا ہے۔

دوسری جانب پنجاب اسمبلی اجلاس میں مسلم لیگ ن کے رکن ذوالفقار علی شاہ نے اپنی ہی حکومت پر تنقید کرتے ہوئے بجٹ کو جعلی قرار دے دیا،بجٹ پر ہونے والے پنجاب اسمبلی اجلاس میں حکومتی رکن ذوالفقار علی شاہ کا کہنا تھا کہ جعلی بجٹ ہے، بار بار مکھی پرمکھی ماری جا رہی ہے، سانس نہیں آرہی، ہم بہت مشکل مراحل میں ہیں۔

ضلع خیبر کے علاقہ ملاگوری میں اشتہاری مجرم گرفتار

ذوالفقار علی شاہ کا کہنا تھا کہ جہاں ٹرانسپیرنسی نہ رکھنی ہو تو وہاں اتنی معلومات دے دی جاتی ہیں تاکہ ذہن کام ہی نہ کرے، ہم آئی ایم ایف کے سامنے لیٹے ہوئے ہیں، ذرائع آمدن کا درست استعمال کیا جائےہمیں سمجھایا جائے، پڑھایا جائےکہ ہم کیا کرنے آئے ہیں، ہمیں اندھیرے میں رکھ کر استحقاق مجروح کیا جا رہا ہےپنجاب اسمبلی اجلاس میں مسلم لیگ ن کے رکن ذوالفقار علی شاہ نے اپنی ہی حکومت پر تنقید کرتے ہوئے بجٹ کو جعلی قرار دے دیا۔

ترک مرکزی بینک نے شرخ سود میں اضافہ کر دیا

ذوالفقار علی شاہ کا کہنا تھا کہ جعلی بجٹ ہے، باربار مکھی پرمکھی ماری جا رہی ہے، سانس نہیں آرہی، ہم بہت مشکل مراحل میں ہیں، جہاں ٹرانسپیرنسی نہ رکھنی ہو تو وہاں اتنی معلومات دے دی جاتی ہیں تاکہ ذہن کام ہی نہ کرے، ہم آئی ایم ایف کے سامنے لیٹے ہوئے ہیں، ذرائع آمدن کا درست استعمال کیا جائےہمیں سمجھایا جائے، پڑھایا جائےکہ ہم کیا کرنے آئے ہیں، ہمیں اندھیرے میں رکھ کر استحقاق مجروح کیا جا رہا ہے۔

ایشائی ترقیاتی بینک کے کنٹری ڈائریکٹر کی آئی ایم ایف کیساتھ معاہدے پر مبارکباد

پشاور : خیبرپختونخوا کے شہر پشاور میں کورونا وائرس کے نئے ویریئنٹ جے این ون کے دو کیسز سامنے آئے ہیں،کورونا کے جے این ون ویریئنٹ کے پھیلاؤ کے پیش نظر ایڈوائزری جاری کردی گئی ہے۔

باغی ٹی وی : رپورٹس کے مطابق ڈائریکٹرجنرل ہیلتھ سروسز خیبرپختونخوا نے ڈسٹرکٹ ہیلتھ آفیسرز کو اس حوالے سے مراسلہ ارسال کیا ہے جس میں بتایا گیا ہےکہ خیبرمیڈیکل یونیورسٹی کے 2 ملازمین جے این ون وائرس سے متاثر ہوئے ہیں،مراسلے میں وائرس کے پھیلاؤ کو روکنےکے لیے اقدامات کرنےکی ہدایت بھی کی گئی ہے۔

ڈائریکٹر پبلک ہیلتھ ڈاکٹر ارشاد روغانی کا کہنا ہےکہ عالمی ادارہ صحت کے مطابق جے این ون ویریئنٹ کا پھیلاؤ 83 فیصد ہے،کورونا کے جے این ون ویریئنٹ سے شرح اموات کم ہے، وائرس سے متعلق پبلک ایڈوائزری بھی جاری کی ہے رواں سال صوبے میں کورونا سے متاثرہ 9 مریض سامنے آئے ہیں ،پشاور سے6 اور سوات سے کورونا کے 3 کیسز سامنے آئے ہیں۔

