Baaghi TV

Tag: پولیس

  • پشاورٹریفک پولیس کی کارروائیاں‘ تجاوزات قائم کرنے پر 315 افراد پر جرمانے عائد

    پشاورٹریفک پولیس کی کارروائیاں‘ تجاوزات قائم کرنے پر 315 افراد پر جرمانے عائد

    سٹی ٹریفک پولیس پشاور نے تجاوزات مافیا کیخلاف کارروائیاں کرتے ہوئے گزشتہ ایک ہفتے کے دوران 315 افراد گرفتار کرکے ریڑھیاں قبضے میں لے لیں۔ آئی جی پولیس اختر حیات خان کے وژن کے مطابق چیف ٹریفک آفیسر قمر حیات خان کی نگرانی میں سٹی ٹریفک پولیس پشاور کے اہلکاروں نے شہر بھر سے تجاوزات مافیا کو رضا کارانہ طور پر تجاوزات کے نقصانات بارے آگاہی دی تاہم تجاوزات مافیا کی جانب سے اس پر عملدرآمد نہیں کیا جا رہا تھا جس پر سٹی ٹریفک پولیس پشاور کے اہلکاروں کی جانب سے باچا خان چوک, حیات آباد, خوشحال بازاراور نمک منڈی روڈ پر کارروائیاں کی گئیں اور 315 افراد کو گرفتار کرکے ریڑھیاں قبضے میں لے لیں اور ان پر جرمانے بھی عائد کئے۔اسی طرح کینٹ سیکٹر میں بلور پلازے کے سامنے‘ خوشحال بازار اور نمک منڈی میں نو پارکنگ زون میں موٹر سائیکلیں کھڑی کرنے پر 925 موٹر سائیکلوں کو ٹرمینل میں بند کردیا گیا۔ چیف ٹریفک آفیسر قمر حیات خان نے کہا ہے کہ سٹی ٹریفک پولیس پشاور قانونی تقاضوں کو پورا کرتے ہوئے تجاوزات مافیا کو پہلے نوٹسز جاری کرتی ہے جبکہ اس کے بعد آپریشن کرکے تجاوزات قائم کرنے کے مرتکب افراد کو حراست جبکہ سامان کو قبضے میں لیکر ٹرمینل منتقل کردیا جاتا ہے تاکہ مالکان پر جرمانے عائد کئے جائیں۔ انہوں نے کہا کہ تجاوزات مافیا شہر کی خوبصورتی کا خاص خیال رکھتے ہوئے اپنے حدود سے تجاوز نہ کریں اور شہریوں کیلئے کسی قسم کے مشکلات پیدا کرنے سے گریز کریں۔ انہوں نے مزید کہا کہ تجاوزات کی وجہ سے شہر کی خوبصورتی متاثر ہوتی ہے جو کسی صورت قابل قبول نہیں۔ چیف ٹریفک آفیسر قمر حیات خان نے مزید کہا کہ تجاوزات قائم کرنے کے مرتکب افراد کے خلاف سخت سے سخت قانونی کارروائی عمل میں لائی جائیگی اور کسی کے ساتھ کوئی نرمی نہیں برتی جائیگی۔

  • پشاور،امام مسجد کی جانب سے بچے کے ساتھ مبینہ زیادتی

    پشاور،امام مسجد کی جانب سے بچے کے ساتھ مبینہ زیادتی

    پشاور کے علاقے پشتخرہ میں 8 سالہ بچے سےمبینہ زیادتی کا واقعہ سامنے آیا ہے۔ایف آئی آر کے مطابق امام مسجد نے بچے کو تہہ خانے میں لے جا کر زیادتی کا نشانہ بنایا۔پولیس کے مطابق ملزم امام مسجد کو گرفتار کرلیا گیا ہے جب کہ تحقیقات کی جارہی ہیں۔تاہم متاثرہ بچے نے اس سے پہلے بھی کئی دفعہ زیادتی کا نشانہ بننے کی کوشش کی ہے،

