Tag: پنجاب

وزیر اعلیٰ پنجاب، مریم نواز شریف کی زیر صدارت صوبائی کابینہ کا 21واں اجلاس منعقد ہوا، جس میں مختلف اہم امور پر غور و خوض کیا گیا۔ اجلاس میں پارا چنار کے عوام کے لئے امدادی سامان بھیجنے کی منظوری دی گئی، جب کہ وزیر اعلیٰ نے اس حوالے سے ہدایات بھی جاری کیں۔

وزیر اعلیٰ مریم نواز شریف نے پارا چنار کے عوام کی درخواست پر فوری طور پر ادویات اور دیگر ضروری سامان بھیجنے کی منظوری دی۔ انہوں نے کہا کہ پارا چنار کے عوام ہمارے اپنے ہیں اور مصیبت و مشکل میں انہیں تنہا نہیں چھوڑا جا سکتا۔ اس کے علاوہ، پارا چنار کے عوام کی ضرورت کے مطابق موبائل ہیلتھ یونٹ بھی وہاں بھیجا جائے گا۔

چین کے دورے کی کامیابی اور پنجاب کی ترقی کے امکانات
وزیر اعلیٰ مریم نواز شریف نے اپنے حالیہ دورہ چین کی کامیابی پر بات کرتے ہوئے کہا کہ چین میں پنجاب کے وفد کو غیر معمولی پذیرائی ملی، جو پنجاب کے عوام کے لئے فخر کا باعث ہے۔ وزیر اعلیٰ نے کہا کہ چین کی ترقی قابل تقلید ہے اور ہمیں بھی محنت کر کے وہ سب کچھ حاصل کرنا چاہیے جو چین نے حاصل کیا ہے۔ انہوں نے کہا کہ چین میں سکولوں، ہسپتالوں اور سڑکوں کی حالت اتنی مثالی تھی کہ وہاں کاغذ تک نہیں پڑا تھا، جو کہ ایک بہترین انتظامی نظام کا عکاس ہے۔وزیر اعلیٰ مریم نواز شریف نے چین کے عوام میں اتھارٹی کو تسلیم کرنے کے رویے کو بھی قابل تقلید قرار دیا اور کہا کہ چینی عوام کے خیالات میں بے پناہ ہم آہنگی پائی جاتی ہے۔ ان کا کہنا تھا کہ دل چاہتا ہے کہ پنجاب بھی چین کی طرح ہر دن ترقی کرے۔

چینی سرمایہ کاری اور پنجاب میں ترقی کے امکانات
وزیر اعلیٰ نے بتایا کہ چین کے سرمایہ کار پنجاب میں سرمایہ کاری کے لیے تیار ہیں۔ اس دوران چین کی 60 بڑی کمپنیوں کے نمائندوں نے پنجاب میں سرمایہ کاری کرنے کی خواہش کا اظہار کیا۔ وزیر اعلیٰ نے چین-پنجاب ڈیسک کی منظوری بھی دی تاکہ دونوں ممالک کے درمیان کاروباری تعلقات کو مزید فروغ دیا جا سکے۔

کینسر کے جدید علاج کے منصوبے
وزیر اعلیٰ نے چین میں کینسر کے علاج کے جدید طریقہ کار کی کامیابی کو سراہا اور کہا کہ جلد پنجاب کے ایک ہسپتال میں کینسر کے چینی علاج کا پائلٹ پراجیکٹ شروع کیا جائے گا۔ انہوں نے کہا کہ شاید اللہ تعالی نے انہیں چین بھیجا تاکہ وہ کینسر کے جدید ترین علاج کی سہولت حاصل کر سکیں۔

زرعی اور کسان دوست اقدامات
کابینہ نے وزیر اعلیٰ کی کسان دوست گندم پالیسی کی منظوری دی اور گندم کی خریداری کے حوالے سے نئے اقدامات اٹھانے کا فیصلہ کیا۔ وزیر اعلیٰ مریم نواز شریف نے گندم کی خریداری کا 100فیصد ہدف حاصل کرنے کی خوشخبری بھی دی۔ انہوں نے کسانوں کی فلاح کے لیے مختلف اقدامات جیسے کسان کارڈ کے ذریعے 30 ارب روپے کی زرعی مداخل کی خریداری کی بھی بریفنگ دی۔

