باغی ٹی وی کے مطابق ڈسٹرکٹ ہیڈکوارٹر ہسپتال چارسدہ میں ڈاکٹرز کی فرائض سے غفلت اور مریضوں کے ساتھ نامناسب رویہ اپنانے پر نگران وزیر اعلی خیبر پختونخوا محمد اعظم خان نے دو ڈاکٹرز کو معطل کردیا معطل ہونے والے ڈاکٹرز میں میڈیکل آفیسر عدنان اور میڈیکل آفیسر نعمان شامل ہیں مزکورہ ڈاکٹرز کے نامناسب رویے سے متعلق ویڈیو سوشل میڈیا پر وائرل ہونے کے بعد انکوائری کا حکم دیا گیاتھا باغی ٹی وی کے مطابق چارسدہ کے ہسپتال میں آرتھوپیڈک یونٹ میں مریض کے معائنے سے انکار کے حوالے سے سوشل میڈیا پر وائرل ہونے والی ویڈیو پر ڈاکٹر عدنان میڈیکل آفیسر BPS-17 DHQ کے خلاف کاروائی کا حکم دیا گیا ہے،کاروائی سوشل میڈیا پر ویڈیو وائرل ہونے نتیجے عمل میں لایئ گئی ہے،ویڈیو میں واضح دیکھا جا سکتا ہے کہ ایک طالب علم ڈی ایچ کیو ہسپتال چارسدہ معائنے کے لئے آیا ہوتا ہے،لیکن وہاں موجود عملے کی طرف سے کسی قسم کا تعاون نہیں کیا جا رہا ،طالب علم ہسپتال ہاتھ میں فریکچر کی شکایت لےکے آیا ہوتا ہے ،جس کو ایکسرے کروا کر طویل انتظار کے بعد رپورٹ دیا گیا،اسکےجب وہ او پی ڈی جاتا ہے تو وہاں کوئی ڈاکٹر موجود نہیں ہوتا باغی ٹی وی کے مطابق طالب علم کو آرتھو پیڈک میں چیک اپ کے لئے بھیج دیا گیا تو وہ وہاں موجود ڈاکٹر اسکے معائنے سے صاف انکار کر دیتا ہے جس پر اسکے ساتھ موجود دوست اس ڈاکٹر کی ویڈیو بنا دیتا ہے جس میں ڈاکٹر اپنے ٹانگ ٹیبل پہ رکھ کے موبائل میں مصروف ہوتا ہے جبکہ مریض کے بار بار کہنے پر بھی ٹس سے مس نہیں ہوتا،طالب علموں نے ویڈیو ہسپتال کے ایم ایس کو دکھانے کی کوشش کی لیکن اس نے دیکھنے سے انکار کر دیا،لہذا ویڈیو کو سوشل میڈیا پر وائرل کر دیا گیا،جو افسران بالا تک پہنچی،جس کے بعد انتظامیہ حرکت میں آئی اور ڈاکٹر اور ہسپتال کے ایم ایس کے خلاف کاروائی کے لئے کم تین افراد پر مشتمل انکوائری کمیٹی تشکیل دیدی تھی جس میں ڈاکٹر احسان الدین آرتھوپیڈک یونٹ، ڈاکٹر محمد بلال سینئر سرجن، اور ڈاکٹر محمد عیسیٰ ڈی ایم ایس ایڈمن شامل ہیں کمیٹی کو تین دن میں انکوائری رپورٹ جمع کرانے کی ہدایت کر دی گئی تھی انکوائری میں الزامات ثابت ہونے پر ان دو ڈاکٹروں کو معطل کردیا گیا۔ ان ڈاکٹروں کو ای اینڈ رولز کے تحت نوے دنوں کے لئے معطل کر دیا گیا ہے۔ محکمہ صحت خیبر پختونخوا نے اس سلسلے میں باقاعدہ اعلامیہ جاری کردیا۔ نگران وزیر اعلی نے اس بات پر زور دیا ہے کہ سرکاری ملازمین کی طرف سے اس طرح کا رویہ کسی صورت قابل قبول نہیں، فرائض سے غفلت برتنے اور عوام کے ساتھ نامناسب رویہ اپنانے والے سرکاری ملازمین کے خلاف قانون کے مطابق سخت کاروائی عمل لائی جائے گی، نگران وزیر اعلی نے کہاکہ چند سرکاری ملازمین کے ایسے نامناسب رویے پوری کمیونٹی کے لئے بدنامی کا باعث بنتے ہیں،