پشاور: خیبرپختونخوا کے مختلف علاقوں میں زلزلے جھٹکے محسوس کیے گئے۔

باغی ٹی وی : پشاور سمیت خیبرپختونخوا کے مختلف علاقوں میں زلزلے جھٹکے محسوس کیے گئے، لوگوں میں خو ف و ہراس پھیل گیا،لوگ کلمہ طیبہ کا ورد کرتے ہوئے گھروں سے باہر نکل آئے،زلزلہ پیما مرکز کے مطابق ریکٹر اسکیل پر زلزلے کی شدت 4.5 ریکارڈ کی گئی،زلزلہ پیمامرکز کے مطابق زلزلے کا مرکز کوہ ہندوکش میں 187 کلومیٹر کی گہرائی میں تھا۔

پی آئی اے ائیرہوسٹس بغیر پاسپورٹ ٹورنٹو پہنچ گئیں

گٹر کی صفائی کےدوران دم گھٹنے سے 2 واسا ملازمین جاں بحق

آسٹریلوی خاتون وزیرخارجہ نے اپنی سہیلی کے ساتھ شادی کر لی

وزیراعلی خیبرپختونخوا علی امین گنڈاپور نے ریحان زیب کے خاندان سے ملاقات کی ہے

اس موقع پر منسٹر سوشل ویلفیئر،عشر وزکوٰۃ مشال یوسفزئی بھی موجود تھے ۔وزیراعلیٰ کے پی علی امین گنڈا پور نے ریحان زیب شہید فیملی سے اظہار تعزیت کیا اور ایصال ثواب کیلئے دعا کی، وزیراعلیٰ کے پی علی امین گنڈاپور نے ریحان زیب شہید تینوں بھائیوں کے لیے سرکاری نوکریاں ،والد،والدہ اور بھائی کیلئے حج وعمرہ ،فیملی کیلئے اپنا گھر ،ورکر پیکج ، شہدا پیکج اور دیگر مراعات کا اعلان کیا، علی امین گنڈا پور کا کہنا تھا کہ تمام حکام کو احکاماتِ بھی جاری کئے ہیں کہ ریحان زیب شہید قاتلوں کو گرفتار کیا جائے اور سی ٹی ڈی ڈی آئی جی سے فیملی ملاقات کیلئے بھی کہا گیا ہے،

وزیراعلیٰ علی امین گنڈا پور کا کہنا تھا کہ میں نے وعدہ کیا تھا کہ انکی فیملی کے لیے آواز بنوں گا ،میں نے صدق دل سے تمام لیڈر شپ نوٹس میں لایا اور بھرپور مطالبہ بھی کیا باقی ٹکٹ میرے ہاتھ میں نہیں ہے ۔پی ٹی آئی رہنما یوسف دانش کا کہنا تھا کہ فیصلہ باجوڑ عوام نے کرنا ہے کہ وہ کس کو ووٹ دیتے ہیں اور ریحان زیب شہید فیملی فیصلہ کرے گا کہ وہ آزاد الیکشن لڑتے ہیں یا دستبردار ہوتے ہیں ۔

واضح رہے کہ ریحان زیب کو31 جنوری کو انتخابی مہم کے دوران قتل کیا گیا تھا،مقتول تحریک انصاف کے ٹکٹ ہولڈر کےخلاف الیکشن لڑ رہے تھے، ریحان زیب کے قتل کے بعد تحریک انصاف نے انہیں پارٹی کا حمایت یافتہ اُمیدوار قرار دیا اور پھر بیان ہٹا دیا تھا۔باجوڑ میں قتل کیے گئے آزاد امیدوار ریحان زیب نے ٹکٹ تقسیم پر سوال اٹھائے تھے، انہیں قومی، صوبائی اسمبلی کیلئے تحریک انصاف نے ٹکٹ نہیں دیا تھا، ریحان زیب بطور آزاد امیدوار قومی، صوبائی اسمبلی الیکشن میں حصہ لے رہے تھے۔قومی اسمبلی کے حلقے این اے 8 میں تحریک انصاف نے قومی اسمبلی کا پارٹی ٹکٹ گل ظفر خان کو جبکہ پی کے 22 میں ٹکٹ گل داد خان کو جاری کیا تھا۔ریحان زیب نے 12 جنوری کو خیبر پختونخوا حکومت میں کرپشن کا بھی انکشاف کیا تھا، ان پر چند روز سے تحریک انصاف سے منسلک ٹرول اکاؤنٹس سے تنقید کی جا رہی تھی۔