گرین انرجی اور ماحولیاتی اقدامات
کابینہ نے ورلڈ بینک کے تعاون سے پنجاب کلین ایئر پروگرام کی منظوری دی، جس کے تحت صوبے میں ای بسوں، چارجنگ سٹیشنز اور سپر سیڈرز کے علاوہ دیگر ماحولیاتی اقدامات کیے جائیں گے۔ اس کے علاوہ، پہلی گرین بلڈنگ کے پراجیکٹ کی تکمیل کی بھی منظوری دی گئی۔صوبائی کابینہ نے پنجاب ویگرنسی آرڈیننس 1958 میں ترمیم کی منظوری دی جس کے تحت بچوں سے بھیک منگوانے کے لیے اپاہج کرنے پر سزا کو ایک سے دس سال تک بڑھا دیا گیا۔ وزیر اعلیٰ نے "اپنی چھت، اپنا گھر” پروگرام کے ماڈل تھری کے لیے فنڈز کی منظوری بھی دی۔ اس کے علاوہ، داتا دربار کے صحن میں جدید خودکار چھتریاں نصب کرنے کی سکیم کی بھی منظوری دی گئی۔

وزیر اعلیٰ مریم نواز شریف نے سرکاری سکولوں میں فرنیچر فراہم کرنے کے لئے اقدامات کی ہدایت دی اور سکول مینجمنٹ کونسل پالیسی 2024 کی منظوری دی۔ اس کے علاوہ، ایمرجنسی سروسز کے دائرہ کار کو مزید وسیع کرنے کی ہدایت بھی دی گئی۔وزیر اعلیٰ مریم نواز شریف کی قیادت میں ہونے والے اس اجلاس میں پنجاب کے مختلف شعبوں میں ترقی اور عوام کی فلاح کے لیے اہم فیصلے کیے گئے ہیں۔ ان اقدامات سے نہ صرف عوام کی زندگیوں میں بہتری آئے گی بلکہ پنجاب میں معاشی اور سماجی ترقی کے نئے دروازے بھی کھلیں گے۔

400 کتابوں کا مصنف،80 کروڑ کی جائیداد،پھر بھی آشرم میں زندگی بسر کرنے پر مجبور

امریکہ خود قاتل،پاکستانی کمپنیوں پر پابندی کی مذمت کرتے ہیں، حافظ نعیم

صوبہ بھر میں ”نو ٹوپلاسٹک“مہم کی کامیابی کو یقینی بنانے کی ہدایت،میرج ایکٹ کی خلاف ورزی پر زیرو ٹالرنس اپنانے کاحکم
سڑکو ں پر بائیک لین مقرر کرنے،چینی ماڈل کے تحت جنگلہ اور چھوٹی دیوار سے الگ کرنے،ہیلمٹ،بیک لائٹ او رانڈیکیٹرز وغیرہ کی پابندی ضروری بنانے کی ہدایت
وزیر اعلیٰ مریم نوازشریف کا سکولو ں کے سامنے بچوں کیلئے زبیرا کراسنگ بنانے اور سکول وین کے فنٹس سرٹیفکیٹ پر زیرو ٹالرنس کا حکم
سنگل لائن ریڑھی بازار کی پابندی یقینی بنانے کا حکم،شہروں میں جگہ جگہ نظر آنے والی خیمہ بستیاں متبادل مقامات پر منتقل کرنے کی ہدایت
بس سٹینڈ ز کی صفائی،پنکھے،پینے کے صاف پانی کی فراہمی اور بہترین نشست گاہ یقینی بنانے اورہر شہر کے بس سٹاپ اور لاری اڈوں کو ماڈل بنانے کا حکم