سرکاری ملازمین عوام کے خادم ہیں وہ اس طرح کے نامناسب روپے اپنانے سے گریز کرے،
Tag: پشاور
-
سرکاری ملازمین عوام کے خادم ہیں کسی بھی طرح کا نامناسب رویہ اپنانے سے گریز کریں، وزیر اعلی کے پی کے
-
ضلع پشاور میں رواں ماہ کے دوران منشیات کے روک تھام کیلئے کاروائیاں
پشاور سٹی پولیس کی جانب سے رواں ماہ کے دوران منشیات کی روک تھام کیلئے ہونے والی کاروائیوں کا رپورٹ جاری کر دیا گیا ہے،رپورٹ کے مطابق ضلع پشاور میں منشیات کی روک تھام کی خاطر منشیات سمگلنگ، سرگرم منشیات فروش، خصوصی آئس فروشوں کے خلاف خا ص کریک ڈاون کیا گیا.جس کے نتیجے میں رواں ماہ میں 516 مقدمات درج، اور 580 ملزمان گرفتارکر لئے گئے،رپورٹ میں یہ بھی بتایا گیا کہ ملزمان کے قبضے سے 27 کلوگرام آئس ، 74 کلوگرام چرس،17 کلوگرام ہیروئن، 5 کلوگرام افیون، 363 بوتل شراب برآمد کی گئی ہیں
تمام ملزمان کے خلاف مقدمات درج کرکے تفتیش کے بعد پشاور سنٹرل جیل بھیج دیا گیا. -
پشاور میں قومی باکسر کو قتل کر دیا گیا
پشاور کے نواحی علاقے پھندو میں نمسلح ملزمان نے فائرنگ کر کے قومی باکسر جہانزیب خان کو قتل کر دیا۔
پولیس کے مطابق پشاور کے علاقے پھندو میں دو ملزمان نے باکسر جہانزیب خان پر فائرنگ کی جس سے وہ موقع پر جاں بحق جبکہ ان کے دو ساتھی زخمی ہو گئے، ملزمان کارروائی کے بعد فرار ہونے میں کامیاب ہو گئے۔
پولیس کا کہنا ہے کہ مقتول باکسر نے گزشتہ دنوں ملزمان کے گھر پر فائرنگ کی تھی، مقدمہ درج کرکے واقعے کی تفتیش شروع کر دی گئی ہے۔
دوسری جانب سیکرٹری جنرل خیبرپختونخوا باکسنگ ایسوسی ایشن سید کمال خان نے مقامی ٹی وی سے گفتگو کرتے ہوئے کہا کہ جہانزیب خان باکسنگ کا قومی کھلاڑی تھا، مقتول جہانزیب نے 2019 میں نیشنل گیمز میں حصہ لیا تھا، وہ 2013 سے باکسنگ سے وابستہ تھے۔ -
خیبر پختونخواکے مختلف اضلاع میں گیسٹرو بے قابو