  • خیبرپختونخوا میں شروع ہونے والی پولیو مہم سیکیورٹی نہ ملنے کی وجہ سے تاخیر کا شکار

    خیبرپختونخوا میں شروع ہونے والی پولیو مہم سیکیورٹی نہ ملنے کی وجہ سے تاخیر کا شکار

    محکمہ صحت کے حکام کے مطابق پولیس کی جانب سے ڈیوٹی سے انکار کی وجہ سے آج سے شروع ہونے والی پولیو مہم تاخیر کا شکار ہو گئی ہے،
    محکمہ صحت کے حکام کے مطابق پولیو کے اس اہم ایونٹ کو غیر معینہ مدت کے لیے ملتوی کر دیا گیا ہے اور مزید کہا کہ وہ پولیو ٹیموں کو سیکیورٹی فراہم کرنے کے حوالے سے پولیس حکام سے بات چیت کر سکیں گے۔ محکمہ صحت کے حکام کا کہنا ہے کہ پولیو ٹیموں کو سیکیورٹی دینے کے بعد پولیو مہم شروع ہو جائے گا۔
    دوسری جانب پولیس حکام کا کہنا ہے کہ پولیس اپنے مطالبات کے لیے احتجاج کر رہی ہے اور انہوں نے مزید کہا کہ اس وقت پولیس کا کوئی سروس سٹرکچر نہیں ہے۔
    پولیس حکام کے مطابق ڈیوٹی پر موجود پولیس اہلکاروں کو کوئی سہولت نہیں دی گئی اور جب تک ان کے مطالبات تسلیم نہیں ہوتے وہ پولیس ٹیموں کو سیکیورٹی فراہم کرنے کا بائیکاٹ جاری رکھیں گے۔
    خیبر پختونخوا کے مختلف اضلاع میں حالیہ دنوں میں پولیس کے خلاف دہشت گردانہ حملوں میں اضافہ ہوا ہے جس میں بڑی تعداد میں پولیس اہلکار اپنی جانوں سے ہاتھ دھو بیٹھے ہیں۔
    گزشتہ روز 9 تاریخ کو بلوچستان کے دارالحکومت کوئٹہ میں نامعلوم مسلح افراد کی فائرنگ سے پولیو ٹیم کی حفاظت پر مامور دو پولیس اہلکار جاں بحق ہوگئے تھے،
    پاکستان میں پولیو کے خاتمے کے لیے اہم انسداد پولیو مہم کا آغاز اس دن سے ہوا، جس کا مقصد پانچ سال سے کم عمر کے 80 لاکھ بچوں کو پولیو کے قطرے پلانا ہے۔

  • بابر اعوان کے گھر پولیس کا چھاپہ

    بابر اعوان کے گھر پولیس کا چھاپہ

    پاکستان تحریک انصاف کے مرکزی رہنما ڈاکٹر بابر اعوان کے گھر پولیس نے چھاپہ مارا ہے،

    پی ٹی آئی رہنما بابر اعوان گھر پر موجود نہیں تھے،پولیس نے گھر کی تلاشی لی اور ناکام واپس چلی گئی، ڈاکٹر بابر اعوان نے آئی جی اسلام آباد سے تحقیقات کا مطالبہ کردیا اور کہا کہ اگر تحقیقات نہ کیں تو قانونی کاروائی کا سامنا کرنا پڑے گا میری فیملی کا سیاست سے کوئی تعلق نہیں ، پولیس والوں کے چہرے اور گاڑی کا نمبر سی سی ٹی وی کیمرے کے زریعے دیکھا جاسکتا ہے،

    صدر پاکستان تحریک انصاف اسلام آباد علی نواز اعوان نے بھی پولیس کی جانب سے ڈاکٹر بابر اعوان کے گھر چھاپہ مارنے کی شدید مزمت کی ہے،