وزیر اعلیٰ مریم نواز شریف نے پنجاب بھر میں ایک ہفتے میں تجاوزات ختم کرنے کا ہدف دے دیا ہے اور ڈپٹی کمشنرز کے لئے کرپشن کے خلاف کریک ڈاؤن اوربہتر سسٹم ڈیزائن کرنے کا ٹارگٹ مقرر کر دیا۔ وزیر اعلیٰ مریم نوازشریف نے ہر شہر میں سرکاری اراضی پر اربن فاریسٹ بنانے کا حکم دیا۔وزیر اعلیٰ مریم نوازشریف نے صوبہ بھر میں ”نو ٹوپلاسٹک“مہم کی کامیابی کو یقینی بنانے کی ہدایت کی اور میرج ایکٹ کی خلاف ورزی پر زیرو ٹالرنس اپنانے کاحکم دیا۔ صوبہ بھر میں پالتوکتوں کوکالر پہنانا لازمی قراردیا گیا،خلاف ورزی پر جرمانہ اور کارروائی کی جائے گی۔ پالتو کتوں کی ویکسینیشن اور رجسٹریشن کا نظام نافذ کرنے کا اصولی فیصلہ بھی کیا گیا۔ وزیر اعلیٰ مریم نوازشریف نے سڑکو ں پر بائیک لین مقرر کرنے،چینی ماڈل کے تحت جنگلہ اور چھوٹی دیوار سے الگ کرنے اوربائیک سوار کے لئے ہیلمٹ،بیک لائٹ او رانڈیکیٹرز وغیرہ کی پابندی ضروری بنانے کی ہدایت کی۔ وزیر اعلیٰ مریم نوازشریف نے سکولو ں کے سامنے بچوں کے لئے زبیرا کراسنگ بنانے اور سکول وین کے فنٹس سرٹیفکیٹ پر زیرو ٹالرنس کا حکم دیا۔وزیر اعلیٰ مریم نوازشریف نے سڑکوں پر گندا پانی کھڑا ہونے سے نمازیوں اور شہریوں کو دشواری کی شکایت پر برہمی کا اظہار کیا اور شہروں میں جگہ جگہ نظر آنے والی خیمہ بستیاں متبادل مقامات پر منتقل کرنے کی ہدایت کی۔ وزیر اعلیٰ مریم نوازشریف نے سنگل لائن ریڑھی بازار کی پابندی یقینی بنانے کا حکم اور ہدایت کی کہ منظور شدہ ڈیزائن او رجگہ کے علاوہ کسی مقام پر ریڑھیاں نظر نہیں آنی چاہئیں۔ وزیر اعلیٰ مریم نوازشریف نے بس سٹینڈ ز کی صفائی،پنکھے،پینے کے صاف پانی کی فراہمی اور بہترین نشست گاہ یقینی بنانے اورہر شہر کے بس سٹاپ اور لاری اڈوں کو ماڈل بنانے کا حکم دیا۔ اجلاس میں ہسپتالوں کے ایم ایس کی پرفارمنس کی مانیٹرنگ ڈپٹی کمشنرز کے سپرد کرنے کا فیصلہ کیا گیا۔ وزیر اعلیٰ مریم نوازشریف نے سرگودھا میں جامع صفائی مہم شروع کرنے کی ہدایت کی اور صوبہ بھر میں کنٹرول ریٹ پرکھاد کی فراہمی یقینی بنانے پرانتظامیہ کو شاباش دی۔ میانوالی میں چوراہوں پر یاد گاریں،واٹر فال، خوبصورت ماڈل بنانے اور پارکس کی بیوٹی فکیشن پر بھی انتظامیہ کوشاباش ملی۔ وزیر اعلیٰ مریم نوازشریف نے کہا کہ ہر شہر میں گورننس کی ایکسی لینس نظر آنی چاہیے۔ کسی شہر میں ٹوٹی ہوئی سڑکیں نظر نہ آئیں،پیچ ورک سے گڑھے پُر کئے جائیں۔سڑکوں پر سائن بورڈ واضح نظر آنے چاہئیں اور نئے سائن بورڈ بھی لگائیں۔ انہوں نے کہا کہ قبضہ مافیا کو پنجاب میں کھلا پھرنے کی اجازت نہیں دی جائے گی۔ڈی سی اپنی چھت ……اپنا گھر پروگرام کے تحت بننے والے مکانوں کی مانیٹرنگ بھی کریں۔ ہرشہر میں واٹرفلٹریشن پلانٹس فنکشنل ہونے چاہئیں۔وزیر اعلیٰ مریم نوازشریف نے کہا کہ تمام شہروں کے لئے سیوریج او رسینی ٹیشن کا جامع پلان لے کرآرہے ہیں۔ تجاوزات ختم کرنے کے بعد دوبارہ نظر آنا انتظامی ناکامی کے مترادف ہے۔ انہوں نے کہا کہ جعلی ادویات بیچنے او ربنانے والوں کے خلاف سخت کارروائی کی جائے۔ پبلک پارکس میں گھاس اگائیں مٹی نظر نہ آئے۔ سالڈ ویسٹ مینجمنٹ کا انتظار کئے بغیر میسر وسائل سے صفائی جاری رکھی جائے۔ انہوں نے کہا کہ گلیوں،بازاروں میں سٹریٹ لائٹس کو آپریشنل ہونا چاہیے۔ اوور ہیڈ بریج کے نیچے گرین بیلٹ بنائیں، منشیات کے عادی افراد نظر نہ آئیں۔ وزیراعلیٰ مریم نوازشریف نے ڈی ایچ کیو سرگودھا کے بارے میں عوامی شکایات پر نا پسندیدگی اظہار کیا اور فوری ازالے کا حکم دیا۔ انہوں نے کہا کہ بار بار توجہ دلانے کے باوجود مسائل حل نہ ہونے او ربہتری نہ آنے پر سخت ایکشن ہوگا۔ وزیراعلیٰ مریم نوازشریف نے بیلا روس کے صدر کی آمد پر مری میں صفائی کے انتظامات کو سراہا۔