خیبر پختونخوا میں گیسٹرو بے قابو ہوگیا ہے، محکمہ صحت کی جانب سے جاری کردہ رپورٹ کے مطابق 25 اضلاع میں ایک ہفتے کے دوران معدے اور آنتوں کے امراض کے 30 ہزار سے زائد کیسز رپورٹ ہوئے ہیں۔اعداد و شمار کے مطابق سوات میں 3 ہزار 661 کیسز، پشاور میں 3 ہزار 403، صوابی سے 2 ہزار 469، دیر لوئر سے 2 ہزار 334، نوشہرہ سے 2 ہزار 200، ہری پور سے 1 ہزار 817، ڈیرہ اسماعیل خان سے 1 ہزار 177 مریض سامنے آئے ہیں۔ مجموعی طور پر 30 ہزار 65 مریض ایک ہفتے کے دوران سامنے آئے۔ گذشتہ روز سورج دن بھر آگ برساتا رہا اور گرم لو نے لوگوں کو بے حال کر دیا۔ گرمی کی شدت میں اضافہ کے ساتھ ہی پشاور اور کئی دوسرے شہروں میں درجنوں شہری بے ہوش ہو گئے جبکہ شدید گرمی کی وجہ سے ہسپتالوں میں دست اور قے کے مریضوں کی تعداد میں بھی اضافہ ہوا ہے۔ان مریضوں نے خطرے کی گھنٹی بجا دی جس کے بعد محکمہ صحت نے تمام سرکاری ہسپتالوں میں ضروری اقدامات کرنے کی ہدایت جاری کر دی اور ڈی ایچ اوز کو متاثرہ علاقوں میں صحت سہولیات کی فراہمی اور سروے کرنے کے احکامات جاری کئے گئے ہے۔
-
سوات میں ہنڈی اور غیر قانونی کر نسی ایکسچینج میں ملوث شخص گرفتار
ایف آئی نے سوات میں ایک کاروائی کے دوران ھنڈی اور غیر قانونی کرنسی ایکسچینج میں ملوث ملزم کو گرفتار کر لیا ہے، گرفتار ملزم سے 2 کروڑ 20 لاکھ روپے برآمد کر دیے گئے ہے،پولیس کے مطابق ملزم نان کسٹم پیڈ گاڑیاں خریدنے کے لئے ہنڈی کا کام کرتاتھا م،ایف آئی اے ترجمان کے مطابق ملزم کا موبائل قبضے میں لے فرانزک کے لئے بھیج دیا گیا ہے،ملزم کے خلاف فارن ایکسچینچ ایکٹ کے تحت مقدمہ درج کیا گیا ہے پولیس کے مطابق ملزم کو لنڈاکی چیک پوسٹ پر تالاشی کے دوران گرفتار کر لیا گیا تھا جس کو بعد میں ایف آئی اے کے حوالے کر دیا گیا ایف آئی اے ڈایریکٹر کے پی زون نثار احمد خان اور ڈپٹی ڈاریکٹر کمر شل بینکنگ سرکل نے سوات پولیس کی کامیاب کاروائی کو سراہا ہے،اور ملزم کے خلاف مزید تفتیش شروع کر دی گئی ہے،
-
غربت کے ہاتھوں تنگ شخص نے بیوی اور شیر خوار بچے کو زبح کر دیا
پشاور کے علاقے بھانہ ماڑی گل آباد میں افغان باشندے نے غربت سے تنگ ہو کر بیوی اور 6 ماہ کے شیرخوار بچے کو زبح کر دیا۔ ملزم باقی بچوں کو بھی قتل کرنا چاہتا تھا تاہم بچوں کے شور شرابہ پرسفاک قاتل فرار ہوگیا تھا۔ گزشتہ روز مدعی محمد اسحاق ولد علی جان سکنہ افغانستان حال کسٹم چوک نے پولیس کو بتایا کہ اس کی ہمشیرہ کی شادی 8 سال قبل چچازاد مجیب الرحمان ساکن افغانستان حال گل آباد کے ساتھ ہوئی تھی اور ان کے 5 بچے ہیں۔