    سینئر صحافی و اینکر پرسن سلیم صافی کہتے ہیں کہ گھروں پرچھاپے اورچادروچاردیواری کے تحفظ کو پامال کرنا قابل مذمت ہے۔یہ سلسلہ ختم ہونا چاہئے لیکن حکومت اورایجنسیوں کے ساتھ ساتھ اسکے ذمہ دار خودپی ٹی آئی کے لیڈران بھی ہیں۔ گرفتاری سے چھپ کروہ اپنے گھروں کی بے عزتی کروانے کے خود بھی ذمہ دارہیں۔ گرفتاری دیں گے توگھروں پر چھاپے بھی نہیں پڑیں گے۔

    پاکستان بار کونسل کی ایڈوکیٹ بابر اعوان کی بیٹی کے گھر پولیس چھاپے کی مذمت

    پاکستان بار کونسل کی جانب سے جاری اعلامیہ میں کہا گیا ہے کہ آئی جی اسلام آباد واقعہ کی انکوائری کرا کے ملوث اہلکاروں کیخلاف کاروائی کا حکم دیں،اسلام آباد پولیس نے گزشتہ رات بابر اعوان کی بیٹی کے گھر غیر قانونی چھاپہ مارا،
    بغیر سرچ وارنٹ چھاپہ مار کر چادر اور چار دیواری کا تقدس پامال کیا گیا،ایک وکیل کیخلاف پولیس کے ایسے اقدام پر پاکستان بار صرف نظر نہیں کر سکتی پاکستان بار کونسل بابر اعوان اور ان کے خاندان کیساتھ کھڑی ہے

    جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

    اعظم سواتی مشکل میں پھنس گئے، حکومت کا ایک اور ایکشن

    پورے راستے مجھ پر تشدد کیا گیا، میری ویڈیوز بنائی گئیں،اعظم سواتی

    نازیبا ویڈیو کی تحقیقات،اعظم سواتی کمیٹی میں پیش نہ ہوئے،ایف آئی اے نے بتائی حقیقت

    اسلام آباد:اعظم خان سواتی نے سپاہی سےسینیٹرتک کا سفرکس طرح‌ طے کیا؟

     تحریک انصاف کے سینیٹر اعظم سواتی کو گرفتار کر لیا گیا

  • موٹر سائیکل چور گینگ گرفتار،8 موٹر سائیکلیں برآمد

    موٹر سائیکل چور گینگ گرفتار،8 موٹر سائیکلیں برآمد

    قصور
    موٹر سائیکل چور گینگ گرفتار،لاکھوں روپیہ کی چوری شدہ موٹر سائیکلیں برآمد

    تفصیلات کے مطابق تھانہ سٹی پتوکی کی کاروائی میں موٹر سائیکل چور گینگ کا سرغنہ دو ساتھیوں سمیت گرفتار ہوا ہے جس کے قبضہ سے چوری شدہ 8 موٹر سائیکلیں برآمد ہوئی ہیں
    گرفتار ملزمان اشفاق عرف شانی سکنہ سرائے مغل تحصیل پتوکی نے موٹر سائیکل چور گینگ بنا رکھا ہے جو کہ ضلع بھر میں موٹر سائیکلیں چوری کرتا ہے
    گرفتار ملزمان سے مزید تفتیش کی جا رہی ہے

  • چارسدہ،خاتون کی بوری بند لاش برآمد

    چارسدہ،خاتون کی بوری بند لاش برآمد

    چارسدہ کے تحصیل شبقدر میں مبینہ طور پر قتل ہونے والی خاتون کی بوری بند لاش برآمد ہوئی ہے۔تھانہ سرو شبقدر پولیس کے مطابق مقتولہ کے بھائی سراج نے رپورٹ درج کرتے ہوئے بتایا کہ ان کی 14 سالہ بہن سمیرا کی دو ہفتے قبل ناصر نامی جوان سے شادی ہوئی تھی، شادی کی 4 روز بعد ان کی بہن کو قتل کر دیا گیا اور ان کی لاش کو بوری میں بند کرکے دریائے کابل میں پھینک دیا گیا۔