وزیراعلیٰ مریم نوازشریف کی زیر صدارت خصوصی اجلاس میں سرگودھا ڈویژن کے ”کے پی آئیز“ کا جائزہ لیا گیا۔ سرگودھا، خوشاب، بھکر او رمیانوالی کے ڈپٹی کمشنر ز نے تفصیلی بریفنگ دی۔اجلاس میں صفائی،ہیلتھ، ایجوکیشن، پرائس کنٹرول اورآؤٹ سورس سکولوں کی مانیٹرنگ کے پی آئیز کا جائزہ لیا گیا۔ میرج ایکٹ کی پابندی، تجاوزات، صفائی، پارکس کی صورتحال، چوراہوں او رشہروں کی بیوٹی فکیشن پر رپورٹ پیش کی گئی۔ مین ہول کے ڈھکن، آوارہ کتے، سیوریج، ٹرانسپورٹ فٹنس سرٹیفکیٹ، اربن فاریسٹ ڈویلپمنٹ کے پی آئی ز کا بھی جائزہ لیا گیا۔ وزیر اعلیٰ مریم نوازشریف نے ڈپٹی کمشنرز کو گلی محلوں کی صفائی اور دیگر عوامی شکایات کی نشاندہی بھی کی

وزیرِ اعلیٰ پنجاب مریم نواز شریف نے کسانوں کے قومی دن پر پیغام میں کہا ہے کہ کسان بھائیوں کومحنت کشوں کو خراجِ تحسین پیش کرتی ہوں –

وزیراعلیٰ پنجاب مریم نواز کا کہنا تھا کہ کسان دن رات زمین کے سینے سے اناج اگا کرہماری غذائی ضروریات پوری کرتے ہیں،کسان کی ترقی اور آسانی کے لئے حکومتِ پنجاب زراعت کے شعبے کو میکا ئیز کر رہی ہے -کسانوں کی خوشحالی کے لئے کسان کارڈکا اجرا کیا ہے – کا شکاروں کوپیداواری قرضے دئیے جا رہے ہیں۔ کاشتکار،کسان کارڈ سے اربوں روپے کےکھاد، بیج اور دیگر زرعی مداخل خرید چکاہے۔زرعی میکانزیشن کے ذریعے کسانوں کو ترقی اور خوشحالی کی راہ پر گامزن کررہے ہیں-کسان کو بلا سود آسان اقساط پر گرین ٹریکٹرز فراہم کیے جا رہے ہیں – زرعی ٹیوب ویلز کو شمسی توانائی پر منتقل کرنے کے پراجیکٹ پر کام تیزی سے جاری ہے لائیو اسٹاک کارڈ کے ذریعے مویشی پال فارمرزکو ویکسین، علاج اور چارہ مہیا کیا جا رہا ہے۔ زراعت، مویشی بانی، اور دیہی معیشت کو نئی بلندیوں پر لے جائیں گے اور کسانوں کی خدمت میں کوئی کسر نہ چھوڑیں