گزشتہ روز اس نے جھگڑے کے بعد اپنی بیوی مسماة صیبہ بی بی اور 6 ماہ کے بیٹے محمد رحمان کو چھری سے ذبح کر کے قتل کر دیا۔ مقتولہ کی عمر 26 سال تھی۔ ڈی ایس پی سبرب مختیار علی کے مطابق ملزم واردات کے بعد افغانستان فرار ہونے کی کوشش کر رہا تھا تاہم ٹرانسپورٹ نہ ملنے پر اسے موقع نہیں مل سکا اور پولیس نے اسے گرفتار کر کے چھری برآمد کرلی۔ انہوں نے بتایا کہ ملزم نے ابتدائی بیان دیا ہے کہ بیوی اس سے روز روز فرمائشیں کرتی تھیں اور وہ بیوی بچوں کی خواہشات پوری نہیں کر سکتا تھا۔ -
نشے میں دھت رہزن گروہ بے نقاب
پشاور گلبہار میں ضمانت پر رہا ہونے والا خونی وارداتوں میں ملوث راہزن 2 ساتھیوں سمیت دوبارہ پکڑا گیا جو رات کے 12 بجے کے بعد راہزنی کی وارداتیں کرتے اور فائر کر کے شہریوں کو زخمی کر دیتے تھے۔ جبکہ ایک مدعی دوبار ان راہزنوں کا شکار بنا۔ ملزمان آئس نشے میں دھت ہو کر وارداتیں کرتے تھے جن سے پستول و موٹر سائیکلیں بھی برآمد کرلی گئیں ہیں۔
فقیر آباد ڈویژن پولیس کے مطابق تھانہ گلبہار پولیس نے ایک کارروائی کے دوران خونی راہزنی کی وارداتوں میں ملوث گینگ کو بے نقاب کرلیا۔ گینگ 15 جون اور 20 جون کو موبائل چھیننے کے دوران شہریوں کو فائرنگ کر کے زخمی کرنے میں ملوث ہیں جن کی شناخت نہار ولد سرمست، اظہار ولد بازمیر اور اکرام اللہ ولد محمد اسلام کے ناموں سے ہوئی ہے ملزمان میں ایک افغان باشندہ بھی شامل ہے جبکہ دیگر کا تعلق خزانہ کے علاقے سے ہے۔ یہ ملزمان نشے کی حالت میں رات 12 سے صبح تک وارداتیں کرتے تھے تاکہ ان کی شناخت نہ ہوسکے جبکہ ڈرانے دھمکانے کیلئے فائرنگ بھی کرتے تھے۔ 24سالہ ملزم نہارکچھ ماہ قبل بھی گرفتارہوا تھا جسے ضمانت پر رہائی ملی تھی۔ گرفتار ملزمان کے قبضے سے 10 موبائل فونز، چھینی گئی رقم، اسلحہ و 2 موٹر سائیکلیں بھی برآمد کر کے ان کیخلاف مقدمہ درج کر لیا گیا۔ -
پشاور میں جمعے کے خطبے کے دوران بھینس کی مسجد میں انٹری سے نمازی حیران
عید الاضحی کے دن قریب ہوتے ہی شہریوں اور قربانی کے جانوروں ںیں آنکھ مچولی شروع ہوگئی ایسا ایک مزاحیہ واقع پیش آیا پشاور میں،جہاں جمعے کے خطبے کے دوران بھینس نے مسجد میں انٹری کی بھینس دیکھتے ہی نمازیوں کی ڈوڑ یں لگ گئی،. تاہم کچھ لوگوں نے بھینس کو قابو کرکے مالک کے حوالے کردیا۔ واقعے میں 2 افراد کو معمولی چوٹیں آئیں،عینی شاہدین کے مطابق وہ جمعے کے خطبے میں بیٹھے ہوئے تھے کہ اچانک ایک بھینس دوڑتی ہوئی مسجد میں داخل ہوئی،جس کو دیکھ کر لوگ ادھر ادھر بھاگنے لگے تاہم کچھ تجربہ کار لوگ بھی مسجد میں موجود تھے جنہوں نے بھینس کو قابو کر کے مالک کے حوالے کر دیا،