    تھانہ سرو کے ایس ایچ آصف خان نے بتایا کہ تفتیش کے دوران یہ بات سامنے آئی ہے کہ سمیرا اور ناصر نے پسند کی شادی کی تھی جس کی وجہ سے یہ واقعہ پیش آیا۔ ان کا کہنا ہے کہ واقعہ سے قبل مقتولہ کے شوہر ناصر نے تھانے میں اپنی بیوی کی گمشدگی کی رپورٹ درج کرائی تھی جس کے بعد پولیس نے لڑکی کی تلاش شروع کر دی تھی۔ایس ایچ او کے مطابق لاش ملنے کے بعد مقتولہ کے بھائی سراج نے ناصر کے خلاف قتل کا مقدمہ درج کیا ہے مگر تاحال کوئی گرفتاری عمل میں نہیں لائی گی۔

  • شمالی وزیرستان میں ایڈیشنل ڈپٹی کمشنر پر قاتلانہ حملہ

    شمالی وزیرستان میں ایڈیشنل ڈپٹی کمشنر پر قاتلانہ حملہ

    شمالی وزیرستان ایڈیشنل ڈپٹی کمشنر ریلیف قیصر کنڈی کی گاڑی پر نامعلوم افراد نے حملہ کیا ، ذرائع کے مطابق حملہ رزمک کے مہاجر بازار میں کیا گیا، حملے میں قیصر کنڈی زخمی ہو گئے ہے جنکو فوری طور پر قریبی ہسپتال منتقل کر دیا گیا ذرائع نے بتایا کہ گاڑی میں سوار ان کا بیٹا اور سکواڈ محفوظ رہا، ہسپتال ذرائع نے یہ بھی بتایا
    ایڈیشنل ڈپٹی کمشنر کی حالت خطرے سے باہر ہے،

  • پاکستان انگلینڈ کرکٹ میچ،کلکتہ پولیس نے میچ کا شیڈول تبدیل کی درخواست دیدی

    پاکستان انگلینڈ کرکٹ میچ،کلکتہ پولیس نے میچ کا شیڈول تبدیل کی درخواست دیدی

    کلکتہ: بھارت میں ہونے والے پاکستان انگلینڈ کرکٹ میچ کیلئے بھارتی سکیورٹی ادارے سکیورٹی فراہم کرنے کیلئے پریشان ہوگئے۔

    باغی ٹی وی : بھارتی میڈیا کے مطابق پاکستان اور انگلینڈ کے درمیان کرکٹ میچ 12 نومبر کو کلکتہ شیڈول ہےکلکتہ پولیس کا کہنا ہے کہ 12 نومبر کو کالی پوجا کی وجہ سے میچ کیلئے سکیورٹی فراہم کرنے میں مسئلہ ہوگا اس لیے میچ کو ری شیڈول کیا جائےاس حوالے سے کلکتہ پولیس نےکرکٹ ایسوسی ایشن بنگال سے رابطہ بھی کیا ہے،کرکٹ ایسوسی ایشن آف بنگال کےصدرکا کہنا ہے کہ ہمیں میچ ری شیڈول کرنے کے بارے میں باضابطہ طور پر نہیں کہا گیا۔

    اس حوالے سے کرکٹ ایسوسی ایشن آف بنگال نے آج بی سی سی آئی سے درخواست کی ہے کرکٹ ایسوسی ایشن آف بنگال نے میچ ایک روز قبل 11 اکتوبر کو کرانے کی سفارش کی ہے، بی سی سی آئی انٹر نیشنل کرکٹ کونسل سے مشاورت کے بعد فیصلہ کرےگا۔

    ورلڈکپ2023: ٹیموں کو میگا ایونٹ شروع ہونے سے قبل بڑا ریلیف

    دوسری جانب ذرائع کے مطابق اگر کرکٹ ایسوسی ایشن آف بنگال کی بات مان لی گئی تو میچ ایک روز قبل کردیا جائےگا اور 11 نومبر کو ورلڈکپ میں ڈبل ہیڈر کھیلا جائے گا اور آئی سی سی ورلڈ کپ کا تبدیل شدہ شیڈول منگل تک جاری کرے گا۔

    واضح رہے کہ احمد آباد پولیس نے بھی نوراتری کی وجہ سے 15 اکتوبر کو پاک بھارت میچ میں سکیورٹی سے معذرت کی تھی-