باجوڑ این اے 108 میں آزاد امیدوار ریحان زیب کے قاتل گرفتار نہ ہو سکے

پشاور: وزیراعلیٰ خیبر پختونخوا علی امین گنڈاپور نے بلین ٹری پلس منصوبہ شروع کرنےکا فیصلہ کیا ہے۔

باغی ٹی وی: پشاور میں علی امین گنڈاپور کی زیر صدارت محکمہ جنگلات کا اجلاس منعقد ہوا، جس میں علی امین گنڈاپور نے ہدایت کی کہ بلین ٹری پلس منصوبہ شروع کرنے کے لیے متعلقہ حکام ہوم ورک مکمل کریں، جنگلات کی کٹائی روکنے اور ریونیو بڑھانے کے لیے متعلقہ حکام لائحہ عمل تیار کریں۔

وزیراعلیٰ خیبر پختونخوا نے ہدایت کی کہ جنگلات کی غیر قانونی کٹائی کو روکنےکے لیے جرمانے کی رقم لکڑی کی قیمت سے زیادہ بڑھائی جائے، ٹمبر کی اسمگلنگ پر نظر رکھنے کے لیے چیک پوسٹس پر سی سی ٹی وی کیمرے نصب کیے جائیں۔

وزیر اعلیٰ خیبر پختونخوا علی امین خان گنڈاپور کی زیر صدارت امن و امان سے متعلق اہم اجلاس ہوا

چیف سیکرٹری اور آئی جی پی کے علاوہ دیگر متعلقہ حکام نے اجلاس میں شرکت کی،متعلقہ حکام کی جانب سے وزیر اعلیٰ کو صوبے میں امن و امان کی مجموعی صورتحال، چیلنجز، آئیندہ کے لائحہ عمل اور دیگر معاملات پر بریفنگ دی گئی،

پولیس کو مستحکم کرنے کے لئے وزیر اعلیٰ کا اہم اقدام سامنے آیا ہے،پولیس کے لئے بکتر بند گاڑیاں، اسلحہ اور دیگر جدید آلات خریداری کے لئے تین ارب روپے کا فنڈ جاری کرنے کا فیصلہ کیا گیا ہے،وزیر اعلیٰ نےپولیس شہداء کے ورثاء کو رمضان پیکج میں شامل کرنے کا اعلان کیا ہے،صوبائی حکومت کے رمضان پیکج کے تحت پولیس شہداء کے ورثاء کو 10، 10 ہزار روپے نقد دیئے جائیں گے،پولیس شہداء کے بچوں کے لئے وزیر اعلیٰ علی امین گنڈاپور کا بڑا فیصلہ سامنے آیا ہے،شہداء کوٹہ کے تحت تمام شہداء کے بچوں کو پولیس میں بھرتی کرنے کے لئے ون ٹائم کوٹہ مقرر کرنے کی ہدایت کی گئی ہے، وزیراعلیٰ کا کہنا تھا کہ اس مقصد کے لئے کابینہ کی منظوری کے لئے کیس تیار کیا جائے، ون ٹائم کوٹہ مقرر کرنے سے شہداء کوٹہ کے تحت بھرتی کے منتظر تمام شہداء کے بچے بیک وقت بھرتی ہوسکیں گے۔ شہداء کوٹہ کم ہونے کی وجہ سے پولیس شہداء کے بچے کئی سالوں سے بھرتی کے منتظر ہیں۔ صوبے کے تمام ڈویژنل ہیڈکوارٹرز میں سیف سٹی پراجیکٹ شروع کرنے پر کام کیا جائے.

اجلاس میں اہم شخصیات اور تنصیبات کی سکیورٹی کے لئے پولیس کے اندر سکیورٹی ڈویژن کے قیام سے متعلق امور پر بھی غوروخوص کیا گیا،وزیر اعلیٰ نے متعلقہ حکام کو اہم شخصیات کو سکیورٹی دینے سے متعلق ایک قابل عمل پالیسی تشکیل دینے کی ہدایت کی اور کہا کہ امن و امان صوبائی حکومت کی ترجیحات میں سرفہرست ہے،امن و امان پر کوئی سمجھوتہ نہیں کیا جائے گا، موجودہ صورتحال سے بہتر انداز میں نمٹنے کے قابل بنانے کے لئے پولیس کو ہر لحاظ سے مستحکم بنایا جائے گا،اس مقصد کے لئے پولیس کو درکار مالی وسائل ترجیحی بنیادوں پر فراہم کئے جائیں گے،