وزیراعلیٰ سندھ کا کیڈٹ کالج پٹارو کیلئے سولرسسٹم کی تنصیب کا اعلان

لڑکے کا لڑکی کا لباس پہن کر رقص،یونیورسٹی انتظامیہ حرکت میں آ گئی

صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف علاقوں میں کارروائیوں کے دوران کالعدم تنظیم سے تعلق رکھنے والے 16 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔ لاہور سے فتنہ الخوارج کا انتہائی خطرناک دہشت گرد عمر گرفتار ،دہشت گرد کا تعلق شمالی وزیرستان سے ہے

ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 118 کارروائیاں کیں، جن میں 118 مشتبہ افراد سے پوچھ گچھ کی گئی اور 16 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا گیا۔ گرفتار دہشت گردوں میں طفیل ۔صدیق ۔ابراہیم ۔عمر ۔عبدالرشید ۔امام حسین ۔وقار ۔عدنان وغیرہ شامل ہیں، انہوں نے مزید کہا کہ دہشت گردوں کا تعلق فتنہ خوارج داعش اور دیگر تنظیموں سے ہے انہوں نے کہا کہ ان دہشت گردوں کی گرفتاری لاہور ۔بہاولپور ۔منڈی بہاؤالدین ۔میاں والی ۔ٹوبہ ٹیک سنگھ ۔رحیم یار خان ۔چنیوٹ ۔وہاڑی ۔راولپنڈی میں انٹیلی جنس بیسڈ آپریشنز کے دوران کی گئی۔ دھماکہ خیز مواد 1293 گرام، ڈیٹونیٹرز 3، سیفٹی فیوز وائر 12 فٹ، ائی ای ڈی بم 1 کالعدم تنظیم کے پمفلٹ 75، میگزین .57500 روپے نقدی دہشت گردوں کے قبضے سے برآمد کر لی ہے

ترجمان نے کہا کہ دہشت گردوں نے لاہور اور دیگر شہروں میں اہم عمارتوں کو ٹارگٹ کرنے کا منصوبہ بنا رکھا تھا انہوں نے مزید کہا کہ گرفتار دہشت گردوں کے خلاف 15 مقدمات درج کر کے ان سے مزید تفتیش کی جا رہی ہے ، انہوں نے کہا کہ رواں ہفتے کے دوران مقامی پولیس اور سیکیورٹی اداروں کے تعاون سے 4480 کومبنگ آپریشنز بھی کیے گئے، 144842 افراد کو چیک کیا گیا، 431 مشتبہ افراد کو گرفتار کیا گیا، 402 ایف آئی آر درج کی گئیں اور 323 بازیابیاں کی گئیں۔ کاؤنٹر ٹیررازم ڈیپارٹمنٹ پنجاب مستعدی سے محفوظ پنجاب کے اپنے ہدف پر عمل پیرا ہے اور دہشت گردوں اور ریاست دشمن عناصر کو سلاخوں کے پیچھے پہنچانے کی کوششوں میں کوئی کسر نہیں چھوڑی جائے گی،

فساد کنٹرول میں ہو جائے تو پاکستان مزید ترقی کرے گا، عظمیٰ بخاری

سول نافرمانی تحریک عمران خان جب حکم دیں گے،شروع ہو گی،وزیراعلیٰ خیبر پختونخوا

شہدا کا قرض ادا کرنا چاہتے تو نیشنل ایکشن پلان پر پوری طرح عمل کیا جائے،سحر کامران

وزیر اطلاعات پنجاب عظمی بخاری نے پریس کانفرنس کرتے ہوئے کہاہے کہوزیر اعلی پنجاب آٹھ دن چائنہ کے سرکاری دورے پر تھی، یہ پہلی وزیر اعلی تھی جن کو ہیڈ آف اسٹیٹ کا وہاں پر پروٹوکول اور مرتبہ ملا،