    پی ایس ایل کے چئیر مین کا فٹبال ٹیم سپورٹ کرنے کا اعلان

  • مردان، نامعلوم ملزمان کی فائرنگ سے ایک شخص جاں بحق

    مردان، نامعلوم ملزمان کی فائرنگ سے ایک شخص جاں بحق

    ضلع مردان لوند خوڑ کے علاقے عمرآباد میں فائرنگ کے نتیجے میں تاج محمد نامی شخص جاں بحق ہو گیا ہے، ۔ریسکیو حکام کے مطابق گولی لگنے سے 32 سالہ تاج محمد جانبحق ہو گیا، ریسکیو حکام نے ،طابق اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔ ریسکیو1122 میڈیکل ٹیم نے جانبحق شخص کو ٹی ایچ کیو ہسپتال منتقل کر دیا۔مقدمہ نامعلوم افراد کے خلاف درج کر لیا گیا،

  • عمران خان کو گرفتار کر لیا گیا

    عمران خان کو گرفتار کر لیا گیا

    عمران خان کو گرفتار کر لیا گیا

    چیئرمین تحریک انصاف عمران خان کو پولیس براستہ سڑک لے کر اسلام آباد روانہ ہو گئی ، موسم خراب ہونے کے سبب سابق وزیراعظم عمران خان کو بذریعہ موٹروے اسلام آباد منتقل کرنے کا فیصلہ کیا گیا ، اس سے پہلے ان کو ایئرپورٹ لے جایا گیا تھا جہاں اسلام آباد لے جانے کیلئے ہیلی کاپٹر پر لے جانے کی تیاریاں کی گئی تھیں تا ہم موسم کی خرابی کی وجہ سے عمران خان کو بذریعہ موٹروے اسلام آباد منتقل کیا جا رہا ہے،، اس موقع پر سکیورٹی کے سخت انتظامات کئے گئے ہیں۔

    پولیس عمران خان کو آدھا گھنٹہ میں گرفتار کرکے کوٹ لکھپت جیل پہنچی وہاں سے عمران خان کو ایئر پورٹْ لایا گیا تا کہ انہیں اسلام آباد منتقل کیا جا سکے، عمران خان کو سخت سیکورٹی میں جیل لے جایاگیا، پولیس کی بھاری نفری ہمراہ ہے، عمران خان کی گرفتاری عدالتی فیصلے کے 20 منٹ بعد ہو گئی، عمران خان نے گرفتاری کے لئے کسی قسم کی مزاحمت نہیں کی،عمران خان کو لاہور پولیس نے جب زمان پارک سے گرفتار کیا تو پولیس اتنی جلدی میں تھی کہ انہیں کوئی سامان ساتھ رکھنے نہیں دیا گیا تاہم جب انہیں اسلام آباد ہیلی کاپٹر کے ذریعے منتقل کرنے کا فیصلہ کیا گیا تو انہیں لاہور کے پرانے ایئرپورٹ منتقل کیا گیا عمران خان نے وہاں انتظار کے دوران گھر سے کپڑے اور قرآن پاک منگوایا دیگر سامان میں کتابیں، شیونگ کٹ سمیت ضروری اشیا بھی طلب کیں.

    گرفتاری کے بعد عمران خان کی تصویر
    گرفتاری کے بعد عمران خان کی تصویر

    چیئرمین پاکستان تحریک انصاف عمران خان کی جانب سے ٹویٹر پر جاری ایک ویڈیو پیغام میں کہا گیا ہے کہمیری گرفتاری متوقّع تھی چنانچہ میں نے یہ پیغام اپنی گرفتاری سے قبل ریکارڈ کروایا۔ یہ لندن پلان پر عملدرآمد کی جانب ایک اور قدم ہے مگر میں چاہتا ہوں کہ میرے کارکنان پرامن، ثابت قدم اور مضبوط رہیں۔ ہم رب العزّت کے سوا کسی کے سامنے نہیں جھکتے جو ”الحق“ ہے۔ لاالٰہ الّا اللہ ہی ہمارا ایمان ہے۔