-
چیف سیکرٹری خیبرپختونخوا کی زیرصدارت ٹاسک فورس اجلاس،پولیو مہم کے حوالے سے بریفنگ
پشاور میں چیف سیکرٹری خیبرپختونخوا کی زیرصدارت ٹاسک فورس کا اجلاس ہوا جس میں پولیس مہم کے حوالے سے بریفنگ دی گئی،بریفنگ کے مطابق پانچ روزہ خصوصی انسداد پولیو مہم 19 جون سے خیبر پختونخوا کے مخصوص اضلاع میں جاری ہے۔ جس میں سات اضلاع کے 22 لاکھ 12ہزارسے زائد بچوں کو پولیو قطرے پلائے جائیں گے۔ بریفنگ کے مطابق ضلع بونیر، لوئر چترال، لوئر دیر، ہری پور، مانسہرہ، مالاکنڈ، مردان اورصوابی میں مہم جزوی طور پر چلائی جا رہی ہے۔ اسکے علاوہ افغان مہاجر کیمپوں اور پاک افغان سرحد پر واقع یونین کونسلوں میں مجموعی طور پر1لاکھ 7ہزار بچوں کو پولیو سے بچاوٗکے قطرے پلائے جائیں گے۔ بریفنگ میں بتایا گیا کہ انسداد پولیو کی اس مہم کیلئے تربیت یافتہ پولیو ورکرز کی 8441ٹیمیں تشکیل دی گئی ہیں۔اور پولیو ٹیموں میں 7721 موبائل ٹیمیں، 542فکسڈ اور 478 ٹرانزٹ ٹیمیں شامل ہیں۔ بریفنگ کے مطابق ان ٹیموں
کی موثر سکیورٹی کیلئے 14,926 پولیس اہلکار تعینات کئے گئے ہیں۔ -
خرد برد اور ٹیکس جمع نہ کرنے پر 05 پٹواری نوکری سے برخاست ،جبکہ 11 معطل کر دیے گئے
صوبائی دارلحکومت پشاور میں ریونیوریکارڈ میں خرد برد اور ٹیکس جمع نہ کرنے پر 05 پٹواری نوکری سے برخاست ،جبکہ 11 پٹواری معطل کر دیے گئے۔صوبائی حکومت کے احکامات پر محکمہ مال میں صفائی کے عمل کا آغاز کر دیا گیا ہے اور اس ضمن میں ڈپٹی کمشنر پشاور شاہ فہد نے ریوینو ریکارڈ میں خرد برد، ٹیکس جمع نہ کرنے، کرپشن، بدعنوانی اور عوام کے لیے باعث اذیت بننا اور سرکاری احکامات کو سبوتاژ کرنے پر05 پٹوار ی نوکری سے برخاست اور 11 پٹواری معطل کر دیے گئے جبکہ ایک تحصیلدار، نائب تحصیلدار اور گرداور کے خلاف مزید کارروائی کے لیے کیس صوبائی حکومت کو بجھوایا گیا ہے۔ معطل ہونے والے 11 پٹواریوں کے خلاف تادیبی کاروائی عمل میں لائی جائے گی۔ضلعی انتظامیہ کے مطابق کسی قسم کی بلیک میلنگ برداشت نہیں کی جائے گی اور کرپشن میں ملوث اور عوام کے لیے اذیت بننے والے پٹوایوں کے خلاف سخت قانونی کاروائی عمل میں لائی جائے گی اور پشاور کو کرپٹ عناصر سے پاک کیا جائے گا اور اس سلسلے میں چیف سیکریٹری خیبر پخونخوا کی ہدایت پر کرپٹ پٹوار یوں کے خلاف کاروائی کا آغاز کر دیا گیا ہے۔