عظمی بخاری کا کہنا تھا کہ تحریک انصاف سوشل میڈیا کے ٹائیگرز تلملا رہے تھے، یہ لوگ جن لوگوں کے ساتھ تصویریں کھنچوا کر خوش ہوتے تھے وہ ان ملاقاتوں میں انٹر پریٹر تھے، وزیر اعلی پنجاب کا دورہ سرکاری تھا لیکن مسلم لیگ ن کو ایک پارٹی کے طور پر ہائی لائیٹ کیا، وزیر اعلیٰ پنجاب نے ایگری کلچر پر فوکس کیا ہوا ہے، ان کی کوشش ہے کہ ہمارے کسانوں کے پاس بھی وہی آلات ہونے چاہیے جو دنیا استعمال کررہی ہے، وزیر اعلیٰ پنجاب نے ان کو کہا کہ وہ پنجاب میں آکر اپنے پلانٹس لگائیں، اے آئی فورس کا ڈیلی گیشن ایک سے ڈیڑھ مہینے میں لاہور آئے گا، وزیر اعلیٰ پنجاب کی والدہ کا انتقال کینسر سے ہوا تھا، نواز شریف کینسر ہسپتال میں کینسر کے علاج کے حوالے سے کیمو تھریپی چائنا میں بغیر تکلیف کے کی جاتی ہے اس کو یہاں لگایا جائے گا،

عظمیٰ بخاری کا مزید کہنا تھا کہ لاہور کو جدید ترین اسمارٹ سٹی بنانےکا اب کام شروع ہوگا،پنجاب کی سڑکوں پر کچھ ماہ میں چارجنگ اسٹیشن بنتے نظر آئیں گے،وزیراعلی پنجاب مریم نوازشریف نے پنجاب کو سیف اور پروگریسو صوبہ بنانے کا جو عہد کیا ہے اس پر تیزی سے کام ہورہا ہے،چین کی پارٹی کے وائس چیئرمین نے مریم نواز کے متعلق کہا میں آپ میں ایک بڑی لیڈر دیکھ رہا ہوں،آپ آنے والے وقت میں پاکستان کی بڑی لیڈر ثابت ہونگی،

ایک لاکھ 90ہزار مجھے تنخواہ ملتی اس میں اگر کوئی نارمل زندگی گزار سکتا ہے تو بتائیں۔ عظمیٰ بخاری
اراکین اسمبلی کی تنخواہوں کے اضافے کے سوال پر عظمٰی بخاری نے کہا کہ ایک لاکھ 90ہزار مجھے تنخواہ ملتی ہے اس میں اگر کوئی نارمل زندگی گزار سکتا ہے تو بتائیں۔ وزیر اعلیٰ پنجاب بھی تنخواہ نہیں لیتیں۔2019 میں ایم پی ایز کی تنخواہ بڑھی تھی، اس وقت وزیروں کی نہیں بڑھی تھی، اگر فساد کنٹرول میں ہو جائے تو پاکستان مزید ترقی کرے گا، ثمرات لوگوں تک پہنچیں گے،ہم جتنا کام کرتے ہیں اور اگر ریزن ایبل تنخواہ ہو تو کوئی بری بات نہیں.

سول نافرمانی تحریک عمران خان جب حکم دیں گے،شروع ہو گی،وزیراعلیٰ خیبر پختونخوا

شہباز شریف ہرجانہ کیس، عمران خان کی درخواست ناقابل سماعت قرار

وزیراعلیٰ پنجاب مریم نواز نے پنجاب بزنس کانفرنس سے خطاب میں کہا ہے کہ چینی حکومت کی جانب سے مہمان نوازی کی بے حد مشکورہوں۔