    نگران وزیر اطلاعات پنجاب عامر میر کا کہنا ہے کہ عمران خان کو اسلام آباد بھیجا جا رہا ہے۔ جیل کا انتخاب آئی جی اسلام آباد کریں گے،

    ترجمان پی ٹی آئی نے تصدیق کی ہے کہ چیئرمین پاکستان تحریکِ انصاف عمران خان کو زمان پارک سے گرفتار کر لیا گیا۔ شاہ محمود قریشی نےگرفتاری کی تصدیق کر دی، عمران خان کی گرفتاری کے بعد اب شاہ محمود قریشی تحریک انصاف کے معاملات دیکھیں گے،

    چیئرمین تحریک انصاف کی گرفتاری کے بعد ممکنہ احتجاج کے پیش نظر شہر میں سیکورٹی ہائے الرٹ کر دی گئی ہے،

    سینئر صحافی و اینکر پرسن مبشر لقمان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ عمران خان کی گرفتاری کے لیے زمان پارک کو چاروں اطراف سے سیل کر دیا گیا۔ عمران خان کی بہنوں نے تصدیق کی ہے کہ عمران خان کو گرفتار کر لیا گیا ہے۔

    ایک اور ٹویٹ میں مبشر لقمان کا کہنا تھا کہ پولیس کو توقع ہے کہ تحریک انصاف کے کچھ دیگر رہنما بھی زمان پارک میں چھپے ہوئے ہیں دیکھتے ہیں ان کو بھی ڈھونڈتے ہیں یا نہیں؟

    چیئرمین تحریک انصاف عمران خان کو سزا سنائے جانے کے بعد پولیس کی بھاری نفری عمران خان کی رہائشگاہ زمان پارک پہنچی زمان پارک کی اطراف کی سڑکوں کو بند کیا گیا، پولیس نے مال سے دھرم پورہ جانے والے کینال روڈ کو ٹریفک کے لیے بند کر دیا تھاایس پی سول لائن حسن جاوید بھٹی بھی زمان پارک میں موجود تھے

    دوسری جانب سیینئر صحافی و اینکر حامد میر کہتے ہیں کہ ایک اور سابق وزیراعظم کو سزا سنا دی گئی آج تک کسی ڈکٹیٹر کو سزا نہیں ملی کیونکہ وزیراعظم جب حکومت نیں ہوتا ہے تو ڈکٹیٹروں کے خلاف فیصلے سنانے والے ججوں کو پاگل قرار دے دیتا ہے

    چیئرمین تحریک انصاف کو ڈسٹرکٹ اینڈ سیشن کورٹ سے سزا ،الیکشن کمیشن عدالت کے تفصیلی فیصلے کا منتظر ہے، تفصیلی فیصلہ آنے کے بعد الیکشن کمیشن کا اہم اجلاس بلایا جائے گا، چیف الیکشن کمشنر کی زیر صدارت اجلاس میں تفصیلی فیصلے کا جائزہ لیا جائے گا،تفصیلی فیصلے کی روشنی میں عمران خان کو پارٹی صدارت سے ہٹانے سے متعلق فیصلہ کیا جائے گا،

    واضح رہے کہ توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے،ملزم آج عدالت میں پیش نہیں ہیں، فیصلے کی کاپی آئی جی اسلام آباد کو عملدرآمد کیلئے بھجوائی جائے، عدالت نے چیئرمین پی ٹی آئی کے وارنٹ گرفتاری جاری کردیئے ،عدالت نے آئی جی اسلام آباد کو وارنٹ گرفتاری پر تعمیل کرانے کا حکم دے دیا،سزا یافتہ ہونے کی وجہ سے چیئرمین پی ٹی آئی 5 سال کیلئے نااہل قراردے دیئے گئے،

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

    10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

    آپ یہ کہہ رہے ہیں کہ روزانہ کی بنیاد پر جج جو کیس سن رہے ہیں وہ جانبداری ہے ؟