وزیراعلیٰ پنجاب مریم نواز کا کہنا تھا کہ پاکستان اور چین کے دہائیوں پرانے مضبوط اور برادرانہ تعلقات ہیں۔چین کی ترقی کرتی ہوئی معیشت ہمارے لئے قابل تقلیدہے۔چینی حکومت کی سیاسی بصیرت اور ترقی سب کے لیے مشعل راہ ہے۔صدرشی جن پنگ کی مدبرانہ اور باصلاحیت قیادت کو خراج تحسین پیش کرتی ہوں۔چین کی لیڈرشپ اور مختلف کمپنیوں سے سیرحاصل گفتگوہوئی۔آئی ٹی ،زراعت،مصنوعی ذہانت سمیت مختلف شعبوں میں سرمایہ کاری پر گفتگوہوئی۔چینی تاجروں کو پنجاب میں سرمایہ کاری کےلیے سہولت فراہم کریں گے۔پنجاب بزنس کونسل دونوں ملکوں کےد رمیان اہم کرداراداکرے گی۔چینی سرمایہ کار اور تاجرپنجاب میں سرمایہ کاری کریں ۔پنجاب کو دنیابھرکےلیےتجارت اورسرمایہ کاری کا مرکز بنائیں گے۔چین اور پاکستان کے درمیان مضبوط شراکت داری کے خواہاں ہیں۔موسمیاتی تغیرسےنمٹنے کیلئے چین کی پالیسیاں بہت اہم ہیں۔ماحولیات کی بہتری کےلئے تربیتی پروگرام کے بارےمیں گفتگو ہوئی،

قبل ازیں وزیر اعلیٰ پنجاب مریم نواز شریف دورہ چین مکمل کرکے لاہور پہنچ گئیں،سینیٹر پرویز رشید، سینئر صوبائی وزیر مریم اورنگزیب، صوبائی وزیر اطلاعات عظمی بخاری ،وزیر ٹرانسپورٹ بلال اکبر خان ،وزیر زراعت عاشق کرمانی بھی وطن واپس پہنچ گئے ،وزیر اعلیٰ مریم نواز شریف نے چین میں آٹھ روزرہیں اور اہم ملاقاتیں کیں

جیسن گلیسپی نے پاکستانی ٹیم کی کوچنگ چھوڑنے کی وجوہات بتا دیں

مذہب کا لبادہ اوڑھے فتنتہ الخوارج کے دہشتگرد پاکستانی عوام کے دشمن

وزیر اعلیٰ پنجاب مریم نواز شریف کی زیر صدارت گوانگ ژو میں انوسٹمینٹ کانفرنس کا انعقاد ہوا

وزیر اعلیٰ مریم نوازشریف نے ورکنگ گروپ قائم کرنے , فوکل پرسن مقرر اورہیلپ ڈیسک قائم کرنے کا اعلان کیا،گول میز کانفرنس میں چین اور ہانگ کانگ کی 60سے زائد نمایاں کمپنیوں کے حکام نے شرکت کی،ہیلتھ،آرٹی فیشل انٹیلی جنس،زراعت،انفارمیشن ٹیکنالوجی،ویسٹ مینجمنٹ، سولرانرجی اور دیگر سیکٹرز کے نمائندگان شریک ہوئے،چین کی نمایاں کمپنیوں کے نمائندوں نے اپنے اداروں کے بارے میں تفصیلی بریفنگ دی،پاک چائنا کی فری ٹریڈ کے بارے میں تجاویز اور سفارشات کا جائزہ لیا گیا، وزیر اعلیٰ مریم نوازشریف نے چین کی ٹیکنالوجیز کمپنیوں کو آپریشن شروع کرنے کی دعوت دی،چینی ٹیکنالوجی کمپنیز نے پنجاب میں سرمایہ کاری کیلئے اظہار دلچسپی کیا،چینی کمپنیوں کو پنجاب میں ون ونڈو آپریشن سے سہولت دینے کا فیصلہ کیا گیا

وزیر اعلیٰ مریم نواز نے پنجاب کو چینی کمپنیوں کے لئے”لینڈ آف اپرچونیٹی“ قرار دیا،وزیر اعلیٰ پنجاب مریم نواز شریف نے انوسٹمیںٹ کانفرنس میں شرکت کے شرکاء کاشکریہ ادا کیا،وزیر اعلیٰ مریم نوازشریف نے پنجاب کے معاشی،جغرافیائی اور کاروباری اہمیت پر تفصیلی بریفنگ دی،چینی کمپنیوں کے نمائندوں نے وزیر اعلیٰ مریم نوازشریف کے ویژن کو سراہا،چینی کمپنیوں نے پنجاب میں نو پلاسٹک کے مہم کے آغاز کو سراہا،وزیراعلیٰ پنجاب مریم نواز کا کہنا تھا کہ پنجاب میں ماحولیات کے تحفظ کیلئے ”نو ٹو پلاسٹک“مہم شروع ہوچکی ہے۔ ماحول کو متاثر کرنے والے پلاسٹک کی خرید و فروخت اور تیاری پر پابندی عائد کررہے ہیں۔چھٹی کے باوجود چینی کمپنیوں کے حکام کی آمد ہمارے لیے بے حد حوصلہ افزاء امر ہے۔ستھراپنجاب کے تحت زیرویسٹ مشن شروع ہوچکا ہے،چینی کمپنیوں کی معاونت اور اشتراک کار کا خیر مقدم کریں گے۔ویسٹ کو قابل تجدید انرجی میں تبدیل کرنے کے پراجیکٹ شروع کررہے ہیں۔زراعت کوجدت کی راہ پر گامزن کرتے ہوئے میکانائزیشن کی جارہی ہے۔سستی بجلی کے حصول کیلئے ونڈ مل،سولر انرجی اور قابل تجدید انرجی کے ذرائع پر توجہ دی جارہی ہے۔ ایکو سسٹم میں بہتری کیلئے انڈسٹری میں اصلاحات متعارف کرائی جارہی ہے۔پنجاب میں سولر انرجی کی طلب میں مسلسل اضافہ ہورہا ہے۔ پنجاب میں سولرائزیشن کے لئے میگا پراجیکٹ کا آغاز ہوچکا ہے۔سولرائزیشن پراجیکٹ میں چینی کمپنیوں کے اشتراک کار کا خیر مقدم کریں گے۔ زراعت کے سب سیکٹر میشن مینوفیکچرنگ، فوڈ پراسیسنگ اور ہائیبرڈ بیج ڈویلپمنٹ کو اشتراک کار سے ممکن بنائیں گے۔ پنجاب میں ینگ انڈسٹریل ہیومن ریسورس کے قابل قدر اثاثے کو استعمال میں لانا چاہتے ہیں۔بائیو اور ہائیڈروجن ٹیکنالوجی کے استعمال سے رجوع کرنا چاہتے ہیں۔ آئی ٹی کے شعبے میں جدت لانا وقت کی ضرورت ہے۔پنجاب میں ای کامرس،انکیوبیٹر سنٹر،ای لرننگ میں سرمایہ کاری کو ویلکم کریں گے،نوازشریف آئی ٹی سٹی کو سٹیٹ آف دا آرٹ بنانا چاہتے ہیں،چینی کمپنیاں یہاں سرمایہ کاری کرسکتی ہیں،پاک چائنا تعلقات کے فروغ کیلئے چینی سرمایہ کاروں کا رد عمل حوصلہ افزاء ہے۔پاکستان وسطی ایشیا، مڈل ایسٹ اور دیگر ممالک کیلئے گیٹ وے کی حیثیت رکھتا ہے۔ پاکستان گلوبل ٹریڈ روٹ کا قابل قدر حصہ ہے۔ٹیلی میڈیسن ٹیکنیک کیلئے چین کے ہیلتھ سسٹم سے مستفید ہونگے۔ زراعت میں نینو ٹیکنالوجی کے ذریعے انقلاب برپا کیا جاسکتا ہے۔ پنجاب میں واٹر ایفی شنٹ اریگیشن سسٹم متعارف کرانا چاہتے ہیں۔ چین کی کمپنیوں کے لئے پنجاب میں کاروباری مواقع سے فائدہ اٹھانا کا بہترین وقت ہے۔

اسلام آباد: ہوٹل میں لڑکی کی لاش ملنے کا کیس، ملزم علی رضا گرفتار

پارلیمنٹ مشترکہ اجلاس، وزیراعظم نے ایڈوائس صدر کو بھجوا دی